خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

May 23, 2008

ليلة مدونات مصرية للجيب

تحديث خامس

---------------

عايز رأيكم فى حاجة

يهمنى اوى اعرف رأيكم وأخد فيدباك منكم

عقبال ما اجيب قايمة المكتبات فى المحافظات

يا ترى ايه اكتر حاجه عجبتك فى الكتاب ؟

ايه رأيك فى غلاف الكتاب ؟

ايه رأيك فى حجم الكتاب ؟

ايه رأيك فى عدد الـ 42 مدون .. كتير ولا قليل ولا معقول ؟

إيه أفضل الايجابيات فى العمل ككل ؟ وايه أسوأ السلبيات بردة فى العمل ككل ؟ يعنى الكتاب وطريقة التجميع والاختيارات والتصميم والحفلة وكله كله ؟ وياريت يكون الكلام بيقدم اقتراحات لتطوير الفكرة

فكرة تقسيم الكتاب الى مجموعات فكرة جيدة وتمت بشكل معقول ولا كان الافضل تتساب عايمة كله مع بعضة .. ولا كان يتم التقسيم بصورة أدق من كدة ؟

ظهور العنصر النسائى بقوه فى الكتاب 24 فتاه مقابل 18 رجل هل كان منصف ولا متحيز

ايه الملاحظات والاقتراحات اللى تقدمها لفريق العمل .. من خلالك احتكاك به فى فترة تجميع الأعمال ؟

عايز تضيف أى حاجة ؟

اتكلم براحتك خالص

تاج مدونات مصرية للجيب

تجاوبة فى كومنت على السريع

مستنى على نار

رأيك يهمنا أوى

وانتظروا مفاجآت

تحديث رابع

---------------

يوم الخميس القادم الموافق 29 /5 ان شاء الله هتواجد فى وسط البلد ومكتبة عمر بوك ستورز وهنتجمع وهنلتقى مع الناس اللى ماحضروش وما خدوش نسخة من الكتاب

تحديث ثالث

---------------

صور جديدة حصرية للمدونين


نضال .. مستخبى كالعادة تحت طاقية الاخفا

محمود الدوح .. مع أحد المخاليل

الجعفرررى ... حبيب المدونين

تحديث ثالث
---------------

أول صورة حصرية للمدونة رحاب صاحبة مدونة كوكب آبى مع خطيبها إسلام فى حفل مدونات مصرية للجيب


تحديث ثانى
---------------

كما وعدتكم بفيديوهات تغطية احتفالية المدونين الكبرى توقيع كتاب مدونات مصرية للجيب .. إليكم الكليبات الحصرية



الجزء الأول


الجزء الثانى


تحديث أول
---------------

انتظروا فيديوهات الحفلة برفعها دلوقت وكمان فى صور حصرية جدا جدا واخبار حصرية قادمة تابعونى .. وعقبال ما تتحمل الفيديوهات نقول

قائمة مدونين العدد الاول من مدونات مصرية للجيب


ايناس لطفى .. عايزة اتكلم

مائدة .. محمود موسى

هدى جمال الدين .. وحى القلم
مصطفى الحسينى .. صاحب البوابة
أحمد الشقير .. حكاوى اخر الليل
زينب سمير .. بنت مصرية

مريم مراد .. داى لايت

مدونة شهاب الازهر
رنا صلاح الدين .. نقطة مية

مدونة اخف دم

مدونة البنت الشلبية

مدونة قصاقيص ورق
مدونة وجهة نظر لا مرئية

مدونة قضية عم احمد
مدونة ادم وحوا
مدونة كلام هشام

مدونة لماضة

مدونة بينى وبينك
أحمد سلامة .. مستر كافية
أحاسيس زجاجية

منذر .. حين البأس
عصفور المدينة

خالو .. أحمد الصباغ
أحمد القاضى .. يامراكبى

محمد عبد الحى .. حياة من طرف واحد
حكايات فريدة

مدونة قهوة على المفرق
داليا .. اهو ده عيبة

رحاب .. ابى بلانت
مى قصاقيص مشاعر
محمد مفيد .. فى الصميم

بنوتة لاسعة

نوران الشاملى .. بت خيخة واى كلام
مدونة ميمو

أحمد محمد على .. يوميات عيل مصرى

مذكرات زوجة عاشقة

أحمد عصام .. مدونة العمود
مدونة مكان فى القلب
مدونة ايهاب عمر
مدونة صحفية مع ايقاف التنفيذ
مدونة ربة السيف والقلم
محمد أبو زيد .. مدونة دكتور حر

ودى قائمة بالاماكن اللى ممكن

تشترى منها الكتاب بالقاهرة

عمر بوك ستورز شارع طلعت حرب
مكتبة البلد امام الجامعة الامريكيه
سندباد وسط البد خلف مكتبة مدبولى
سنابل شارع شريف
لهيئة العامه للكتاب فرع الزمالك
مكتبة ديوان الزمالك
مكتبة ديوان مصر الجديده
مكتبة أفاق شارع القصر العينى
المكتبة الدوليه مدينة نصر ش الطيران
كشك جرايد كوفى الامريكين - الاسعاف

كشك جرايد الجامعه الامريكيه

انتظروا الاماكن بالمحافظات
والفيديوهات

أجمل لحظات تاريخية للمدونين .. تم توقيع كتاب

"مدونات مصرية للجيب"

كان حلم جميييييييل واتحقق وبقى واقع أجمل

الف الف مبروووووووووك

الف مبروك لكل مدون .. ولكل واحد فرح لنا

الف مبروك للى حضروا الحفل الرائع وقضوا معانا اليوم الخرافى

والف مبروك للى ما قدروش يجوا وهيفرحو لما يشوفو النسخة الأولى من

"مدونات مصرية للجيب"

الف الف مبرووووووووك

انا سعيد جدا جدا

سعيد لأن المدونين يوم بعد يوم بيكبروا

وسعيد لأن المدونين يوم عن يوم بيقربوا لبعض

سعيد بالنجاحات الفردية للمدونين زى نجاح غادة عبد العال وغيرها

وسعيد بالنجاحات الجماعية زى نجاح المدونين فى مدونات مصرية للجيب

سعيد لأن التدوين غير فينا كتير .. وخلق فينا كتير .. وأكتشف فينا كتير

نسخ الكتاب اللى كانت موجودة فى عمر بوك ستورز خلصت

لكن جابوا كميات اخرى متوفرة فى المكتبة من انهاردة

نيجى بقى لتغطية الحفلة ولقاء المدونين الكبير


بداية الحفلة ..ومنصة الإطلاق


تقديم من الاستاذ يحيى هاشم
مدير دار اكتب
الذى وقف بجانبنا وقفة من حديد

قدم أحمد البوهى للكتاب تقديما رائعا

كلمة أحمد البوهى

كلمة حبيبنا أحمد محمد على
يوميات عيل مصرى


تغطية من الاستاذ أحمد القاضى
اللى نزل من السعودية مخصوص لحضور الحفلة
والعودة مرة اخرى بعد الحفل
(ياما نفسى اعض الناس اللى ما جوش


كلمة شمعى أسعد .. حبيبى الاسكندرانى



إيناس لطفى .. ولحظات من التفكير والعرق والفرح بتحقيق الفكرة

كلمة أحمد عصام .. وشعر


شعر لأشرف توفيق . .أخف دم



أنا .. مع إيهاب عمر
أول لقاء وجها لوجه لكنى سعيد اوى بمقابلتة

ايهاب عمر .. وابراهيم عادل

مرة عامر .. لمااااااااااضة توقع الكتاب
يعنى مروة مش بنشوفها غير فى المناسبات الجامدة دى
والناس كانت مبسوطة اوى بيها

أحدث فكرة مبتكرة للتوقيع من لماضة
التوقيع على جوانتى .. مش قادرة تنسى انها دكتورة هههههه
انا كنت خايف تشرّحنى وانا واقف

أنا .. بوقع الكتاب .. ما انا ليا جمهور بردو ههههههه



مفاجأه الحفل
أنا .. وطارق واحد من الناس .. وانجى سمراء النيل
أنا .. وصورة تذكارية بعدسة محمود الدوح


أنا .. مع صديقى وأخى الحبيب محمد الجوهرى


القاعة امتلأت تمام .. وخرجت مجموعة كبيرة من الحضور للانتظار خارج القاعة


تغطية من قناة أو تى فى .. وجانب من الحضور


جانب من الحضور


ودار نقاش حاد بين أحد الضيوف وهو الاستاذ ماجد فرج
احد كَتاب الحوار المتمدن وبين المدونين
حول اعتراضة حول ما كتب فى أحد البوستات
ودى لقطة حصرية من الخناقة هههههههه احنا جايين نهدّى النفوس


جانب من الحضور
وآبى محتاسة فى وسط الجماهير والمعجبين


لحظات من الاستمتاع


الاستاذ أحمد محمد على يوقع لى على نسخة من الكتاب


وده توقيعه لى


جانب من الحضور وتغطية من جريدة المصرى اليوم


جانب من الحضور



وينكىىىىى .. طلعت بتعرف تقرا
وكمان كان عندها عرض مسرحى بعد الحفلة فى مسرح روابط


محمد مفيد فى الصميم .. والاستاذ أحمد القاضى




أنا واستاذ احمد محمد على
ومخاليل العائلة التدوينية
فداااااااااء& سلمى

ثم بدأت لقاءات ما بعد الحفلة
وكانت جلسة سمر تدوينية حتى الساعات الاولى من الصباح
والإحتفال بعيد ميلاد فاتيما


أكبر تجمع للمدونين فى تاريخ التدوين فى مصر

الحفلة كانت ملتقى كل التكتلات التدوينية فى مصر

صورة جماعية

صورة جماعية

شيكووووو .. رفيق الكفاح
شريف عصام .. سيبو فى حالو



الجيزاوى .. وميدو فى الأدغال



أبو خالد .. عم المدنين



حلقة سمر تدوينية



الشاعر .. وأبو إعصار



محمد حسام .. ولحظة تجلى مع الكتاب



الدكتور الحر .. محمد أبو زيد



أحمد الساعاتى .. أحدث المنضمين الى عالم التدوين



صاحب المضيفة



عز اليعقوبى



وشيكو .. والصديق الفلسطينى أدهم حسن



آبى .. نجمة تدوينية فوق العادة



خالد .. وأبو خالد



أنا .. ورامز عباس



أحدى مفاجأت الحفلة
عصفووور المدينة .. الاستاذ محمد شلبى



صديقى الكورى يشارك فى تغطيه الحفلة


وقابلت ناس كتيير جدا كنت فى قمة السعادة انى قابلتهم
وقابلت لأول مرة شيماء الجيزى - صحفية مع ايقاف التنفيذ
رغم انها من اوائل المدونين اللى دخلت عندهم
-----
انتظروا التحديث
يتضمن فيديوهات كاملة لليوم
ولينكات الحاضرين ولينكات مدونات العدد الاول
انتظرونى هذا المساء
لأنى بجهز مع والدتى لإنها ذاهبة غدا الى العمرة :)
وياريت كل حد حضر اللقاء يكتب لى فى التوقيع عشان اللينكات

خالو أحمد

231 comments:

1 – 200 of 231   Newer›   Newest»
maii bahaa said...

