خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Mar 18, 2008

فى صحتك يا مصر

إن ما يحدث فى مصر الآن هو كارثة بشعة ، تشبة كوارث تسونامى وزلازل أسيا مع الفارق ان الكوارث المذكورة ، هى كوارث طبيعية لم يتدخل فى صنعها الإنسان ، أما ما يحدث فى مصر الأن فهى كوارث صناعية بشرية صنعتها أيادى مصرية سوداء مجرمة ، و صنعتها عشرات الأنظمة الديكتاتورية توالت على حكم مصر عشرات ومئات السنين ، لم يختار فيها المصرى حاكما واحدا يحكمة ، إما ملكا فاسدا جاء بالتوريث ، وأما رئيسا بالنيابة بعد موت ( البعيد اللى قبلة ) مقتولا أو منتحرا

مأساه سوداء .. لو اعتبرنا اللون الأسود بهذا السوء ، مأساه إمتدت من رغيف العيش ، الى شربة الماء ، الى تلوث الأرض والزرع ، وغش اللحوم والاغذية ، ونهب المال العام وهلاك الأرواح فى العبّارات والطرق والمواصلات ، والفساد الذى استشرى فى كل ركن وكل بقعة وكل مؤسسة وبيت وشارع وشبر أرض فى مصر

واليوم أصبح الفساد الذى ينهش مصر طولا وعرضا أصبح ملكا متوجا وحيدا بلا معارض ولا منافس ولا مصحح ، وأصبحت أصوات المعارضة بكل تيارتها الليبرالية والدينية والمستقلة أصبحت أصوات واهية لا تحرك ساكنا ، وأما رموز المعارضة الذين عقدنا فيهم بعض الأمل على التغيير فقد تم إلقائهم خلف قضبان السجون

إنها مأساه الذل والهوان ، ذل المواطن المصرى بين أهلة وفى أرضة وداخل وطنة .. مأساة طابور العيش الذى يتقاتل فيه المصريين فى أبشع ملهاة كوميدية ساخرة .. المصرى الذى علّم العالم كيف يزرع أرضة على مدى الآف السنين .. المصرى الذى يمتلك بين يدية أطول وأعذب نهر فى العالم ، وأخصب أرض فى العالم ، يتقاتل فى طابور العيش صباحا فيَقتِل أو يُقتَل ، من أجل الحصول على عشرة أرغفة وأصبحت مصر الأول فى العالم فى إستيراد القمح .. تخيلو؟؟! كيف وصل بنا الحال

تعملنا فى المدارس إن مصر من أغنى الدول بالموارد الطبيعية .. الغاز الطبيعى والثروة السمكية والتربة الزراعية والقطن طويل التيلة والسياحة وعلمنا أن مصر تمتلك ثلث أثار العالم والبترول والمياة الجوفية بالإضافة لنهر النيل والبحيرات المالحة والعذبة والسواحل الممتدة شمالا وشرقا على البحرى الأبيض المتوسط والأحمر .. بالإضافة لقناة السويس المعبر الرئيسى والوحيد بين قارات العالم القديم .. أظن إن هذة المعلومات قد حذفت من المنهاج .. لأ أظن أن لديهم القدرة بل قل البجاحة الكافية لأن يقولوا هذا الكلام وقد أصبحنا نحتل المرتبة الاولى فى الديون الخارجية بين الدول العربية ، وأصبحنا نتصدر قوائم الفقر العالمية ، وتخطنا دول كثيرة كنا نضرب بها المثل فى الفقر والتخلف ولا يسبقنا سوى الدول التى تعانى من المجاعات والجفاف والحرب الأهلية

أنظر الى كوب مياه من الحنفية .. تأمل جيدا .. وتخيل أن فى مصر أعلى معدل إصابة بالفشل الكلوى 17 فى الألف ، ومنظمة الصحة العالمية تقول أن فى مصر 12 مليون حالة إصابة بالفشل الكلوى وإلتهاب الكبدى الوبائى بدراجات إصابة متفاوتة ، ويوجد 18 مليون مصاب بالبلهارسيا وإن 54% من الأطفال مصابين بالأنيميا

