خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 7, 2007

!!كلام العيال البلوووجرية



أصدقائى وأحبابى الاعزاء


انا بدأت التدوين فى مارس 2007


ومنذ هذا التاريخ انضميت لعالم المدونين الكبير

والحقيقة ان المجتمع البلوجرى قد أطلق لأول مرة عام 1999

الا انه لم يتخذ شكلة الحالى الا عام 2003

ثم شهد عام 2006 الصورة الحالية للتدوين

وبدأت ثورة كبرى .. هى الثورة التدوينية

واذا كان هناك عصر القنبلة الذرية وعصر السماوات المفتوحة

فأنا شخصيا أسمى هذا العصر .. عصر التدوين

و يوم بعد يوم

بدأت تتضح ملامح المجتمع التدوينى

وتتراص أفراد الأسرة التدوينية

وبدأ هذا المجتمع فى الترابط والتماسك والتواصل

بقينا نهنى بعض فى اعياد الميلاد

وفى الأفراح والمناسبات

ونعزى بعض فى حالات الوفاه

بدأنا نفهم بعض

ونتعرف على بعض اكتر

بجد يا جماعة المجتمع التدوينى ده صار مجتمع عظيم

لا يقل ابدا عن مجتمعات اخرى زى الصحافة والاعلام او الجامعات

اصبحنا أبنا ء كار واحد

اتضحت ملامحنا لبعض

تعارفنا على أفراد الأسرة التدوينية

عرفنا ان فلان عصبى وبراوى
وشايف النص الفاضى من الكوباية

وساخط على الاحوال السيئة الموجودة فى بلادنا العربية

وعلان هادى ومتكيف ومبسوط اوى وحاطط ايده فى ميه باردة وشايف النص المليان من الكوباية

وتبتان متدين وهمة الشاغل هى القضايا اللى بتمس دينة

وفلانة بيتوتية اوى ورومانسية وبتحب كل الناس وبتكتب من قلبها

وعلانة وطنية ومتحمسة للبلد

وهكذا

وانا شخصيا بدأت اعرف مجموعة كبيرة من الاصدقاء المدونين

اللى كلهم ..فعلا.. ينطبق عليهم قول

رب أخ لك لم تلده أمك

ولقيت فيهم وفى كتابتهم وتعليقاتهم

وجبات روحية يومية

!تشبع الروح الصحفية الكامنة فى معاميقى

و تملى الحياه الرتيبة الكئيبة الجافة

لقيت فيهم المرح والجدية والحماس والسخط والعمق والطفولة والحب والاخلاق النبيلة

واظن كلنا حسينا بنفس الشعور

أظن فعلا احنا بقينا أبناء كار واحد

زى النجارين والصحافين والمهندسين والدكاترة

لما تقول لدكتور .. تعرف الدكتور فلان ؟

يقولك آه مش اللى فاتح على أول الشارع اللى جنبنا

ده باطنى شاطر وكشفة بكذا وعنده ولد فى كلية كذا واخوة اسمة كذا وأمة أصلا كانت داية

وبيعمل عمليات فى مستشفى كذا

اهو انا بقيت كدة

لما تسألنى عن مدون

أقولك اه ده صاحب مدونة كذا وفى كلية كذا وغاوى ندوات او بيحب الرسم أو الشعر و كان عامل معرض فى الحتة الفولانية عشان حكالنا مرة عن المعرض ده

ويوم بعد يوم

المجتمع التدوينى بيكبر

وبنرتبط ببعض اكتر وبنفهم بعض اكتر

صحيح فى تكتلات تدوينية

لان تقريبا فى حوالى 20000 مدونة مصرية

واكيد مفيش حد قدر يزور ويحصر كل المدونات

فحصلت بعض تكتلات

ساعات ادخل مدونة جديدة الاقيها جميلة اوى عسولة خالص رغم انى عمرى ما زرتها

والاقى فيها لينكات وتعليقات من ناس ما اعرفهمش خالص

وابص الاقى الجروب ده اصحاب وانا معرفهمش وهما ما يعروفنيش

لكن اظن انا بقى ليا جروب تدوينى

سعيد وفخور انهم اصدقائى

وانا انهاردة فكرت انى اكتب عنهم

اكتب كل اسبوع بوست صغنون عن مدونة

وتبقى فقرة ثابتة بعنوان مدونة الأسبوع

وكمان انا هحط فى السايد بار بتاعى أهم أفراد الشلة الصباغية

اللى بحب ازورهم دايما وهما كمان بيجو عندى دايما

ومخلصين الشاى والأكل أول باول

وهما عارفين نفسهم واحد واحد

اصدقائى الاعزاء

ان التدوين خلق مساحة جديدة وواسعة للحرية الفكرية

وهو أعجوبة هذا العصر

ونقطة تلاقى وصداقة لكافة الشعوب والمستويات الفكرية والشعبية

تفتكروا بعد عشر سنين

هيكون التدوين وصل لفييين ؟؟




أجمل أقــــوال المدونين

يتبقى بقى انى اقول.. انى كنت بجمع أطرف أقوال المدونين اللى كانت بتعجبنى وتستوقفنى
وهديكو منها جزء فى الوريد

كلمة عبقرية هي من حرفين ... ولكنها أبلغ من ألف مقال... طظ
أشرف حمدى
من مدونة كاريكاطظ


