خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jan 25, 2008

مهرجان التاج



---- السلطان خالو أحمد الأول ----



مهرجان التاجات


أصدقائى وأحبابى الأعزاء
أشكركم على التواصل الجميل وأكرر أسفى لتأخرى الفترة السابقة
فى تقديم الموضوعات الجديدة والرد على تعليقاتكم والمشاركة فى المناقشات والتعليق
وذلك لظروف خارجة عن إرادتى
(موسيقى تصويرية)
وبعدين بقى انا بفتح تلاجة المدونة
قوم ايه ؟؟
لقيت هيصة تاجات فى الفريزر من شهر ديسمبر
وتاجات كمان قربت تحمض
تاجات من ايمى وكوكا واليعقوبى ومهندس مصرى ونضال وآبى
وقلت يا واد يا خالو أحمد
أعمل مهرجان تاجات
وجاوب كل التاجات اللى جت
ودى كل واحد من المعازيم تاج فى ايدة وهو خارج
وهبتدى بتاج بتاعى
وهو تاج متنوع برجاء اعطاء توضيح اجابتك بإختصار




تاج الصباغ

-------*-------*-------

1
هل توافق على حزف خانة الديانة من البطاقة الشخصية ؟


2
ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟

3
هل تعتقد بوجود إضطهاد للمسيحين فى مصر ؟

4
من هو الشخص الذى تختارة لرئاسة مصر ؟

5
أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟ هل توافق على مشاركة كل من : الإخوان المسلمين - الأقباط فى الحكم ؟

6
فى رأيك الشخصى .. ما هى أفضل مدونة على بلوجر قمت بزيارتها ؟

7
للذكور فقط : أيهما تفضل كزوجة .. إمراءه عاملة ، أم ربة منزل ؟

للإناث فقط : هل توافقين على الزواج من رجل مطلق ؟

8
اذا تزوجت وأنجبت ولدين وبنتين .. أى الأسماء تحب أن تسمى ؟

9
هل تعتقد أن توريث الحكم فى مصر . . سيتم فعلا أم لا ؟

10
فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟

ثم لمن تمرر هذا التاج ؟

المدعوين للرد على تاج الصباغ

مهندس مصرى – إيمى وكوكا – هاجر مصطفى - نوران بت خيخة وأى كلام
عاشقة الفردوس – محمد دكتور حر – اليعقوبى – الجعفرى – لماضة
شمس الزناتى – محمد نوشّا – أحمد الجيزاوى – محمد نضال – محمد مدحت
مروة الزارع – نهى فتافيت كلام لما ترجع من الإمارات – بنوتة مصر
أحمد مصطفى – عمر خروشات لما يرجع من ألمانيا – أبن عمر – قطة الصحراء
رحاب مصطفى – أميرة سهر الليالى – هايدى حسين – إسكندرانى أوى
سما - عصفور المدينة – أمير الهدوء – آبى – خمسة فضفضة
شيماء مهدى – صاحب المضيفة – السيد شبل – سارة سورسارة –
هند عمار – نور جديد – مكسوفة – عاشقة الوطن – سلمى عامر – وينكى
أمولا – عابد الرحمن – هبهههههوب – عاليا حليم – إيناس الفكر السجين
دودو – غمض عنيك – طارق هلال – سمكة – رئيس جمهورية نفسى
ولاء – إيمان حبة حاجات – سيد سعد – النجم القادم – إيمان الطاهر
صانعة الحرية – ياسمين أرض الأحزان – شيتوس – شاهى – دوبا
على حب – دكتور حماس – أحمد عبد الفتاح – محمد الشاعر – شهروزة
بنوتة مصرية – أشرف حمدى – إبن حجر العسقلانى – البنت الشلبية
فتحى الشيخ – وفاء بركات – إيناس أبو زيد – فانتازيا – نوارة نجم
علاء سالم – عاشقة القاهرة – زمردة – ياسر شمس الدين – فى القلب
لسه بعقلى – شيماء زاهر – نورى – نازك الملائكة – فرنسا هانم
آلام وأمال – محمد مارو – محمد رشاد – حبيبة – أجمل إحساس
البيرونى – أيه – مخطوبة – مش قادرة – محمد يوسفيات – د.أجدع بنوتة
أدم المهدى – الدائخ – د.محمد الجوهرى - مدحت نص - سمارت دكتور
حسام شاهين - شيماء فضفضة - سمراء النيل - حل وسط - مشمشة
بطة بكر - شمعى أسعد - إنسانة - بسنت - بودى وسعد التؤمان
حسن ارابيسك - إسراء - الدرويش المرووش - نهى منير
Shayma - TATA my own world – TOOTA my self first – Only Spot – Tona – shark - Cognition-sense
– no chance -
UNIQUE - Dr.
Online
- Che The Hermit
The Alien

وأنا كمان هحاول أوصل الدعوة للتاج للمنازل قصدى للمدونات
أوراق الإجابة هتتلم فى شهر مارس

والتاجات هى
------*-------*------*----
أولاَ : تاج قرآنى ... إتحدف عليا من اليعقوبى والجعفرى
ثانيا : تاج الحصانة ...اتحدف عليا من مهندس مصرى - إيمى وكوكا - آبى
تاج : متنوعات... إتحدف عليا من نضال - إيمى وكوكا

-----*-----*-------*-----


أولا : تـــــاج قــــــرآنى
-------*-------*-------
ماهى سورتك فى القران (اى احب سوره اليك تقرأها فى فرحك وفى حزنك) ؟
سورة يوسف – وغالبا أقرأها يومياَ أو أستمع لها بصوت مشارى

ماهى احب ايه اليك الايه التى دائما تتمناها؟
"إنما أشكو بثي وحزني إلى الله ، وأعلم من الله ما لا تعلمون"

ما هى اكثر ايه تخاف منها وتدعوا الله الا تكون من اصحابها؟
كل آيات العذاب والوعيد
أسأل الله لنا الجنة وأن يجنبنا النار

من هو احب صحابي واحب صحابيه اليك؟
أحب صحابى : أبوبكر الصديق ..أحب صحابية : السيدة خديجة

اذا كنت على العهد النبى صلى الله عليه وسلم فمن كنت تحب ان تكون ولماذا؟
الفاروق عمر بن الخطاب .. رجل قوى ولا يخشى فى الحق لومة لائم

من احب نبى اليك بعد الحبيب صلى الله عليه وسلم؟
سيدنا يوسف

ما هو منتداك وموقعك المفضل؟
أحب إسلام أون لاين .. وأحب مدونة دكتور حر - الجعفرى واليعقوبى - وعصفور المدينة وكل المدونات ذات الطابع الدينى السمح والتى تقدم السلوكيات والأخلاقيات الإسلامية بإسلوب سهل وسلس

