خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Dec 25, 2007

بوست حِرِش.. لهضم اللحمة

أما بعد

فإن أكل اللحمة يحتاج لأكلة حرشة بعدها

كما إن العيديات الكتيرة والبذخ تفسد الأخلاق

فإليكم هذا البوست الحِرِش بالزيت الحار والليمون


ويضم ثلات موضــوعات سريعة
.
.
الموضـــوع الأول .... لقاء حِرِش

لقاء المدونين فى العيد

وكان لقاء أكثر من رائع


تقابلت فيه مع مجموعة من الأصدقاء المدونين


هم– فى رائى الشخصى – من صفوة شباب مصر


المثقف والمتحمس والمحترم وخفيف الدم


وكان اللقاء فى قهوة البورصــة

: المجموعة هى


شمس الزناتى
مــدونة مصرى للنهاية




أحمد الجيزاوى
مدونة بحبك يا مصر




محمد فوزى - نوشّا
مدونة أنا مش معاهم بالإشتراك مع شمس



أحمد مفرح الصعيدى
مدونة أبو مفراح



محمد جمال
مدونة نضال فلسطين



محمود اليعقوبى
احمد يحيى الجعفرى
مدونة الفـــاتح اليعقــــــوبى


أحمد الصباغ
:)
أنا

بالأضافة لأثنين من اصدقائنا غير المدونين هم
مــدحت


عمرو



وكان اللقاء مفيدا وشيقا وتم النقاش فى عده موضوعات منها

موضوع العمل الجماعى وإماكنية مشاركة فئات فكرية مختلفة فى عمل واحد

التضامن من أجل إلغاء العمل بنظام الكفالة فى المملكة العربية السعودية

وهو النظام سئ السمعة يتسبب فى انتهاك حقوق الأجانب المقيمين فى المملكة

والتضامن مع الشريف / جمال طه فى قضيتة



الموضوع الثانى : مقال حِرِش


مقال فوكاهى عجبنى أوى بأهدية لكل أصدقائى الزملكاوية

وخاصة صديقى الزملكاوى اللدود / سامح فــوزى

إضغط هنا
أنواع الزملكاوية

بمناسبة خروج السيد المستشار المحترم

المبجل الفاضل الأسير المظلوم ياعينى / مرتضى منصور

من السجن - ينقطع لسانى- قصدى من الأسر

اللى ياعينى اتسجن قصدى اتأسر ظلما وعدوانا


مع انه لا شتم خلق الله كلهم

ولا اتصور وهو بيسب الــــد ... الجماهير ولا حاجة ابدا

وكل قضيتة الدفاع عن المقدسات


وعن قضايا الوطن وكل ما هو جاد وهادف

وهو القدوة الحسنة والمثل الأعلى فى الأخلاق الرياضية لكل للشباب جيل الطلائع



الموضوع الثالت : دعوة حٍرشة

دعوة مصريون ضد التعذيب

الإجتماع الموسع الشهري

يوم الخميس الموافق 27/12/2007 الساعة الخامسة مساءا

بنقابة المحامين شارع رميسيس

وإن شاء الله انا هكون موجــــود انا وصديقى محمد –
مهندس مصرى


وإلى لقاء مع إحتفالات العام الجـــديد


كل عام وأنتم بخير،،،


أحمد الصبـاغ

88 comments:

دكتور حر said...

أحمد باشا

ازيك يا غالي

ايه الحراشه دي كلها

وكده تروح القهوه من غير ما تقول
هفوتهالك المره دي بس

وربنا يكرمك بروح العيله اللي انت عاملها دي
*******
الزمالكاويه اللي جايبينه لنفسهم
*
مبروك عالتجديدات في المدونة

كل سنه وانت طيب

ارسم بالرصاص said...

