خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jan 14, 2008

أنا بحبك يا مصطفى .. إفتتاح دار الكتب على الإنترنت

مصطفى الحسينى

صاحب البوابة

شاب مصرى من خيرة شباب المدونين المثقفين

وصاحب فكرة دار الكتب على الانترنت



تقريبا بيقول .. عليا الطبيخ بالطماطم
أحمد الجيزاوى .. حبيبى وحبيب المدونين


شمس المدونين .. شمس الزناتى



سيلين ديون ولا مارنين مورنو ؟؟
لأ لأ دى
آبى يا ولاد
دى طلعت مش كوكب .. دى طلعت نجمة بجد
فى شخصيتها وفكرها الراقى وقدرتها على النقاش


مع مصطفى الحسينى .. ولحظات من التهييس



مع الاستاذ وائل عباس


مع المدون الشاعر طارق هلال

مصطفى مع مجموعة من الاصدقاء


الجيزاوى مع مجموعة من الاصدقاء


وقابلت كمان مجموعة من أجمل شباب مصر

إبن ناصر


سارة .. صاحبة بلاعة الحكومة

عاليا حليم

نقطة ميه


دومة ..شاعر الاخوان


إيناس .. صاحبة الفكر السجين


نوشّة..صاحب أنا مش معاهم

وآخرين من الاصدقاء المدونين


أصدقائى وأحبائى

أدعوكم لزيارة موقع دار الكتب على الانترنت
والاستفادة من الخدمة العظيمة
التى يقدمها من أجل المساهمة فى التشجيع على القرءاه
ومتابعة الكتب والمطبوعات التى تنشر فى مصر
موقع دار الكتب
http://www.daralkotob.net/

الموقع جميل وتقدر تعمل سيرش
وتوصل لأى معلومة تخص الكتب المنشورة بسهولة

ودى مكتبة البلد اللى اتجمعنا فيها


ويارب متجمعين كدة فى الخير


تحياتى

خاااالو أحمد

32 comments:

š-σ-я-š-α-я-α-α said...

والله كان تجمع بلوجرى تدوينى هاااايل..قال يعنى الكلمة مختلفة عن التانية:)

لا بس فعلا انا استمتعت جدا باليوم دا على الرغم من كعوبى اللى دابو على ماوصلت للمكان وهذا بفضل توجيهات اخوانا المصرييين اللى مشونى لااااخر الشااارع والمكتبه اساسا كانت على شمالى بس عاملين تمويه عشان اللى حابب يروح المكتبه مدخلينها جوا المبنى فى الدور التانى لزم:)

وانا امشى امشى وكل ماشوف حاجة كبيييرة وقدامها نور اقول يمكن تكون هى والاقى فى الااااخر سراااب ناتج عن زغللة فكعوب رجلى:)

بس والله فرحت اوى لما وجدت المكان اخيرااا وكمان وصلت هناك اون تايم:)

معلش رغيت كتير بس بجد من سعادتى انى كنت مشاركة فى الحفل الجميل دا
حبيت اقول عن رحلتى اللى قطعتها لحد ماوصلت لمركز التجمع:)

انا كنت تايهة الاول لانه معظم اللى كانو موجودين للاسف ماكنتش اعرفهم بس الحمدلله اتعرفت على مدونين جداد وفعلا التجمعات دى جميلة اوى اننا بنعرف بعض عن قرب كمان وبنخترق حاجز الشاشة الالكترونية ونتواصل عن طريق الشاشة الحياتية:)

بس ياخالو حسستنى بتأنيب ضمير لما شفت صورتك مع استاذ طارق.. كنت عاوزة انا اللى اصورها:(

ياللا تتعوض ان شاء الله بس مايكونش فى بيبسى علشان انا بعمل نفسى صاحبة مكان وبقعد افرق عالموجودين :))

ونكتفى بهذا القدر حتى لانصاب بأى حركة غدر بيروسوليه

وسلااااام كتيييييير جداااا لكل الناس اللى كانوا موجودين

ومصطفى انت كنت منور الشاشة انا لسا متفرجة عالبرنامج

ربنا يوفقك ودايما فى تقدم وسعييييدة جدا انى اتشرفت بيك وطبعا بكل الحضور وبخااااااااااالو احمد ابو المخاليل كلهم:))

وسلااااااام

أنــــــا دودو said...

صباح الخييييييييير يااحمد
يارب تكون بخير
لا لا انا مش زعلانة عارفة انك مشغول ربنا يقويك
بس وجودك يشرفني
شكراااااا كتيييير علي ردك الجميل
ومبروك للكل علي دار الكتب
موفق يارب
دودو

غمض عينيك said...