السلام عليكم

أنا ماكنتش متخيلة إن الموضوع هايكون بالجمال ده..أول مادخلت عرفت إن الناس دي بتحب بعض أوي
لكن حرارة الجو كانت لاتحتمل..انا عرفت أقابل كام حد بسرعة كده وللأسف أخدت صور قليلة أوي وجريت عشان الحر مش صديقي خاااالص ...أتمنى نتقابل المرة الجاية في ظروف مناخية أفضل
وألف مبروك للجميع
وانشاء الله أنزل الصور اللي عندي في البوست اللي جاي
:)

عصفور المدينة said...

انت كنت الدينامو الحقيقي يا احمد

Tamer Nabil said...

ازيك ياعم احمد

اخبارك اية

انا كنت موجود وخسارة انى ما شوفتك واتعرفت عليك

ماشوفت كدة واحد غلبان قاعد على كرسى ومعاة عجازين هو انا

تحياتى

اهو ده عيبه said...

ازيك يا خالو

ايه التغطية الجامده دى ده احنا حتى فى عز الصيف بس تسلم ايديك

الحمد لله انك رجعت سليم من الساونا
ان شاء الله الوالده تسافر وتيجى بالسلامه

ملحوظه:انا كده اتاكدت ان الصورة طلعت وحشه :)

شمعى أسعد said...

ازيك يا احمد
تغطيتك هايلة
بس فين بقيت الصور

صاحب المضيفة said...

تغطية جميلة ورقيقة للحفل


ربنا يكرمك على مجهودك اللي فوق العادة امبارح



تحياتي ويارب يتكرر تاني و تالت وعاشر

يوميات عيل مصري said...

ابو حميد
أولا الحاجة تروح وترجع بالسلامة انشاء الله الحقيق5ة اللي انت عاملته انت واحمد واحمد وكل الشباب شئ جميل
ربنا يحميكم
على فكرة اللي انا حاطط ايدي عليها في الصورة تبقى سلمى واللي جنبها فداء
يا عم احسن بيقثولولي خالو احمد ما حطش اسمنا
تعيشوا وتعلموا لحظات تاريخية

مش عايز أتجوز said...

ألف مبروك وكفاية مجهودك في التصوير ورفع الصور
بس أعذرني..التنظيم ما كانش حلو نهائي..واليوم كان ممكن يبقي خرافي لو في ساقية الصاوي أو لو المكان ينفع يتعمل فيه حفل زي ده..تخيل لو فعلاً كل مدونين مصر اتجمعوا..القاعة دي ما استحملتش العدد البسيط ده
معلش بس خرافي أو رائع ممكن يكون الأحساس بوجود الناس حوالينا..لكن من الناحية التنظيمية ..لا كان خرافي ولا رائع
للأسف
مبروك مرة تانية

أنسانة-شوية وشوية said...

السلام عليكم
اولا ماما تروح وترجع بالسلامة ان شاء الله وعمرة مقبولة ربنا يخليها لك
ثانياً انا زعلانة بشكل غير عادى انى معرفتش احضر مكنتش متخيلة انه هيستمر لوقت متأخر انا خلصت شغل الساعة 6.30 وقولت مش هلحق عموماً الف الف الف مبروك بجد فرحانة جداً انى فيه فكرة جميلة زى دى بقت حقيقة ونفسي كمان اشارك معاكوا واشوفكوووووووووووووووا كفاية بقي
هى نوران بنت خيخة حضرت اصلي كنت عايزة اشوف صورتها زيكوا

Ihab Omar said...

انا اسعد برؤيتك يا احمد
و سعيد لانه هنالك في السوق الادبي الان كتب يجمع تدوينة خاصة بي بتدوينة خاصة بك
و باذن الله تعالي نتقابل مجدداً في اكثر من محفل ادبي

امام الجيل said...

مبروك يا ابو حميد

كانت حفل جميل ورائع
وكنت ما شاء الله قايم بدور جميل

مع انك كلت جاتوه جنبنا
ومدتناش حتة
:)

بس برضه مبرووووك

dodda said...

الف مبروك
فرحة المدونين كانت مغطيه على كل الكلام
ربنا يباركلكو فى الجهد

انا بس بقترح المره الجايه نتقابل فى الساقيه..التهويه يا خاااااال

رئـــــيسـة حزب الأحلام said...

السلام عليكم كانت حفلة حلوة اوى
وبجد صور جميلة واللى مارحش فعلا هيحس فى الصور بتاعتك انة راح
تحياتى لك ولمجهوداتك

ابن حـجـر الـعـسـقـلانـى said...

كان يوم رائع يا أحمد

أنا عايز أقولك حاجة

انت شخص جميل جدا و رائع .. بس حاجة واحدة بس هى دى اللى عاجبانى جدا فيك يا صباغ

انك بتحب الناس يكونوا مجموعة .. انت بتبذل مجهود كبير جدا فى إنك تجمع الناس و تحافظ على كونهم مجتمعين .. و بتقبل كل الناس و كل الأنواع و كل الأفكار و كل الناس بتحبك و انت بتحب كل الناس .. و دايما الابتسامة على وشك و دايما عبارات الترحيب على لسانك

انت لو تشوف نفسك بتتصرف فى المواقف المختلفة إزاى .. هاتشوف نفسك بتحارب عشان ماحدش يخرج خارج المجموعة .. و دة هدف و الله يا صباغ من أسمى و أشرف و أرقى الأهداف .. و مش أى حد بيقدر يحققه أو يحافظ عليه

و أنا غاية فى السعادة إنى عرفتك فى يوم من الأيام

مهندس مصري said...

أولاً الف مبروك للوالدة تروح و ترجع بالسلامة
ثانياً الف مبروك للمدونين كلهم
ثالثاً لازم أقرأ الكتاب ده تبعت لي كل لينكات البوستات اللي اتنشرت فيه على الماسنجر فوراً
رابعاً يوم بمليون جنيه كان نفسي أحضره جداً سلامي لكل المدونين اللي حضروا و خصوصاً أصدقائي و حبايبي اللي عارفين نفسهم واحد واحد و واحدة واحدة :)

la3lahakhier said...

الف الف مبارك يا باشا
وعبال كتب كتابك ان شاء الله
ههههههههههههههههه
ويومها نيجى بقى من غير كلام
كل التحية

Nsreen Bsunee said...

الف الف الف مليون مبروك ليك يا احمد مبرووووووووووووووووووك
انا فرحانه لفرحتك والله ومرسي على التغطيه التحفه ديه بجد ماشاءلله عليك والصور تحفه وشوفنا ناس كتير كنت اتمنى اشوفهم
عقبال العدد الخمسين انشاءلله فى حياتك
البت أبي كانت زى القمر
:))

عصفور المدينة said...

إضافة يا أحمد اللي مع صاحب المضيفة في الصورة
صيد الخاطر
http://saaid00.blogspot.com/

اسكندراني اوي said...

لحظات جميله وتغطيه كامله بالصور
كاااااااان نفسي احضرررررررررر
عارف لما كتبت بين قوسين ياما نفسي اعض اللي ماجوش
حسيت ان كتفي وجعني من العضه

عصب عني والله

احمد لو حيحصل توزيع للكتاب خارج مصر بلغني مين اللي حياخد توزيعه ابعت اجيبه
او تخلي لي عندك نسخه لما انزل مصر اخدها منك

تحياتي ليكو كولكوووووووووووووو

hesham said...

ياباشا احييك على التغطية الاعلامية المتميزة..و لو ماكنتش انت تغطينا..مين هايغطينا..ههههه

فعلا كان يوم و لا اروع و انشاء الله تتكرر تجمعاتنا الجميلة دى

تغطيتى المتواضعة..اللى بدون صور طبعا
:)

http://heshamwords.blogspot.com/2008/05/blog-post_23.html


تحياتى
هش

bocycat said...

ايه ده بقى فينا من كدة ... ليه مش قلت انى جيت الحفلة ومشيت قبل ماتبتدى ولا اخدت بسكويت ولا شيكولاتة ولا نسخة من الكتاب يخونك الكتب اللى دبستنى فيها ب 50 جنيه ؟؟؟؟؟؟؟ حاجة غريبة الناس دى والله ,,,, عموما مبروك وانا سعيدة اوى عشان شفتك واتعرفت عليك وشفت ناس كتير وعقبال العدد التانى

و القادم....أجمل said...

