خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jun 18, 2007

أسئلة بديهية

فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلـونـــا نشــوف أمثلة

**********

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟
أظن ده مش وضع الرقص !!! واضح ان انا هنام
**********

انتم معزومين عند ناس ورحتو لبيتهم وأول ما فتحولكوا الباب يقول ابنهم
الصغير: انتوا جيتــواااااااااااااااا ؟
لا لسه
**********

والعكس : انت لابس هدومك و متأنتك و على سنجة عشرة وريحة البارفان واصله لاخر
الشارع .. وخلاص بتفتح باب الشقة,, يجي حد من أهلك وينادي بصوت عالي : انت
خااااارج ولاّ اييييييييييه
!!!

لاء دانا لسه راجع
**********

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على
الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟
لا.. العربية واحشاني
**********
مثلا ماسك سماعة التلفون وقاعد تضغط الارقام يجي حد من أهلك ويقولك: انت
هتتكلم في التليفون ؟
لا.. بتفرّج عليه
**********

مثلا : ماسك مذكرة أو كتاب وقاعد تحفظ ومتحمس أول مره بقى .. جه حد وقالك:
هاه.. قاعد تذاكر ؟
تقوم رامي الكتاب و تقوله لااااااااء
**********

ربنا هاديك كده ... ماسك سبحة و عمال تسبّح ، يجي حد من البيت يعدي عليك
ويقول: هوّه انت بتسبح ؟
لاء.. هفرطها و أسلقها
**********

ولاّ تعالــو شوفو قنواتنا واسئلتهم البديهية البايخةبرنامج اهداءات يتصل واحد يطلب أغنيه
ترد عليه ست الكوتكوته المذيعة بكل خفه ورشاقة : إنتا بتحب الاغنيّة ديه
ولا ايه ؟
لاء.. طالبها اخنق على نفسي
**********


أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه
و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير
أكيد يعني مش هيقولهم البقاء لله
**********
المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و
تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين
سبتيله ايه يقوله يارخمة ؟
**********


والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟
يعني أساسي الواد لسه ما طلعلوش عرق الندالة علشان يقول لأ
**********

كفاية كده عليكواااااا

منقول

7 comments:

غمض عينيك said...

حلوة مووت

Ahmed Al-Sabbagh said...

شكرا يا محمد باشا

اتفضل :)

Radwa Lotfy..(Rodirock) said...

بجد اسئلة دمها خفيف اوى...ياريت اللى هنا فى البيت يقروها...ههههه...عشان اعتقد انا لسة سامعة من شوية حد بيسألنى اذا كنت قاعدة على الكمبيوتر ...هههههه

بت خيخة وأى كلام said...

لسة امبارح كنت ماسكة بيبسى كانز بشربه
شريف جه قاللى مامى انت بتشربى بيبسى ولا ايه؟
حلوة اوى يا احمد

DamnGirl said...

لا بجد كتير حلوة والله
خصووووووووووووووووووووصي بتاعت السبحة دي هههههههه
والمذيعة

مريووووم العقل كلة said...

مساء الخيييييييييييييييير
اسفة على طول الانتظار بس بجد انا عملت اللينك ومكنتش اعرف فية اى حاجة ومكنتش بعرفاتعامل معة لانة كان انجلش اصلى انا من حزب جاهلة الانجلش بس اخيرا بقى عربى
وحبيت اول يوم كومنت ليا يكون فى الفلانتين
هابى فلانتين داى
بالنسبة للاسئلة البديهية
تجنن مع انها مش غريبة عليا لانها بتحصل معايا بس مش كلها طبعا
بس ببقى عاوزة اخنق اللى امامى من كتر الذكاء
بس بجد حلوة وتجنن لانك فكرتنى بيها

L.G. said...

أعتقد أن تلك الجمل خبرية بقصد
الاستنكار
التعجب
الاستفهام

أو
المداهنة
الاستظراف
جر كلام

لو وجدت نفسك تفعل مثل هؤلاء
اعترف في تحديث على نفس الموضوع
:))
تحياتي