خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jan 10, 2008

أحمد الصباغ .. فى الدستووور

طلعنا فى الدستوووور
أنا والعيال البلوجرية .. طلعنا فى الدستور

وأنا فرحان ان جرنان الدستور

الجريدة المستقلة الاولى فى مصر

بتدينا الإهتمام ده كله

إلى كل أصدقائى المدونين والمدونات
إكتبوا وعبروا

سطروا بأقلامكم تاريخ مصر القادم

أنتم ضمير الأمة فى هذا العصر

أكتب شعر

وارسم كاريكاتير

واكتب خواطرك

وأكتب مذكراتك وتجاربك

كل كلمة بتتكتب فى مدونة

وكل صورة

هى شاهد على عصر وشاهد على جيل

وشاهد على أهم فترات الحياة المصرية

وتحية الى كل مدوّن ومدوّنة





نص البوست الأصلى

كلام العيال البلوجرية

المجتمع البلوجرى قد أطلق لأول مرة عام 1999 الا انه لم يتخذ شكلة الحالى الا عام 2003 ثم شهد عام 2006 الصورة الحالية للتدوين وبدأت ثورة كبرى .. هى الثورة التدوينية واذا كان هناك عصر القنبلة الذرية وعصر السماوات المفتوحة فأنا شخصيا أسمى هذا العصر .. عصر التدوين و يوم بعد يوم بدأت تتضح ملامح المجتمع التدوينى وتتراص أفراد الأسرة التدوينية وبدأ هذا المجتمع فى الترابط والتماسك والتواصل بقينا نهنى بعض فى اعياد الميلاد وفى الأفراح والمناسبات ونعزى بعض فى حالات الوفاه بدأنا نفهم بعض ونتعرف على بعض اكتر بجد يا جماعة المجتمع التدوينى ده صار مجتمع عظيم لا يقل ابدا عن مجتمعات اخرى زى الصحافة والاعلام او الجامعات اصبحنا أبناء كار واحد اتضحت ملامحنا لبعض تعارفنا على أفراد الأسرة التدوينية عرفنا ان فلان عصبى وبراوى
وشايف النص الفاضى من الكوباية وساخط على الاحوال السيئة الموجودة فى بلادنا العربية وعلان هادى ومتكيف ومبسوط اوى وحاطط ايده فى ميه باردة وشايف النص المليان من الكوباية وتبتان متدين وهمة الشاغل هى القضايا اللى بتمس دينة وفلانة بيتوتية اوى ورومانسية وبتحب كل الناس وبتكتب من قلبها وعلانة وطنية ومتحمسة للبلد وهكذا وانا شخصيا بدأت اعرف مجموعة كبيرة من الاصدقاء المدونين اللى كلهم ..فعلا.. ينطبق عليهم قول رب أخ لك لم تلده أمك ولقيت فيهم وفى كتابتهم وتعليقاتهم وجبات روحية يومية !تشبع الروح الصحفية الكامنة فى معاميقى و تملى الحياه الرتيبة الكئيبة الجافة لقيت فيهم المرح والجدية والحماس والسخط والعمق والطفولة والحب والاخلاق النبيلة واظن كلنا حسينا بنفس الشعور أظن فعلا احنا بقينا أبناء كار واحد زى النجارين والصحافين والمهندسين والدكاترة لما تقول لدكتور .. تعرف الدكتور فلان ؟ يقولك آه مش اللى فاتح على أول الشارع اللى جنبنا ده باطنى شاطر وكشفة بكذا وعنده ولد فى كلية كذا واخوة اسمة كذا وأمة أصلا كانت داية وبيعمل عمليات فى مستشفى كذا اهو انا بقيت كدة لما تسألنى عن مدون أقولك اه ده صاحب مدونة كذا وفى كلية كذا وغاوى ندوات او بيحب الرسم أو الشعر و كان عامل معرض فى الحتة الفولانية عشان حكالنا مرة عن المعرض ده
ويوم بعد يوم المجتمع التدوينى بيكبر وبنرتبط ببعض اكتر وبنفهم بعض اكتر صحيح فى تكتلات تدوينية لان تقريبا فى حوالى 20000 مدونة مصرية واكيد مفيش حد قدر يزور ويحصر كل المدونات فحصلت بعض تكتلات ساعات ادخل مدونة جديدة الاقيها جميلة اوى عسولة خالص رغم انى عمرى ما زرتها والاقى فيها لينكات وتعليقات من ناس ما اعرفهمش خالص وابص الاقى الجروب ده اصحاب وانا معرفهمش وهما ما يعروفنيش لكن اظن انا بقى ليا جروب تدوينى سعيد وفخور انهم اصدقائى وانا انهاردة فكرت انى اكتب عنهم اكتب كل اسبوع بوست صغنون عن مدونة وتبقى فقرة ثابتة بعنوان مدونة الأسبوع وكمان انا هحط فى السايد بار بتاعى أهم أفراد الشلة الصباغية اللى بحب ازورهم دايما وهما كمان بيجو عندى دايما ومخلصين الشاى والأكل أول باول وهما عارفين نفسهم واحد واحد
اصدقائى الاعزاء ان التدوين خلق مساحة جديدة وواسعة للحرية الفكرية وهو أعجوبة هذا العصر ونقطة تلاقى وصداقة لكافة الشعوب والمستويات الفكرية والشعبية تفتكروا بعد عشر سنين هيكون التدوين وصل لفييين ؟؟

