خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

May 1, 2008

انا والمدونين فى جريدة نهضة مصر عن اضراب 4 مايو

الصباغ واسراء عبد الفتاح والمدونين فى حوار عن الاضراب
كان هذا العنوان وإليكم الخبر بالتفصيل
هما اتصلوا بيا وبمجموعة من المدونين ونشطاء الفيس بوك وعملوا ريبورتاج عن رؤيتنا تجاة الاضراب
وبعدين انا رحت مبنى الجريدة امبارح الاربعاء عشان موضوع مدونات مصرية للجيب وتحمسوا للاعلان ودعم الفكرة
بس ما كنتش واخد بالى ان نهضة مصر مملوكة لشركة جود نيوز بتاعة عماد أديب
وواضح اوى من اسلوب صياغة الحوار انهم لهم توجه حكومى واضح
وانهم ضد فكرة الاضرابات بصفة عامة
والحقيقة انا من فترة ما كنتش متحمس اطلاقا لفكرة اضراب 4 مايو
وحسيت انه تكرار غير مبرر وعشوائى لاضراب ابريل
بس اظن دلوقت ان رؤيتى اتغيرت شوية وحاسس انه ممكن يعمل حاجة كويسة
انا شخصيا هيكون اضرابى سلمى هصلى كتير يوم 4 مايو زى ما قالت نوارة وهطفى النور واولع شموع زى ما قال ناس تانية على الفيس بوك


لتحميل نص المقال إضغط هنا

--------------
الإفراج عن سامى الحاج فرحنى زى ما فرح ملايين من العرب والمسلمين لكن احزنى وحسسنى بطعم المرارة الكلام اللى اتقال على الجزيرة من إن المعتقلين فى جوانتانامو بيصابو بالجنون من اللى بيشفوه ، المعتقل ده حقيقى وصمة عار لأمريكا وللمجتمع الدولى كله
إلى لقاء مع الكلام عن مدونات مصرية للجيب

أحمد الصباغ

33 comments:

مصطفى محمد said...

مبروك يا عم
انا حفتح صباح الخير يا مصر ألاقيك تقريبا
:)

somaa mahaba said...

البلد متباعه ومتقسمه يا صباغ خلاص عليه العوض
بس انا شايفه الحل مش اضراب الحل ثوره لكل طوائف الشعب الجيش والشرطه والشعب العادى الحل ثوره تهز مصر والمصريين بس منغير تخريب انا واثقه من ان اللى خرب فى المحله عساكر امنيه والدى بعنه شاف عساكر بيكسروا عربيات الامن ويتنططوا فوقيها فى التحرير...ممسكين سورى شويه بهايم البلد ولا بيفهموا فى البطاطس
....ومش كل شهر حنعمل اضراب الناس دى لازم تمشى خالص وتتامم زى جمال ما امم الخديوى لانهم ميفرقوش عن حاجه
تحياتى ليك سومه_87

خمسة فضفضة said...

السلام عليكم ورحمة الله وبركاته

مبروك يا احمد

هو كل بوست مفاجأ ولا ايه
:-)

فرحت جدا للافراج عن سامي الحاج اكتر مما تتصور
ربنا يتم عليه الشفا لان زي ما بيقولوا صحته متدهوره جدا

ويارب يفك اسر كل الشرفاء في كل الدنيا

سلام

somaa mahaba said...

احمد ابقى اقرا ثوره البارودى ما زالت باقيه حتجد رد على موضوعك كمان ربنا يستر ومنتسحلش على وشنا فى السجون
تحياتى ليك سومه_87

مدحت محمد said...

بالنسبة للاضراب
ان شاء الله هيعمل حاجة كويسة
وانا بعتقد كدة برضه
اما بالنسبة لسامى الحاج
الخبر مفاجئة وانا الحقيقة اول ماسمعته فرحت جدا

آفاق الحرية said...

مدونات للجيب
حلوة ده
ده الواحد يستناها بقي
خلاص انا هبات هنا

بس مبروك علي الريبورتاج ده
مش كل شوية كده يانجم
بالراحة علي الشمس
هتستخبي منك بعد كده
ههههههههههههه
الف مبروك

واحد مش فاهم حاجة said...

نتصدر فى الهايفة

سبنا الدنيا كلها

ومسكنا فى مين اللى قاد ومين اللى اتقاد

مش عارف اية الغريب فى ان الشباب
هما اللى يكونوا ورا دة كلة

مش هما اكتر ناس مخنوقين

Anonymous said...