ماهي احب الاسماء التي تحب ان تنادي بها ؟
من أسرتى وأصدقائى : أحمد
من المخاليل والمدونين : خالو أحمد
بعض الناس أخترعو لى أسم دلع بحبة أوى
لا داعى لذكرة لأننا فى حضرة تاج دينى ;)
يعنى مشيها أحمد

من هو كاتبك المفضل؟
كاتب دينى : الحقيقة أنا أستمع أكثر من القراءة
لكن أحب مطبوعات الشعراوى وكشك
رحمة الله عليهما
كاتب عام : أحمد رجب – مصطفى محمود – عمر طاهر – معظم شعراء القرن العشرين – وغيرهم

من هو قاريء القرآن المفضل لديك؟
قراء إذاعة القرءان الكريم وهم
عبد الباسط عبد الصمد
محمود خليل الحصرى
محمود على البنا
مصطفى إسماعيل
محمد صديق المنشاوى
وأعشق كل من
مشارى العفاسى
أحمد بن على العجمى

من هو منشدك المفضل؟
نصر الدين طوبار

ماهو نشيدك المفضل؟
مع الله – مشارى العفاسى

من هو الداعيه المفضل لديك او شيخك المفضل؟
أحب ثلاثة هم
الشيخ كشك
الشيخ الشعراوى
الاستاذ وجدى غنيم

ماهي اكثر عباده تشعرك انك قريب جدا من الله ؟
قراءة القراءن

ماهو املك في الحياه؟
أن أرى نصرة أمتى – وأن يسود السلام العالم

من احب افراد عائلتك اليك؟
أمى الحبيبة الغالية نور عينى اللى بشوف بيه


ثانيا : تاج الحصانة
-------*-------*-------

دخلت مجلس الشعب من اوسع ابوابه ايه هو رمزك الانتخابى المفضل ؟
مش هتفرق كتير
وليكن : رمز المصاصة
كنت تفضل الدخول مستقل او تتبع حزب معين ؟؟؟؟
والله كنت أتمنى أكون بنتمى لحزب بس هو مش موجود دلوقت
لأن النشاط الحزبى فى مصر صورى
كنت أتمنى اكون فى حزب بيضم كل شرفاء الوطن من التيارات المعارضة وحركة كفاية وجماعة الأخوان المسلمين والاشتراكين المعتدلين وكافة رموز التيارات الساسية التى ترفض الفساد

اذا دخلت مستقل هل توافق على التوقيع للحزب الوطنى بعد نجاحك كمستقل ؟
ايه السؤال ده .. لأ طبعا

اول حاجه هتعملها لنفسك ولاسرتك ؟
لما أخد أول مرتب هفرقة على أخواتى التلات بنات
ممكن بس أستغل وسطتى عشان والدتى تحج :) وربنا يسامحنى

ايه المشروع اللى ناوى تعمله لاهل دايرتك ؟
مستشفى كبير حكومى مجانى نظيف ومنظم

قعدت فى المجلس جنب نائب مميز . من هو النائب ؟
كل نواب المعارضة المحترمين واللى داخلين المجلس بدون تزوير
قدمت سؤال للحكومه ايه هو السؤال ؟
لماذا لا تسمحون بتداول السلطة

طلب احاطه موضوعه ايه ؟ وبتقدمه لمين ؟
فى طلبات كتيرة
مثلا : إحتكار صناعة حديد التسليح على أحمد عز
مما يضر بإقتصاد مصر ومصالح المواطنين

استجواب لاتنين من الوزراء موضوعه ايه ؟ وبتستجوب مين ؟
أوافق على إجابة أيمى وكوكا
وزير الداخليه عن بلطجة و سفالة الشرط
هوزير التربيه و التعليم عن ضياع التربيه و وكسة التعليم


انت مع الخصخصه ؟
أنا مع الخصخصة بمفهوما الإقتصادى السليم المبنى على إقتصاد قوى وصحيح
مش مجرد بيع ممتلكات الدولة ونهب التمن

هل انت مع قطع العلاقه مع اسرائيل ؟
طبعا .. وأكرة كل صور التطبيع

هل تؤيد الحرب على العراق ؟
لأ طبعا .. وأعتبرة إحتلال أمريكى

هل تؤيد مرور الامريكان فى القناه ؟
لا .. قد تكون الحاملات تحمل صواريخا أو وقودا لإسرائيل
ربما أوفق بشروط منها : معرفة محتويات الحاملات

هل انت مشترك فى مؤامره كسر فرنسا هانم بالاشتراك مع ام دبوه ؟
لأ .. أنا مشترك فى كسر حاجز الصمت بمولة سرير .. بس :)

ثالثا : تاج المتنـــوعات
-------*-------*-------

لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
كان هيصعب عليا أوى دولة كبيرة وذات حضارة زى دى يحصل فيها كدة
بس كنت هبقى عارف أنها بمثابة أسد نائم

لو كنت أوروبي أو غير مسلم هتبقي إيه نظرتك للعرب والمسلمين؟
نظرة للعرب : إنهم أغنياء بترول دون أى تقدير لهم
نظرة للمسلمين : كنت هترعب زى أوروبا وأمريكا ما بتترعب مننا
وعارفين كويس إننا لو صحصحنا هتبقى نهايتهم قربت

لوقالولك إنت بقيت رئيس جمهورية هتعمل إيه؟
أول حاجة هعملها حكومة إئتلافية تضم كافة رموز التيارات الفكرية والسياسية
والكفاءات فى كافة المجالات ليتولوا جميعا حكم مصر

لوسمح لك برؤية الرسول عليه الصلاة والسلام وإنك تقوله كلمة واحدة ؟
هبوس إيدة وهقولة : إدعيلى

لو كنا في عصر ازدهار الأندلس كنت تتخيل نفسك إزاي؟
خالو أحمد بردو :)

لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون ايه تصرفك؟
أظن لو فى بينا محبة وعشرة صادقة ده مش هيغير ده حاجة فى رائى
هما اللى جابو عيال عملو ايه

لو طلعت القمر هتكتب عليه ايه؟
لا إله الا ألله

لو مررت التاج لحد وماجاوبش هتعمل ايه؟
هحرمة من الميراث

أرجو أن تكونى استمعتم بالمهرجان
ومنتظر الرد على التاج
وإن شاء الله هرد على تاج الصباغ
وكمان هتنشر أقوى وأجمل الإجابات التى قيلت فى الرد على التاج
فى مارس مع الاحتفالات بعيد ميلاد المدونة


تحياتى
خالو أحمد الصباغ

131 comments:

MerMaid said...