أجمل أقــــوال المدونين
يتبقى بقى انى اقول.. انى كنت بجمع أطرف أقوال المدونين اللى كانت بتعجبنى وتستوقفنى وهديكو منها جزء فى الوريد كلمة عبقرية هي من حرفين ... ولكنها أبلغ من ألف مقال... طظ أشرف حمدى
من مدونة كاريكاطظ إلى من رافقنى ويعلم سرى .. يعلم متى بكيت ..ومتى رن الفرح فى قلبى ..سمعنى ألتهج محتضرا ..ورأنى ولم يفرح لموتى ..وسحبنى من وحدتى العميقة لأعيش بينه وبين والورق إليك يا.... قلمى طارق هلال Arabic ID من مدونة بحب الرسم وبحب أرسم أحلامي حتى لو كانت بـ......الرصااااااص هايدى حسين من مدونة إرسم بالرصاص لا تجعل سفالة الاخرين تكشف عن سفالتك نوران الشاملى من مدونة بت خيخة وأى كلام ممكن اكون عاقلة..ممكن اكون مجنونة..لكن الاكيد ان لسة قلبى حى من مدونة شـــــهــــروزة من الممكن أن يكون عمر مدوناتنا أطول من أعمارنا..أكتبوا شيء فى ميزان حسناتكم فربما تكون صدقة جارية شريف عبد الهادى من مدونة فبركــة كون اللغة وعاء الفكر وكوني أنطق بلسان عربي غير مبين ، كوني مصري المولد والتاريخ والجذور، حيث أنطق الذال زاياً،وحيث أنطق الثاء سيناً، حيث ذلك كذلك، فإني أستميحكم عذراً إذا جاء الفكر مشوشا تارة، مشوها تارة، معتوها أحيانا، متعقلا أحياناً. بين بين أحايين أخرى _أنا عقل الفكر محبوس بين الجدارن أسامة يس من مدونة وميض لا يهمني اسمك .. لا يهمني عنوانك .. لا يهمني لونك .. ولابلادك .. يهمني الإنسان أحمد على مدونة يوميات عيل مصرى دايما الدنيا فى الأحلام بتبقى أحلى عشان كدة أنا هنا وكأنى فى حلم يعنى هنا هحلم على راحتى أمـــــــيرة من مدونة سهر الليالى هو أنا مش أديب ولا حتي كاتب وأكيد طبعا مش شاعر....... انا أصلا ما بعرفش أكتب من الأساس بس انا بحاول اقول حاجة في قلبي وخلاص كريم محمد من مدونة الأصيل ياخوفى لكون برغوتة نايمة على فروة كلب و بتحلم انها انسان أحمد عاشور من مدونة عاشوريات انا شااااب خجووول جدا من ناحيه البنات وبخاف وبترعب منهم علشان هم دماغهم لاسعه احيانا وبخااااف علي كرامتي جدا وعلي اصحابي جداا جداا وغيور علي اي حد علي اختي وعلي امي وعلي ابويا وعلي اصحابي وعلي حتي زمايلي ليه ماعرفش مصطفى محمود من مدونة حواديت وحكاوى دكتور لأني طبيب ان شاء اللهوحر لأني أعشق الحريه وأحبها وأكره القيد والظلم والحبس والذل وكل ما ما يجعل نفسي وروحي أسيرة لغير الله محمد أبو زيد مدونة دكتور حر

