خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Feb 19, 2008

لقاء جميل جدا

أصدقائى وأحبابى
اليوم كان بالنسبة لى يوم تدوينى غير مسبوق
انهاردة يمكن اكتملت واحدة من أجمل العلاقات الأنسانية
اللى شهدتها عبر حياتى
علاقتى بصاحب يوميات عيل مصرى
تلك اللمحة المضيئة فى حياتى وحياة الكثيرين فى عالم التدوين
الاكتمال .. كان بلقائى به
الحقيقة فى شهر ديسمبر الماضى وفى احد لقاءاتى الوجدانية مع نفسى
حطيتة فى قائمة أهم عشر شخصيات فى حياتى
وانهاردة حسيت انه تكريم من القدر لى
بإنى ألتقى به .. وبدون التنسيق طويل الاجل اللى حصل فى اجازتة السابقة لمصر .. وفى الاخر باء التنسيق بالفشل وما اتقابلناش

كان لقاءا مدهشا وعاصفا بالمشاعر النادرة
مع الاستاذ ..أحمد محمد على
صاحب ..
يوميات عيل مصرى

ملحوظة : الكلام اللى هقولة ده .. مفيهوش أى نوع من المجاملات

اذا وصفتة بأنة رجلا طيبا .. صادقا .. مفكرا .. ودودا .. لدية لمحات عبقرية فى مجال التدريب والتنمية البشرية وتنمية التفكير والقدرات .. اذا وصفتة بهذة الصفات .. فهى جزء من كل .. وربما فيها انقاص لما شعرت به

ومما زاد هذا اللقاء النادر جمالا وبهجة .. وجود الصديقة المدونة الرائعة
سارة ..
صاحبة بلاعة الحكومة

المكان : جروبى – وسط البلد ميدان طلعت حرب
الزمان : انهاردة الثلاثاء 19/2/2008 الساعة الثانية ظهرا

كان لقاءا نادرا وممتعا ومفيدا بكل المقاييس
سمعت لأول مرة الكثير من يوميات العيل المصرى مباشرة منه بدون حاجز الشاشة الفضية
انبهاااار انبهاااار انبهااار
وتناقشنا بأسلوب رائع وراقى بدون حاجز صفحة التعليقات
انبهااااااااااااار
(متهيألى بعد اللقاء ده يحق ليكم تسميتى .. أحمد الصباغ المنبهر)

والحديث معه لا يتوقف أبدا عن الحدود الصلبة التى يرسمها البشر للحديث
وانما يمتد لأفاق رائعة
ترى فيها لأول مرة بقلبك أشياءا موجودة حولك
ولكن لا تراها

والحقيقة أن دقائق قليلة جدا تتحدث فيها مع الاستاذ أحمد على .. كافية لأن يبدأ منحنى تفكيرك فى النشاط والتحول لأكثر إيجابية وبل والتأمل أيضا

شرح لنا الاستاذ احمد تصورة حول نموذج المؤسسة الإعلامية الناجحة .. حيث يتكون هيكلها التنظيمى من أربع أركان متمثلة فى الدوائر الأربعة كما فى الرسمة التى رسمها بيدة


اما نموذج المؤسسة الاعلامية المتخبطة هو كالاتى



وللأستاذ أحمد محمد على كتيب مطبوع من توزيع دار أريج للنشر والتوزيع
الكتيب بعنوان .. إنت السبب
وده غلاف الكتاب

اما ده فالغلاف الخلفى للكتاب.. وعليه عنوان وتليفون دار النشر

وده الاهداء اللى شرفنى بيه الاستاذ أحمد

كما ان للاستاذ احمد شريطين بعنوان .. طبعا نقدر
الاول بعنوان : إحلم ولا يهمك .. والثانى بعنوان : نقطة تحول
الأشرطة من توزيع شركة سندباد للتوزيع
وده الغلاف الامامى لعلبة الشريط