السلام عليكم
بجد كان يوم رائع و قابلت ناس كتيرة
و سعيدة جدا إني اتشرفت بمعرفتهم
ربنما يكرمك و يوفقك يا أخ أحمد
نشاااااااط ربنا يديمه يارب
و إن شاء الله تتكرر تاني و تالت و وووو الخ

للأسف كان لازم امشي بدري
بس إن شاء الله المرة الجاية تعوض

و كان نفسي برضوو أنزل بوست
بس الحمدلله الكومبيوتر متفيرس
و بكتب الكومنت دلوقتي من كومبيوتر
العناية
:D

احترامي

أحمد سعيد بسيوني said...

شكله كان يوم حلو
كنت عامل حسابي اني جاي والله ولولا بعض الظروف والتي حالت دون ذلك
اتمنى ان يتكرر هذا اللقاء
تحياتي

د/اجدع بنوته said...

طيب ينفع اقول انى جيت

والظروف قهرتنى

وقعدت شربت كانز ف رمسيس ورجعت

هههههههههههههههههههه

ههههههههههههههههههههه

ممكن تبقى تحط لينكى مع الللى حاولوا يحضروا

ويكفيهم شرف المحاوله

سفر 120 كيلو م اجل كانز بيبسى ف رمسيس

احلى ليله

تحياتى

دكتور بهــدوء said...

مبرررررررررروووووووووكككككككك
وعؤبال ما يتعمل لكل واحد كتاب لوحده
ياريتني كنت معاكم
معلش تتعوض
شكلكوا يفرح

ِِAdem El-Mahdy said...

وانا بقرا البوست افتكرت فيلم الطريق لبى ايلات لما مش عارف ايه اعد يقول ياريتنى كنت معاهم ياريتنى كنت معاهم

بس منها لله بقى الكنترول على الشبكات على الدوائر على البرمجة على الاحصة على الالات على الهندسة على الجامعة

بس احجزلى يل صباغ نسختى اول ما اخلص امتحانات

و عليها توقيعك

و احجزلة برضه صفحة فى العدد الحاى من الكتاب

و بس
و سلام عليكم

Anonymous said...

السلام عليكم ورحمه الله وبركاته

الف مبروك ومليون وردة لكل اللي حضروا

يارب والدتك ترجعلنا بالسلامه
ودعائها ليكي من الاراضي الحجازية يتم ونشوفك عريس

والله الحفل كان رائع يمكن مش منظم وحر جدا بس كان رائع


رغم عدم معرفتي بكل اللي جم الحفله وحسيت بالغربة لكني عوضني اني كل مسأل احمد فين يقولولي اهه دانت حتي مسبتنيش الا مخدتني وياك ورحنا البورصه




بجد يوم جميل لكن الاجمل اننا نتجمع تاني بمكان وظرف مناخي حلو



كانت الحفله السبب بتعرفي بمدونين بقمه التهذيب



منهم المدون احمد علي يوميات عيل مصري
المدون والشاعر المصري أشرف توفيق اعترف اني مفرقتوش


كانت فرصه اني قابلت الثلاثي
احمد باشا الجيزاوى


وعز اليعقوبي والجعفري كمان


وكانت فرصه اني اشوف ناس كتير



وبجد كنت انت نجم الحفله


الا هما بتوع الحوار المتمدن
مطلعوش متمدنين ليه



علي فكرة ابراهيم عادل طلع عسل ودمه خفيف جدا

وهو اللي باع الكتب كلها

متيجي نفتحله مكتبه ونسميها مكتبه الارض الصلبه نسبه لكتابه الاول

شكرا بجد يا ابو حميد


علي لقطاتك الرائعه



اه فيه حاجه


يوسف المصري بتاع مدونه الساعه 6


كان متميز جدا باسلوبه الحواري



المهم مش هطول انا عارف اني دمي تقيل


انا كنت قررت افتح مدونه للتكيف بس يلا خلاص مكنش حد هيخشها علشان شكلهم مش هيقرروا التجمع بالاماكن المغلقه الحرريره

Anonymous said...

http://ramezabas.blogspot.com/
انا رامز ودى مدونتي وانا اللي كاتب التعليق المطول


واتمني نتلتقي علي خير

Unique said...

بجد كان يوم جميل اوي وباعث على التفاؤل

رغم اني كنت من اوائل الحاضرين ومن

اوائل المغادرين الا اني استمتعت جدا

وبهني اهل التدوين كلهم و دايما

متجمعين على الخير

ربنا يخليك لينا يا خالو

GiGi said...

ربنا يكرمك والف مبروك ويارب دايما حياتك كلها احداث جميله كده
ويارب مامتك تروح وترجع بالسلامه وبخير يارب

ra7eel said...

كالعاده بجد تغطيه هايله
ومجموعه صور حلوة وقوى

وكعادتى انا هقضيها عياااااط
بقولك ايه المره الجايه تراعوا شويه مدونين المحافظات وتخلوا المعاد بدرى شويتين تلاته
عشان اعرف اجى

بجد بجد الف مبروك للجميع
وان شاء الله والدتك رتوح وتيجى بالسلامه
وفى انتظار باقى التغطيه
تحياتى وتقديرى

لماضة said...

يادي الفضيحه ام جلاجل
ايه ده يا صباغ
كده برضه دي وصيتي ليك قبل ما اموت
عموما الجوانتي امانه في رقبتك
امانه عليك تخلي ماما تدعيلنااااااااا

د/اجدع بنوته said...

سورى ياصباغوووووووو

نسيت اقولك

تروح والدتك وترجع بالسلامه

عمره مقبوله باذن الله

معلش اثر الصدمه ماسكنى لحد دلوقت

مـحـمـد مـفـيـد said...

حبيبي أحمد
بجد رغم معرفتي بك سابقا ولكن بجد كل يوم يزداد حبي واحترامي وتقديري لك
كان يوم جميل رغم المعوقات
انها بدايه لخطوه رائعه

المـــفـــــــقــــــــوعـــــة مــرارتـهــا said...

كان يوم جميل
وعقبال الكتاب القادم بس ياريت تختاروا مكان واسع يضمنا كلنا
احسن احنا كنا علي السلالم معظم الوقت
تحياتي

إبـراهيم ... معـايــا said...

ههههه (حرارة الجو) ... يا مي ، أول مرة الكلمة دي تبقىج بمعناها الحقيق والمجازي !!
،،،،،،،،،،،
رامـــز الجميييل ، مرسيييي قووي على كلامك ، جمعلش يا صباغ داخل برد ع الناس عندك، فييين يا ابني الصور الحصرية بتاعة الناس اللي جم بدري ، وما تنسجاش الأستاذة حنان أول الحاضرين، ومش عارف مشيت إمتى ؟؟؟؟
و الأستاذة آبـي طبعــًا حسابها طويييل معايا ، عشان كنت فاكرها هتروح و ..... كده يعني
ياللا حصـل خيـر ، عارف يا أحمد كان يوم كارثي الجمال فظيييع الروعة

وللأخ الإسكندراني قوووي أحب أطمنك إننا ناويين نعمل حفل توقيع سكندري سبيشل ........... وهمتكوا معانا

غني يابهيه said...

والله والله والله ..... ندمان انى ما رحتش
بس امتحانات ولسا عامل عمليه فتاء
وحالتى سيئه جدا يا خالوووو

بس اللى عايز اعرفه بقى انت على طول قاعد فى قهوة البورصه
يعنى بفكر اطب عليك كده فجأه

حبيبك
واختك بهيه

A.SAMIR said...

طيب ينفع كدة يا معلم؟
يعني بدل ماتقول الحفل كان ناقص احمد سمير
تيجي تذلنا كدة؟
ماشي يا احمد
مردودة لك
تحياتي واحتراماتي وكل عدد وانت بخير

امام الجيل said...

على فكرة عشان تفتكرنى بس

انا الوحيد اللى كنت فى شلة المدونين اللى على جنب دول اللى مطلعش فى الصورة
ههههههههههههههههه

طلع منى حتة شمال الجعفرى

اكيد افتكرتنى
اهو ده انا

يا راجل انت بجد متقربش لمازن اسامة
انت شبهه جدا
ده واحد صاحبى شبهك جدا

Anonymous said...

مبروك ليك يا احمد بجد وكل اصحابك المدونين انا روحت الحفلة دية علشان عارفة اد اية مهمة ليك وعارفة انك بتكون مبسوط مع اصحابك بس كنت حابة اكون معاك واشوف الفرحة في عيونك واشوفك نجم علي طووووووووول وبتحقق احلامك وميرسي علي الحفلة اللطيفة دية وكمان مبسوطة اني شوفت شيكووووووووو اقصد شريف .روز

فاتيما said...

كالعادة متألق يا خالو
فى البوستات و تغطياتك للأحداث
و كمان على الطبيعة
اليوم حقيقى كان جميل و مميز
بكل حد جه و شارك و أتعرف على الناس اللى مصاحبهم شهور طويلة و بيطلمهم تقريبا كل يوم ...
و الوالدة ترجع بألف سلامة ان شاء الله
تحياتى يا خالو

آلام وآمال said...

هايل هايل والله يا احمد ربنا يبارك فيك
شوف انا زعلان جداا اني معرفتش اروح
بس والله مستني تدوينتك دي بفارغ الصبر
عشان عارف انك هتعوضني كتير بتغطيتك الرائعة للحفل

الف شكر ليك ومستني التحديث
وياريت لو تعرف أو تي في هتعرض الحلقة امتا تقوللي الله يخليك

انا زعلان بجد اني محصليش شرف اللقاء مع الناس الرائعة دي :((

قدر الله وما شاء فعل
وان شاء الله تتعوض مرة تانية

WhItE HeArT said...

فاتني انا اليوم ده بجد

امتحاناتي خلتني مااروحش بس ان شاء الله ملحوقه

واضح انه كان يوم جميل ماشاء الله

تحياتي

شيماء الجيزى said...

