خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jan 16, 2008

كان نفسك فى إيه قبل ما تموت يا خالو أحمد ؟

كان نفسك فى ايه قبل ما تموت ؟؟

كتبت
نونا فتافيت كلام بوست أسمة : نفسك فى ايه قبل ما تموت ؟

والحقيقة افتكرت فى الاول ان الكلام عن الامنيات بصفة عامة

لما بدأت أقرا فهمت ان السؤال

كان نفسك فى ايه قبل ما تموت وما عملتوش

يعنى انا دلوقت ميت

وبسأل نفسى فى لحظة الموت؟؟

كان نفسك فى ايه يا أحمد تعملة قبل ما تموت وما عملتوش؟؟

كان نفسى اعبد ربنا كما ينبغى

وادى له جزء من حقة عليا فى العبادة الصحيحة

كان نفسى احفظ القرءان كامل

كان نفسى اساعد الغلابة وأشارك فى أعمال خيرية كتير

وكان نفسى اسافر بلاد الدنيا كلها

أمريكا وأوروبا وأسيا

ومجاهل أفريقيا

واروح بلاد الهند والسند .. وبلاد تركب الافيال

وكان نفسى احارب وادوق طعم الجهاد

وكان نفسى اكتب شعر كتيييير اوى

عشرات الدواوين اعبر فيها عن نفسى وعن وطنى

وكان نفسى أشوف مصر حالها كويس يسر الحبيب

وولاد مصر فى المكان اللى يستحقوه

وكان نفسى أرد واحد من مليون من جمايل أمى عليا

كان نفسى أتحول لتراب تمشى عليه برجليها

كان نفسى أتحول نسمة هوا تدخل رئتيها

كان نفسى أتحول لبسمة تفضل مرسومة طول العمر على شفايفها

كان نفسى أفنى تحت رجليها

وكان نفسى الاقى سكنى وأستطيع أن اكون سببا لسعادتها

ونخلف عياااال كتييير

يغيرو لقبى من خااالو أحمد .. إلى بابا

....

وبمناسبة الكلام عن أمنيات لم تتحقق قبل موتى

إفتكرت أوى كلمات كنت كتبتها

هى جزء من الأمنيات التى لم تتحقق

.. صدقينى كنت اتمنى جوارك
.. كنت اتمنى ان يكون الكون دارك
.. كنت اتمنى ان أجوب الارض سيرا فى انتظارك
.. ينساب عمرى فى يدك
.. ويذوب ليلى فى نهارك
.. لكن عمرى رغم آمالى واحلامى قصير
.. فإعذرينى اننى طفل صغير
.. واذكرينى واذكرى الحب الكبير
.. واذكرى انى ربيع
.. مات شعرا فى ضمير
.. غير انى لا ابالى بالبكاء وبالنشيج
.. لا ابالى لوعة للاشتياق
.. والان فلنرحل سريعا
.. قد اتى وقت الفراق..قد اتى وقت الفراق

خالو أحمد

93 comments:

عصفور المدينة said...

فيه حاجات كثير من اللي انت قلتها لسة المجال كبير انك تنفذها وربنا يطول عمرك

Rehab Mostafa said...

ربنا يطول عمرك وتعمل كل اللي نفسك فيه وتموت وانت راضي عن اللي عملته وربنا راضي عنك بس بعد عمر طوييييييييييييييل ان شاء الله

على فكره مهما الواحد عمل مافتكرش انك هترد جزء بسييط من جميل الأم بس لو كنت بترضيها يبقى ده كفايه وهي ترضى عنك

بوست بجد رائع ربنا يكرمك ويحققلك اللي بتتمناه

only spot said...

انا دلوقتى عرفت حكمة الحديث القائل
انما الاعمال بالنيات ولكن امرء مانوى ثوانى بلاش ضرب مش معنى كلامى اننا نقعد نحلم ونقول ماهى الاعمال بالنيات لا بس لان ربنا سبحانه وتعالى اعلم بعباده منهم لانفسهم فتح طاقة امل لينا وامرنا اننا نسعى ولان مفيش حد بيحقق كل الى يتمناه فله اجر انه نوى فان خير فله الاجر وان نوى سوء والعياظ بالله ولم يفعل فليس عليه ذنب
اسفه للاطاله ولكن ما كنت اريد قوله ان الامنيات لا تذهب ضياعا ولكنها محكومه بالايه الكريمه وعسى ان تحبو شيئا وهو شر لكم وعسى ان تكرهو شيئا وهو خير لكم
احلامك كلها جميله اوى وربنا يقدرك وتحققها ويكتب لك الصالح ولنا جميعا
تحياتى الصادقه

Ahmed Al-Sabbagh said...