السلام عليكم ورحمته وبركاته
فين حضرتك ؟؟؟؟ وفين ردودك علي موضوعاتي ؟؟؟؟؟؟؟؟؟؟؟
طمننا علي حضرتك
ووفقك الله لما يحبه ويرضاه
آمين
والسلام عليكم ورحمته وبركاته
تحياتي
هايدي

ارسم بالرصاص said...

السلام عليكم ورحمته وبركاته
خطأ مطبعي (طمنا)علي حضرتك
والسلام عليكم ورحمته وبركاته

عصفور المدينة said...

حمدا لله على السلامة يا أحمد وأحب ابلغك إن العيدية اتصرفت

وبعدين هو الجيزاوي كان نايم؟

amro said...

سلامات احمد
واضح ان دا كان لقاء جيد جدا
ربنا يديم المحبة والصداقة بينكم
احب طبعا اتضامن معكم فى موضوع الكفالة السعودية ، وبقترح ان يتم استنفار لكل المدوننين للمشاركة فى هذه الحملة، بعتقد ان نظام الكفالة دا نوع من انواع الرق متخف بثوب اخر
وكل لسنه ونت طيب بمناسبة الاعياد
والعام الجديد

هناء said...

لا زم تعمل ريجيم يا خالو الكرش باينة في الصورة

الفاتح الجعفري said...

استاذي ازي حضرتك
ايه ياعم الصور دي انا اتخضيت الواد اليعقوبي شكله زي مايكون اضرب في خلاط
ربنا يبارك فيك ويعزك وان شاء الله اشوفك يوم الخميس

بت خيخة وأى كلام said...

لسة من شوية كنت جايبة سيرتك عندى فى اخر بوست ليا
وكنت كاتبة انك عينى اللى بشوف بيها
وان من خلالك بعرف ايه الاخبار
وبجد فعلا يا صباغ كل ما ادخل مدونتك بعرف اخبار الدنيا
يارب دايما تفضل كدة عندك كل جديد ومفيد
وكل سنة وانت طيب
وحلوة اوى الزينة اللى انت حاططها عندك فى البوست
بس يعنى مش لو كنت حطيت فرع شجر اخضر ومتعلق عليه انوار الكريسماس مش كان احلى

وش واحد بيغمز
ووش واحد مطلع لسانه

نيهاهاهاهاهاهاهاااااااااع
دى طبعا ضحكتى الشيطانية

كل سنة وانت دايما طيب

اختك خيخة

مهندس مصري said...

الله يكرمك يا أحمد
أنا بس عايز أعتذر من عندك هنا للجيزاوي
لأني كان المفروض اقابلكم هناك بس نزلونا شغل في رابع يوم العيد يوم السبت
فما قدرتش آجي و على ميعادنا يوم الخميس إن شاء الله
ثم مين الجعفري اللي على الشمال ؟
وضح الله يخليك
وبعدين صورة محمد جمال نضال فلسطين مش باين غير الكاب فيها :)

يارب الزمالك ينضف من الأشكال اللي جايباه ورا لأحسن ضغط الواحد مش ناقص

ســـــــــمــــــــســــمـــايــــة said...

انا من اشد المعجبين بالحركات اللي ف المدونه بتاعتك بجد برافو برافو
هي غريبه انا عارفه اني ارد رد عادي زي الناس بس اصل بصراحه انا كسبت اني عرفت مدونات كتيره من المدونات اللي انت سايب اسماء اصحابهم
و عشان كده لا كتبت بلغه عربيه و لا كتبت بنبرة حزن كالعاده عشان ملخومه اوي بيهم
بجد اوي شكرا جدا يا استاذ احمد
و الي الامام دائما

السكندرى said...

ربنا يديم الحب بينكم
ويجمعكم فى الأخرة فى جنته كما جمعكم فى الدنيا على قهوة البورصة

ايوة كده زودوا الروابط ما بين المدونين
حتى يبقى بينكم عيش ونت

تحياتى

بس ما تنساش الحاجة الحرشة

NIDAAL PAL said...