وده الغلاف الخلفى

وفى نهاية البوست اتذكر بشدة


كلمات كنت قد أرسلتها للاستاذ صاحب يوميات العيل المصرى
"
السلام عليكم ورحمة الله ... بداية احب اشكرك على كلماتك الرقيقة فى حقى وحق كل المدونين .. الذين أعتبرهم جزء لا يتجزأ منى جسدا وروحا ، واسمح لى أن أعتبر ان علاقتى بك هى ليست علاقة تدوين فقط
ولكن هى علاقة إنسانية فوق العادة..تمثل انت فيها الطرف المُعلم والصديق والأخ الأكبر.. و كتاب كبير مفتوح يضم تجارب انسانية قيمة وجميلة وشيقة
.
.
فى البداية كنت فى مرحلة التعرف على مقالاتك من مبدأ انها "حكاوى جميلة" ... ثم بعد قراءات قليلة ... فؤجئت أن الموضوع يتعدى كونة حكايات مسلية... الى أنه تجارب انسانية قيمة تمثل خلاصة حياة لأنسان عاش فى فترة من أهم فترات الحياة المصرية ... تجارب انسانية طالما توقفت أمامها ، وتأملت فيها تأمل المتذوق للوحة تشكيلية أو المشاهد لفيلم واقعى ، وبالتالى فأنا اذا سمعت منك بخبر إغلاق المدونة لفترة ، او لأجل غير مسمى ، فلن يكون هذا بالنسبة لى وداعا ، وإنما هو إنتقال من مرحلة إلى مرحلة
من مرحلة القراءة عبر الشاشة ربما لمرحلة قراءة وجها لوجه
فإلى القاء يا صديقى وأخى الحبيب
الى اللقاء وجها لوجه
أحمد
3/1/2007


"
وها قد جاء اللقاء وجها لوجه
صحيح كان لقاء قصير لما يتجاوز الساعتين
لأن أستاذ أحمد كان يتأهب للسفر
ولكن إن شاء الله لن يكون أخر لقاء
وبالمناسبة استاذ احمد ذكر كل المدونين .. مدون مدون .. بالمحبة والسلام وحملنى سلامات كتيييييير لغاية ما تحين فرصة مناسبة ويلتقى مع الحبابيب
فإلى لقاء قريب إن شاء الله
وأفكركم باللقاء الأسبوعى بصالون المدونين فى قهوة البورصة
الخميس 21/2/2008م


كان معكم من جروبى
أحمد الصباغ

90 comments:

لماضة said...

الله الله
اللى اداك يدينا يا سيدى
والله استاذ احمد اثر فينا كلنا بكتاباته وتواصله الممتع معانا من خلال عالم التدوين
ربنا يحميه ويحفظه ويدينا كمان وكمان
وخلى بالك ده حمايا
انا حجزت ابنه خلاص

aya said...

يااااااااااااااااه يا احمد

ممكن لو سمحت بعد اذنك يعنى
احقد عليك
والله مش حقد شرير

بس بجد يعنى انت حظك من السما
ما شاء الله انك قابلت راجل محترم وبجد مالوش زيى زى استاذ احمد

ربنا يكرمك انت وهو
ومش عايزة اقلك انا حاسة انى مبسوطة قد ايه


ربنا يا سيدى يقدرلنا ويدينا نفس فرصتك ديه
ونقابل استاذنا

حلال عليك يا عم اللقاء ده المرة ديه

3abdo me7tas said...

ايه يا عم احمد انت مش خايف اننا نحسدك
طيب هه انا بحسدك اهو
:P
بجد انا كنت بسمع عن الاستاذ احمد من زمان
يا بختك يا عم
عقبالنا يا رب

يوميات عيل مصري said...

