خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 29, 2007

Happy new year to all....


I want to wish the entire world, bloggers and my blog readers a happy new year.

This year was not so good one for me but I have achieved some great things that I have always dreamt to have.

The most important achievement was MY BLOG and I am so glad that I can reach many through it.

Let's hope we can together make this New Year be a more peaceful year for the entire world.

I ask May God make year 2008 peaceful, Joyful and healthy for everyone.

May the people of Iraq, Palestine, Afghanistan, Sudan, Africa, and people all over the world have a better life this year.

May the world resort to peace not war. May God helps the sick, needy, and troubled.

I celebrate the New Year with some friends always in Giza near the river Nile and four seasons Hotel, I like this place so much in the midnight of New Year, and also I go to Azhar Park.


My personal new year's wishes for me:

Catch up with old friends

Be a better person

Do a lot of volunteer work

Spend less time talking in Phone

Make a lot of Digital photography

Travel to Germany

Spend more time with family; they complain that I spend too much time by the Computer and Friends
Make more money



... أصدقائى المصريين والعرب فى كل مكان

أود أن انتهز فرصة عيد الميلاد المجيد والعام الميلادى الجديد

وأهنى شعب مصر وشعوب العالم

واتمنى أن يتحلى العالم بأجمل ما فى دعوة السيد المسيح .. الحب والتسامح

أن يحل السلام فى كل أرجاء العالم

وأن ينتهى الظلم والقتل فى فلسطين والعراق والسودان والشيشان وكل البلاد المنكوبة


سنة أولى تدوين

من أهم معالم عام 2007 هى إنشاء المدونة
والتعارف من خلالها على أصدقاء وأخوات لم تلدهم أمى
باللإضافة الى إشباع الاهتمامات والكتابة الصحفية لدي
كما ان لقاءاتى مع الاصدقاء المدونين كانت من اللحظات المضيئة فى العام المنقضى



خطوة عزيزة
من العلامات المضيئة فى عام 2007 بالنسبة لى الاسبوع الذى تضمن زيارة اصدقائى من ألمانيا خلال أسبوع العيد الصغنن وزرنا خلالها اهم معالم القاهرة السياحية والدينية مثل الاهرامات وقلعة صلاح الدين الايوبى وجوامع وكنايس وغيرة

أمنياتى لمصر فى العام الجديد

أن يكون حكم مصر فى يد مجموعة من شرفاء هذا الوطن
فى كافة المجالات والتخصصات

أن تأتلف كل قوى المعارضة لحكم مصر
ويصبح لدينا مجلس شعب حقيقيا وإنتخابات حقيقة وأحزاب حقيقة

أن تعود روح الوطنية والاندماج للمصريين بعيدا عن التعصب القبلى والطائفى

أن أجد أجهزة معلمية دقيقة وأجهزة كمبيوتر وريسيفارات

وكاميرات ديجيتال مكتوب عليها بخط كبير صنع فى مصر

أن يوجد ما يسمى بــ الإتحاد العربى على غرار الإتحاد الأوروبى
متفقين فى اللغة والدين والجغرافيا والتاريخ ايضا فماذا ننتظر؟؟



إنتظرونا فى عام 2008 إن شاء الله


تغطية أهم المناسبات والإحتفالات التى تهم المصريين والعرب والعالم

تغطية والتعليق أهم الأحداث والندوات بالإضافة الى التضامن مع مجموعة من الحمالات الهادفة مثل حمال الشريف / جمال طه ضد نظام الكفالة فى السعودية وغيرها

المساهمة فى نشر الثقافة الإسلامية من خلال إثراء المدونة بنقل مجموعة من المقالات الدينية المختارة الشيقة مع الإشارة لمصادرها

المساهمة فى نشر الثقافة التدوينية بتخصيص صفحة تتضمن كيفية إنشاء المدونات وتوفير الأدوات والأكواد لتطوير المدونة ، بالإضافة الى دعوة الاصدقاء الغير مدونين لإنشاء المدونات الخاصة بهم

عمل معرض للتصوير الرقمى يتضمن أهم الصور التى إلتقطها لمعالم وأماكن فى مصر

إستكمال سلسلة مقالات " كلام العيال البلوجرية " التى تهدف الى تسليط الضوء على المدونات الهادفة وأهم أقوال وإنجازات المدونين

أصدقائى إنتخبو خالو آآآ .. قصدى انتظرونا فى العام الجديد

And...
How do you feel about the New Year?
Are you optimistic or pessimistic?
What are your New Year's Wishes?