عصفور المدينة

الله اعلم المجال كبير ولا لأ دى فى علم الغيب

بس دعى ربنا يكون كافى

Ahmed Al-Sabbagh said...

شكرا يا رحاب على دعوتك ليا

ويارب انتى كمان

انا عارف انى عمرى ما ها أوفى حق أمى

هى الحمد لله دايما بتقول انها راضية عنى

بس انا حاسس بتقصير رهيب فى حقها

ربنا يكرمك يا رحاب

Ahmed Al-Sabbagh said...

only spot

أتمنى ان تكون النوايا شافعا لأنسان عجز عن تحقيق امنياتة

:(
شكرا يا شيكو على دعائك ليا

ftafeet said...

ازيك يااحمد
كنت مستنيه البوست ده بفارغ الصبر واعرف انت نفسك فى ايه يارب امنياتك كلها تتحقق مع انها سهله انها تتحقق ولسه فى ادامك وقت طويل عشان تحققها المهم تبتدى تعمل عشان تحققها حاجه؟؟
(يعنى انا مثلا مثلا يعنى ها مثلا نفسى اتجوز واهه بدور على عريس)(وش مطلع لسان)؟؟

عجبتنى اوى عشان نفسك ترضى مامتك ربنا يخليهالك ويخليك ليها وتكون راضيه عنك دايمااااااااا يارب

وتتجوز بقى ونفرح بيك ويرزقك يالاولاد الكتيييييير اللى يغيرو لقب خالو للقب بابا


نوناااااااا

سهر الليالى said...

ربنا يرزقك البركة فى العمر إللى تحقق فيه كل ما أتمنيت وبتتمنى وكل ما حتتمنى يارب

ويرضى عنك وعن والدتك ويرزقك وإياها الجنه ويرزقك صدق النيه اللى تنكتبلك بيها أعمالك بالنواياإن شاء الله زى ما أتمنيت

بوست جميل
تحياتى يا خالوووو أحمد يا جميل

عاشقه الفردوس said...

بنا يرزقك العمر المديد في طاعه الله
اللهم اجعل كل لحطه في ميزان حسناتك بادن الله
انت ابدا بس
والله المستعان


ربنا يبارك فيك استاد احمد

tona said...

بجد بوست رائع ربنا يباركلك ويكرمك
انت فعلا فوقتنا من اللى احنا فيه
انا حد من الناس ماكنتش عايزه افتكر كل ده
لان بجد الاحلام صعبه قوي ومفيش حد بيساعدك انك تحققها
وقوانا خارت وليس لنا عوده الا بكرم الله وقدرته
يارب امنياتنا تتحقق والمهم تفضل دايما الرغبه اننا نحققها
ربنا يحققلك كل احلامك ونشوف باه ولاد حلوين العيال الايام دي وحشه يااخي
وربنا يكرمك بزوجه تعينك على امور دينك ودنياك
وتكون سبب فى عزه المسلمين لان بجد ده خير الدنيا والاخره والله
طولت قوى معلش

Shark said...

مالك ياعم قلبتها غم كده ليه ؟ روق يابو حميد انشاءالله ربنا يديلك العمر وتعمل كل اللى نفسك فيه . تعرف انك قلبت عليا المواجع وفكرتنى بأمى الله يرحمها .
روح ياشيخ ..... وتعالى بسرعه .

أمير الهدوء said...

انت طيب اوي يا احمد

بجد كلماتك مؤثره



تحياتي

appy said...

ربنا يحقق لك كل اللى تتمناه قبل ما تموت يا رب وبعدين امنيتى انى انا اللى اخنقك بقى وارتاح وتبقى مت شهيد آبى هههههههه
بس انت نيت كويسه وانت انسان محترم ربنا يغفر لينا دنل واخرة

بت خيخة وأى كلام said...

ربنا يديلك كل اللى انت عايزه وتحقق كل امنياتك قبل ما تموت
بس عجبتنى اوى امنياتك تجاه والدتك
وعجبنى كمان ابيات الشعر اللى انت كاتبها
سلام
اختك خيخة

خمسة فضفضة said...