انت كنت هناك ياعم
مش كنت تقول ياخالو
انا كنت هناك ومكنتش عارف حد
ومصطفى كان مشغوول اخر حاجة
انا قعدت شوية ومشيت علطول
حتى عاليا حليم ونبضات ملحقتهمش

تتعوض ياخالو
محمد سمير

appy said...

اممممممممممم طيب اعمل فيك ايه مش كفايه ايناس فضحتنى على الفضائيات انت كمان بس بجد كنت سعيده انى قفشتك قصدى عرفتك هههههههه لان من الشخصيات الهايله بجد ومش محتاج مدح من حد لانك اكيد عارف ان ده راى الناس كلها
وميرسى على المجاملات اللى انتى اكاتباها تحت الصورة دى يا احمد بجد كتير ربنا يبارك فيك ونتجمع تانى قريب وانشر لك صورة علىالبلوج ولا اقولك اكبرها واعملها على التنده عندى فى البيت ههههههههه

shayma said...

يا خساااارة
يلا معلش خيرها فى غيرها
والف مبروك لمصطفى وكل الناس الى معاه
تحياتى وسلاماتى يا خالو يا مخاصمنى
:)))))))

only spot said...

بجد سعيده اوى لروح المدونين الجميله مع بعضهم واتمنى انها تدوم وتدوم وتدوم
وكنت اتمنى اكون معكم
يلا تحياتى

no chance said...

السلام عليكم
ازيك يا عممى احمد اى اخبارك
من ساعة معرفت موضوع انك جيت فى الدستور واانا زعلان اوى
بقيت مشهور يا باش مهندس وهتكبر علينا يا عم وبقيت تغير كتير فى شكل المدونة
وبعد كدة ندخل نقولك نتمنى انك تزرنا فى مدوناتنا بس مش مشكلة انت تستاهل كل خير واتمنى ان مدونتك تكون مؤثرة بالايجاب على الناس اللى بيدخلوها ومتكنش بس مشهورة لان شهرة المدونة وكثرة التعليقات مش هو المطلوب مش كدة ولا اى يا عممى احمد؟
المطلوب هو مدونة تؤثر بشكل ايجابى على اللى يدخلها

طبعا انت عارف انك حبيبى وانا بقول كدة لانى بحترمك ونفسى تكون نادجح دايما


تحياتى

بت خيخة وأى كلام said...

برافو عليك يا احمد
حلو اوى التقرير ده
ويخلينى اندم
انى ماجتش واتعرفت على كل الناس الحلوة اللى كانت موجودة هناك
وهييييييييه
شوفت
appy
برافو انك صورتها
كان نفسى اوى اشوفها
شكرا على البوست ده
وشكرا كمان على اللينك بتاع دار الكتب
اختك خيخة

Arabic ID said...

يا خبر أبيــــــــــــــــــــــــــض

دا انا تخنت أوى فعلا

أنا قلت لك الكاميرا دى مش كويسة

معلش يا جماعة دى بس الهدوم انتوا عارفين البرد وكانت الدنيا بتمطر
اللى عايز يشوفنى من غير تمويه
يشيل الدقن والصلعة العيرة ويخسسنى عشرة كيلو ﻷ عشرين يا جماعة

منك لله يا كشرى

كان يوم حلو
والصورة حلوة بس متختخة
ما شى يا أحمد تتخن نفسك على حسابى

ftafeet said...

يااااااه ده شكلو كان يوم جامد جداااا
يارتنى كنت موجوده بس انت عارف بقى الامتحانات ربنا يسامحها نعمل ايه بقى حكم القوى على الضعيف
بس بجد مبروك على الافتتاح ده وربنا يوفقكوا دايما وتفضلوا كده واقفين جنب بعض وتساعدو بعض على النجاح اكتر واكتر
وبجد يااحمد الصور تحفه حسيت انى كنت موجوده هناك

مروة الزارع said...

يأختشى عليك

قمر قمر قمر قمر قمر

مش عاوز عروسة؟

ســـــــمــــكة said...

جميل الموقع انبسطت بيه اوي...وكويس ان حضرها عدد كبير كدة اتمنى انو يكون مشروع ناجح بالتوفيق
تحياتي

عصفور المدينة said...

الموقع هائل وربنا يبارك في مصطفى وفيكم جميعا

رئيس جمهوريه نفسى said...

موقع جميل جدا والف مبروك لمصطفى وربنا يتم عليه فكره بالنجاح وكل بلوجر محقق امنيته يارب

walaa said...

