خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jun 18, 2007

خالووو أحمد


دلوقت هحكي لكم حكاية أشهر خالو أحمد


مين بيحب خالو ؟

أنااا أنااا أناااا
خالووو أحمد جه من الشغل هيييييييييييييييييييه
هجوم كالتتار
وأندفعت جموع الشعب الكتاكيتى

اللى بيبوس واللى بيضرب واللى بيزق

عشان أقع وابقى لقمة طرية

واللى بيحشر صوباع موز او حتة بطيخة فى بؤى

واللى بيقلعنى الجزمة والشوراب

واللى راح يبلغ السلطات العليا .. ستوو .. ماما

خالووووووو جه .. خالوووووو جه

كان يوم برد وكان رمضان بيجى فى الشتا

وكنت متعود انام قبل المغرب ساعتين كدة

صايم بقى وكان عندى حداشر سنه

يا شايل الهم بدرى يا خويا يا خالو أحمد

يعنى لسه كنت بدى على طفل وجم صحونى

اصحى

اختك فولانة جابت محمد

ثم

اختك علانة جابت بودى

تبتانة جابت اسلام .. جابت اسماء

.. ايمان.. اسراء .. روضة .. سمية .. مريم

وهكذا اصبحت خالو للعديد من الكتاكيت والديناصورات فيما بعد

وطبعا طباعى معاهم بتتغير من وقت للتانى

الاولاد كنت دايما بديهم فوق دماغهم لانهم عصابات منظمة

والامهات بتستعين بيا لمواجهة التنظيمات

أثناء الأكل وفى الاعياد وعند الذهاب الى الحدائق

هندهلوكم خالو احمد

استخبوا يا عيال .. خالو احمد جاى .. خالو احمد جاى

خبو الحاجات المكسورة بسوورعة ياعيال

وشيلو الورق المقطع ده

خالوا احمد طالع

طااااخ طااااااخ

عااااااااااااااااااااااااااااااااا

معلش يا خالو مش هنعمل كدة تانى

مين هيتعض انهاردة عايز اعض عضة صغنونة

عاااااااااااااااااااااااااااااااا

اجروا يا عيال خالو جاى يعض

ثم امسك بالفريسة

الكل بيرقع بالصوت حزنا على الفريسة

ويحاول الدفاع عنها مستميتا بحذر

واحيانا اترك الفريسة وامسك بأحد المدافعين

والامر لا يخلو من الجنان احيانا

لسان طالع بصورة جماعة


أو ثنائية


أو سكر بصورة جماعية

أو عنين مغمضة بصورة جماعية

وأحيانا تكون الوداعة هى الثمة السائدة


رايح أجيـب الديب من ديلــــة
وأقلق نومة فى نص الليــــــل
وأن مقدرتش أجيبة هســـيبة
وأرجع اقول ما لقيتلـوش ديل

خالو أحمد الصباغ

15 comments:

nada meno said...

هههههههههه
حلوة اوى يا خالو احمد

Eanass Abouzeid said...

zay el sokkar, ana mashoftesh blog zareef keda, enta 7'aloo tayeb awee, mosh zay el 3ammah el shereerah " ana ya3nee" welad e7'watak zay el sokar we homma me3'amadeen rubena ye7'aleek lehom we ye7'alehomlak

غمض عينيك said...

ودي كانت قصة حياة خالو احمد
جميلة ياباشا
ربنا يخلي

محمد سمير

Ahmed Al-Sabbagh said...

ايناس ابو زيد

ميرسى يا فندم على المجاملة الرقيقة
بس انتى مش شريرة انتى طيبة اوى
بس بينى وبينك الشر ده لابد منه
زى الملح كدة ههههههه


تحياتى

Ahmed Al-Sabbagh said...

غمض عنيك

ميرسى يا محمد وعقبال ما نشيل مخاليلك ومعاميعك كمان " اولاد اخوات الصبيان " يا خويا
هههههههه

تحياتى

Dr.Mohammed Gohary said...

ههههههههههههه بوست عسل
دانتا اللي دمك خفيف
داحنا غلابه بقا
وعندك المدونة دي وساكت

Ahmed Al-Sabbagh said...

