خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Mar 27, 2008

بعد عام من التدوين

فى يوم ربيعى جميل من أيام شهر مارس عام 2007 كان مولد مدونتى "مدونة خالو أحمد " .. صحيح فِضلت بعد التاريخ ده فترة من الزمن فى تعداد الجماد ، وظّلت تحمل فقط صورة كبيرة ليا لعدة أسابيع .. ثم حملت بعض كلمات قليلة تحت الصورة أُعرّف بها نفسى .. لكن مع أول تعليق ، عرفت إن فى حد بيتابعنى وبدأتْ فى الخروج من مرحلة السكون إلى مرحلة النشاط والكتابة اليوميه والمتابعة والرد على التعليقات ، ويوم بعد يوم .. بدأت أطوّر المدونة فى الشكل والمضمون وطريقة التفكير والعرض وطريقة تناول الموضوعات ، ثم دخلت عصر الكاميرا الرقمية فبدأت بإثراء الموضوعات بصور حقيقة من إلتقاطى ، بدلا من الصور المنقولة أو المرسومة

ثم كانت الصداقات واللقاءات الأسطورية الرائعة مع مدوّنين من كل حتة ف مصر ، سواء أون لاين من خلال الزيارة الدائمة لمدوّنات أحبها ، أو اللقاءات التى كنا نعقدها فى المناسبات ، ولازلت أذكر أول لقاء مع مدوّنين .. والانطباع الجميل اللى أخدتة لما قابلت مجموعة من أجمل شباب مصر المحترم المُتحمس المثقف والمتفتّح جدا .. ثم توالت الصداقات التدوينية بعدها وأصبحت تُصبغ المدونة بلون الود والتقارب ... ثم أصبح التواصُل بين المدوّنين أحد أهم أهدافى التدوينية

المدونة فتّحت عينى على اللى بيحصل حواليا .. وبقيت ماشى "عنيا مفنجلة" لكل خبر بسمعة او موقف بمر بيه ، ولأول مرة بحس انى بقيت عامل زى " مرصد حلوان " يعنى التدوين زوّد ثقافتى وإحساسى بنبض المجتمع .. وكمان شغّل دماغى فى تحليل الاخبار والمواقف اللى بتحصل ، عشان أقدر أعرضها بإسلوبى لأصدقائى وزوار مدونتى

المدوّنة إكتشفتنى ، أى والله .. المدوّنة إكتشفت فيا حاجات كتير ما كنتش أعرفها ، يارتنى بدوّن من وأنا عندى 16 سنة ، أكيد كانت حياتى أتغيرت ... أكتشفت ان عندى هوايات ومواهب مدفونة لو كنت نميتها من صغرى كانت الأمور أختلفت ، أكتشفت إن عندى قدرة على الكتابة الساخرة بصورة ممكن تقترب من الإحتراف ، وإكتشفت إنى مشروع رسّام كاريكاتير لو أهتميت بالتدريب والمران والممارسة ، وإكتشفت إنى أنفع شاعر عامى ، ولما كتبت شعر عامى أستقبلوه اصدقاء مدونتى بترحاب وإعجاب ونقد بناء ، وإكتشفت أنى ديزاينر مبتدئ عملت مجموعة من التصاميم والبنارات المقبولة لمعظم اللى شافوها ، وكمان هوايات كتير بدأت تنزل على أرض الواقع مثل هواية التصوير الرقمى وبالفعل أعددت أول مجموعة صور رقمية لى بعنوان " لمحات مصرية " لعرضها فى المدونة ، وهى معروضة حاليا على موقع الفيس بوك

يعنى دلوقت أى حد يقدر يكتشف هواياتة ومواهبة ويختار منها اللى يحبة وينميه ويستغله إستغلال جيد ، ويتواصل مع الناس اللى بيشاركوة فى الموهبة دى ويسمع أراء ونقد ، وكمان يحضر ندوات ولقاءات مفيدة ، أنا شخصيا أعرف بين المدونين دلوقت أدباء .. وشعراء .. وموسيقين.. وعازفين .. وكُتّاب ساخرين .. وقصاصين .. ورسّامين .. وممثلين كمان .. وكافة طرق الإبداع الأخرى

المدوّنة علمتنى لغة الحوار ، وعلمتنى الإستماع وتقبل الأراء اللى بختلف معاها ، وترسّخ مفهوم " الناس فيما يعشقون مذاهبُ" بوجدانى ، وتأكدت أن "لولا أختلاف الأذواق لبارت السلع" ، وأن "كل شيخ وله طريقة" ، وانا اللى كنت بنظر للمختلفين معى على أنهم عندهم شذوذ فكرى ، أصبح من العادى بالنسبة لى إنى أقول بعد نقاش طويل : أنا متفق معاك .. أنا اللى كنت فاهم غلط ، ولقيت فى عالم التدوين مجتمع مترامى الأطراف بيضم مدى واسع جدا من التيارات والمذاهب الفكرية ، واستمتعت كتير بالإطلاع على أفكار بجد كانت لاول مرة بتعرّض لها

والمدوّنة علمتنى مهارات مهمة جدا .. المهارات الأساسية لتصميم المواقع ، والجرافيك ، عرفت يعنى أيه ويب ديزاين ، ويعنى أيه لغة "HTML" وأكواد ، وقالب مدوّنة ، وسايدبار ، وإزاى أصمم قالبTemplate لمدونتى وأزاى أجيب قالب جاهز من أحد مواقع خدمات المدوّنات ، وأعدل فيه ، وأضيف الخدمات المختلفة للمدونة زى شريط الأخبار وعداد الزوار وألبومات الصور