Happy new year to all....
Wish you all the best in the upcoming year.

Dec 25, 2007

بوست حِرِش.. لهضم اللحمة

أما بعد

فإن أكل اللحمة يحتاج لأكلة حرشة بعدها

كما إن العيديات الكتيرة والبذخ تفسد الأخلاق

فإليكم هذا البوست الحِرِش بالزيت الحار والليمون


ويضم ثلات موضــوعات سريعة
.
.
الموضـــوع الأول .... لقاء حِرِش

لقاء المدونين فى العيد

وكان لقاء أكثر من رائع


تقابلت فيه مع مجموعة من الأصدقاء المدونين


هم– فى رائى الشخصى – من صفوة شباب مصر


المثقف والمتحمس والمحترم وخفيف الدم


وكان اللقاء فى قهوة البورصــة

: المجموعة هى


شمس الزناتى
مــدونة مصرى للنهاية




أحمد الجيزاوى
مدونة بحبك يا مصر




محمد فوزى - نوشّا
مدونة أنا مش معاهم بالإشتراك مع شمس



أحمد مفرح الصعيدى
مدونة أبو مفراح



محمد جمال
مدونة نضال فلسطين



محمود اليعقوبى
احمد يحيى الجعفرى
مدونة الفـــاتح اليعقــــــوبى


أحمد الصباغ
:)
أنا

بالأضافة لأثنين من اصدقائنا غير المدونين هم
مــدحت


عمرو



وكان اللقاء مفيدا وشيقا وتم النقاش فى عده موضوعات منها

موضوع العمل الجماعى وإماكنية مشاركة فئات فكرية مختلفة فى عمل واحد

التضامن من أجل إلغاء العمل بنظام الكفالة فى المملكة العربية السعودية

وهو النظام سئ السمعة يتسبب فى انتهاك حقوق الأجانب المقيمين فى المملكة

والتضامن مع الشريف / جمال طه فى قضيتة



الموضوع الثانى : مقال حِرِش


مقال فوكاهى عجبنى أوى بأهدية لكل أصدقائى الزملكاوية

وخاصة صديقى الزملكاوى اللدود / سامح فــوزى

إضغط هنا
أنواع الزملكاوية

بمناسبة خروج السيد المستشار المحترم

المبجل الفاضل الأسير المظلوم ياعينى / مرتضى منصور

من السجن - ينقطع لسانى- قصدى من الأسر

اللى ياعينى اتسجن قصدى اتأسر ظلما وعدوانا


مع انه لا شتم خلق الله كلهم

ولا اتصور وهو بيسب الــــد ... الجماهير ولا حاجة ابدا

وكل قضيتة الدفاع عن المقدسات


وعن قضايا الوطن وكل ما هو جاد وهادف

وهو القدوة الحسنة والمثل الأعلى فى الأخلاق الرياضية لكل للشباب جيل الطلائع



الموضوع الثالت : دعوة حٍرشة

دعوة مصريون ضد التعذيب

الإجتماع الموسع الشهري

يوم الخميس الموافق 27/12/2007 الساعة الخامسة مساءا

بنقابة المحامين شارع رميسيس

وإن شاء الله انا هكون موجــــود انا وصديقى محمد –
مهندس مصرى


وإلى لقاء مع إحتفالات العام الجـــديد


كل عام وأنتم بخير،،،


أحمد الصبـاغ

Dec 14, 2007

العـيد الأضـحى المــبارك

أصدقائى وأحبابى
هناك بعض الناس من لا يرون اللحمة الا فى عيد الأضحى
ويطلقون عليه عيد اللحمة
وهناك بعض الناس من يمثل لهم العيد إجازة
يستريحون فيها من عناء العمل
ويقضون الوقت الأكبر فى عملية تعرف .. بالأنتخة
وناس تانية العيد بالنسبة لهم يعنى الحدائق والمتنزهات
يعنى فسح وخروجات وكورنيش النيل

