خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Apr 16, 2008

الفيس بوك .. والسياسة

حضرت يوم السبت الماضى فى جريدة الدستور مع مجموعة من الأصدقاء والمدونين ندوة عن موقع الـــFacebook وعلاقتة بالعمل السياسى .. والحقيقة الندوة كانت رائعة وغطت كل الأراء وخاصة فى ظل تنوع الشخصيات والأفكار ، وكانت تغطية الندوة فى العدد الاسبوعى الاربعاء 16/4/2008 فى تلات صفحات كاملة


الحاضرين بالندوة : أحمد الصباغ - شمعى أسعد – وسام الزحلان – أحمد ماهر – محب عبود – عزة مطر – احمد بدراوى – محمد هانى – محمد قنديل – نوران عادل – نيفين إمام – محمد زكى الشيمى – أحمد التيتى – كريم الصياد – محمد البسيونى – محمد صبرى – محمد العسقلانى - نوران الشاملى - محمد أبو زيد – أسامى درة - محمد الجارحى – حسام الهندى .. وأدار الندوة : محمد الدسوقى رشدى


أنت مشترك فى الفيس بوك ؟


إذن انت لديك ملف قد يضم صورتك وإيميلك وموقعك او مدونتك


وقائمة أصدقائك وربما تليفونك ومعلومات اكثر


اى ان الفيس بوك بيت زجاجى


يرى فيه الشخص غرف ودواخل كل المحيطين به


وربما يمثل صندوق الرسايل


درج صغير لا يرى ما بداخلة المحيطين بك فى الغرف الزجاجية الأخرى


الولد الأمريكانى اللى عمل الفيس بوك كان هدفة اجتماعى


وهو ربط زملائة فى الجامعة بطريقة تتيح تبادل الصور والمعلومات


ولم يفكر وقتها ان الموقع سيصبح أكبر موقع إجتماعى سياسى فى العالم


تستخدمة شعوب للتعارف ، وشعوب لتبادل المعلومات


وشعوب اخرى تعانى من مظاهر الديكتاتورية


تستخدمة فى ادارة وتنظيم اضرابات او ندوات او لقاءات


والكلام كدة بيقودنا لإضراب 6 إبريل


ببساطة الموضوع بدء عندما قرر عمال المحلة عمل اضراب يوم 6 ابريل


ثم تحول الموضوع من حالة فردية لعمال المحلة


الى إتفاق شعبى موحد من كل فئات الشعب


وكان فى عدة أشياء ساعدت على التوثيق الاعلامى للاضراب


وان كانت المدونات والموقع الخاصة وحركات واحزاب المعارضة


ساهمت بدور كبير فى الاعلان والتوثيق الرسمى للاضراب


فإن الفيس بوك قام بالدور الاكبر فى التوثيق الاعلامى


عندما قررت إسراء عبد الفتاح وزملائها انشاء جروب على الفيس بوك


يحمل اسم اضراب 6 ابريل


وسرعان ما وصل عدد المنضمين الى الجروب الى اكثر من 65 ألف عضو إبان الاضراب


واخيرا فان اعتقال اسراء الذى تم بعد الاضراب قد لفت الانظار الى أهمية الفيس بوك


والى دورة السياسى القوى فى تنظيم العمل السياسى




حجب الفيس بوك


الفيس بوك حجبتة دول لأسباب عسكرية


وحجبتة دول خوفا من تدميرة للبنية الاجتماعية


واختلفت الاسباب ولكن يظل الفيس بوك واحد من أهم المواقع على الشبكة الانترنت الان


لكن فى بعض الدول فضلت حجب الموقع مثل إيران وسوريا


فى سوريا إستيقظ الشباب على قرار الحكومة بحجب الموقع عن سوريا
وهما اصلا متعودين على كدة مع المواقع الغير صديقة للحكومة
لكن ما كنش حد يتصور ان الفيس بوك يتم حجبة بالكامل وبدون سابق انذار


الفيس بوك واسرائيل
وقريت الايام اللى فاتت ان اسرائيل أقامت حظر على الفيس بوك
وقال مسئول إسرائيلي لشبكة " بي بي سي" : هناك أشياء لا نريد الجمهور أن يراها
ويشمل الحظر صور طيارين بزيهم العسكري وأعضاء القوات الخاصة والمناورات العسكرية.


