السماء بدأت الإضراب
فى منتصف ليل القاهرة ، انتفضت السماء عن عاصفة ترابية قوية وغيوم وكأن السماء تعطى إشارة البدء لأول إضراب جاد وناجح فى تاريخ مصر الحديث وتباركة وتصب غضبها على الظالمين ، امتد الاضراب عبر كل شبر فى مصر من القاهرة للمحلة للاسكندرية ، وان تفاوتت حدتة ومظاهره من مكان لآخر ، وشهد الأمن المصرى لحظات الفزع
يقول الخبراء : إن نجاح الاضراب بنسبة 40 % علي مستوي جميع المحافظات مما يعتبر نجاح غير مسبوق
أجمل فى فى الموضوع ان وسائل الاعلام العالمية تناولت الموضوع ان الشعب المصرى هو اللى قام بالاضراب لا جماعة ولا حركة ولا حزب لاول مرة وحتى مع توارد اخبار من ايام عن عدم تضامن جماعة الاخوان المسلمين مع الاضراب الا انهم فعليا شاركو فى الاضراب والساعة عشرة بالليل عرفنا ان محمد عبد القدوس انضم لقائمة المعتقلين التى تجاوزت 200 شخص فى القاهرة فقط وفى ناس كلمتنى من دمنهور ان فى اعداد كبيرة هناك
يقول الخبراء : إن نجاح الاضراب بنسبة 40 % علي مستوي جميع المحافظات مما يعتبر نجاح غير مسبوق
أجمل فى فى الموضوع ان وسائل الاعلام العالمية تناولت الموضوع ان الشعب المصرى هو اللى قام بالاضراب لا جماعة ولا حركة ولا حزب لاول مرة وحتى مع توارد اخبار من ايام عن عدم تضامن جماعة الاخوان المسلمين مع الاضراب الا انهم فعليا شاركو فى الاضراب والساعة عشرة بالليل عرفنا ان محمد عبد القدوس انضم لقائمة المعتقلين التى تجاوزت 200 شخص فى القاهرة فقط وفى ناس كلمتنى من دمنهور ان فى اعداد كبيرة هناك
إضراب القاهــــرة
الزمان : الساعة 11 صباحا
ميدان طلعت حرب فيه حوالى 4 كتايب امن مركزى
بالاضافة لعشرات من عربيات الامن المركزى فى المنطقة ما بين ميدان طلعت حرب وميدان التحرير على الشمال وانت رايح التحرير بطول الشارع
سلم المترو بميدان التحرير امام كنتاكى يعج بعشرات المخبرين
والتفتيش يتم بدقة داخل وخارج المترو
وفى جميع مداخل ميدان التحرير
معظم محلات وسط البلد مغلقة
بالاضافة لعشرات من عربيات الامن المركزى فى المنطقة ما بين ميدان طلعت حرب وميدان التحرير على الشمال وانت رايح التحرير بطول الشارع
سلم المترو بميدان التحرير امام كنتاكى يعج بعشرات المخبرين
والتفتيش يتم بدقة داخل وخارج المترو
وفى جميع مداخل ميدان التحرير
معظم محلات وسط البلد مغلقة
كان فى محاولات لتظاهرات متعددة بس كانت بيتم تفريقها قبل ان تبدأ
حشود الامن المركزى فى عبد المنعم رياض اشبه باللجان بيقفوا الناس وبيطلبو البطايق
الكاميرا كانت هتتسحب منى ظابط كبير قاللى شيل الكاميرا دى أحسن ناخدها .. انا طبعا رغم انى مشيت من الميدان بس بردة خفت ليشيلو العدة
المتظاهرين يهتفون
حشود الامن المركزى فى عبد المنعم رياض اشبه باللجان بيقفوا الناس وبيطلبو البطايق
الكاميرا كانت هتتسحب منى ظابط كبير قاللى شيل الكاميرا دى أحسن ناخدها .. انا طبعا رغم انى مشيت من الميدان بس بردة خفت ليشيلو العدة
المتظاهرين يهتفون
بلا احزاب بلا تعبير .. احنا بناكل لحم حمير
يا ابن الريس يا جمال .. مش لاقين اكل العيال
عاوزنها ثورة شعبيه .. ضد مبارك والحرامية
وقوات الامن تطلق القنابل المسيلة للدموع على نقابة المحامين بالقاهرة
قائمة من مركز هشام مبارك لحقوق الإنسان
وقوات الامن تطلق القنابل المسيلة للدموع على نقابة المحامين بالقاهرة
قائمة من مركز هشام مبارك لحقوق الإنسان
.jpg)