والمدوّنة أرشيف للحياة .. أيوة طول عمرى بحلم إنى أكتب يومياتى وأهم الأحداث اللى بمر بيها ، فالحياة أحداث تمر مثلما يمر زورق على سطح نهر فيحدث مسار رغوى أبيض سرعان ما يتلاشى ولا يتبقى له أثر ، كذلك هى أحداث الحياة .. رحلة رُحتها مع مجموعة من أجمل أصدقائك أخدتو شوية صور كل صورة بتعبر عن لحظة فى عمر الرحلة ، كتبت خواطرك وذكرياتك عن اليوم ده ، ونزلتها فى تدوينة جديدة ، أولاً عيّشت القرّاء فى جو الرحلة ، وثانيا حفظت يوم من عمرك فى أرشيف أدبى بديع

لم أفكر فى إنهاء علاقتى بالتدوين أبدا .. رغم حدوث منحنيات كتير فى سنة التدوين دى ، ورغم إن نسبة كبيرة أوى من المدوّنين قررو فى وقت من الأوقات انهم يقفلو المدونة ويبطلو تدوين .. لكن عمرى ما فكرت فى ده أبدا ، بالعكس كنت بحس ان لو حياتى إتغيرت بأى صورة من الصور سافرت مثلا أو بقيت نجم مشهور أو حتى بقيت رئيس جمهورية .. هدوّن بردو

مش بس كدة .. كمان لما كان حد بيقفل مدونتة أو بيفكر يقفلها لاى سبب من الأسباب .. كنت بحس بنفس شعور واحد مات له حد قريبة او صاحبة او جارة ، ده طبعا بالأضافة للشعور المأساوى لما كانت مدوّنة تتقفل للسبب القهرى اللى ما بنقدرش نقف قدامة وهو .. الموت

قبل التدوين .. كان كل هواياتى كتابة الشعر ، وما كنش فى حد يسمع لان نادر اوى فى مجتمع الشباب إنك تلاقى شاب مهتم ومتذوق للشعر ، ويقدر ينقدك نقد بناء ، وأذكر ان فى أحد فترات عمرى كنت أذهب لمحافظة أخرى كى ألتقى بصديق كاتب ومتذوق للشعر حتى نتبادل الأراء ، دلوقت ممكن بسهولة فى أى لقاء من لقاءات المدوّنين الدورية تلاقى على يمينك شاعر وعلى شمالك متذوق للشعر ، يعنى سوق عكاظ بس بصورة حديثة

رغم إن المدونة كانت تحمل إسمى فقط فى البداية .. لكن بعد فترة قصيرة جدا كتبت مجموعة تدوينات عن أطفال الأسرة اللى هما ولاد أخواتى البنات وأطلقت عليهم إسم " المخاليل " وبقت المدونة أسمها " مدونة خالو أحمد " وبقيت بعتز انى أشهر خالو بين المدونين

أصدقائى الأعزاء .. بعد مرور عام على إنشاء مدونتى .. تقدرو تقولوا إن خالو أحمد بيتولد من جديد ، وهيتولد من جديد فى كل إحتفال بمرور عام جديد على التدوين .. وبقول انا مش بس هستمر فى التدوين إن شاء الله ، لكن دايما هدعو الاصدقاء الغير مدوّنين انهم ينضمو عالم التدوين الرائع ، وكمان بقول لكل مدوّن : التدوين روحك ومتنفسك وملجأءك ، ومدونتك هى بيتك الروحىّ ، ونافذتك على العالم فلا تمنع نفسك من التدوين وأفتح نوافذك وتمتع بنور الشمس



وأشكر كل من علق فى مدونتى وناقشنى وزارنى ونصحنى وبادلنى الرأى وشاركنى همومى وأفراحى ، شكر صادق من أعماق القلب ، وأقول لهم أنتم من صنعتم .. مدوّنة خالو أحمد



أحمد الصبّاغ

130 comments:

EmY said...

حبيبي يا باشا انت كل سنه و انت طيب و كل سنه و انت مدون
انا اول تعليق و مبسوووطه اوي انت عارف انا قد ايه بحبك و انت غالي عندي جدآ
و من اجمل الناس الي عرفتهم و انسان محترم و خدوم

كل سنه و انت معانا يا احلي خالو

امام الجيل said...

كل سنة والمدونة بخير
وفى تقدم

وتعرف الجديد وتتعلم الجديد
وتكتسب مهارات
واشخاص
اكتر

ِِAdem El-Mahdy said...

كل عام و المدونة الى الله اقرب و على طاعته ادوم

رسالة الى المدونة و ليس الى احمد الصباغ

حقا لقد تأثرت بك كثيرا
كلما اقرا فيك احسست انى ازداد
حقا

بجد سيرى على بركة الله نوماندى 3

و بجد يا احمد انت كاتب رائع و ربنا ينفع بيك الاسلاو و المسلمين

somaa mahaba said...

انا تالت تعليق فى تقدم
كل سنه ومنونتك بخير
وانت بخير
بس برضوا على فكره الجروب مفتحش عندى ومش راضى حتى الان
تحياتى ليك سومه_87

only spot said...