شكرا لك يا احمد على هذه المعلومات انا فعلا اخدت الرابط بتاع الموقع بتاع الكتب وسوف ازوره نقطة ميه دعانى الى المعرض بس الحقيقه انا سكنه فى اسكندريه ومكنش ينفع اروحه ايا ريت يعملوا حاجه زى دى هنا فى اسكندريه المره الجايه علشان الجميع يقدر يشارك
تحياتى لك ولاء

صاحب المضيفة said...

يارب متجمعين في الخير دوما

دمت بكل الود

حبة حاجات (ايمان) said...

احب ابارلكلكو على دار الكتب
ودا فعلا مشروع جميل فعلا

ويارب كل مشاريعنا واحلامنا تحقق

اهو فى بصيص من الامل

سهر الليالى said...

أنا لما اتوجهتلى الدعوة للحضور طبعا عرفت انى مش هقدر اجى طبعا لانى اسكندرانية .... بعيد يعنى
لكن كنت واثقه انك هتنقلنى معاك هناك يا صباغ كأنى كنت معاكو وفعلا فعلت

الف مبروك وربنا يجمعكو على خير دايما
ويجعلها حاجة تنفع الناس لوجه الله

بس اكيد كنت اتمنى ابقى معاكو
تحياتى يا صباغ

عاشقه الفردوس said...

اخبار مش جديده عليا
اصلي اول واحده عرفت باللي حصل
من ساره طبعا

ربنا يبارك لكم
وصور رائعه
وان شاء الله تتجمعوا في الفرح والخير

MKSARAT SAYED SAAD said...

روح جميلة فعلا بين المدونين كل يوم بتأكدها لينا انها جميلة جدا يارب الدواد يا رب
تحياتي

Shark said...

خالو أحمد ... تحياتى على مجهوداتك لتوصيل صوت أخوانك البلوجريه فى كل مكان صحرا ان كان او بستان ....متابع لكتاباتك من زمان بس معلش الرد جه متأخر وعموما ملحوقه .
أشكرك على ردك على مدونتى اللى كتبتها أقتباسا من كلمات العظيم جيفارا,اتمنى لقاء قريب مع أخوانى البلوجريه وياريت توافينى بالأخبار .

مهندس مصري said...

أولاً أخبار قديمة يا أبو حميد
ثانياً إنت بتشتغل خيخة و مهاديها بكرتونة :)
ثالثاً خلص و نزل التغطيات و ابعت لي كل صورنا المشتركة على الميل بتاعي
رابعاً عايزين زي ما اتفقنا نعمل تجمع للمدونين في معرض الكتاب استطلع لنا الأراء و حدد الزمان و المكان و كلمة السر
:)))
بسرعة يا أحمد يومك بسنة زي الحكومة

NIDAAL PAL said...

تغطية هايلة يا صباغ
و طبعاً تجمع كبير للمدونيين زى ده كنت احب انى اشارك فيه لكن للاسف حصلت خيانة و ما فى حد بلغنى
يلا مرة تانية بقى
فى امان الله و بارك الله فيك

النجم القادم said...

السلام عليكم

اول زيارة

بس مش الاخيرة

قول ان شاء الله

بجد بجد انته اكثر من رائع

ربنا يباركلك ياااااارب

وبجد نتمنى ان نجتمع على قلب رجل

واحد وان نكون اخوة على حق

انا اه اصغر منى

بس بجد بعتبرك زى اخويا الكبير

اتمنى زيارتك لى

تحياتى

اخوك

thenext star

shams said...

على فكرة بقى انا شفت البوست اول ما اتكتب بس قلت اسيب الناس تعلق شوية و اشوف ارائهم
بس عليك شوية تغطيات يا صباغ عسل

doudy said...

Thanx ahmed for your comment on my blog. Appreciate it.
I like yours too, it will not be the last visit too... i will put your link on my Blog, and by the way congratulations 3ala 2el 2eftetah I will check out "Dar el kotob too"
Eih ra2yak law we did mutual links on our blogs, I love to have egyptian and arab surfers on my Blog ??
Take care and Keep In touch
Salam

Eman Eltaher said...

ما شاء الله ما شاء الله
الأولاد بتتعلم يا جيهان : السادات

!!!!!!!!!!!!!
بجد بوست مفيد جدا اتعرفت عليه على مجموعة مش قليلة من المدونين ده غير الموقع اللى أكيد مفيد جدا

تحياتى على البوست

بقالك كتير مزورتش مدونتى
انت نسيتها و لا إيه ؟؟؟؟؟؟؟؟؟

محمود الدوح said...