إلى من رافقنى ويعلم سرى .. يعلم متى بكيت ..ومتى رن الفرح فى قلبى ..سمعنى ألتهج محتضرا ..ورأنى ولم يفرح لموتى ..وسحبنى من وحدتى العميقة لأعيش بينه وبين والورق إليك يا.... قلمى
طارق هلال
Arabic ID من مدونة


بحب الرسم وبحب أرسم أحلامي حتى لو كانت بـ......الرصااااااص
هايدى حسين
من مدونة إرسم بالرصاص


لا تجعل سفالة الاخرين تكشف عن سفالتك
نوران الشاملى
من مدونة بت خيخة وأى كلام


ممكن اكون عاقلة..ممكن اكون مجنونة..لكن الاكيد ان لسة قلبى حى
من مدونة شـــــهــــروزة


من الممكن أن يكون عمر مدوناتنا أطول من أعمارنا..أكتبوا شيء فى ميزان حسناتكم فربما تكون صدقة جارية
شريف عبد الهادى
من مدونة فبركــة


كون اللغة وعاء الفكر وكوني أنطق بلسان عربي غير مبين ، كوني مصري المولد والتاريخ والجذور، حيث أنطق الذال زاياً،وحيث أنطق الثاء سيناً، حيث ذلك كذلك، فإني أستميحكم عذراً إذا جاء الفكر مشوشا تارة، مشوها تارة، معتوها أحيانا، متعقلا أحياناً. بين بين أحايين أخرى _أنا عقل الفكر محبوس بين الجدارن
أسامة يس
من مدونة وميض


لا يهمني اسمك .. لا يهمني عنوانك .. لا يهمني لونك .. ولابلادك .. يهمني الإنسان
أحمد على
مدونة يوميات عيل مصرى


دايما الدنيا فى الأحلام بتبقى أحلى عشان كدة أنا هنا وكأنى فى حلم يعنى هنا هحلم على راحتى
أمـــــــيرة
من مدونة سهر الليالى


هو أنا مش أديب ولا حتي كاتب وأكيد طبعا مش شاعر....... انا أصلا ما بعرفش أكتب من الأساس بس انا بحاول اقول حاجة في قلبي وخلاص
كريم محمد
من مدونة الأصيل


ياخوفى لكون برغوتة نايمة على فروة كلب و بتحلم انها انسان
أحمد عاشور
من مدونة عاشوريات


انا شااااب خجووول جدا من ناحيه البنات وبخاف وبترعب منهم علشان هم دماغهم لاسعه احيانا وبخااااف علي كرامتي جدا وعلي اصحابي جداا جداا وغيور علي اي حد علي اختي وعلي امي وعلي ابويا وعلي اصحابي وعلي حتي زمايلي ليه ماعرفش
مصطفى محمود
من مدونة حواديت وحكاوى


دكتور لأني طبيب ان شاء اللهوحر لأني أعشق الحريه وأحبها وأكره القيد والظلم والحبس والذل وكل ما ما يجعل نفسي وروحي أسيرة لغير الله
محمد أبو زيد
مدونة دكتور حر



أغــرب المدونات

من المدونات اللى مريت عليها اللى ليها أفكار غريبة


جمال واحد وخمسين
ولعل مدونة جمال 51 من المدونات الغريبة التى مررت عليها
وجمال طه هو رجل مصرى عاش فى السعودية 13 سنة ويبدو انه ثمة مشكلة حدثت بينه وبين احد المواطنين السعودين تسببت فى فقدة لعملة أو اموالة فأنشأ هذة المدونة وخصصها لتوجيه الويل والوعيد لملوك السعودية السابق والحالى

أنا حرامى
تم إنشاءها لمواجهة مؤتمر أنا..بوليس
وقال صاحبها : لاني ضدهم مدام ... هما أنا بوليس يبقي أنا
حرامى



من أجمل التصميمات

ومن تصميمات المدونات اللى عجبتنى
قهوة زيارة
البيرونى



مسمياتى فى المدونات

الشائع عندما يود أحد الاصدقاء الاشارة الى مدونتى فإنه يستخدم اسم خالو أحمد .. أو أحمد الصباغ ..الــخ
ومن أطرف التسميات اللى أطلقها مدونين على مدونتى

أحمد الصباغ الشهير بخالو بس خالو هوه مش خالى انا ...
مدونة مخطوبة

!!!الخال ....
مدونة بلا اسم

الصباغ...أو كذا يبدو ....
مدونة يوسفيات

وأخيرا وقبل ما أختم البوست والناس تبدأ تحدف البيض والأوطة

أحب أهنئ الدكتور أيمن نور فى سجنة بيوم ميلادة

5 ديسمـبر

وكلنا منتظرين اليوم اللى نحتفل بميلادة وهو فى وسطنا

ولكل ظلم نهاية

وانتظروا المزيد من كلام العيال البلوجرية قريبا


أحمد الصباغ

86 comments:

عصفور المدينة said...

جميل يا أحمد وروحك حلوة جدا بارك الله
فيك وانا حسيت ان البوست كان سريع يعني مش حسيت انه طويل
بس عبر عن روح الأرة اللي احنا كلنا بنحسه بشكل جميل

walaa said...

كلام جميل قوى اللى احنا نحس اللى احنا مجتمع واحد وروح واحده

walaa said...

انا دخلت مدونة داليا عز قبل كده فى بوست اسمه بوست قليل الادب الله يرحمها ويسكنها فسيح جناته

مهندس مصري said...