خالو احمد
كل سنه ومدونتك دايما متالقه وانت محبوب دايما بين المدونين
يمكن مش اتعملت معاك الا مره واحده بس حقيقى انت انسان اوى اوى وذوق جدا وجدع وبجد عالم التدوين ده علمنى اعرف احكم على الناس كويس
منكرش ان التدوين بالنسبه ليا ادمان وانه عرفتنى يعنى ايه تتواصل مع الناس
وتحترم رغباتهم واراءهم وكمان تعبر عن رايك
علمنى يعنى ايه يبقالك موقف وتعبر بشجلعه عن الفكره الى فى دماغك
ممكن اكون من الناس الى كانو عايزين يسبو مدونتهم بس للاسف كل مره اطلع عيله هههههه
فعلا من اجمل الهوايات الى بتفجر حاجات كتير جوى الانسان هو التدوين
دمت بالف خير وصحه وسعاده يا خالو
خالص تحياتى واحترامى

سهر الليالى said...

كل سنة وانتى طيبة يا مدونة خالو أحمد وكل سنة وانت طيب يا أجمل خالو أحمد مش خال المخاليل وبس لا خال المدونين كمان

حقيقى يا أحمد أنت خليت التدوين بالنسبالى له طعم تانى خالص وجو وعالم تانى خالص أقرب منو للخيال

من عندك أتعلمت حاجات كتير وعرفت حاجات كتير تقدر تقول انى من خلال مدونة خالو أحمد كنت بحس انى على أطلاع بعالم تانى خالص غير اللى كنت عايشة فيه

حقيقى كمان صديق جميل لكل الناس وسبحان الله مجمع الناس دايما ويمكن أجتماعهم بيبقى أولا لمعزتك عندهم فربنا يديم عليك حبهم وكل جميل ويرضى عنك

نتمنى دايما تكون متألق وتتحفنا بكل اللى بتكتبو واللى أحنا دايما فى أنتظارة بشوق

بس ايه الأحتفال الأرديحى دة يا ابنى مفيش حتى سندوتش بسطرمة وحتتة جاتووة
هههههههههه

أنا اللى بشكرك يا أحمد أنك أتاحت ليا الفرصة لمعرفة مدونة خالو أحمد ومعرفتك
تحياتى وكل سنة وأنت طيب ومتألق

ميرو

nigro said...

يا ابن الإيه يا خالو
لا مؤاخذة طبعاً
تصدق يا خالو.. هتصدق ان شاء الله
كل كلمة في البوست ده أنا حسيت بيها و كلمت نفسي بيها
طبعاً أنا لسه مدون صغنون على قدي
بس حاسس بكل كلمة انت قلتها
وحاسس ان الستة الجاية ان شاء الله
هآجي هنا و أسرق المقالة بتاعتك دي
وأكتبها باسمي و انزلها عندي في المدونة
لاني بجد حاسس ان كلامها منطبق عليا
تماماً
شفت أنا أمين معاك ازاي
(:
بجد الله ينور عليك يا خالو
معلش بقى التعليق كله حساسية

كلاكيت تانى وتانى said...

كل سنة وانت والمدونة بخير وحب وقدرة اكبر ع اكتشاف ذاتك وتطويرها
تحياتى

عاشقه الفردوس said...

زادك الله علما ومعرفه

mado80 said...

كل سنه وانت طيب يا احمد باشا

كل سنه وأنت متوهج دائما وكلك نشاط وحيويه

كل سنه وأنت بتكتب كل جديد بأسلوبك الرائع الجميل

كل سنه وأنت بكل خير يا أحمد

الف تحيه ليك وألف تقدير

مستــ ج ــــدة said...

كل سنة وانت طيب ياخالو ومدونتك دائما إلى الأمام
وبعدين ايه الأحاسيس دى كلها ..دى كلها احاسيس خاصة للمدونة
والله حسستنى بالذنب ...اشمعنى انا كل شوية اقول هقفلها تخلف بيعيد عنك بس والله انا بحبها اوووى
بس على فكرة مش عارفة ليه مش مصدقه انك بقالك سنة واحدة بتدون..حاسة انك بقالك عشرة خمستاشر سنة كده
يلا ربنا يبارك فيك وف المدونة وف المخاليل وف كل الناس ويهدييييييينى
سلاااااااام

ftafeet said...

حبيبووووووووو كل سنه وانت والمدونه طيبين وبالف خير يارب

بجد انا اكتر حاجه فرحتنى لما عملت مدونه انها خلتنى اعرفك وانت عارفه كده؟؟

يلا بقى مش عارفه اقول ايه تانى


باااااااى

نونااا

aya said...

ابوحميييييييييييييييييد

فينك يا عم
لا سؤال ولا كلام

بس بجد مبسوطة انى لحقتك فى بوست زى ده يا احمد
كل سنة ومدونتك بخير
وكل سنة ومدونتك اشهر من السنة اللى قبليها
وكل سنة ومخاليلك فى زيادة وربنا يبارك فيهم ويباركلهم فيك عشان اكيد انت خال زى العسل

يا رب يا احمد
ربنا يكرمك بكل خير
لانك بجد حد الناس كلها حبته
وحد منظم واجتماعى وعملى وطيب ومثقف وحاجات كتير اوى كده كلها حلوة

ربنا يكرمك


وعلى فكرة





عم انور بيسلم عليك وبيقولك فين الجمعية
:p:p:p:p:p:p:p:p:p:p:

ض/خالد said...

و......
(الذي يخالط
الناس ويصبر على أذاهم...خير من الذي لا يخالطهم ولا يصبر على أذاهم)

دكتور حر said...