العيد الخالو أحمدى
أما العيد بالنسبة لى فيعنى المخاليل وكتاكيت العيلة
ويعنى الكشرى ومسدسات الميه
(اللى بتغرقنى طبعا مش اللى بلعب بيها)
ويعنى لى جنينة الحيوانات والفسطاط والقلعة
ومسرحيات رية وسكينة
وشاهد ماشفش حاجة وعش المجانين
ويعنى زيارة الجدة والأعمام
والخيلان والاقارب
فى ذكرى تاريخية لا تتكرر كثيرا طوال العام
العيد فرصة جميلة للتقارب والمحبة والصفاء
العيد معنى أكثر من مجرد لحمة وأنتخة
العيد فرصة لقطة لصلة الرحم وود الاصدقاء
العــــيدية
بالنسبة لفئة معينة من البشر
ومنهم المخاليل طبعا
:) وبعض الاصدقاء المدونين
اللى جم هنا طمعا فى العيدية
فإن العيد يعنى لهم بالطبع عيدية
وبما إنى خالو فنجرى واللى فى جيبى مش ليا

فإليكم العيديات الكبرى
للمخـــــاليل

للمدونين أقل من سنتين

للمدونين أقل من سنتين وشهرين


للمدونين أقل من سنتين وشهرين ونص

أنا سامع واحد بيقول
إيه الخالو البخيل ده ؟
شايفك ياللى بتتكلم
لسه بقى عيديات المدونين الكبار
فوق التلات سنين وحتى مائة عام


والعيدية دى بقى لأصدقائى حول العالم


المخــــاليل فى العيد

ويمثل العيد الكبير ثانى أكبر تجمع مخاليلى
حيث تؤتى بالمسدسات والعرايس والكور والبلالين
ويتجمع فى بيتنا كل مخلول ومخلولة من كل فج عميق
وأبدو كما لو كنت قاعد فى مورستان
ويبدأ مهرجان العض والصويت والزيطة
ولا يسلم الأمر من بعض الحوادث
دلق شاى
أو شنكلة وبطحة فى النافوخ يعقبها عاااااا
المهم ينقضى العيد
وأشعر بان دماغى فى حجم كوكب المريخ
ولكن يبقى العيد ذكرى من أجمل ذكريات العمر

وذكــرى مؤلمة

وبما أن لحظات الفرح لابد ان يتخللها لحظات أليمة
فسنظل نتذكر اللحظات المؤسفة العيد الكبير الماضى
عندما طالعتنا الفضائيات صبيحة أول ايام العيد
بإعدام صدام حسين
وبغض النظر عن أى اعتبارات سياسية
فقد تألمت كثير جموع الشعب العربى والمسلم
يااااارب

أعد علينا وعلى أمتنا الاسلامية والعربية

عيد الاضحى المبارك
بالخير والاتحاد والقوة والرجوع الى الرشد
يااااارب

إن غيرنا من الأمم قد نبذ الشقاق وتطلع إلى المستقبل
فى ظل الاتحاد والاعداد للسبق والتفوق
وأمتنا قد صارت فى سابع نومة
اللهم أوقظ أمتنا إلى فجر التقدم
والتفوق واليد العليا
ياااارب
اجعل العيد مباركا على أهلنا واصدقائنا
وأمهاتنا وأخواننا
وكل المسلمين فى كل مكان فى العالم