ياااااااااااالهوووووى
وشى راح فين يا صباغ
انت هتنطق ولا ابوسك
بوست جميل اوى يا صباغ
بس اوعى تبلغ عنا بقى ومعاك ارقامنا كمان .. تبقى كملت
يارجالة .. اى حد يتقفش يبقى ما فيش غير الصباغ
اللهم بلغت اللهم فاشهد
الحقوا ارموا الخطوط الى معاكوا بسرعة
دمت و دام قلمك و دامت روحك المرحة الجميلة و مدونتك بالمرة .. يلا مهو ببلاش
الف سلام لك يا صاحبى

سهر الليالى said...

صديقى الجميل صاحب الروح المرحه دائما
أولا الحرش بييجى مع الأكل بس اللى بييجى بعد الأكل صحيح هو الحلو وأنا مستنية الحلو شيكولاته جاتوه تورته اى حاجة المهم انك تجيب وخلاص
هههههههه

بوست حلو اوى يا أحمد وبجد ما شاء الله عليكو مبسوطة جدا بالتجمع ده وفرحانه ان فيه شباب كدة ربنا يعز بيكم الإسلام أولا ثم مصر يارب

بجد فطست من الضحك على كلامك عن مرتضى منصور يخرب عقلك انت بتعمل ايه يا ابنى فى دمك ابقى قولى يمكن اتعدى ويخف دمى
هههه

بس على فكرة يا أحمد واضح ان العيد خلف اثار فاضحه على الكرش خلى بالك بقى
ههههههههههههههه

تحياتى الحرشة على البوست الجميل دة

سهر الليالى said...

اااااااااه نسيت اقولك
هابى نيو يير يا خالووووووووووو

ويارب السنه اللى جايه تكون احلى واسعد عليك ان شاء الله وعلى كل الناس يارب

سلامات بقى

خمسة فضفضة said...

السلام عليكمورحمة الله وبركاته

هههههههههههه
دا البوست ده لوحده عاوز فوار علشان يهضمه
مش تقولي لهضم اللحمه
هههههههه

حلوه اوي الصوره بتاع مرتضي مستندات دي


كل سنة وانت طيب يا خالو وبعوده الايام


سلام

Sarah Daw said...

الصفحة حلوه

بس رأيك فى الزمالكويه مش حلو

:(

Doba said...

جميلة لقاءات المدونيين فيها تبادل أفكار وآراء بشكل كبير

الزمالك والاهلى بصراحة مليش فى الكورة
وكذلك التحريشة الآخيرة

كل سنة وانت طيب
ومبروك النيو لووك بتاع المدونة - انا قلت مش بتاعتك

انا جبتلك مج نيسكافيه هدية علشان لما نيجى تعزمنا عليه - بلاش بخل بقى كفاية عدينا العدية اللى مخدنهاش

أمسكى يا سكينة
أمسكى يا سكينة

يلا باى
هبة

الفاتح اليعقوبي said...

السلام عليكم
ازيك ياجميل عامل ايه ربنا يكرمك ويعزك والله الواحد مبسوط اوي العيد ده انه قابل ناس كتير يعرفهم ومدونين



بص بقي ياصاحبي ابعد عن الزمالك مينفعش كده حرررام عليكم عايزين توقفوا المسيرة المباركة بتاعته ليه بس سيبوا الزمالك في حاله

وعشان تريحوا نفسكوا العو جالكم اللي كان بيقلبلكم الترابيزة فوق الكل

مرتضي مستندات
فيلم الموسم والعام القادم
ماذا سيفعل مع حسن صقر
وممدوح عباس والمندوه الحسيني وشوبير

هذا ماسنعرفه في العام القادم ان شاء الله
في معركته مع الفساد
يامرتضي يامرتضي انا بحبك يامرتضي
4سنين من غير دوري ولا كاس وبرضه بحبك يامرتضي
والسلام

يوميات عيل مصري said...