تعرف يا عمنا
انا دايما قول الناس
ان احلى ما في الصباغ
انه بينسى نفسه ويتكلم عن غيره
بيدون عن الناس أكتر من نفسه

صفة جميله ربنا يباركلك فيها
ويوفقك دايما يارب

نسيت أقولك
انا أصدرت قرار شخصي بأخد يوم تجمعكم الجاي أجازة أيا كان بس مش يكون الاربعاء بس عشان النبطشيه
:)

لك تحياتي

nonoymm said...

كل عام وحضرتك ومدونتك بخير
وان شاء الله العام القادم اكثر طاعة

اجندا حمرا said...

كل سه و انت طيب و خير يااحمد
و دايما متألق و دايما حبوب و فكرك ناضج

YHYيــوســف الـمصـرى said...

السلام عليكم ورحمة الله وبركاته
...........................
احمد باشا كل سنة وانت والمدونة بخير
وربنا يكرمك ونحتفل بعيد الميلاد الالف للمدونة
على فكرة اانا بردة مدونتى موليد مارس 2007 يعنى نفس الشهر :)

تحياتى

Abo 7anf said...

السلام عليكم
دى اول زياره ليا
انى لسه جديد فى عالم المدونين
واها طلعت فى مناسبه سعيده
وكل سنه والمدونه بالف صحه وسلامه

Soooo said...

كل سنه ومدونتك طيبه وبالف صحه وسعاده يا ابن منتقتي

وعقبال مانشوفها عروسه كده ومتجوزه ومخلفه
ولو اني مش عارف هتتجوز ازاي وتخلف ازاي لكن ومالو

وفعلا التدوين ده بيخلي الواحد يكتشف في نفسه حاجات ماكانش عارفها
زي مانا اكتشفت اني راقص باليه بالرغم من وجود كرشي اللي اداني ايقاع تاني .. وشكل مختلف عن كل راقصي الباليه

ملحوظه
انا صحيت بدري اهو .. وده شي ممكن مايكونش كويس لاني احتمال انام بعد صلاة الجمعه .. اتصل بي وصحيني احسن تروح علي نومه وما اقدرش اجي النهارده



سلاموووووووووووووز

الفارس الملثم said...

كل سنة ومدونتك اكثر تميزاوتطورا يا احمد

مع خالص تحياتي وتقديري

مدحت محمد said...

اولا كل سنة وانت طيب
ومدونتك بخير
حابب اقلك يااحمد كل واحد مننا
جواه موهبة
ممكن ميكونش واخد باله منها
ومعاك انى المدونة اكتشفتنا
مش احنا اللى اكتشفناها
وان شاء الله العام القادم تقلنا اكتشفت ايه تانى
واتعلمت ايه تانى
ومن تانى
كل سنة وانت طيب
ومدونتك بخير

UNIQUE said...

بجد اللي انجزته مدونتك خلال سنة شيء خرافي يخليك تستحق لقب سوبر خالو
كل سنة وانت طيب
ومدونة خالو احمد احلى واحلى

تمنياتي بالافضل دايما

Anonymous said...

كل سنة و انت طيب يا احمد ويارب العام القادم المدونة تكون اكثر تشويق
و بجد اتمني حماسك يدوم
عبير حمدي

مدونة نسمة حرية

abeerhamdy.blogspot.com

غني يابهيه said...

اول تعليق واول زياره
ومش عارف اصلا انت بعتلى اللينك ده على اميلى ازاى

المهم ان كان نفسى اكون معاكم فى التجمع بتاع المدونين بس معلش
واتمنى نكون اصدقاء وياريت نتقابل قريبا

ونحاول نعمل تجمعات شهريه للمدونين

شكرا

همس الاحباب said...

كل سنة وحضرتك طيب والمدونة بخير وعقبال مليون سنة تدوين
وفعلا كل واحد جواه مواهب مدفونى يا ريت يقدر يستثمرها صح
تحياتى ليك يا خالو

همس الاحباب said...
This comment has been removed by the author.
Heart Beat said...

كل سنة و انت طيب و مدونتك بخير

و ربنا يزيد احبابك و اصدقائك حواليك
و تنمي المدونة المواهب اللي لاحظناها فيك

و ربنا يسعدك دايما

sebofy7alo said...

هابي بيرث تو يو يا خالو
انا مش مصدق أنة فات سنة على مدونتك , دي الأيام بتجري وحنا لسة قعدين
(دخل بمدونتة واحنا قعدين كتب مدونتة برضة واحنا قعدين)
كل سنة وانت طيب
ودايما في المقدمة
سلام يا صحبي

نانا said...

مساء الخيرات يااحمد


كل سنة وانت طيب ومدونتك طيبة يارب


ومزيد من التقدم



تحياتي

مهندس مصري said...

حبيبي يا صباغ
:)
انت أكتر من أخ
كل سنة و انت طيب و بخير و مفرحنا كلنا و لاممنا لمة من لماتك الحلوة
أنا لسه فاكر اول بوست علقت عندك فيه كان بتاع أصدقاءك الألمان
و خالو احمد مرشد سياحي
صحيح الأيام بتجري بسرعة
أعتز بمعرفتك و صداقتك يا صباغ
و كل سنة و انت طيب و مدونتك منورة ببوستاتك الجميلة

محمود الدوح said...

كل سنة وانت طيب يا خالو

اه على فكرة المدونة الكلام فيها مش متظبت متاكل نصة من اليمين
يبقى شوف العيب من اية

وفاء بركات said...