السلام عليكم ورحمة الله وبركاته
ربنا يديك طولة العمر وتحقق كل اللي تتمناه يا احمد

ويارب احسن خاتمتنا وتوفنا مسلمين

تحياتي

على الطريق said...

فكرة رائعة .. أتمنى أن تحقق أمانيك قبل أن تموت ويشل التراب حركاتنا ويدفن تفكيرنا

لحظة said...

ومستني ايه يا خالو احمد
كل الحاجات اللي انت قلت عليها ممكن تعملها بس انت ابتدي

خطوة واحدة وهتلاقي كل الخطاوي وراها

ماتقعدش تقول كان نفسي

لان كلنا لما نموت اولما اللي بنحبهم يموتوا هنتمنى ولو يوم واحد نحقق فيه حاجة من اللي كان نفسنا فيها سواء لرضاءنا او لرضاءهم

ودي امنيه مش هتتحقق

كلنا هنتمنى
زي
Mitch Albom
ماكتب:
one more day

ربنا يكرمك ويحقق لك امانيك
بس انت ابتدي

مهندس مصري said...

أنا برضه نفسي في كل اللي إنت قلته ده بس إلا الشعر لأني مليش فيه
بس بجد انت انسان رقيق يا أحمد
انسان بجد يعرف الناس معنى كلمة انسان
ربنا يبارك لك
و أما نشوف التغطيات نازلة الشهر ده و لا ايه ؟
:)

مروة الزارع said...

يارب يديك طولة العمر يا احمد

وتحقق كل اللى تتمناة ياااااااااارب

Omar... [ خروشات ] said...

انا بقى ؟
كان نفسى اعرفك من زمان يا استاذ احمد

و الله من زمان كان نفسى

و الحمد لله تحقت الامنية وعرفتك و سمعت صوتك

و شميت ريحة مصر فيك

كفاية قوى

و اشوفك بخير لما ارجع

و اجى اشرب الشاى معاك

اخوك عمر

shimaa mahdy said...

البقاء لله
هو أنا اتأخرت أوى على ما وصلت لمدونتك ولا ايه؟
:)

إن شاء الله تحقق كل اللى كان نفسك فيه، وأنا كمان علشان نفسى برده

اجندا حمرا said...

عزيزي أحمد
يارب تقدر تحقق كل اللي نفسك فيه و ربنا يديك طوله العمر و يسعدك دايما ياجميل

MerMaid said...

لسة قدامك الطريق انك تعمل كل ده يا فندم

و بجد لو عاوز تعمل هتعمله

صدقني لسة العمر قدامك ان شاء الله
و بجد استشعرت كلماتك جدا عن العبادة والتقصير فيها و عن والدتك
ربنا يخليهالك يارب يا أحمد
و يارب تسافر امريكا و السودان

تعرف بجد انا اموت و ازور ايه؟؟
ماليزيا و اندونيسيا

تيجي معايا ؟؟
:)
تحياتي يا احمد
بوست روعة تسلم الايادي

صاحب المضيفة said...

ربنا يديك ويدينا طولة العمر
ونحقق كل ما نتمناه في الخير والطاعة السعادة يارب

دمت بصحة وعافية وهنا

مهندس مصري said...

ليك تاج عندي تعال خده
و يارب تجاوبه الشهر ده
أصل انت يومك بسنة
:)

السـيد شبـل said...

اساعد الغلابة وأشارك فى أعمال خيرية كتير

احارب وادوق طعم الجهاد


اتمنى نقدر نحققهم باذن الله

Wida said...

masae el kheir akhy

meny laka ta7eyet 3oroba men baladeka etany ely howa el maghreb.

Ashkor Sady9y el mo7taram el aziz el sayed Omar, ely khalany at3araf men khelal modawanto 3ala 3o9ol gamila zay 7adretak.

ana leya kamel el sharaf eno azor medawantak

modawana aktar men ra2e3a, rabena ye7fazak le shababak we nawelak ely btetmanah ya rab

Post gamil we 9asyda gamila
howa so2al mawdo3y walahy, we akeed ay wa7ed fyna fe youm men el ayam rawdeto el fekra.

lyh la2, el ensan madama 7ay yorza9wa bese7a kwayesa akeed ye2dar ye7a2a2 walaw gozn men motamaneyato.

rabena yedyk 3ala ad neyetak.

