خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Aug 20, 2007

فى بلدنا

فى بلدنا كل الاشياء متفبركة ومتلغبطة
فى بلدنا كل شئ غلط ومعكوس ومقلوب ومهبب
المحاسب يعمل بياعا
والزراعى يعمل فى شركة كمبيوتر
والمحامى يعمل فى خدمة العملاء
واللصوص يعملون وزراء
وكلهم يعانون البطالة المقنعة
ويشتكون ضيق الرزق وقلة العلم
فى بلدنا تركب الاتوبيس فلا تستطيع حتى ان تقف
وتركب المترو فيتعطل بك تحت الارض ساعة كاملة
حتى يختنق الناس ويلعنون اليوم اللى ركبو فيه مترو
فى بلدنا تدفع فاتورة التليفون فتقف طابورا
وتشترى الخبز فتقف طابورا
وتدفع فاتورة دى إس إل فتقف طابورا
وتتقدم لوظيفة فتقف طابورا
وتذهب لشراء ساندوتشات فول وطعمية فتقف طابورا
وتذهب للبنك فتقف طابورا
فى بلدنا تدفع فاتورة مقابل جمع الزبالة أتاوة وفردة
وتذهب وأنت اقل من ذلك لأقرب مقلب زبالة وتلقى بزبالتك وانت حاطط فى بقك جزمة
فى بلدنا أطول نهر فى العالم وفى بلدنا أكبر بحيرة صناعية فى العالم وبلدنا تطل على بحرين من أكبر بحار العالم الأحمر والأبيض المتوسط ونستورد السمك من الخارج
فى بلدنا السد العالى الذى ينتج الكهرباء بمليارات الميجاوات وفى عام 2007 وتوجد مناطق بأكملها سارقة كهربا
فى بلدنا 75 مليون إنسان يعيشون فوق بعضهم فى 4% من مساحة الأرض
فى بدلنا أتوبيس 17 الوحيد فى العالم الذى يضخ دخان العادم الى داخل الأتوبيس
فى بلدنا مرشحا تقدم لرئاسة الجمهورية عام 2005 وهو يرتدى طربوشا
فى بلدنا تنصب على الغلابة فتصبح ثريا
فى بلدنا تنصب على شركة فتصبح مليونيرا
فى بلدنا تنصب على بنك فتصبح مليارديرا
فى بلدنا اجيالا جت وراحت ولم تختار من يرئسها ويحكمها مرة واحدة
فى بدلنا أجيال جت وراحت ولم تفك الخط
فى بلدنا أجيال جت وراحت ولم تزق العز مرة واحدة لم تركب عربية واحدة ولم تزق طعم الكافيار والأسكلوب بانية
فى بلدنا أجيال أجيال جت وراحت
وتظل بلدنا كما
وإسمحولى بالمناسبة الكلام الجميل ده أقدم لكم مقطوعة زجلية
كتبتها من أكتر من عشر سنين الغريب الأخرس
*****
الغريب الاخرس لو جـــــه بلدنا
هيتكلم وينطق فيها ويقـــــــــول
وتتفك عندنا عـــقدة لســــــــانة
ويمكن يرجــــع بلادة مشلـــــول

ويمكن من اعجابة بسواد نهرنا
يروح رامى نفسة فيه على طول

وتتعب نفسيتة ده غير المــرض
هياكل جتتة ويرعى ويصـــــــول
ماللى هيسمعة ويشـــوفة عندنا
من بنات مهملة وشاب كســــول

وناس على بلاج المجارى عايمة
وبلاعة مفتوحــة زى بير بترول
ومية غســيل فى الســـما طــايرة
دلقتها عـليه الست ام سحلـــــول