ماشى
ماشى يا احمد
ماشى بس اشوفك تانى
الحمد لله انك مخدتليش صورة
اليوم
مش عارفه اتكلم عنه
يمكن لانى وقفت كتير
وروحت بتنا الساعه 1
بعد يوم سفر شاق
بس كان يوم ولا فى الاحلام
يااااااااااااااه
انا سعيدة بكل اللى شوفتهم
بكل الناس
بكل حاجه
حتى الحر
حتى سخونة الانفاس
اللى كانت عاملة زى جهنم
وربنا انا مبسوطه بشكل غير طبيعي

ملحوظه كده صغيرة لتامر نبيل
ايه يا تامر ؟
انا كنت سعيدة قوى انى بجد شوفتك
متقولش على نفسك واحد قاعد بعكازين دى
دنا كان نفسى ومنى عينى فى كرسيك ده
:D
هو احنا كنا لاقيين
وبعدين انا مش جتلك وسلمت عليك
:D

انا مبسسسسسسسوطه بكل الناس اللى شوفتهم واول مرة اعرفهم
وكل الناس اللى اعرف مدوناتهم وشوفتهم
الجميل بقى يا احمد
اننا كنا بنتعرف ازاى

شيماء الجيزى صحفية مع إيقاف التنفيذ
احمد الصباغ خالو احمد
هههههههههههههه

احنا حاجه فانتستيك خالص
بنتعرف بأسماء مدوناتنا
دى ميزيتنا

تحياتى يا بيج

دنــــيــــــا مـحـيـرانـي(ده حالي اما اسمي ايناس لطفي said...

تغطية ممتازة يا احمد برافو عليك وصورتي يخرب عقلك خدتها ازي ديه انا كنت فعلا متوتره جدا
بس لقطات تحفه ربنا يكرمك يا دينامو التدوين - تحياتي

خبيب said...

أغبطكم كثيرا كثيرا

:)

ابو اعصار said...

انت نجم بمعنى الكلمه اخ احمد من عنيك اقرا حبك للناس ولذلك انا حبيتك
يا حظ ابناء اختك
انا الوقتي اقرا مقالاتك القديمه
,وان شاء الله اقابلك مره اخرى

Jana said...

مبرووووووووووووك اولا
وبجد التغطية اللى انت عاملها رائعة ..الواحد حس انه كان معاكم ...بس كان نفسى اعرف تفاصيل اكتر على الخناقة..الفضول القاتل بقى
شفت صور لناس كتير كان نفسى اشوفهم
بس كان نفسى اتشرف بيهم وجها لوجه

ويا ريت تبحثوا فعلا فى لقاءات اخرى مشابهة ..فكرة بادج او حتى يافطة ههههههه تعرف المدونين ببعض ..لأنى لاحظت ان كتير مشافوش بعض ..وهم اصدقاء افتراضيا ...ده انا هنا زعلتلهم والله

بس من غير ما تعض حد طيب
:D
صدقنى اللى مجاش مقهوووور اكتر
وكلها ظروف خارجة فعلا عن الارادة
لكن احييك بجد على اهتمامك وحبك للناس كلها ..ربنا يكرمك بجد ويرجعلك والدتك بالسلامة.ويتقبل منها

وفقكم الله
تهانىّ العميقة

Ahmed Al-Sabbagh said...

maii bahaa

سعدت جدا بمقابلتك وشرفتينى والله ونورتى المكان كله

وان شاء الله الحفل القادم ربنا يسهل ونعملة فى القطب الشمالى

ههههههههههههه

عشان نعوض الحر

Ahmed Al-Sabbagh said...

عصفور المدينة

والله حضرتك بتخلنى بكلامك الجميل

وكفاية انى اشوفك عشان ابقى دينامو

Ahmed Al-Sabbagh said...

تامر نبيل

شوفتك وكنت اتمنى اتكلم معاك
واتعرف عليك اكتر من كدة

وكمان فى ناس كتير بيحبوك كلمونى عنك

وشوفك شيماء الجيزى بتقولك ايه يا عم

Ahmed Al-Sabbagh said...

اهو ده عيبة

داليااااااااااااا

الصورة جمييييلة جنان
بس انا ما نزلتهاش فى التغطية الاولى
لكن في تحديثات وفى صور حصرية كتييير جاية فى الطريق

وصورتك طبعا من اهمهم

اتشرفت بيكى كتير

Ahmed Al-Sabbagh said...

شمعى اسعد

مرسى يا حبيبى

والصور فى الطريق اليك

Ahmed Al-Sabbagh said...

صاحب المضيفة

ربنا يكرمك يا اخى

والله اتشرفت بيك كتيرر

Ahmed Al-Sabbagh said...

يوميات عيل مصرى

سقط سهوووووووووا

ومش عارف ازاى

مع انى كنت مجهز كومنت كيبيييير اوى على الصورة دى

بس لخمة الاحداث بتخلينى اسها عن اعز واهم الناس

معذرة وهصلحها فى اقرب وقت

Ahmed Al-Sabbagh said...

مش عايز اتجوز

اعذرنا يا حبيبى

مش بايدينا كان نفسنا المكان يبقى اكبر

وان شاء الله فى الاعداد القادمة هنحاول نراعى الجزئية دى

ومشاركتك معانا
:)

Ahmed Al-Sabbagh said...

انسانة شوية شوية

كان نفسنا طبعا تكونى معانا

بس تتعوض ان شاء الله

وخيخة ما حضرتش الحفلة على ما اعتقد

Ahmed Al-Sabbagh said...

ايهاب عمر

حبيبى انا اللى سعيد برءيتك كتير

ويارب دايما التدوين يجمعنا على خير

Ahmed Al-Sabbagh said...

إمام الجيييييل

هههههههههههه

بقى كدة بتشرد لى

بس خلى بالك انا ما اخدتش بالى انكم ما بتكلوش

ما اخدتش بالى الا بعد ما خلصت

ده كان عيد ميلاد فاتيما

المدونين ياخدو حقهم منها بقى

Ahmed Al-Sabbagh said...

dodda

اتشرفت بيكى كتييييييير

معلش التهوية كانت سيئة

كنا بنفكر نعمل المدونين سردين

ههههههههههههه

اشوفك على خير ان شاء الله

Ahmed Al-Sabbagh said...

رئـــــيسـة حزب الأحلام

ميرسى اوى يا سلوى

يعنى تفتكرى الم قرشين من كل واحد يبص على الصور ؟

هههههههههه

Ahmed Al-Sabbagh said...

إبن حجر العسقلانى


لو قولت لك ان تعليقك ده وسام على صدرى اعتز بيه مدى حياتى مش هكون مبالغ ولا مجامل
وان قولت لك انك من احب الناس الى قلبى مش هكون بتجمل

والله كلامك ده ما تتصورش عمل فيا ايه

بجد اشكرك من كل قلبى

ويارب يديم محبتى واخوتى لك لغاية اخر قطرة فى دمى

Ahmed Al-Sabbagh said...

مهندس مصرى

اولا وثانيا وثالثا ورابعا

انت فى قلوبنا

وكنا مفتقدينك جدا وفاكرينك دايما

واللينكات والبوستات هتكون بين ايديك وقت ما تطلب

ونسختك محجوزة

Ahmed Al-Sabbagh said...

la3lahakhier

هههههههههههههه

ربنا يكرمك يارب

Ahmed Al-Sabbagh said...

Nsreen Bsunee

هههههههههههه

ميرسى اوى يا نسرين

ايوة يا ستى

ابى كانت واكلة مننا الجو

كنا هنخلص عليها من الغيظ
هههههههههههه

Ahmed Al-Sabbagh said...

عصفور المدينة

جميل اوى كويس انك نبهتنى

وسيتم تدارك الامر حالا

Ahmed Al-Sabbagh said...

اسكندرانى اوى

هههههههه

معلش العضة جت جامدة

الكتاب متوفر خارج القاهرة

وكمان لو تحب لما تيجى القاهرة احجز لك نسخة تحت امرك

Ahmed Al-Sabbagh said...

هشام
كلام هشام

يا حبيبى متواضعة ايه
دى تغطية جميلة جدا جدا
وبجد انا بحييك وبحبك من كل قلبى
وما تسألنيش ليه
لله فى لله

Ahmed Al-Sabbagh said...

بوسى كات

معلش يا نونا

كان نفسى اسرق لك صور بس ابدا قاعدة مفنجلة ومصحصة اوى

كل ما اجى اصور الاقى بخيتى فيا

عموما ليكى بوست مخصوص

:))

Ahmed Al-Sabbagh said...

والقادم اجمل

ولاء

بجد ما كنتيش تتصورى فرحت اد ايه بمعرفتك

ما كنتش متخيل ان ممكن يجى يوم واشوف كل الناس الحلوة دى

والف سلامة على الكمبيوتر

Ahmed Al-Sabbagh said...

احمد سعيد

تتعوض يا حبيبى

وكنا مفتقدينك

لكن هشوفك قريبا ان شاء الله

Ahmed Al-Sabbagh said...

د/اجدع بنوتة

كانز ؟؟

رمسيس ؟؟

محاولة ؟؟

امشى من اقدامى احسن اقفل باب المدونة على صوباعك

ما جيتيش لييييييه

انطقى

اعترفى

appy said...
This comment has been removed by the author.
appy said...

احمد والله بجد انت كنت حاجه قويه جدا ومش عاوزة اقولك انت جمعتنا قوى وازاى
وبجد ميرسى على الفضيحه قصدى الصورة هههههههههه
لا طبعا بجد كنت مبسوطه بيكم ووسطكم وانت كنت دينامو للحفله مع ان الجو كان حر بس بعذرك بما انك فوق قوى مش حاسس بالناس لا يا حمد بعيد عن كل ده
انت فعلا اخ يعتمد عليه فى حاجات كتير
وبس خلاص هعيط
ههههههههههههه
بس انا سيحت لك فى البوست عندى فى مخلفات التورته ههههههههههه سامحنى يا صباغوس مقدرش مش انكش فيك يا احلى اخ واجع صديق ليه ولاسلام
ميرسى ليك خالص بجد
ومتعيطش هديلك حق الساندوتش
وش بيطلع لسانه ويرقص ودانه ههههههههههه

أبو خالد said...

