خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Apr 22, 2008

افرج عن مصر يا ريس

امبارح كان الريس .. قصدى ريس الوزرا .. احمد نظيف فى احتفالات مئوية جامعة القاهرة
وكان عمال يسترجع ذكرياتة - اللى معرفش حلوة ولا مريرة - مع جامعة القاهرة
وفجاءة
قاطع رئيس الوزرا طالب
«الجامعة زي الفل والعملية التعليمية زي الفل ورغيف العيش والديمقراطية موجودة
والحديد موجود، طيب مصر حزينة ليه يا ريس؟والشباب معتقلين ليه من يوم 6 أبريل؟ افرج عن مصر يا ريس
افرج عن مصر يا ريس»، وقوبل كلام الطالب بتصفيق حاد من زملائه الحضور


ده كان الشاب الرائع .. بلال دياب

وطبعا مفيش ثوانى بعد خروجة من القاعة

وتم احتجازة لمدة ساعة فى مكتب الأمن

وبعدين خرج والله اعلم بعد كدة هيحصل ايه

لله درك يا بلال

صدقنى يابنى كلمة حق فى الموقف ده

هيفضل التاريخ يذكرك

أخوك : أحمد الصباغ
--------------------------------------------

لرؤية الصور هنا
www.sabbagh100.googlepages.com/sb1.jpg
www.sabbagh100.googlepages.com/sb11.jpg

29 comments:

ftafeet said...

ازيك يااحمد

بجد الود عمل كده ماشاء الله عليه

بس ربنا يسترها معاه


نونااااا

EmY said...

ايه ده و الولد لسه عايش و حي يرزق ولا اختفي

بس موقف شجاع جدآ منه ياريت يكون عندنا كتير زيه

تحياتي يا احمد

صاحب المضيفة said...

ربنا يفك اسره واسر كل مظلوم


شكرا يا خال على فكرك الجميل


تحياتي

امام الجيل said...

ما شاء الله
ربنا يكرمه والله

العملية قربت اوى
على فكرة

Anonymous said...

بصراحه يا خال
اخوك يعتقد ان بلال دياب ان شاء الله لن يحدث له شيء لاسباب كثيرة منها ان التجمع الشبابي الضخم دة خد باله واستحاله وان نظيف اللي مش نضيف انه يفكر يعمل عمليه سخيفه كفايه حركه اعتقال اسراء عبد الفتاح واعتقد انها حركه قرعه مش هتعدى بسهوله
والي الامام يا صباغ ودايما مع الاحداث اول باول يا متعنا مبلجرنا

Anonymous said...

بصراحه يا خال
اخوك يعتقد ان بلال دياب ان شاء الله لن يحدث له شيء لاسباب كثيرة منها ان التجمع الشبابي الضخم دة خد باله واستحاله وان نظيف اللي مش نضيف انه يفكر يعمل عمليه سخيفه كفايه حركه اعتقال اسراء عبد الفتاح واعتقد انها حركه قرعه مش هتعدى بسهوله
والي الامام يا صباغ ودايما مع الاحداث اول باول يا متعنا مبلجرنا

Ahmed Al-Sabbagh said...

لينكات الصور

مش عايزة تتحمل فى البوست


sabbagh100.googlepages.com/sb1.jpg

sabbagh100.googlepages.com/sb11.jpg

sabbagh100.googlepages.com/sb12.jpg

sabbagh100.googlepages.com/sb13.jpg

sabbagh100.googlepages.com/sb14.jpg

مدحت محمد said...

ماشاء الله على حصرياتك يااحمد
بجد ربنا يحفظه
احنا بقينا فى بلد
بعد اللى حصل مع اسراء
كله بقى بيمشى مش جنب لا
طبعااااااااااا
بيمشى جوة الحيط
اللى عمله ده شجاعة ورجولة
وربنا يثبته
تحياتى

only spot said...