!! اللهم دسترّ مدوناتنـــــــا

أحمد الصباغ

91 comments:

سهر الليالى said...

لولولولىىىىىىىىىى

يا صباغ يا جااااااااااامد
والله العظيم انت تستاهل

لان بجد بجد غير انك تستاهل لانك خالووو أحمد البوست دة كان اكتر من رائع كنت حاسه انو جامعنا كلنا وبيتكلم عننا كلنا فميرسى ليك انك اخدتنا معاك على الدستور

ويارب نشوفك منور دايما بس كان نفسى كمان يتكلمو عن كونك خالووو احمد خالنا كلنا
:)

وبجد دى دعوة تشجيعيه منك حلوة اوى ولازم فعلا ناخد بالنا من اللى بنكتبو عشان زى ما قلت احنا بنعبر عن جزء من تاريخ مصر لبعدين فلازم نكون قد المسئوليه

تحياتى يا خالووو أحمد
والف مليون مبروك

MerMaid said...

احمد

مبروووووووووووووووووووووووووك

عقبال كدة لما انا كمان ادستر زيك

-----------------
انت عسل يا احمد و تستاهل كل خير

ربنا يكرمك

Eanass Abouzeid said...

Alf Mabrouuk :D
you deserve it. 100G Mabrouk :D we ya rab dayman bekol 7'eer :D

now it is you, 3'ada "Bride" and Sherif,mmmm.... sure there are others . Congratulations for all of you :D

مستجدة said...

الحمد لله رب العالمين.....ألف مبروك والله فرحتلك بجد انت ومدونتك حاجه تشرف وربنا يزيدك من فضله وربنا يكرم كل المدونين و.....عقبالنا بس احنا لسه بدرررررررررى علينا اوى بس كفايه علينا اننا بنتواصل معاكو وبنتعلم منكو......مبرووووووووك

أنــــــا دودو said...

مبروك يااحمد..يارب دايما في تقدم
احمد انا عاوزة ادستر اشمعني انت
انا ابتديت اغير
وهبتدي ادعي زيك واقول اللهم دستر مدوناتنا
.......
الي الامام يااحمد
.....
احمد بما انك بقيت الخال رسمي كده واعلنوها في الجرايد
عاوزة اخد رأيك في اخر بوست عندي
مبرووووووووووووووووووك يااحمد

مهندس مصري said...

تستاهلها يا أحمد يا كبير و ربنا يكرمك بكل خير يارب
أنا من أوائل المهنئين ليك
:)
خليك فاكرها
و ما تنساناش بعد ما تشتهر
ههههههههههههههه

Cognition-sense said...

مبروك يا أحمد

أنا مبسوطة قوي عشان كلام البلوجرية بيوصل فعلاً

بالتوفيق

خمسة فضفضة said...

السلام عليكم ورحمة الله وبركاته

الف الف مبروك يا احمد وعقبال التايمز

عاشقه الفردوس said...

خالو احمد
مبروك والفين مبروك
ايوه كده
واحد مننا لا ومش اي واحد
ده الخال دخل الدستور

ربنا يكرمك ويعلي مراكبك
:)

aria ayumi said...

sorry for late. u had drop in my blog. thanks. happy new year. :)

appy said...

حلووووووووووو قوى والاحلى انى قابلتك بجد يا احمد انت من احلى الشخصيات اللى شوفتها احترام واخلاق مفيش بعد كده انت بجد ربنا يحميك انت واللى زيك وتستاهل كل خير

ftafeet said...

مبروك يااحمد والله فرحتلك كتير اوى خالص جداااااااا

انت تستاهل بجد كل خير

وعقبالنا احنا كمان

daktara said...