كدة اعلق و انا قلبي مرتاح

بجد بجد بجد
التاج
تحفة تحفة تحفة تحفة تحفة تحفة تحفة تحقة تحفة
مش ممكن بجد يا أحمد
احلي تاج قريته والله
فظيع
في الصميم
بس كدة انت قفلت علينا ..مش هنلاقي حاجة نكتب عليها تاجات تاني
:))
بجد فظيييييييييييييييييييييع
مش ممكن
عاجبني قوي
هجاوب عليه طبعا..وشكرا علي التمرير يا أحمد
انا هاجر اللي احمد ممرللي التاج:)
شكرا يا احمد
:)
مش عارفة اقولك ايه تاني؟
تسلم ايدك
تحياتي ليك يا صباغ
ولجميع أهل............انت عارف

منور دايما و متالق دايما

MerMaid said...

لا لا لا
مش ممكن
الصورة فظيعة كمان
هههههههههههههههههههههههههههه
السلطان احمد الاول
هههههههههههههههههههههههههههههههههه

بجد انت مش ممكن يا احمد
:))
حلو قوي وانت سلطان

تحياتي

UNIQUE said...

مهرجان التاج

بجد تاج جامد اوي

بس ايه حكاية انك هتجاوب عليه في مارس

لا لا لا ده مش عدل خالص

ماحدش هيرد عليه غير ما حضرتك ترد عيه الاول ..

ولا ايه !!!!!!! ههه

تحياتي

Anonymous said...

عزيزى وصديقى الصباغ انت سألت سؤالين مهمين جدا انت عايز خانة االديانه ولا لاء ؟؟ والسؤال التانى فى أضطهاد للأقباط او لاء ؟؟
كنت أتمنى تكتب اسمى فى اللى مطلوب منهم يردوا لكن لقيت أغلب الاسامى مسلمة أن لم يكن كلهم ياترى هاتعرف تاخد رائ من ناحيتين ولا كل الأراء هاتبقى من جهة مسلمه فقط ؟؟
أسمحلى انا هاتطفل وارد على السؤالين دول
انا احد المؤيدين لألغاء خانة الديانه من بطاقة الرقم القومى فقط مع الأبقاء عليها فى شهادة الميلاد لزوم مواثيق الزواج والميراث وخلافة
انا أحد المنادين بأن هناك أضطهاد وظلم بين واقع على الأقباط والبهائيين والشيعه وكل من هم أقليه فى مصر حتى المثليين ويمكن ناس تختلف معايا فى النقطه دى لكن بكل بساطه فكرة حقوق الأنسان لأ تتجزأ والدستور يحترم ويطبق وطالما دستور مصر بينص على الحرية وتفعيل مواد الاعلان العالمى لحقوق الأنسان أذن على كل من يحترم الدستور المصرى ان يدافع بشرف على اى اقليه مضطهده فى مصر وننظر للأمور نظرة موضوعيه بعيده عن الانحياز والتعصب قريبه من روح المحبة الأنسانية الخالص حذرين من تسيس الدين وتدين السياسة
تحياتى يك يا صباغ وربنا معاك
مدحت نص
http://www.7rakat.blogspot.com/

لماضة said...

ايه ده يا خالو
انت كنت بتغش تاج مجلس الشعب منى ولا ايه
مش قلنا كل واحد يبص فى ورقته
وبعدين ايه ده استنى
ان اسمى مكتوب
ده انت كده ناوى تسجنى لا مش تسجنى تودينى المعتقل ولا دى كمان لا ناوى تودينى ورا الشمس
عموما اا هختفى شويه لحد ما الاحوال تهدى
وقبل ما اختفى التاج بتاعك همررهولك من دلوقتى
تجاوب عليه قبلى يلا انت قول وانا اقول وراك على طول
عملتلنا ايه صحيح فى المشوار اللى قلتلك عليه؟؟

عصفور المدينة said...

تصدق تجمع التاجات ده رغم إن الإجابات كانت سريعة خلى جوانب الشخصية كلها متجمعة وواضحة ماشاء الله نحسبك على خير يا أحمد ربنا يحفظك ويبارك فيك

والتاج المفتري اللي انت مؤلفة ده ربنا يستر
:)
شكرا لك يا عسل ع التمرير وشكرا على الإشارة لمدونتي

appy said...

طيب انا بعت لك تاج خفيف يودى السجن فى مارينا انت تلبسنى فى تاج يودى ابو زعبل ويزعل الناس منى وانت عارف انى صريحه ومدب ومبعرفش اجمل الكلام ماشى يا خالوووووووووو

1

اسكندراني اوي said...

يا خالوووووووو
انا عملت فيك ايه بس
مش حرام عليك كده

šσяšαяαα said...

انا اول مالمحت كلمة تاج اساسا جريت على اسامى المدونين اللى هيتمررلهم التاج وادور على اسمى
.
.
.
هييييييه انا مش فيهم الحمدلله..احمدك ياااااارب

بس

اييييه داااا انا لمحت اسمى وسط هذا الحشد الهااائل بعد ماعملت حفلة ووزعت ايس كريييم

انا حسدتنى واللا ايييييه..عااااااااا

امرى لله هاخد الانتى بيوتك واجاوب اصل عندى حساسية مالتاج...هااااتسيييي

بس مهرجان فعلا ولا مهرجان الاوسكار وجايب كمان السلطان خالو الاول يفتتحه..دا ايه الناس الواصلة دى:)

والاجابات مختصرة ومفيدة وتمام ومفيش بعد كدا.. ربنا يكرمك ياخالوو ويوفقك

وسلااااااام

Dr-Online said...

اية يا عم مهرجان التاجات الكتير دة
ههههههههه

بجد ردودك علي الاسئلة جميلة وفي محلها
من غير مبالغة وبسيطة
مدونتك كمان
احييك علي امتلاكها وادارتها الجميلة

استمتعت بوقتي فيها خلال زيارتي الاولي
وكنت اتمني ان اكون من المدعوين للتاج ولكن اكيد انت بعد ما تشوف الكومنت بتاعي هتمررلي تاج كويس
لاني بصراحة لسة محدش مررلي تاج خالص
من ساعة ما عملت مدونة

Che The Hermit said...

ولو ان اسمي مش مكتوب بس كفاية انك جيت لحد عندي وقلتلي اجى اخد التاج
دا ان يحصلي الشرف

هبقي اجاوب عليه قريب إن شاء الله
فى اقرب فرصة

بس التاج دا تقيل اوى وراسي مش هتستحمله بس ياللا مش مهم هنتصرف

تحياتى
تشي

Che The Hermit said...

ايه دا انا اسمي مكتوب
طيب

معلش بقي العتب ع النظر

تحياتى
تشي

3ala asm masr said...

ايه ياعم الاجابات الجامده دى
بس انت ليه بتنكر انك كنت عضو فى جزب ام دبوه

النجم القادم said...

السلام عليكم
خالووووووووووو احمد
والله العظيم انته جامد
ايه التاج الجميل جداً ده انا عجبت بالتاج جداً
وبالاجابات بتاعتك
وكنت هزعل لو ممررتوهوش ليا ولكن جزاك الله خيراً واعدك بالاجابة عليه فى اسرع وقت
السلام عليكم
معلش نسيت
ادعوك لقراءة اخر بوست بعنوان

غزة تحت الحصار بالصور

بت خيخة وأى كلام said...

