خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 14, 2007

العـيد الأضـحى المــبارك

أصدقائى وأحبابى
هناك بعض الناس من لا يرون اللحمة الا فى عيد الأضحى
ويطلقون عليه عيد اللحمة
وهناك بعض الناس من يمثل لهم العيد إجازة
يستريحون فيها من عناء العمل
ويقضون الوقت الأكبر فى عملية تعرف .. بالأنتخة
وناس تانية العيد بالنسبة لهم يعنى الحدائق والمتنزهات
يعنى فسح وخروجات وكورنيش النيل

العيد الخالو أحمدى
أما العيد بالنسبة لى فيعنى المخاليل وكتاكيت العيلة
ويعنى الكشرى ومسدسات الميه
(اللى بتغرقنى طبعا مش اللى بلعب بيها)
ويعنى لى جنينة الحيوانات والفسطاط والقلعة
ومسرحيات رية وسكينة
وشاهد ماشفش حاجة وعش المجانين
ويعنى زيارة الجدة والأعمام
والخيلان والاقارب
فى ذكرى تاريخية لا تتكرر كثيرا طوال العام
العيد فرصة جميلة للتقارب والمحبة والصفاء
العيد معنى أكثر من مجرد لحمة وأنتخة
العيد فرصة لقطة لصلة الرحم وود الاصدقاء
العــــيدية
بالنسبة لفئة معينة من البشر
ومنهم المخاليل طبعا
:) وبعض الاصدقاء المدونين
اللى جم هنا طمعا فى العيدية
فإن العيد يعنى لهم بالطبع عيدية
وبما إنى خالو فنجرى واللى فى جيبى مش ليا

فإليكم العيديات الكبرى
للمخـــــاليل

للمدونين أقل من سنتين

للمدونين أقل من سنتين وشهرين


للمدونين أقل من سنتين وشهرين ونص

أنا سامع واحد بيقول
إيه الخالو البخيل ده ؟
شايفك ياللى بتتكلم
لسه بقى عيديات المدونين الكبار
فوق التلات سنين وحتى مائة عام


والعيدية دى بقى لأصدقائى حول العالم


المخــــاليل فى العيد

ويمثل العيد الكبير ثانى أكبر تجمع مخاليلى
حيث تؤتى بالمسدسات والعرايس والكور والبلالين
ويتجمع فى بيتنا كل مخلول ومخلولة من كل فج عميق
وأبدو كما لو كنت قاعد فى مورستان
ويبدأ مهرجان العض والصويت والزيطة
ولا يسلم الأمر من بعض الحوادث
دلق شاى
أو شنكلة وبطحة فى النافوخ يعقبها عاااااا
المهم ينقضى العيد
وأشعر بان دماغى فى حجم كوكب المريخ
ولكن يبقى العيد ذكرى من أجمل ذكريات العمر

وذكــرى مؤلمة

وبما أن لحظات الفرح لابد ان يتخللها لحظات أليمة
فسنظل نتذكر اللحظات المؤسفة العيد الكبير الماضى
عندما طالعتنا الفضائيات صبيحة أول ايام العيد
بإعدام صدام حسين
وبغض النظر عن أى اعتبارات سياسية
فقد تألمت كثير جموع الشعب العربى والمسلم
يااااارب

أعد علينا وعلى أمتنا الاسلامية والعربية

عيد الاضحى المبارك
بالخير والاتحاد والقوة والرجوع الى الرشد
يااااارب

إن غيرنا من الأمم قد نبذ الشقاق وتطلع إلى المستقبل
فى ظل الاتحاد والاعداد للسبق والتفوق
وأمتنا قد صارت فى سابع نومة
اللهم أوقظ أمتنا إلى فجر التقدم
والتفوق واليد العليا
ياااارب
اجعل العيد مباركا على أهلنا واصدقائنا
وأمهاتنا وأخواننا
وكل المسلمين فى كل مكان فى العالم

وكل عام وحضراتكم بخير

أحمد الصباغ

158 comments:

smraa alnil said...

طبعا انا هاخد الورقة ام 500 يورو

كل سنة وانت طيب ومخاليلك الصغننين بخير وربنا يخليك ليهم وعقبال ولادك انت

مدحت نـــــــــــــــــــــــــص said...

يا أبو حميد كل سنه وانت طيب يارب أن شاء الله العيد اللى جاى تكون تأبيده مع العروسة طبعا هههههه وماتنساش اخوك الغلبان فى العيدية واتوصى وحياتك هههه كل سنه وانت طيب وعيد سعيد على كل اهل بيتك وكل المسلمين فى العالم
مدحت نص
http://www.7rakat.blogspot.com/

اسكندراني اوي said...

كل سته وانت طيب يا خالو

عديتنا الحقيقيه اننا نسمع عنك كل خير

عصفور المدينة said...

كل عام وأنت بخير يا أحمد
ولكم أسعدتني بروحك الأسرية
الأطفال اللي في الصورة فيهم شبه كبير منك على اختلاف التنويعات

والفلوس الورق دي مزورة انا مش عايز منها أنا حاخد النحاس

رحم الله فقيدنا صدام وأمس ظللت ساعة أنتقي صورة لأضعها ولكم ترددت كثيرا لأني مش حابب أقلبها نكد ولكن الحالة بتاعتي في فيس بوك من أسبوع
Remembering Saddam

مشمش said...

يابختك انت ومخاليلك انا باة العيد بالنسبة ليا ايام كئيبة لاني بفتكر اني لوحدي في وقت كل الناس والاصحاب بيشوفو وبيخرجو وانا مليش اصحاب واخواتي كبل واحد في حياتة وببقي حزينة اوي في العيد وكل عيد الا ان ياتي الله امرا كان مفعولا وربنا يسعدك انا مبحسدش ولا حاجة
كل سنة وانت طيب

عاشقه الفردوس said...