لسة داخل البيت حالا والحمد لله انك كنت صاحي وعرفت اكلمك
مش عارف اقولك ايه ع الكلام ده كتير اوي يا بو حميد والله كتير اوي
ربنا يبارك فيكم كلكم ويجعلكم فخر لأهلكم ووطنكم،
انا النهاردة من اسعد الايام اللي مرت علي بقاءك ولقاء سارة كمان
اد ايه حسيت انكم رائعين كلكم
واد ايه حسيت اني فخور اوي اني بأنتمي لبلدي الي فيها ناس زيكم الواحد يتعلم منهم ويبقى فخور ادام اي حد انه يقول أنا م البلد دي
اللي فيها ناس زيكم .. باكلمك باسلوب الجمع عشان عارف انك بتشعر ان المدونين كلهم انت
انا باشعر بالفخر اني بانتمي لشباب يفرح القلب وناس رائعين زيكم
ربنا يحفظكم وتفضلوا دائما فوق
سلامي لكل الناس اللي كان نفسي اشوفها وما حصلش نصيب
ربنا معاكم
أحمد

عصفور المدينة said...

ماشاء الله يا أحمد بارك الله فيك
وجزاك الله خيرا على طمأنتنا على حبيبنا

خمسة فضفضة said...

السلام عليكم ورحمة الله وبركاته

تصدق يا احمد امبارح كنت بقرأ تدوينة لباشمهندس عصفور ، فكرتني بابو فداء يمكن لانها تشبه محاضرات التنميه البشرية
لقيتني باروح المدونه هناك واسيب تعليق

عارفه والله ان الامتحان قرب اوي وان خلاص مافيش وقت لاي حاجه الا المذاكرة
بس حسيت ان الغيبه طولت اوي ، قعدت افر في المدونه واقرا المواضيع القديمه وافتكر ايامنا هناك وازاي كانت بتلمنا حواليها وكلنا كنا معتبرينها بيت العيله الكبير ، والمشاعر الجميله اللي كنا بنعشها لما نرجع بذكرياتنا لاحلي ايام


شكرا ليك يا احمد انك طمنتنا علي اخونا الكبير اللي كلنا بندعيله من قلينا ان ربنا يوفقه ويديله كل اللي يتمناه

appy said...

يعنى يا منبهر افندى فى المقابلات بتاعت البورصه بس تقولنا علشان عارف الصداع وفى المقابلات الجامده دى متقولش بستفرس بيها لوحدك عموما هفوتها لك
بس بجد حلو قوى نقلك للموضوع وهو من الشخصيات اللى بحترمها جدا جدا فى المدونين

šσяšαяαα said...

والله ياجماعةانا ولاول مرة فى حياتى اعتبر نفسى من المحظوظين لانى دايما بحس انى منحوسة والحظ مكعبل معايا

بس سبحان الله اليوم دا انا حاسة انه حلم كدا ومش قادرة اتخيل انى قابلت استاذ احمد اساسا
بس انا اخدت كتاب وشريط من المجموعة اللى استاذ احمد كان جايبها مع انى استريتهم من معرض الكتاب بس طبعا اخدت كتاب تانى عشان استاذ احمد يكتبلى توقيع فييييه

وبجد استمتعت فعلا بالوقت القليل دا وكمان بقى الحديث كله كان عن مجال دراستى اساسا فطبعا استفدت جداااا من كل الكلام وربنا يجزيك يااستاذ احمد كل خير يارب لانك بتساعدنا نوسع مداركنا ونفهم اكتر مش من خلال التدوينات بس لا وكمان فى الوقت القصير اللى قابلت حضرتك فيه برضو حاولت تفيدنا على اد ماتقدر

مصر حلوة جوى جوى يابوى هبجى انزلها كل يوم طالما الواحد بيقابل شخصيات نادراً انه يلتقى بيها

يمكن ربنا قدر كدا علشان لو فعلا المدونين اجتمعوا واستاذ احمد مش هعرف اكون موجودة.. اقاليم بقى والقاهرة دى بنشوفها كل سنة مرة:)

رغيت كالعادة بس ببعبر عن فرحتى وكنت ناوية اعمل بوست انا كمان بس كفاية خالو ماشاء الله عمل تغطية صحفية شاملة متكاملة

كان نفسى كل المدونين يبقو معانا
بس استاذ احمد باتعلكو السلام ناااافر نااافر

مش عاوزين حقد طبقى بقى.. خللونى ابقى محظوظة مرة من نفسى:)

وشكرا والسلام عليكم

مهندس مصري said...