و إحنا كلنا فخورين بصداقتك يا أحمد
ربنا يخلينا لبعض و ما يقطعش بينا المودة و نتقابل و نجتمع على خير دايماً ان شاء الله

سهر الليالى said...

الله يا خالو أحمد
كلامك جميل جدا وواضح انو طالع من قلب جميل

فعلا أنا كمان حسيت انو عالم وعالم جميل كمان ومبسوطة اوى انى دخلتو بجد وانى قابلت فيه ناس جميلة زيك
وعايزة اقولك انو ساعدنى كتير اوى فى حياتى

وبقترح بقى بناءا على كلامك اننا نعمل نقابه للمدونين ونادى كمان وكارنيهات بقى ونعمل رحلات وندوات ونهيص
هههههه

تسلم ايديك يا صباغ
تحياتى

سهر الليالى said...

اه نسيت اقولك كمان
ميرسى

السيد شبل said...

والله يا بنى حسستنا اننا عيله فعلا...
شوية شوية هناخد منك العيديه .. والله

قشطه يا صباغ جميله الفكرة على فكرة
وكل سنه والبلوجرية وعيالهم اللى هيخلفوهم ملمومين ومتجمعين

بس يارب مش ف المعتقل

سلامى لكل البلوجرية

مـحـمـد مـفـيـد said...

أحييك علي سطورك الجميله
وبجد عالم التدوين عالم رائع
لكل من يريد ان يستفيد بحق

عاشقه الفردوس said...

حضرتك فعلا انسان محترم وطيب وجزاك الله خيرا
فعلا اللى حضرتك عملته وفكرت فيه ده مهم فعلا وهيقرب الناس من بعضها

اختياراتك كمان موفقه
مستنيين جديدك دائما

دكتور حر said...

ايه الجمال ده يا عم احمد

بجد
بجد
الله ينور

أحسنت التعبير عما يدور في عقول وصدور كثير منا
ممن فعلا عاشوا في في جو المدونات الراقي

والمشكله فقط هي أن الواحد فعلا بقى يغلب على ما يكتب جديد لأن بيلاقي كتير حاملين أفكاره وبيسبقوه بيها

تحياتي للتدوينه الجميله
ودمت بكل خير

AbdElRaHmaN Ayyash said...

جميل اوي يا استاذ احمد البوست
اول مرة اعرف عن المدونة بتاعتك انا كمان :)
على كل حال مدونتك رائعة
و البوست جميل اوي فعلا
و المعلومات اللي فيه انا متفق معاها
يعني موضوع ان الاخوة ( التدوينية ) بقت شيء اساسي عندنا !
وحاجات تانية كتير
احييك يا فندم
سلام

AbdElRaHmaN Ayyash said...

اه بخصوص داليا عز
:) مش عارف ليه حاسس انها (اشتغالة) بايخة اوي اوي
بس انا بقول تاني هنا زي ما قلت هناك
ربنا يرحمها حية او ميته

اسكندراني اوي said...

عارف يا خالو
انا ليا في عالم التدوين حوالي 7 شهور دلوقتي
بجد حسيت ان العالم ده فريد من نوعه
بتقابل في نوعيات واشكال والوان من البشر

بجد البوست ده قال حاجات كتير اوي من اللي اغلب البلوجريه عاوزين يقولوها

جميل يا خالو ربنا معاك
ونشوفك بتدون كمان ميت سنه قدام

تحياتي يا خال

ابن عمر said...

التدوين
ساحة للسباق
وابراز
المواهب
للتواصل الجميل
والعمل من اجل رفعة هذه الأمة

بس كان نفسى اجدنى بين سطور هذا
البوست ولكن
هكذا القمر

semsem said...

ازيك يا خال
والله جميل قوى الموضوع ده

وملاحظاتك ممتازة عن المدونات

هى التدوينه طويله شويا بس ممتعه وعجبتنى

تحياتى ليك

رئيس جمهورية كمورا مورا said...
This comment has been removed by the author.
رئيس جمهورية كمورا مورا said...

تصدق مع انى اول مرة ادخل مدونه
دنا معرفش اساسا يعنى ايه مودنة يعنى انا عملت المدونة بتاعتى
كدة بالصدفه الباحته
فى الاول كنت فاكر ان الموضوع كله
انك تكتب كلمتين ويجى واحد يرد عليك وقفل الموضوع على كدة
وروح استغطى ونام
بس لما قريت موضوعك
حسيت ان المدونة مش انك تكتب موضوع وواحد ييجى يرد عليك وخلاص
زى المنتديات
وعلى السيرة المنتديات
الاول لما كان واحد يسئلنى ايه المدونه دى
كنت بقلوه شبه المنتدى او تقدر تقول مينى منتدى
طبعا ساعتها كنت عايز اعمل فيها الولا المفتح والى يعرف امتى الرز لمات يستوى يقول للخيار يالوبيا
المهم
لما قريت موضوعك دلوقتى حسيت ان المووضع اكبر من كدة
وان المدونه تقريبا عمله زى العين وانها بتعرف الناس بيك وبشخصيتك والى على اساسها ممكن انك تكون صداقات زى منتا قولت
وتبقوا شله
وبعدين تكبروا شويه وتعمله جماعه غير الى بالى بالك
وبعدين تكبروا شويتين وتعلموا حزب المدونين
وبعدين بعد كام قرن كدة تكبروا وتبقوا جمهوريه
وتنفسوا كمورا مورا

قولوا اميييييييييييييييييين

شكرا ياعم الحج على الموضوع
بجد ميه ميه
الله ينور عليك

osama said...