ومأساة المصريين هى جزء من مأساة العرب والمسلمين المهانين والضائعين والمزّلين فى كل مكان ، مأساه فلسطين الضائعة التى لا تجد رجلا واحدا بين الحكام العرب يغير ويثور لكرامتة وكرامة الأمة المسلوبة ، ومأساه البوسنة والهرسك ، والشيشان ، والعراق وغيرها من الأعضاء المبتورة من جسم الوطن العربى الاسلامى

للأسف .. لم يبقى فى يدى ولا فى يد أحد من المصريين الشرفاء أى شئ نقوم به لإنقاذ الوطن .. لم يتبق شيئا .. ربما الشئ الوحيد المتبقى لى أن أنام وأحلم بمصر الجميلة النظيفة المتقدمة القوية المتحضرة العزيزة .. وأحلم بأهل مصر متعلمين ومنعّمين فى خيرها ، وبالقوى الجبارة الهائلة للشباب المصرى مستغلة فى صناعة واستثمار وتقنية وفكر .. لكن للأسف تسير مصر الأن نحو الهاوية الأخيرة التى تدخل بعدها فى سكرات .. الله وحده يعلم متى ستخرج منها ؟

أحمد الصباغ

36 comments:

دكتور حر said...

الله يسامحك يا عم الصباغ

بس انا مش هجاملك انا هقول اللي في نفسي

انا والله بكره الحكومة والريس
لكن بقيت أكره الناس أكتر

الناس تعودت عالخنوع بصوره لا مثيل لها على الاطلاق

الناس مبتحاولش تساعد اللي بياخد بإيديها او يقف قدامها في المناداه بالاصلاح ولو على المدى البسيط

من اسبوع تقريبا على سبيل المثال
عندنا عربيه أجره رايحه بلدنا
الراجل سواق غريب نزلنا بدري عن الموقف وبيلف يرجع
قعدت ازعق معاه انه واخد اجرته كامله
يبقى يخلص المشوار كامل
والناس سايباني ازعق لوحدي
وأصريت على موقفي
فوجئت وانا بتكلم ان الناس اتسرسبت واحد واحد ونزلوا من العربيه
قلت والله
انتو عالم ما تستاهلوا
وتستاهلوا كل اللي يجرالكم

احنا ناس مش بنحس بالمصيبه الا لم تكون صايبانا شخصيا
اهالي ضحايا العباره هم اللي حسوا بالكارثه والباقي كان في الدوره الافريقيه

أهالى حريق بنى سويف هم اللي حسوا واحنا لا

للأسف مش هنفوق الا بانفجار بس هيكون متأخر قوي

وربنا لمصر
وتاني الله يسامحك

Human said...

مع قتامة الموقف وتدهوره ...إنها مأساة بالفعل
ولكن تذكر أن من يغرق ..يتعلق بأي شئ ولو بسيط ..حتى يعيش
..
عايزين نحاول نبث الأمل في بكره
والموضوع مش حلم ..ممكن يكون حقيقة
أنا مابهونش من المآساه ولكن دعونا نفكر بدلاً من البكاء على الأطلال
وفي أسلوب حل المشكلات ..يجب أن نحدد المشكله وننتقل بعد ذلك إلى الخطوات التاليه لا أنقف محلك سر

A.SAMIR said...

انا قلتها كتير وهاقولها لسة كتير
البلد دي مالهاش غير حل واحد
قنبلة نووية تبيدها عن اخرها ويطلع لها شعب جديد على نضافة
بسمات تانية وصفات تانية خااااااالص
مفيش حل غير كدة
تحياتي واحتراماتي
ملحوظة:
تشريفك مدونتي ومشاركتي لموضوعاتها شيء يسعدني

ammola said...

تفتكر ان فى حد عاقل حيورث ابنه تركة بايظة وخربانة كده واللا حيولعوا فينا ويهربوا على برة؟
اعتقد ان مصر ماعدّاش عليها سواد اكتر من كده عارف بقت عاملة زى الثوب المهلهل اللى كل ما تيجى ترقعه يتهربد اكتر
الله يكون فى عون ولادنا اللى حيدعوا علينا اننا ما فجّرنهاش قبل ما نموت
ما بقاش فى حاجة لها معنى او طعم.....كله جنون

مستــ ج ــــدة said...