سلام عليكم
تحياتى ليك يا خالو بجد على الفيديو والصور
بلال دياب ربنا يحميه ويصونه ومعنديش غير انى اقول "والعصر ان الانسان لفى خسر الا الذين امنو وعملوا الصالحات وتواصو بالحق وتواصو بالصبر"
بلال طلب من نظيف انه يفرج عن مصر لكن احنا مطالبنا مادامت مصر مهدده زى ما بيقول يبقى بسببهم بسبب الاتفقيات الى حطت من كرامة مصر يبقى اشرف لها انها تاخد حقها من الى زلنها ولا انها تبيع ولادها عشان خاطر الغريب يفضل راضى عنها
ندائى للساده الى حكمنا يا ساده الستار اترفع من زمان وانتم مسترسلين فى ادوراكم لحد ما بقى السيناريو ماسخ ومالوش طعم افرجو عن المتفرجين والكومبارس يا ساده ودعوهم يستمتعوا بممثلين جدد
خالص تحياتى

nonoymm said...

ازيك يا استاذ احمد
اد ايه كلامه كان مر اوي
حسيت بمرارته في صوته وحلقيي
ولو انا مكانه كنت ههقول زيه
انا عرفت ان فيه دكتور شارك في تسليمه للامن
وحسبنا الله ونعم الوكيل
ربنا يفك اسرنا كلنا
تحياتي

مـحـمـود فـرج أحمد said...

فيديو رائع وصور ولا أحلى يا صباغ

أنا لما شفت الفيديو بجد كنت هعيط من الفرحه وحبيت لو كنت موجود وأصفق له مع اللي صفقوا

ياريتني كنت معاهم

تحياتي ليه وليك يا خالو

نوره الخشن said...

طب والله معاه حق

الدنيا فله يا ريس واخدين العيال ليه

عارفين والله انا بحس انو نظيف ده محترم بس هو مش عارف يحل ولا يربط مع الصيع اللي حواليه فعملوه هو كبش فدا ومسكوه رئيس وزرا اه والله

هو مش كده ــــــــــــــــ بس موش جبار

عاشقه الفردوس said...

يسلم

يسلم

جه الشاب ده يفوقنا كلنا


واللي قالو ده اقل بكتير من اللي بيقولوه المصريين كلهم

وبعدين ايه السخريه اللي في كلامه


الشاب بيصدق وبيقر باللي انتو عاييزنا نصدقه
واهو ياعم بيقولك احنا مصدقينكو

واحنا كويسين واحسن من غيرنا

بس سالك سؤال يانظيف باشا


مصر حزينه ليه؟

رد وجاوب

د/محمدعبدالغنى حسن حجر said...

لايمكن أبدا أن يفرج عن مصر لأنه لم يسمع شيئا وهذا دليل على ما أقول



أحبائى ..
لأن شر البليّة ما يضحك وليس هناك بليّة أكبر من حوارات الطرشان التى تعج بها ساحاتنا الحوارية على مختلف المستويات وجميع الأصعدة فقد أجريت لكم هذا الحوار بين مسئول صغير وآخر كبير فى مصرنا المحروسة...


( نموزج )
.........................


*- أيوه يافندم كله تمام !!



*- حمام إيه يابنى ده نعام..



*- أيوه يافندم فيه كلام عن إضراب..



*- إعجاب أخيرا كله بقى تمام..



*- حمام إيه!! بقول لسعادتك إضراب..



*- الناس عاوزة جزمة وشراب..طيب لما نكفيهم الأول عيش..



*- ألمّهم كلك وأوديهم معتقل العريش...



*- آه بتقول عايزين جبنة قريش....



*- العريش !!يافندم مافيش معتقل فى العريش....



*- يعنى إيه علي الجبنة القريش جمارك وضرايب..



*- أيوه يافندم بس شلاتين وحلايب برضه ما فيهاش..



*- ببلاش ..لأ لازم شوية رسوم لخلى وقعتكم طين..



*- خلاص فهمت عاوزنى أوديهم فلسطين..والله دى أحسن فكرة..



*- ياسلام وأنا لسه حستنى لبكرة لازم دلوقتى بسرعة..



*- وكمان أخليهم يفحتوا ترعة..فى سينا يافندم!!!