E7teramaty

Omar... [ خروشات ] said...
This comment has been removed by the author.
Omar... [ خروشات ] said...

Wida
تقصدنى انا يا استاذ احمد


شهرتك وصلت المغرب يا ابو حميــــــــــــد

ليا الشرف انى عرفتها على مدونتك

اخوك عمر

paranoia,magnetic & dramatic girl said...

ربنا يبارك في عمر والدتك وعمرك يااحمد ويجعله مثمرا
...
بإذن الرحمن تقدر تحقق الي بتتمناه..علي الاقل اهم الحاجات
......
عارف انا قريت كلامك وعاوزة اصقف وعاوزة ابكي
..
لان قلبك هو الي بيتكلم..وذكرك لوالدتكده اثر فيا جدا..يااااااااه لو علي التقصير في حقها يبقي حد يشنقني الوقتي..انا قصرت كتير اويييييييييي ..مش بس قصرت لا محتاجة كلمة اكبر من دي
...
انا ليا مليون امنية نفسي احققها قبل مااموت...ثلاثة ارباعها خيالي.انا عارفة ده بس هتفضل برضه امنياتي
.
ربنا يكرمك يااحمد
الله حافظ
دودو

النجم القادم said...

ربنا يديك طولة العمر يا استاذنا الفاضل
البوست الجديد عندى ادعوك لقراءته بعنوان لماذا بوش الآن؟!!!؟؟؟؟

šσяšαяαα said...

السلااااااام عليكممم

انا قلت ايه اللى حصل

بس فكرتنى بقصة سمعتها عن واحد دفن نفسه وقعد يتخيل وهو ميت
وقام مرعوب طبعا وحمد ربنا انه لسا فيه الروح عشان يحسن من نفسه ومن اعماله

وافتكر احنا كمان لو نتخيل الموقف دا ولو لدقايق ونشوف ياترى اللى فاتنا وماعملنهوش
وبعدها نراجع نفسنا تانى ونحمد ربنا اننا لسا عايشين وكمان ندعيه انه يهدينا ويثبتنا على كل اللى يرضيه

وان شاء الله ربنا يوقفك لكل خير ويعينك تعمل كل اللى لسا ماقدرتش تحققه

تحياتى ودمت بألف خير

3ala asm masr said...

ربنا يطول فى عمرك يا أحمد وتعمل كل اللى نفسك فيه

Nada said...

بجد بوست هاااايل اوى
ومعناه جمييل ورسالته اجمل
جزاكم الله خيرا بجد
وربنا يحقق لك كل امانيك

إنسان جديد said...

فكرة البوست حلوه جداً

وانا ان شاء الله ناوي أعمل بوست زييها , بعد اذنك يعني
:D

الفاتح الجعفري said...

عمي احمد الصباغ
ازيك يابوحميد
دايما كلامك رائع ومؤثر
انت عارف كان فيه قصه لاحد الصالحين اعتقد الربيع بن هيثم كان ينزل في مكان بجوار سريره وكأنه قبر وكان يظل يبكي ويقول رب ارجعون لعلي اعمل صالحا فيما تركت
ثم يخرج ويقول قد اعطاك الله الفرصه فاعمل ياربيع قبل ان يأتي يوم يقال لك فيها كلا
وان شاء الله يااحمد تقدر تحقق امالك كلها انت عارف سيدنا عبد الله بن مسعود قالوا عنه لو دخل عليه ملك الموت مااستطاع ان يزيد في عمله شيء
تقريبا عمل كل حاجه صالحه وربنا يبارك في عمرك يارب

Nour-Gedeed said...

حقيقي .. جميييييييييييييييل
جدا جدا جدا
يعني هو ممكن يكون في ناس كتير بتفكر و تحاسب نفسها و تقول انا معملتش حاجة طب هقابل ربنا ازاي ...
بس الجديد في اللي حضرتك عملته ان ده هيديك و يدينا نظرة تفاؤلية
انا نفسي في ايه قبل ما اموت
كذا .. و كذا ... و كذا ....
طب ما انا لسه عايش يعني اقدر اشتغل ... خلاص دوس يا معلم
رائع جدا بصراحة

يوميات عيل مصري said...

خالو
السلام عليكم
طبعا انت وحشتني جدا جدا
الله ينور عليك
قريت المواضيع اللي فاتتني
كلعادة تحفة
وخاصة الصور الفظيعة بتاعت دار الكتب
أمنياتك ربنا يحققهالك كلها
ماحش يعرف بكرة فيه ايه
بس عاوز اقولك ان أمنياتك أمنيات إنسان راي اوي يا اخي
سلامي يا احلى خالو

MAKSOFA said...

