خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Apr 26, 2008

انا مع قناة الحرة فى حديث عن الفيس بوك والمدونات .. ومتفرقات

الحمد لله عدى يوم الجمعة على خير صورت يوم كامل لقناة الحرة لقاء عن الفيس بوك والمدونات .. كان يوم عصيب ومتعب اوى وعرفت أد ايه بيتعبوا الممثلين .. التصوير كان فى أربع أماكن .. فى ميدان الجيزة أمام برج الجيزة .. وفى مكتب القناة فى ميدان لبنان .. وفى غرفة نوم .. ما حدش يفهمنى غلط .. وفى كافية فى الزمالك
كان اللقاء عبارة عن تأثير الانترنت والفيس بوك فى حياتنا وعشان كدة المخرج فكر انى اصور فى الاماكن الطبيعية اللى ممكن ادخل فيها على النت واتابع الفيس بوك والمدونة وصورت وانا شغال على الاب توب وانا على السرير .. بالاضافة للأنترفيو وحديث عن الفيس بوك والمدونة وشرح ده على الطبيعة .. ثم انتقلنا لكافية سينابون فى الزمالك وانضمت لينا البت المدونة آبى وصورت لوحدها الاول انترفيو وبعدين صورت انا وهى لقاء مشترك .. وبجد كانت مشرفة ورفعت راسى مع المخرج
والحمد لله كان يوم ناجح جدا واتعلمت فيه كتير واستمتعت حقيقى بس اللقاء مش هيتذاع دلوقت عشان لسه بيجمعوا حاجات عشان يبقى زى برنامج وثائقى وان شاء الله قبل ما يتذاع هقول


دى صورة للوكيشن فى كافية سينابون مع أبى
أشكر الصديق احمد سوو اللى كان معانا فى الكافية وإلتقطت الصورة دى .. واشكر أحمد الجيزاوى على تشجيعة
-------------------
نوارة نجم بنت بمليون راجل .. ايوة بجد بحييها اوى على وقوفها دايما ودعمها لحقوق الانسان وتضمنها مع المعتقلين والمظلومين .. وهى مش بتتأخر ابدا انها تبذل اى حاجة تساعد بيها فى كل المواقف الحرجة .. وده رغم انها انسانة شرقية .. لكن بجد مش عارف ليه كل ما بفتكر نوارة بفتكر القول
وما التأنيث لأسم الشمس عيب .. وما التذكير فخر للهلال

-------------------
ان شاء الله بحضّر ريبورتاج حلو عن " مدونات مصرية للجيب " لجريدة نهضة مصر اللى اتصلت بيا انهاردة وعملت معايا حوار .. وان شاء الله ايام قليلة ويكون الريبورتاج جاهز .. هحاول اقعد بكرة قعدة كويسة مع توائم روحى البوهى ومهنى عشان نعمل الفنش الاعلامى ولازم كل الناس تشارك لأن الموضوع مش يخص فرد ولكن ده فخر بجد لكل مدون وهنعرف القيمة الذهبية لفكرة مدونات مصرية للجيب ... الجدير بالذكر ان نهضة مصر عملت حوارات مع الاصدقاء الثلاثى السكندرى شمعى أسعد وهناء صابر ومها عمر وان شاء الله سنوافيكم قريبا بالموضوع بالكامل
احم احم .. صباغ إن إن