أولا احب اهنئك على هذا المقال الرائع .. واشكرك على ان لفت انتباهك واعجبتك سطوري ...

موضوعك ممتمع من اوله الى آخره ... ويدل على عين ثابقه تنظر في الأمور بتمعن ...

والبوست زود حماسة الواحد انه يندمج اكثر مع المدونات ويقترب من عالم التدوين بصورة اكثر عمقاً.. فهناك من يعزف معنا على نفس الوتر...

دمت بكل ود..
خالص تحياتي..

real love said...

جميلة الفكرة وهايتابعك يا أحمد
.................
ريال لف

3ala asm masr said...

فكرة البوست حلوه اوى يا احمد
أنك تفكر تتكلم عن كل مدونه زرتها
فى كل بوستاتك بتبان روحك الحلوه
انت شخص محبوب يا احمد وكل العيال البلوجريه عاجبهم دماغك وبوستاتك
تحياتى يا باشا

فزلوكة said...

طبعا مش أول مرة أدخل المدونة
لكن يمكن أول مرة أعلق
ليه؟؟؟؟؟؟؟؟؟؟؟؟
لإنى لقيت كلامك بيعبر أوى عن إللى أنا حاساه ناحية التدوين
لإنه بعد فترة قصيرة مش مجرد بتكون المدونة مساحة تشرح فيها نفسك وأخبارك لأ دى أحلى حاجة فيها بجد بجد التواصل
كنت لسه بقول لواحدة صحبتى تخيلى إنك تتواصلى مع حد وتعرفى دماغه قبل شكله
على عكس الدنيا كلها
عبرت ... فأبدعت
وسلالالالام
زهراء

ارسم بالرصاص said...

استاذ أحمد الصباغ .. السلام عليكم ورحمة الله وبركاته ..

مسا الخيرات عليك وعلى جميع البلوجريية .. جميلة أوي روحك الحلوة وجميل البوست .. ياأبو الافكار .. تعرف انك أول بلوجري زارني .. وتعرف انو فرحت جدا جدا بأول كومنت منك ..

وبصراحة مازلت بفرح جدا لما ألقى منك كومنت تسأل عن اخباري .. والله ياأستاذ أحمد بالفعل كل المدونات اللي حطيتها لناس محترمين وبيكتبو بشكل رائع وهادف ..

أنا بالفعل فخورة بصداقتي لمدونتك ولمدونات كتير جدا ذكرتهم هنا ..

وعلى فكرة في بوست جديد عندي ح انزله اهداء ليك .. واستكمالا لموضوع انت كنت حطيته .. من فضلك زوره .. وتحياتي ليك .. هايدي

shayma said...

انا كمان بدات تدوين مارس 2007
ههههههههههه

حلو البوست جدااااا
اد ايه التدوين غير فى حياتنا كتير انا عن نفسى متاكده من ده
وفعلا على رايك هو عالم كبير متغلغل بس مترابط وعجبتنى كلمه الاسرة التدوينيه جداا
الكلمه بس فيها من الترابط والتواصل الكثير
عاجبنى البوست جدا وسعيده بمعرفتك
سلااام

هبههههووب said...

حلوة اوى فكرة انك تكتب ولو جمله وا كلمه بسيطه من المدونات الى عجبتك
---
والفكرة استهوتنى انى اعملها عندى بعه اذن سيادتكم
---
هايله اوى ..لانها ممكن تلخص خلاصه فكر واراء الناس وفيها ما قل ودل بدون ما نقعد نقرأ البوست كامل وخصوصا لو كان طويل
---
ياريت تعملها كتير وتكتب كل فترة بوست عن الموضوع دا
وانا بإذن الله بشوف مدونتك على طول
الى الامام

لحظة تأمل said...

السلام عليكم
بجد كلامك جميل والاجمل انه شجعنى اكتب تانى
لانى انضميت جديد للمدونات بس ساعات مش بتلاقى روحك عاوزة تتكلم او حتى تسجل تاملاتها

لكن كلامك خلانى احس ان العالم اللى انضميتله مؤخرا جميييييييييل قوى

وانى لازم اكتب اكون فعلا منكم

تحياتى

الدائخ said...

إزيك يا عم أحمد
و الله منورنا
بقالنا كتير مشفناكشي عندنا في البلوء

علي كل واضح إن لسه عندك اللبس - بفتح اللام - القديم عن إني أنا لوحدي اللي باكتب في المدونة

http://tahyeesa.blogspot.com/2007/12/blog-post_03.html

اقرا البيان ده
و أكون شاكر لو سبت توقيعك

مشمش said...

حلو اوي اوي البوست دة وخلاني احس ان الي بنعملة دة لية قيمة ومعني مش كلام بيتكب وخلاص وان فية ناس فعلا يهمهم رايك ويسعدهم تعليقك وخلاني كمان احس ان ليا اصحاب واني اعرفهم كويس ربنا يكرمك بجد جميل اوي اوي

بت خيخة وأى كلام said...

هييييييييييييييييييييييه
هيييييييييييييييييييييييه
انا اسمى مكتوب
انا اسمى مكتوب
انا اسمى مكتوب

شكرا يا احمد اوى
مش عارفة اقولك ايه والله

بس عارف انا لو ماكنتش لقيت اسمى كنت عملت فيك ايه

ده انا كنت هاعمل عمايل

بس الحمد لله لقيت اسمى

شكرا جدا يا صباغ
اختك خيخة

MKSARAT SAYED SAAD said...