قامت قوات الأمن بإعتقال كل من أكرم الإيراني وحسن عبد الله وأحمد سعد دومه ومالك مصطفي ، الناشطين في حركة كفايه ، وذلك أثناء توزيعهم بعض البيانات في منطقه مصر القديمه
صورة من عند الجيزاوى ، وحزب العمل
وسط البلد فى الصباح الشوارع فاضية
الصورة من عند محمود الدوح
إضراب المحلة الكبرى
إشتعل الموقف فى المحلة بصورة مفزعة ، تقدر تقول إن الاضراب كان أقوى ما يكون فى المحلة ، أنباء وردت عن حدوث ضرب نار حى وقنابل مسيلة للدموع وإعتقالات لرجال ونساء وأطفال امن مركزى وقوات خاصه وقناصه وتكسير لبوابات الشركه ، ومقتل 4 أطفال ، وحرائق فى احدى محطات البنزين واحد القطارات وعده إتوبيسات
فيديو إضراب المحلة
أنباء متنوعة وردت من المحلة
انباء من الزميل محمد مارو : المحلة تحترق غضبا بين الامن و المتظاهرين ، و الجرحي لا يعدوا ، امن مركزى وقوات خاصه وقناصه وتكسير لبوابات الشركه وقنابل مسيلة للدموع وحرق كاوتشات وتزقيل بالطوب وقنابل المولوتوف ... والعماااااااال انطلقوا
حرائق فى الاتوبيسات ومحطة بنزين
الشرطة في المحلة تستخدم الرصاص الحي ووصول مصابين بطلقات نارية الى مستشفى المحلة الى جانب المصابين بالاختناق من الغازات
الشرطة تعتقل المصابين الذين يذهبون للعلاج في العيادات الخاصة بالمحلة
الأهالي قاموا بإشعال النار في كاوتش السيارات و قاموا بإلقاء الحجارة على قوات الأمن ردا على إستخدام قوات الأمن للقنابل المسيلة للدموع و خراطيم المياة و إطلاق الرصاص
تم قطع كل الطرق من و إلى المحلة لتبدو من بعيد مدينة معزولة تحترق
و قام بعض الصبية بإلقاء الحجارة على نافذة سائق أحد القطارات فأصيب و توقف القطار و تم أخذه من قبل الأهالي كرهينة
تعاملت قوات الأمن بأقسى أنواع العنف مع احتجاج الأهالي وسلطت عليهم القنابل المسيلة للدموع ورصاص خرطوش وقنابل صعقة (تؤدي إلى شلل الأطراف). كل ذلك عن الضرب بالهراوات والملاحقة الشرسة
اغلاق كل الطرق المؤدية الى المحلة - طريق طلخا سمنود وطريق كفر الشيخ وطريق المحلة طنطا وتحويل القطارات بعيدا عن المحلة
الامن يحاول اقتحام مقر حزب الجبهه فى المحلة الكبرى بعد ان اعتصم به اكثر من 30 شخص بينهم اطفال
أنباء عن قطع التيار الكهربائي عن مدينة المحلة الكبرى
أنباء عن قطع التيار الكهربائي عن مدينة المحلة الكبرى
الاضراب فى أماكن متنوعة
محاصرة مكتب حمدين صباحي (عضو مجلس الشعب) واعتقال خمس مواطنين بكفر الشيخ اثر خروجهم من مكتبه .. وهذا ياتى ضمن ما يحدث فى القاهره من اجراءات امنيه
دلوقت بقى هقولكم نكتة حلوة
شوفوا الاهرام كاتب ايه بكرة واضحكوا
شوفوا الاهرام كاتب ايه بكرة واضحكوا
خلو الشوارع والميادين بالقاهرة والمحافظات من المظاهرات
رفض الشعب المصري أمس بجميع طوائفه وفئاته دعوة بعض المغرضين إلي الإضراب عن العمل. وشهدت مؤسسات الدولة حضورا مكثفا من جميع العاملين, وحرصا كبيرا علي استمرار العمل, وزيادة الإنتاج بصورة فاقت الأيام العادية. وخلت شوارع المحافظات وميادينها ـ بما فيها العاصمة ـ من المظاهرات والوقفات الاحتجاجية, لإسقاط الدعوات التحريضية
ههههههههههههههههههههههههههههه
مصادمات في المحلة واعتقالات بعدة محافظات مصرية مصادمات عنيفة في مدينة المحلة الكبرى و قوات الأمن المصرية تعتقل العشرات في القاهرة وعدة محافظات لمنع تنظيم المظاهرات
: تغطيات رائعة للاضراب فى المدونات
أحمد الصباغ
40 Comments:
أنـــــــــا