بصراحة يا
احمد متزعلش من اخوك
رامز بالكلمة اللي هيقولها
بالنسبه للقاء بتاعك فدة شيء اسعدني خصوصا من انه خبر مسبق
اما عن كتره الحديث عن الفيس بوك
فهو امرا لا يهم الكثيرون فكما تعلم اننا لسنا جميعا من المهتمين بيه
انا شايف ان شباب مصر بدل ميعمل اضراب يقدم حاجه حقيقه للبلد
دى
ولا ايه رايك
يعني لو كانت اسراء مثلا استغلت خبراتها
وطلبات الشباب بالاتجاه مثلا لتعمير الصحراء وبناء مساكن اليس كان افضل
من الدعوة لايقاف العمل


العمل هو اساس المسيرة التقدمية
اخي الافضل لنا كفئة مثقفين العمل علي ما يفيدنا
الاتعلم ان خسائر المحلة كثيرة منها توقف الحال لمدة 15 يوم بالكامل بعدد كبير من الشوارع نهيك عن المعتقلين ابرازهم المنير المسؤل الاعلامي لسعد الحسيني عضو مجلس الشعب وكريم البحيري عضو مركز افاق اشتراكية بالمحله التابع لمركز افاق اشتراكية بالقاهرة


اخي الحبيب والله العظيم احنا لازم نعمل حاجه تفيد بلدنا والله
عارف اني ممكن اوصف بالجبن واني شاب غبي
ولكن من يعرف حقه وياخذه بادب خير من انتظار دعم البلطجية والغوغائيين
اخي نتمي لك مزيد من التقدم والنجاح وتسعدني اخبارك
ولكن متي نتعاون لانجاز ما هو جميل لبلدنا

وانا طبعا لا اتفق مع الانسة سومة-87 فيما قالته عن ثورة

فلي سؤال هام يا سومة من الاصلح لتولي مقاليد
الامور لا احد صدقيني وتابعي تحقيق جريدة الموجز ملف شامل
الجميع من مثقفين ومناضلين ومعارضه وشباب يقولون نحتاج لتغير وهو ليس لديهم البديل
عفوا نحتاج لتعاون علي الانجاز
وبالنسبه لسامي الحاج ربنا يفرحه اكتر واكتر

اعتقد ان خبر اصلاق سراح المعتقلين كلهم كان هيبقاله صدى
عموما فرح ابناء سامي وزوجته هو الاهم فقد عاد رجل البيت
وكفي
انا اسف علي التطويل والمط ولكنني اردت
انا اقول لكم انني اخا ولست عدوا وشكر
رامز

صاحب المضيفة said...

ألف مبروك على خروج الحاج من المعتقل

ربنا يشفيه ويعافيه يارب


والى الأمام والمزيد من التقدم ليك يا خال

دمت بود

احمد ابوالعلا said...

تضامنا مع حركة كفاية اقدم شعارات مصورة للنشر على المدونات لمن يرغب
http://7arfwaw.blogspot.com/

نوره الخشن said...

مش هعلق عندك
عشان انازعلانة

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

ابراهيم said...

اولا ونجيب من الاخر
سامي الحاج نقطة سوداء في ثوب اسود لنظام اسود يغسلة الادة العب كل صباح
ثانيا _ اتمني بدلا من مدونة لكل مصري دماغ جديدة لكل مصري عشان متبقاش كلام وبس
الثالث_ انا عاوزك تكون خالي وتتبانني اتبناني ياخال
اخيرا ادعوك لزيارة مدونتي واتمني التوااصل الدائم بيننا

عاشقه الفردوس said...

مبروك ليك

ومبروك لسامي الحاج وعقبال كل المسجونين وربنا ع الظلمه ويرورينا فيهم يوم

ط سامي الحاج الناس كلها كانت بتدعمه
اومال الناس اللي مسجونه فيه ومالهاش حد او حتي منعرفش اسمهم يعملو ايه

حسبنا الله ونعم الوكيل

A.SAMIR said...

وتستمر انشطة احمد الصباغ القوية
الى الامام يا نجم
تحياتي

نوره الخشن said...

ممممممم
جايلي فالمدونة تقولي اتفلئي يعني اوكيه الرسالة وصلت يانجم

Anonymous said...

نوره الخشن
بطلي قمص بقا احنا مدونين ولازم منزعلش من بعض
وبعدين بلاش الرساله وصلت يا نجم لانك عارفه قد ايه احمد بيعمالنا حلو
وهو خالك قبل ما يبقي خالي
كونه مشغول جدا فده نعمه من ربنا وشيء كويس وبكرة نشوفك مذيعه قد الدنيا يلا بقا
بلا زعل بلا زعلانه

Anonymous said...

نوره الخشن
بطلي قمص بقا احنا مدونين ولازم منزعلش من بعض
وبعدين بلاش الرساله وصلت يا نجم لانك عارفه قد ايه احمد بيعمالنا حلو
وهو خالك قبل ما يبقي خالي
كونه مشغول جدا فده نعمه من ربنا وشيء كويس وبكرة نشوفك مذيعه قد الدنيا يلا بقا
بلا زعل بلا زعلانه

Abo 7anf said...