اهه انا من اجاباتك على التيجان استفدت حاجة وعرفت حاجة مهمة جدا
الا وهى
انى ماكنتش اعرف يعنى ايه حكومة ائتلافية وعرفتها منك يا صباغ
فهمت انا دلوقتى يعنى ايه حكومة ائتلافية
رغم انى خدتها ايام زماااان

المهم اجاباتك كلها كويسة ولو انى كنت عايزة اعرف اسم الدلع اللى انت اتكسفت تقول عليه ده
وايه نمشيها احمد
لا يا عم
انا عايزة اعرف
امال امسك عليك ذلة ازاى
المهم
انا بقى عندى ليك سؤال مهم جدا



ها
ماتجاوب
مش عارف الاجابة
طب اقولك سؤال تانى



برضه مش عارف
لاااا
ده انت حالتك صعبة اوى

المهم اجاباتك
يعنى
مش بطالة
نيهاهاهاهاهاهاهاهاع
احبطتك مش كدة
ههههههههه
لا بجد اجاباتك حلوة ومنسقة ومنظمة
وعرفت انك كنت تمر بوعكة صحية
الف سلامة عليك

اختك خيخة

paranoia,magnetic & dramatic girl said...

احمد اشكرك جدا
انك وضعت اسمي في التاج
انا مفروض اجاوب عليه في مدونتي صح؟
اشكرك جدا ده اول تاج يجيني
....
انت نسيت تحط سؤال مهم
هل انت شاذ؟
أو من المثليين قصدي؟
شكرا يااحمد
يارب تكون بخير
دودو

Rehab Mostafa said...

تاج مقبول يا خالو أحمد هجاوب عليه ان شاء الله علشان ماتحرمنيش من الميراث

على فكره أنا كمان بحب سيدنا يوسف جـــــــــــداً بعد سيدنا محمد (عليه الصلاة والسلام) وبحب أقرأ وأسمع صورة يوسف جداً جداً جداً

بس أنا زعلانه يا خالو أحمد كده انت لسه مديونلي بتاج :(:( ... لو مش عايز تجاوب عليه مافيش مشكله :) مش هحرمك من الميراث

هبههههووب said...

حلو مهرجان التاجات دا وايجاباتك حلوة اوى
انا متشكرة انك بتمرر التاج دا عليا ...من زمان وانا نفسى حد يمرر لى تاج وانت اول من مرر لى تاج بشكرك
انا لسه نشرة بوست جديد من 10 دقايق
وجاوبت فعلا على التاج بتاعك واضفت عليه تاج تانى ليك ولبعض المدونين
بس هنشره بعد كام يوم على ما البوست الاخير يتقرى
بس انت مالك اسئلتك صعبه ليه كدا
ربنا يستر

paranoia,magnetic & dramatic girl said...

احمد انا جاوبت علي التاج
ادخل شوفه
لو لك ملاحظات احب اشوفها منك
ربنا يكرمك
دودو

NIDAAL PAL said...

مش هعلق الا بكلمة واحدة
انته جبت التاتج الى راسك ده منين
بلاش عمليات التهكيير على راس الاخريين دى
بوست
رااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااائع

NIDAAL PAL said...

و اعذرنى يا صاحبى
مشكور اولاً على تمريرك التاج و لكن انت اكتر واحد عارف انى ما عندي فى الوقت الحالى غير ساعتين فراغ بس
ده لو لاقيتهم يعنى
هجاوبه بس بعد ما اظبط التايم تبعى
يلا سلام

سهر الليالى said...

سمو السلطان خالو أحمد الأول الصباغ

أحب أهنى جلالتكم أولا على هذا المهرجان العظيم
اللى ضحيت فيه بحبه مدونين
وكنت انا واحدة منهم بأرسالك لهذا التاج المتين
وأتمنى أن تكون جلالتكم لإجاباتنا من المعجبين
ومنك لله

:)

فكك بقى من جلالتكم دى
ايه يا ابنى أنت الإجابات الجامدة دى
بس ألا هو يعنى ايه إئتلافيه دى يا أحمد
حاجة زى الملوخيه كدة مثلا
هههههههه

لا بس عارف دايما مختلف يا خالو حتى وانت بتعمل تاج
ولا الصورة فظيعه جدا
هههههههه

ربنا يوفقك يا أحمد ويخليلك والدتك وتقدر تحججها حتى لو مدخلتش المجلس

فى أنتظار إجابتك انت كمان ولونك بعتها لشهر تلاته مش عارفة ليه الرخامه دى
وكل سنه وانت ومدنتك بخير مقدما

تحياتى
سهر الليالى

Hossam said...

حبيب قلبى حياه قلبى
وحشتنى جدا جدا جدا
بجد مكنتش عارف اخش حتى الميل بس الحمد لله انهارده كان الامتحان
وعدى على خير
اتمنى اشوفك قريب
وضفنى تانى على الميل لانى تقريبا مسحتك غصب عنى
سورى بجد
اشوفك قريب
باى

shams said...

اية يا بني التاجات دي كلها و انت كمان عملت تاج يا خراشي لا بس انت سياسي كبير يا صباغ

shayma said...

ايه ده كله ايه ده كله
بقى انا اعدى ولا بيا ولا عليا الاقى التدبيسه الوش دى

كل دى تاجات عاااااااااااااا
دانا عندى كمان واحد فى الفريزر
عاااااااااااا
ماشى يا خالو ماااااااااشى

بالنسبه للتاج الى حضرتك عامله.. فى محامى مرافق ولا انت تالف تاجات واحنا نجاوبها ورا الشمس

ههههههههههه
لا بجد جاااامد يا خالو
سلامى

عاشقه الفردوس said...

هههههههههههههههههه

حرام والله
ايه ده
انا قلت اشقر كده بعد الفتره اللي غيبتها الاقي التاج السلطاني ده


طلبت ان احن نقول احسن رد عجبنا

مممممممممممممممممممم


رمز المصاصه
ههههههههههههههه
عسوله اوي وطبعا ده يناسب المخاليل جدا واكيد حضرتك كتبته علي الاساس ده




اللي جابو العيال عملو ايه

علي رايك والله ماحدش ابدا استحضر النيه في زواجه ودعي ربه انه يخلف مثلا زي صلاح الدين
لا الكل بيستحضر النيه انه يخلف واحد لمض وواد روش وامور شكل المطرب الفلاني

استغفر الله ربنا يرحمنا



متشكره ع التاج

الله المستعان

ربنا يباركلك ويصلح حالك ويجعلك قره عين لوالدتك

اللهم اجعلها راضيه عنك واجعلها من حجاج البيت الحرام العام القادم ان شاء الله
ومن غير وسايط:)

خمسة فضفضة said...