-------------------
إسراء عبد الفتاح فى لقاءها على تسعين دقيقة و العاشرة مساءا انهاردة بدأت تسترد صحتها النفسية وبدأت تنطلق وتقول كلام يبسط ولما اتسألت هتعمل ايه بعد كدة قالت : انا مش عارفة هعمل ايه بالظبط بس الاكيد مش هحبس صوتى فى زورى وهعبر عن رأيى .. كويس
------------------
نزار قبانى واحمد فؤاد نجم .. الاتنين دول قريبين اوى من قلوب شباب هذا الجيل وانا شخصيا بعشقهم حتى النخاع بغض النظر عن بعض التحفظات .. المفاجأة بقى انى بأعد مجموعة ضخمة جدا من قصائدهم المشهور والنادرة واللى اتغنت وهتلاقوها متوفرة قريبا على المدونة
------------------
باركولى اتعلمت موفى ميكر كويس ودلوقت بأعد اتنين فيلم وثائقى قصير .. واحد عن المدونة بتاعتى فيلم تعريفى بالمدونة .. والتانى عن المدونين .. استعرض فيه صور ونبذة عن انشط المدونين اللى عنده اى مادة او لقطات فيديو يحب يساهم بيها .. هنيالك يا فاعل الخير والثواب
------------------
الفيس بوك أضاف خدمة الدردشة المباشرة حديثا من حوالى يومين والحقيقة دى قفزة كبيرة اوى للفيس بوك واظن لو طور فيها.. كدة هيتحول لحوت كبير يبتلع برامج الشات الاخرى ..
---------------------
مروة الزارع .. اتخطبت وكان حفل الخطوبة والشبكة يوم الخميس الماضى .. وعشان ناس كتير كانت بتسأل ..أقول هى اتخطبت لصديق من خارج الوسط التدوينى هو الاستاذ محمود عباس .. وكانت عروسة امورة اوى .. الف مبروك يا مروة .. لو إديتنى تصريح هنزل صور حصرية للحفل
ياللا بقى .. اتجدعنوا لازم افرح بباقى المدونات .. وأشيل مخاليلهم قصدى عيالهم كمان
---------------------
تحديث : أفرجت السلطات السعودية دلوقت عن المدوّن فؤاد الفرحان بعد أربعة شهور قضاها بالسجن .. وطبعا التهمة معروفة هى دعم مدونتة للاصلاحات السياسية فى السعودية .. والله المدونين فخر فى كل مكان وكل بلد


أحمد الصباغ

57 comments:

Maha Omar said...

احمد يا ابني
انا بعينك رئيس جمهورية المدونين يا ابني و احنا في النهاية بنبيع راجل لمصر

أكثرنا نشاطا عل الاطلاق .. و أقدر أبناء جيلنا على التعبير عنا
و كل ما استطيع ان اقوله .ز هو فقط كن هكذا دوما فنحن جميعا نحتاجك بيننا
و بمناسبة جوز الجنيهات
فهنبقى نتحاسب بعدين

بنوته مصرية said...

الله الله بجد يا احمد

موجز ولا موجز العاشرة مساء
هههههه
بجد ربنا يوفقك وترفع راسنا لفوق كمان
ربنا يوفقك واعبال ما افرح بيك قريب

تحياتي يا خالو
رودي

أحمد سعيد بسيوني said...

بسم الله
وفقكم واعانكم الله
ومبروك لمروة
تحياتي

محمود الدوح said...

موجز الاخبار نقلها لكم
احمد الصباغ من اهدى مكان فى النت

جامد يا صباغ

only spot said...

سلام عليكم
خالو احمد بجد انت عامل روح اعلاميه هايله للعالم التدوينى وجميله اوى الاخبار الى اتذكرت وربنا يوفقك ويعينك
خالص تحياتى

ياسر حسين said...

ألف مبروك يا صباغ
أنت إنسان مجتهد ونشيط وتستاهل كل خير

إلى الأمام دائما
خالص تحياتي

appy said...

انت يا واد جايب رجلى وسايب شكلى احسن خليها مفجعه هههههههههههههههه

بجد ميرسى ليك يا احمد والله غصب عنى التاخير نجمه سينما طول عمرى اعمل ايه خخخخخخخخخخخخخ
لا بجد ميرسى كتير ليك يا قمر

مصطفى محمد said...

مبروك يا افندم
رغم اني معرفكش او بمعني آخر ماليش احتكاك مباشر بيك .. الا اني حاسس انك تستحق أحسن من كده

تحياتي

القيثارة المكسورة said...

صباغ
صدمتنى .... قناة الحره قناه امريكيه واتخلقت علشان تزيف الحقائق وتاكد ان فلسطين يهوديه وان العراق فى رغدا بعد غزو الامريكان لها
صباغ الم تعلم من قبل ان قناة الحره مقاطعه كيف ليها المصرى الى النخاع تتعاون معهم
بعدما اتصدمت حزنت

حـريــة الــفـكــر والابــداع said...