بجد يا احمد جميل احساس وصلنا كلنا لية من غير ما نقصد الواحد فعلا بقى لية اصدقاء بيشاركوة الفكر بيقولو رايهم فبعض وفي كتابات بعض هدف كل واحد فيهم يخلي مدونة التانى تبقى احلى انا عن نفسي استفدت حاجات كتير من عالم التدوين ومن اهمها تعرفى عليك ومستنى كتابتك عن المدونات زي ما قلت
تحياتي ومودتى

يوميات عيل مصري said...

سامحني بجد سامحني
عمال أروح أخبط المدونيات التانية بالعشر تعليقات رغم الانشغال
بس بجد بجد، مكسوف منك
تدوينة جديدة وتحفة وكلها حميمية
بالماسبة حميمية دي مش كلمة أبيحة
يعني كلها نبل وعواظف حلوة كده
وجدع بن أصول لامم أهله وعمال يتكلم عليهم
تسلم لأهلك وتعيش يا صباغ يا جدع

Dr. Diaa Elnaggar said...

العزيز احمد

ومع ذلك، فإن مجمتع التدوين جزء من المجمتع المصري ديكتاتوري التركيب، سواء على مستوى الأفراد أو الجماعات أو القيادة السياسية.

عندما تختلف مع بعض المدونين، فماذا يفعلون؟

كثير منهم يتطاول على شخصك والبعض الآخر يصادر حريتك في اعلان رأيك إما بتجاهله وعدم الرد عليه، ودا يبقى كمان مدون محترم، أو ان يحذف التعليق بتاعك لمجرد أنك مختلف معه في الرأي.

ومع إني أرى بشكل مبدئي ان وضع خاصية اظهار التعليق بعد موافقة صاحب المدونة ضد مبادئ الديمقراطية التي ينادي بها كثير من المدونين على صفحات تدويناتهم ، ولكن هذا هوالنفاق المصري يا عزيزي، وسؤالي البسيط هو:

لو امتلك واحد من المدونين ما لدى الرئيس مبارك من صلاحيات وسلطات، يا ترى كان عمل في المخالف له في الرأي ايه؟ كان دبحه اكيد! إذا كان مش مستحمل شوية نقد ويقوم حاذف التعليق أو متجاهل الرد عليه، فما بالك بما كان سيفعله بالمخالف له في الرأي؟

إنه نفاق ما بعده نفاق

انا شخصيا قابلني ده يمكن في عمري القصير في التدوين خمس او ست مرات

وبل وصل الامر أحيانا ان بعضهم شمت في مرضي الذي قرأوه على صفحات مدونتي!!!!!!!!

وأخرى تحذف تعليقى لأني كتبت فيه أنها ناقلة ما يزيد عن نصف تدوينتها من مصدر ما دون الإشارة إليه وذكرت اسم المصدر في تعليقي، فما كان منها إلا انها حذفت التعليق

وبعدين الاخت دي تكتب في المدونة عندها

أنا أدون من اجل حقوق الإنسان !!!!!!!!!!!!!!!!!!!!!

منتهى النفاق والضحك على النفس

والحقوق الفكرية التي سطت عليها

اليست من حقوق الإنسان ؟؟؟؟؟؟؟؟؟

وبعدين تكتب ليك تدوينة طويلة عريضة عن ظلم السلطان للرعية !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

هذا للأسف الجانب المظلم من عالم التدوين والذي يجعلني أعتقد حقيقة أن حتى النخبة المثقفة عندنا والممتمثلة بعضها في المدونين غير جادين حقيقة في الديمقراطية وغير ناضجين لتحمل أعباءها بعد.

عميق تحياتي

ضياء

مهندس مصري said...

ليك تاج عندي يا أحمد تعال خده و إستلقى وعدك
:)
:D

غمض عينيك said...

خالو احمد
جميل والله ياحمد في كلامك ده
تسلم ايدك
الواحد فعلا بقا بيحس بارتباط شديد بمجمع البلوجرية وبقى جزء مهم من حياتنا
فكرتك بردو رائعة...انا كنت فكرت في حاجة زي كده من فترة وبعدين تراجعت بصراحة
المدونات كتير اوي وكل واحده ليها لمسه ولون وفيها حاجة تخليك مرتبط بيها
دي جريئة دي محافظة جي فكاهية دي سياسية وهكذا
بصراحة التفكير دا اتحرف عندي لفكرة تانيه هطبقها قريب ان شاء الله بس على صورة اصغر

ع العموم تسلم ايدك ع الكلام الحلو دا منك ياخالو


واعذرني ان كنت غبت عنك فترة

سلام

Cognition-sense said...

حلوة قوي الفكرة اللي إنت بتشتغل عليها دي

أنا بهنيك على روحك الحلوة

only spot said...

فعلا جميل اننا نحس اننا مجتمع واحد وليه افكار قد نتفق او نختلف معها بس الاهم اننا بنحترم بعض
بجد تحياتى لفكرة البوست

لولا said...

فكرة جميلة اوي يا احمد

مدونة الاسبوع
يلا شد حيلك وربنا يوفقك
و
يديم المحبة بين المدونين

Ahmed Al-Sabbagh said...

