خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jun 18, 2007

يوميات ثورجى تحت التمرين

الحلقة الأولى


تحياتى ليكم من زلنبوخ البلد .. مين زنلنبوخ البلد دى ؟
المهم انا طبعا واحد مش شباب الطلائع .. هههه حلوة الطلائع دى على الطلائع بالتلاتة ماهم نافعين
قررت انى انضم للعيال الثوار اللى هما بيقعدو يتكلموا فى السياسة ويسيحوا للانظمة الحاكمة فى البلاد العربية.. ويعملوا مدونات ويكتبوا فى السياسة ويمشوا فى مظاهرات ( ابقوا فكرونى عايز اسأل هو ينفع الواحد يركب تاكسى فى مظاهرة ولا لازم يمشى ) ويكتبوا فى جرايد المعارضة والحاجات دى وبعدين لما الواحد منهم يتم رسالتة فى الحياه بنجاح ينام مستريح البال والضمير فى سجن طرة .. قررت ده بقلب جامد حضنت امى واخواتى بحرارة ونظرة الوداع فى عنيا ونظرة اندهاش فى عنيهم .. مالة الواد ابن المجنونة ده .. بيسلم علينا ليه وهو لازق مش بيخرج .. ياجماعة الانسان ياما يعيش عيشة هنية يا اما يموت فى سبيل من يحب .. نظرة الاندهاش تحولت لنظرة استجنان .. ما أنت واكل شارب نايم ناقصك ايه .. مش فهمننى الناس دى ؟.. عايز امهد لموضوع الثوار ده .. ياجماعة الانسان مننا اتولد لهدف لرفض الظلم للوقوف فى وجة المغتصبين والمعتدين والناس الوحشة دى .. معتدين ؟؟ مغتصبين ؟؟ مازالوا يأكلون الجوافة والسميط لاااااااااااااااااااااا صرخت من اعماق حنجرتى ففزع العيال الصغيرة ولاد اخواتى ونعل الكبار سنسفيل جدودى ..اقفل الجعورة يا كلب .. وقفزت من مكانى والحماس يفط فى عروقى وشرارة الثورة بتنط من عنيا الجوز وبدأت اول المهام السرية الثورية الوطنية الشعبية .. هعمل مدونة وانضم لجمعية المدونين الثوار الماركسية .. والجناح العسكرى للتنظيم التدوينى الشعبى.. ومؤتمر التدوين السرى للاطفال ذوى الاحتياجات التدوينية .. ومؤسسة دوننى يامعلم الشيوعية..وحركة الجبهة الشعبية من أجل التدوين .. وجمعية ولاد الدون البيئية الخضراء ..وقمت بمتابعة برنامج ما يطلبة المدونون وأتصلت وقمت بطلب أغنية عملنى التدوين والنبى يا أحمد للمطربة ادوينا المدونى .. وهكذا عملت المدونة وطبعا ما نسيتش اعملها سرية يعنى محدش يقدر يطلع عليها من باب الامان والتخفى عن أعين البوليس ابن الذين ..

أنتظروا الحلقة الثانية قريبا
أحمد الصباغ

3 comments:

ra7eel said...

تفتكر فيه فايدة من كل ده تعرف انا بقي احس او الاحساس نفسه هو الى اغتصبنى وحلونى لايه بنى صنم

علياء said...

مش مستاهله ثورة .أهم شيء تثور من جواك وتبدأ بنفسك

بت خيخة وأى كلام said...

وانا كمان عملت كدة بس جوزى من ساعة ماعملت المدونة كل شوية يقولى بلاش تنشرى حاجاتك السياسية هتتشدى وتشدينا معاكى وهنروح كلنا فى ابو بلاش ومن ساعتها وانا بدل ما اسيح للحزب الحاكم بقيت عمالة انشر مذكرات شري باشا ابن المعلمة خيخة
بس ناوية ان شاء الله انشر الغسيل الوسخ وربنا يستر
سلام