الف ميروك يا احمد
وانا شغوف جدا لسماع الحلقة دى ياريت تسجلها وتحملها على اليوتيوب
وعقبال الــ cnn
تحياتى

Miss. Sosa said...

السلام عليكم

ميرسي جدا على نقل الاحداث من موقع الحدث وموافتنا بالجديد :)

مبروك لابى الحوار والتصوير

ومبروك لمروة الخطوبة

ربنا يسعد الجميع يارب

بس بجد يا جماعة فى وقفة لابد منها
موقع الفيس بوك والنت بنعبر من خلالهم عن اراءنا وافكارنا بحرية لكن مافكرناش مين اصحاب المواقع ؟!
وبيستفيدوا ايه من ورانا

وقريت فى التعليقات من قيثارة بتقول ان قناة الحرة امريكية وخلقت لتزييف الحقائق , احنا عايزين ميديا تنقل صوتنا للناس كلها بس برضو لازم نشوف الميديا ديه مين وراها وهدفهم منا ايه
المفترض اننا فئة مثقفة مش قطيع اغنام

ولازم يكون لنا مواقع عربية نتكلم من خلالها بلاش نتمسح فى الغرب علشان لما نقول نقاطع نبقى نقاطع بقلب
وابقوا شوفوا غاندى عمل ايه مع الانجليز .

تحيــاتى

Abo 7anf said...

السلام عليكم
مبروك الحوار مع قناه الحياه
ومبروك لمروه
وشكرا ليكى على زيارتى لمدونتى
ودى حاجه تسعدنى جدا

رئـــــيسـة حزب الأحلام said...

اية الاخبار الللى تفرح دى وتحياتى لك

اجندا حمرا said...

العزيز أحمد
ايه بس الأخبار الحلوه دي
طيب وقت اما يتذاع قلنا عشان نشوفه
أكيد كانت تجربه حلوه صح؟و الجميله ابي كمان معاك شرفتونا ياولاد
:)

ألف مبروك لمروه علي الخطوبه و ربنا يوفقهم و ألف مبروك علي خروج المدون فؤاد خبر بجد فرحني اوي

تحياتي ليك أحمد و عقبال مانفرح بيك و كل سنه و انت طيب بمناسبه عيد الربيع

احمد الجيزاوى said...

الف مبروك يا احمد ودائما الى الامام يا بطل
وانا مع مها فى انك رئيس جمهوريه المدونين
تحياتى يا ريس
احمد الجيزاوى

دكتور حر said...

هقول ايه بس

لساني بيدعيلك

وشعوري بيقولي

أحمد لقى نفسه يا جدعان

ربنا يكرمك ويوفقك يا غالي

كلاكيت تانى وتانى said...

اللة مع ياحمادة انت يابنى لاقى وقت ازاى تكلمنى اصلا وبعدين انا سحبت عرض الجواز ليك من بنتى دانتا ياعم مبتقعدش اصلا فالبيت
مبروك لمروة ولك ولأبى الجميلة
ولك بعد عمرطويل
تحياتى

امام الجيل said...

ربنا يكرمك يا ابوحميد

ويبارك نشاطك الجميل والملحوظ
واللى هيمثل نقلة فى عالم التدوين

ومنتظرني تفاصيل اللقاء وهييجى امتا وكده
صحيح مكتبتش هيتذاع امتا

somaa mahaba said...

ياااه اخص عليكم بقى تبقوا فى الزمالك جنبنا ومتفوتوش تشربوا شاى او قهوه اواى حاجه ساقعه
انا معرفش الحره دى انهى تردد كنت اتفرجت عليها
بس خير المهم مبروووووووووك ليك ولايبى ولكل المدونين
نصيحه غير اسم المدونه من خالو احمد لنشره خالو احمد
هههههههه انا حعينك مزيع جمهوريه المدونين
تحياتى ليك سومه_87

مواطن مصرى نايم said...

اولا مبروك على الظهور فى قناة الحره
بجد و الله فرحت لك
انا كنت عارف ان ايبى صورت
بس مكنتش اعرف انك كمان
يالا الحمد لله انكم حتشرفونا
و مبروك على الموفى ميكر
و منتظرين الشغل اللى حتعمله
سلامى ليك

د/اجدع بنوته said...