عصفور المدينة

ربنا يكرمك احسن انا كنت قلقان ان يكون البوست طويل
ربنا يطمنك

Ahmed Al-Sabbagh said...

walaa

ربنا يكرمك
واقرى الفاتحة لداليا

Ahmed Al-Sabbagh said...

مهندس مصري

يارب امين
وانا والله بعتز بمعرفتك كتيييييييييير

Ahmed Al-Sabbagh said...

سهر الليالى

شكرا على الكلام الجميل يا ميرو
وبخصوص فكرة النقابة فكرة حلوة
يلا نلم بقى ايديك على اتنين جنيه
انتى عارفة طبعى المادى

:)

Ahmed Al-Sabbagh said...

السيد شبل

لالالا ان شاء الله مش فى المعتقل

الا لو اتحولت البلد الى معتقل كبير

Ahmed Al-Sabbagh said...

مـحـمـد مـفـيـد

أشكرك على الزيارة والكلمات الجميلة

Ahmed Al-Sabbagh said...

عاشقه الفردوس

ربنا يكرمك ده كتير عليا

وقريبا ان شاء الله

Ahmed Al-Sabbagh said...

دكتور حر

اى خدمة يا دكتور انا بس دايما نفسى اشوفك مبسوط وفرحان

وربنا ما يحرمنا منك ابدا

Ahmed Al-Sabbagh said...

AbdElRaHmaN Ayyash

طبعا يا افندم
ومرحبا بيك فى القبيلة التدوينية الصباغية

:)

Ahmed Al-Sabbagh said...

AbdElRaHmaN Ayyash

سورى بخصوص داليا عز انا ما اظنش لانها كانت من المدونين الجامدين اللى ليهم فكر وما اعتقدش فى موضوع الاشتغالة ده

Ahmed Al-Sabbagh said...

اسكندراني اوي

يعنى عمرك التدوينى سبع شهور

كان نفسى تجاوب على السؤال

التدوين بعد عشر سنين هيبقى شكلة ايه

Ahmed Al-Sabbagh said...

ابن عمر

أكيد انت موجود بين السطور

لانك من الناس اللى بحبهم

:)

Ahmed Al-Sabbagh said...

semsem

معلش على الطول وشكرا انك كملتها للاخر

بس كان نفسى تجاوب على السؤال التدوين بعد عشر سنين هيبقى شكلة ايه

Ahmed Al-Sabbagh said...

رئيس جمهورية كمورا مورا

هههههههههه

بجد انا حاسس ان تعليقك ده اجمل من البوست نفسة

دمك خفيف اوى واسلوبك حلو

Ahmed Al-Sabbagh said...

osama

اشكرك يا اسامة ده كلام كتير عليا

Ahmed Al-Sabbagh said...

real love

ماشى يا ستى وانا هجهز الشاى والحاجة الساقعة

:)

Ahmed Al-Sabbagh said...

3ala asm masr

يا هنوود ده انتى ست العيال البلوجرية

وكلهم بيحبوكى اوى بردو

Ahmed Al-Sabbagh said...

فزلوكة

شكرا يا زهراء على زياراتك
وبنا ما يحرمنا من تعليقاتك

Ahmed Al-Sabbagh said...

ارسم بالرصاص

عزيزتى هايدى انا رحت شوفت الموضوع وبعلق

ده موضوع فظيع بجد

انا حسيت ان عقلى شت

بس فعلا انا مش مصدق انى اول كومنت عندك

ده شرف كبير ليا

Ahmed Al-Sabbagh said...

shayma

يعنى احنا دفعة واحدة

طب حلو اوى

انا بردة حاسس ان التدوين غير كتير اوى عندى

Ahmed Al-Sabbagh said...

هبههههووب

ايوة ان شاء الله فى أجزاء اخرى

Ahmed Al-Sabbagh said...

لحظة تأمل

لا يا مى ما تتوقفيش عن التدوين

ده اللى ما يدونش يا كتر همة

Ahmed Al-Sabbagh said...

الدائخ

قريت ياباشا وعرفت

وسيبت لك تعليق واسئلة ومستنى ردودك

ياريت ما تتأخرش عليا

Ahmed Al-Sabbagh said...

مشمش

ايوة والله فعلا فى حاجات فعلا مثمرة وجيدة

وفى ناس الواحد ما يقدرش يستغنى عنهم

Ahmed Al-Sabbagh said...

بت خيخة وأى كلام

انا مش عارف ايه التعليق اللى من غير نفس ده

يعنى انتى ما عجبكيش حاجة فى البوست غير اسمك

ده انتى هتاكلى ضرب

Ahmed Al-Sabbagh said...

MKSARAT SAYED SAAD

ايوة يا ابو السيد وفى ناس ما كنتش عندها جراءة على الكتابة واتشجعت بفضل المدونات

Ahmed Al-Sabbagh said...

يوميات عيل مصري

!شكرا لإهتمامك

Ahmed Al-Sabbagh said...

Dr. Diaa Elnaggar

سيدى الدكتور ضياء سعدت جدا بزيارتك التى اظن انها الاولى وبتعليقك الثرى

وانا متفق معك تمام فى الرأى

ان معظم الذين ينادون بظلم الحاكم لو تملكو ادوات الحكم فسيصير لهم مثل هذا الظلم

واشكرك بشدة

Ahmed Al-Sabbagh said...