أول نشاط لي بعد إجازة العيد هو التعليق عندك
كل سنة وانت طيب
واتحرمت من اني اشوفك، وفداء كمان كان نفسه يشوفك، معلش خيرها في غيرها، الأيام جاية كتير يا خالو
كل سنة وانت طيب، وحلوة أوي الصور دي
والحمد لله إني لحقت نفسي في الأول قبل ما أجي في التعليق الآخير يا عم
حاجاتك لسة موجودة
كل سنة وانت طيب

ابن حـجـر الـعـسـقـلانـى said...

يعنى يوم ما آجى و الحق تعليق فى التلاتين تعليق الأوائل .. ألاقى كلام زى الطوب عن الزمالك .. هو أى نعم الزمالك منيل بنيلة .. لكن احنا مشاعرنا بقت خلاص .. جزامة على رأى اللمبى

تحياتى لك أحمد الصباغ

الدائخ said...

أنا بقي ولع م الأكل الحرشده كله
براحة شوية يا أبو حميد

و مبروك ع النيولوك
:D

Dr.Mohammed Gohary said...

هههههههههههههههههههه
حلو المقال
واحلي مافيه
عربيه كنتاكي
واللقاء الجامد
ياريتني كنت معاكو

تحياتي يا عزيزي

حبة حاجات (ايمان) said...

كل سنه وانت طيب وان شاء الله السنه الجايه احلى واحلى تحياتى

بت خيخة وأى كلام said...

اللااااااااااااه
حلو اوى اسمك اللى انت عمله ده
فيه تورية
عارف يعنى ايه تورية ولا اشرح
هاشرح برضه
يعنى كلمة الصباغ حرفين البى انت عاملهم كمان اكنهم الصفرين بتوع الفين وتمانية

هاديلك مثل تانى علشان اللى عايز يفهم
يعنى مثلا
كان فيه حكاية كدة بتقول ان جمال عبد الناصر كان كاتب على دراعه وشم جملة بمعنى ان تحرير فلسطين مش هيتم ابدا
فلما معرفش مين قاله طب افرض ان فلسطين اتحررت هتعمل ايه
رد عبد الناصر وقاله اقطع دراعى من لغلوغه
وكلمة اقطع دراعى من لغلوغه دى زى ما كلنا عارفين بتتقال على الحاجة المستحيلة
وفى نفس الوقت عبدالناصر استخدمها اكنها فعلا حقيقة باعتبار ان لو فلسطين اتحررت فعلا هايضطر انه يقطع دراعه من لغلوغه علشان مافيش حاجة تمسح الجملة اللى هو كاتبها دى غير قطع دراعه

طولت عليك معلش
بس الطريقة اللى انت كاتب بيها اسمك فكرتنى بالحكاية دى

سلام
اختك خيخة

عاليا حليم said...

ماشى متشكرين يا سيدى ع الأكلة الحرشة دى

أرجوا انك و أصدقاءك المدونين تكونا قضيتوا وقت ممتع

قولى ما تعرفش الحلقة بتاعة وائل عباس حتتزاع امتى ؟

بيقولوا سايكو said...

و انت طيب .. و مبروك على اللقاء المدونى

عاليا حليم said...

خلاص يا خالو شفت الحلقة ع اليو توب قصدى المصيبة

only spot said...

بجد جميله اوى روح الاسره الواحده الى بحسها فى مدونتك وجميله اوى الاكله الحرشه اما بالنسبه لمرتضى منصور فبما انى اهلويه واتمتع بروح الاهلويه ففرحت انه طلع رغم لسانه الوالف منه
كل سنه وانت طيب ويا رب تكون2008
سنه خير وفرح علينا كلنا
ومبروك على التجديدات بالمدونه
تحياتى

Ayesha said...

Thanks for visiting my blog.

Ayesha said...

Thanks for visiting my blog.

السيد شبل said...