صور
درائعة
في
صورة
بالف
تابعها

only spot said...

بجد البوست كان يستاهل انه فعلا بتنشر لانه كان طالع من القلب والف مبروك وانا قريت البوست بالجريده فى عدد الاربعاء السابق وفرحت لك جداا ودايما اسمك منور صفحة مدونين ومدونات
تحياتى

عاليا حليم said...

انا سعيدة جادا بالأعتراف ده من الصحافة لأنى شفت كذا صحفى فى التليفزيون عايزين يطلعوا المدونين دول بالعافية نصابين و متغاظين أوى ان أزاى ناخد فرصتنا

ربنا يحقق لكل واحد أحلامه و اعوذ بالله من شرورهم و نحروهم

رئيس جمهوريه نفسى said...

انا كنت جاى اهنى لقيت انى انت عملت بوست على الدستره الى وصلت ليها ربنا يدسترك كمان وكمان يا خالو
تحياتى

لماضة said...

والله ودسترووووك يا خال
فرحتلك جدا ربنا العالم
وجريت ابعتتلك على الفيس بوك
قلت اكون اول المهنئين
عقبال كل دستره

CheToS said...

طول عمرك كبيييير يا زعيم والله وكل بوستاتك فى الصميم وده مش غريب عنك وإلى الأمام دوما يا زعيم ونفسى اتصفح جريده الدستور على النت مثل باقى الجرائد

صاحب المضيفة said...

مبروك يا عم على الدستور

انا شفت المقال وافتكرتك ساعتها

ربنا يوفقك ويعينك على طاعته

دمت بكل الخير

Rosa said...

اللهم دسترها و جرننها كمان و كمان
:D
بوست بجد حلو قوي
و الأجمل الي فيه طريقة تعريفك للناس المجتمع البلوجري
و بجد بجد مقال اكتر من رائع :) وخصوصا الجزء الي كتبت فيه اجزاء من كتابات المدونين
رائع و في انتظار المزيد :)

دكتور حر said...

ماشي يا عم احمد
مين قدك

أحلى حاجه بتعجبني عندك هنا انك مؤمن بالقضيه بتاعة التدوين والعيله ومصر قوي
ربنا يبارك فيك ويوفقك

يوميات عيل مصري said...

السلام عليكم
الف الف مبروك يا بو حميد، ومن زمان تستاهلها يا ريس، وكل الكلام الحلو اللي اتقال لك، شوية عليك، ويارب دائما منور كل اللي يعرفوك
ربنا يحفظك ويبارك فيك، ويجعلك دائما في العالي، وعاوزين نفرح بالعروسة بقى يا معلم

shayma said...

بجد الف الف مبروك يا احمد
خطوة حلوة وتستاهلها بجد
يلا عقبال الباقى يارب
وصوتنا فعلا يسمع ويتسمع

ربنا يكرمك يا احمد
:)))))))))))

doha said...

الف مبروك ياخالو
والله الموضوع بجد رائع جدا
عايزين الحاجة الساقعة
ايه الجو تلج
يبقى الحاجة السخنة وامرنا لله

osama said...

بالفعل انت تستحق والبوست كان رائع وفيه روح وموهبة عالية ...
ولازم اكرر شكري ليك انك وصلت كلمتي لعدد آخر من القراء
فجزاك الله خير الجزاء....

دمت بكل ود..
خالص تحياتي

بت خيخة وأى كلام said...

الف
الف الف مبرووووووووووووووووك يا ابو حميد
والله فرحتلك اوى
وطبعا هاموت من الفرحة علشان اسمى انا كمان منور فى الجرنان
هييييييييييييييييييييييه
اسمى كمان مكتوب
اسمى كمان مكتوب
اى نعم بخط صغنن ومش باين اوى
بس مكتوب برضه
مبروك يا احمد
اختك خيخة

Ali-7ob said...

مبروك ا/احمد الصباغ
وعقبال ما تعمل كتاب زى برايد
بوستاتك جامدة على فكرة ومؤثرة
على حب

مروة الزارع said...