طيب أقتلك و لا أعمل فيك ايه يا أحمد
انت عارف اني نفسي أشوف الأستاذ أحمد جداً
و انت تقابله كده من غير ما تقول
طب لو كنت قلت و لو قبلها بساعتين حتى كنت سبت اللي وراي و اللي قدامي و جيت جري

إخص يا صباغ إخص

أنا زعلان
بجد زعلان
:(

مهندس مصري said...

فهمت من الأستاذ أحمد كل حاجة
أنا مش زعلان خلاص

بس حزين بس

Omar... [ خروشات ] said...

كنت اديتنا خبر يا استاذ احمد

عشان نلحق المقابلة مع الاستاذ احمد


واالا؟ لازم اغير اسمى الى احمد؟


اخوك عمـــــــر،

خبيب said...

يا سلااااام

شوقتني جدا أن أقابله وجها لوجه

عشان أنبهرررررر

:)

ربنا ينفع به وبك

gannah said...

بجد مش عارفة اقولك ايه ...مبروك لك كتير بس مكن اعرف ايه انت ازاى قابلته او اتعرفت عليه؟وايه المكان اللى بيتجمع فيها المدونين ؟؟اصلى نفسى اعرفه لانى لسه جديدة...اشكرك

ا بـن عــمــر said...

حاجة جميلة أوى
من كلامك ده خلتنى أتمنى اقابله
وربنا يكرمك انك نقلتلنا تفاصيل المقابلة ده

بنوته مصرية said...

بجد يا احمد انا زعلانه لانك معايا علي المسنجر ومقولتش

والله كنت هنزل علطول

بس ياريت المرا الجاية تقولنا

بجد ده من الشخصيات اللي الواحد يفتخر انه بيعرفها وبيكلمها
ربنا يخليه لينا يارب

تحياتي لكم جميعا
رودي

shreen said...

اسعد لحظه فى حياه انسان
عندما تتجسد له امنيه على ارض الواقع
وتجسدت امنيتك بلقاء الاستاذ احمد محمد على

لن تعدم هذه البلد اناسا مبدعون وصادقون
ما دام بها من يمتلكون تلك الروح والحماسه

تحياتى

صوت من مصر said...

يا بختك ياعم
نحسد ولا نقر
ايه الف مبروك ولا ايه ايه ياعم احمد
اكيد مقاله مهمه

بت خيخة وأى كلام said...

يا بختك يا منبهر
بس اقولك على حاجة يا صباغ
بجد مبسوطالك
لانى دايما بحس ان انت واحمد اخوات
وكان طبيعى جدا انكم تتلاقوا فى يوم من الايام
معرفش ليه بس من ساعة مادخلت عالم التدوين
وانا دايما بحس ان انت واحمد نقطتين لخط عمودى واحد
ايه التشبيه الغريب اللى انا شبهتكم بيه ده

عموما يعنى انا فرحنالك
سلام
اختك خيخة

صاحب المضيفة said...

يابختك يا عم

كان نفسي أشوفه انا كمان

على العموم ملحوقة ان شاء الله


دمت بخير

wanna b a physician said...

ربنا يحققلك كل ما تتمنى سواء مقابله اناس تحبهم او دوام محبتهم
اخوك احمد(عبده)

Anonymous said...

رب صدفة خير من ألف ميعااااااد
ربنا يكتبلك الخير فى كل حاجة والحمدلله اننا اطمنا على استاذنا الكبير ... هنيالك يا خالو
مستــ ج ــدة

الفاتح الجعفري said...

حبيب قلبي الغالي
ربنا يبارك فيك ويعزك يااحمد
وانت من الناس المحترمه الرائعه فعلا
وطبعا استاذنا احمد علي ربنا يحفظه ويبارك في عمره وجهده من الناس فعلا المؤثرين والذين يتركون انطباعات رائعه في النفوس
ربنا يبارك فيكم ياابوحميد واشوفك النهارده
وجزاكم الله خير

Ahmed Al-Sabbagh said...