وكل عام وحضراتكم بخير

أحمد الصباغ

Dec 12, 2007

كان فى صبى صغير ابن الجيران

إعـــــــادة

إهـــــداء
الى الاستاذ أحمد على
يومــيات عــيل مصـرى
تعليقاَ على
عجلة دايرة

كان فى صبى صغير ابن الجيران
كان صاحبى وانا صغير
قبل الزمان ما يتغير
ويغيرنا الزمان
كنا نفرح سوا
ونغنى سوا
ونطير فى الهوا
والهوا فرحان
كان فى صبى صغير ابن الجيران
كنا نقعد انا وهوة بين الشجر
ينزل علينا المطر
نغنى للمطر
يجى علينا الليل نغنى للقمر
كان نهارنا فى اللعب وليلنا فى السهر
وضحكتنا نسياها الاحزان
كان فى صبى صغير ابن الجيران
كنت والصبى فوق السطح على طول
نعمل غديوة سوا من العيش والفول
ونندة للجدة تقعد تحكيلنا وتقول
حكايات جميلة عن الغولة والغول
وعن زهرة البستان
كان فى صبى صغير ابن الجيران
وفى يوم صحيت على صوت كبير
اكبر من احلامنا وسننا بكتير
صوت عربية شايلة دولاب وسرير
وبطانية وطبقان وشوية حصير
ومستعدة للمشيان
كان فى صبى صغير ابن الجيران
وشفت امى وام الصبى بيسلموا على بعض
وابوية وابو الصبى قاعدين سوا على الارض
سألت عن اللى حصل
مالقيتش منهم رد
وطلعت عند صاحبى
مالقيتش هنا حد
والسطح فاضى مهوش مليان
كان فى صبى صغير ابن الجيران
وشفت صاحبى ودمعة كبيرة فى عينية
من شباك العربية بيشاورلى بإيدية
ومقالش ولا كلمة ولا قاللى فى اية؟
!!وأنا كنت طفل صغير ميفهمش اية حوالية
ودارت الايام.. كان فى صبى صغير ابن الجيران
معدتش انا والصبى نقعد على السطوح
ولا نيجى ما المدر سة سوا ونروح
لسة كتابنا فوق السطح مفتوح
ولسة لحد انهاردة انا قلبى مجروح
ولسة جفنى بالدمع مليان
ولسة فى قلبى كتير من الاحزان
ولسة ما بيرحمش فرحتنا الزمان
كان فى صبى صغير ابن الجيران
كان صاحبى وانا صغير
لكن ما شفتوش من زمااااااان


أحمد الصباغ

Dec 7, 2007

!!كلام العيال البلوووجرية



أصدقائى وأحبابى الاعزاء


انا بدأت التدوين فى مارس 2007


ومنذ هذا التاريخ انضميت لعالم المدونين الكبير

والحقيقة ان المجتمع البلوجرى قد أطلق لأول مرة عام 1999

الا انه لم يتخذ شكلة الحالى الا عام 2003

ثم شهد عام 2006 الصورة الحالية للتدوين

وبدأت ثورة كبرى .. هى الثورة التدوينية

واذا كان هناك عصر القنبلة الذرية وعصر السماوات المفتوحة

فأنا شخصيا أسمى هذا العصر .. عصر التدوين

و يوم بعد يوم

بدأت تتضح ملامح المجتمع التدوينى

وتتراص أفراد الأسرة التدوينية

وبدأ هذا المجتمع فى الترابط والتماسك والتواصل

بقينا نهنى بعض فى اعياد الميلاد

وفى الأفراح والمناسبات

ونعزى بعض فى حالات الوفاه

بدأنا نفهم بعض

ونتعرف على بعض اكتر

بجد يا جماعة المجتمع التدوينى ده صار مجتمع عظيم

لا يقل ابدا عن مجتمعات اخرى زى الصحافة والاعلام او الجامعات

اصبحنا أبنا ء كار واحد

اتضحت ملامحنا لبعض

تعارفنا على أفراد الأسرة التدوينية

عرفنا ان فلان عصبى وبراوى
وشايف النص الفاضى من الكوباية

وساخط على الاحوال السيئة الموجودة فى بلادنا العربية

وعلان هادى ومتكيف ومبسوط اوى وحاطط ايده فى ميه باردة وشايف النص المليان من الكوباية