السلام عليكم ورحمة الله وبركاته

حمد الله علي السلامه يا خالو

ايه كل التاجات الفظيعه دي وايه الاجابات الروعه دي

وايه كل الناس اللي انت ممرر لهم التاج دول

هو عااااااااد لينتقممممممم

ولا ايه

سؤال بس هو مهرجان التاج ده هايبقي سنوي ولا كل ست شهور ؟؟؟؟

paranoia,magnetic & dramatic girl said...

شكرا يااحمد لردك
واشكرك ان اول تاج ليا كان منك
الله حافظ
دودو

paranoia,magnetic & dramatic girl said...

احمد عارف انا كنت بعمل ايه
جبت مدونتك عاليها واطيها اقصد قريتها من زمااااااان لغاية الوقتي انا ليا 3 ساعات بقراها
...
في حاجات ضحكتني اوي وحاجات ضايقتني
حبيت انك بتحب اولاد اخواتك الكتاكيت
بس انت بدأت كتابة في المدونة من امتي؟
انا مكنتش ببص علي التواريخ كنت بعيش الاحداث واتفاعل معاها وبس
....
:)))) شكرا
اسفة لازعاجي
موفق دائما بإذن الله
دودو

Mo3Az said...

جميل خالص ما شاء الله
تاج حلو وردود جميلة
...يا
خالو احمد :)

--------
لا تنسى غزة من الدعاء
سلاام
(F)

مروة الزارع said...

من الملكة المعظمة مروة الزارع

إلى السلطان خالو أحمد الأول ملك البلاد

سوف نرسل لك جيوشنا لإقتحام مملكتك وأخذ تيجانك عنوة

سلم نفسك أحسن لك

هعهعهعهعهعهع

أية ياواد يا خالو دة

مسخخخخخرة

ههههههههههههههههههههههههههههههههه

الله يحظك يا شيييييييييييخ

هروح أجاوب بقى

أصل انا أسمى مكتوب

:)

الفاتح الجعفري said...

حبيب قلبي
ازيك ياابوحميد عامل ايه
ربنا يبارك فيك ويعزك
ان شاء الله هجاوب علي التاج بعد تاج بشمهندس مصري علشان الراجل بعتهولي بقاله اسبوعين وحاسس انه زهق مني علي الاخر ان شاء الله اجاوب النهارده انا واليعقوبي والتاج ان شاء الله علي يوم الخميس وربنا يجزيك خير علي الاهتمام
------------
ثانيا تعليقي علي الاجابات
ماشاء الله بجد يااحمد اجاباتك رائعه وتشعر انها من القلب
ومحدده وصادقه
والله من احسن الاجابات التي قرئتها
بارك الله فيك واعزك
وان شاء الله ياسيدي تقدر تحجج والدتك سواء بالمجلس او من غيره
وجزاكم الله كل خير

لسه بعقلى said...

تحفة التاج بصراحة
ربنا يكرمك بتاج اكبر
:)
بس ما يكونش السلطانية
:D

only spot said...

خالو احمد ازيك ومرسيه على التاج وباذن الله هرد عليه وكمان معجبه اوى باجاباتك على التاجين التانين بجد ومتفقه معاك باننا لو صحصحنا هتبقى نهايه اوروبا وامريكا وهم عارفين كده بس امتى يا رب ده يحصل بقى لحسن احنا بجد خللنا من كتر النوم
بجد تحياتى لاحسن خالو فى عالم البولوجرز
سلام عليكم

walaa said...

خالو احمد ايه مهرجان التاجات دى اللى انت عامله
هههههههههه
هههههههههه
ولا اقولك كده احسن علشان الناس متبقاش محرومه من حاجه
وانا اسمى مكتوب كمان يعنى اجاوب على تاجك ولا كل التاجات
واخيرا اجاباتك عجبتنى قوى تدل على شخصيه معتدله
ولاء

نـــــــازك الملائكـــــــة said...

ماشاء الله
اجاباتك بجد تحفة
انا مش مصدقة انى لقيت اسمى
:D
حاضر ان شاء الله في القريب العاجل
هجاوب عليه
بس ما اظنش نفس اجاباتك
:p
ربنا يعزك

محمد مارو said...

اولا الف شكر للتاج
ثانيا
انت مختار فى اول تاج مواضيع ملتهبه
و مواضيع رهيبه
براااااااافو عليك
بجد
انت جرىء و شجاع فعلا

DR.HAMAS said...

أخونا الكريم أحمد

أنا سعيد بقراءة مهرجانك

و أشكرك لانك مررت التاج ليا

اكرمك الله



د.حمــــــــــاس

raspoutine said...

انا كنت خلاص فاكر ان موضة التاجات دى خلاص خلصت
المهم انا لقيت ان تاجاتك ذات قيمة اما التاجات اللى شوفتها واتبعتتلى ورفضت الاجابة عنها كانت مملة وبصراحة ملهاش لا قيمة ولا هدف

انا زيارتى ليك جت متأخرة شويتين
وشكراً لزيارتك الاخيرة ليا


تحياتى

بشكرك

بنوته مصرية said...

جمييييييييييييييييل جداا
التاج يجنن عليك يا احمد

وبصراحه ممكن يكون احلي اجابات شوفتها
ربنا يكرمك ويوفقك ان شاء الله

اختك
رودي

أمير الهدوء said...

اول تاج ومنك
يا سلاااام
بجد حاجه جميله

شكرا جدا على زيارتك الجميله

:)
صديقك
احمد خالد

تحياتي

tota_fm said...

خالو السلطان احمد الاول اسفه على التأخير علي زياره مدونتك الرائعه دى بس كان عندي امتحانات ولسه مخلصاها وربنا يستر على النتيجه
بجد المدونه بتاعتك رائعه واجابات على التاجات جميله ربنا يزود ايمانك ويكرمك
وكل سنه والمدونه طيبه مقدما وعقبال مليووون سنه

فتحي الشيخ said...

شوف يا صاحب العزة نشكر سموك علي تمرير التاج الي بعض الرعايا ومنهم العبد لله اوعدك ان اجواب علي الاسلاك الشائكة اللي حطتها
تحياتي

Ma7moud So3ody said...

اسمح لي اقول لك ان مدونتك تحفه اخر حاجه
و دماغك اتحف اخر حاجتين
:D

تحياتي ليك
سعودي

Ma7moud So3ody said...

اسمح لي اقول لك ان مدونتك تحفه اخر حاجه
و دماغك اتحف اخر حاجتين
:D

تحياتي ليك
سعودي

aya said...

ايه ده ايه ده؟
انا اسمى مكتوب؟؟؟

اه
طلع مكتوب
اهئ اهئ

حاضر يابوحميد

تاجك على العين والراس

نجاوب عليه
باذن الرحمن

ماشى يابوحميد
وعلى فكرة ماشاءالله عجبتنى اجباتك كلها فى التلات تاجات

تسلم يا عمنا وربنا يباركلك

حل وسط said...