لا يا صباغ زعلان ... والله العظيم زعلان بجد .... ازاى ما تقولليش على اللقاء ده ... بس ف النهايه عام سعيد

Soooo said...

كل سنه وانت طيب يارب

وفعلا احسن حاجه في الدنيا لما ناس مايعرفوش بعض غير من التدوين يتقابلو ويقربو افكارهم لبعض

بس خساره ياشيخ انك ماقلتش
كان المفروض تقوللنا ياراجل عشان نتعرف ببعض

يلا الجايات اكتر من الرايحات

وكل سنه وانت طيب كمان مره





سلاموووووووووووز

shayma said...

ايه كل الحرشاكنات دي
ههههههههه
حلو البوست
وكل سنه وانت طيب
حلو اوى اسمك الى انت عامله فوق
:))))

mado80 said...

جااااااااااامد البوست يا ابو حميد ، بس بجد انت مزعل نفسك ليه من مرتضي ده هو الوجبه الفكاهيه اللي الواحد كان مفتقدها طول ماهو في السجن خلينا نضحك يا راجل ده بني ادم نكته، ده انا ما صدقت انه طلع علي الأقل يبقي فيه حاجه نضحك عليها...تحياتي وتقديري لكي

M@@@@H said...

مدونتك جميلة يا احمد ... تلف النظر
وحلوة 2008 دي

مشمش said...

طب مش كنت تقولي كنت جيتلكو اجتمع معاكو خصوصا اني عضو في نقابة المحامين بس انا هبقي وسطكم عضو مختلف خالص عن الشنبات المحترمة دي لاني بنت
ههههههههههه
تحياتي للحرشة الحلوة دي

عاشقة القاهرة said...

أتمنى أنى مكنش ضيفة ثقيلة عليك واشكرك على تعليقاتك فى مدونتى وانا بجد معجبة جدا بأسلوبك ومدونتك أنا بأيدك فى حملة لا للتعذيب ونفسى رأينا دة يوصل ويؤثر مش يوضع على الرف زى كلام كتير تحياتى و
HAPPY NEW YEAR
ولو مكانش يضايقك أنا نفسى أسألك بتعمل الشو الهايل اللى فى المدونة دة ازاى عشان انا عمرى التتدوينى يدوب عشرين يوم ونفسى أتعلم
ومن قدم شىء بيداة التقاة وهنيالك يا فاعل الخير والثواب

3ala asm masr said...

من موضوع لموضوع بتبان روحك الحلوه يا احمد
happy new year

مستجدة said...

ازيك يا خااالو وشكرا لزيارتك وادي الدليل على انى جيت هنا وعلى فكره انا كنت ف القاهره النهارده وكنت واخده اللابتوب معايا "اختراع فظيع على فكره" المهم كنت مسيفه عليه شويه مدونات علشان اقراها ف السكه أصلى مش من القاهره من محافظات بحرى ماعلينا م القصه دى كانت مدونتك ضمن المتسيفيين وقريت عن موضوع تجمعكوا ف نقابه المحامين ده وكانت الساعه خمسه وعشره وعماله اقول ارجع واروح اشوفهم وبعدين قولت يابت اهمدى دا انت مستجده وكمااااان فاضيه ايش جاب لجاب .......بس كنت عاوزة اسئل هوا التجمع ده كان رجالى بس ولا ايه؟ انا مش هاجى بس عاوزه اعرف بس مش لازه اعرف بس لو انت هترد عليا يبقى كويس انى عرفت خير وبركه وف الاخر عاوزه اقولك ربنا يوفقكو كلكو ف اللى بتعملوه ويبارك فيكو وف كل شباب مصر ويصلح حالهم........أمييييييييييييين يارب العالمين

Salma Amer said...

اية ده الحاجات دي كلها تجيب تخمة يا خالو مش تفتح النفس حرام عليك
الطفاسة وحشة بردة

وبعدين لازم تيجي للزملكاوية على الجرح
مش لازم كل شوية نفكرهم بحالهم

كل عيد وانت بخير

عـسـل مـرمـر said...