بجد كان يوم جميل جداجدا
هو كان اول مرة اقابل مدونين
لكن قررت بعدها انى احاول على قد ما اقدر انى احضر اجتماعاتهم

Eman Eltaher said...

أنا كيييييييييييييييييييت تانى

انت قلت كلام كبير و هو بالظبط اللى انا بستفهم عنه دايما

الأول : ازاى الواحد يعمل كتاب .. أنا أصلا بحب أكتب شعر و مش عارفة مين يدلنى على دار نشر او دار مسؤؤلة عن تبنى المواهب .. فكرة انى أطبع المنشورات بصفة ذاتية مستقلة ده هيخليها صعبة أكتر ماهيا صعبة !!!

النقطة التانية و المهمة جدا برضه انى مش عارفة أى حاجة عن لقاءات المدونين و انى مروحتش و لا لقاء من ساعة ما أصبحت مدونة من قرب السنة !!!!! و لا عندى اى فكرة عن اتفاقهم و أماكن اجتماعهم و مواعيدها و لا اى حاجة !! ف الطراوة يعنى :)))))

فياترى ده بيتم ازاى و فين و امتى ؟؟؟؟


أهم نقطة بقى و دى لو فدتنى فيها هتبقى عملت فيا جميل مش هنساه أبدا .... أنا بلاحظ انه كتير من المدونين قدروا انهم يكتبوا ف الجرايد - و انا قريت لمدونة كتبت برضه ف جريدة الدستور - انا مش عارفة ازاى وصلوا للهدف ده بسهولة و ايه اللى عملوه عشان الجرنان ينشرلهم مقال او يتكلم عن تدويناتهم ؟؟؟؟ !!!!!!

انت مثلا عملت ايه عشان الجرنان يخليك تقدر تكتب فيه ؟؟؟

بلاحظ برضه انه فيه مدونين بيطلعوا ف برامج ف الاذاعة و يتكلموا عن تدويناتهم برضه

حاجات انا مش عارفة طرقها و لا الوصول ليها
ياريت لو عندك اجابات ليها تفيدنى .. معلش انى وجعت دماغك .. على فكرة انت أول واحد أسأله .. هيا جات فيك بقى
:)))))))

معلش ع التطويل و بجد انا فرحت بتعليقك اللذيذ و زيارتك الطيبة

سندوتش الشاورمة و الكانز موجود
:)))))


عايزين بس حقهم مش أكتر
ههههههههههههه

Nour-Gedeed said...

يا سلام اخيرا المدونة فتحت الحمد لله حمد لله على السلامة يا استاذ احمد
جميلة اوي الفكرة فعلا
وجميل برده ان في كذا حد يعني افكار مختلفة و وجهات نظر متنوعة يعني ثراء ثقافي ممتاز
و جميل اوي بأه النظر لنص الكوب المليان مش تجاهل للفاضي بس على ما نملاه يبقى استمتع بالمليان يعني عايزة اقول عظيم ان الناس دي فكرت ففكرة جديدة و مختلفة و مفيدة في نفس الوقت هي صحيح مش هتجيب النهضة بين يوم و ليلة بس الاستمرار هيجيب ان شاء الله يعني قطرات المطر تحفر الصخر ليس بالعنف و لكن بالاستمرار
ممتاز يا فندم و كل عام و انتم الى الله اقرب

صانعة الحرية said...

السلام عليكم
تغطيه رائعه جزاك الله خيرا
ولسه بشوف الموقع

ســـــــــمــــــــســــمـــايــــة said...

اريك يا استااااااااااااااااااذ؟؟؟
انا زعلانه خالص مالص ليه مش بتبلغني بالتجمعات دي عشان ابقي اجي؟؟؟
لا لا متحاولش تفسر اي شئ و لا تبررلي انت قاصدها ايوة قاصدها..و لا اقولك برضه انت خالو و مينفعش ازعل منك خلاص خليها عليا المرة دي
بس ايه ده كله كل ده فترة ما روحت امتحن و جيت امال لو كنت سافرت كنت كتبت كام بوست؟؟؟
ياللا عموما انا رجعت من البعثه الامتحانيه بسلامة الله الي أرض الجنون علي ان يتم التحديث ان شاء الله علي ارض الاحزان بسبب حصار غزة و في نفس الوقت كتبت بوست جديده بصراحه حاجه كده مش عارفة كتبتها ازاي و ازاي كنت في الحاله دي و بكتب كده ازاي عموما اتمني انك تقراها و تقوللي رايك ضروريييييييي
ياللا سلامات بقي عشان انا عاوزة انام
ياسمين
عاقلة علي ارض الجنون
و
ملكة ارض الاحزان