خااااااااااااااااااااالووووو

مبروووووووووووووووووووووك

ولو ان البوست انا مكنتش فية
عاااااااااااااااااا

بس برضة مبروك يا معلم

وعقبال ما تصيتنا اكتر

يا مشرفنا وناصفنا

ياكبيييييييييييييييييييير

لولولولولىىىىىىىىىىىىىىىىى

Salma Amer said...

الف الف مبروك يا خالو انا فرحتلك من قلبي
بجد انت تستاهل كل خير والمفروض كنت تطلع من زماااااان

على فكرة عنوان الموضوع تحفة (قل لي ما هي مدونتك اقل لك ما هي شخصيتك )
وانا بقرا الموضوع حسيت بالمة والصحاب طالعين من الموضوع حاجة جميلة قوي

يلا مليوووووون مبروك مرة تانية
سلامز (:

DR.HAMAS said...

ألف ألف مبروك أستاذ أحمد الصباغ

و يا رب يكون ليك دور فى تغيير واقع مجتمعنا لأفضل

إن شاء الله


د.حمــــــاس

micheal said...

أتمني يا أحمد أن المدونات تقدر تغير أي شيء في واقعنا و إن كنت أشك بصراحه لاني دلوقتي بنظر للتدوين علي أنه منغذ للتعبير عن نفسنا بس يا مسهل
سعدت جدا بمعرفه مدونتك و بمعرفتك يا أحمد
تحياتي

السـيد شبـل said...

اكيد مجهود كويس يا احمد لكن انت مبالغ ...
خللى عندك ثقه لو كان اللى بتكتبه يستاهل ...
ايه القيمه الكبيره لظهوره ف الدستور

ايه الدستور من الاساس ... جورنال قايم على افكار ناس زىى وزيك

لاتنبهر لهذه الدرجه

عموما انا فرحان لفرحك

و كل عام وانت بخير

Omar... [ خروشات ] said...

مبروك يا احمد


منتظرين نشرك للتكتلات التدوينية من خلال 20000 مدونة مصرية و اكتر اعتقد

لا تنبهر الدستور اى نعم جورنال كبير........ و انتا موش قليل يا زعيم

نلتقى الاربعاء القادم

بت خيخة وأى كلام said...

معلش يا ابو حميد اسمحلى اخد انا الطلعة دى بدالك
كنت عايزة بس اقول للسيد شبل
هو انت غيران ولا ايه
مالك كدة بتكسى فى مجاديف الواد
ده بدل ما تقوله من قلبك مبروك
تقوم تقوله

اكيد مجهود كويس يا احمد لكن انت مبالغ ...
خللى عندك ثقه لو كان اللى بتكتبه يستاهل ...
ايه القيمه الكبيره لظهوره ف الدستور

ايه الدستور من الاساس ... جورنال قايم على افكار ناس زىى وزيك

لاتنبهر لهذه الدرجه

يعنى بزمتك انت لو كان اسمك انت اللى ظهر فى اى جرنان مافيش غير اتنين بيقروه
مش هاتفرح
ليه الغيرة الواضحة فى كلامك دى
بجد ضايقتنى انا

سلام
خيخة

shams said...

لا بجد يا خالو فرحتني مووووووت
ان احنا ممكن نعمل حاجة
على فكرة انا قريت كتباتك انما المقال الاصلي طويل اوي علية و انا في سيبر دلوقتي بس قلت اعدي اسلم عليك

Rehab Mostafa said...

جيت متأخره شويه :) معلش ... مبروووووووووووك يا خالو أحمد
بجد تستاهل كل حاجه كويسه
والله حسستني ان فيه فايده :)
ربنا يكرمك يارب

nosha said...

مبروك يا أحمد وعقبال لما يكون المدونين ليهم كيانهم الحقيقي والطبيعي اللي لازم يكون موجود
تحياتي ليك يا خالو

أحمد عبد الفتاح said...

ألف مبروك يا أستاذ أحمد
مقال جامد جدا فعلا

Omar... [ خروشات ] said...

