خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Feb 26, 2008

ملخص عام من التدوين .. لقاءات وندوات بالصور

بسم الله الرحمن الرحيم

أصدقائى وأحبابى

الشهر ده يبقى المدونة دى عمرها سنة بالتمام والكمال

وبالتحديد يوم 10 مارس

وعشان كدة هنعمل احتفالية نفرغ فيها أهم اللى تم خلال هذا العام

مجموعة من اللقاءات والندوات

مناقشة التاج

وكمان حاليا بنعد أول كتاب الكترونى
بيضم اجابات المدونين على التاج

وهيكون بمثابة استطلاع رأى المدونين فى موضوعات التاج

وكمان هكتب لكم بوست عن خلاصة اللى طلعت بيه من المدونة

وايه اللى غيّرة فيا التدوين

نبتدى الاول بمجموعة من الصور

اللى بتلخص ندوات ولقاءات حضرتها فى خلال هذا العام

بس كنت مدكنها تحت البلاطة

ونبدأ من الأحدث للأقدم
---------------
زيارة المدونين لمعرض الكتاب


دى مروة الزارع بتطلع بيتهم من على خريطة القاهرة


وده انا وانا عمال اقرا كتب ببلاش ومنشكح

مهندس مصرى مع نضال


مهندس مصرى

أنا ومهندس مصرى

دى بقى المظاهرة

غااااااادة برايد .. وحفل توقيع كتاب عايزة اتجوز

لسه عمال اقرا كتب ببلاش

انا وآبى

ببلااااااااااااش

دى بقى جولتى المنفردة فى العرض المكشوف الذى يضم سور الازبكية

--------

دى بقى صور من معرض أسيتكس


معرض الاهرام للكمبيوتر وتكنولوجيا المعلومات












----------------------------

ندوة الشعر الاحتجاجى

فى نقابة المحامين

الندوة دى كانت من أجمل الندوات اللى حضرتها فى حياتى

وكان المفروض يحضر فيها عم احمد فؤاد نجم

بس هو اعتذر

لكن كان فيها ناس عظماء جدا

مثل : دكتور عبد الوهاب المسيرى

دكتور عزيز صدقى الله يرحمة - ليا نصيب اشوفة قبل ما يموت

وكمان عبد الرحمن يوسف - واتعرفت فيها على الاستاذ على الفيل لأول مرة



دكتور عبد الوهاب المسيرى

الاستاذ على الفيل


استاذ بلال فضل

الاستاذة زينب أبو النجا


جماهير الشباب والمدونين


رجل من المعتصمون فى اعتصمامات الضرايب العقارية

شاعر


الدكتور عزيز صدقى الله يرحمة

قال :إن حل المشكلة يكمن في الامتناع عن نهب مصر، فهذه البلايين إذا انصبت في الاقتصاد المصري ستحدث ازدهاراً واطالب الحكومة المصرية برد كل قرش اتسرق للشعب


الشاعر عبد الرحمن يوسف

تغطية الندوة عن محمد الشاعر
-----------
ندوة مراجعات الجهاد
مناورة أم قطيعة حقيقية مع الإرهاب؟
بمركز القاهرة لدراسات حقوق الانسان

إضغط هنا : تغطية موقع المركز للندوة والفيديو




مع الصديق العزيز .. المدوّن : مدحت نص


مدحت نص




الكاتب محمود الزهيرى








-------------

ندوة حركة مصريين ضد التعذيب

نقابة المحامين
أنظر أيضا : تغطية الندوة عند مهندس مصرى







مع مجموعة من أصدقائى المدونين











اتمنى ان تكون الجولة والصور قد أعجبتكم

أحمد الصباغ

53 comments:

مهندس مصري said...

أخيراً يا صباغ
دا أنا كنت فقدت الأمل خلاص
و كنت ناوي أول فرصة أشوفك أتصرف في مطواة و أثبتك بيها
يا تجيب الصور يا تنشرها
أخيراً
أحمدك يارب

خمسة فضفضة said...

السلام عليكم ورحمة الله وبركاته

كل سنة وانت طيب يا احمد
وعقبال مليون سنة تدوين

الصور جميله اوي

انا كمان المدونه هاتم سنه الشهر ده بس يوم 14

اما اروح الحق اجاوب علي التاج بقي طالما خلاص هاتناقش الاجابات

سلام

alexandrany said...

سلام عليكم ورحمه الله وبركاته
خاحمد باشا
ولا اقولك خالو احمد زي مانت بتحب
على فكرة انا بقالي فترة كبيرة باشوف اسمك على طول في تعليقات الناس واقول اناهادخل اشوف احمد ومدونته بس ما حصلشي نصيب
بس الحمد لله انا جيت في مناسبة سعيده اهوه
وهو عيد ميلاد المدونه
اتبسطت جدا على فكرة لاني شوفت ناس اعرفهم ولاقيت صورهم عندك هنا
اديني فرصه بقى اشوف باقي البوستات بتاعتك
تحياتي

آفاق الحرية said...