ما احنا عرفنا قد ايه أبى طولت رقبتك مع المخرج

بامارة التأخير ههههههه

طبعا تحياتى ليك ..

رئيس مجلس اداريات المدونين العرب

والمتحدث الرسمى عنهم

معاك ف دور نوارره فعلا بتساعد اوى وان كنت بختلف معاها ف بعض النقاط الا ان ليها كل احترام ع اللى بتعمله مع الناس

كويس الحمدلله اسراء لما حست بالامان تانى رجعت لنفسها

مبروك عليك الموفى ميكر

وعؤبال كل المدونين ميخرجوا هما كمان ويستعيدوا حريتهم

وشابوووو ع مجهوداتك ف رفعة التدوين

اهو ده عيبه said...

ما شاء الله
اخبار كتير وكلها تفرح
وفى انتظار الجديد ان شاء الله
وميعاد عرض البرنامج

Reham Mahmoud said...

والنعمه تنفع مذيع القناه الاولى
عسل ياواد ربنا يحميك بجد
تحياتى
ريهام

النجم القادم said...

الله ينور ياخالو

ايه الحلاوة دى

البدلة منورة عليك

ربنا يبارك لك يارب

ويكون فى ميزان حسناتك

د/محمدعبدالغنى حسن حجر said...

شكرا لمرورك على مدونتى..
ولكنى غضبت من ظهورك على هذه القناه..
ويارب تكون مش حقيقى..
أحبائى....


كل ما أخشاه أن نكون عشقنا الذل والهوان والخلف والجدال والمراء كعشق قيس لليلى ونمر نقبل كل جدار للذل والهوان والخلف والمراء والجدال كحاله حين قال...




أمر بديار ليلى فأقبل


ذلك الجدار وذاك الجدار




وقد قيل أن واحدا من الناس المخلصين عندما رآه فى هذا الهوان والجنون بحبها قال له أنصحك أن تذهب للحج وأنت على عرفات أدعوا الله أن ينسيك هذا الحب الذى أفقدك عقلك!!وبالفعل ذهب قيس مع أول قافلة ولكن وهو على جبل عرفات وقف ينشد..




يلومونى فى حب ليلى عوازلى


ويظنون أنى من الوجد هائم


ربى لاتنسنى حب ليلى


ورحم الله كل من قال آمين




فقال كل من سمعه على جبل عرفات آمين طمعا فى الرحمة ونال هو الجنون فى حب ليلى حتى مات!!!!!!!!!!!!


فأخشى أن نكون مثله ويكون دعائنا ربنا لاتنسنا الخلف بيننا والجدال والمراء والكره لبعضناولا تحرمنا ذلا وهوانا نعيشه...


ورحم الله كل من يقول آمين..


اللهم لاآمين ولاتقبل دعاء يديم علينا حالتنا هذه إنك على كل شىء قدير....


ورحم الله كل من يقول آمين..


.....................
http://drmohamad555hotmailcom.blogspot.com/

Anonymous said...

السلام عليكم ورحمه الله وبركاته
بجد الف الف مبروك يا ابوحميد
مش علشان ظهورك بالحرة
انا مش هقول نفس كلام اخواتي المدونين
لكن علشان فعلا فكرة التسجيل مع نهضه

مصر ودى بالاساس تعد طر يقه هامه للوصول الي العقل الشعبي المصري علي افتراض ان قناة الحرة لا تشاهد الا قليلا



مبروك لمروة الزارع الخطوبة
مهي بقت سلطة وبقت عروسة


مبروك لابي بس يا سيدى مش كنت تقولنا ان قتيات التدوين بالحلاوة دى ده ايه ده ده اده
ربنا يستر عليا يا خالنا

اخبار حبيبي محمد فنديل ايه
هو المهندس مصري مصدق وارتاح
وحشني


تحياتي للجيزاوى دايما مهشكنا وبيشجعنا والحمد لله برنس مان

انا بحي الروح الفكهايه
هي مش بتكتب كدة برضه
د- أجدع بنوته عندها روح دعابه متميزة



والف مبروك للفرحان اعتقد انه فرحان اساسا
وبصراحه عجبني اي شيء اسراء تقوله لسبب واحد هي بتعبر عن نغسها فمش لازم نلزمها بانها تكون في مقدمه الصفوف



بالنسبة لنوارة دايما جدعه وبتشجع

لكن لي تحفظات

Anonymous said...