بضم صوتى الى صوت خيخة

انا امبارح علقت مباشرة بعد الاخ شبل

و اتكسفت ارد عليه وعلى تعليقه الجاف عشان الصباغ ميزعلشى

ممكن سئوال؟ حضرتك لما بتكتب فى تعليقاتك فى دمونات الاخرين و تحط لينكات تخص مدونات فى اطار اهتمامك..... حد بيمنعك؟

حد بيكسر مأديفك؟

حد بكتب تعليق جاف... ينم عن غيرة او يترك أثر فظ فى نفوس الناس؟

لا حول ولا قوة الا بالله العلى العظيم

الاستاذ الصباغ كلمنى من شوية بس بصراحة شميت من صوته انه منزعج.......... هاكون مؤدب وااقول الصباغ يمكن منزعج شوية


و الحدق يفهم يا قوم البلوجرية

الاخ الفاضل / السيد شبل.......... رفقاً بالاخرون يا رجل... اعزك الله

برضو اخوك عمـــر،

mohammed alsha3r said...

انا قرأت المقال على فكرة ياأحمد فى الجرنال

وكنت سعيد جدا

يلا ياسيدى شد حيلك

انا هنزل بوست بمجموعه مدونين ربنا كرمهم وعملوا كتب مش مقالات

شد حيلك بقى

انت فعلا تستاهل ومدونتك جميله

بنوته مصرية said...

الف الف مليون مبروك يا احمد
انت تستاهل كل خير

ودائما مشرفنا وكبيرنا

اختك رودي

شـــــهــــروزة said...

فضحتنا يا أحمد يا صباغ خلاااص؟
خخخخخخخخخخخخخخ

مبروك يا مولانا

كنا ماشيين مستخبيين فى الحيط


خلاااااااص

أنا حأحلق دقنى وشنبى علشان أتنكر

(وش بيغمز)


==========

مكنتش متخيلة ان الجملة دى عندى رغم صغرها انها ممكن تثير اهتمام حد فعلا
أشكرك من قلبى على اهتمامك

تحياتى
ومبروك مرة تانية

==========

أستأذنك فى كلمتين حزقونى أوى وحيجرى لى حاجة لو مقولتهومش
يمكن انت عارفنى لسانى زالف شويتين


أستاذ شبل

سعيكم مشكور
وذنبكم مغفور
بس متقاطعش

قال يعنى الأخبار والأهرام اللى بيكتب فيهم هاروت وماروت
ولو نزل فيهم يبقا لبس تاج الجزيرة وشبرا و العجوزة


سديت نفسى

روح يا شيخ



ولا بلاااااش

..........

صبااغ ، انوى انت بس واحنا ننزلك فى الاذاعة والتليفزيون وروطانا والكواكب وحريتى
علشان نبقا أد المقام ويفرح لنا استاذ شبل

3ala asm masr said...

تستاهل كل خير يا احمد والله
عقبالنا يارب
ملحوظه :انا مش بحسدك
انا بقر عليك

Ahmed Al-Sabbagh said...

سهر الليالى

ميرووووووو بجد ده كتير عليا

تسلمى يارب ومتجمعين فى الخير دايما

Ahmed Al-Sabbagh said...

MerMaid

جوجوووووو

روحى الهى نشوفك متدسترة
:)

شكرا ليكى كتير

Ahmed Al-Sabbagh said...

Eanass Abouzeid

ايناااااااااس

يييس ييييس ييييس

تسلمى وربنا يخليكى

وعقبال ما نشوفك منورة كل الجرايد

Ahmed Al-Sabbagh said...

مستجدة

حناااااااان

ده انت استاذتنا

ربنا يخليكى وما يحرمنا منك

وميرسى اوى لكلامك السكر

Ahmed Al-Sabbagh said...

أنــــــا دودو

دودووووووووووووو

ميرسىىىىى اوى

انا بدعيلك بالدسترة من كل قلبى

Ahmed Al-Sabbagh said...

مهندس مصري

محمد باشاااااااااا

ربنا ما يحرمنى منك

ومتشكر اوى اوى على اتصالك واهتمامك بيا وتشجيعك الدائم

Ahmed Al-Sabbagh said...

Cognition-sense


الله يبارك فيكىىىى وانا كمان مبسوط اكتر

وربنا يوفقنا جميعاااا

Ahmed Al-Sabbagh said...