وكانت وزارة الدفاع الاسرائيلية قد أجرت تحقيقا في إمكانية
أن تشكل بعض الصور المنشورة على الموقع خطرا أمنيا
حيث اتضح أن بعض الجنود العسكريين
يضعون صورا من خدمتهم العسكرية على الموقع


وقال مصدر أمنى إسرائيلى اتضح إن عمليات تصويرغير مسموحة
قد جرت في قواعد القوات المسلحة بما فيها القوات الجوية
يعتقد أن نشطاء فلسطينيين ولبنانيين يراقبون مواقع مثل فيس بوك
للحصول على معلومات عسكرية اسرائيلية


يعنى الموضوع كبير أوى
أتمنى تقرا التغطية اللى عملتها جريدة الدستور فى عدد الاربعاء 16/4/2008م


كمان انا رفعت بعض المانشيتات والصور المنشورة ومقتطفات على جوجل بيدجز

مانشيت
صورة 1
صورة 2
صورة 3
صورة 4
صورة 5
صورة 6
صورة 7
صورة 8
صورة 9
صورة 10
صورة 11

تغطيات أخرى للندوة عند
مهندس مصرى
شمعى أسعد

44 comments:

د/اجدع بنوته said...

ياعينىىىىىىىىىى

نفسى اخلص تعليم لسبب واحد

علشان انشط معاكم كدده

بحقدددددددددددد عليكم

والمقال هايل ياخالو ابو احميد

آخر العنقود said...

عندك حق فعلا ياخالو

انا قريت عن المواضيع دى الاسبوع ده كتير
ونفسى بجد ننشط كل الووسائل دى ونعمل من خلالها حاجات كتير
نفسى نفوق بقى ونفهم اللى بيحصل ده لميتن ولمصلحة مين؟

تحياتى ياخالو على التغطيات الجامدة دى

Hosam Yahia حسام يحى said...

ماشى ياعم ربنا يوفقكم

وعقبال ماتيجوا فى رويترز

مش فى الدستور


:D

تحياتى

مهندس مصري said...

بس انت خدت حقك في الكلام تالت و متلت يا عم و أنا الشريط كان خلص عندي فمسجلوش كلامي و منشروش منه حاجة الا في النصيحة الأخرانية
حظوظ يا مبخت
:)

دكتور حر said...

محمد ابوزيد
مين؟؟

وعامة تغطية جميلة وربنا يكرمك يا ريسنا

A.SAMIR said...

ابوحميد ازيك؟
اكيد طبعا كانت ندوة تحفة
يا بختكم
على فكرة
اخر اسم الصح بتاعه محمد الدسوقي رشدي.....لذا لزم التنويه
تحياتي

Hossam said...

حبيب قلبى حياة قلبى
وحشتنى يا اجمل احمد فى الدنيا
اخبارك ايه حبيبى
اتمنى اشوفك قريب
سلام

اهو ده عيبه said...

ساعات حاجات تبدا بسيطة او لغرض عادى وبعد كده تتحول لاهداف اكبر واحسن

وده اللى حصل مع الفيس بوك

وشكرا على التغطية للاحداث دى وبالتوفيق

خمسة فضفضة said...

السلام عليكم ورحمة الله وبركاته

تصدق يا احمد رحت علقت علي بوست تاني خاااااااااااااالص بحسبه هو ده ، البوست بتاع المخاليل

عموما يا سيدي الف مبروك لسه قارية الموضوع ومققت عيني فيه 3 صفحات ماشاء الله ، بس انت مش ظاهر في الصور ليه خير ؟؟


سلام

Zika said...