*- بتقول إيه عاوزين ناس تخدّم...!!دول شويه رعاع..



*- وأخليهم يزرعوا زعتر ونعناع !! طبعا فى غزة..



*- سلام على الشعب كل واحد عاوز موزة!!!دى خلاص بقة أيام طين..



*- أيوه يا فندم حدخلهم من بوابة صلاح الدين..وعلى طول حنفذ..



*- إيه عاوز حراسة على كل منفذ للبيع ..مش مشكلة عندك الأمن المركزى...



*- ماشى يافندم خلاص كل المتظاهرين والمضربين..يروحوا فلسطين ويفحتوا ترعة فى سينا الأول..



وبعدين يزرعوا فى غزة زعتر ونعناع......



*- يا سلام كمان كل واحد من الشعب عاوز مذياع...دى خلاص بقة ظيطة..



*- مفهوم يا فندم لازم كل واحد يعلّق لسيا دتك.صورة على الحيطة دا شىء لازم..



*- وكمان الطلبة عاوزة كتب وملازم.. دا كل شىء بقى تمام..



*- عندك حق يا فندم النعام أحسن من الحمام....



*- وساكت ليه يابنى روح الحمّام وبعدين ..إبقى إعمل اللى قلتلك عليه...



*- وكمان رز بالخلطة ومايونيز عليه يافندم...أنا خلاص جعت....



*- طيب يابنى روح ما أنا قلت خلاص..



*- أوامر سعادتك أكيد ححشرهم فى ميكرباص..



مع السلامة ....وكله تمام!!!!!!!!!!!!!!

Ahmed Mubarak said...

ما شاء الله عليه

ربنا ما يوقفش في وشه حد

تحياتي

خبيب said...

وكلمة حق ..

عند سلطان جائر

Reham Mahmoud said...

يالهوى يالهوى
هتروح فى داهيه
بس عندك حق والله
البوست جميل ياواد ايه الجمال ده
تحياتى
ريهام

*سمر* said...

اول مرة ادخل المدونة ..مبسوطة جدا انى لاقيتها ..
مدونة بجد تحفة ..دون اى مبالغة واالله :)

على فكرة انا سمر اللى عملتلى اد عل الفيس بوك

المنسى said...

طبعا راح ورا الشمسس وإللى بيروح ورا الشمس مش بيرجع
ربنا يتولاه برحمته
تغطية هايلة

sebofy7alo said...
This comment has been removed by the author.
sebofy7alo said...

أحلى حاجة هو ارفاق فيلم وثائقي هام في البوست بتاع سعتك تتغنى بة الأجيال القادمة
وربنا يستر أقصد ربنا معاك
تحياتي ليك يا خلاخيلوا

بطوط حبوب said...

فعلا التاريخ عمره ما هينسها

somaa mahaba said...

ازيك يا صباغ
متهيالى حيفسحوه شويه وبعدين يرجعوه تانى
زى اسراء اللى لقنوها كلام وخرجت تقوله من غلبها ربنا يعفينا
ويعفيكى يا مصر
ابقى فوت شوف التخريفه 5
تحياتى ليك سومه_87

Whispers just for a Night said...

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً

د/اجدع بنوته said...

يسلم ف امه

ربنا يسترها عليه يارب ويحميييه

80 مليون بيسقفوله

مش بس اللى كانوا ف القاعه

آفاق الحرية said...

السلام عليكم
بجد الواد ده رااااجل
كان نفسي اكون مكانه بسي ساعتها بقي مش هقولك انا كنت هقول ايه
هههههههههههههههه
مكنتش هتوصي

شروق ..مدونة تحت العشرين said...

بدعيله من كل قلبي


ربنا يحميه

د\أسماء علي said...

انا من ساعة ماشوفت اللي عمله بلال وأنا بجد نفسي ولاد البلد كلهم يبقوا كده
..
ربنا يحرسه
وربنا يخلينا كلنا كده ..
...

شروق ..مدونة تحت العشرين said...

الحمد لله بلال طلع النهاردة في العاشرة مساءً و حكى الحكاية كلها

راجل جدع بجد