حتى الحلم اللى انت بتقول ليه ده هنحلمه ازاى فى ظل كل اللى انت قولته ده...بتهيألى صعب
آه ممكن نتمنى ... ونتمنى نحلم ...إنما نحلم بجد...؟؟؟؟
وبعدين احنا اصلا" ناس مبتفوقش غير لما تصطدم بالواق بالظبط زى مادكتور حر قال
بنعيش وخلاص...انما بنعيش ازاى ..محدش بيدور
الله يباركلك ختمت الليلة نكد
وجاى ف الآخر تقول ف صحتك يامصر ياراجل قول ف بلوتك يامصر
مصر أم البلاوى
آسفة على التعليق الرخم

ftafeet said...

اول حاجه يااحمد اقولهالك بوست حلو اوى بيورينا واقع موجود والمشاكل اللى عندنا

بس احنا يااحمد منقدرش نحمل الحكومه كل حاجه احنا غلطانين احنا اللى سايبنها تبوظ لا وبالعكس بنبوظها اكتر بادينا احنا مش ضحايا طول عمرنا معرف عننا اننا فرعنه مانحبش حد يجى علينا وياكل حقنا الا بمزاجنا ومعروف عننا كمان اننا بنأله الحاكم بتاعنا على طول وبنطاطى رسنا ليه من ايام فرعون لحد دلوقتى مع اننا مش بنحبه بس بنافقه على طول ليه لانه رايسنا ومن حقه يعمل كل حاجه فى البلد عرفت بقى ليه اننا اللى مبوظنها مش هما

انا هاقولك مثال صغير
مثثلا انا اعده فى البيت لوحدى وجت خالتى وخالى وكله ياعد معايا يومين اه هما من اهلى بس مش هايخافو على بيتى اكتر من بخاف عليه اه هما مسئولين عنى بس مش هاياخدو بالهم منى اكتر منا هاخد بالى منها وبالعكس ممكن يستغلو عدم وجود بابا وماما ويعملو اللى هما عايزينه فى البيت لمجرد انى مش هاقدر اقولهم حاجه علشان هما اللى مربينى واكبر منى

واحنا كشعب بابا وماما عندنا هو عقلنا احنا شايلنه من دماغنا ومش بنعمل حاجه ومنقدرش نعملهم حاجه لمجرد انهم اكبر مننا وبالرغم انهم مننا


نوناااا

عاشقه الفردوس said...

اولا تدوينه جميله احييك عليها وعودا احمدا
انت كنت فين من زمان ياعم الحاج



انا فيه حاجه ضايقتني منك

دي
لم يبقى فى يدى ولا فى يد أحد من المصريين الشرفاء أى شئ نقوم به لإنقاذ الوطن .. لم يتبق شيئا .. ربما الشئ الوحيد المتبقى لى أن أنام وأحلم بمصر الجميلة النظيفة المتقدمة القوية المتحضرة العزيزة .. وأحلم بأهل مصر متعلمين ومنعّمين فى خيرها ، وبالقوى الجبارة الهائلة للشباب المصرى مستغلة فى صناعة واستثمار وتقنية وفكر .. لكن للأسف تسير مصر الأن نحو الهاوية الأخيرة التى تدخل بعدها فى سكرات .. الله وحده يعلم متى ستخرج منها ؟






انا مش فاهمه انت عارف انت عملت ايه

بدل ماحلتها عمتها


ازاي


اما شاب ومقف ويعتبر من الامل اللي موجود ويقول كده يبقي ايه

ليه الحاله دي

علي فكره بقي
المصريين هيفوقو ويبقيو احسن الامم
والمسلمين هتفوق وهترجع تاني زي ماكانت


وده حاجه مفروغ منها وبلا نقاش


وكل اللي احنا شايفينه ده ومعاصرينه
قاله سيدنا وحبيبنا وشفيعنا محمد صلي الله عليه وعلي اله وصحبه وسلم