لماضة

هممم من اول تعليق أر كدة

طب استنى عليا شوية اشم نفسى

حماكى ؟؟؟

خسارة

كنت فاكر ان بابا الله يرحمة هو اللى هيبقى حماكى

هههههههههههههههههههههه

حلوة صح ؟

:)

Ahmed Al-Sabbagh said...

aya


احقدى يا ضنايا احقدى

هو احنا بناخد ايه غير الار

يعنى انتى نجحتى اهو ولا شوفنا ريحة البيبس

:)

Ahmed Al-Sabbagh said...

3abdo me7tas

ههههههههه

احسد يا سيدى براحتك

اخوك بردو ومفيش ما يمنع انك تحسدنى

هههههه

Ahmed Al-Sabbagh said...

يوميات عيل مصري

والله مش عارف اقول ايه ردا على الكلام الجميل ده

بجد والله احنا اللى فخورين بيك

وعلى فكرة البوست ده

ماوفاش اللقاء ده حقة خالص

بجد فى كلام كتير اوى كان نفسى اكتبة

بس حسيت انى هكتب مليون صفحة

بجد ما تتصورش انطباعنا عنك عامل ازاى والله يا استاذ احمد

احنا لو كانت لينا جناحات كنا طيرنا

ربنا يخليك لينا ويحفظك لينا يارب

Ahmed Al-Sabbagh said...

عصفور المدينة

جزاك الله كل خير

Ahmed Al-Sabbagh said...

خمسة فضفضة

شكرا ليكى يا دكتورة على زيارتك وكلامك الجميل

وربنا يوفقك فى الامتحانات يارب

Ahmed Al-Sabbagh said...

appy

يا منبهرة هانم

لو تعرفى اللى حصل عشان نتقابل ما كنتيش هتقولى الكلام ده

لما اشوفك هحكيلك

Ahmed Al-Sabbagh said...

šσяšαяαα

منحوسة ليه بس

ده انتى ست الكل

والله كان يوم جميل اوى يا سارة

وفرحان اوى انى شوفتك وشوفت الاستاذ احمد

بجد شكرا على اليوم ده

اكيد مش هنساة ابدا

Ahmed Al-Sabbagh said...

مهندس مصري

لو تعرف الظروف مش هتقول كدة

والاستاذ احمد كان نفسة يشوفك اوى اوى

Ahmed Al-Sabbagh said...

Omar... خروشات


ههههههههه

لا هو عمر جميل خالص

بس والله اللقاء ما كانش مترتب اوى

تقريبا جه فجاءة

Ahmed Al-Sabbagh said...

خبيب

ربنا يخليك

وان شاء الله نلتقى قريبا

Ahmed Al-Sabbagh said...

gannah

ربنا يخليكى

ان شاء الله هتكونى بلوجرية كبيرة

وتتعرفى على كل المدونين

:)

همس الاحباب said...

بصراحة انا لسه ما حصليش الشرف بمعرفة الاستاذ احمد على لانى زى ما انت عارف انا لسه كى جى 1 تدوين بس الواضح انه شخصية جديرة بالاحترام وانت اهل ثقة وتقدير واتمنى انه يسعدنى الحظ والتقى بك قريبا انشالله
ومزيد من التقدم والرقى يا صباغ
اخوك خالد

حسن ارابيسك said...

ذكرتني
بمحفوظ ابو طاقية
لما جاب جون في مصر
جميل انك ماضيعتش وقت فلقاءك بالاستاذ احمد واضح جداً ثمرته وأيضا نتاج هذة المقابلة التي امتعتنا بيها ونتعشم ان تكون خرجت بكام موضوع تدونهم لنا على حلقات
تحياتي

تائهة فى أرض الأحلام said...

خطوة رائعة أنكم تتقابلوا

فعلا فيه أكتر من حد نفسى أتعرف عليه
بس الواحد لسه قلقان من علاقات النت

واناهاحاول فى مرة اجى قهوة البورصة
بس هابص عليكم من بعيد

تحياتى لك

modhash afandy said...