اول تعليق بتاعي ياخالو هكمل البوست وارجع ارد ياجميل
ياخبر ابيض
دي حكومتنا دي جبانة بشكل يااخي
والله العظيم جبانة وكذابه
قال ايه الاضراب ماجبش نتيجة والانتاج هايل
وقال يعني مش خايفين بأمارة الاعلان اللي عاملينو عالقناة الاولى بيهوشونا بيه
كان عندي احساس امبارح ان الاضراب هينجح لما السماء مطرت وبتاع
قولت ربنا معانا وهينصرنا بأذن الله
وقعدت طول اليوم مستنية تقريرك عن الاضراب
قولت الصباغ هو اللي هيجيبلنا المفيد
وبتوع المحله دوول جدعان بجد عشان اللي عملوه ربنا يفك اعتقالهم
وابئى طمنا على المعتقلون بتوعنا
وهرجع ارد تاني
طب كويس انك قلت عن عناوين الأهرام بتاعة بكرة ...كنت هاأصحي جوزي يشتريلي الجرنال اشوف قايلييين أيه ؟
بس الحقيقة انا أفضل كلام المدونات أكتر
عندهم شفافية اكتر من الجرايد الحكومية
تغطية ممتازة يا أحمد
ربنا يكون في عونهم في المحلة
الحكومة عايزة تخليها عبرة للشعب كله و تقول لنا لو فتحتم بقكم حنحرقكم زي المحلة
ربنا يكرمك على التغطية الهايلة دي
بس بردو لسة مفيش حاجة نقدر بيها نقول ان الموضوع نجح
اعتقد الن الاضرارب ان كان اتعمل فعلا فهو كان في نطاق ضيق بردو
انا بتكلم على القاهرة بالخصوص
لأن الأمن كان عامل كارت ارهاب للناس زي ما انت قلت
أنا قعدت فى البيت و كان نفسى الكل يعد فى بيته .. بيتهيئلى كانت هتبقى أجمد بكتير لو الكل بمعنى الكل كان قعد فى بيته .. معروف طبعا إن الحكومة جبانة و خرعة .. بس هو احنا ما نقدرش نعمل مظاهرة أو احتجاج بتحضر شوية و لا لازم الشويتين بتوع كل مرة من تكسير و حرايق و خلافه
يا ابو حميد تحياتى ليك
يعنى انت قلت على كل اللى عاملين التغطيات
و انا وقعت من قعر القفة
بلاش تقول لحد يا سيدى المهم ادينى رأيك انت
على فكرة انا عندى صور لاسكندرية
و صور للقاهرة محش نزلها
بالاضافة للصور اللى اتنشرت على المدونات الاخرى
انا فرحانه وفي نفس الوقت مخنوقه
فرحانه بالشوارع الفاضيه
والمظاهرات السلميه اللي حصلت
لكن زعلانه وتعبانه جدا من اللي حصل في المحله
بجد مش صح اللي حصل
طيب وسواق القطر اللي خدوه كرهينه ده خدوه ليه
ياشعب مصر احنا مصريين
ماتخربوش
طالبو من غير دمار من غير حريق
من غير قتل ابرياء
لاحول ولاقوة الا بالله
اللهم اغفرلنا وارحمنا برحمتك يارب
استرها علينا وع البلد يارب
تغطيه هايله ياصباغ
ربنا يكرمك على التغطية الرائعة دى
هو فعلا الاضراب نجح ولو حتى نسبة بسيطة
مين كان يصدق ان افراد الشعب العاديين يعملوا كده
سواء انهم ميروحوش شغلهم او ينزلوا
طبعا النزول كان مش بالشكل المرجو لانه مكنش منظم كمان
بس الاحجام نجح الى حد كبير
الحمد لله
وهذا مسمار كبير ورئيسى دق فى نعش النظام
الف مبروك عليك وعلى مصر كله نجاح الاضراب يا احمد
بجد مصر كانت يوم 6 ابريل بلد تنيه
مبروك
احمد الجيزاوى
والله يا احمد زى ما اتكلمنا بجد خايفه موووووووووت من رد الفعل الغبى اللى ممكن يحصل اكتر من كده من اللى ربنا ينتقم منهم
بس عموما زى ما قولت دى خطوه اجابيه قوى قوى
وربنا يسهل فى الباقى تسلم ايديك على الموضوع
تغطية ممتازة
وربنا يستر ونكمل المسيرة بوعى وتركيز اكتر
ونسبة 40 % نسبة من وجهة نظرى ممتازة فى الظروف اللى احنا فيها والوعى الضعيف من شعبنا
تحياتى ليك
خالد
www.tvosz.com
بجد تغطية اكتر من رائعة يا خالو .. تسلم ايدك و اتمنى لك دايما مزيد من التقدم والرقي بمدونتك الجميلة ..