حلو اوى حكايه العيديه دى

ربنا يخليك

بس بجد موضووع صدام ده قطعنا كلنا
كفايه انهم قتلو كبير من كبرات البلاد العربيه كده
زى مايكون بيدبحه فرخه
ربنا يوحدنا وينصرنا ويوحد شمل العرب

كل عام وانت الى الله اقرب

رئيس جمهوريه نفسى said...

خالو احمد
كل سنه وانت طيب بوست حلو قوى انا بقى العيد بعد صله الرحم الى كلهم فى بيت العيله بقضيه فى جزيره القطن وطبعا الى ميعرفهاش السرير
كل سنه وانت طيب

لولا said...

كل سنة وانت طيب يا خالو

وعيد سعيد عليك وعلى الامة الاسلامية كلها

دكتور حر said...

كل سنه وانت طيب يا خالوا

والسنه الجايه تكون بابا ان شاء الله

انا عاوز عيديه من بتوع بره

ونصيبي في الخروف كمان

تحياتي

no chance said...

معالى الباشا
ازيك يا باش مهندز
اى اخبارك
وحشتنى اوى
كل سنة وسيادتك طيب
بس ياريت نفتكر فضل العشر الاوائل قبل العيد

وانا عديتى انت عارفها لازم اجيلك واشرب عندك كازوزا

انت تعرف انا فى شوية كلام واقفين فى زورى بس لوقولتهملك هقلبهادراما بلاش احسن


يا رب الناس تكون سعيدة بس سعادة حقيقية مش سعادة الهروب من الوائع

تحياتى لمعاليك واوعى تنسى ازازة الكازوزا

سهر الليالى said...

كل عيد أضحى وانت بخير يا خالو أحمد
كلامك عن اهلك وعن المخاليل جميل اوى ربنا يديم عليكو الحب والود والسعاده انت واهلك والمخاليل الصغيرين
وربنا يخليك ليهم ودايما يطلعو عنيك

زى ما هما مبسوطين بيك فى اسرتك احنا كمان مبسوطين بيك هنا فى اسرتنا التدوينية زى ما انت قلت البوست اللى فات وزى ما بجد بتسعدهم بتسعدنا احنا كمان

بس برضو فى العيد لازم ناكل لحمه بس انت بالزات تخلى بالك من الاكل ها
;)

اوعى تنسى العيدية بتاعتى لانى طبعا مش هضيع الفرصة دى من ايدى بس محتارة بصراحه هاخد انهو واحدة فيهم

تحياتى يا خالو أحمد ليك وللمخاليل
وكل سنه وانت طيب
الاسكندرانية سهر الليالى

walaa said...

اولا كل سنه وانت طيب بس ايه الكرم ده حاطت الفلوس واللى عايز ياخذ حاجه ياخدها
اما بالنسبه لاعدام صدام دى كانت اهانه لينا كلنا احنا العرب امريكا كانت بتعمل اللى هى عايزها فينا

وحسبنا الله ونعم الوكيل فى حكمنا

meshmesha said...

كل سنه و انت طيب و دايمن الى ربك قريب
اول مره ازور مدونتك بجد جميله و تحفه عجبانى اوى نظام العديات خصوصا الخمسميايه

شكرا على زيارتك الجميله لمدونتى و كتبتلك بداخل الكومنتس بتاعتى رد على استفسارك

Salma Amer said...

كل سنة وانت طيب ويارب يعود عليك الايام بخير وعلى الاسرتك وكل صحابك
بس قلي اية التبذير اللي انت فيه دة مش ممكن حرام القروش اللي بتبعطر يمين وشمال دي
مش قلنا حنعيش ب 150 قرش وبتحوش منهم 75 قرش كمان ولا نسيت
يلا سلام و مستناية العيدية الكبيرة دي توصلني بشيك على مدونتي
تحياتي :)

ftafeet said...

كل سنه وانت طيب وبالف خير ان شاء الله

بس انا كده مش هاخد اى عديه انا بكتب فى البلوج بقالى شهرين بس

ماليش دعوه انا عايزه عديه

shayma said...

اميييييييييييييين يااااااااااارب
:))
كل سنه وانت طيب يا اونكل احمد
والمخاليل القطاقيط بخير

يا ترى مخاليل تمشى مع قطاقيط؟؟
هههههههههه
ما علينا كل سنه وانت طيب

3ala asm masr said...

كل سنه وأنت طيب يا أحمد وعقبال مليون عيد وأنت ممتعنا ببوستاتك
وربنا يخليلك المخاليل ويخليك ليهم ونعيش ونشوف مخاليلك أنت بقى
أيه بس كمية العديات دى
فين عديتى أنا؟؟؟

doha said...

كل سنة وانت طيب يااحمد المتنى بذكرى صدام
الحقيقة

Rehab Mostafa said...

أنا قنوعه أوي هاخد ال 50 جنيه وخلاص
كل سنه وكل الناس طيبه
وكل سنه وانت طيب انت واللي بيقولولك خالو أحمد
على فكره أنا خالي اسمه أحمد وبفرح أوي لما بقرأ اسمك خالو أحمد :)

طيب بعد ماخت ال50 جنيه همشي بقى أحسن ترجع في كلامك وتاخدها :$ كل سنه وانت بخير وسط دوشة مخاليلك

Ayman said...

بسم الله الرحمن الرحيم

السلام عليكم

كل سنه وانت طيب ومخاليلك طيبين

وعيد سعيد عليك والامه الاسلاميه كلها
وانا كمان
اما عن العديه هو انت مش عارف ان المئتان جنيه ظهرت

استودعك الله
د.ايمن المنباوي

osama said...
This comment has been removed by the author.
osama said...