نسيت يا ابو حميد
اقولك بجد بجد اسعدتني واتنمي يبقالك برنامج بقناه دريم
ونسمية

)من الجانب الاخر(
تقديم احمد الصباغ
اعداد


بصراحه كل مدون ادري باعداد حلقته الخاصة


ودى فكرتي لك من المدون الغامض ابو ودان طرشه

انا اسف يا احمد مش عاوز حد يعرفني خليني بعيد عن الاضواء


انا كاتب فكرة البرنامح واسلوبه


لو تحب اعرضه باللقاء ان شاء الله قولي

لو مش تحب

لا مشكله



وبما انك ريس جمهوريه دون دون
متكسفناش

فانا افترح تعيني متشارا للشؤن الاعلامية لجنابك

خبيب said...

واضح إن الفترة دي فترة كلها شغل

وكلها تعب

بس كلها فايدة ونجاحات

---

ربنا يعينك

مستنيين نشوف البرنامج

ونشوف بقية الحاجات كمان

A.SAMIR said...

الف الف مبروك يا احمد
تستحقها والله
ناشط ومهم في عالم التدوين والمدونات
بالتوفيق دايما...وقبل برنامج الحرة لاوم تقول لنا هيتذاع امتى
ضروري مش تطنش
بالنسبة لمدونات مصرية للجيب
امتى نزولها...والتفاصيل وكدة
تحياتي واحتراماتي وتهانيي القلبية

Anonymous said...

انا اسف
علي كتره تعليقات بس انا كتبتلك القكرة بالمدونه بتاعي

mohand said...

قولي يا احمد انت بتلاقي وقت تتنفس امتي؟


الله يكون في عونك يا خال

هناء صابر said...

أنعمنا عليك نحن المدونة هناء صابر باللقب كبير الإعلاميين المدونيين الأعظم ...
و قد تفضل جلالته ووافق على المطلبين ....
ربنا يوفقك يا ابو حميد
يا أجدع خال فى القطر المصرى

هناء صابر said...

و على فكرة ...
ليك عندنا جوز جوز جنيهات
انا و مها قيد على الحساب

mohamed said...

لا والف مليون لا للاشتراك مع الحرة فى أى برنامج مهما كانت المبرارات أنهم يستغلوا أناس محترمين مثلك وأبى بلنت لتسويق لاهدافهم الخبيثة

Hosam Yahia حسام يحى said...

وصلت للعالميه ياباشا

Salma Amer said...

بسم الله ما شاء الله
اية النشاط دة كلة دة
ربنا يوفقك يارب

تحياتي

Zika said...

مصيتنا انت وآبي
ياللا ربنا يوفقكوا انتوا الجوز وتشرفونا
بجد برافو عليك انا كل يوم بيزيد اعجابي بنشاطك
عقبالي اما اخلص عشان اتفرغ :D
تحياتي

سهر الليالى said...

ألف مليون مبروك يا احمد
أنت بجد تستحق كل دة واكتر
ما شاء الله عليك من يومك يا ابنى والله

أصلا مدونتك لوحدها كانت دايما مدونة إعلامية لكل المدونين
وانت نفسك كنت خال المدونين حاجة كدة زى العمدة بس خالو لقب أحلى عشان قريب للقلب أوى
:)

ربنا يوفقك يا أحمد وللأمام دايما يااااااااااااارب
مستنين الجديد دايما عندك يا صباغ إن إن

ألا بشبهه أنا على صباغ إن إن دى
هههههههههه

تحياتى يا سكر

Dr.Mohammed Gohary said...

مبروك يا صباغ
بجد تستاهل يا حبيب قلبي

انت نجم من يومك

ومبروك لآبي ولكل الناس الحلوة

وتحياتي للجميع

صاحب المضيفة said...

ألف مبروك يا نجم


عقبال ما تبقى نجم النجوم يا خال


ربنا يوفقك ويحفظك من كل مكروه



تحياتي

Whispers just for a Night said...

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً

المنسى said...