اقرا معايا الحديث ده


قال رسول الله صلي الله عليه وسلم
( تتداعى عليكم الأمم كما تداعى القصعة إلى أكلتها ، قالوا أومن قلة نحن يومئذ يا رسول الله ؟ قال لا ، أنتم يومئذ كثير ولكنكم غثاء كغثاء السيل ! وليقذفن الله في قلوبكم الوهَن ، ولينزعنّ المهابة من صدور أعدائكم . قالوا وما الوهن يا رسول الله ؟ قال حب الدنيا وكراهية الموت )

او كما قال سيدي رسول الله



وبعدها عايزاك ترجع لتدوينات لفرنسا هانم
بنتحكي فيها عن بطولات المصريين العزل اللي كانو في اوضاع ابشع من الليي احنا شايفينها دي
وشوف المصريين عملو ايه


يمكن انت شايف الموضوع قاتم شويه


لكن ايه
تفاءلو بالخير تجدوه


وبعدين فين

بصراحه ايوه الشباب فين

الحكومه ياسيدي مالهاش لازمه وغلطانه الغلط راكبها من فوقها لتحتها
فين احنا
والله قدامنا كتير
لما تقعد فاضي ولو حتي بعد مارجعت من الشغل اعرف برده ان لسه قدامك كتير


ان شاء الله انا كنت هكتب تدوينه عن الموضوع ده
وهكتبه باذن الله قريبا وهبعتلك الرابط


سلام ياخالو

reham said...

برافو عليك على رايك الصريح بجد احنا فى بلد متخلفة مش عارفين نشتكى لمين كل
ال فيها بيقول يالاه نفسى
البلد قربت تقع خلاص ومافيش فى ايدينا حل
مش هنقول غير منهم لله
بجد انت رائع
سلالالالالالالالالالالام ياخالو
تحياتى
ريهام

أحمد سعيد بسيوني said...

بسم الله
حسبنا الله ونعم الوكيل
حسبنا الله في الظالمين
لك الله يا مصر

Anonymous said...

الدليل الشامل للمدونات العربية

سياسة - اقتصاد - ثقافة - حوار - أدب وشعر - والمزيد

http://blogsguide2.blogspot.com/

عاليا حليم said...

جبت كل الجروح الى بحاول اهرب منها لانى ما فيش فى ايدى حاجة اعملها

للاسف اهلنا ربونا على المشى جنب الحيط بس معمالوش حساب يوم مش حيبقى فيه حيطة اصلا


----------------

الا صحيح هم لسة بيدرسوا فى المناهج اننا دولة غنية بالثروات الطبيعية ؟ معندكش فكرة عن الموضوع ده ؟

الساحرة said...

البلد خيرها مقلش ولا احنا دوله فقيرة هو بس خيرها بيروح لغير ولادهاوالغلط علينا احنا اللي رضينا بالذل والهوان والفقر علشان كل واحد بيقول انا مالي لما انت المثقف الواعي تقول هنام واحلم الناس البسيطه تعمل ايه وهقولك
زي ما علقت عند احمد سمير

الاحلام بالناس تتحقق

وبعدين احنا بنشتكي وبس حدفي غلاء الاسعار عمل حاجه

في ازمه العيش

بنتفرج ونستني وبس عاملين زي تنابله السلطان

ان الله لا يغير ما بقوم حتي يغيروة مابانفسهم

ربنا يرحمنا

ahmed saker said...

السلام عليكم و رحمة الله و بركاته
للاسف المشكلة مش فيهم المشكلة فينا
فعندما وصف المولي تبارك و تعالي العلاقه بين فرعون و شعب مصر قال"فاستخف قومه فأطاعوه انهم كانوا قوما فاسقين"
يعني عشان احنا سكتنالهم هما بيعملوا فينا كدة
و المشكلة انك كل لما تكلم اي حد في السياسة مثلا يقولك:يا عم سيبني في اكل عيشي
اهو حتي دلوفتي العيش مش لاقينه
اذا المشكلة في سلبيتنا
دا احنا صابرين من 7 الاف سنة و بصراحة مش عارف هنفضل صابرين لحد امتي و شكرا

ست البيت said...