عيد سعيد عليك يا خالووووووو

وعلى المخاليل ...

بس الصراحة المفروض تعكس كل لما يصغر المدون تكتر عديته عشان تحفيز يعني المؤلفة مدوناتهم ... ولا رايك ايه ...هههههههههههههههههههه

ويارب يكون احلى عيد..
لعلمك اللي بتحكيه بشوفه بالظبط

لك خالص التحية

بت خيخة وأى كلام said...

كل سنة وانت طيب يا صباغ
وكل سنة ومخاليك ووالدتك الطيبة واخواتك طيبين
طبعا انا مبسوطة جدا جدا
ليه بقى علشان انا اندرج من المدونين اللى اكبر من تلات سنين ونص وده معناه عيدية اكبر
هييييييييييييييييييييييييييه
ولو انى كنت طمعانة بصراحة فى العيدية الدولية بتاعتك اللى هتديها لاصحابك حوالين العالم
بس مش مشكلة خيرها فى غيرها
المهم مش هاعلق على ذكرى موت صدام
علشان منكدش عليكم
كفاية انت قمت بالواجب
عموما كل سنة وانت طيب وبالف صحة وسعادة والسنة الجاية نقولهالك وانت فى بيتك يارب
سلامى للاسرة كلها
وبوسلى المخاليل مخلول مخلول ومخلولة مخلولة
اختك خيخة

نـــــــازك الملائكـــــــة said...

السلام عليكم ورحمة الله وبركاااته..
ماشاء الله حضرتك الى اسلوبك جميل جداا
وعجبنى اووى المخاليل
:D
وعيد مبارك عليكم وعلينا اجمعين

amro said...

عزيزى احمد
كل سنه وانت بال5 خير
وكل سنه والمخاليل الصغيرين بصحة وسعادة
انا هستئذنك اخد العيدية باليورو لانى مش هعيد فى مصر المرة دى
البوست جميل
انا شخصيا من انصار الانتخة فى العيد
مع انى مش بحب اللحمة لكن بضطر اكل منها كثييير فى العيد
والغريب انى كل محاول ابقى نباتى افشل فى الحكاية دى
عموما خلينا ناجلها كمان شوية
يكمن بعد العيد
هههههههههههههههه
تحياتى

nirfana said...

انا مش طماعة

كفاية اقولك كل سنة وانت طيب


ابعت لنا بئا ضحية العيد

:(

مدونه انا بحبك يا مصر said...

عموما تشكر يا سيدى على العديه وكل عام وانت بخير
واعادة الله علك بكل خير
بس انا عوز اعرف صورة الخروب دة كانت بتعتى فجاة لقته فى كل حتى وعليه كلام غير التانى عموما يلا خلى الناس تهيص كل سنه وانت طيب
ونشوفك على خير بعد العيد هتزيد قد ايه وهتكون كام كيلو
هههههههههههههه
احمد الجيزاوى

أسامه يوسف said...

كل عام وانت بخير
ويارب تعيش وتشوف مخاليلك بيكبروا قدام عنيك
على فكره فى أحد المخاليل نسخه منك
وعلى فكره تانيه انت دخلت عندى قبل كده وعارف خالو أحمد

ملحوسه أنا انتقلت لأعيش فى لندن يعنى من حقى آخد ال 500 يورو
مستنى العيديه ياباشا

كدا وبتاع said...

:)

كل سنة وانت طيب وربنا يزودهم كمان وكمان

وبعدين يا راجل مش عيب اطلع انا من الليلة دي بخمسين قرش :(

أمــانــى said...

كـل سنة وحضرتك طيب وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات

هناء said...

كل سنة و انت طيب يا أحمد ، و كل من تحب حولك

بنت أبيها said...

صحيح العيد لمة وفرحة وزيطة

وفيه ناس العيد عندها عيد المقابر والتعييد مع الموتى

كل عيد وانتوا بخير

Desert cat said...

انا عايزه عييتى 500 دولار
والا هخطف المخاليل واطلب فدية 100 جنيه
نياهاهاهاها
كل سنة وانت طيب يا خالوا وعيد سعيد ان شاء الله

awres said...

كل سنه و أنت بخير و صحه

بحبها said...

كل سنة وانت طيب وصدفة جميلة جدا ان انا وانت نحط نفس الصورة في نفس الوقت مع الفارق طبعا في البوستين وفي المدونتين انا راجل لسة علي قدي في التدوين وانت ماشاء الله عبقري تدوين فأنا سعيد اني اكتبلك تعليق وكل سنة وانت طيب والمخاليل طيبين

Ahmed Al-Sabbagh said...

smraa alnil

وانتى طيبة يا انجى

طبعا ما انا عارفك جيشعة من يومك
ههههه

انا هاجى اكل لحمة بقى فى مدونتك

:)

Ahmed Al-Sabbagh said...

مدحت نـــص

حبيب قلبى أبو المداحيت ههههه

وانت طيب يا باشا

ويارب ما يحرمنى منك ابدا

وكل سنة ومصر بخير مسلمين ومسيحين

Ahmed Al-Sabbagh said...

اسكندراني اوي

وانت طيب يا حبيبى

انا بخير طول ما انت بخير

Ahmed Al-Sabbagh said...

عصفور المدينة

كل سنة وحضرتك فى خير وسعادة

بالنسبة للفلوس المزورة انا واخدها من البقال كدة :)

Ahmed Al-Sabbagh said...

مشمش

ياااه معلش :(

ربنا يملى عليكى الدنيا بناس يحبوكى يارب

وكل سنة وانتى طيبة

وعيد سعيد عليكى

Ahmed Al-Sabbagh said...

عاشقه الفردوس

كل سنة وانتى طيبة

وعيد سعيد عليكى

Ahmed Al-Sabbagh said...