انا ماتعزمتش على التاج

بس عاجبني وهاخده وانا ماشية

ممكن؟

meshmesha said...

السلام عليكم
ازيك يا خالو أحمد؟بصراحه أسئلتك شيقه و مش قادره امنع نفسى انى مجاوبش عليها بالرغم من انى مش من المدعوين بس بجد استحمل
1- لأ طبعا .....ليه ؟!
2- الاول ان كان معنى المثليين هما الشواذ فطبعا رايى فيهم هو راى ربى انهم ملعونين زى قوم لوط و ده لا يمت بصله للحريه الشخصيه ده له علاقه وطيده بالنقص الشخصى و المرض النفسى
3-اعتقد ان مفيش اضطهاد للمسيحيين فى مصر أكبر دليل على كلامى ان فى منهم من يتقلد اماكن سياسيه مهمه و منهم من يمتلك ما يمكن بيه فتح غزه؟؟؟ و منهم اللى معارض الحكومه؟؟؟يبقى فين الاضطهاد؟؟؟!!! ده غير ان اجازتهم اصبحت تعطل فيها الحكومه و المصالح و المؤسسات و بيتم نقل احتفالاتهم و كأنها شعائر صلاة الجمعه .....متخلنيش اتكلم يبقى ناقص ايه؟؟؟
4-؟
5-؟
لا أوافق على ضم الاخوان المسلميناو الاقباط لسبب احب اخليه لنفسى
6- بصراحه مقدرش اقول افضل مدونه لانى لم ازور الا خمسه او سته بس
7-ممكن و مش ممكن
8-الولدين:ياسين و يوسف
و البنتين:سيرين(اول طبيبه فى الاسلام)وبسمله
9- طبعا هيتم
10-؟
11-؟

و الحمد لله مرحلة الخنقه عدت شكرا

مهندس مصري said...

و كمان حاططني أول اسم يعني في وش المدفع
قصدي التاج :)
طيب يا سيدي حنجاوبه بسرعة و مش حنحطه في التلاجة زيك

اجاباتك جميلة يا أحمد
ربنا يكرمك و ينولك الحج انت و الوالدة و نكون جماعة سوا
و أشكر لك اهتممامك بيا يا غالي

مهندس مصري said...

آه افتكرت
فين مهرجان التغطيات اللي عليك
ممكن تسميه بوست اللحاف الأعظم و لا حاجة
علشان تغطي بيه كل حاجة
و بعدين ايه اللي حصل في لقاء المدونين في معرض الكتاب
هي الحكاية اتفشكلت و لا ايه ؟

اسلام رفاعى said...

اجابات رائعة
ربنايكرمك
سعيد بزيارة مدونتك واتمنى ان تشرفنى فى مدونتى

موجة said...

لا لا لا
دا انتا بعت التاج لكصر كلها يا ابو صباغ
الا انا الا انا الا انا
انا كنت داخل اقولك نفسي تقرأ اجابات التاج اللي باعتاهولي دودو منك
لقيت مسابقة كبيرة عريضة عندك في البوست
بس مش فاهم تفاصيلها
ممكن تشرفني في المدونة و تفهمني اكتر ايه ده على ما اعمل كوبايتين شاي

خالص تحياتي
احمد

الدائخ said...

معلش يا جماعة بس حاسس إني أطرش ف الزفة
أولا إيه موضوع التاجات
أنا لقيت اسمي و مفروض أجاوب بس مش فاهم حاجة
عااااااااااااااااااااا
اعدروني أصل الفترة الل فاتت كانت امتحانات و أثرت بشكل وحش قوي

عاليا حليم said...

وبعدين بقى انا بفتح تلاجة المدونة
قوم ايه ؟؟
لقيت هيصة تاجات فى الفريزر

هههههههههههههههههههه

يا ملايا السلطان ايه الشعبية الجامدة دى ما شاء الله

متشكرة ع التاج و ححاول اجواب عليه حاضر

عاليا حليم said...

اه بعد أذنك انا ضيفتك فى قصر المحبة الجديد مدونة ( أهل عندليبيات ) جناح ( ضحك و لعب و جد و حب ) و اختار الوحبة بتاعتك زى ما تحب عبد الحليم بيشرف هناك ع الولائم بنفسه

لماضة said...

انا جاوبت على التاااااااااج
مليش دعوه عاوزه شوكولاتايه جالكسى بقى
تعبت والله

UNIQUE said...

بيقولوا ان الكثرة تغلب الشجاعة

انا لقيت الناس كلها بتجاوب التاج

فما لقيتش بد من اني ارد عليه

تحياااااااتي

لولا said...

ازيك يا احمد
يا بني انا كنت جاية وجيبالك معايا تاج هديه لاقيت عنك مهرجان تاجات
يلا بقى النبي قبل الهدية ضم التاج بتاعي لباقي التاجات
الجميله دي

او حطه في التلاجه بس خلي بالك لتنساه ويحمض

سلاماتي

Dr.Mohammed Gohary said...

باشا باشا باشا
باشا باشا يا باشاااا

باشا باشا باشااااااااا


متشكرين يا أحمد أفندي يا جميل
علي التاج والتدبيسة دي
رديت عليه في الموضوع دااا
http://goharyblog.blogspot.com/2008/01/blog-post_31.html
تحياتي يا جميل ومتشكر قوي

mesh2dra said...

ههههههههههههه
يعني اقول السلطان احمد ولا خالو احمد

شكرا اوي على انك افتكرتنى

حجاوب عليه
بس ادي المدونة هدنة من التاجات
احسن المدونين يستغلوا عدم وجودي و يحدفوا بلوجتي بالبيض والطماطم
:)

سلاماتي

ارسم بالرصاص said...

السلام عليكم ورحمته وبركاته يا أستاذي
شكرا علي تمرير التاج لي
وشكرا علي ردك علي اعتذاري
وجميلة اجاباتك علي الثلاث تاجات
ومنتظرة ردك علي تاجك الخاص
يعني جاوب علي تاجك
ياأستاذي العزيز
ربنا معك وممنوع التهرب
وانا مش هاجاوب علي
أي سؤال الا لما اقرأ اجاباتك
يعني لا مفر من الإجابة
اعتبرها فضول لمعرفة رأيك
أكرمك الله ورفع قدرك
آمين
والسلام عليكم ورحمته وبركاته
دعواتي
هايدي

محمد محمود يوسف said...

أنا مش مصدأ نفسي

وصل ياصباغ

تحياتي يا حُبــــــــــــــــــي

ابن حـجـر الـعـسـقـلانـى said...