مهندس مصري

ايوة ياباشا

هيييه

ده اول تاج هكتب عنه

اكيد عمرى ما اتأخر خالص

بس ادينى وقت عشان لازم اعملة بضمير واديلة اهتمام يليق بالمرسل

Ahmed Al-Sabbagh said...

غمض عينيك

ربنا يخليك يا حبيبى

وحمد لله على السلامة

Ahmed Al-Sabbagh said...

Cognition-sense

ميرسى يا قمر ويارب تعجبك دايما

Ahmed Al-Sabbagh said...

only spot

شكرا لتشريفك مدونتى واعتقد انها الزيارة الاولى ؟

Ahmed Al-Sabbagh said...

لولا

يارب يديم المحبة

no chance said...

مساء الفل
اول مرة ادخل مدونتك
الوضوع حسننى انى اخيرا اتلقيت مكان ومجتمع حر ارمى نفسى فيه
مجتمع تقدر تقول فيه اللى انت عاوزه ومتخافش من اى حد او اى عواقب مجتمع تتجسد فيه كل المعانى الجميلة للعولمة
لما تشوف مدون عنده 15 سنة بينقد واحد عنده 50 سنة
هو دة النجاح والجمال
هى دى ثمار العولمة وتلاقى نفسك بتنبهر بكلام واحد اصغر منك بعشر او عشرين سنة ومتكنش زعلان من كدة بل تكون فرحان اوى علشان فى البلد عيال بالحلاوة دى

تدخل مدونة تلقى صاحبها مش فى كلية اصلا وتلاقى دكتور معلق فيها وبيشكر فيها
هو دة النجاح
هى دى العظمة
بجد حتتة فرق السن والطبقات الاجتماعية حتتة معجزة اوى فى المدونات
تلاقى واحد او واحدة مليونيرة وبتتعلم من واحد مش لاقى ياكل والكل مالوش مصلحة فى الكلام فقط الكل محترم وبيحترم بعضه وتلاقى واحد بيقول لواحد ياد يا كذا ويا دكتور كذا ويا نجم ويا حاج
مهى دى العظمة ان كل الفروق الجاهلة دى تتشال

بجد هو عالم العظمة والابداع وانا اتشرف اننى اكون فى العالم دة حتتى لو قارء او متابع ليه
خالص تحياتى

على فكرة انا كنت ناوى اكتب موضوع عندى عن الموضوع ده بس مش خسارة اكتبه بشكل تعليق فى مدونة زى مدونتك
اصل التعليق عندك بموضوع عندى
هههههههههههههههههه


تقبل تتحااااااااتى

Arabic ID said...

أسف على التأخير يا باشمهندس خالو أحمد

----
فاكر أيام أوشين
والحديقة المائية
ولما كنا نتدارى فى المزرعة الشرقية
وكنا نحدف النخل
ونقطف الجوافة
وناكلها رغم انها لسه نية شوية
وكنا نزوغ من المحاضرة
ونقعد عند النافورة
ونقول ياريت الزراعة
يدخلها شوية حنية
ونشوف بنات الجامعة
نتحسر على مجموعنا فى الثانوية

ونقول من اسمها كرب
وبشهادتها كرب
وكمان عشرتها كرب
واحنا نقصد انها عشرية

ونرجع نزورها
كتير كتير
وما نزهقش من اللف والتدوير
ده كل ركن فيها
له ذكريات كتير
---------

ولا إيه يا أحمد؟؟

---
شكرا ليك على الكلام اللى نقلته من عندى
ولو أنى لا أستحق كل هذا التكريم

كاميليا said...

الله اكبر

اما حتة بوست!!!!

تقرير كامل شامل تقريبا عن عالم التدوين

انا احييك على هذه العبقرية

تستحق لقب سفير المدونين

كاميليا

يوميات عيل مصري said...

طب اعمل ايه، حقك علية يا صباغ
وكل اللي أنا مقصر في حقهم
بس انت يا صباغ عندي حاجة تانية يا خالو
اعتبرني من المخاليل وانشغل عنك شوية

والله العظيم انت غالي عندي جدا
وبعدين انا جبت عربية وميكروفون وقعدت انده عليك في كل حتة

يالله بقى يا أبوحميد، المسامح كريم

NIDAAL PAL said...

فكرة صاروخ
SAM_6
مش اى كلام يعنى ..
و فعلاً الواحد بيحس ان البلوجرية هم مجتمع منظم و متحاب و بينهم مودة كانهم بقالهم 100 سنة قاعدين مع بعض مع ان الكثير منهم لم يروا بعض
و برغم انه مجتمع منظم و متحاب و مختلف فى وجهات النظر
الا انه من الغريب ان لا يوجد له رئيس ليجعله منظماً
تفتكر لو الحياة بتاعتنا الى احنا عايشينها دى كانت عبارة عن بلوجر كبير من غير رئيس و كله بيعبر عن رايه براحته ... كانت هتبقى عاملة ازاى؟
و خلى بالك علشان ممكن تعزى البلوجر تبعى عن قريب ...
تعزينى فى البلوجر مش تعزيه فيا !!
بارك الله فيك
يا صباغ .. ووفقك الى ما يحبه و يرضاه

مواطنة said...

تدوينة جمييييييلة جداااا

بسم الله ما شاء الله موهوب فى الكتابة

عقبال المرة الجاية نلاقى أسامينا نزلت فى لوحة الشرف

ههههههه

سلاااام

aya said...