فعلا والله الفيس بوك بقي تقيل اوي وله تاثيره الواسع وكمان اي ردة فعل بتتعمل بتسمع في الفيس بوك
لانه زي مدينه كامله
بمعني اننا لو قسمنا الفيس بووك
كل 10 اشخاص
مجموعه
هنلاقي ان في كل مجموعه واحد يعرف واحد من المجموعه التانيه وفاعمار تقريبا متوسطها 20
يعني معني كده ان شباب مصر تقريبا كلهم علي الفيس بوك
وده بيخلي اي حاجه عايزه تنتشر سواء كانت ايجابيه او سلبيه تنتشر في وقت قياسي لانها بقت حاجه كده زي
" كلها عارفه بعضيها "
:D
تحياتي

آفاق الحرية said...

السلام عليكم
كويس والله
طيب ياجدعان ابقوا قولولنا
صحيح مش هنيجي بس ادينا نكون عارفين برده
ههههههههه
لا ان شاء الله نحاول نيجي منجيش ليه

علاء سالم said...

السلام عليكم

بوست جميل كعادتك معنا

بيضم معلومات قيمه لأول مره أعرفها عن الفيس بوك.

وجميله المانشيتات والصور قرأت بعضها وهاقرأ الباقي بعد ما أكتي التعليق

خالص تحياتي

هناء صابر said...

انا قريت تفاصيل الندوة فى الدستور ...كانت فعلا مميزة
وفعلا..الفيس بووك اكتسب أهمية كبيرة فى الفترة اللى فاتت خصوصا فى بلد زى بلدنا و فى اوضاع زى أوضاعنا ؟....
لسهولة التواصل
و انتشار المعلومات السريع من خلاله ...
ربنا معانا يارب ويقدرنا على الفيسبووك
فى انتظرك يا خالو فى اسكندرية
سلام مؤقت

اعترافات انثى جامحة said...

تغطية كويسة

mady said...

جامده التغطيه
اما الفيس بوك انجح دول العصر الحديث بحس ان هو دوله
جمعت مختلف الجنسيات
دوله هاجر لها افراد كتير
دوله ناجحه لانها قدره تجمعهم بالرغم من اختلاف الاديان والالوان والجنسيات
تحياتي

هناء صابر said...

يعيش الفيس بووك ..
يا يعيش
يا يعيش
يا يعيش

شمعى أسعد said...

ازيك يا احمد تغطيتك جميلة ومجهودك فى عمل سكانر واضح انت قريب خالص هتكون زعيم المدونين

محمود الدوح said...

تغطية جميلة يا صباغ

بس انا زعلان منك
كان ممكن تتصل بيا تقولى
كان نفسى اكون معاكم

على العموم خيرها فى غيرها

وطبعا تلاقيك ضربت مثال ببيت الشعر اللى انت مش حافظ غيرة
ههههههههههههههه

مصر اللى مشفتهاش said...

جميلة التغطية جداا.. قريت دستور الاربع .. كانت تحقيق جميل جداااا ..

وبالنسبة للفيس بوك .. فالموقع كان فعلا منشأ لأهداف اجتماعية محدش تخيل انه فى يوم هيستخدم لتجميع شعب أو بالنسبة لدول اخرى كنز معلومات ..
لان قبل كدة حضرتك محاضرة وكان بيديها ظابط سابق فى المخابرات المصرية وقال ان دولة ليها استخبارات قوية زى اسرائيل مثلا لما بتجمع معلومات عن دولة زى مصر بتاخد 15 % بس من المعلومات من العملاء والـ 85% الباقيين من وسائل الاعلام .. فبالتالى موقع زى الفيس بوك بغض النظر عن جنسيته فهو كنز معلومات .. عشان كده لازم شوية الحذر فى التعامل معاه ..

عائشة

Abo 7anf said...

السلام عليكم
بوست هايل
وبصراحه نشاطك تحسد عليه
وربنا يسهل والواحد بس يخلص
ويبقى معاكم
وتقبل مرورى

Ahmed Al-Sabbagh said...

اجدع بنوتة

بطلى أر بقى خلى ربنا يسهل لك وتخلصى

ما احنا كلنا اتعلمنا واتأور عنينا

انتو جيل عايز كل حاجة سهلة
(بؤين ابهاتى)

هههههههههه

Ahmed Al-Sabbagh said...

اخر العنقود

ياريت

تحياتى لكى

Ahmed Al-Sabbagh said...