بس ياخالو احمد الاول انا بنت مدام وفاء بركات وبجد مدونتك جميلة جدا واحلى مافيها انك لاقى نفسك فيها وتقدر توصل نفسك انك تكون مراية نفسك دى حاجة الحاجة التانية بقى سيدنا محمد نزلت الرسالة عليه وهو عنده 40 سنة وكان امى مع اختلاف الفرق طبعا لأشرف الخلق واكتشف حاجات برده مش عرفها عن نفسه مش مهم انت اكتشفت نفسك امتى المهم انك اكتشفت نعم ربنا عليك وعارف تحافظ عليها وتطورها وتفيد بها اللى حوليك

النجم القادم said...

الف مبروك يا خالوووووووو

ويلا عقبالك ماتبقى مدونة بابا احمد

Rehab Mostafa said...

كل عام تدوين ومدونتك وانت طيبين يا خالو أحمد
بجد المدونه فيها روح حلوه جداً :) بحب أدخلها
واسلوبك جميل جداً يا خالو :)

ابن حـجـر الـعـسـقـلانـى said...
This comment has been removed by the author.
ابن حـجـر الـعـسـقـلانـى said...

كل طيب و انت سنة

قصدى كل سنة و انت مدونة

قصدى كل سنة و انت طيب بمناسبة مرور مدونة على سنتك

يووه .. قصدى كل سنة و انت طيب بمرور عام على مدونتك

يعنى هانحط فى التورتة شمعة واحدة

عقبال الست شمعات و نص على رأى المخاليل

آخر العنقود said...

كل سنة وانت طيب ياخال
وبجد كلامك صح اوى

انا لسه مبتداة بس بجد حاسة انها فارقة معايا اوى

فى حاجات كتير بلاحظها فى نفسى
ربنا يكرمك ياخالو يارب

زادك الله من فضله واعطك ماتتمنى وفوقه
اللهم آمين

تحياتى ليك

عمر said...

كل سنة وانت أفضل أشمل أجمل مدون
أكثر إبداعا ، أكثر تنوعا

حقيقة أهنئك يا أحمد من كل قلبي ،وربنا يبارك لك في مدونتك ويجعل فيها النفع ليك ولكل المسلمين

بصراحة أنا شخصيا معجب بهذا البوست واستفدت منه كثيرا ( خاصة كمدون مستجد ) فعلا الخبرات دي الواحد محتاج لها عشان يستفيد بيها ، خاصة لما تكون خبرات خالو أحمد الصباغ

وأخيرا happy new year

تحياتي

Anonymous said...

التدوين روحك ومتنفسك وملجأءك ، ومدونتك هى بيتك الروحىّ ، ونافذتك على العالم فلا تمنع نفسك من التدوين وأفتح نوافذك وتمتع بنور الشمس

عظيم يا احمد
نـــــور

Anonymous said...

بجد حاسة انك انسان شفاف قوى وانى شيفاك قدامى وانت بكتب
مقال جامد قوى
نــــور

Anonymous said...

فالحياة أحداث تمر مثلما يمر زورق على سطح نهر فيحدث مسار رغوى أبيض سرعان ما يتلاشى ولا يتبقى له أثر ، كذلك هى أحداث الحياة
ياخبر ابيض انت كمان فيلسوف يا احمد
يالهوى عليك
ايه الكلام ده مش ممكن
انا حاسة ان قراءاتك لجبران اكسبتك فلسفة كبيرة قوى فى كتاباتك
نــــور

Anonymous said...

معلش استحملنى اصل انا فاتحة المقال وفاتحة صفحة التعليقات وشغالة الله ينور
نـــور

Anonymous said...

وأشكر كل من علق فى مدونتى وناقشنى وزارنى ونصحنى وبادلنى الرأى وشاركنى همومى وأفراحى ، شكر صادق من أعماق القلب ، وأقول لهم أنتم من صنعتم .. مدوّنة خالو أحمد
بجد احنا اللى بنشكرك وانا بالذات بشكرك لان مدونتك بالنسبة لى نافذة على الحياة بجد الانترنت بالنسبة لى معناه حاجة واحدة مدونة خالو احمد حتى بدخل منها على المدونات التانية وبشوف احوال الدنيا من خلالها بجد ربنا ما يحرمنى منك
نـــــور

Anonymous said...

واضح كدة انك هتغرر بيا وهتخلينى اعمل مدونة مع انى اخاف قوى ان مدونتى تبقى فى وسط المدونات الجبارة دى بتاعة اصحابك بس مش قادرة اقاوم بجد
نـــــور

حنة said...

كل سنة والمدونة طيبة وبخير
عقبال ما تفرح بيها كده يارب
تحياتي

خمسة فضفضة said...

السلام عليكم ورحمة الله وبركاته

كل سنة وانت طيب يا خالو وعقبال ميت سنة وتدوين يارب

Reham Mahmoud said...

كل سنه وانت طيب وعقبال ميت سنه على
وتعرف المزيد ومستنين كل جديد منك
لانك تستاهل اكتر من كدة
ربنا يوفقك
تحياتى
ريهام

soska said...

خالو أحمدو كل معلق ادعوكم لزيارة مدونتي لقراءة خبر هام جدا يهم كل مصري

خديجة عبدالله said...

يااه خالو أحمد الصباغ

ألف مبروك وكل سنة وحضرتك طيب وربنا يتقبل منك مدونتك روعة بتابعها لكن فى صمت :)من دون أى تعليق

ربنا يجعلها فى ميزان حسناتك وينفع بحضرتك بجد بجد مدونة جميلة وروعة وحاجات كده كتييير

لا للسكوت

ra7eel said...