وتبتان متدين وهمة الشاغل هى القضايا اللى بتمس دينة

وفلانة بيتوتية اوى ورومانسية وبتحب كل الناس وبتكتب من قلبها

وعلانة وطنية ومتحمسة للبلد

وهكذا

وانا شخصيا بدأت اعرف مجموعة كبيرة من الاصدقاء المدونين

اللى كلهم ..فعلا.. ينطبق عليهم قول

رب أخ لك لم تلده أمك

ولقيت فيهم وفى كتابتهم وتعليقاتهم

وجبات روحية يومية

!تشبع الروح الصحفية الكامنة فى معاميقى

و تملى الحياه الرتيبة الكئيبة الجافة

لقيت فيهم المرح والجدية والحماس والسخط والعمق والطفولة والحب والاخلاق النبيلة

واظن كلنا حسينا بنفس الشعور

أظن فعلا احنا بقينا أبناء كار واحد

زى النجارين والصحافين والمهندسين والدكاترة

لما تقول لدكتور .. تعرف الدكتور فلان ؟

يقولك آه مش اللى فاتح على أول الشارع اللى جنبنا

ده باطنى شاطر وكشفة بكذا وعنده ولد فى كلية كذا واخوة اسمة كذا وأمة أصلا كانت داية

وبيعمل عمليات فى مستشفى كذا

اهو انا بقيت كدة

لما تسألنى عن مدون

أقولك اه ده صاحب مدونة كذا وفى كلية كذا وغاوى ندوات او بيحب الرسم أو الشعر و كان عامل معرض فى الحتة الفولانية عشان حكالنا مرة عن المعرض ده

ويوم بعد يوم

المجتمع التدوينى بيكبر

وبنرتبط ببعض اكتر وبنفهم بعض اكتر

صحيح فى تكتلات تدوينية

لان تقريبا فى حوالى 20000 مدونة مصرية

واكيد مفيش حد قدر يزور ويحصر كل المدونات

فحصلت بعض تكتلات

ساعات ادخل مدونة جديدة الاقيها جميلة اوى عسولة خالص رغم انى عمرى ما زرتها

والاقى فيها لينكات وتعليقات من ناس ما اعرفهمش خالص

وابص الاقى الجروب ده اصحاب وانا معرفهمش وهما ما يعروفنيش

لكن اظن انا بقى ليا جروب تدوينى

سعيد وفخور انهم اصدقائى

وانا انهاردة فكرت انى اكتب عنهم

اكتب كل اسبوع بوست صغنون عن مدونة

وتبقى فقرة ثابتة بعنوان مدونة الأسبوع

وكمان انا هحط فى السايد بار بتاعى أهم أفراد الشلة الصباغية

اللى بحب ازورهم دايما وهما كمان بيجو عندى دايما

ومخلصين الشاى والأكل أول باول

وهما عارفين نفسهم واحد واحد

اصدقائى الاعزاء

ان التدوين خلق مساحة جديدة وواسعة للحرية الفكرية

وهو أعجوبة هذا العصر

ونقطة تلاقى وصداقة لكافة الشعوب والمستويات الفكرية والشعبية

تفتكروا بعد عشر سنين

هيكون التدوين وصل لفييين ؟؟




أجمل أقــــوال المدونين

يتبقى بقى انى اقول.. انى كنت بجمع أطرف أقوال المدونين اللى كانت بتعجبنى وتستوقفنى
وهديكو منها جزء فى الوريد

كلمة عبقرية هي من حرفين ... ولكنها أبلغ من ألف مقال... طظ
أشرف حمدى
من مدونة كاريكاطظ


إلى من رافقنى ويعلم سرى .. يعلم متى بكيت ..ومتى رن الفرح فى قلبى ..سمعنى ألتهج محتضرا ..ورأنى ولم يفرح لموتى ..وسحبنى من وحدتى العميقة لأعيش بينه وبين والورق إليك يا.... قلمى
طارق هلال
Arabic ID من مدونة


بحب الرسم وبحب أرسم أحلامي حتى لو كانت بـ......الرصااااااص
هايدى حسين
من مدونة إرسم بالرصاص


لا تجعل سفالة الاخرين تكشف عن سفالتك
نوران الشاملى
من مدونة بت خيخة وأى كلام


ممكن اكون عاقلة..ممكن اكون مجنونة..لكن الاكيد ان لسة قلبى حى
من مدونة شـــــهــــروزة