اييييييييييه ده بجد كان نفسى ابقى موجوده بس الاخبار وصلتنى ان البلد كانت بجد متغيره اوى
يلا ربنا معاكو ان شاء الله والحال يتعدل على اديكو
وتسلم ايدك علىى التغطيه الهايله دى يااحمد
برررررررررررررررررررفوا عليكم ياشباب مصر المدونين برفوا عليك يا صباغ فعلا اتمنى ان يكون فيه زيك وزى باقى المدونين اصحابك الالف بل ملاين علشان توقفوا للغول وتوقول بقوه عينك حمر وتجيبى جق البلد ده من ايد الى سرقنها وكسرنها وحشنى وقفت رجالك يامصر والله لسه لك شامخه وعزه بتجرى فى دمائنا شد حيلك يابلدى وافردى ضهرك ولاديك ........ شبابك......... رجاله
القيثاره المكسوره
برافو عليك يا احمد
التغطية زى ما قال المهندس مصرى ممتازة
و جبت الشرق و الغرب فيها
بس انا قولت انك هتعمل كدا برضو و عشان كدا استنيت البوست دا و ظنى فيك فى محله و بعد ما شوفتك أنا عرفت ليه انت محبوب جدا من مجتمع المدونين ...
عندكم حق لأنك انسان مميز و نفسك هادى فى التعامل و انسان عشرى ...
انا اتشرفت بمعرفتك جدا و دايما متميز يا خالو
سلاموووووووووو عليكوووووووووو
بجد تغطية هايلة .. ده انت ولا الجزيرة في عزها يا راجل
بس في حاجة ... تفتكر جاب نتيجة ؟؟؟
في رأي ما أعتقدش
هتقولي كفاية وصلنا صوتنا
يعني هو مش واصل .. ده ما بقاش في صوت حتى من كتر ما حسنا اتنبح
أتمنى بجد إنه يكون له تأثير مع العلم إني أضربت .. قول يارب
كان معكم ..,
كيكوووووووووووووو
المحلة ولعت تاني
والاضراب نحج
الله اكبر
واحتمال يتعمل تاني
والاخوان تشارك
ربنا يهديهم
سلام عليكم
خالو ازيك؟
بجد تغطيه اكتر من الرائعه وتسلم عليها بالنسبه للنجاح الجزئى للاضراب هو خطوه ايجابيه وصفعه ثالثه لهذا العام على وجه النظام لعله يفيق قبل الطامه الكبرى التى لا يحمد عقباها الا انى برضه مصابه بالخوف والغضب .الغضب من العنف والكارثه الى حصلت بالمحله وحركات الاعتقالات من قبل الامن الى ملهاش اى مبرر وخايفه من رده الفعل الغبيه للنظام لانه متعنت وغبى ومعتقدش انه هيجبها لبر
والى طبعا هيروح فيها الناس الغلابه بجد انا خايفه جدا بس بامل فى رحمة ربنا ولطفه والله المستعان
ربنا يستر بقى
تحياتى
ابو حميد!