أبنى الحبيب الغالى /أحمد
سعيد أنى رأيتك أنت إنسان جميل ياأحمد
و مجهودك عظيم وافر أرجو الله أن يجعله فى ميزان حسناتك
دمت روح جميلة

محمد عبدالحي السيد يوسف said...

و الله يا أحمد أنتوا بتهرجوا
مش كنتوا تقولوا أنكوا هتقعدوا بعدالحفلة
أنا قعدت لحدالساعة تمانية ونص في المكتبة
وكنت جاي و نفسي أقابل الناس اللي معايا في الكتاب و آخد توقيعاتهم على الكتاب
لكن خلال ساعتين من الزحمة و الحرررر اللي خلاني سحت لما خسيت النصف .. و الزنقة و أحسس و أعتذر
و كل ما أقابل حد أقوله .. أنت ناشر في الكتاب يقوللي لأ فأحبط
لغاية ما فييين قدرت أعرف حوالي أربع أو خمس مدونين و آخد توقيعانهم و مشيت لأن الزحمة و الحمد لله بتطلع من الواحد أقذر ما فيه .. فقلت بدل ما الواحد يبات في القسم أو السراية الصفرا يروح أحسن

عموما يا خالو متشكرين على التغطية اللي خلتنا عرفنا بعض الناس و اتمنى نتقابل في فرص أحسن

و على فكرة الكتاب فيه حاجات كتير جاااامدة جندن

سلام يا صديقي

tamer.sala7 said...

يا ريتني كنت معاكم
بس والله كان عندي شغل في اسكندرية ومفيش حد يمسك الشيفت مكاني
الف مبروك

بنوته مصرية said...

هههههههههههه

حلوة الصورة بتاعتي وانت مصورني من قفايا
ههههههههههههه

كالعاده التغطية جميلة واجمل ما قرءت من تغطيات

مجبتش صورة نور بنوتي ليييييييه

ليلتك مش فايته ههههههههههه

كان يوم فعلا جميل جداا

يارب كدا نفضل في الروح دي والمحبة والمعزة دي علطول
والكتاب يجيلو كدا اخوات تاني


وتروح وتيجي مامتك بلسلامه متنساش تقولها تدعي لنا كلنا

تحياتي

بنت الاسلام said...

اعيط يعني

والله فرحانة بيكم جدااااااااااااااااااا

جداااااااااااااااا

وكمان زعلااااااانة قووووووووي

عشان ماحضرتش


بس حقيقي ربنا يوفقكم

والف مليووووووووووون مبرووووووووك

وعقبال العدد الالف

ان شاء الله

ويارب تفضل الروح بينا دايما حلوة


وفعلا مصر مش ممكن تموووووووووت

طالما فيها ناس حلوة زيكم

الصور رائعة والفيديوهات اروع


وزعلانة برده

Sampateek said...

الف مبروك اتمنى الكتاب ينزل هنا في السعودية علشان اشتري عشر نسخ
الف مبروك

تحياتي

رفقة عمر said...

الف مبروووووووك
بجد مش عارفه اشكرك ازاى خالو احمد بجد مجهود مشكور عليه
انا للاسف مش عرفت اجى الحفل متعوضه فى الاعداد القادمه ان شاء الله
بجد تغطيتك للحفله عوضتنى عدم حضورى وحاسيت انى كنت معاكم
بجد فرحتنى جدا جزاك الله خيرا
ربنا يكتبلكم النجاح
امين

fahd said...

ربنا يكرمك يا اخي

انا سعدت اني اتعرفت عليك في هذه اليلة

انا كنت بتعتبرها عيد والله

عيد ساخن جدا

الجو كان حر

nonoymm said...

انا جييييييييييييييييييت
لقيتكم مشيتوا
عااااااااااااااااااااااااااااااااااا
بس اتعرفت انا وزوجي على ابراهيم معايا مدون ما شاء الله عليه
كان نفسي اشوفكم
معلش مرة تانية بقى
الف مبرووووووك وعقبال المرة الجاية
تحياتي

mohammed alsha3r said...

خالوووووووو الصباغ

تصدق بالله انا جاى متأخر شويه

عارف ليه

علشان كان عندى شغل فى القاهرة وكان لازم اروح اسلمه فى المنصورة

ومع كل دا رجعت تانى القاهرة

علشان خاطر عيون المدونين حبايبنا

ولما وصلت الواد نوشه لقيته منتظرنى تحت وبيقول لى يلا ياعم

بقول له الحفله خلصت قال اه

استغربت

قلت له طيب الصباغ فوق قال اه بس كان شكله زعلان

المهم طلعت .. حفله ايه اللى خلصت
انا اصلا على ما وصلت لسياتك كان طلع روحى

اولا من الجو الخااااااااااااار قصدى الحار جدا ... ياريت بعد كان فى مكان مفتوح

ثانيا كل شويه الواحد يتكعبل فى مدون يعرفه

كان يوم جيد جدا بكل ما تحمله الكلمات


بعيد بقى عن الموضوع هههههههههههه

الصورة المجمعه للمدونين على البورصه من تصويرى ... امانه التصوير ياااااااااخال ..لأحسن اموت العيال ولاد اختك

.................

صباغ انتنباء لك مستقبل اعلامى جيد ... بس انت استمر ولو تيجى تقدم معاى فى دبلومه اعلام تبقى تمام


طولت عليك

بس قبل اى حاجه

بالله عليك توصل سلامنا لماما الحاجه وتقول لها تدعى لنا

وتروح وترجع بالسلامه ياااااخال


سلام

دكتور حر said...

أحلى تعليق سمعته عليك يا صباغ الليه اياها


أم العروسة


ههههه
ربنا يكرمك يا غالي ويوفقك



ويرجع تيتا بالسلامه يا خالوا

Dr-hema said...

طيب هيبقى فى توزيع للمحافظات التانية ولا ايه


د/هيما

only spot said...

سلام عليكم
الف مبروك وبجد فرحت جداااا لكل الى نزلتلهم بوستز ويا رب كده دايما المدونين فى تقدم وربنا يوفق الجميع
والف مبروك ليك يا خالو وبجد كنت اتمنى اكون معاكم فى اليوم ده بس تتعوض بامر الله فى يوم تانى يكون برضه المدونين اسره واحده ويا رب الى يجمعنا دايما هو حب الخير للجميع
خالص تحياتى والف مبرووووووووووك

only spot said...

معلش يا خالو نسيت ابارك على سفر والدتك ويا رب ترجع بالف سلامه وربنا يتقبل منها بامر الله وبجد تغطيتك كالعاده جامده وتحفه ربنا يبارك لك ويجزيك خير ان شاء الله ويا رب تبلغ سلامى ومباركتى للجميع على ماارجع من الزنقه الى الواحد فيها
خالص تحياتى وسلامى لاجدع خال بلوجرى
تحياتى

أحمد كمال said...

على فكرة من أجمل الحاجات في الحفل تغطيتك له ، أخبار و أسماء و صور مافيش كده . كان نفسي أتعرف عليك لكن خيرها في غيرها إن شاء الله :)

ملحوظة : الوالدة تروح و تيجي بالسلامة و ربنا يتقبل

رصيف نمرة خمسة said...

السلام عليكم

والله بكيت من فرحتلاى بالمدونين وقد ايه هما فعلا عيله جميلة وربنا يدوم المحبة والخير بين كل المدونين يارب

يمكن انا دخلت عندك مرتين بس لا من النهاردة مينفعش مدخلش ياخالو

ميرسى انك عرضت الفيديوهات والصور بجد كان نفسى اشوف الناس اللى بحبها اوى وكانى حضرت بالضبط بروحى بس هههههههه

ربنا يديم الحب بين الناس وخصوصا المدونين الجمال دول


سلام ياخالو

شيمـــــاء said...

ايوه انت اللى كنت خيالنى و كل شوية اقولك بعد اذنك يمين او شمال
هاهاهاهاها
:)
بهزر
انا كنت عارفة الشكل و عارفة اسمك بس فعلا بس معرفش انت خالو احمد
الف مبروك وربنا يكرمك يار ب
سعيدة بحماسك للكتاب و تصويرك و حبك

ليا ملحوظة
نفسى اشوف صورة
كله مش باين يا راجل

سارورة said...

بجد بجد كان يوم من اسعد ايام حياتى
سعييييييييييدة جدا انى قابلت حضرتك وقابلت ابى وفريدة والقادم اجمل بجد من اجمل الناس اللى عرفتها
للاسف ماكنتش عارفة اتعرف على حد لأنى ماليش اوى فى الجو الزحمة بس كان عندى امل اعرف الناس من الصور لكن الصور مش باينة خااااااااااالص
الف مبرووووووووووووووك لست الكل ع العمرة

المستنصر بالله said...

جميله قوى نقلك للحدث
انا استمتعت جدا كانى حضرت بالظبط

Baker said...

سلام عليكم
ربنا يوفقكوا و عقبال نجاحات تانيه اكبر
تحياتى

همس الاحباب said...

خالو احمد الصباغ
ايه الجمال ده كله يا باشا طول عمرك مميز وتغطيتك جميلة
فعلا انت كنت دينامو الحفل لدرجة كنت بقول عليك فى مدونتى انك ام العروسة
دلوقتى بقيت ام العروسة وابوها كمان
بس فعلا كان تجمع جميل
وتستاهل انك تبقى كبير العيلة التدوينية
وخال المخاليل ههههههه
وبالمناسبة الف مبروك للوالدة وتروح وترجع بالف سلامة
وعمرة مقبولة ان شاء الله
ودعواتها لينا
تحياتى وتقديرى
خالد

princess dodo said...

بجد كان يوم جميل يا أحمد
وسعيدة فعلا إنى اتعرفت عليك

:)

shayma said...