رئيس جمهوريه نفسى

كل سنة وانت طيب يا حبيبى

ومين مايعرفش جزيرة القطن

Ahmed Al-Sabbagh said...

لولا

وانتى طيبة

وعيد سعيد عليكى

Ahmed Al-Sabbagh said...

دكتور حر

هههه
وانت طيب يا حبيبى

كمان من بتوع برة ده ايه الجيشع ده هههه

ما تغلاش عليكى

العيدية وصاحب العيدية

Ahmed Al-Sabbagh said...

no chance

يا حبيبى انت تقول زى ما انت عايز

عمرى ما ازعل منك

كازوزا وسحلب وكل اللى تتمناه بس انا مستنى

كل سنة وانت طيب

وعيد سعيد عليك

Ahmed Al-Sabbagh said...

سهــــر اللـــــيالى

وانتى طيبة يا اميرتنا

وعيد سعيد عليكى

انا شامم ريحة أر اكمنى مبسوط حبتين

وكمان بتدعى عليا يطلعو علينك

طب الهى نشوفك مخلولة ومأمومة كمان

والكتاكيت يسهروكى للصبح ونشوف سهر الليالى على حق ربنا

وطالما مبسوطين بيا فى الاسرة التدوينية ما شوفتش كباب ولا طبيخ ليه

ولا هو انبساط اورديحى :) على رأى المصراوية

انتى كمان هتسيحى لى اكمن نفسى مفتوحة حبتين

طب والله نفسى اتسدت اليومين دول وباكل قليل اوى خمس ست مرات فى اليوم بس

بالنسبة للعيدية

بزمتك انتى محتارة تاخدى انهى فيهم

على خالو بردو ؟؟

ده انتى الجيشع بيطل من عنيكى
:)

ههههههههه

Ahmed Al-Sabbagh said...

walaa

وانتى طيبة وعيد سعيد عليكى

شوفتى خالو فنجرى ازاى

Ahmed Al-Sabbagh said...

meshmesha

صديقتى مشمشة

اشكرك اوى على اهتمامك وعلى الرد

وكل سنة وانتى طيبة

وعيد سعيد عليكى يارب

ودايما منورانا

Ahmed Al-Sabbagh said...

Salma Amer

ههههههههه

وانتى طيبة يارب

وعيد سعيد عليكى

انتى صاحبة مدونة يعنى تاخدى اللى انتى عيزاه من غير استئذان ونقدا كمان مش شيك

Ahmed Al-Sabbagh said...

ftafeet

يا نونا ده انتى تشيلى المدونة باللى فيها بصاحبها وتمشى من غير استئذان

ده كلام ده

ده انتى خطوتك عندنا عزيزة اوى وتستاهل الدبح

اقصد يعنى تستاهل اننا ندبح احتفالا بيكى

ههههه

كل سنة وانتى طيبة

وعيد سعيد عليكى يارب

Ahmed Al-Sabbagh said...

shayma

ههههه

ايوة مخاليل على وزن قطاقيط

ومهابيل كمان

:)

Ahmed Al-Sabbagh said...

3ala asm masr


هنووووود

كل سنة وانتى طيبة

وعيد سعيد عليكى

عيديتك اطلبى اى حاجة وانا انفذ

ايه رأيك فى الخمسميت يورو دى ؟

Ahmed Al-Sabbagh said...

doha

كل سنة وانت طيب يا صديقى العزيز

وعيد سعيد عليك يارب

Ahmed Al-Sabbagh said...

Rehab Mostafa

هههههههههه

وانتى طيبة يارب

وعيد سعيد عليكى

كويس انك قولتى لى انك بتفرحى اما بتقرى اسم خالو احمد

عشان اغير اسم المدونة عمو احمد :) ههههههه

شرير انا ؟

لا مش هرجع فى كلامى

بس خديها اصرفيها بسرعة

احسن الشيطان يوزنى

Ahmed Al-Sabbagh said...

Ayman

مش مصدق نفسى دكتور ايمن المنباوى شخصيا فى مدونتى

انا طيرت من الفرح

بس للاسف ما لقيتش المدونة بتشتغل

طيب ايه

ياريت تقولى

انا هتصل بيك اعرف

Ahmed Al-Sabbagh said...

Ayman

اه دكتور ايمن انا عارف طبعا ان الميتين جنيه نزلت

بس مش عاوز اعود المدونين على الاسراف

هههههههه

Ahmed Al-Sabbagh said...

osama

ههههههههههههههههههههه
ههههههههههههههههههههه
حلو اوى المؤلفة مدوناتهم

وانت طيب

وعيد سعيد عليك

Ahmed Al-Sabbagh said...

بت خيخة وأى كلام

صديقتى الجميلة نور

ما تغلاش عليكى ابدا الخمسميت يورو

بس ابقى افتكرى الجمايل دى

والمخاليل بيبوسوكى مخلول مخلول ومخلولة مخلولة

EmY said...

كل سنه و انت طيب عيد سعيد
فين الخروف بتاعي

Ahmed Al-Sabbagh said...

نـــــــازك الملائكـــــــة

صديقتى العزيزة

كل سنة وانتى طيبة

وعيد سعيد عليكى

ودايما منورانا

Ahmed Al-Sabbagh said...

amro

وانت طيب يا حبيب قلبى

وعيد سعيد عليك

انت تؤمر انشالله تاخدها بالجنية السودانى حتى

هههههههه

Ahmed Al-Sabbagh said...

nirfana

هههه

كل سنة وانتى طيبة يا عزيزتى

وعيد سعيد عليكى

لالالا مش طماعة خالص

:)

عيونى

الاضحية هتوصلك لغاية المدونة دليفرى يعنى

Ahmed Al-Sabbagh said...