رغيف العيش بس يا أحمد ؟ دا الواحد ربنا واحده اللي ساترها معاه
تفتكر لو واحدج وقع في الشارع ع الكورنيش عندنا بعملوا ايه ؟ بيروح الميري حلني بقى عبان ما يلاقي سرير نظيف ولا دكتور رحيم ولا نعرف هو عنده ايه حتى ولو مات خير وبركه خسوا واحد عارف تمنه ايه 200جنيه مصري حتى مش بالدولار كنا استفدنا بسعر الصرف
ليه؟ لأنه لم يعبر من النفق
النفق اللي كل واحد فيهم يبعد عن التاني 100متر بالميت
يعني لو راجل كبير ساكن ع البحر لازم نمشيه 100متر لحد النفق ونزله اكتر من 15 سلمه ونطلعهملوا تاني ونمشيه تالت لحد بيته
لأ موت يا حمار
دا غير السرقة اللي بقت عيني عينك
يبوظوا اتوبيسات النقل العام عشان يتعاقدوا مع شركة نقل جماعي
تصدق لازم اعمل بوست عن الشركات دي واحدة فيهم مطلعة اتوبيس محروق قبل كده وبتدفعنا 75قرش
حسبي الله ونعم الوكيل

عصفور المدينة said...

حتى أنت يا أحمد المتفائل دائما أصابتك حمى التشاؤم

دكتور بيطرى said...

هون عليك يا خالو فإن مايحدث الأن فى مصر من كوارث كلنا مشاركون فيه وكلنا أثمون ومذنبون إن لم نرد الظالم عن ظلمه ونرد المظلمة إلى أهلها (فإن الرجل يرى الظالم ولم يأخذ على يديه أوشك الله أن يعمهم بعقاب من عنده)
(ظهر الفساد في البر والبحر بما كسبت ايدي الناس ليذيقهم بعض الذي عملوا لعلهم يرجعون‏)‏ الروم‏:41
وجزاك الله خيرا

مروة الزارع said...

المقال اللى انت كاتبة دة هايا يا احمد
بس تصور اول مرة اشوفك متشائم كدة دا انت اللى كنت على طول بترفع من روحى المعدنية

انا املى فى ربنا كبير

خليها على الله

نوري said...

شوف يااحمد
انا معاك في كل الي انت قولته
بس لو فقدنا الامل يبقي
فقدنا كل شئ
وطلعنا من المولد بلا حمص

وبعدين الخيرات الي كانت مكتوبه
بأقلام حبر ع ورق موجوده
ولو رحت الغيطان هتشفها
ولو وقفت ع الكرنيش هتلاحظها
ولو رحت الاسكندريه وابو قير
هتمسكه ومسموحلك انك تاكل منه

بس الحاجات دي مش لينا
او بمعني اصح
مردودها المادي مش للشعب
بس لناس تانيه
تقريبا هم احسن مننا
في الحصول ع لقمه العيش
عشان هم بيجيبو رغيف العيش
بكل الطرق الممكنه
ومش مهم حاجه تانيه

يلا بقي كفايه كده
عشان انا اتعصبت (بست وشز فور يو)0
انا عارفه انها مش ماشيه مع الموقف بس مينفعش مقولهاش

NilE_QueeN said...

من يهن يهن الهوان عليه وما جرح بميت ايلام

احنا اتعودنا على كده المصري اللى احنا قرئنا عنه ف الكتب التاريخ مات

فين مصر و فين المصري الحقيقي

بس بردوا
اذا الشعب يوما اراد الحياه فلا بد ان يستجيب القدر

احنا محتاجين نفوق

amraction said...

يا احمد بيه
الغلط مش من الحكومه
ولا من الشعب
الغلط منهم هما الاتنين.. واحد + واحد ايز تساوى اتنين
ده بيعك فى القرارات.. وده بيعك فى اللى يقدر يعمله
يعنى مثلا لما يغيب استاذ الجامعه او يفرض على الطلبه كتاب معين.. الحكومه ذنبها ايه؟؟
لما الزبال ما يقومش بشغله ويسيب الزباله زى ما هيا يبقا الحكومه ذنبها ايه؟؟
وطبعا الحكومه غلطانه فى حاجات كتير.. بالذات وزرا معينين لما يتلمو على بعض

ان الله لا يغير ما بقوم حتى يغيروا ما بانفسهم

د/اجدع بنوته said...