خمسة فضفضة

دكتوووووورة

تايمز مرة واحدة ؟

ربنا يكرمك يارب

Ahmed Al-Sabbagh said...

عاشقه الفردوس

ربنا يكرمك ويعزك يارب

ويجمعنا فى الخير دايما

Ahmed Al-Sabbagh said...

aria ayumi

thaaaaank you so much

happy new you to you

Ahmed Al-Sabbagh said...

appy

آآآآآآآآآآآآبى

ياربى على الكلام الجميل

والله انت شخصية جميلة اوى اوى

وربنا يديم المحبة

ويجمعنا فى الخير دايما يارب

Ahmed Al-Sabbagh said...

ftafeet

بيبىىىىىىىىى

عقبال ما تتدسترى وتتمصرى كمان
(يعنى تطلعى فى المصرى اليوم)

Ahmed Al-Sabbagh said...

daktara

شكرا للزيارة وشوفت المدونة الجديدة

ربنا يوفقك

Ahmed Al-Sabbagh said...

only spot

ربنا يكرمك يارب

انت دايما اللى منور مدونتى

Ahmed Al-Sabbagh said...

عاليا حليم

عالياااااااااا

اى خدمة

وبجد كنتى منورة الافتتاح يوم الخميس

ربنا يكرمك

ويجمعنا دايما فى الخير

Ahmed Al-Sabbagh said...

رئيس جمهوريه نفسى

هههههههههههههه

ربنا يخليك ويكرمك وما يحرمنى منك يارب

Ahmed Al-Sabbagh said...

لماضة

دكتووووووووووورة لماضة

ميرسى على التهنئة وصلتنى

ربنا ما يحرمنى منك

Ahmed Al-Sabbagh said...

CheToS

يااااارب

وانا كمان نفسى الدستور ترجع تانى على النت

ميرسىىىى ليك كتييييير

Ahmed Al-Sabbagh said...

صاحب المضيفة

ربنا يكرمك يارب

ويجمعنا دايما فى الخير

Ahmed Al-Sabbagh said...

Rosa

ههههههههههه

ويدسترك انتى كمان يارب

ربنا يخليكى يا روزا

Ahmed Al-Sabbagh said...

دكتور حر

يا دكتووور ده عمونا كلنا

وربنا يكرمك ويعزك يارب

Ahmed Al-Sabbagh said...

يوميات عيل مصري

ربنا يكرمك يا استاذ احمد يارب

واشكرك على زيارتك رغم انا عارف والله مشغولياتك ربنا يعينك
ودايما انا بقتفى اثارك وبعرف اخبارك من جواسيسى هههههههه

عشان دايما بحب اتطمن عليك من غير ما اعطلك

ربنا يكرمك ويعزك

Ahmed Al-Sabbagh said...

shayma

شيمااااااااااء

ربنا يكرمك يارب

وتدسترى انتى كمان وكل المدونين

Ahmed Al-Sabbagh said...

doha

ماشى ماشى الشاااى على النار اهووو

ربنا يكرمك يارب

وميرسى اوىىىى

Ahmed Al-Sabbagh said...

osama

ربنا يخليك يا اسامة باشا ويجمعنا فى الخير دايما

Ahmed Al-Sabbagh said...

بت خيخة وأى كلام

خييييييييييييييييييييخة

ادسترنا يا خييييخة

والناس اتفرجت علينااااا

ههههههههههههههههه

وانتى ادسترتى على حسى كمان

ربع جنيه بسرعة

بسررررررررعة

Ahmed Al-Sabbagh said...

Ali-7ob

ميرسىىىىىىىى اوى

وربنا يوفق برايد يارب

وكلنا معاها

Ahmed Al-Sabbagh said...

مروة الزارع

هههههههههههههههههههههههههه
ههههههههههههههههههههههههه

تعرفى يا مروة

اقسم بالله حسيت انى سمعت الزغروطة فى ودنى
ربنا يكرمك

وتدسترى انتى كمان قريب

Ahmed Al-Sabbagh said...

Salma Amer

الله يبااااااارك فيكى يا فندم

ومنورة مدونتى والله دايما

ربنا يكرمك

Ahmed Al-Sabbagh said...