السلام عليكم
عقبال ياعم 100 سنة تدوين
ايه قليل
خلاص ياعم خليهم مليون انا خسران حاجة
ههههههه

د/اجدع بنوته said...

هابى بيرث داى

مدونة الصباغ

هابى بيرث داى

ياجميله

هابى بيرث داى

عؤبال يارب ما تم 50سنه كده

وتجوزها وتفرح باولادها

ويارب دايما ف نجاح وف تقدم

ونايس بكتشرز

نايس بوستش

نايس بلوج م الاخر

الف مليوون عيد ميلاد سعيد ياجميلة البلوجات

همس الاحباب said...

كل سنة وانت طيب والف مبروك وعقبال المئوية بس ما اوعدكش انى اكون موجود
علشان اعلق
وعامة صور جميلة والمدونة كلها اخر لذاذة زيك كده يا صباغ
تحياتى والف مبروك

semsem said...

كل سنه وانت طيب يا احلى خالو
وعقبال يارب مليون سنه تدوين
بجد الصور جمييييييييله جدا جدا
جميله جميله يعنى

Hosam Yahia حسام يحى said...

ماشى ياباشا

عقبال الف سنه

بس انا ليا ملاحظه على الصور انته

هتقضيها قرايه ببلاش كدا كتير ولا ايه

مدونة المكتبيين بالمنوفية said...

السلام عليكم ورحمه الله وبركاته

اولا : كل سنه وانت طيب يا خالو وعقبال مائه سنه وتفضل مدونتك في تطور علطول ويفضل اسم احمد الصباغ ويعلي اكتر واكتر
ثانيا بقي : الصور بتاع اللقاءات دي والندوات جميله جدا جدا وحصريه بس عن خالو احمد يا مدكن يا خالو

ثالثا والاخير : احنا مستنين نشوف البوست اللي بتقول عليه والكتاب الالكتروني يارب يكونوا حلوين واكيد هيكونوا حلوين اوي كمان عشان احساسي بيقولي كده
وخالو احمد مش بيخيبلي احساسي ابدا
وياريت يكونوا عن قريب اوي
عشان بقي منقعدش علي اعصابنا نستني
واكيد انت قولت عنهم بتعمل اعلانات وتقول قريبا بالأسواق زي بتوع التليفزيون
العموم احنا مش ورانا حاجه ووراك وراك مش هنسيبك وادينا مستنين اهوه

EmY said...

مبروووووووك
كل سنه و انت طيب و مدون يا احلي خال

بجد يا احمد انت من اجمل الناس الي قابلتها و من اغلي الناس و اقربهم لقلبي و انت عارف اني بكدب و هاروح الناري لاني اصلا مش طايقاك

لا بجد انت عارف غلاوتك عندي

تحياتي علي الصور الجميله و مستنيه الكتاب

ميّويه said...

مبروووووك وكل سنة وانت طيب وعقبال مليوووووون سنة للمدونة
هاااه..مجبتلناش كتاب معاك؟؟

ابن حـجـر الـعـسـقـلانـى said...

ياااه ... تاريخ جميل

أرجو لك كل توفيق و تقدم يا صباغ .. فأنت شخص رائع .. غاية فى الإنسانية

تحياتى لك

آخر العنقود said...

كل سنة ومدونتك طيبة ياخالو

وعقبال يارب 100 سنة

ولا اقولك عشان اكون صريحة
عقبال 99 سنة :)

خلاص بقى بلاش طمع
ههههههههههه

تحياتى ليكى ياخال

ااااااااااه على الفكرة الصور جميلة
وواضح انك بتركز اوى فى الكتب
ماهو ابو بلاش كتر منه بقى
:)

لك احترامى وتقديرى

simple girl.. ..simple dream said...

برضه ناسينى ومش جايب سيرتى
ماااااشى
ربنا يسامحك
انا مخاصماك

سهر الليالى said...

كل سنة وانت ومدنتك فى تألق يا خالو أحمد
ويارب يحفظك ويزيدك أنت ومدونتك جمال ويرضى عنك

بجد رائع يا أحمد
والصور حلوة اوى اوى

تحياتى يا جميل

ftafeet said...

صور حلو اوى بجد
بس انا زعلانه انا مش عرفتك فى السنه دى يعنى كنت من احداثها يعنى صورتى تنزل عندك وتقول دى ياجماعه نونا اللى عرفتها السنه دى هيا كمان ماشى

وكل سنه والمدونه بخير وعبقال مليوووون سنه

هاستنى الصوره بتاعتى تنزل عايزه اتجوز بقى اوف

shimaa mahdy said...