الف الف الف مبروك يا احمد
بجد سعيده جدا بالفكرة دى

وكان نفسى اااااااااجى
:(

بس بجد التغطيه هايله
بس انا مش شايفه
:))
الصور مش راضيه تظهر يا خالو

سلامى والف مبروك
:))

د/اجدع بنوته said...

هو اشمعنا

انا الوحيده اللى مدونتى مش جنبها الاسم

لووووووووووووول

اابى واسلام عصافير ياربى

ربنا يتمملهم ع خير

ويتنج اماكن التوزيع ف المحافظات

هبههههووب said...

انا زعلانه انىمحضرتش الحفل دا
وبجد اول ما هلاقى الكتاب هجيبه ان شاء الله
بس بجد كان نفسى اتعرف على كل المدونين بجد باقه حلوة اوى
ان شاء الله المرة الجايه اكون معاكم
بإذن الله
مصر مبروكه بيكم

Anonymous said...

الصور مش بتطلع لييييييييييييه
راجع الصوررررررررررررررررر

بثينــــــة said...

مبروك علي كل حاجة
بأشكرك علي التغطية الرائعة اللي أسعدتني بجد لعدم تمكني من الحضور
بجد مجهود رائع
شكرا ليك

RiddleR said...

طبعا انا مقدرتش أجي مع اني ناويها من زمااااااااااااان بس للأسف اللي انا كنت فيه كان أقوى مني مليون مرة
المهم انا حبيت أخدم الناس هنا واقولهم لو عاوزين تحتفظو بالفيديو دا موقع بينزل الفيديو من يوتيوب بجودة شبه الأصلية
http://www.ouideo.com/youtube/download.php

قوس قزح said...

شكرا على اليوم الجميل اوى ده
برغم من ان كان صعب اتعرف عليك
خيرها فى غيرها

shayma said...

الصور ظهرت يا خااااااااالو
تسلم ايدك

الصور بجد تحفه
وسعيده جدا بالناس الى حضرت دى

وهحاول انشاءالله اجى يوم الخميس الجاى
:))

محمد سلامة said...

أنا حضرت الحفلة و مكنتش اعرف حد غير صديقي محمد عبد الحي و شفتك قبلها في حفل إصدار كتاب ( عندما أسمع كلمة مدونة أتحسس مسدسي ) جمع و تعليق أصدقائي محمد كمال حسن و مصطفى الحسيني و لما شفتك تاني في حفلة مدونات مصرية للجيب سلمت عليك و انا معرفش عنك حاجة غير أني شفتك قبل كده و دي أول مرة أخش مدونتك و سعيد جدا بده طبعا أنت مش فاكر سلامي لأني ساعتها سلمت عليك بالأيد و ما اتكلمتش معاك نص كلمة عشان كنت عايز الحق أرجع الشغل اللي كنت مزوغ منه ساعة عشان أحضر الحفلة و أنت ساعتها كنت واقف وسط مجموعة من البشر معرفهاش و أتمنى أنها تكون معرفة خير

ابن حـجـر الـعـسـقـلانـى said...


بص يا صباغ

أنا جيت الحفلة بس اتقابلت مع ربع فى المية من الناس .. لأن باقى الناس أنا ماعرفهاش .. و أنا واقف هناك لقيت واحد مدون مش فاكره طبعا بيقترح إن المفروض كل اللى ييجوا كانوا يعملوا كروت و يكتبوا عليها أساميهم و أسامى مدوناتهم عشان التعارف يبقى سهل

فهل ينفع يا صباغ تعمل تصميم خفيف و بسيط لكارت و تحطه على المدونة بحيث إن كل واحد فينا ينزله و يطبعه و يكتب عليه بياناته و يعلقه على صدره عشان الناس تعرف بعضها

يا ريت الفكرة دى تبقى مناسبة .. و لو مش مناسبة اقترح انت أى فكرة تانية

و أشوفك ان شاء الله يوم الخميس الجاى .. مع إن النهاردة انت فاتتك أكلة محشى ورق عنب من بتاع بلاده

إبـراهيم ... معـايــا said...

يعني يا أحمد بيه مالاقيتوش إلا يوم الخميس، حاولوا تخلوها سبتـ ولا حاجة، عشان أعرف آآآجي لأني مابحبش تفوتني أي اجتماعات مدونين مهما حصـل ، المهم ، تجدر الإشـارة إلى إن سعادتك عندك غلطة فظيييييعة ف مدونة هدى وحي القلم، حيث إن اللينك بيدخل على مدون سعودي مدونته اسمها وحي القلم ، بس مجنجعرفوووش :) ......... نركز بقى شوية
.
.
وشكرًا قووووي على تغطياتك الإعلامية المتميزة بجد، وخاااصة مقاطع الفيديو، لأني كنت عاوز أعرف إيه اللي حصـل :)

Ahmed Al-Sabbagh said...

ابن حجر العسقلانى

هى فكرة طبعا جميلة زيك

وممكن عشان موضوع الطباعة ده هيبقى مرهق

بفكر اطبعة انا واجيبة واجيب قلم خط

وكل واحد يكتب عليه اسمه بخط اليد

ايه رأيك ؟؟

Ahmed Al-Sabbagh said...

دكتور بهــدوء

ربنا يخليك

ويسمع من بؤك

وبجد كان نفسنا تبقى معانا

Ahmed Al-Sabbagh said...

ادم المهدى

توقيعى بس ايه يا صاحبى

ده انا كلى هدخل اقعد جوة النسخة بتاعتك

بجد عايز اشوفك قريب

حسن محمد توفيق said...

الف مليون مبروك يا احمد

ودائما فى تقدم وكنت اتمنى ان احضر هذا اللقاء ولكن ظروف الشغل احنا الان فى موسم امتحانات وطبعا بتوع التربية والتعليم الان مشغولين جدا
على العموم سعيد بما تم ودائما فى تقدم

اخى احمد
اسمح لى ان انقل عنك هذا الموضوع ليوضع فى مدونة الاتحاد
شكرالك ومبروك عليكم جميعا
اخوكم
حسن محمد توفيق
من مؤسسى اتحاد المدونيين المصريين
http://egyptadwin.blogspot.com

ابن حـجـر الـعـسـقـلانـى said...

كدة كويس يا صباغ .. بس ممكن برضه تخليه متاح للى عايز يطبعه .. لأن أنا نفسى أروح لخطاط يكتب لى اسمى بخط عربى جميل

Ahmed Al-Sabbagh said...

رامز عباس

حبيبى وروحى واخى

بجد والله كل كلامك جميل

وما تتصورش اد ايه انا كنت سعيد باليوم ده معاك بجد من كل قلبى والله

وبدون اى مجاملة انت اكتر من اخويا

ونفسى علاقتنا تتوطد اكتر

ابن حـجـر الـعـسـقـلانـى said...

اللينك دى لبرنامج بيكتب خطوط عربية حلوة

http://www.montada.com/showthread.php?t=317018

هاتلاقى صور للوحات معمولة بيه على الصفحة دى

و هاتلاقى طريقة تصطيب البرنامج .. أنا لسة بانزله و ماجربتوش بس شكله برنامج حلو

معلش أنا شكلى كدة أخدت صفحة التعليقات مقاولة

:-)

Ahmed Al-Sabbagh said...

ابن حجر العسقلانى

ياحبيبى المدونة كلها بتاعتك مش صفحة التعليقات بس

وبعدين انت كل افكارك بناءة وبتحركنا دايما لقدام
وانا بحب كدة

انا هنزل البرنامج وهشوف

Zika said...

والله مش عارف اقولك ايه بس بجد كان نفسي ابقي موجود واشوف كل الناس اللي حضرت دي واتعرف عليهم واحد واحد
بس طبعا ظروف الامتحانات
وخصوصوا اني اصلا بعيد السنه ولازم انجح السنه دي
والمشكله ان الامتحانات مستمره لحد 11/6
عموما مسيرها تتعوض
وانا بجد فخور اوي باللي بيحصل ده ومبسوط جدا
بالنشاط ده
وربنا يوفقك يارب ويوفقكوا جميعا
وان شاء الله هيبقي فيه تفاعل مني ومشاركه بس بمجرد ما تخلص السنه دي ان شاء الله
تحياتي

Ahmed Al-Sabbagh said...

رامز تانى

شكرا على اللينك

وياريت تبقى تعمل لوج ان قبل الكومنت عشان يظهر لينك مدونتك فى التعليق

:)

Ahmed Al-Sabbagh said...

Unique

ربنا يخليكى

كنتى منورة

بس ما صورتش للاسف :))

ونشوفك على خير ان شاء الله

Ahmed Al-Sabbagh said...

gigi

ربنا يخليكى يا جهاد

وميرسى على كلامك ودعوتك الجميلة

واصطنعتك لنفسي said...

تغطية هايلة بجد

انت مش ممكن تتخيل حزني أني ما اقدرتش أجي الحفلة..بس بجد الصور والفيديو والكلام ريحوني شوية ..بجد باين تعبك وأنت مش بس بتنزل الأخبار وخلاص أنت بجد بتحاول توصل الإحساس

تسلم إيديك..تغطية فعلاً رائعة

بس خد بالك أنت كده خلاص بقيت المسئول عن التغطيات اللي من هذا النوع..الواحد لما يحب يعرف أخبار أي حدث هيدخل عندك علطول..أتدبست خلاص يا خالو

إيمان

عصفور المدينة said...

ماشي يا عسقول مانتش فاكر مين اللي قال نعمل كروت ونعلقها بالأسماء

الله يسامحك

Ahmed Al-Sabbagh said...

عصفور المدينة

ههههههههه

ايه ده عسقول بيعلق الافكار

طب كويس انك قولت لى عشان احط افكارى فى الدرج واقفل كويس

ههههههههههههههههههههه

Ahmed Al-Sabbagh said...

ra7eel

والله يا رحيل فى ناس اشتكت ام الميعاد بدرى واننا ما راعيناش ان عندهم شغل

طب اقطع نفسى زى فطوطة كدة

وما تعيطيش

بس انتى مواعيدك الفشنك كترت صح ؟

Ahmed Al-Sabbagh said...