DR.HAMAS

ربنا يكرمك يادكتور

ومتشكر اوى اوى لدعواتك

وربنا يكرمك يارب

Ahmed Al-Sabbagh said...

micheal

ليه يا بنى بس التشاؤم ده

ميرسى اوى على زيارتك

وربنا ما يحرمنا منك

Ahmed Al-Sabbagh said...

السـيد شبـل

شكرا ياباشا لزيارتك

Ahmed Al-Sabbagh said...

Omar... [ خروشات ]

ربنا يكرمك يا استاذ عمر

ده انت اللى كبير وبنتعلم منك

وطمنا عليك دايما

وعايز نتابع اخبار سفرك ورجوعك بخير ان شاء الله

Ahmed Al-Sabbagh said...

بت خيخة وأى كلام

ميرسى يا نورا على مشاعرك النبيلة

أشكرك

Ahmed Al-Sabbagh said...

shams

شموووووووووس فى مدونتى

يادى النور يا دى النور

ياباشا انا دايما ماشى فى ظل توجيهااات سعادتك

ههههههههه

ربنا يكرمك يارب

Ahmed Al-Sabbagh said...

Rehab Mostafa

رحاااااااااب

ربنا يكرمك وزيارتك عزيزة عليا فى اى وقت المدونة مدونتك

ربنا يحميكى ويكرمك

Ahmed Al-Sabbagh said...

nosha

نوششششة كمان فى مدونتى

انا مش مصدق عنيا

حمدلله على السلامة يا زعيم

وميرسى اوى اوى على تشجيعك

Ahmed Al-Sabbagh said...

أحمد عبد الفتاح

ربنا يخليك يا فندم وشكرا جدا على الزيارة

Ahmed Al-Sabbagh said...

Omar... [ خروشات ]

ربنا يكرمك يا استاذ عمر

وشكرا على خوفك وحرصك عليا

وربنا ما يحرمنى منك ابدا

Ahmed Al-Sabbagh said...

mohammed alsha3r

ربنا يكرمك يا شاعر

نورت مدونتى

وربنا يوفقك

Ahmed Al-Sabbagh said...

بنوته مصرية

روووووووووووووودى

ربنا يكرمك وما يحرمنيش منك يارب

Ahmed Al-Sabbagh said...

شـــــهــــروزة

شهروووووووووووزة

لالالالا ايه النور ده

ربنا يكرمك يارب وانا فرحان لفرحتك اوى

وانا قولت للبت خيخة هلم من كل واحد ربع جنيه انى طلعتكم

هههههههههههههههههه

ميرسىىىىىىى اوى

Ahmed Al-Sabbagh said...

3ala asm masr

هنووووووووووود

هههههههههه

وبتقرى كمان

طيب ماشى ماشى اما تخلصى امتحانات بس

هتشوفى

:)

ضـد الحكومـــة said...

الله جميل اوى والله بجد ان الدستو اهتم بموضوع المدونات دة ممكن يبقى دافع لينا للانجاز فى المدونات وانت تستاهل يا صباغ انت اسلوبك فعلا جميل وربنا يوفقك

لولا said...

الف الف مليون مبرووك يا احمد
ويارب ديما مواضيعك تنزل في الدستور

ســـــــمــــكة said...

انا الصراحة من محبي جريدة الدستور اوي..لكن بقى صعب اقراها وانا برة مصر
الف مبروك..وانا انبسطت اوي بالخبر دة لان جميل ان نلاقي حد يهتم باقلامنا وان كانت بتكتب كلام بسيط فهو فالاول والاخر تعبير عن الرأي وعن مواهب كبيرة وعقليات بإذن الله هيكون ليها تأثير كبير في بلدنا

تحياتي ومدونتك بجد جميلة

أحمد مصطفى said...

مبروك ياابوحميد والله انت تستهال
كل خير

تقبل تحياتى

أحمد

أشرف حمدي said...

ايه يا جدعان ؟
يعني اسمي ينزل في مقال بالدستور وماحدش يقول لي ؟؟؟
طب بالزمة ده كلام ؟ انا عاوز المقال ده ماليش دعوة
الاسكان بتاعه مش واضح :)
ماشي ماشي :)

ههههههه
تحياتي