يا لعبك يا خالو يا لعبك
ايه الحركات الجامده دى ؟؟
المدونه بقت حرشه اوى
هابى نيو يير

MerMaid said...

ازيك يا أستاذنا

والله انا أول مرة اجي هنا مع اني لما جيت حسيت اني فاتني كتير قوي
و سعيدة قوي اني وصلت اخيرا
اصلي كنت تايهة بعيد عنك
-----------------------------
انا اصلا بكره الكورة كلها
بلاوي
و هو احنا ناقصين
؟؟؟؟

كل سنة وانت طيب
انا بقي فين عيديتي ؟؟؟؟

:::::::::::::)))))))))))))))

تحياتي

منورني دايما وبلاش الغيبة دي

الشريف / جمال طة said...

شكراااااااااااا لشبلب اليوم رجال وعلماء الغد وعمار يامصر بأولادك


الـــــــى الملك / عبدالله بن عبد العزيز (خادم الحرمين ) بابا الفاتيكان بيسلم عليك ويقولك عيب رجعوا للمسلم حقه
وملكــة بريطانيا بتقولك عيب خلوا عندكم شوية ديمقراطيـــة وحقوق انســـــــــان مش انتم بتقولوا انكم مسلمين أعطوا المسلم حقه
أما الرئيس الأمريكى بوش بيسلم عليك وبيقول لك خلص المشكله ديه ورجع للمصرى جميع حقوقه وهو مش عايز يتكلم فى الموضوع ده تانى
أما الكونجرس ألأمريكى يقول لك احنا متابعين قضية المواطن المصرى ولن نتخلى عنه حتى يأخذ جميع حقوقه
أما ألأمين العام للمنظمة الدوليه لحقوق الانسان يقول لك الشكاوى منكم يوم عن يوم بتزيد وسوف نضطر لرفع ألأمر الى ألأمم المتحده ومجلس ألأمن للنظر فى فرض عقوبات اقتصادية عليكم قد تصل الى تجميد أرصدتكم فى خارج السعودية بعد خصم جميع حقوق المواطن المصرى وخاصة انه بيقول انه مسلم زيكم

برجاء الاطــــلاع وشكرا
http://gamal51. blogspot. com/
http://anameshm3aho m.blogspot. com/2007/ 12/blog-post_ 11.html
http://kalam3eal. blogspot. com/2007/ 12/blog-post. html

مستجدة said...

السلام عليكم ورحمة الله وبركاته
الخال العزيز...ازى الصحه؟ لعلك فى أحسن حال وبشكرك على عرض المساعدة المجميل وده اللى بيبين روحك الجميله بس والله انا خايفه عليك منى اصل انا بت لازقه ولو فتحت ف الاسئله مش هخلص وهتقوللى ف الاخر خليكى جاهله احسنلك بس انا شيلاك لوقت عوزه مهو الخال والد برضو وهضيفك عندى لمجرد انى انول الشرف ده بس لو لقيتك غبت كتير ونسيتنا هستغل نفوذى واتطفل ع
الايميل...ربنا يباركلك
و سلاااااااااام

Ahmed Al-Sabbagh said...

دكتور حر

اشكرك يا صديقى

وان شاء الله المرة الجاية تكون معانا

Ahmed Al-Sabbagh said...

ارسم بالرصاص

اسف يا هايدى للتأخير

انا دايما كنا متهم بالتقصير مع اصدقائى سامحينى

Ahmed Al-Sabbagh said...

عصفور المدينة

هههههههه

ايوة يمكن كان واخد تعسيلة

لالالا ده كان انشط واحد فينا

Ahmed Al-Sabbagh said...

amro

ربنا يكرمك وشكرا للتضامن

Ahmed Al-Sabbagh said...