لماضة

ايوة لازم اسيح طبعا

ده واجب وطنى على كل انسان

التسييح

والجوانتى امانة فى رقبتك

وماما قلت لها تدعيلنا كلنا وشافت الصور والجوانتى

Ahmed Al-Sabbagh said...

د/اجدع بنوته

ده انتى هتاكلى ضرب

بس سماح المرة دى لغاية ما تخلصى امتحانات

والله قلت لماما تدعيلنا واحد واحد

شكرا لكلامك الجميل

Ahmed Al-Sabbagh said...

مـحـمـد مـفـيـد

بجد سعدت بلقاءك كتيير يا محمد

واعتقد ان فى صداقة كبيرة اوى بينا هتحصل ان شاء الله

Ahmed Al-Sabbagh said...

المـــفـقوعـة مــرارتـهــا

لا تقلقى يا سيدتى

ان شاء الله الاعداد القادمة يكون التنسيق احسن

وبجد نورتينا واتشرفنا بيكى كتييرر

Ahmed Al-Sabbagh said...

إبـراهيم ... معـايــا

هههههههههه

عسل يا هيما

بص يا سيدى الاستاذة حنان مانعة اننا نصورها

وانا ما رضيتش اجيب صعايدة واكسر الازاز وسيبتها على راحتها

ورد ياباشا براحتك اعتبرها مدونتك

Ahmed Al-Sabbagh said...

غني يابهيه

درش ميرسى على الرسالة اللى بعتها لى اثناء الحفلة

وكان نفسنا تبقى موجود معانا

واى وقت تنزل القاهرة كلمنى وان شاء الله تبقى فى فرصة ونقعد مع بعض

Ahmed Al-Sabbagh said...

A.SAMIR

هههههه

طبعا كان ناقصك يا كبيرنا

والله كان عندى امل انك تيجى

Ahmed Al-Sabbagh said...

امام الجيل

هههههههه

ايوة انا عارف

بس ما عرفش انت كنت حابب تتصور ولا لأ

بحد اتشرفنا بيك كتير

Ahmed Al-Sabbagh said...

روز

بجد بجد بجد سعدت بيكى جدا جدا وسعدت اكتر بكلامك الجميل وبتشجيعك

ويارب دايما معانا
:)

Ahmed Al-Sabbagh said...

فاتيما

كل سنة وانتى طيبة وخير وسعادة يارب

وكنتى منورة وسط البلد وشك ولا وش القمر

ويارب نشوفك قريب تانى

Ahmed Al-Sabbagh said...

آلام وآمال

حبيب قلبى لا تحزن

وان شاء الله تتعوض فى توقيعات ولقاءات اخرى بس ياريت انت تتحمس وتيجى تنورنا

Ahmed Al-Sabbagh said...

WhItE HeArT

ربنا يوفقك فى الامتحانات

و ان شاء الله فى الصيف نشوفك

Ahmed Al-Sabbagh said...

شيماء الجيزى

ههههههههههههههههههههههههههههه

والله انتى عسل

وكمان بتحسدى تامر نبيل على الكرسى

ماشية عمالة تحسدى فى البشر

يارب دايما يجمعنا على خير

ويتم شفا تامر نبيل

ياااااااارب

Ahmed Al-Sabbagh said...

ايناس لطفى

يابنتى انا كنت متخفى عشان القط اى صورة فى حد مركز او سرحان

هههههههههه

اى خدمات

وشكرا لمجهودك الرائع

Ahmed Al-Sabbagh said...

خبيب

واحنا افتقدناك

:)

ابن حـجـر الـعـسـقـلانـى said...

و الله مش فاكر بجد .. بس يبدو كدة إنه أستاذ عصفور
:-) :-) :-)

الدنيا كانت زحمة و صعب افتكر مين اللى اقترح الفكرة


على العموم البرنامج اللى قلت لكم عليه مش عايز يشتغل على ويندوز إكس بى

عشان ماتتعبوش و تنزلوه

Ahmed Al-Sabbagh said...

ابو اعصار

ربنا يخليك يا حبيبى

اتشرفت بيك كتير يا اخى

بحبك يامصر said...

مبروك واضح انه كان يوم جميل وشكرا على مجهودك كأننا حضرنا وان شاء الله المره الجايه نحضر
تحياتى ليك

Ahmed Al-Sabbagh said...

Jana

خلاص بالنسبة لموضوع العض سماح المرة دى

ومن غير قهر كمان مش تزعلى نفسك

ان شاء الله نلتقى كلنا مرة اخرى على خير

ابو اعصار said...

لسه قاري ان الست الوالده راحت العمره بالله خليها تدعيلي الله يتقبل منها ويرجعها بالسلامه

تشرفت بمعرفتك

Ahmed Al-Sabbagh said...

appy

ميرسى يا ابى على كلامك الرقيق

وبجد انتو اكتر من اخواتى

والف مبروك يا قمر وعقبال الليلة الكبيرة

ونفرح لك كتيييير

Ahmed Al-Sabbagh said...

عمى وابويا ابو خالد

يارب يكون اليوم عجبك ودايما تشرفنا وتقعد معانا تمتعنا بحديثك الجميل

Ahmed Al-Sabbagh said...

محمد عبد الحى


وانا كمان اتشرفت بيك فى اللقائين وكنت مبسوط اوى انى شوفتك مرتين

بس انا قولت كتير اوى اننا رايحين البورصة مع بعض

ان شاء الله تتعوض

Ahmed Al-Sabbagh said...

tamer.sala7

ولا يهمك يا صديقى

ان شاء الله تتعوض

Ahmed Al-Sabbagh said...

بنوتة مصرية

ربنا يخليكى يا رودى

ودعواتك معانا

وانا نزلت صورة رودى مع محمود الدوح

وكمان عندى ليكى صور كتير بس ما رضيتش انزلها بقى

:))

Ahmed Al-Sabbagh said...

بنت الاسلام

تسلمى يا بطاية

والله كلامك مشجع جدا

وانتظرى لقاء كبير للمدونين فى دمياط قريبا

Ahmed Al-Sabbagh said...

Sampateek

ميرسى اوى

هشوف ننسق عشان ننزل الكتاب السعودية

هننسق مع احدى المكتبات

اهو ده عيبه said...

صباغ شيل الصورة بدل ما افجرلك المدونة
لا وحاطتها اول واحده كمان
حرام عليك يا شيخ ده انا كرهت شكلى

يااما انا اللى وحشه يا الكاميرا يانت بوظت الصورة

شيلها اللهى يسترك وان كان ولا بد ابعتلك واحده من عندى بدل ابحث مع الشرطه دى

اتمنى تستجيب لطلبى وربنا امر بالستر

Ahmed Al-Sabbagh said...

رفقة عمر

تتعوض ان شاء الله

ويارب تكون التغطية عوضت عدم حضورك الحفلة

Ahmed Al-Sabbagh said...

fahd


هههههههههه

معاك حق والله يا فهد

انا اللى اتشرفت بيك كتير يا اخى

Ahmed Al-Sabbagh said...

nonoymm

ده انا ماشى متأخر اوى

انتى شكلك جيتى فى منتصف الليل

كان نفسى اشوفكم والله

واتشرف بيكم

Ahmed Al-Sabbagh said...

mohammed alsha3r

حبيبى الشاااااااعر

يا باشا انا مش اد الكلام الكبير ده

بص اولا انت عرفتنى فى اليوم ده على كذا شخصية انا معتز بيها اوى

وثانيا الحاجة ان شاء الله هتدعلي وتدعيلك

وكمان ياريت اشوفك الاسبوع ده عشان نتكلم كتييييير

Ahmed Al-Sabbagh said...

دكتور حر

أم ؟؟؟؟؟؟

هههههههههههه

والله كدة الناس تشك فيا

طب ما تمشيها ابو العروسة

ههههههههههههههههه

والله ده كلام كبير عليا

وده من ذوقك وكرم اخلاقك بس

Ahmed Al-Sabbagh said...

Dr-hema

ايوة ان شاء الله

وقائمة الموزعين تحت التحديث

Ahmed Al-Sabbagh said...

only spot

ميرسى يا شيماء على كلامك الجميل


ويارب دايما يجمعنا على خير

Ahmed Al-Sabbagh said...

only spot

ميرسى يا احلى مدونة بلوجرية

وسلامك هيوصل للجميع ان شاء الله

والحمد لله ان التغطية عجبتك

Ahmed Al-Sabbagh said...

أحمد كمال

ميرسى يا افندم
انا والله اللى كان نفسى اتعرف عليك بجد

Ahmed Al-Sabbagh said...

رصيف نمرة خمسة

ههههههههه

لا يا سيدى اعتبر نفسك حضرت معانا قلبا وقالبا

بس ان شاء الله فى اى تجمع كبير لازم تيجى تنورنا

Ahmed Al-Sabbagh said...

شيماء

ههههههههههههه

هو انتى ؟؟

ده انا كنت على وشك انى امسك فى خناقك

ههههههههههههههه

بجد كان نفسى اتعرف عليكى اكتر

ومدونتك عارفها من زماااااااااان

الصراحة خنقة ؟؟

لا ده اسم مدونة شيماء

هههههههههههههههه

Ahmed Al-Sabbagh said...

سارورة

ميرسى يا احلى بنوتة

وانا كمان اتشرفت بيكى

وانا صلح الصور ورجعت الامور على ما كانت عليه

Ahmed Al-Sabbagh said...

المستنصر بالله

ميرسى اشكرك

يارب دايما عند حسن ظنك

Ahmed Al-Sabbagh said...

Baker

ميرسى يا جميل

اشكرك

Ahmed Al-Sabbagh said...

