خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Apr 21, 2008

لماذ سافر مهندس مصرى ؟


مهندس مصرى واتخنق مالبلد
لكنه بيحبها
شرب كما شربنا
من حنانها وحبها
وداق كما دَقنا المرار على أرضها
محمد قنديل .. المدوّن المصرى الرائع
الذى أعطى للتدوين - على الأقل بالنسبة لى - طعما جميلا
والذى حملت مدونتة اسم
"مهندس مصرى قرفان بس بيحب مصر"
سافر انهاردة بحثا عن رزقا أفضل
والحقيقة الصور اللى فوق دى
انا اخدتها لما كنا مع بعض فى يوم قضيناه مع مجموعة بلوجرية
وكنا بجوار جامعة القاهرة
شوف بقى كراسى الانتظار بجوار جامعة القاهرة شكلها ايه
اللى بتعبر عن حال البلد
وعن حالة الاهمال اللى بتعانى منها مصر على يد شلة من رجال حكموا مصر تلاتين سنة
ولم يجد مهندس مصرى سبيل سوا الا ان يجلس على بقايا الكراسى وهيا بالحالة دى
وده مثال صغير يجاوب على السؤال
لماذا سافر مهندس مصرى
فإلية فى غربتة أقول له
هتوحشنا كتير
وهنتحرم من قعداتك الجميلة
لكن سنظل معك فى مظلة التدوين التى ضمتنا
وتعود لنا بالسلامة يا محمد


عدسة : أحمد الصباغ .. على غفلة

54 comments:

سهر الليالى said...

ياااااااااااه يا صباغ
طب كنت قولى وانا كنت جبتلو كرسى من بيتنا
ههههههههه

الباشمهندس محمد مدون صديق عزيز اوى وبجد هنفتقدو جامد وربنا يوفقو

والله العظيم على قد ما بفرح لهم انهم بيسافرو يدورو على مستقبلهم على قد ما بتضايق ان الظروف اتطرتهم يسيبو بلدنا

الصور جامدة يا صباغ ووصلت رسالتك
وبجد كان نفسى اجيب الكرسى ولا ان حد يسافر

تحياتى

بنت الاسلام said...

ربنا يوفقه في غربته

ويرجع لبلده بحال افضل مما تركها عليه

والدنيا زي ماجمعتكم يوم

ورجعت فرقتكم

فهي اكيد

هتجمعكم تاني

فلتحيوا بهذا الامل

ولاتنساه من دعواتك الخالصة له

تحياتي

مدحت محمد said...

للاسف
كل شبابنا كدة
الحياة فى مصر بقت صعبة اوى ياصباغ
عشان تقدر تكون فيها نفسك
من الصعوبة بمكان
ربنا يكون فى عونه هو واللى زيه

احمد الجيزاوى said...

كلونا هذا الرجل والله هتوحشنى يا هندسه
اتمنه من الله ان تعود الى ارض الوطن قريبا
وتحياتى ليك يا صباغ بجد بوست اثبت انك بلجاوى اصيل
ويطمر فيك العيش وكمنتات
هههههههههههه
تحياتى
احمد الجيزاوى

aya said...

ربنا يعينه ويرجعه بالسلامة
ويهون عليه الغربة وتعبها

وان شا ءالله يلاقى الخير فى السفرية ديه

ربنا معاه ومع كل اللى زيه

ومعاكى يا مصر يا مغلبانة

محمود الدوح said...

المهندس محمد

انا مش هتكلم كتير عنة
بس بجد من اجمل شخصيات قابلتها

بجد هيوحشنا كلنا

صح ولا اية يا بشر

الفاتح الجعفري said...

حبيب قلبي الصباغ
اوعي تسافر انت كمان تبقي مشكلة كبيرة فعلا
والله البشمهندس محمد من اجمل الشخصيات اللي الواحد عرفها كفاية طهارة قلبة وتسامحه ربنا يحفظه
اتمني من الله ان يبارك له ويحفظه
ويعينه
محدش يتمني يسيب بلده واهله ووطنه بس الظروف هنعمل ايه
جزاكم الله خير ياابوحميد

مـحـمـود فـرج أحمد said...

البوست ده بجد حزيييييييين قوي

وأنا عندي امتحان ومش ناقص

ليه بس كده يا صباغ؟؟

اللهم ما لا سهل إلا جعلته سهلا فاجعل لنا من الصعب سهلا يارب العالمين

ياسر حسين said...

أنا شخصيا اللي خلاني أسافر إن ربنا سبحانه وتعالى خلق لنا كوكب الأرض بحاله نسعى فيه وراء الرزق .. ولما يضيق الحال بالواحد في مكان .. ممكن يتحرك ويروح مكان تاني وممكن يلاقي الرزق هناك
المسألة مش مسألة كرسي في محطة اتوبيس
لأن المنظر ده ممكن تلاقيه بره مصر برضه
وده عن تجربة
المسألة مسألة سعي وراء الرزق وده حق مشروع
ربنا يوفقه ويرجع كل مغترب لأهله مجبور الخاطر
مليان الجيب
لأن الرأسمالية هو شعار المرحلة القادمة كما كان شعار المرحلة السابقة
:)

خالص تحياتي

جيفارا المصري said...