مدونه انا بحبك يا مصر

ياه بجد

ماكنتش اعرف

بس عموما كويس

عشان يبقى خيرك مغرق الانترنت كله

وتكسب ثواب الاضحية

كل سنة وانت طيب

وعيد سعيد عليك يارب

بالنسبة للزيادة شكلى كدة هخس فى العيد

عشان المدونين ما سابوليش اى لحمة

Ahmed Al-Sabbagh said...

أسامه يوسف

وانت طيب يا حبيب قلبى

وعيد سعيد عليك

طبعا انت كنت بتيجى بس مش عارف اختفيت ليه يمكن عشان ما عندناش اكل وشرب

بالنسبة للملحوسة :) طالما انت رحت لندن يبقى لازم تبعت لنا خروف لندنى حلو كدة

هههههههه

Ahmed Al-Sabbagh said...

كدا وبتاع

لالالا خمسين قرش ايه راجل

خمسميت يورو اقل حاجة

كل سنة وانت طيب

وعيد سعيد عليك

Ahmed Al-Sabbagh said...

أمــانــى

كل سنة وانتى طيبة

وعيد سعيد عليكى

وعلى الامة الاسلامية كلها

Ahmed Al-Sabbagh said...

هنـــاء

كل سنة وانتى طيبة

والشعب العربى كله يارب

وعيد سعيد عليكى

Ahmed Al-Sabbagh said...

بنت أبيها

ايوة عندك حق

بس من فوق من من تحت :)

بالمناسبة

بيقولك مرة واحد ندل راح المقابر وشغل اغنية
"الحياه حلوة"

هههههههههه

تحياتى

Ahmed Al-Sabbagh said...

Desert cat

ههههههههههه

لا اخطفى مخلول ارخص

على الاقل ميت جنيه مقدور عليها

شوفتى الندالة بتاعة خالو :)

Ahmed Al-Sabbagh said...

awres

كل سنة وانتى طيبة

وعيد سعيد عليكى

Ahmed Al-Sabbagh said...

بحبها

كل سنة وانت طيب يا حبيبى

ماتقولش كده ده انت عمنا كلنا

بس شوفت اهى الصورة بتاعة الخروف طلعت بتاعت احمد الجيزى

ههههههههه

mesh2dra said...

السلام عليكم

يارب امين يارب
كل سنة وانت طيب
عيد سعيد

***
اهو احنا كده
زى القرع نمد لبرة
ال500 يورو لاصدقائك حول العالم
مش الأولى اصدقائك داخل العالم
يالا بقى

عيد سعيد ان شاء الله
وسلملي على الكتاكيت

ذو النون المصري said...

الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................

أمير الهدوء said...

يا اهلا يا اهلا يا اهلا وسهلا
والله الواحد مفتقدك يا احمد

عامل إيه
كل سنه وانت طيب

مدونتك اتغيرت اوي
بس بقت أحلى وموضيع جميله
:)

Rehab Mostafa said...

على فكره ليه عم أسمه برضه عمو أحمد وابن خالي اسمه أحمد ........ا

ماتحاولش :D:D:D:D
أنا مش هقدر أعد كمية أحمد اللي في العيله يعني مهما كتبت برضه هفرح :P
:D:D

alaa salim said...

السلام عليكم

يعني الشعب المصري غلبان كده حتى في العيديه ؟
المليم والتعريفه وإلخ .. للشعب المصري الغلبان
والعيديه باليورو للأجانب
ههههههههههههههههههههه
هو انت تبع الحكومه ولا إيه ؟


كل سنه وانت طيب وبجد انت بدعت في إظهار بهجة العيد في البوست بتاعك سواء في إختيار الأغنيه أو الصور أو سرد الأحداث اللي كلنا تقريباً بنعيشها في العيد.
خالص تحياتي

ِِAdem El-Mahdy said...

الف الف سنة وانت طيب
اكيد انا هاخد الورقة ام 500 يورو

نجيب بيها لاب توب

و بس
و سلام عليكم

UNIQUE said...

كل سنة وانت طيب يا خالو

وعيد سعيد على العالم كله

تحياتي

مصطفى فتحي said...

كل سنة
وانت
دايما
جميل
يا جميل

Cyndy Aykfort said...

Não sei por que voce visitou meu blog mas fiquei super contente e é uma pena que eu não sei ler bem vou dizer arabe se não for desculpe-me pela ignorancia. Gostei pra caramba de um link que mostra os visitantes de outros paises. azahou apareça mais vezes

محمد الجرايحى said...

أخى الكريم : أحمد الصباغ
السلام عليكم ورحمة الله وبركاته
شرفت بالتعرف على مدونتك الطيبة وشخصيتك الكريمة التى تظهر مع كلماتك وأحرفك
كل عام وأنت بخير
أخوك
محمد

hend...hanady said...

عيد مبارك وكل عام وانت بخير

صريح أوي said...

كل عام وانتم بخير .. تقبل الله منا ومنكم. طهر الله قلبك وأزاح الله همك وغفر الله ذنبك وبارك الله عملك وفرج الله كربك وسدد الله رأيك .. عيد جميل

esraa said...

كل سنة وانت طيب ويارب يكون عيد سعيد عليك

وميرسي علي العديه

(:

وربنا يرحم صدام

mado80 said...

خالو أحمد باشا ...انا بقي يا باشا خدت عديتي منك تعرف ازاي لما شوفت تعليقك علي أخر بوست كتبته بجد شكرا وكل سنه يا باشا وانت بألف صحه وسعاده ، كل سنه وكل المسلمين من شرق الأرض لغربها ومن شمالها لجنوبها بألف خير..سلام يا خالو ما تنساناش بقي تيقي تزورنا علي طول ..يعني ما تقطعش صله الرحم

الضاحك الباكي said...