يلا حالا بالا بالا هنوا أبو المخاليل
:)
كل سنة وأنت والمدونة طيبين وعقبال 100 سنة
كنا مستنين البوست ده من زمان، أصل أنت عملتله دعاية جامدة قبل ما تنزله
وحلوة أوى المقطوعة الموسيقية اللى أنت حاطيتها فى المدونة، هى ده بتاعة نسمة عبد العزيز عازفة الماريمبا ولا أنا بتهيألى
عمومامستنين نشوف الكتاب الإلكترونى بس ما تتأخرش علينا

الفاتح اليعقوبي said...

السلام عليكم
كل سنة وانت بخير ياااستاذي والسنة الجاية تكون عامل لها فرع في ابوزعبل او في سجن القلعة بعد نضالك الطويل وتكتب احلي تدوينات بعد صدور كم الاعدام زي الاستاذ سيد قطب اللي كتب الظلال في السجن قبل مايموت


والله الواحد بيفرح جدا بمجتمع المدونين الواحد اتعرف علي شخصيات وعلي افكار لو كان قعد سنين طويلة لم يكن ليعرفها ابدا وربنا يتقبل منك صالح عملك يارب
ومتنساش بعد سنة تجدد نيتك لله عز وجل حتي تؤجر علي عملك والا كان كالسراب
صح يا خال
صح ياعز
(رديت مكانك)
والسلام

صاحب المضيفة said...

كل سنة وانت طيب يا خال


ربنا يكرمك ويعزك ويخليك لينا يارب



تحياتي

حمادة زيدان said...

صباغ حبيبي
يا سيدي ألف مبروك وعقبال مليوووووون سنة تدوين ويبقي ذكرى المدونين بقي بعد كام مليون سنة زى ذكرى أجدادنا الفراعنة ...
وعقبال يارب لما الكتاب يتظبط
أخوك
حمادة زيدان

ra7eel said...

كل سنه وانت ومدونتك بخير

مجموعه صوره حلوة

مستنيه بقى صور النهارده لو كان فى ياريت بجد تنزلهم يصبرونى انى معرفتش اجى

تحياتى وتقديرى

النجمة الصامدة said...

أولا

كل سنة وحضرتك طيب

والمدونة بالف صحة وسلامة

:)

ثانيا

صور حلوة واحداث احلى

منتظرين باقي فقرات الاحتفال

كل سنة وانت طيب مرة تانية

حسن توفيق said...

اخى الفاضل
احمد
كل عام وانت بخير وان شاء الله تحتفل ب100سنه تدوين ويومها يقولوا عليك شيخ المدونيين

ريهام said...

سلام عليكم
والف مبروك ياخالو على النجاح الكبير اللى حققتوا مدونتك الهايله دى فى اول سنه ليها بجد ماشاء الله انت عامل فيها مجهود جبار ومدونتك تشرف بجد وواضح انها اصبحت جزء من حياتك او كل حياتك حاليا
وبجد ومش مجامله انت استاذ فى التدوين ومفيش جدال على كده
وربنا يوفقك وكل موضوعاتك هايله فى كل المجالات سواء شعر او خواطر او سياسه او ترفيه يعنى اللهم لاحسد وربنا يزيدك نقدر نقول ان مدونتك ياخالو مدونه شامله
وتحياتى ليك / ريهام

عاشقة القمر said...

كل سنة وانت والمدونة طيبين وبخير وفي تألق دائم ومستمر .. وكل سنة وانتوا معانا على طول .. وبجد صور وتغطيات للاحداث جامدة جدا .. وكل سنة وانت طيب مرة تانية وتالتة وتسعتاشر :)

Ahmed Al-Sabbagh said...

مهندس مصري

اى خدمة يا باشا

بوس ايدك شعر ودقن

ههههههه

Ahmed Al-Sabbagh said...

خمسة فضفضة

اوك يا دكتورة

شكرا على اجابة التاج

وكل سنة وانتى طيبة

Ahmed Al-Sabbagh said...

alexandrany

تمام

يعنى جيت على الجاتوة بالظبط

هههههه

Ahmed Al-Sabbagh said...

آفاق الحرية

ههههه

ايوة حاجة ببلاش كيدة

:)

Ahmed Al-Sabbagh said...

د/اجدع بنوته

شكرا يا جميل

واشمعنى خمسين يعنى

:)

Ahmed Al-Sabbagh said...

همس الاحباب

ربنا يخليك يا رب

وان شاء الله تكون موجود فى الالفية كمان

Ahmed Al-Sabbagh said...

semsem

ربنا يخليكى يارب

وما يحرمنى منك

Ahmed Al-Sabbagh said...