بلاش والنبي سيره الموت
===============
أشكرك قوي

عاشقة الوطن said...

السلام عليكم

ازيك ياخالو احمد
ده اول تعليق عندك هنا

والجميل بقي ان اولحاجة أقراها هو موضوع زى اللى انتكاتبه ده
ايه اللى كان نفسك تعمله قبل ما تموت يمكن فعلا نفوق ونشوف ايه اللى احنا لسه فعلا معملنهوش او ايه الحاجات الكتير اللى مقصرين فيها ومعملنهاش ولازم تتعمل

تحياتى للموضوع الجميل

Salma Amer said...

بوست جامد جداجدا
بكلمات بسيطة جوبت عن سؤال أنا شايفة انه صعب قوي بس الاجابة كانت جميلةورقيقة وأثرت فيا جدا
ربنا يحقق امنياتك كلها و يرضيك ويرضا عنك


تحياتي لك (:

وينكى said...

مش عارفه ليه عنيا دمعت وانا باقرا البوست ده
قد ايه لسه قدامنا كتيييييييير قوى لازم نعمله
ويمكن لو ضمينا الف عمر على عمرنا مش هانوفيها حقها
لكن ماعندنا غير اننا نعيش على قد مانقدر ونحقق احلامنا ونأمل دايما فى الاكتر
بالمناسبه
شعرك جميييييييييييل

ammola said...

طيب ما احنا فيها
اعمل لستة كده وابدأ بالأهم فالمهم
الشعر حلو اوى من نوع السهل الممتنع وفيه صدق... بس لو ما كنتش تختم بالفراق

EmY said...

ليه بس يا عم سرة الموت و الحاجات دي
ربنا ديك الصحه

ليك تاج عندنا يا خالو

micheal said...

بوست مؤثر جدا يا أحمدز..فعلا جوه كل واحد مننا رغبات كتيير و أمنيات و الشاطر هو اللي يعرف يستغل وقته في الحياه لتحقيق أكبر كم ممكن بحيث يموت و هو راضي عن نفسه و الكل يفتكره بالخير
تحياتي

Ahmed Al-Sabbagh said...

ftafeet

هههههههههه

يارب يا نونا اشوفك لابسة ابيض فى أبيض

طبعا وانت راجعة من الجح

(وش مطلع لسانة )

Ahmed Al-Sabbagh said...

سهر الليالى

أشكرك يا ميرو على دعائك

ويارب لكى مثل ماقولتى

Ahmed Al-Sabbagh said...

عاشقه الفردوس

جزاكم الله خيرا

ولكى مثلة

Ahmed Al-Sabbagh said...

tona

ربنا يكرمك يا رب يا اختى العزيزة

ودايما تفتكرينى بدعائك

Ahmed Al-Sabbagh said...

Shark

:)

ربنا يرحم ولدتك ويكرمك يا حبيبى

Ahmed Al-Sabbagh said...

أمير الهدوء

ربنا يخليك يا حبيبى

وما يحرمنيش منك

Ahmed Al-Sabbagh said...

appy

شهيد ابى ؟؟

والله شكلك كدة هتبقى انتى شهيدة خالو

:)

شكرا يا آبى

Ahmed Al-Sabbagh said...

بت خيخة وأى كلام

شكرا يا خيخة

وربنا يكرمك

Ahmed Al-Sabbagh said...

خمسة فضفضة

ياااااااااااارب امين

أشكرك يا دكتورة

Ahmed Al-Sabbagh said...

على الطريق

أشكرك

جزاكم الله خيرا

Ahmed Al-Sabbagh said...

لحظة

ان شاء الله

أشكرك بشدة

Ahmed Al-Sabbagh said...

مهندس مصري

أشكرك يا محمد يا حبيبى

والله انت اللى انسان رقيق وكويس

ان شاء الله نازلة اكيد

Ahmed Al-Sabbagh said...

مروة الزارع

ربنا يخليكى يا مروة

اشكرك جدا

Ahmed Al-Sabbagh said...