السلام عليكم
امبارح الحره
وانهارده نهضه مصر
الف مبروك
وهنشوف الاضراب هيحصل فيه ايه

شهيدة said...

اهميه الاضراب القادم هو التأكيد على عدم ركوننا بل مطالبتنا المستمره بحقنا

لكن يارب ينجح .. يا رب بجد لان بعض الناس لاتزال بعض فيوزاتها متركبه على رغيف العيش بس .. مجرد ال 30% الزياده على المرتبات فكده كفايه اوي واحنا كويسين ومش مهم الباقي ..


مستبشره خير وارجو الله ان يكلل خطواتنا بالنجاح ..

على الهامش
الامن طبعا اكتظت به الشوارع وشباب الجامعه في المواصلات بستحلفوا للامن على بكره .. "هنوريكوا يعني" .. هزار ده ولا جد الله اعلم ..

شهيدة said...

نسيت اقول مبارك ودائما في ارتقاء وعطاء ..


عن سامي الحاج .. عندي تعليق هامشي شويه لو كان عند مصر تفتكروا كان هيزوره الريس ولا هيتعمله ملف في امن الدوله :)

سهر الليالى said...

مبروك يا أحمد ويارب دايما من نجاح إلى نجاح

وربنا يشفى ويعافى سامى الحاج طبعا ويعافى اى حد من اى كرب يارب

أما عن الإضراب يا أحمد فبصراحه أنا مش مع إضرابات اليويمن دول لان مهما كانت نتايجها إلا أنى شايفه أننا بنضرب فى نفسنا ومحدش بيتضر غيرنا
لكن حكاية إضرابك السلمى دى أحسن كتير طبعا يمكن دى أضعف الإيمان صحيح بس على الأقل دلوقتى أحسن

وأنا مع أى فكرة تكون هتجيبنا قدام مش اننا نرجع لورا ونخرب

تحياتى يا جميل وألف مبرووك

حزلووووقه said...

مبرووووووووووووووووك ياخالو

حزلووووقه said...

لحقت تروح لحزلووووقه بسرعه كده

:)))

la3lahakhier said...

تفتكر احنا حنتحاسب عشان هوجنا عشان رغيف عيش وسايبن الناس تتجنن فى جواتيناموا

بت خيخة وأى كلام said...

ازيك يا ابو حميييييييييد
ياااااااااااااااه
انا حاسة ان بقالى كتير منقطعة عن العالم
جيت مدونتك اكتشفت حاجات كتير جدا حصلت وانا مش واخدة بالى

احنا عايزين المرة الجاية الجرايد تستضيفك علشان
تعمل معاك حوار شخصى
مش حوار عن حد تانى او حاجة تانية
عايزين نسبر اغوار داخلياتك
معرفش ايه نسبر اغوار دى
بس هى حاجة متعلقة بالشخصية الكامنة المتخفية داخل كل واحد فينا

امممممممممممممممم
كنت عايزة اقول حاجة تانية بس مش فاكرة
لما افتكر هابقى ارجع اقولها
يلا سلام
اختك خيخة

sebofy7alo said...

ماشية معاك حلاوة , انا مش بحسد ولا حاجة, جاتنا نيلا في حظنا
هههههههههههههههههه

عاشقه الفردوس said...

هو ايه اللي حصل النهارده

انا مش سامعه حاجه يعني

ولا هي كانت اضغاث احلام
:((

عاشقه الفردوس said...

لو تعرف معلومات او ان حتي محصلش حاجه قولنا

خلاص بقينا نعتمد عليك في الاخبار الجديده
:))

هيثم الدهشان said...

خالو مبروك ايه الحكاية الحرة وبعدين نهضة مصر ربنا يوفقك

هايلة تغطياتك دوما

تحياتى

Sherif said...

العزيز الصباغ

دعوت لك فى الكعبة بأن يصلح الله حالك ويرزقك من أوسع الأبواب ويحفظك من ل شرّ

اللهم تقبل دعاء

بنوته مصرية said...

انا مش هجيب الجريد بقي اوفر تمنها واخد الاخبار الجديده منك

بجد ممتاز يا احمد ربنا يوفقك يارفع راس المداونين

تحياتي يا خالو

Gannah said...

اول مرة ليا هنا و الحقيقة عجبنى جدا البوست اللى عملته احتفالا بمرور سنة على المدونة و يا ريت تسمحلى اعلق عليه لانه فعلا بيوصف حالة بيمر بيها اى حد من المدونين وبالرغم انى جديدة فى الموضوع الا انى حسيت ان التدوين فعلا بدأ يغير كتير فى حياتى و حسيت انى اكتشفته متأخر بس ملحوقة
تمنياتى بالمزيد من النجاح

بت خيخة وأى كلام said...

فين الجديد
عايزين حاجة من ابداعاتك بقى
مش مجرد عرض احداث

سلام
اختك خيخة