يااااا خبر ... كل دول اتبعتلهم التاج ..بس لسة فيه واحد من ساكنى الكهوف فى إحدى قرى بلاد ما وراء النهر لسة ما وصلوش التاج

أنا مش عارف أعلق على إيه و لا إيه .. بس اللى عجبنى بصراحة ...... رمز المصاصة

متشنكرين على التاج يا صباغ باشا .. و يا رب كدة أشوفك رئيس

Desert cat said...

حتى انت يا احمد
يعنى شمس يلبسنى تاجين وانت كمان
روح يا شيخ انت وهو منكو لكنتاكى انتوا الاتنين

Ahmed Al-Sabbagh said...

mermaid

هههههه ميرسى يا هوجو يا عسل
وبعدين احنا تلامذتك

Ahmed Al-Sabbagh said...

mermaid

ايوة الصورة دى اخدتها ايام الحكم الصباغ

لما كنت جالس على عرش الخلافة الأحمدية

:)

Ahmed Al-Sabbagh said...

unique

ههههه
ماشى ماشى بقى بتهدى النفوس

حاضر هرد عليه بس بظبط الاجابة

Ahmed Al-Sabbagh said...

مدحت نص

صديقى واخى مدحت

انا اسف انت فعلا لفت نظرى الى ان معظم الاسماء اللى مررت لهم التاج مسلمة وكان المفروض اشرك الاخوة الاقباط فى النقاش

وعلى العموم انت اسمك مكتوب

ومستنيك تجاوب على التاج فى المدونة عندك

ولما هتشوف اجاباتى على التاج هتلاقى مفاجأه لك

Ahmed Al-Sabbagh said...

لماضة

عاااااا

انا والله ما غشيت

انا بس كنت ببص بطرف عينى هئ هئ

نورتى القاهرة والله لماضة

ونورتى معرض الكتاب والهيئة الكوتوبيه كلها

:)

Ahmed Al-Sabbagh said...

عصفور المدينة

ربنا يكرمك وحفظك

وانا حاليا بقرا ردك على التاج

دمت لى بخير

Ahmed Al-Sabbagh said...

Appy

ايوة تستاهلى بس ما تقلقيش انا كلى اخلاص ووفاء

واوعدك انى هجيب لك عيش وحلاوة بعد ما تجاوبى التاج على طول

هههههههههه

مستنى ردك على التاج

Ahmed Al-Sabbagh said...

كندرانى اوى

دى عقوبة جزاءا ليك عشان بتعرف واحد زيى

ههههههههههه

مستنى ردك على التاج

Ahmed Al-Sabbagh said...

اسكندرانى اوى

دى عقوبة جزاءا ليك عشان بتعرف واحد زيى

ههههههههههه

مستنى ردك على التاج

Ahmed Al-Sabbagh said...

šσяšαяαα

ههههههههههه

مستنى اجباتك وما تهربيش وتقولى المدونة مقفولة

مفيش رحمة

J

Ahmed Al-Sabbagh said...

Che the hermit
اسمك مكتوب يا باشا

Ahmed Al-Sabbagh said...

Che the hermit

ركز هتلاقى اسمك مكتوب ومنتظر اجاباتك على التاج

Ahmed Al-Sabbagh said...

3ala asm masr

ههههههههه ما انا قلت بقى مش تبع الحزب

Ahmed Al-Sabbagh said...

النجم القادم

ربنا يكرمك على كلامك الجميل

وانا جيت مدونتك

وعلى فكرة كل موضوعاتك جميلة ومتميزة

Ahmed Al-Sabbagh said...

بت خيخة وأى كلام

حكومة ائتلافية

هههههههههه

مفروض تدفعى بقى تمن المعلومات دى

واسم الدلع مش هقولهولك

هههههههههههههه

شكلك ظريف اوى اليومين دول

Ahmed Al-Sabbagh said...

paranoia,magnetic & dramatic girl

اشكرك بشدة

واظن ان اجزاء السؤال الاخرى تحمل ضمنيا نفس سؤالك ده

Ahmed Al-Sabbagh said...

rehab mostafa

انا اسف جدا جدا يا رحاب واكرر اسفى ان تاجك سقط سهوا

واوعدك فى المهرجان القادم فى شهر مارس اجاوب عليه ان شاء الله

Ahmed Al-Sabbagh said...

هبههههووب

تسلمى يارب

ومنتظر اجاباتك

Ahmed Al-Sabbagh said...

paranoia,magnetic & dramatic girl


ايوة تمااااام

انا دخلت وسيبت تعليق

Ahmed Al-Sabbagh said...

NIDAAL PAL
هههههههههه

وانت مالك كان تاجك يا اخى

انت حشرى حتى فى التاج اللى فوق نافوخى

ههههههههههههه

Ahmed Al-Sabbagh said...

NIDAAL PAL

ربنا يعينك ويوفقك ولما تفضى ابقى جاوب على التاج فى اى وقت

مش هضغط عليك

Ahmed Al-Sabbagh said...

سهر الليالى
يارب يخليكى يا سمو الاميرة

جلالة السلطان اللى هو انا منتظر اجابتك على التاج يا سمو الاميرة

Ahmed Al-Sabbagh said...

hossam
حبيبى وحشتنى

ماشى يا عم اما نشوف اخرة النت البايظ ده

منتظر اشوفك قريب

Ahmed Al-Sabbagh said...

shayma
ههههههههه

ايوة عشان تحرمى تعدى وايدك فاضية من غير فاكهة ولا حاجة

انا قولت املا ايدك وانتى خارجة بالتاج ده

Ahmed Al-Sabbagh said...

shams

تسلم لى يا شموووس

يا شمس المدونين

Ahmed Al-Sabbagh said...

عاشقة الفردوس


ربنا يكرمك يا رب

شكرا على دعائك ليا وكلامك الحلو

منتظر اجابة التاج

Ahmed Al-Sabbagh said...

خمسة فضفضة


لأ المهرجان ربع سنوى حضرتك

يعنى اربع مرات فى السنة

ههههههههه

Ahmed Al-Sabbagh said...

paranoia,magnetic & dramatic girl

شكرا ده اقل واجب وشكرا على اهتمامك

Ahmed Al-Sabbagh said...

paranoia,magnetic & dramatic girl

بجد والله انتى نورتى كل مكان دخليته فى المدونة

وانا سعيد جدا بزيارتك ليا

ويارب ما اتحرمنش منك ابدا

Ahmed Al-Sabbagh said...

mo3az


تسلم ليا وربنا يبارك لك

وينصر اخواننا فى غزة

Ahmed Al-Sabbagh said...

مروة الزارع

هههههههههههه

الملكة مروة الزارع مستنى اجابتك على التاج والا ارسلت لكى جيوشى

اما نشوف

Ahmed Al-Sabbagh said...

الفاتح الجعفرى

ربنا يكرمك يا حبيبى

واشكرك بشدة على كلامك الرقيق

واتمنى لك كل التوفيق والنجاح والسعادة فى حياتك

Ahmed Al-Sabbagh said...