من الممكن أن يكون عمر مدوناتنا أطول من أعمارنا..أكتبوا شيء فى ميزان حسناتكم فربما تكون صدقة جارية
شريف عبد الهادى
من مدونة فبركــة


كون اللغة وعاء الفكر وكوني أنطق بلسان عربي غير مبين ، كوني مصري المولد والتاريخ والجذور، حيث أنطق الذال زاياً،وحيث أنطق الثاء سيناً، حيث ذلك كذلك، فإني أستميحكم عذراً إذا جاء الفكر مشوشا تارة، مشوها تارة، معتوها أحيانا، متعقلا أحياناً. بين بين أحايين أخرى _أنا عقل الفكر محبوس بين الجدارن
أسامة يس
من مدونة وميض


لا يهمني اسمك .. لا يهمني عنوانك .. لا يهمني لونك .. ولابلادك .. يهمني الإنسان
أحمد على
مدونة يوميات عيل مصرى


دايما الدنيا فى الأحلام بتبقى أحلى عشان كدة أنا هنا وكأنى فى حلم يعنى هنا هحلم على راحتى
أمـــــــيرة
من مدونة سهر الليالى


هو أنا مش أديب ولا حتي كاتب وأكيد طبعا مش شاعر....... انا أصلا ما بعرفش أكتب من الأساس بس انا بحاول اقول حاجة في قلبي وخلاص
كريم محمد
من مدونة الأصيل


ياخوفى لكون برغوتة نايمة على فروة كلب و بتحلم انها انسان
أحمد عاشور
من مدونة عاشوريات


انا شااااب خجووول جدا من ناحيه البنات وبخاف وبترعب منهم علشان هم دماغهم لاسعه احيانا وبخااااف علي كرامتي جدا وعلي اصحابي جداا جداا وغيور علي اي حد علي اختي وعلي امي وعلي ابويا وعلي اصحابي وعلي حتي زمايلي ليه ماعرفش
مصطفى محمود
من مدونة حواديت وحكاوى


دكتور لأني طبيب ان شاء اللهوحر لأني أعشق الحريه وأحبها وأكره القيد والظلم والحبس والذل وكل ما ما يجعل نفسي وروحي أسيرة لغير الله
محمد أبو زيد
مدونة دكتور حر



أغــرب المدونات

من المدونات اللى مريت عليها اللى ليها أفكار غريبة


جمال واحد وخمسين
ولعل مدونة جمال 51 من المدونات الغريبة التى مررت عليها
وجمال طه هو رجل مصرى عاش فى السعودية 13 سنة ويبدو انه ثمة مشكلة حدثت بينه وبين احد المواطنين السعودين تسببت فى فقدة لعملة أو اموالة فأنشأ هذة المدونة وخصصها لتوجيه الويل والوعيد لملوك السعودية السابق والحالى

أنا حرامى
تم إنشاءها لمواجهة مؤتمر أنا..بوليس
وقال صاحبها : لاني ضدهم مدام ... هما أنا بوليس يبقي أنا
حرامى



من أجمل التصميمات

ومن تصميمات المدونات اللى عجبتنى
قهوة زيارة
البيرونى



مسمياتى فى المدونات

الشائع عندما يود أحد الاصدقاء الاشارة الى مدونتى فإنه يستخدم اسم خالو أحمد .. أو أحمد الصباغ ..الــخ
ومن أطرف التسميات اللى أطلقها مدونين على مدونتى