ايه يا جماعة كم الحقد اللي على الراجل ده
هو تحت يقعد مع احمد محمد علي
واحنا فوق نكح تراب

آلام وآمال said...

ما شاء الله يا خالوا
والله حاجة تفرح جدااا

ويا بختكم
:D

اسكندراني اوي said...

يا بختك يا خالو
نفسي من زماان اقابل الناس الحلوه دي

Tiago Enes said...

Bom texto!

Post muito interessante!

Gostei muito do teu blog!

Parabéns continue assim!

Tenha um ótimo final de semana!

Lidiane Cristina said...

Thank's

Sarinha said...

Thanks for your comment!! =)

Always come back...

Bye !! Take care!!

Anonymous said...

رائع

مدونة جميلة جدا

bocycat said...

يابختك ياصباغ طبعا انت كنت مع انسان اكتر من رائع .. انا مكنش ليا الشرف اعرفه عن قرب الا من خلال المدونة بس كفاية الناس دى كلها اللى بتحبه عشان اعرف انه هايل فى عمله وعلاقاته الانسانية ويارب اللقاء التانى يكون معانا كلنا .. ولا ايه رأيك .. تحياتى لنقلك لنا المقابلة وده ادانا امل اننا ممكن نتعرف على شخصية محترمة زى احمد .. تحياتى

bocycat said...

احمد انا اول مرة ادخل عندك واعرف ان فى لقاء للمدونين تقريبا شهرى ده ولا ايه بس الساعة 6 ده صعب ليه كدة

נéѕѕι¢α ∂ιαвσℓιkє said...

Thank you

سهر الليالى said...

أنبهار أنبهار انبهار

بجد مش عارفة أقول إيه لأن فى كلام كتير
بس من الأخر


يا بختك يا أحمد

تحياتى

Tiago Enes said...

Very good

خمسة فضفضة said...

السلام عليكم ورحمة الله وبركاته

لا يا احمد مش انا اللي عندي امتحانات ، دا ابو فداء هوه اللي عنده امتحانات الدكتوراه في شهر مارس
ادعوله ربنا يوفقه ان شاء الله

simple girl.. ..simple dream said...

ازيك يا صباغ
انا دخلت مدونة يوميات عيل مصرى زى انت ما قولتى
وفعلا كان عندك حق
المدونة جامدة جدا واسلوب الكاتب شيق ويشد
بس اشمعنى عملت له كل الدعاية دى وانا لا
دة احنا حتى اصحاب يا احمد
لو سمحت البوست الجاى يكون عنى وعن انجازاتى العظيمة
وربنا يجعله عامر

Ahmed Al-Sabbagh said...

ابن عمر

شكرا على كلامك الجميل

Ahmed Al-Sabbagh said...

بنوتة مصرية

مش تزعلى يا رودى

وان شاء الله ليكى عندى ارتب يوم لما ينزل ونتقابل كلنا

Ahmed Al-Sabbagh said...

shreen

شكرا ليكى بحد على الكلام الجميل

Ahmed Al-Sabbagh said...

صوت من مصر

ازيك يا محمد

منور المدونة

Ahmed Al-Sabbagh said...

بت خيخة وأى كلام

خيخاااااااااااا

هييييه هييييه

خيخة اهى خيخة اهى

بجد كان نفسى تبقى معانا اوى

Ahmed Al-Sabbagh said...

صاحب المضيفة

وهو كمان كان نفسة يشوفك

ولينا لقاء قريب ان شاء الله

Ahmed Al-Sabbagh said...

wanna b a physician

ربنا يخليك يا احمد يارب

شكرا على الدعوة الجميلة

Ahmed Al-Sabbagh said...

Anonymous


مستجددااااااااا


منورة البلوج والله

وشكرا على كلامك الجميل

Ahmed Al-Sabbagh said...

الفاتح الجعفري

ربنا يكرمك ويعزك

وشكرا على دعائك وكلامك الجميل

Ahmed Al-Sabbagh said...