أبو حميد حبيب قلبى
أنا دايما باجى متأخر
دراسة بقى
أع1رنى
بس تغطيات جامدة بجد والله ط
أحسن من السى إن إن كمان
وربنا يوفقك فى كل إللى بتعمله يارب ونشوفك إنت وآبى منورين الدنيا
وألف ألف مبروك على الموفى ميكر يامعلم
وربنا يخليك للتدوين والمدونين والفيسبوكيين
إدعولى

بت خيخة وأى كلام said...

ايه ده انا اغيب كام يوم
الاقيك منزل تلات بوستات جديدة
ماشاء الله عليك
انا مش بحسد
انا بنق بس
المهم يا ابو حميد الف مبروك على الفيلم الوثائقى
ولو اننا كنا عايزين نعرف انت قلتلهم ايه بالظبط عن المدونات
وكنا عايزين نعرف فين اوضة النوم دى

بس خلاص
سلام
اختك خيخة

خمسة فضفضة said...

السلام عليكم ورحمة الله وبركاته

ماشاء الله

احنا كده هانحتاج ناخد معاد قبل ما نكلمك يا فندم

ياريت ماتنساش تقولنا علي ميعاد الاذاعه قبلها


والف مبروك يا سيدي


سلام

ابو احمد said...

كل سنه وانت طيب
والسنه الجايه تكون محقق كل امنياتك
الواحد سعيد بالشباب اللى زيك بتدونا امل ان بكره هيكون احلى واجمل
تحيات رجل عجوز

Unique said...

مش قولتلك * سوبر خالو * الف مبروك
ويارب دايما من نجاح لنجاح
تحياتي

نهى منير said...

مبروووووووووووووووووووووووووووووك
عقبالنا
بــــــــــــــاى

دكتور بهــدوء said...

مبروك لمروه وعؤبال الجواز
خالو احمد
ايه النشاط ده وتليفزيون وليله
عاوز اطلع اعمل باي باي معاكوا
ماييش دعوه عااااااااااااااااا

nonoymm said...

مبرووووووووووووك
اشمعنى الحرة؟؟؟؟؟؟؟؟؟

غني يابهيه said...

مش اول زياره

وكمان ميلك عندى وميلى عندك

المهم تحياتي

ومبروك التصوير وان شاء الله الفيلم الوثائقى

وبالنسبه لمشروع المدونين .... انا شايفه هاينقل المدونين نقله تانيه بجد
وهايساعد فى الأنتشار أكتر


ارجو التواصل

تحيات بهيه

ذو النون المصري said...

مبروك يا استاذ احمد
نشاطاتك كتيره في اليومين الماضيين
اتمني لك مزيد من التوفيق
و مبروك لمروه و خطيبها و بجد فرحت لهم
تحياتي للجميع

*سمر* said...

مبروك على البرنامج ...
..
ومبروك على كل حاجة ...
وايه كل الحاجات الحلوة دى اللى انت قايلها ..

عامة ربنا يوفقك ...

مدونتك نافذة على عالم المدونين ...لازم بطل عليها كده يوميا :))

إبـراهيم ... معـايــا said...
This comment has been removed by the author.
إبـراهيم ... معـايــا said...

الله عليكي يا صباااغ يا جاااامـــد

حلوة قوووي نشرة الأخبار التدوينية الفظيييعة دي

مممممممممممم
من فتـرة قلت " المجد للتدوين" والحرية والرأي الحر وكده يعني

...........
وفي انتظـــار كـل جديد

sebofy7alo said...

ألف مبروك يا خال وعقبال متعمل محطة بإسمك زي كدة نجيب سويرس
وتبقى إسمها قناة
(خالو أحمد للمدونين العرب)
حصريا على النيل سات بتردد 11568
رأسيا
ههههههههههههههههههه

عاليا حليم said...

خسارة بجد انا معنديش قناة الرحة و الله

ربنا يا احمد و نشوفك كده و لا معتز الدمرداش :))))))

ههههههههههههه

yomna said...

ايه ده كله ايه ده كله...الحرة مرة واحدة... كلها كام يوم و نلاقيك على الجزيرة و السي ان ان

الله يسهلوا يا سيدي

بس بجد بجد مبروك و عقبال العالمية كده

و ميرسي على المتفرقات و يخليك للغلابة