هناء

ههههههههه

لا ده بس بسبب ساندوتشين اللحمة بتوع العيد بيروح على طول

Ahmed Al-Sabbagh said...

الفاتح الجعفري

هههههههههه

ده اليعقوبى ده قمر اسكت انت بس

Ahmed Al-Sabbagh said...

بت خيخة وأى كلام

هههههههه
لأ مش هحطة .. وش مطلع لسانة بردو

كل سنة وانتى طيبة

وشكرا على كلامك الجميل فى البوست بتاعك

Ahmed Al-Sabbagh said...

مهندس مصري

الجعفرى ياباشا ده اشهر من نار على علم

على العموم اديك شفتة على الطبيعة يوم الخميس يعنى مش محتاج اعرفة

Ahmed Al-Sabbagh said...

ســـــــــمــــــــســــمـــايــــة

مرسى اوى اوى اوى على كلامك الجميل المشجع دائما

ويارب نشوفك فرحانة على طول

Ahmed Al-Sabbagh said...

السكندرى

ربنا يكرمك ويعزك

وان شاء الله المرة الجاية تبقى معانا

Ahmed Al-Sabbagh said...

NIDAAL PAL

ههههه

ياعم اعمل لك ايه ما انت اللى متخفى فى الكاب ده

Ahmed Al-Sabbagh said...

سهر الليالى

صديقتى الأميرة سهر الليالى

كل سنة وانتى طيبة

ويارب ما يحرمنا من كلامك الجميل يارب

ويادى الكرش اللى عملى فضيحة والله دول هما ساندوتشين لحمة بتوع العيد هما اللى عملو كدة

وراحو على طول ودلوقت بعانى من الجفاف

اهئ اهئ

Ahmed Al-Sabbagh said...

سهر الليالى

اه بالمناسبة بردو انتى كنتى اول مدونة اهنئها بالعام الجديد

Ahmed Al-Sabbagh said...

خمسة فضفضة

ههههههههه

ربنا يكرمك يارب

ان شاء الله البوست الجاى نجيب فوار معانا

Ahmed Al-Sabbagh said...

Sarah Daw

هههههههه

ليه الاحراج ده

معلومة : أنا اهلاوى

Ahmed Al-Sabbagh said...

Doba

هههههههههههههههههههههههه

امسكى يا سكينة

والله يا هبة قعدت اضحك والناس سألونى بتضحك ليه

ههههههههههههه عسل ياناس

Ahmed Al-Sabbagh said...

الفاتح اليعقوبي

معلش معلش اكتر من كدة وربنا بيزيح

هههههههههههه

واهو مرتضى جه اهو الحمد لله الاهلاوية فرحانين

بصراحة احلى وسيلة تسلية فى النص التانى من الموسم لما الاهلى بيكون اخد الدورى خلاص هئ هئ

Ahmed Al-Sabbagh said...

يوميات عيل مصري


ربنا يكرمك يارب وما يحرمنا منك ابدا

وان شاء الله لينا لقاءات على خير كتير

Ahmed Al-Sabbagh said...

ابن حـجـر الـعـسـقـلانـى

هههههههههههههههههه

معلش بندعيلكم بالشفاء

ولا انت من النوع الوراثى اللى مالوش علاج هههه

Ahmed Al-Sabbagh said...

الدائخ

ما تخافش هنجيب الحلو قريب ان شاء الله

Ahmed Al-Sabbagh said...

Dr.Mohammed Gohary

اتفضلها يا باشا ما تغلاش عليك

وانا اسرح على عربية بطاطا بقى

:)

Ahmed Al-Sabbagh said...

حبة حاجات (ايمان

وانتى طيبة يا اجمل ايمان

Ahmed Al-Sabbagh said...