لسه بعقلى

هههههههههه

عموما بردو لو سلطانية مش هزعل

السلطانيات دلوقت بالشئ الفولانى

:)

Ahmed Al-Sabbagh said...

only spot

تسلمى يارب ويسلم كلامك الجميل

وادعى بس ان العرب والمسلمين يفوقو

Ahmed Al-Sabbagh said...

walaa

ههههههههه لأ تجاوبى على تاجى انا بس

ولو عايزة تجاوبى على تاج تانى مفيش مانع

Ahmed Al-Sabbagh said...

نازك الملائكة

هههههه اه اوعى تغشى

وعايزك تجاوبى على التاج بتاعى اهم حاجة

Ahmed Al-Sabbagh said...

محمد مارو

ربنا يخليك يا مارو

يارب يكون عجبك

Ahmed Al-Sabbagh said...

dr.hamas

أشكرك بشدة على كلامك الجميل ودعائك

Ahmed Al-Sabbagh said...

raspoutine


اشكرك على كلامك الرقيق

وسعيد جدا بزيارتك

واتمنى ان تنال مدونتى اعجابك دائما

Ahmed Al-Sabbagh said...

بنوتة مصرية

ربنا يخليكى يا رودى

والله انا محتاج اتطمن علي اخبارك بجد

وتسلمى على كلامك الجميل

Ahmed Al-Sabbagh said...

أمير الهدوء

اشكرك على اهتمامك انت من اوائل الناس اللى جاوبو التاج

Ahmed Al-Sabbagh said...

tota_fm

كل سنة وانتى طيبة يارب

شرفتينى ونورتينى

Ahmed Al-Sabbagh said...

فتحى الشيخ

هههههههه اسلاك شائكة

ماشى يا افندم منتظر

Ahmed Al-Sabbagh said...

Ma7moud So3ody

ربنا يخليك واشكرك على كلامك الحلو

Ahmed Al-Sabbagh said...

aya


أيوة تجاوبى وبسرررعة

احسن احرمك من الميراث

Ahmed Al-Sabbagh said...

حل وسط

معزومة معزومة معزومة

Ahmed Al-Sabbagh said...

meshmesha


انا مبسوووووووط اوى انك جاوبتى التاج

لكن احب انك تجاوبية فى بوست منفصل

لانك رأيك يهمنى اوى

واجابتك تبدو قوية وجميلة

Ahmed Al-Sabbagh said...

مهندس مصرى

ربنا يكرمك يا حبيبى

ايوة انت فى الاول عشان انت مهم

وكمان بالمرة تبقى فى وش المدفع وتجرأ كل الناس انها تجاوب التاج

Ahmed Al-Sabbagh said...

مهندس مصرى


التغطيات قريبا ان شاء الله

Ahmed Al-Sabbagh said...

اسلام رفاعى


ربنا يكرمك متشكر ليك اوى

وانا بالفعل زورت مدونتك وعجبتنى كتير

Ahmed Al-Sabbagh said...

موجة

ادينى جيت يا دكتور وقولت لك

فين بقى حق الديليفرى

Ahmed Al-Sabbagh said...

الدائخ

انت كمان جيت لغاية عندك وشرحت

هات بقى حق الديليفرى

Ahmed Al-Sabbagh said...

عاليا حليم

ايوة تجاوبى عليه احسن والله انتى عارفة ممكن السلطان يعمل ايه

هيعمل ايه صحيح

اقصى حاجة ممكن يحدفك بالتاج يعورك

:)

Ahmed Al-Sabbagh said...

عاليا حليم

انا قبلت الاضافة لما لقيت فيها اكل بس رحت مالقتش حاجة عااااااا

Ahmed Al-Sabbagh said...

unique

ايوة جدعة كنت لسه يا دوب هقيم عليكى الحد

بس طلعتى جدعة

Ahmed Al-Sabbagh said...

لماضة


يااااه شيكولاتة بس

ده مصنع شيكولاتة كامل

انتى بس تؤمرى

Ahmed Al-Sabbagh said...

لولا

ههههههه حاضر

هجاوب على تاجك ان شاء الله

Ahmed Al-Sabbagh said...

Dr.Mohammed Gohary

شكرا ياباشا على اجابة التاج

Ahmed Al-Sabbagh said...

mesh2dra

هههههههههههه انتى كمان بيحدفوكى ببيض وطماطم

انا كنت فاكر انا بس

Ahmed Al-Sabbagh said...

ارسم بالرصاص

ربنا يكرمك يا هايدى

وحمدلله على السلامة

Ahmed Al-Sabbagh said...

محمد محمود يوسف

يووووووووووووسف ياللا قوم فز جاوب على التاج

هههههههههههههه

Ahmed Al-Sabbagh said...

ابن حـجـر الـعـسـقـلانـى
ياريت والله اشوفك ومتشكرين على الزيارة الكريمة بس فين الموز :)

Ahmed Al-Sabbagh said...

Desert cat

ههههههههههههه

لكنتاكى ولا لهارديز

وش مطلع لسانة ههههههههه

ســـــــــمــــــــســــمـــايــــة said...

وصل وصل التاااااااااااااج
بس ده صعب اوي اوي ايه ده
انا رديت عليه ف المدونه عندي
انا علي فكرة قفلت ارض الاحزان
و سيبت ارض الجنون
يا خالو
انا دلوقتي ياسمين ارض الجنون
مش ارض الاحزان
هههههههههههههه
ياللا بقي انا قلت ارد ف المدونه
عندي عشان تنورها بالزيارة

Salma Amer said...

اولا صباح الخير ومساء الفل عليك يا خالو
سمحني اني اتأخرت على في الرد على كوكتيل التاجات الدسم دة
بس شكلك كنت بتذاكر كويس لانك رديت على كل الاسئلة بقتدار

طيب انت ربنا كرمك و نجحت تقوم تدبس ناس تانية في تاج احنا فينا من الحركات دي ماشي ماشي
وادعيلنا ربنا يقدرنا نرد على التاج قبل احتفالات شهر مارس العظيم
تحياتي

وفاء بركات said...

بسم الله ماشاءالله عليك دايما متألق
جريئةالأسئلةقوى ربنا يقدرنى وأجاوب عليها بس على فكرة راح أطلب مساعدة صديق ممكن المساعده د تكون منك مأنت عارف انى لسه فى حضانة نت قولى أنت إزاى وأنا جاوب على طول
على فكره من غير النظاره كنت فكره التاج تورته لولا بنتى هى اللى قالت لى انه تاج
زي القمر ربنا يحميك

Akhadiwi Rajie said...

Aw, this was a really nice post. In idea I would like to put in writing like this additionally – taking time and actual effort to make a very good article… but what can I say… I procrastinate alot and by no means seem to get something done.
Visual-paradigm.com
Inmethod.com
Qubeshub.org