همس الاحباب

اخويا العزيز خالد

بجد ميرسى اوى اوى اوى على اتصالك واهتمامك

اما بخصوص ام العروسة دكتور حر فتن عليك هههههههههه

وابقى ردى عليه

Ahmed Al-Sabbagh said...

princess dodo

انا بجد سعيد اوى اوى بيكى

وكان نفسى يكون مستر اى دى معانا

Ahmed Al-Sabbagh said...

shayma

شيماء الصور صلحتها ياريت لو فى اعطال لسه تقولى لى

Ahmed Al-Sabbagh said...

د/اجدع بنوته

اسم ايه مش واخد بالى

حاضر بجهز القوائم

Ahmed Al-Sabbagh said...

هبههههووب

الله يبارك فيكى يا هبهووب

وان شاء الله نشوفك قريب على خير

Ahmed Al-Sabbagh said...

Anonymous

حاضر

الصور اتصلحت

لو لسه فى مشكلة ياريت تقولو لى

Ahmed Al-Sabbagh said...

بثينــــــة

طب الحمد لله ان التغطية عجبتك

وان شاء الله نراكى فى لقاءات قادمة

Ahmed Al-Sabbagh said...

RiddleR

ميرسى يا جميل على اللينك

ونشوفك ان شاء الله على خير

Ahmed Al-Sabbagh said...

قوس قزح

ربنا يخليكى

انا ما اتكلمتش معاكى

بس اظن شوفت حضرتك

Ahmed Al-Sabbagh said...

shayma

طب الحمد لله

ونشوفك على خير يا شيماء

Ahmed Al-Sabbagh said...

محمد سلامة

اهلا اهلا بيك انا فاكرك

وان شاء الله تكون لينا لقاءات تانية كتير

Ahmed Al-Sabbagh said...

إبـراهيم ... معـايــا


شكرا اوى يا ابراهيم على الملحوظة

وسيتم تداركها فى اقرب وقت

ومبسوط ان التغطية عجبتك

شمس الزناتي said...

رائع يا صباغ بالفعل رائع احسنت

Anonymous said...

فعلا كان نفسى اكون موجود، وكان نفسى أقابل ناس كتير جدا كنت عارف انهم هاييجوا، وكنت عاوز فعلا اتعرف عليك وعلى كل الحضور

ولكن قدر الله وما شاء فعل

جدتى توفت فى نفس اليوم صباحا

أراكم فى مناسبات سعيدة اخرى ان شاء الله


منذر حين البأس

عاليا حليم said...

بجد بجد انا عينى دمعت من كتر الفرحة بجد و الله كان نفسى اوى اشاركم اللحظة دى
بس مكره اخاك لا بطل

تحيات من اعماق القلب

شهيدة said...

مش عارفه اذا تعليقي هيبان وسط الجمهور الجميل من المعلقين

لكن محمد اخويا حكالي عن تفاصيل اللقاء ولولا الامتحانت كنت هبقى موجوده لكن قدر لله وما شاء فعل

انا مسكت منه الكتاب رغم المذاكرة اللي ورايا وقرأت فيه بدون وعي لحد وصلت لنصف الكتاب او زياده ومقمتش الا بالعافيه


رائع جدا ..

عقبال المره الجايه وفعلا زي ما قال استاذ احمد .. شباب مصر وردها البلدي الاصيل

dr.Roufy said...

حقيقي خطوة رائعة ..كنت مستنياها من فترة للمدونين
الف الف مبروك
وان شاء الله المرة الجاية اعرف آجي واشارككم
:)

بت خيخة وأى كلام said...

ياما نفسى اعض الناس اللى ماجوش

ليك حق يا صباغ واله
لما واحد جه من السعودية مخصوص وسافر فى نفس اليوم
ما بالك بقى الناس اللى من القاهرة اساسا
ليك حق طبعا تعضهم
وانا كمان هاعضهم معاك
ناس خيخة صحيح

نيهاهاهاهاهاهاهاهاع

غني يابهيه said...

يا صباغ كده كتييييير اوى بصراحه
يوم الخميس 29 ده
انا عندى امتحانات
يابنى ارحمنى
والله حرام
عندى امتحانات بكالوريوس
ادعولى
واستنوا بعد الامتحانات انا هاكون اول الحاضرين فى اى حته
ان شاء الله تكون موزمبيق

المهم تكون انت موجود ياحبيبى

غني يابهيه said...

انا خايف اتعض
بس والله اخلص امتحانات .... وهافضى بقى

ويمكن اعض معاك انت وبنت خيخه واى كلام

كريم محمود said...

ألف ألف ألف مبروك بجد
:)

سارورة said...

انا لقييييييييييييتنى فى الصووووووووور
هييييييييييييييييييييييييه
طالعة زى فضولى بتاع مجلة ماجد فى كل صورة هههههههههههههههههههههه
استاذ احمد الصباغ على فكرة انا كنت متلغبطة انا للاسف ما كلمتكش ولو انى غلبتك فى الماية .. خلصت نص الازازة اللى كانت معاك ههههههههههههههه
انا كان مختلط عليا الامر وخلطت بينك وبين استاذ احمد ابو سلمى وفداء

النجم القادم said...

انا اعتذر ولكن نعمل ايه بقى الامتحانات

هبدأ امتحاناتى غداً الآثنين دعوااااااااااتكم http://ewaatekhaf.blogspot.com/

فقط وحصريا مع النجم القادم مدونة إوعى تخاف

عاشقة القمر said...

آآآآآآآآآآآه ماليش دعوة بقى .. والله اعيط .. من يوم ما نزل الكتاب وانا هموت واجيبه وعندي امتحانات وكل اماكن توزيعه بعيده عليا بمعنى انه صعب انزلها ايام الامتحانات .. ماليش دعوة انا عايزة كتاب زي كل الناس وانا مالي بقى ..

خالو احمد بعيدا عن اني هعيط فعلا وانا مش عارفه اجيب الكتاب كده .. بس عايزة اقولك ان بجد التغطية اكتر من رائعة تحفه جدا بجد .. تسلم ايدك .. وادعيلي اقدر اوصل للكتاب قبل ما يخلص احسن هتشل ..

Whispers just for a Night said...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

Anonymous said...

دعوة
الي احبائي
واخوتي واخواتي المدونين
اتمني منكم
التفكير في تلبيه الدعوة المسجله بمدونتي

عارف اني عامل قائمة خاصة بس دول بس اللي اعرفهم

اتمني تتحول الحفله لملحمه تعريف راقيه ومكيفة

طبعا مهي هتبقي بالمركز الفرنسي انا اتاكدت من المعاد وهتاكد تاني

http://ramezabas.blogspot.com/
ودة لينك مدونتي المتواضعه


اتمني منكم الاهتمام بمشاركتي فرحتي


بالمعاقين سمعيا مثلي
وهم فرقه الصامتين

التي يديرها صديقي المخرج رضا

Anonymous said...

دعوة
الي احبائي
واخوتي واخواتي المدونين
اتمني منكم
التفكير في تلبيه الدعوة المسجله بمدونتي

عارف اني عامل قائمة خاصة بس دول بس اللي اعرفهم

اتمني تتحول الحفله لملحمه تعريف راقيه ومكيفة

طبعا مهي هتبقي بالمركز الفرنسي انا اتاكدت من المعاد وهتاكد تاني

http://ramezabas.blogspot.com/
ودة لينك مدونتي المتواضعه


اتمني منكم الاهتمام بمشاركتي فرحتي


بالمعاقين سمعيا مثلي
وهم فرقه الصامتين

التي يديرها صديقي المخرج رضا

إنـســـانـة said...

بجد بجد بجد بجد كانت حفلة فوق العادة
وانا اصلا معرفتش ان هى دى الحفلة غير لما شوفتك يااحمد وقعدت اقول لإبراهيم احمد الصباغ اهو .. يبقى المدونين كلهم جوا

لا بجد عملت مجهود ما شاء الله يجنن وتغطية رائعة

واحلى حاجة في التغطية ان مافيش صور حصرية ليا انا وكاميكاز
:D

يلا عقبال الاعداد القادمة إن شاء الله

NIDAAL PAL said...

ليييييييييه الفضايح يا صباغ
طب ده انا كنت جى من الشمس و الشغل عليكوا عالطووول .. طب كنت استنى لما انضف مش ابقى محرووووووق كدة من الشمس
عموماً .. لك يوم يا مصوراتى الغفلة انتا ..ههههههههههه
دمت ..
مش هتقولى عايز كبينة مقاسها ايه ..تعالى و شوف >>>

سكــر said...

اممممممممممم

انا باين كنت فى حفله تانيه

ايه يا عم

فين صورتى

محمود الدوح said...

تغطية رائعة يا صباغ

بس على فكرة الصورة بتاعتى مش مع بنت رودى

NilE_QueeN said...

انا زعلانه

انا حزينه

انا مقهوره

انا مقدرتش اشارك ف الكتاب او احضر اللقاء

قولى بقي اجيب الكتاب منين من المنصوره

ayman badr said...

خالو احمد حبيب قلبى
أنا سعيد جدا بلقائك رغم انه لقاء قصير وشكرا على الإهداء الجميل وكمان التغطية الأكثر من رائعة وبصراحة كان يوم جميل جدا
وبالنسبة للخميس الجاى ممكن ييجى مدونين حضروا قبل كده
تحياتى

ayman badr said...

قبل ما انسى عمرة مقبولة ان شاء الله لماما الحاجة ويا رب ترجع ذنبها مغفور ان شاء الله
سلام

مروة الزارع said...

كان نفسى أكون معاكم بس يا خسارة هتجوز بقى وبجهز لأن فرحى بعد شهر واحد بس ويدوبك بعافر عشان الحق اكمل الجهاز فى الوقت الضيق دة بس اكد هفضى لكم بعد الجواز وهكون معاكم بعد كدة فى كل المرات الجاية بجد وحشتنى جدا يا خالو

«Oldest ‹Older   1 – 200 of 231   Newer› Newest»