كل سنة وانت بألف صحة وسلامة وسعادة.

أتمني أنك متكونش لسة زعلان مني

حقيقي فيه سوء فهم حصل مني.

أعتذر للمرة العاشرة

البنت الشلبية said...

اول ما ادخلت كنت هقولك حاسة بفرحة العيد عندك اوى
لكن آخر البوست مؤثر فعلا
ربنا يرحمه ويرحم جميع امواتنا المسلمين ويرحمنا جميعا
=======
انا كمان هاخد من الوقة بتاعت ال 500 يورو جامدة اوى
ربنا يجعل ايامك كلها اعياد وخير وسعادة يارب

عيد سعيد يا خالو

يوميات عيل مصري said...

خالو احمد
كل سنة وانت طيب ولامم العيلة كلها يا كبير
معلش انا جاي متأخر لأنك عارف الظروف
انا بقى عاوز العيدية بتاعت اليورو يا ريس
بس العيدية الحقيقية إنك تبقى في بيتك السنة الجاية إن شاء الله، ويبقى عندك كوم مخاليل قول يارب
الاستاذ فداء بيقولك ممكن يبقى مخلول عندك
وعاوز العيدية مليم بتاع المملكة المصرية
كل سنة وانت بألف خير يا خالو يارب
وتعيش وتلم كل الحبايب في حضنك يا أبو حميد

Ma -3lina said...

كل عام وانتم بخير

عيد سعيد

و انا هاخد العملات المعدنية دى على قد سنى هههه

تحياتى

النجمة الصامدة said...

حلوة الاحتفالية دي


كل سنة وحضرتك طيب

بنت الاسلام said...

الصراحة مخضوضة اعلق جنب كل هذالكم من المعلقين

بسم الله ما شاء الله الله اكبر ربنا يزيد ويبارك دي دعوة من القلب والله


في الاول كنت ماشي جميل ياخالو

وحسيت انك غلبت الدمايطة

الصراحة صورة صدام سدت نفسي وفكرتني بماساة اليمة


مش هاكل لحمة بقي

تحياتي

و

عيد سعيد

aya said...

ابوحميييييد
اسفة جدا على التاخير
كل سنة وانت بخير وبصحة
وكل سنة وانت عندك مخلول او مخلولة جديد فى العيلة
ربنا يباركلك فيهم ويكرمك ويقدرك على اسعادهم

كل سنة وانت طيب يا بو حميد
ومرسيييييييه على العيدية

shams said...

بجد مدونتك رائعة جدا
و انا بجد مش هتكون اخر زيارة
و ياريت تزورني هنا
http://masryforever.blogspot.com/
و كمان ايميلي في البروفيل ياريت نتكلم مع بعض

محمد محمود يوسف said...

كل سنة وانت طيب يا خالو

Rasha said...

Kol Sana wenta tayeb, thx for the nice post , i have to admit you made my day simply cause i'm not in Egypt this year and i haven't felt the feast but with ur post and the wonderful song i did.
thx as well for visiting my blog.

Laila Hussein said...

كل سنة وانتوا طيبين

حبة حاجات (ايمان) said...

وانت بالف صحه وسلامه
بس ايه ياشيخ الفلوس اللى عندك دى كلها

مش نق يعنى
هههههههه

Eanass Abouzeid said...

كل سنة و انت و مخاليلك بألف صحة و سلامة و سعادة. عيدك مبارك إن شاء الله :)

hanan yosry said...

wonderful

aikido said...

كل سنة وانت طيب والامة العربية و الاسلامية بخير

A.SAMIR said...

يا ريتني كنت من اصدقاءك حول العالم علشان اقفش في الورقة ام 500 يورو المكلبظة دي
كل سنة وانت طيب يابو حميد
تحياتي

ســـــــــمــــــــســــمـــايــــة said...

هذه انا من ارض الاحزان اكتب لك هذا التعليق انا هنا من خارج نطاق الاحزان اقول كل عام وانت بكل خير ، ثم اعود ثانية لاحزاني و اراضي القفار
اتمني ان نلتقي يوما في قصيده او بيت من ابيات شعري او في قصه كتبتها و لم تقراها

Ahmed Al-Sabbagh said...

EmY

وانتى طيبة وعيد سعيد عليكى وعلى اسرتك يا رب

الخروف موجود وبيقول ماااااااء عايز ايمى

:)

Ahmed Al-Sabbagh said...

mesh2dra


هههههههههه

خلاص ما تزعليش اوى كدة

نخليها بالعملة الاجنبية للاصدقاء المصريين

ايه رأيك فى الجنية السودانى ؟؟

Ahmed Al-Sabbagh said...

ذو النون المصري

أشكرك يا صديقى العزيز على الابيات الرائعة

وكل عام وانت بخير

Ahmed Al-Sabbagh said...

أمير الهدوء

أهلا بيك يا صديقى انت اللى مختفى

بقالك قرن من الزمان

لازم المدونة والبنى ادمين يتغيرو

خلينا نتطمن عليك باستمرار

Ahmed Al-Sabbagh said...

Rehab Mostafa

اممممم

يعنى مش هعرف اعكنن عليكى

عموما ربنا يكتر الاحمدات

بس ما يكونوش زى

احسن الدنيا تبوظ

Ahmed Al-Sabbagh said...

alaa salim


ايوة يا استاذ علاء

لازم نتضامن مع الحكومة فى شحتفة الشعب

ههههههههههه

ربنا يكرمك وكل سنة وحضرتك طيب

Ahmed Al-Sabbagh said...

ِِAdem El-Mahdy

لاب توب مرة واحدة

شوفت الاسراف بقى

عقابا ليك هتاخد السحتوت

هههههههههه

Ahmed Al-Sabbagh said...