Hosam Yahia حسام يحى

هههههههههه

حقد بقى

Ahmed Al-Sabbagh said...

مدونة المكتبيين بالمنوفية

شكرا يا دعاء

وربنا ما يحرمنى من تعليقاتك الجميلة

ونقدك البناء دائما

Ahmed Al-Sabbagh said...

EmY

ههههههههه

ده انتى رخمة رخامة

اشكرك يا ستى على كلامك الجميل

ربنا ما يحرمنى منك

Ahmed Al-Sabbagh said...

ميّويه

ايوة كتب كتاب هدية وحتة جاتوة

:)

كل سنة وانت طيب

Ahmed Al-Sabbagh said...

ابن حـجـر الـعـسـقـلانـى

ربنا يكرمك ويعزك

اشكرك على كلامك الجميل

Ahmed Al-Sabbagh said...

آخر العنقود

ههه تسعة وتسعين

وكمان مستخسرة فيا السنة دى

عااااااااا

Ahmed Al-Sabbagh said...

simple girl.. ..simple dream

اكيد يا دكتورة شاهندا قريب هجيب سيرتك كتيييير

بس انتى ادعى بس

:)

Ahmed Al-Sabbagh said...

سهر الليالى

ربنا يخليكى يا ميرووو

وما يحرمنى من دعوتك عليا

ولا من رخامتى عليكى

:)

Ahmed Al-Sabbagh said...

ftafeet

طب ايه رأيك احط صورتك مكان البانر


؟؟

اشكرك يا نونا

Ahmed Al-Sabbagh said...

shimaa mahdy

معلش بقى يا شيماء

اصلة كان بوست جملى

Ahmed Al-Sabbagh said...

الفاتح اليعقوبي

عااااااااا

ابو زعبل

ياللا يا عم ابسط مش حارمك من حاجة

Ahmed Al-Sabbagh said...

صاحب المضيفة

ربنا يكرمك شكرا لدعوتك الجميلة

Ahmed Al-Sabbagh said...

حمادة زيدان

اهلا اهلا اهلا

بلوجشبوت كلها نورت يا باشا

Ahmed Al-Sabbagh said...

ra7eel

سلامتك يا جميل

كان نفسنا نشوفك موووووووت

انا نزلت البوست

شوفى بقى

Ahmed Al-Sabbagh said...

النجمة الصامدة

ربنا يكرمك

وحضرتك طيبة وبصحة يارب

حاضر قريبا

Ahmed Al-Sabbagh said...

حسن توفيق

ههههههه

شيخ المدونين مرة واحدة

ربنا يكرمك يا اخى

واشكرك على الزيارة الكريمة

Ahmed Al-Sabbagh said...

ريهام

والله يا ريهام مش عارف اقولك ايه على كلامك الجميل ده

انا فعلا كنت هعيط وانا بقرا كلامك

ربنا يكرمك يا رافعة معنوياتى

وكل سنة وانتى طيبة

Ahmed Al-Sabbagh said...

عاشقة القمر

ويارب انتى معانا كمان

كل سنة وانتى طيبة يارب

عبدالرحمن فارس said...

عدت سنه
عيد ميلاد سعيد لمدونتك

حلوه قوي التجميعه الي انت عاملها دي

يارب ديما بخير

لا تبتعد كثير

محبتي

Miss Dot said...

مش غريبه ان يكون 10 مارس يوم عيد ميلاد المدونه بتاعتك و ف نفس الوقت يوم انقلا ف حياتي ؟؟؟
بس الفرق انت السنه اللي فاتت انا السنه دي

ربنا يكرمك في المدونه و عقبال ميت سنه تدوين


ملحوظه لو مش فاهم الجمله الاولي
ادخل هنا:
http://nogaishere.blogspot.com/2008/03/blog-post_10.html

شكلي طولت

ياللا سلام

موجة said...

عزيزي احمد
صباح الخير
انا عشت مع الصور دي لحظات جميلة بجد
كان نفسي اكون من ضمنها
عايز بس اوضح انسان في الصورة اللي وراها لوحة كبيرة مكتوب عليها : صالون ابن رشد
الراجل الطيب اللي على في أقصى اليمين
الاستاذ الكتور عمرو حمزاوي
أستاذ العلوم السياسية المحترم اللي كان بيديني في الكلية قبل ما يسافر أمريكا و ينضم لمركز كارنيجي للسلام
احب امسي عليه و اقوله من خلال مدونتك الكريمة ، واحشنا يا دكتور ،

انا حليت التيجان و حابعتلك اللينكات بتاعتهم

خالص تحياتي
احمد