همس الاحباب

ربنا يكرمك يا خالد

وان شاء الله تبقى قديم فى عالم التدوين

وهتعرف اد ايه هو راجل جميل وسكر

Ahmed Al-Sabbagh said...

حسن ارابيسك

ههههههههههه

هو مش بالظبط كدة

بس اكيد الكلام عن الاستاذ احمد على مش هينتهى فى مدونتى

Ahmed Al-Sabbagh said...

تائهة فى أرض الأحلام

هههههههههههه

كمان هتبصى علينا من بعيد

لا ما تخافيش اوى كدة

احنا والله كلنا جروب كويس اوى

ومعظم المدونين اللى عرفتهم محترمين اوى اوى اوى

Ahmed Al-Sabbagh said...

modhash afandy

هههههههههههههههه

انت بتتفرج على ميلودى كتير ؟؟

ههههههههههههه

اشكرك للزيارة

Ahmed Al-Sabbagh said...

آلام وآمال

ربنا يكرمك

ويارب تبقى معانا دايما ونشوفك فى لقاءتنا

Ahmed Al-Sabbagh said...

اسكندراني اوي

ان شاء الله تتعوض

ولينا لقاء

Ahmed Al-Sabbagh said...

Tiago Enes

THANKS FOR YOUR VISIT

Ahmed Al-Sabbagh said...

Lidiane Cristina

THANK YOU

Ahmed Al-Sabbagh said...

Sarinha

yes sure

tnak you

Ahmed Al-Sabbagh said...

Anonymous

شكرا جزيلا

تحياتى

Ahmed Al-Sabbagh said...

bocycat

اه والله انا عارف انك زائرة مستديمة فى مدونة عيل مصرى

وان شاء الله يكون فى فرصة وتلتقى بالاستاذ احمد

Ahmed Al-Sabbagh said...

bocycat

طيب شوفى الميعاد اللى يناسبك

احنا عمتا عاملين الميعاد ده بالشورى

وممكن يتغير

Ahmed Al-Sabbagh said...

נéѕѕι¢α ∂ιαвσℓιkє

thank you

Ahmed Al-Sabbagh said...

سهر الليالى

ماشى

انتى كمان منبهرة هانم

ههههههههههههه

وحشتينا

Ahmed Al-Sabbagh said...

Tiago Enes

thank you

Ahmed Al-Sabbagh said...

خمسة فضفضة

وعليكم السلام ورحمة الله وبركاتة

اه افتكرت انتى

اكيد ربنا يوفقة ويوفقك يارب

Ahmed Al-Sabbagh said...

simple girl.. ..simple dream

ههههههههههههههههه
ههههههههههههههههه


عسووولة يا شاهندا

طبعا طبعا

اكيد هكتب عنك سلسلة بوستات عشان اعرف اغطى جزء من انجازاتك العظيمة

وطبعا اكبر انجاز فى حياتك انك تعرفينى

ههههههههههههه

(وش مطلع لسانة)

منورة المدونة يا دكتورة

احمد الجيزاوى said...

بصراحه انا داخل عندك الان اشكرك على موضوع بعيد عن البوست انا داخل اشكرا على اخر تعليق عندى بصراحه انا كنت زعلان بس لمه قرائت التعليق ريح قلبى
فالف شكر الف الف شكر
اخوك
احمد الجيــــزاوى

هبههههووب said...

بارك الله فيك وف استاذ احمد وجزاكم كل الخير
وان شاء الله هجيب الكتب دى بإذن الله
لانى من عشاق التنميه البشريه
وشكرا

عروس البحر said...

و لا عرفت تختار
ناس ذات التفكيرو العقل
ماشاء الله

جميز said...

شىء لطيف أوى , اللقاء بانسان تتوفر فيه أجمل صفة , إنه فعلا انسان

و الله حاجة تفرح , ان فيه شباب زيكوا فى بلدنا

على تواصل دايما ان شاء الله

تحياتى

مروة الزارع said...