تقدر كده تقول

ان البلد ع صفيح ساخن

ومش هيبرد نارهم غير ازاحة وزارة نظيف

وده اللى هيحصل وقريب جدا

فالاطاحه باكباش الفداء

افضل م اهدار دم الجزار ....

قريبا جدا .. حصريا ع ميلودى افلام

الجزار واكباش الفداء

EmY said...

ايه يا ابو المخاليل البؤس ده ليه الكآبه دي بس
العيب الاكبر علي الناس ساكتين ليه اتخرسوا ليه طيب الحكومه فاسده الشعب قابل فسادها ليه
فين المظاهرات و الاعتصامات
لازم نبطل سلبيه و نتحرك قبل فوات الاوان

بوست كئيب يا صباغ بس جميل

EmY said...
This comment has been removed by the author.
بيسوو said...

حتى الحلم بقى متكتف ومش حر..هنحلم ازاي وكل حاجة حوالينا ملوثة حتى الضماير حتى القلوب
حالتنا بقت تصعب على الكافر بس المصيبة ان مفيش حد بيقول كأننا مش صعبان علينا نفسنا وولادنا

كل حاجة بقت صعبة ومرة حتى رغيف العيش...وبصراحة مش شايفة حتى بوادر أمل..مش شايفة حتى بشاير

ربنا يرحمنا..ده اذا كنا نستاهل الرحمة..لأننا ساكتين عن حقنا وده ميرضيش ربنا

نوره الخشن said...

ألطم على وشي
جرى ايه ياخااااااااااااااال
هو الواحد ناقص هم وغم وحرقة دم
طب خد عندك هقولك انا على حاجة بعيدة عن ده كلو عشان تعرف احنا اد ايه غلابة وحتى اللي ربنا بينعم علينا بيه مش بنستخدمه صح
سمعتلك يااحمد ياخويا عن واد كده فالفيوم اسمو ايه وادي الحيتان مش الريان عشان الناس اللي بتعمل نفسها بتفهم .. بتقولوا ايه وادي الحيتان مين ياولاد وادي الحيتان .. قولت نروح نشوف ايه الحكاية دي اللي بيقولوا عليها عبارة عن مكان كده فوسط الصحراء مليان هياكل عظمية لحيتان عمرها 40مليون سنة بتاعة حيتان ويعتبر المكان الوحيد فالعالم اللي بيشرح تطور الحيتان
حلو لحد كده .. بس اللي جاي مش حلو خالص
روحنالك يابني عبارة كده عن طريق كلمة مقفهر عليه شوية وعبارة عن انك تمشي 65 كيلو في صحراء جرداء مافيهاش عود بانجو حتى وكمان ياريتو طريق اسفلت زي الناس الكويسين لأ ده طريق مدقدق (بلغة الناس المحنتفة مكسر)
ولازم تمشي فيه بعربية جيب واللي ماحلتوش جيب يركب الناقة ويشرخ تخيل نفسك شارخ 65 كيلو بالناقة
المهم طبعا ماحدش قالنا عالمعلومة الخطيرة دي حتى الناس اللي قطعولنا التذاكر مش فهمونا وكمان عرفنا لما رجعنا موضوع الـ65كيلو
الصدمة بئى لما الاتوبيس غرس فالرمل والموبيلات مافيهاش شبكة والبنزين قرب يخلص ومفيش جنس مخلوق ولا عربية طبعا عالطريق
ما طبعا مين الاهبل ابن الاهبل اللي هيعمل في نفسه كده
الساعة واحدة ظهراً في عرض الصحراء مجموعة من البشر الفدائيين بيضيعوا رسمييي

والنبي قولي بئى مكان زي ده عالمي واثري ويعتبر هبه من الله ادهلنا زيها زي النيل وكده ليه مانحولش ننميها ونعملها طريييق ومرااااااااافق وقرى سياحية زي البني ادمين الكويسين
حد يقولي بس انا عيزة اعرف واهي حاجة تجيب دخل هايل لأنها مفيش غيرها فالعالم

المهم خرجنا الاتوبيس وجينا الغريب اننا جينا تاني

بس خير خير خير

http://awga3.blogspot.com/

آفاق الحرية said...