UNIQUE

كل سنة وحضرتك بخير

وعيد سعيد

Ahmed Al-Sabbagh said...

مصطفى فتحي

اشكرك يا حبيبى يا قمر

Ahmed Al-Sabbagh said...

Cyndy Aykfort

thank you

happy new year

Ahmed Al-Sabbagh said...

محمد الجرايحى

وعليكم السلام ورحمة الله وبركاتة

كل عام وحضرتك بالف خير وصحة وسعاده

وعيد سعيد عليك

Ahmed Al-Sabbagh said...

hend...hanady

وانتى طيبة يا هند

وعيد سعيد عليكى

Ahmed Al-Sabbagh said...

صريح أوي

كل عام وانت بخير وجزاك الله كل خير

Ahmed Al-Sabbagh said...

esraa

وانتى طيبة يارب

وعيد سعيد عليكى

Ahmed Al-Sabbagh said...

mado80

ياحبيب قلبى ده شرف ليا انى اجى عندك دايما

وكل سنة وانت طيب

وعيد سعيد عليك يارب

Ahmed Al-Sabbagh said...

الضاحك الباكي

وانت طيب يا حبيبى

يا صديقى انا عمرى ما ازعل منك

ربنا يديم المحبة

Ahmed Al-Sabbagh said...

البنت الشلبية

ربنا يجعل كل ايامك فرح يارب

وانتى طيبة وبصحة وسعادة

Ahmed Al-Sabbagh said...

يوميات عيل مصري

حمدا لله على السلامة يا ريس

ومصر نورت بيك يا جميل

قول لفداء باشا

اعتبر نفسك مخلول من دلوقت

وخد السحتوت ده

واى حاجة فى المدونة تعجبك شيلها وامشى

Ahmed Al-Sabbagh said...

Ma -3lina

هههههههههه

ماشى موافق

عيد سعيد

Ahmed Al-Sabbagh said...

النجمة الصامدة

وحضرتك طيبة يارب

وعيد سعيد عليكى

Ahmed Al-Sabbagh said...

بنت الاسلام


لالالالا لازم تاكلى لحمة

انا دابح مخصوص عشان

هنهزر

لازم تاخدة حتة على الاقل

كل سنة وانتى طيبة يارب

Ahmed Al-Sabbagh said...

aya


نورررت يا باشا

كنتى فين

بتاكلى لحمة ؟؟

ماشى ماشى

كل سنة وانتى طيبة

وعيد سعيد عليكى

Ahmed Al-Sabbagh said...

shams

انا منتظرك واتمنى اتكلم معاك يا صديقى

ولينا لقاء قريب

كل سنة وانت طيب

bang_gugar said...

salam,

كيف حالك يا أخي

كل عام وأنتم بخير

عاشقة القاهرة said...

عيد سعيد يا خالو أحمد والا أقولك بشمهندس أحمد على فكرة انا لسة عمتو جديدة نوفى وعايزة أستفيد من خبرتك فى عالم المخاليل وانا مش هاسألك عن العيدية عشان بابا بطل يدينى من سنين بحجة انها موضة وبطلت

أحمد منتصر said...

كل سنة وإنت طيب يا خالو

مهندس مصري said...

دا أنا كده مش نايم على وداني و بس دا أنا كده ميت و إندفنت من زمان
إزاي انا ما شفتش البوست الحلو ده إلا متأخر كده
مع إني متابع الريدر عندي بإستمرار
يمكن لما هنج من يومين و عملت كله
mark all as read
أكيد ده اللي حصل
آسف جداً على التأخير
إنت غالي عندي يا خال
كده آخد الـ 2 مليم من سكات و أمشي
بس دول من سنة 1929 م مينفعش نبيعهم على إنهم عملة أثرية
من أيام الملك فؤاد الأول المعظم ملك مصر و السودان
:)
شوف الموضوع ده كده و طمنني
وأنا نازل مصر الخميس الجاي
وعايز أشوفك
بص عندي و انت تعرف كل حاجة
كل سنة وانت طيب انت و كل المخاليل
أنا عندي مخلولة واحدة بس كفاءة تبرجل البيت بحاله
:)

مهندس مصري said...

.

nona said...

كل سنة وانت طيب يا خلو احمدى

عجبتنى اوى احمدى دى كمان اسم دة غالى عاليا
دلع اخويا احمدى

هو اهم حاجة فى العيد العدية

بس سعات كانوا يضحكوا عالينا ويقلوا ان دة العيد الكبير عيد اللحمه مفيش عدية كنا نسكت يلا اهو ناكول اللحمه
هههههههههههه

بس مبقاش فى كدة كبرنا بقينا ناخد العدية لازم مفيش حاجة اسمها عيد اللحمه دة عيد العدية قبل اللحمة
ههههههههههه

بس انت يا خلو عامل لينا عدية ربع ج وا جنية دة ينفع نجيب بيهم اية

دة المصاصة بى 1ج ونص

انا هاسلط ولا اخواتك عليك :::

كل سنة وانت طيب
يارب يكون عيد سعيد عليك

وشكرا ليك على سؤالك ابقى نورنى فى بلوج بتاعتى كاتبة حاجة جديدة

الشريف / جمال طة said...