كل سنه وانت ومدونتك بخير

انا معاك فى كلامك كله عن التدوين
انا كمان اتعلمت ازاى اتحاور واتقبل الرأى الاخر
وبزعل جدا لو حد قفل مدونته
وبتنمى انى استمر فى التدوين
فعلا بجد عالم رائع
دومت بكل خير

Desert cat said...

كل سنة وانت طيب يا خالو
كل سنة ومدونتك فى تقدم وبتكبر وبتكتشف فيك اجمل الاشياء

واصطنعتك لنفسي said...

صراحة هذه ليست أول زيارة لمدونتك ..زرتها عدة مرات من قبل .. ولكنه أول تعليق

كل سنة ومدونتك وشخصيتك بتتطور وتنمو وترقي

عجبتني فكرة ملاحظة تأثيير المدونة عليك .. وده اللي بيفرق بين الناس العاديين والناس اللي بتفكر وتحاول تدرك المتغييرات حولها

المهم دلوقتي تركز علي تأثييرك أنت علي التدوين وخاصة بعد أن أصبح للمدونة زوارها الدائميين اللي بيتأثروا ويتواصلوا معك .. فرصة يا خالو وحاول تستغلها
:)
كل سنة وأنت طيب

إيمان

Mo3Az said...

:)

كل سنه وتامدونة طيبة يا باشا
ودايما فى سعاده
وربنا يخلى لك مخاليلك
;)

monaliza said...

كل سنةوانت مدون متالق ومدونتك
طيبة
عجبنى اوى الاستفادات الكتير اللى انت ذكرتها وخلتنى اخد بالى لان مدونتى لسة جديدة وده معناه انى اكيد هيبقى ليا استفادات كتير برضه
تقبل مرورى

مشتاق لله said...

كل عام وانت ومدونتك بخير ارجو ان يكون عاما جديدا فيه نضج اكثر وتركيز اكثر علي افكار تخدم دينك واخلاقك وعالمك ولك مني تحية

mohand said...

كل سنه وانت طيب يا باشا

والتدوين منور بيك

تحياتي

اخيك
مهتد المصري

صاحب المضيفة said...

كل سنة وانت طيب يا خال


مع اني بافكر من حين لاخر اني اقفل المدونة والله


بس مش عراف كل مرة ارجع عن قراري في اللحظة الأخيرة


لعله خير يا خالنا


تحياتي

المهـ إلي الله ـاجر said...

عام تدويني جديد اسأل الله ان يوفقك فيه للكتابة الصادقة والهادفة والنافعة

وفقك الله (:

Hosam Yahia حسام يحى said...

كل سنه وانمت طيب ياباشا

انتا اتعلمت كل ده

ماشاء الله

موسوعه يعنى

والصور جميله بجد ماشاء الله

تحياتى

احمد الجيزاوى said...

كل سنة والمدونة بخير
وفى تقدم

تحياتى ليك
احمد الجيزاوى

بت خيخة وأى كلام said...

كل سنة ومدونتك دايما كدة
هى عنينا اللى بنشوف
بيها اخر الاخبار
وكل سنة وانت دايما
متجدد ومتألق يا صباغ
تحياتى ليك
اختك خيخة

appy said...

كل سنه وانت طيب ومدونتك طيبه يا ريس احمد عبد العال هههههههههههههههههههههههههههههه

خبيب said...

عقبااااااااااااااااااال 1000 سنة تدوينية

تقعد تتولد فيهم كل يوم

يعني 365000 ولادة جديدة

Nsreen Bsunee said...

كل سنه وانت طيب يا خالو وعقبال ما نشوف مدونات المدام وبعدين مدونات الاولاد وتبقي عائله الصباغ التدوينيه
بجد كل سنه وانت يب من قلبي انت انسان ممتاز
:)

عمرو said...

مدونة سوسيولوجيا الحياة اليومية
http://sociology4life.blogspot.com/

عبدالرحمن فارس said...

عام جديد تدخله حروفك

أرجو أن تزداد تألقا

محبتي

اهو ده عيبه said...

عقبال 1000 سنة

وتكتشف فى نفسك حاجات جديدة كمان وكمان

نوره الخشن said...
This comment has been removed by the author.
حل وسط said...

كل سنه وانت طيب
ويارب مدونتك دايما منورة

وربنا يزيدك
ويباركلك

inksarat said...

كل سنة تدوينية وانت بكل خير
ــــ
اتمنى ان يذيدك التدوين تقدما فى الحياه
ــ
انا شخصيا التدوين اضاف لى طاقة نور من خلالها بيزيد عدد من يسعدنى معرفتهم
ـــ
دمت بخير

بثينــــــة said...

كل سنة وأنت طيب
متأخرة في معرفتي بمدونتك بس البركة في الفيس بوك
كلامك عن مدونتك حقيقي وجميل ونسبة كبيرة بتحسه
مبروك وعقبال سنين كتير تدوين

منى said...

كل سنه وانت ومدونتك بكل خير
تحياتى

أسامه يوسف said...

إزيك يا خالو
كل سنه وانت مدون
وكل سنه وانت خالو

التدوين فعلاً أصبح روح للمدون وتنفيسه ليه

على فكره انا ما احتفلتش بعيد ميلاد البلوج بتاعتى
مش عارف ليه ؟؟

اتاريها زعلانه منى

تحياتى

محمد عبد الغفار said...

كل سنة وانت طيب

mady said...

كل سنه ومونتك طيبه وبصحه وسلامه
وان شاء الله تشوفها متخرجا من الجامعه
(20 سنه(
ممكن بقي تكون شاطره تدخل طب
فتبقي اكبر من كده
انا سعيده جدااااا
بالموضوع ده
لانه طمني لان انا لسه جديده في عالم التدوين
ميلاد سعيده للمدونه ولك
تحياتي

آفاق الحرية said...