السلام عليكم
ياعم انت بتقلب علينا المواجع ليه بس
خلينا نسيين شوية

Wireless said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Wireless, I hope you enjoy. The address is http://wireless-brasil.blogspot.com. A hug.

أية said...

اهى نورة لخصتلك اللى فيها
أنا بجد مش عارفة اعلق على المدونة ولا على التعليقات بس كلام نورة لفت نظرى اوى
احنا اللى عاملين فى نفسنا كده
كمان الوادى ده بصراحة انا واحدة من الناس اللى اول مرة اسمع عنه اساسا
ربنا معانا

خمسة فضفضة said...

السلام عليكم ورحمة الله وبركاته

لا حول ولا قوة الا بالله

مش لاقيه كلام اقوله ولا عارفه اقول ايه الا
حسبنا الله ونعم الوكيل

ابن حـجـر الـعـسـقـلانـى said...

البلد بقى فيها مظاهر غريبة ... بعيد عن أزمة العيش .. تلاقى على الرغم من طن الحديد تجاوز الستة آلاف جنيه .. إلا إن عماير كتير بتتبنى ... و ناس كتير بتشترى شقق

هذا الفصل الضخم بين شرايح المجتمع ماعتقدش إنه هايفرز ناس تقدر تعمل حاجة ... متهيألى لسة شوية ... لما كل الناس تبقى مش قادرة تعيش .. و دة ممكن يبقى بعد عشرات السنين

somaa said...

بص هو احنا حتى الان ومن يوم ما مصر دى بقيت دوله تقريبا من ايام الفراعنه مفيش ولا رئيس حكم باراده الشعب يعنى منقدرش نقول فلان جه بناء على طلب الجماهير...ان كان من ايام ملوك الفراعنه وحتى ايام الثوره وتحول مصر الى رئاسه يا ريتهم كانوا سابوها ملكيه مكانتش حتفرق....كله زى بعضه
فى حكمه او قانون درسته زمان ايام ثانويه عامه...بيقول موارد مصر لا تكفى لسد احتياجات سارقيها...
تحياتى ليك سومه_87

paranoia,magnetic & dramatic girl said...

صباح الفراولة ياصباغ
؟؟؟
ليا فترة مش بجي هنا
بس دخلت لقيت شغل كتير جديد
مبروك مرور عام علي المدونة
دايم وجودك و وجودها بينا يارب
...
رغيف العيش بقي حديث كل بيت مصري
لسه كنت بحكي قصة الراجل الي راحج الفرن مكانش عارف من الزحمة يشتري عيش راح اشتري مكرونة وحط فيها سم وماتوا عياله كلهم وهو ومراته الموت مقربش منهم رغم انهم اكلوا من نفس الاكل
..
بس حكمة ربنا
مش عارفة العيب فينا ولا العيب في الوزارات ولا في الرئيس ولا في كل دول مجتمعين
...
وعلي رأي دكتور حر
انا كرهت الناس
والناس اتعودت علي الخنوع
...
تكرم ياصباغ
وربنا يفك الكرب
الله حافظ
دودو

جمعاوى روش طحن said...

لو رحت بلد و لقيتهم بيعبدوا العجل


" حش برسيم " و إديلله

يا أخ أحمد ده شعار اكتر من 80% من المصريين

و اللى نعرفه أحسن من اللى ما نعرفوش

ياراجل


فكنا


و مع كده الواحد لسه برده عنده أمل فى ربنا

يا عالم

صاحب المضيفة said...

وأشد ساعات الليل ظلاما قبل الفجر

الواحد عنده امل في ربنا ان الوضع لما يسوء قوي كده يبقى الفرج جاي قريب جدا


وتذكر دوما الاية القائلة


ان الله لا يصلح عمل المفسدين



تحياتي

only spot said...

ياااااه يعنى خلاص مبقناش نملك غير الحلم والسبات العميق والهروب من الواقع
يعنى خلاص النظام وطغيانه قدر حتى يحول احلامنا البسيطه لكابوس
تصدق مش لقيه اى كلام غير حسبى الله ونعم الوكيل

koukawy said...

لا تعليق ان....لنا الله