بت خيخة وأى كلام

ههههههههههههههههههه


يخرب بيت عقلك ده طلع هو كمان خيخة

بتجيبى الافكار دى منين

انا فرحان اوى بتعليقك ده

بجد فيه تفاعل حلو

ايه ده يعنى ايه تفاعل دى ؟

هئ

Ahmed Al-Sabbagh said...

عاليا حليم

كويس يارب يكون عجبك وتشرفينا دايما

Ahmed Al-Sabbagh said...

بيقولوا سايكو

الله يباركلك يارب

Ahmed Al-Sabbagh said...

only spot

الله يبارك فيكى ونشوفك دايما فرحانة ومبسوطة يارب

Ahmed Al-Sabbagh said...

Ayesha

thank you Ayesha for your comment

Ahmed Al-Sabbagh said...

السيد شبل

كل سنة وانت طيب الاول

بص بقى احنا بنقعد نقول ونعيد وانت اللى مش بتيجى عموما ملحوقة وهتلاقينى بقولك تعالى قريب هنشوف هتيجى ولا لأ

Ahmed Al-Sabbagh said...

Soooo

ربنا يكرمك وان شاء الله تتعوض ونتشرف بيك

Ahmed Al-Sabbagh said...

shayma

ربنا يخليكى

ده بس من ذوقك

كل سنة وانتى طيبة

Ahmed Al-Sabbagh said...

mado80

هههههههههه

على رأيك صحيح

ده حاجة مسلية خالص

Ahmed Al-Sabbagh said...

M@@@@H

ربنا يكرمك ويعزك ويارب تشرفنا دايما

Ahmed Al-Sabbagh said...

مشمش

هههههههههه

ده انتى تشرفينا وتنورينا

ان شاء الله اللقاءات القادمة نشوفك على خير

Ahmed Al-Sabbagh said...

عاشقة القاهرة

لالالالا
بالعكس خالص انتى ضيفة عزيزة تنورنا

وده من ذوقك بس واى حاجة تعوزى تسألى عليها انا تحت امرك

Ahmed Al-Sabbagh said...

3ala asm masr

أشكرك يا هنود ويارب ما يحرمنا من كلامك الجميل

Ahmed Al-Sabbagh said...

مستجدة

هههههه

اتارى القاهرة كانت منورة

لا لالا اللقاء ده ما كنش رجالى ولا حاجة كان اطفــ قصدى كانت متنوع الدعوة عامة يعنى

ههههههه

وان شاء الله نلتقى بيكى على خير

Ahmed Al-Sabbagh said...

Salma Amer

ههههههههه

ايوة لازم نفكرهم ونوجعهم دايما لغاية ما يتوبو عن الزملكة

Ahmed Al-Sabbagh said...

عـسـل مـرمـر

ميرسى اوى ده بس من ذوقك

كل سنة وانتى طيبة يا مرمر

Ahmed Al-Sabbagh said...

MerMaid

كل سنة وانتى طيبة

ومقدرش اتأخر عنك دى بس كانت شوية مشغوليات

Ahmed Al-Sabbagh said...

مستجدة

ربنا يكرمك لا والله تنورى وتشرفى فى اى وقت وانا منتظر اسألتك عن اى حاجة ويارب اكون عند حسن ظنك

جنية ونص بقى هههه

بنوته مصرية said...

ههههههههههههه

حلوة الاكلة الحرشة دي يا احمد

كل سنه وانت طيب يا جميل

وجميل اووي انكم تكونو صحاب علي النت وتتقابلو وتشوفو بعض

ياريت البنات كمان يعملو كدا

تحياتي يا خالو

وفاء بركات said...

شكر واجب
أتقدم بخالص الشكر والعرفان إلى الأستاذ

وفاء بركات said...

شكر واجب
أتقدم بخالص الشكر والعرفان إلى الأستاذ

وفاء بركات said...

شكرا يأستاذ أحمد على جهدك فى تصميم مدونتى
وجزاك الله عنى خير أتنمنى لك التوفيق
مدونتك احلى مدونة زى مأنت أحلى خلق