هي كده مصر

دايما قاسية علي ولادها

تمنياتي له بالتوفيق

صاحب المضيفة said...

يروح ويرجع بالسلامة ان شاء الله

ربنا معاه

ويحاول يدون من برة برضو يارب


تحياتي ياخال

somaa mahaba said...

يا راجل اتقى الله بقى مهندس سافر عشان الكرسى منغير قاعده
:))
على كدا انا بقعد على الارض المفروض اكون سافرت من كام سنه فاتوا
وعموما ربنا يوفقه ويصبره على غربته
تحياتى ليك سومه_87

somaa mahaba said...

اه صحيح فى محل موبيليات ميه ميه بيبيع كراسى بالجمله فى الحسين ولا هو ناوى يجيبه مستورد؟؟؟؟
ياله اللى على على

خمسة فضفضة said...

السلام عليكم ورحمة الله وبركاته

ربنا يكرمه ويوفقه في غربته ويرجعه لمصر بالسلامة

Jana said...

حاجة تقهر لما الناس الحلوة دى تضطر تطلع من مصر
لكن الظروف دايما قاسية
ربنا يوفقه ويبارك له ويقدر له الخير دايما

صورة الكرسى عبرت عن الحال كما ينبغى

وتعبير اللقطة يغنى عن الكلام
تحياتى

عاشقه الفردوس said...

مهندس مصري


انسان محترم
فرض شخصيته المحترمه ع الناس كلها في عالم التدوين

متابع جيد


سبحان الله علي الرغم من اني دايما بقول ان اكتر المدونين مش زي مابيكتبوا
اقصد ان اللي تحصه في مدوناتهم مش هو الحقيقي

الا ان مهندس مصري تحس ان اللي بيكتبه هوهو فعلا شخصيته
بجد والله انا زعلانه بسفره

بس بدعيله ان ربنا يوفقه ويصلحله الحال هو وكل واحد سافر طلبا للرزق


ربنا يكرمك علي مبادراتك الطيبه

Anonymous said...

السلام عليكم ورحمه الله وبركاته
الاخ الاستاذ المحبب الي قلوب اخواتك المدونين البلوجرية الجامدين والله يا باشا كتير فرحم ودعوا للهندسه كريم الاصل الرائع محمد قنديل انا بقا حاسس اني قلبي مقبوض حاسس ان في حتي من ارض مصر اتخلعت بجد انا اي نعم بفرح لما الاقي انسان عزيز بيدورا علي الاحسن ودة اللي كلنا بنامله يا صباغ بجد بوست رائع وممكن يحسسنا اننا ودعناه قبل سفره بس اعتقد اننا مش لازم نيأس من التغير واعتقد ان في اخ فاضل انا بحبه قوى قال ان المعاق معاق عن الانتاج وانسان كسول لا يجتهد واعتقد انك عرفته انا فخورا بطموح مهندس محمد لكن اامل اننا كشباب مصري نرجع الامل لقلوب الشباب الموهوب والمبدع
واعتقد ان احلي هدية لاخي القاضل مهندس محمد وليكوا اننا نحاول نرجع البهجه لمصر وكلنا بفضل المعبود وموهوبين وكفايه اننا بينا ناس بالانسانيه دى واتمني يارب يوفقك ويوفق احمد الجيزاوى ومهندس محمد ويارب يارب يزيل اي عراقيل تواجهك ويارب يبهج ايامك يا ريس احمد عبد العال يا بلوجري يا محترم
اخوك اللي انت عارفه

وربنا يديم المحبه والصداقه

nonoymm said...

السلام عليكم
يروح ويجي بالسلامة ويديم المحبة ما بينكم يارب
تحياتي

آخر العنقود said...

ربنا يرجعه لبلده ولاهله ولبيته بالسلامة ان شاء الله

وفعلا اكتر حاجة بقت تضايق الواحد سفر الشباب بره بلده
ربنا معاهم يارب ويوفقهم

وتحياتى ليك ياخالو
والله بجد صاحب واجب دايما كده
:))

Anonymous said...

برضه هاغزك بمطوة يا صباغ

خبيب said...

إن شاء الله يرجع بالسلامة

وهما اللي يمشوا

:)

---

ويجمعكما معا في الجنة

Tamer Nabil said...

كل انسان لاوم يدور على الرزق

مطرح ما يحب



الغربة صعبة

لكن الظروف اصعب

ربنا يعدلها

تحياتى

د/اجدع بنوته said...

ربنا معاه يارب ويوفقه

ويرجع منصورااا

وذنب كل يوم غربه

قطعا ف رقبتهم

زى ما ف رقبتهم كل لحظه حد فيها بيجوع

وكل لحظه حد فيها بيتهان ف مواصله

وكل لحظه حد بيموت علشان مش لاقى تمن محلول الجلوكوز

نوره الخشن said...

اه ياصباغ اناعارفة المكان ده عند فنون تطبيقية كده مانت عارف انا من هنااااااااااك

الموهو بجد بجد هنفتقده كتير مصري مدون رائع والله وخصوصاً فالتجمعات التدوينية

و القادم....أجمل said...