كل سنة وانت طيب
عقبال 100 سنة ان شاء الله

coca said...

ابو الصبابببببببببببببيغ حبيبي حبييبي

مش عارفه التعليق بتاعي راح فين مدونتك دي بتسرق تعليقاتي
لما لها من قيمه طبعا يا ابني

كل سنه وانت بخير والمدونه احلي واحسن

وطبعا وانا بعلق فيها

لان من غير تعلققاتي ممممممممم

انت منورها برده هههههههههههه

عايزين نشوفك بقي دا انا اختك الكبيره وليا عليك حق
يالا هبعتلط بوكيه ورد علشان المناسبه الحلوه دي

the movie fitna said...

don"t miss the great movie
Please supported this film on youtube

Anonymous said...

صباغ
انا سيبلك تعليق عند نوره الخشن مدونة اه وكفى مقطوعت (فعلتها ياصديقى) اركب تاكسى وروح المدونه اقراء تعلقيى
لك عظيم احترامى وتقديرى
القيثاره المكسوره

نوره الخشن said...

v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
بتقولكـ سيبالك تعليق عندي اركب تاكسي وروح شوفه بس ماتنساش تاخد
منها حق التاكسي
أقتراحها فظيع على فكرة القيثارة المكسورة عيزة تولع الدنيا متعرفش أننا كبيرنا اوي اتنين ديوك يدنو قصاد بعض
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
(عيزه اضحك)

أنا إنسان said...

ايوه
والله عندك حق
أنا كنت ناوي برده اسيب التدوين
بس ماقدرتش

أنا إنسان said...

وكل سنه والمدونه طيبه
وحضرتك طيب

dina said...

عام تدوينى سعيد
وكل عام بميلاد جديد

فى القلب said...

كل سنه و أنت بألف صحه وسعاده ورضا وتألق يا أنكل أحمد
عارف يا أنكل و أنا بقراء البوست كأنك بتقول ألى فى قلبى
يا رب يدوم عليك التألق و الوهج و تكون فى زياده على طول

منة الله said...

كل سنة و انت نجم يضئ سماء التدوين و يا رب كل سنة في تقدم

•√أريـ السمر ـج√• said...

كل عام و انت و مدونتك بالخير .. و ان شاء الله مع كل عام و انت اسعد و احلامك اكبر و متحققة

اسعدنى المرور علي المدونة

دمت بكل الخير

Nazk El Maleka said...

WoW
ماشاء الله الله اكبر
ربنا يبارك في مدونتك وتفضل دايما ملتقي المدونين كلهم
:)
كل سنة وانت طيب

بسنت said...

فعلا فكره ان المدونه متنفس للاراء والاحداث حاجه ممتازه خاصه ان محدش بيكتب يوميات دلوقتى للحاجات اللى قابلها ويمكن فعلا تركت اثر فى نفسه يغير مصيره كله
انا سعدت اكتر بقراءه الافكار دى لشاب يعرف نفسه جيدا
واتنمى ان نجد جميعا انفسنا لنعبر عنها جيدا
سلمت يا صباغ

Dr. Eyad Harfoush said...

عزيزي أستاذ أحمد
كل عام و أنت بخير ، و أعتقد أنك صدقت في كثير مما رأيته عن التدوين ، و فوق هذا ، حتى من كان يعرف أن له موهبة ، كان في العادة يفتقر الى التواصل بموهبته مع الناس ، و بالفعل التدوين غير فينا كثيرا من الطباع ، لكن أخطر ما فيه الانجذاب الزائد للعالم الموازي و البعد قليلا عن الحياة الواقعية
تحياتي و تقديري

مواطن مصرى نايم said...

كل سنة وانت والمدونة طيبين
و يا رب تكون سنة جديدة سعيدة عليك انت و هى

Ahmed Al-Sabbagh said...



EmY

ميرسى يا اجمل ايمى فى الدنيا
والله ربنا يعلم بمعزتك عندى وعند مدونتى كمان
:)


Ahmed Al-Sabbagh said...



امام الجيل

ربنا يكرمك شكرا لدعوتك

Ahmed Al-Sabbagh said...



ِِAdem El-Mahdy

والله انت رائع دائما يا ادم

ونموذج للمدون المحترم

تحياتى لك

Ahmed Al-Sabbagh said...



somaa mahaba

ايوة بس اخيرا انتى بقيتى عضوة فيه

مش كدة ولا ايه ؟

Ahmed Al-Sabbagh said...



only spot

الرائعة شيماء

كلامك مشجع جدا

وانتى كمان من الناس المحبوبين جدا وعلى اخلاق عالية

دمتى بخير

Ahmed Al-Sabbagh said...



سهر الليالى

الغالية جدا ميروو

والله مش عارف ارد على الكلام ده بايه

صعب صعب انى الاقى رد يليق بكلامك

هقولك بس

يارب ما يحرمنى منك


Ahmed Al-Sabbagh said...



nigro

مين قال انك مدوّن صغير

بالعكس انت مدون كبير وجامد

وان شاء الله قريب هتكتب لنا مقال عن التدوين

وهيبقى احلى من ده بكتير


Ahmed Al-Sabbagh said...



كلاكيت تانى وتانى

وانتى طيبة وبخير

وفى تألق تدوينى


Ahmed Al-Sabbagh said...




عاشقه الفردوس

ربنا يكرمك

Ahmed Al-Sabbagh said...



mado80

وانت طيب يا احلى ماجوووود




Ahmed Al-Sabbagh said...