ماشى يا خالو احمد
بتروح من ورايا
اممممممممممممممممم
براحتك ورحمة فراخ ستى ما هفوتها لك

وحشنى والله يا خال
اسفة لأنقطاعى عنك بس غصبن عنى والله سامحنى

مريووووم العقل كلة said...

السلالالالالالام عليكم
يااحمد
انا يمكن علشان لسة عاملة المدونة جديدة معرفش من هو الاستاذ احمد
بس هو باين كدة من الكومنتس
انة حاجة جامدة وشخصية مفيدة وقوية ربنا يحمية يارب ويكرمك
ويحققلك اللى انت عاوزة
بس بجد احسدك بجد انك قابلت شخصية زى الاستاذ احمد لانة اكييييييييد فادك بعلمة وخبرتة ومعلوماتة دة انت قابلت كنز معلومات يعنى الكنز لايفنى انا مش بحسدك انا بقر بس انا عبنى مش مدورة خاااااااااااااااااااالص
اقولك سلالالام مؤقت

3ala asm masr said...

طبعا انا اقل من انى اقول عليه اى كلام
بس بجد الحد ده من مجرد كتاباته اللى قريت بعضها مش كلها عرفت حاجات كتير انا معرفهاش ولا حتى درستها وكفايه انها تجارب شخصيه زى ما بتقول ومبروك يا سيدى انك قابلت واحد زى ده مش سهل نقابل ناس كده فى حياتنا

شريف طلال said...

انت شوقتنى أزور مدونت الأستاذ احمد محمد على و أعرفه أكتر
شكراً يا باشا على الموضوع
تحياتى

سمية-بنت البنا- said...

السلام عليكم ورحمة الله وبركاته


السيد الفاضل .. أحمد الصباغ

ربما تكون هذه هي زيارتي الاولى لمدونة حضرتك
ولكني اذكر اني قرأت لكم من قبل مقالة في جريدة الدستور


وكم هي رائعة مدونتكم ...


بارك الله فيكم ونصر بكم الاسرم واعزكم

تشرفني زيارتكم

والسلام عليكم ورحمة الله وبركاته

_______

اللهم فك اسر والدي وجميع اخواننا المعتقلين

سمية-بنت البنا- said...

السلام عليكم ورحمة الله وبركاته


السيد الفاضل .. أحمد الصباغ

ربما تكون هذه هي زيارتي الاولى لمدونة حضرتك
ولكني اذكر اني قرأت لكم من قبل مقالة في جريدة الدستور


وكم هي رائعة مدونتكم ...


بارك الله فيكم ونصر بكم الاسرم واعزكم

تشرفني زيارتكم

والسلام عليكم ورحمة الله وبركاته

_______

اللهم فك اسر والدي وجميع اخواننا المعتقلين

محمود الدوح said...

بص كدا ييا صباغ ومن غير مقدمات
انا لفيت على الكتيب دا ومعرفتش اجيبة

باذن الله يوم الخميس هنقوم نجيبة انا وانت عشان انا مش عارف الاقية فين

اوك

د/اجدع بنوته said...

انا بحترم الراجل ده بزيااااده

بجد م الناس فعلا اللى الواحد يقف جنبهم ويقول

انا مصرى .. زى مادول مصريين

عصفور المدينه وعيل مصر واحمد الصباغ

ناس بجد

فخوره بيهم ..

اكيد ياخالو دلوقت هتستهزء بيا

وتقول مين العيله دى .. اللى ع اخر الزمن هنستنى تفتخر بينا

بس بجد

عيله عيله

بس برده بفتخر بيكم

وطالما عصفور المدينه بابا

واحمد الصباغ خالو

يبقى عيل مصر عمو احمد

تحياتى ليه وليك

ولكل رجاله مصر اللى بجد

Salma Amer said...

الف مبروك انك اخيرا قبلت أ/ أحمد
لانه فعلا بيدخل حياة الشخص ويأثر فيهاودة من النادر ان تلاقي شخص ممكن يأثر كدة فيك
وده عن تجربة
تحياتي