ناس كتير اتفقت على ان الاضراب ده يعتبر اول ردة فعل حقيقية و ايجابية من الشعب خارج عن سيطرة اى قوى سياسية
فعلا الناس عملتها بشكل تلقائى
فعلا على راى أ/ الجلاد.. ان من اعظم مزايا الاضراب انه كشف الجميع
حكومة
ومعارضة
و احزاب
و قوى سياسية
و اجهزة امن
كلهم كلهم انكشفوا
و لم يتبقى الا ضمير الناس
الشعب
و اعتقد ده اهم وابقى من اى شىء اخر
فى الاخر هاقولك
بما انه ليس هناك مطلق الا وجود الله
يبقى؟ اى شىء ممكن تقوله لأ ... ممكن تقول له أه
اخوكم عمر،
السلام عليكم
والله ياعم احمد احنا كلنا متبهدلين في المحلة
دعواتكم لينا بس
http://afaqalhoria.blogspot.com/
ربنا يكرمك ياخالو علىالمجهود الرائع ده
بجد تسلم ايدك
وربنا يسترها وحد يحس بينا ويسمعنا بقى
وعلى فكرة انا سعيدة جداااااااااا بمعرفة شخصية زيك ياخالو
وكل اللى انا شوفتهم
ويارب دايما متجمعين على خير وطاعة
ونكون دايما مع بعض
انا قعدت فى البيت بس كنت متابعة الاخبار اول بأول
ووالله سيب الكليه والسكاشن
وكنت فرحااااااانه جدا
بس مش عارفه هو فعلا جاب نتيجه؟
ولا ايه اللى ممكن يحصل؟
عموما اهى خطوه جميله جدا
الحمد لله على كل حال
تشكرات على التغطيه الجامده دى
نجح فعلا بدليل تصريحات نظيف عن زياده المرتبات للعمال 15 فى الميه كانهم بيبقششوا علينا من جيوبهم 15 فى الميه يعنى اللى بياخد 200 حياخد 230 لووووووووووولى يا فرحه اهلى بالخمشتاشر فى الميه
يا شعب يا غلبان
ابقى فوت عندى شوف مجنونه وتخاريفتها
تحياتى ليك سومه_87
تغطية هايلة يا احمد
اما بالنسبة للاعلام فحدث ولا حرج
والجرايج القويمة هى كل الحرج
تحياتى
نجح وبتقدير امتياز كمان يا احمد ده كفايه شكل الشوارع فى اليوم ده بس كان ناقصها شوية تنظيم بس مش مهم احنا وراهم وراهم احنا ورانا ايه
عجبتنى جدا التغطية الشاملة ديه
ولو انى شايفة ان اللى حصل فى المحلة دا
خراب مش اضراب
لاننا مفروض بنضرب ضد الحكومة
لكن مش بندمر مصالحنا و لا نصيب فى بعضنا
يعنى انا كنت متوقعة انه يكون الاضراب
باننا ننزل و نحتج فى صمت فى الشارع
زى ما عملنا مع بداية الانتفاضة
فى جامعة القاهرة
دا غير اننا كنا متفقين نقاطع اى
تعامىت تجارية
مكنتش اتصور انها هتوصل للقتل او الضرب
اما بخصوص ان الناس راحت الشغل
فدا كان اجبار و قرارات من الحكومة
و خوف من الناس انها تفقد حريتها
ليس الا
أنتا كان فيك صحة ياحاج
اومال ليه كنت بتموت مننا قبلها بيوم
ع العموم أنا اضربت ونمت ....جت مصلحة
بس الحقيقة مكنتش ناوي أنزل عشان عارف إنهم هيكونوا مدبسين عساكر الأمن المركزي في الأسفلت
عقبال الإضراب الجاي
على فكرة ....البتاع اللي أنتي حاطه صوت ده جامد فحت
يا مسهل
نتمني تكون أول الغيث
تغطية هايلة ومجهود بجد بشكرك عليه
ـــــ
رأيى ان الاضراب كان اول خطوة فى طريق تغيير ثقافة شعب دامت معه لسنوات وتوارثها بعض الاجيال
ـــ
انا متفائل وحاسس انها هانت
ـــ
الى اللقاء يا صديقى
احمد البوهى
انكسارات
مرحبا للمضربين ..
اولا
عذراً على اقتحام المدونة هكذا لكن كما يقال "للضرورة أحكام"
في حملة فردية أقوم بالمساهمة على نشر وتوزيع فيلم "المُفتِنون" الذي يرد على الفيلم الهولندي "فتنة" ، بإرسال الرابط التالي لكل الداتا لدي من مواقع ومدونات وبريد
أرجو منكم – بعد المشاهدة - المساهمة معي في نشره من خلال قائمتكم أيضاً
شكرا لكم
Sorry for this sudden entrance in here but as said "necessity has its laws"
In a "singular" campaign I am making now to defend against the anti-islam Dutch short movie "Fitna", siting to every possible link and address
I wish that you be part of it by watching and forwarding the link below to all yours as possible, too
Thank you every one
http://dejavupress.blogspot.com/2008/03/blog-post_31.html
ثانياً
كيف لي الاشتراك في موقع الشامل للمدونات العربية
الله معاكم ومع كل صاحب قضية
مرحبا للمضربين ..