مطلـــــــــوب القبــــــض
على نصاب شقق زهراء المعادى / بالمعادى / بمحافظة القاهرة
المهندس / ايهاب فراج محمد ابراهيم الزينى
وعلـى كـل من يقابله التفضل بتسليمه مشكورا لأقرب قسم شرطه أو أقرب رجل أمن
وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 4/11 /2007 م محكمة المعادى حصر رقـــم 13182 لسنة 2007 م و صادر ضدة اكثر من ثلاثون حكما قضائيا
وعنوان سكنه وعنوان الشركة / شركة الزينى للتعمير 56 طريق مصر حلوان الزراعى برج بــــــدر / أمــام فندق المعادى
بطاقة رقم 27003211203839
و النصاب يتنقل بين مدينة 6 أكتوبر بمحافظة الجيزه و مدينة المنصورة بمحافظة الدقهلية /// ومركز بشبيش بطنطا بمحاظة الغربية
وعليه أكثر من حكم نصب واحتيال وجارى نشر اسماء وعناوين أقاربه وكل من تربط بينه وبينهم صلة نسب أو متسترا عليه
الشريف / جمال طـه
تليفون رقم 0104710778
( المواطن هو رجل ألأمن ألأول فى محاربة الجريمه والتصدى للمجرمين )

Ahmed Al-Sabbagh said...

محمد محمود يوسف

يووووووووووسف باشا كل عام وانت بخير يا حبيبى

Ahmed Al-Sabbagh said...

Rasha

thanks ms rasha for your visiting and nice words
we wish you best time and hope to see you in egypt nearly

kol sana we enty taiba

Ahmed Al-Sabbagh said...

Laila Hussein

وحضرتك طيبة

Ahmed Al-Sabbagh said...

حبة حاجات (ايمان)

وانتى طيبة

:)

واضح انه مش نق

Ahmed Al-Sabbagh said...

Eanass Abouzeid

وانتى طيبة يا ايناس وعام سعيد عليكى

Ahmed Al-Sabbagh said...

hanan yosry

thanks Hanan!

Ahmed Al-Sabbagh said...

aikido

وحضرتك طيب وبصحة وسعادة

Ahmed Al-Sabbagh said...

A.SAMIR

ياباشا ما تغلاش عليك

معلش هى مكلبظة عشان واكلة لحمة بردو

:)

Ahmed Al-Sabbagh said...

ســـــــــمــــــــســــمـــايــــة

كل عام وانتى بخير يا شاعرتى الجميلة ياسمين

Ahmed Al-Sabbagh said...

bang_gugar

الحمد لله وكل عام وانت بخير

Ahmed Al-Sabbagh said...

عاشقة القاهرة

كل سنة وانتى طيبة

لأ نظام العديات لسه شغال عندنا

Ahmed Al-Sabbagh said...

أحمد منتصر

وانت طيب يا احمد باشا

Ahmed Al-Sabbagh said...

مهندس مصري

يا حبيب قلبى انت صاحب مدونة يعنى تيجى فى اى وقت

كل سنة وانت طيب

Ahmed Al-Sabbagh said...

nona

ههههههههههه

امال الغلابة اللى عديتهم سحتوت احمر يعملو ايه فى الغلا ده

لا والنبى اوعى تقولى للمخاليل احسن يقلبو المحفظة واعلن افلاسى

عاااا

فى القلب said...

كل سنه وأنت طيب يا أنكل

بس أنا بقبل العيديه بالدولار بس

وأن مدفعتش بالتى هى أحس

هبداء أعيط

وهعمل هيصه تعملك دماغ أد المجرات كلها مش كوكب المريخ بس

وقد أعذر من أنذر

وكل سنه وأنتى طيب يا أنكل
وراجعه تانى

david santos said...

Hello, Ahmed.
Good posting, thank you.

I wish you a good end of 2007 and a good year of 2008.

نوري said...

انا جييييييييييييييت
بس بعد م العيد خلص
عشان محدش يقولي اعزمي علينا
ههههههههههههه
كل سنه وانت طيب ياأجمل خالو
لاحلي مخاليل في الدنيا
ويارب العيد ده يكون مر عليكم
بسلام منغير اصابات
وطبعا انا من الناس الي هتاخد
من فئه الخمسين جنيه نقدا
عشان انا عندي 17 سنه
وداخله في 54 قريب اهو
هههههههههههههه
يلا(بست وشز فور يو)ياخالو

only spot said...

كل سنه وانت طيب وربنا يكرمك مع انها جت متاخره بس ربنا يكرمك ويكرمنا زيارة بيته الكريم
عيد سعيد

رأفــــتلــوجيــا الرأفتـــانى said...

كل سنه وانت طيب يا ابو حميد
عيد سعيد وسنه جديده كلها خيرات ان شاء الله

Doba said...

كل سنة وانت طيب والاسرة الكريمة كلها بخير وسعادة وأمان وتراحم

ماشاء الله على الاولاد اللى معاك فى الصورة - كلهم زى العسل وواضح انهم بيبحوك جدا - ربنا يبارك فيهم ويخليلهم خالو أحمد

تحياتى
هبة

sabrina said...

بجد أنت خالو طيب
بس ليه أنت ماسميهم مخااااليل؟
كل سنه أنت واللي بتحبهم طيبين

مروة الزارع said...

انا مش طماعة هاخد 50 ج بس

كل سنة وانت طيب مش عشان العيد عشان رأس السنة يا جميل

كل سنة وانت طيب

ارسم بالرصاص said...

السلام عليكم ورحمته وبركاته
كل عام وحضرتك بخير
واعتذر بشدة علي التأخير
وشكرا علي العيدية
والسلام عليكم ورحمته وبركاته

M@@@@H said...

صعبان عليا اوي اليورو ده محطوط وسط الجنيهات غلط
بس مودنة جميلة جدا .. وربنا يخليلك كل مخلول ومخلولة .. وزيدهم ..

Agen Sbobet Terpercaya said...

You may post on the skilled credentials for the web log owner. you'll categorical it's outstanding. Your web log expertise will springboard your click through. Agen Bola Tangkas

Akhadiwi Rajie said...

I’d have to check with you here. Which is not something I usually do! I enjoy reading a post that will make people think. Also, thanks for allowing me to comment!
Lijit.com
Community.intuit.com
Pixarcarsdiecast.com