خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 7, 2007

رمضان جانا

هييييييه
رمضان جه أحلى أيام وأجملها فى حياه كل إنسان .. أيام رمضان
الفوانيس والكنافة وبوجى وطمطم وصلاة التراويح
والفطار فى الحسين والسحور فى السيدة زينب والجلوس على القهوة فى خان الخليلى
نفسى اوى ارجع صغير تانى والعب بالفانوس فى الشارع
واغنى وحوى يا وحوى واتفرج على بوجى وطمطم
عاااااااااااااااااا
ماليش دعوة


الفانــــــــوس

والفانوس هو الشعار واللوجو لرمضان عندما كنا صغارا
رمضان جه يبقى لازم الفانوس مصحوبا بانشيد وحوى يا وحوى
وقد عرف الفانوس قديما لأضاءه الشوارع والمساجد ليلا
ثم تحول فى الدولة الفاطمية الى وظيفة ترفيهية مرتبطة بالشهر المعظم
وللفانوس اشكال عديدة باختلاف الزمن المودة فمنها الفانوس ابو شمعة وابو لمبة
واهمهم طبعا الفانوس الكبير المعلق فى كل شارع
وقد ظهرت أشكال جديدة ودخيلة من الفوانيس ، والتى يتم استيرادها من الصين وتايوان وهونج كونج ، وهى مصنوعة من البلاستيك
الفانوس الزجاجى ابو شمعة


وفانوس ابو لمبة




صانع الفوانيس

محل بيع الفوانيس


بوجى وطمطم


المسحراتى

هى الوظيفة الوحيدة التى تمتد لمدة شهر واحد فى العام

أغانى رمضان
وتانى أهم شعائر شهر رمضان التلفزيونية اغانى رمضان جانا ومرحب شهر الصوم ووحوى يا وحوى
ولكن أهمهم على الإطلاق اغنية رمضان جانا لمحمد عبد المطلب
رمضان جانا وفرحنا به بعد غيابه وبقاله زمان
غنوا معانا ..شهر بطوله ..غنوا وقولو أهلا رمضان
رمضان جانا.. قولوا معانا
بتغيب علينا وتهجرنا ..وقلوبنا معاك
وفي السنة مره تزورنا ..وبنستناك
من إمتى وإحنا بنحسب .. ونوضب لك ونرتب لك أهلا رمضان
رمضان جانا قولوا معانا
يوم رؤيتك لما تجينا زي العرسان
نفرح وننصب لك زينة .. اشكال والوان
في الزفة نمشي نطبل لك .. ونهلل لك آه ونقولك أهلا رمضان
رمضان جانا قولوا معانا
يا مسحراتي دق لناتحت الشباك
سمعنا وافضل غني لنا للفجر معاك
واعمل ليالي وهلّيله تلاتين ليلة حلوة جميلة أهلا رمضان
رمضااااااااااااااان جانا

ورق رمضان
ويشمل الورق المزين واللمبات الصفراء اعلاها اطباق صفراء وحمراء وزرقاء


مدفع رمضان


مائدة الرحمن
حيث يقوم اهل الخير بشراء المواد التموينية والخضار والارز واللحوم وعمل مائدة كبيرة غاليا ما تكون تابعة لاحد الجوامع الحقيقة ارتبطت دائما مائدة الرحمن بالفقراء الغير قادرين او المغتربين من العمال والانفار ولكن طالما ما اشتهيت ان أفطر بها ولو مرة واحدة ولكن دائما بتكسف حيث يكون اهل الحى عارفينى كويس

كنافة


قطايف



والمخلل طبعا

4 comments:

Arabic ID said...

رمضان جانا
وأحمد معانا
هيسحرنا ويمشينا

وان جه وقت الفطار على بابه
يفطرنا ويسقينا

كل سنة وانت طيب يا أحمد
وعقبال ما أشوفك بتصوم شهر رمضان كله

والسلام

Ahmed Elsabbagh said...

هههههههه
ماشى يا واد يا طارق
عقبال ما تشوفنى بصوم
ماشى ماشى
بتسيح لى فى المدونة
طيب انا هروح عندك واقولهم كنت بشوفك رمضان مستخبى تحت السرير وبتاكل
ماشى ماشى
هههههههههههه
كل سنة وانت طيب
ورمضان كريم

غمض عينيك said...

كل سنة وانت طيب

Ahmed Al-Sabbagh said...

غمض عنيك


وانت طيب يا محمد بس السنة الجاية ان شاء الله تبقى تقولهالى فى اول رمضان
هههههه