وحلوة متشيكة عريانة ما تعرف
ولا لابسة ..أهــو زى ما تقــــول

وشعرها الاصفر الناعـــم بيغرى
احنا ف فرنسا ولا فى اسطنبـول

وشاب ماشى والسلسلة مدلـدلة
من رقبتــة .. وهو دلــــــــــــدول

وهيضيع الغريب فى البلــــد دى
بين حق اتسلب وحق مأكــــــول

وبين موظف يقبحلك الصبحيــة
ومنافق يشبعك كلام معســــــول

وخناقات ماشية والنبــوت فيـها
عامل زى سيف بالشر مسلــول

وهيضيع ما بين رقاصة معبودة
وعالم داير فى البلاد مجهـــــول

ورجالـــــة طويلـــة من هيافتها
ما يصدقها عقل ولا معقـــــــــول

ولو شاف الشحاتين فى بلـــــدنا
يستغرب من الشحات اللى قد الغول
رابط ايدية بخيشة ولا هدمــــــــة
وماشى يشحت والغريب مذهول
وتقول لمــــين .. وتشكى لمــين
ياعم ده العقل بالترباس مقفول

أحمد الصباغ

11 comments:

قليل من التفكير said...


تدوينة جميلة جدا

حلوة حكاية اتوبيس 17 ده

:)

Ahmed Al-Sabbagh said...

ههههه
ده انا اتهريت منه وانا فى الجامعة ده
وماكنش بيعطلش الا فى الاماكن المقطوعة
او على كوبرى الجامعة او فى عز المطر والبرد
ياللا
هيروح من ربنا فين

Eanass Abouzeid said...

el kalam elle kattbo 3an el balad sa7e7 we absom 3aleeh kaman, bass delwa2tee feeh belad keteer feha keda, moshkeletna ennena ma3andenash namat wala mashyeen 3ala nahg mo3ayen yemayezna 3an 3'erna, we dah me7asesna bel tawahan we en el donia say7a keda we ma3ad lehash ta3m :(

Dr.Mohammed Gohary said...

فى بلدنا مرشحا تقدم لرئاسة الجمهورية عام 2005 وهو يرتدى طربوشا

فاكره ابن اللذينا ده هلكني من الضحك
لا وكان هيعمل قرار ان كل من بلغ
سن 18 سنه من الشباب يمشي في الشارع بطربوش ... يا حلاوة انا كنت همشي بطربوش في الشارع
لا وممكن نجري بقا وغارة وبتاع وسي السيد يرجع تاني
الله يجازي دماغك فكرتني ليه دانا كنت نسيت الحوار ده


ومية غســيل فى الســـما طــايرة
دلقتها عـليه الست ام سحلـــــول

هههههههههههههههههههههه
لسه شايف الموال ده النهارده
هههههههههههههههههه

تحياتي يا باشا
انحني احتراما
استمر يا استاذنا

Ahmed Al-Sabbagh said...

Eanass Abouzeid

عندك حق يا استاذة ايناس

كل الامم دلوقت عرفو هما عايزين ايه

وعملو لنفسهم نهج

لكن للاسف

احنا لا

Ahmed Al-Sabbagh said...

دكتور الجوهـــرى

ياباشا احنا اللى ننحنى ليك ولكتاباتك العبقرية الجميلة


موضوع الطربوش ده حلو وترجع الافلام ابيض واسود كمان
هههههههه

تحياتى

مهندس مصري said...

و كمان شاعر ايه المواهب دي كلها
الله ينور عليك إحساسك عالي بالبلد
ربنا يكرمك يا أحمد
وشوف القصيدة دي كده
http://egyptioneng.blogspot.com/2007/08/blog-post_21.html

حبة حاجات (ايمان) said...

سهله وجميله وحساسه وتلقائيه
بس كفايه عليك كدا

Asmaa Magdy said...

If you were a student @ Faculty of Computer & Information Sciences You would know than 1 + 1 = 10 :D ;)

رئيس التحرير said...

الغريب في بلنا واحد تقدم لرئاسه الجمهوريه لابس طربوش ..والأغرب ربنا يحوش.
انه ناوي قدام الصندوق تختار واحدملطوش.
مش لابس طربوش

ahmed said...

أنت اقل من ذلك لأقرب مقلب زبالة وتلقى بزبالتك وانت حاطط فى بقك جزمة
فى بلدنا أطول نهر فى العالم وفى بلدنا أكبر بحيرة صناعية فى العالم وبلدنا تطل على بحرين من أكبر بحار العالم الأحمر والأبيض المتوسط ونستورد السمك من الخارج
فى بلدنا السد العالى الذى ينتج الكهرباء بمليارات الميجاوات وفى عام 2007 وتوجد مناطق بأكملها سارقة كهربا