Omar... [ خروشات ]

تنور يا استاذ عمر

تنور مصر

وتنورنى

وانا كمان فرحان اوى انى اعرفك والله

ومنتظر أحلى كوباية شاى فى الدنيا

Ahmed Al-Sabbagh said...

shimaa mahdy

عااااااا

انتى كمان بتعزى فيا

ماشى ماشى

اشكرك على الدعاء وانتى كمان

Ahmed Al-Sabbagh said...

اجندا حمرا

أشكرك

ربنا يكرمك يارب

Ahmed Al-Sabbagh said...

MerMaid

والسودان كمان

ماشى يا هاجر

خلاص هاجى معاكى ماليزيا

بس بشرط تدفعى لى اجرة الميكروباص

:)

Ahmed Al-Sabbagh said...

صاحب المضيفة

ربنا يكرمك يا أخى

ويديك طول العمر والسعادة

Ahmed Al-Sabbagh said...

مهندس مصري

حاضر هاخدة وهجاوبة الشهر ده

والتغطيات كمان

ويارب تعذرنى ومش تزعل منى

انت غالى عندى اوى اوى

Ahmed Al-Sabbagh said...

السـيد شبـل

يا رب يا ابو السيد

انا وانت وكل الحبايب

Ahmed Al-Sabbagh said...

Wida

ليا عظيم الشرف انك تزورى مدونتى

وخصوصا انك معرفة استاذ عمر - خروشات

اللى بعتبرة اكتر من اخى والله

Ahmed Al-Sabbagh said...

Omar... [ خروشات ]

لالالا ده كدة كتير عليا

بعد كدة هيبقى فى هدية على كل زائر من طرفك

:)

Ahmed Al-Sabbagh said...

paranoia,magnetic & dramatic girl

ربنا يكرمك يا دودو يارب

واشكرك جدا على دعائك ليا

ولكى مثلة

Ahmed Al-Sabbagh said...

النجم القادم

أشكرك بشدة

قرأتة طبعا وعجبنى كتير

شكرا على دعوتك

Ahmed Al-Sabbagh said...

šσяšαяαα

يارب يا سارة

ربنا يكتب لنا السعادة فى الدنيا

وفى الاخرة طبعا

أشكرك يا دعائك

Ahmed Al-Sabbagh said...

3ala asm masr

شكرا يا هنووووووووود

وانتى كمان يارب

Ahmed Al-Sabbagh said...

Nada

شكرا يا ندا ربنا يخليكى يارب

ودمتى بخير وصحة وسعادة

Ahmed Al-Sabbagh said...

إنسان جديد

اتفضل طبعا

ده بس من ذوقك

ربنا يكرمك

Ahmed Al-Sabbagh said...

الفاتح الجعفري

قطعت قلبى بالكلام ده والله

هو ده اللى دار فى خلدى وانا بكتب الكلام ده

ربنا يكرمك يا أخى ويعزك

ويكتب لنا الجنة انا وانت وكل المسلمين يارب

Ahmed Al-Sabbagh said...

Nour-Gedeed

ربنا يقدرنى واعمل حاجة

ادعيلى

انا خايف ان العمر يجرى

Ahmed Al-Sabbagh said...

يوميات عيل مصري

ربنا يكرمك يا أخى

وحشتنىىىىىىىىى اوى اوى والله

واكتر امنياتى ان نشوفك دايما بخير

Ahmed Al-Sabbagh said...

MAKSOFA

اوك حاضر

البوست القادم هيبقى كوميدى

Ahmed Al-Sabbagh said...

عاشقة الوطن

ربنا يكرمك يارب

خطوة عزيزة

ويارب دايما

جزاكم الله كل خير

Ahmed Al-Sabbagh said...

Salma Amer

ربنا يكرمك يارب

ويحقق لك امنياتك انتى كمان

والله بتوحشينا لما بتغيبى

:)

Ahmed Al-Sabbagh said...

وينكى

أشكرك يا وينكى

سعدت اوى بزيارتك مدونتى

واشكرك لكلامك الجميل يارب

ويارب تحققى كل احلامك

Ahmed Al-Sabbagh said...

ammola

اى حاجة بتنتهى بالفراق

عشان كدة ختمتة بالفراق

وربنا يكرمك وادعيلى

Ahmed Al-Sabbagh said...

EmY

شكرا يا ايمى وهروح اخدة وهنزلة الاسبوع ده ان شاء الله

Ahmed Al-Sabbagh said...

micheal

ميرسى يا مايكل

وشكرا لكلماتك الرقيقة

MKSARAT SAYED SAAD said...