مستــ ج ــــدة

ايوة شوفتى انتى شريرة ازاى

ياللا افتحيها بقى

عشان نقولك كل سنة وانتى طيبة


Ahmed Al-Sabbagh said...



ftafeet

مش هقولك اكتر من وحشتينا يا نونا

ويارب ترجعى مصر بالسلامة



Ahmed Al-Sabbagh said...

aya

مش عارف اقول ايه على الكلام الجميل ده

بس سلمى لى على عم انور

وكل سنة وانتى طيبة

Ahmed Al-Sabbagh said...


ض/خالد

لأ مش فاهم


Ahmed Al-Sabbagh said...




دكتور حر

ربنا يبارك لك

ومنتظرين على احر من الجمر

ملحوظة : سعدت اوى بلقاءك انهاردة السبت

Ahmed Al-Sabbagh said...



nonoymm

وحضرتك طيبة وبخير

Ahmed Al-Sabbagh said...



اجندا حمرا

ميرسى ما اتحرمش منك



Ahmed Al-Sabbagh said...


YHYيــوســف الـمصـرى

يوسف باشا ابن منطقتى

كل سنة وانت طيب

وعايزين تدويناتك الجامدة ترجع بقى



Ahmed Al-Sabbagh said...



Abo 7anf

شرفت ونورت وياريت تتكرر الزيارات

Ahmed Al-Sabbagh said...



Soooo

هههههههههه

ابن منطقتى مسخرررررة

Ahmed Al-Sabbagh said...



الفارس الملثم

اشكرك بشدة

Ahmed Al-Sabbagh said...


مدحت محمد

اشكرك يا مدحت

ودايما التقى بيك على خير

Ahmed Al-Sabbagh said...



UNIQUE

يا كزوفى يا كزوفى انا سوبر

ميرسى اوى

Ahmed Al-Sabbagh said...


عبير حمدي

يارب

لان الحماس ده اهم حاجة فى اى عمل


Ahmed Al-Sabbagh said...


غني يابهيه

ياريت طبعا

فى اجتماع الجمعة 11 ابريل

Ahmed Al-Sabbagh said...


همس الاحباب

ايوة جميل اوى كلامك

Ahmed Al-Sabbagh said...


Heart Beat

اشكرك بشدة

ربنا ما يحرمنى منك

Ahmed Al-Sabbagh said...


sebofy7alo

لذيذ يا شيكو

هبقى ارد عليك بكرة فى الشغل بقى

هههههه

Ahmed Al-Sabbagh said...



نانا
اشكرك يا نانا
ربنا يخليكى

Ahmed Al-Sabbagh said...



مهندس مصري

ربنا ما يحرمنى منك يا محمد

انت من اعز الاصدقاء والله

ومدونتك احد قِبلاتى التدوينية اليومية


Ahmed Al-Sabbagh said...


محمود الدوح

العيب يا باشا على التوكتوك واكيد انت فاهمنى ههههههههه

Ahmed Al-Sabbagh said...



وفاء بركات

ربنا يكرمك وشكرا لتعليقك الجميل
وسلامى لمدام وفاء

Ahmed Al-Sabbagh said...


النجم القادم

ميرسى يا احمد
وانت كمان عقبال مدونة ابن النجم القادم
ههههههههه

رفقة عمر said...

كل سنه وانت ومدونتك بالف خير
فعلا التدوين علم الواحد حاجات كتير جدا
انا كمان عمرى ما كتبت ولا فكرت اكتب
وسبحان الله فوجئت ان فيه ناس بتقرالى اساسا
وطبعا التدون اتعرفت منه على ناس محترمه جدا لم اكن لاقابلهم على ارض الواقع

mohamed said...

كل سنة وانت طيب

Salma Amer said...

في عيد ميلاد المدونة أنت فتحت الباب و الشباك كمان ايةالابداع دة
كل سنة وأنت طيب يا خالو
هي تهنئة جاية متأخرة شوية بس مكنش ينفع أن افوت الفرصة أن اقلك كل سنة وانت طيب وعقبال اليوبيل الماسي للمدونة
تحياتي

ولاء البري said...

ألف مبروك ياخالو اولا علي مرور عام لمدونتك وثانيا علي صدور الجزء الثاني من سلسلة مدونات مصرية للجيب علي العلم أني زعلانة منك لأن كان المفروض يبقي عندي السبق في نشر الخبر ده لكن للأسف صفحتي مبيته وكان لازم اعرف من أول امبارح علي الأقل علشان كنت انزل الخبر يوم الخميس عندي في الجريدة لأن الجمعة والسبت أجازة لصدورها مبرووووووووووووك

Anonymous said...

The Pele mуth Hеnce waterfall into tωo partѕ: 1 the thе carеfully
chosen massage movements οn уour back drive the stгess
forth from your consistenсy аnԁ set
you free. Sеe Τantric Maѕѕage Mаssage: А Saсred Аnd exotic Massage fijngеhаktе peterѕеliе plattе,
regгеtful eеn fijngehakt
uitje еn Spaansе pеper, eеn flіnke eetlepеl suiker en prim eetleрelѕ zout.
І grew up eаting tаntгіс massage holistic, and еmрowering for both the giver and liquiԁator.
Reаd Shibah wіth Tom and Donna to be transformational.



Review my blog web page

Judi Bola Online said...

To create a such reasonably article is actually superb,I daily scan your blogs and provides my announcement for that here this text is simply too nice and then amusive. Berita Agen Bola