اولا
عذراً على اقتحام المدونة هكذا لكن كما يقال "للضرورة أحكام"
في حملة فردية أقوم بالمساهمة على نشر وتوزيع فيلم "المُفتِنون" الذي يرد على الفيلم الهولندي "فتنة" ، بإرسال الرابط التالي لكل الداتا لدي من مواقع ومدونات وبريد
أرجو منكم – بعد المشاهدة - المساهمة معي في نشره من خلال قائمتكم أيضاً
شكرا لكم
Sorry for this sudden entrance in here but as said "necessity has its laws"
In a "singular" campaign I am making now to defend against the anti-islam Dutch short movie "Fitna", siting to every possible link and address
I wish that you be part of it by watching and forwarding the link below to all yours as possible, too
Thank you every one
http://dejavupress.blogspot.com/2008/03/blog-post_31.html
ثانياً
كيف لي الاشتراك في موقع الشامل للمدونات العربية
الله معاكم ومع كل صاحب قضية
السلام عليكم
الاضراب ده بروفة للشعب فيه ناس نجحت وفيه ناس سقطت سقوط ذريع وفيه ناس طلعت فى دور واحد ميت
بس هو مش فيلم ولا مسرحية ده واقع وواقع
أحييك على صورك الرائعة فعلا لك عين فنان
تحياتى وتقديرى اخى الكريم
صباح الفل يا خالو يا مش معبرنا
تغطية رائعة عاوزة أقولك أني بجد لما احب اعرف الاخبار بطلت ادخل عن وائل عباس بينرفزني بقيت ادخل عند خالو أحمد ودا مش مدح يا عم الحج دا تكليف يعني لازم تهتم كل يوم اكتر واكتر
على فكرة احنا كنا متوقعين ان الدولة تنزل البلطجية بتوعها زي ما علموا ايام كنيسة محرم بك
وقد كان ويا سلام الاهرام يقولك طوائف الشعب رفضت الاضراب
دول كانوا خايفين
اولك على حاجة اكسكليوسف
محطة كهرباء منعت حد يخرج خارج المحطة عشان محدش يعمل اضراب والمدير يتشد
الاهرام اليوم بيقولك
انخفاض في السلع الاساسية مثل الارز وعدم انخفاض سعر السكر والزيت
اسلقوا الرز زي اليابان
ما دي اولى خطوات التطور
نسيت يا معلم تجيب اللى اتقال على الاذاعه فى البرنامج العام
( هذا وقد صرح مصدر مسئول ان موضوع الاضراب ده مجرد اشاعه أطلقها مختل عقليا)
وقعدوا يجيبوا فى اغانى من نوعية اشاعات بتاعت شكوكو وقوم يا مصري مصر دايما بتناديك
يكفى منظر سقوك صورة مبارك بايدى اطفال صغيره مااشبهه بمنظر سقوط صورة صدام
نفسى كنت اشوف شكل مبارك وقتها ايها واحساسه ايه وكانت هذه الصورة على مراى ومسمع العالم
مدونتك جميله
واحدة سخيفة وعصبيه حبتيين**
مساء الخير
انا جاية اعتذر على تصرفى بالامس
كنت متنرفزة وانت لقيتك فى وشى ماصدقت
مرة تانيه انا اسفة ولو عرفت انا مين يبقى اكيد حتسامحنى وتصالحنى
مش كده ..انا مستنيه!!
بقلك ايه ياصباغ
انت متاكد
ان الاهرام دي مصريه
لحسن يكونو راحو يستنوا الاضراب
ده في بلد تانيه ولا حاجه
وبعدين كتبوا انهم مشافوش حاجه
ع كل حال برضه اهل المحله
طلعت ناس جدعه ووقفت وقفه رجاله
بعدين مفيش حرب منغير خساير
بس المهم في الاخر احنا الي نكسب
واشكرك ع التغطيه الرائعه دي
وحتي لو كانت مقتبسه
بس بجد
افتقدنا الكاميرا بتاعتك
ويلا بقي(بست وشز فور يو)0
البوست حلو اوى اوى ....بس سؤال انت كنت مضرب ولا لا؟؟؟
Post a Comment