حسام يحيى

رويترز بس

بحبها شوية وخليها سى ان ان

Ahmed Al-Sabbagh said...

هههههههههههه

هنقر بقى

هتسافر امتى بقى

عشان عندى لك بوست

Ahmed Al-Sabbagh said...

دكتور حر

ده محمد ابو زيد تقليد
:))

Ahmed Al-Sabbagh said...

احمد سمير

شكرا يا ابو حميد

وبردة كانو كاتبين عنك فى العدد الاسبوعى اللى فات

Ahmed Al-Sabbagh said...

hossam

حسام شاهين ؟؟

احمدك يارب

Ahmed Al-Sabbagh said...

اهو ده عيبة

ايوة عندك حق

Ahmed Al-Sabbagh said...

خمسة فضفضة

هههههههه

المخاليل تبعنا بردة

مش ظاهر فى الصور عشان كنت مستخبى

:))

عادى المصور كان احول

Ahmed Al-Sabbagh said...

zika

جميل اوى تحليلك ده

تسلم

Ahmed Al-Sabbagh said...

أفاق الحرية

ههههههههههه

يعنى هى غتاتة وخلاص

انا لو قلت لك وما جيتش هيبقى فيها دم

:))

Ahmed Al-Sabbagh said...

علاء سالم

اشكرك بشدة

على كلامك الرقيق

Ahmed Al-Sabbagh said...

هناء صابر

شكرا يا هناء

ان شاء الله فى اسكندرية قريبا

Ahmed Al-Sabbagh said...

اعترافات انثى جانحة

شكرا يا استاذة اعترافات

شهيدة said...

قرأت المقال الاجتماع بالجريده فعلا رائع .. والجميل اختلاف وجهات النظر مع الاتفاق على المصلحه العامه مهما اختلفت التوجهات

ربنا يبارك بشبابك يا مصر

خيوط الفجر تزداد وضوحا كل يوم حتى لو غابت قليلا خلف اغصان الغابه فضوؤها لابد ان ينتشر

Ahmed Al-Sabbagh said...

mado

تشبيهك جميل جدا

اشكرك

Ahmed Al-Sabbagh said...

هناء صابر

يعيش السمك فى الماء

يعيش يعيش يعيش

Ahmed Al-Sabbagh said...

شمعى اسعد

اخجلتم تواضعنا

انت اللى كنت هايل بجد فى الندوة

Ahmed Al-Sabbagh said...

محمود الدوح

هنسيح لبعض ياض

طب ايه رأيك بقى

اذا الشعب يوما اراد الحياة
فلابد ان يستجيب القدر

:))

Ahmed Al-Sabbagh said...

مصر اللى ما شوفتهاش

جميل اوى

انا متفق فى كدة

لان فى معلومات كتير تقدر تجمعها من على الفيس بوك

Ahmed Al-Sabbagh said...

abo 7anf

ربنا يخليك

ده من ذوقك

Hosam Yahia حسام يحى said...

فين البوست الجديد يا خالو

ولا ضحكت علينا

وان شاء الله تيجى فى السى ان ان

ورويترز كمان

peace

نوره الخشن said...

خالو .. اول مرة اعوز اكتب عندك كلام ومبئاش عارفة اتكلم

اكيد انت عارف ليه خلي الطابق مستور بئى

واعفيني من الكلام على البوست ده
ونكتفي بـ
لاتعليق

somaa mahaba said...

امممم
موضوع حلو جداا اياك مصر كمان ما تحجبوش وانا بعتبر النت كله سلاح ذو حادين يا استخدمناه فى الرقى يا استخدمناه فى الانحدار
وبصراحه ارى ان النت من الممكن ان يكون منبع تعليمى وثقافى وسياسى ودعائى واجتماعى لو تقبله المجتمع وحاول التفاعل مع مميزاته والجيد فيه
على فكره انا سمعت ان فعلا بيستخدموا بعض المدونات ومواقع الفيس بوك للتجسس
واشمئزيت لما دخلت مدونتى ووجدت اسم اسرائيل من ضمن الزوار فعلا نفسى اولع فى المدونه ومش عارفه مين دخل
تحياتى ليك سومه_87