احمد يا صباغ يا جامد جدا
الاول ازيك وحشتني والله
مجموعة الامنيات اللي قلتها وكتبتها بقلمك كلنا بنحتجها ونفسنا فيها
فكرتني
ببيت شعر بيقول لا تأخذ الدنيا غلابا ولكن تأخذ كدة هو :)
ربنا يحقق امنياتك وامنيات كل الناس
صديقك صاحب المكسرات

هبههههووب said...

حلو اوى انك تفكر ف لحظه الموت وتفكر ف ايه كان نفسك تعمله قبل ما تيجى اللحظه دى

خلتنى انا كمان افكر ف الموضوع دا بجديه
شكرا ليك على البوست الرائع والمفيد
جزاك الله كل الخير

hend...hanady said...

المهم مش التمنى المهم ان ربنا يوفقك وتنفذ ويوفقنا كلنا ان شاء الله

semsem said...

ربنا يبارك فى عمرك

وتحقق كل حاجه

وحاجات تانيه كتير لسه متمنتهاش

سمسم 2008

عابد الرحمن said...

مدونة جميلة
نفسي تقري الموضوع ده في مدونتي هيعجبك
http://ebnelbalad.blogspot.com/2008/01/blog-post_3933.html

عابد الرحمن said...

مدونة جميلة
نفسي تقري الموضوع ده في مدونتي هيعجبك
http://ebnelbalad.blogspot.com/2008/01/blog-post_3933.html

ارسم بالرصاص said...

السلام عليكم ورحمته وبركاته
أولا شكرا علي سؤالك علي غيابي
ثانيا جميل جدا الموضوع ده
المفترض ان انا أقولك
لا ما تقولش كده
بعد الشر عليك
لكن الموت مش شر
لو استعدنا له
تعرف احيانا الواحد بيتمني
أنه يعمل حاجات كتيرة اوي
اقتراحي انك تبدأ بحفظ القرآن كامل
واعانك الله علي ذلك
اللهم هذا عبدك علمه ما ينفعه
وانفعه بما علمته وزده علما
آمين
والسلام عليكم ورحمته وبركاته
دعواتي
هايدي

متربية آه ,, معقدة لا said...

اخي احمد

العمر كله لك ان شاء الله

و ربنا يوفقك و ييسر امورك
ويبارك لك في عمرك و صحتك و عافيتك و طبعا الغالية مامتك

وتحقق كل اللي بتحلم به

وان شاء الله يكون طالما استعنت بالله و لم تقصر في حق ربك و نفسك و اهلك

سعيدة اني عرفتك و دخلت مدونتك فهى فعلا فخر لكل شباب مصر
واتمنى اجد مدونتي الجديدة و لو ربع مدونتك

لا تنساني من صالح دعائك و زيارتك الدائمة لي

اختك متربية آه ,, معقده لا

@BonBonaya@ said...

i just read this post, and i'm really moved by it. Rabena ybareklak fel mawheba ely edahalak, 7a2ee2y ketabatak gameela w mo2athera. If you don't mind, i would like to adapt the idea and make a post with the same idea in my blog. ma3 e7teram 7o2oo2 el nashr tab3an!

Rabena ywafa2ak fe 7ayatak, w y3enak 3ala ta72ee2 ahdafak w omneyatak bel taree2a ely ye7ebaha rabena.

take care,
Lubna

nado said...

سعيده جدا ان لسه لحد النهارده فى براح جوه القلوب مكتوب بمية المطر وال فى خطر الناس الضيعه وشوشه بمسيحق الكدب ونفوذها


فلوسها ان راى ان الموت مش اخر محطه ده ابدايه وان الناس ال سفرت وسبتنى موجده معانا بتحسنا ونحسها مش سيفنا ب العين اه ال كان موجده بروحنا ونتنفسها وبدليل ان ربنا مابتشفش ومع ذلك موجد معانا فى كل لحظه نتخيلها او مانتخيلهاش وحلمنا ال لما بنغمض فيه عينه بنشوف الحقيقه بنشفهم ياعينى تقدر تقول اننا عايشن فى حلم كبير هانصحه لما نعيش بجد حلمنا انا سعيده جدا انى نزلت محطتك وبجد مدونتك غنيه قوى ويارب ما كنش ضيفه تقيله بس ال متكده منه انها اكيد مش اخر زياره