ربنا يوفقه يارب
و يوفقك يا أخ أحمد

عجبني جدا التصوير و المقدمة في البوست
بنحب البلد
بس مش بايدنا
بنعشق ترابها
و هنلف و نرجعلها

تحياتي و احترامي للجميع
:)

Ahmed Al-Sabbagh said...

سهر الليالى

تسلمى يا ميرو

ومنورانى دايما بكلامك الجميل

بس ياريت دكة بقى عشان انا كمان

:)

Ahmed Al-Sabbagh said...

بنت الاسلام

يارب يا بطة

يسمع من بؤك ربنا

Ahmed Al-Sabbagh said...

مدحت محمد

ايوة صعبة اوى يابنى اسألنى انا

Ahmed Al-Sabbagh said...

احمد الجيزاوى

طب بزمتك مش هيوحشك يا جيزاوى

ده انت اللى لمتنا فى اول لقاء يا راجل

طب امشى بقى عشان انا هعيط

Ahmed Al-Sabbagh said...

aya

يارب يا ايه يسمع منك ربنا

Ahmed Al-Sabbagh said...

محمود الدوح

انت ما تتكلمش خالص
هههههههههههه

بحرجك بس

ربنا يهون علينا بعدة

ويرجع لنا بالسلامة

Ahmed Al-Sabbagh said...

الفاتح الجعفرى

لا يا حبيبى ما تخافش على قلبك

هههههههههههههه

تسلم

Ahmed Al-Sabbagh said...

محمود فرج

معلش يا حودة

ربنا معاك ويوفقك

Ahmed Al-Sabbagh said...

ياسر حسين

والله كلامك صحيح جدا


لكن كنا نتمنى تكون مصر جاذبة للسكان مش طاردة

Ahmed Al-Sabbagh said...

جيفارا المصرى

شكرا لتعليقك الجميل

Ahmed Al-Sabbagh said...

صاحب المضيفة

اه طبعا

واحنا هنسيبة يهرب ؟؟

:)

Ahmed Al-Sabbagh said...

somaa mahaba

ايوة طبعا

وهى القاعدة دى شوية ؟

Ahmed Al-Sabbagh said...

somaa mahaba

ماشى يا لذيذة

اعملى لى حساب فى كرسى والنبى

عشان ناوى اضرب حد

:))

Ahmed Al-Sabbagh said...

خمسة فضفضة

ياااااااارب

Ahmed Al-Sabbagh said...

jana

حاجة تقهر صحيح

Ahmed Al-Sabbagh said...

Anonymous

عارفك

وبحبك

وبحترمك

وبقدرك

وبشيلك فوق راسى من فوق

يا أحلى

ر

Ahmed Al-Sabbagh said...

nonoymm

تسلمى ربنا يخليكى

Ahmed Al-Sabbagh said...

آخر العنقود

يعنى السعى مطلوب

لكن بصراحة الحال يسد النفس

Ahmed Al-Sabbagh said...

Anonymous

ههههههههههه

ومش موقعة باسمك ليه

خوافة

Ahmed Al-Sabbagh said...

خبيب

ياااااااااااااارب

يسلم فمك

Ahmed Al-Sabbagh said...

Tamer Nabil

معاك حق

ربنا يوفقة

Ahmed Al-Sabbagh said...

د/اجدع بنوته

يسلم لسانك

Ahmed Al-Sabbagh said...

نورة الخشن

انتى هتمثلى

ما انتى كنتى واقفة

ودايسة على رجلى كمان

:))

Ahmed Al-Sabbagh said...

و القادم....أجمل


ربنا يكرمك

ميرسى على كلامك اللطيف

النجم القادم said...

المهندس محمد وصل بالسلامة حائل

وهو الان بين ايدى امينة

وهو شغال مع ناس حبايبه

ويعرفهم جيدا

وانتظروا قريبا اتصال بين

النجم القادم ومهندس مصرى

النجم القادم said...

المهندس محمد وصل بالسلامة حائل

وهو الان بين ايدى امينة

وهو شغال مع ناس حبايبه

ويعرفهم جيدا

وانتظروا قريبا اتصال بين

النجم القادم ومهندس مصرى

النجم القادم said...

المهندس محمد وصل بالسلامة حائل

وهو الان بين ايدى امينة

وهو شغال مع ناس حبايبه

ويعرفهم جيدا

وانتظروا قريبا اتصال بين

النجم القادم ومهندس مصرى

Dr.Mohammed Gohary said...

تصدق هي دي مصر
كلنا قرفانين منها
بس برضو بنحبها
قول لأي شاب نفسك في ايه
هيقولك أسافر

وبعد ما يسافر
شهر واسأله أخبارك ايه
هيقولك مصر أحسن كتيرررر

هي الظروف صعبه لكن البلد حلووه


تحياتي
وتروح وتيجي بالسلامه يا هندسة

مهندس مصري said...

تصدق لسه شايف البوست ده دلوقت
ربنا يخليك ليا يا صباغ يا حبيبي
:)