الجوهـــرى


ياباشا انت دايما اللى رافع معنوياتى

ربنا يخليك

وبعدين ما انت كمان عندك مخلولة

عندها تلات شهور

يعنى بكرة تبقى صالحة للعض

وما حدش يعرف يكلمك

هههههههههه



تحياتى

chouchouta said...

katakite gamila ana b3a mouche andi aye oukhete awe akhe maherouma mene kelemete khaletou we ametou looool hhh

Anne said...

Hi Ahmed
Thanks for your comment in my blog.
The photos in your blog are very beautiful !!
You don´t speak portuguese?
I´m from Brazilia - Brasil.
Thanks so much!
Kisses

سهر الليالى said...

حلو مووووووووووووووووت البوست دة وكلامك وحكيك عنهم استمر جدا

وعلى فكرة انا كنت جايبة رايح اجيب الديب من ديلة عندى فى المدونة وكنت عامللها بوست خاص لو حبيت يعنى

تحياتى يا خالو احمد
:)

بت خيخة وأى كلام said...

ده انت طفل كبير
ربنا يخليلك كتاكيت اخواتك وعقبال ما تجيب كتاكيتك انت بقى

ده انت تلاقيك اكتر شخصية هما بيحبوها ولاد اخواتك

وهتلاقى منهم متاثر بيك جدا
فكرتنى بشريف
لما يجى يروح عند ماما
يجى داخل على اوضة اخويا ويقعد يصحى فى اسر
خالو اسر اصحى يلا انا جيت
خالو اسر يلا اصحى بقى علشان تلعب معايا انا جيت
يووووه انت نايم كدة على طول
طب انا هالعب فى الكوميتيتور بتاعك
اول ما اسر يسمع الكلمة دى يقوم على طول
لانه بيخاف ايد التخريب تصيب جهازه باى عطل

ولو اسر مش موجود فى البيت
ولو ماما مثلا عايزة تدخل اوضته علشان توضب او تجيب حاجة شريف يقف قدامها ويفرد دراعاته لمنع اى حد انه يدخل اوضة خالو اسر فى غيابه

لانه هيتعرض للزق المباشر من حامى حمى الاوضة الاستاذ شريف

بصراحة رغم هم العيال الا ان مافيش حد عنده القدرة انه يخرج حد من همومه الا العيال برضه


بوست حلو اوى وحلوة الصور جدا

NoNa said...

هههههههههههههه

ربنا يخليهم يارب

اعقبال ماتفرح بيهم كده

بس بجد اجمل احساس لما بتكون مضايق وترجع تليقهم مستنينك عشان تلعبهم وتنسى اى هم وضيقة

MoHaMeD HoSSaM said...

كان يوم حلو يا احمد

عايزين لقاءات عالطول بقي

كان معكم محدثكم محمد حسام

خمسة فضفضة said...

السلام عليكم ورحمة الله وبركاته



ههههههههههههههه

ربنا يخليهوملك يا خالو وتشيل عيالهم وعيال عيالهم


-----

حلو اوي اللقاء بتاع الدستور لسه قرياه دلوقتي لحد ما عيني اتمققت ، بس انت ليه مش طالع في الصور دورت عليك مش لقياك ، هو انت اللي كنت بتصور ولا ايه
:-)
اوعي تكون في الصور وماعرفتكش تبقي خيييييييييييبه
هههههه

سلام يا خالو

Anonymous said...

انا بجد لسه مش خالة لانى للاسف اكبر اخواتى بس بحب كل الاطفال وخاصة اولاد خالاتى الصغار وما اكثرهم لما يقولولى يلا نلعب يا بسنة وساعات بمية مبيعرفوش ينطقوا اسمى بس بحبها منهم وكتيير بنسى نفسى وتلاقينى عمالة اعاند عيل صغير لدرجة الغلاسة هههه لغاية ما ماما تقولى كفاية اقوم افتكر بسرعة وارجع كبيرة تانى واقول هش يا ولد عيب ربنا يخلى الاطفال بجد نعمة من الله\\بسمة مسلم