أحمد الصباغ الشهير بخالو بس خالو هوه مش خالى انا ...
مدونة مخطوبة

!!!الخال ....
مدونة بلا اسم

الصباغ...أو كذا يبدو ....
مدونة يوسفيات

وأخيرا وقبل ما أختم البوست والناس تبدأ تحدف البيض والأوطة

أحب أهنئ الدكتور أيمن نور فى سجنة بيوم ميلادة

5 ديسمـبر

وكلنا منتظرين اليوم اللى نحتفل بميلادة وهو فى وسطنا

ولكل ظلم نهاية

وانتظروا المزيد من كلام العيال البلوجرية قريبا


أحمد الصباغ

Dec 6, 2007

وداعـــا دالــيا عــــز


انا لله وانا اليه راجعون

انتقلت الى رحمة الله تعالى

صاحبة مدونة بنت النيــل

وصاحبة فكرة إنشاء

إتحاد المدونين العرب

رحمها الله وصبَّر أهلها وجزاها الله خيراً عنا

تتقدم مدونة أحمد الصباغ

بأسمى أيات التعازى لكافة المدونين

ولأسرة الفقيدة

نسألكم قراءه الفاتحة

Dec 3, 2007

حد بااااااااااايع ؟؟

إعــــادة بناءاَ على طلب الجماهير

حد جاى معايا بايع ؟؟

انا راح ابيع وأسرق وأغش وأرتشى

وأقش وأنهب فى الغلابة وما اختشى

أنا راح أبيع وطنى لمحتل صايع

راح يدلعنى ويخلينى شاب مايع

حد بايع ؟

أنا راح ابيع بلدى .. خلاص ماهو بلدى ضايع

حد جاى معايا بايع ؟

أنا راح ابيع فدادين غيطان

وراح ابيع حتى المصانع

وهبيع مدارس أو مصالح

أو كنايس أو جوامع

حد جاى معايا بايع ؟؟

إخلاص خلاص .. وضمير خلاص

ووفاء ونخوة وهمبكة دى حاجات رفايع

حد جاى معايا بايع ؟؟

أنا راح ابيع وطنى لمحتل صايع

راح يهنينى فلوس وسيما وهلوسة وبنات رئايع

صدقونى مش كلام

ده انا بعت له حتى ببـــــلاش

وقبضت حـــــق بلادى كــاش

وخلصت البيعة خلاص بالليل

من غير مماطلة أو تأجيل

بقى عندى فيلات في مارينا

وشاليه على شط النخيل

وبدل الشقة الواحدة .. لأه

عندى العماير عالنيل

وولادى وزراااا

واخواتى سفراااا

ومراتى ماسكة التمويل

مش شايف حد جه عليا وقاللى بايع ؟؟

طيب خلاص

دلوقتى أبيع وأقبض لوحدى

وسايب لكم عهد الكرامة والأمانة والزمن الجميل

حد جاى معايا بايع ؟؟



أحمد الصبــاغ

يوليو 2007

Nov 30, 2007

Al-Sabbagh Funny's! 1

P a r t ( 1 )


ياترى ليه ؟؟

زى غاوى مشاكل كدة

اسم الصنف معتز

الشركة المصرية للمأكولات الشعبية

عثمان يتحدث بالانجليزية


ده زيزو بتاع الكشرى


وحدة طائفية

يابلاش


!!المرحوم


مواليد سلاح الاشارة


الشيخة ماجدة


بلاش مياصة بقى


!! بخاطرها

لو خبطت على المصعد محدش هيفتح لك ..رن الجرس

مش بيقولو حرية النشر

شوفتو الاخلاق


!! منعا لدخول الصراصير والطلاب


والكونياك ؟

زلاطيمو

!!الحاج زبالة

يووووو

ديليفرى


!! الثادس

!!شبكنا الحكومة

إكس بى ده ؟؟

!! اسحب يعنى بوش

!!مخاليل زى العسل


!!وابن ابن ابن ابن ابن مبارك

!! دكتوراه فى الكبدة

!!حد يشرب من عند الكفرة

!! استنى شوية بلاش قرف

انطلق


تصرف ذكى



أرشيف مدونة ده ؟



تكاليف خلع الملابس



يالهوى


!!! ولا على بالة


تيريرورورورو

اوعى حد يرمى زبالة



!!كولدير معيزى


ده غير ملك الكبدة ؟؟


انتو ما بتعرفوش تقرو ؟؟؟


!! بيتزااااااااااء



يارب سامح



!! محظوظة


!!طب والربع بكام

ورق بفرة


يا شجاعتك

كان زمان عصافير


بورنيطة


!! برج بوزو المائل

;) هو صاحب التوك ده يعرف ميرو ؟؟

انتظرو أجزاء أخرى
أحمد الصباغ