معلش يابوحميد على التاخير
بجد هو ده خلاصة الكلام
انا مبقاليش كتير فى عالم المدونين بس بجد حبيته اوى وبقيت بحب اتنق ل من بلوج للتانى
بجد تحس انك بتدخل فى عالم وتخرج لواحد تانى وكلها حاجات رائعة وجميلة
شكرا يا احمد على كلامك
وعلى انك جمعت كل الناس الحلوة ديه هنا
ربنا يكرمك
ويجمعنا كلنا دايما على خير

الدائخ said...

إزيك يا أستاذ
بالنسبة لموضوع المدونات المشتركة
فيه ف الداشبورد عندك حاجة اسمها
permissions
افتحها و اكتب اسم الإميل بتاع الشخص اللي عاوزه كتب معاك
حايبعتله دعوة يقبلها، بعديها يبقي عضو في التنظيم بتاعك

بالنسبة لأني ادخل معاك في مدونة، دا شرف يا، اعذرني اليومين دول يا أبوحميد أحسن الكلية ادة حيلها و الامتحاناتبترن الجرس خلاص
علي كل .. أول ابعت لك أن العملية فيالنملية، ابعت الدعوة علي طول ... بس هي حتبقي عن إيه بالظبط ؟

بالنسبة لأسامينا .. أن اسمي يا سيدي عبد الرحمن جمال، وا لمهيس الأكبر عبد الرحمن كمال، و جدع حتي الثمالة محمد رمضان .. باقي الأعضاء رفضوا ذكر اساميهم، و مقدرش اكسر رغبتهم .. معلهش

أخيرًا أنا تحت أمرك .. و تحياتي

الدائخ said...

آه .. علي فكرة
لزوار مدونة الصباغ
الدعوة عامة تقروا البيان التهييسي توقعوا عليه

http://tahyeesa.blogspot.com/2007/12/blog-post_03.html

الفاتح اليعقوبي said...

شعور جميل يااستاذنا تجاه اصحاب لم تراهم لعلنا نجمع جميعا في الجنة عند الفردوس الاعلي


لك عندي تاج تعالي واستلمه وخذه
دخلة جامدة صح بالنسبة لاول مرة اعلق عندك
والسلام

بت خيخة وأى كلام said...

انا تعليقى من غير نفس
يعنى عايزنى اقولك ايه
عايزنى اشكرك علشان ذكرت اسامى تانية معايا
واكيد طبعا مش هاخد بالى غير ان اسمى مكتوب
امال عايزنى يعنى اخد بالى من اسامى تانية
مش كفاية ان ترتيبى كان الرابع
وبتقولى انا تعليقى من غير نفس
ماشى يا حمادة
والله لاحط السيخ المحمى فى سرسور ودنك

المهم
انا بس كنت جاية اصبح وادحرج السلامات
واشوفك يمكن تكون فقعتنا بوست جديد ولا حاجة

وكنت جاية افكرك بالحكمة اللى بتقول
لا تجعل سفالة الاخرين تكشف عن سفالتك

بس للاسف مالحتقش

يلا سلام
اختك خيخة

أحمد مصطفى said...

والله تدوينة لذيذة جدا
تظهر من بين كلاماتها
روحك الحلوة


تحياتى دائما
اخوك

أحمد مصطفى

حبة حاجات (ايمان) said...

تصدق فعلا كل كلمه قلتها حقيقيه فعلا

مجتمع البلوجات
انا عن نفسي فرق معايا جداا قبل التدوين لكن بعد ما عرفت كمان المدونين الواحد فى حاجات جواه لاقاها
وحس ان فى حاجات بتشاركه مع الناس دى حتى لو ماشفهاش

ورغم انى ملاقيتنيش عندك رغم انى مضايفـــــــــاك عندى

ههههههههه

الا يعنى بجد مبسوطه انى من ضمن المجتمع دا واتشرف بيه

بوست رائئع

بت خيخة وأى كلام said...

اصبحنا أبنا ء كار واحد

اتضحت ملامحنا لبعض

تعارفنا على أفراد الأسرة التدوينية

عرفنا ان فلان عصبى وبراوى

وشايف النص الفاضى من الكوباية

وساخط على الاحوال السيئة الموجودة فى بلادنا العربية

وعلان هادى ومتكيف ومبسوط اوى وحاطط ايده فى ميه باردة وشايف النص المليان من الكوباية

وتبتان متدين وهمة الشاغل هى القضايا اللى بتمس دينة

وفلانة بيتوتية اوى ورومانسية وبتحب كل الناس وبتكتب من قلبها

وعلانة وطنية ومتحمسة للبلد

وهكذا


الا صحيح يا حمادة
انا توصفنى با يه
يعنى انا براوية ولا متكيفة ولا شايفة ربع الكوباية ولا ساخطة
ولا هادية ووديعة

سلام
اختك خيخة

Mahmoud Emre said...

لا تدوينة بسيطة وتعدل الدماغ بجد يا ابو حميد ..

3ala asm masr said...

أنا ست العيال البلوجريه؟؟
يا رافع معنوياتى
ربنا يكرمك يارب
ده انا غلبااااااااااااااان

مدحت نـــــــص said...

ياااااااااه يعنى انا دخلت موسوعة العيال البلوجية
ماشى يا ابو حميد ده رتبة 100% ههههه
مستنين الشعب فى المدونة المتواضعه
http://7rakat.blogspot.com