خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 26, 2007

المخــــــــاليل ..أحباب الله


تقريبا من كتر إهتمام اولاد اخواتى بخالهم .. اللى هو انا .. فلاحظت دائما انها يرددون كلمة خالو بأشكال مختلفة ويحورون فى الكلمة فتارة يجعلونها فعل مضارع
العبوا قبل ما خالو يجى يخالو علينا
وتارة يجعلونها صفة
الراجل ده خالو أوى .. يعنى شديد الشبه بخالو أحمد
وأنا طبعا بقرحيتى العبقرية حبيت اعمل قاموس للمصطلحات دى..وطبعا معظمها من محض خيالى
بس لازم تقروا البوست ده الاول .. خالو أحمد

خيلـــول هو إبن الأخت

خيلــــولة
هى بنت الأخت

مخاليـــــل هم أبناء الاخوات وهى لفظة على وزن مهابيل

مآخـــــــيل هى أدوات وطرق التعذيب التى يستخدمها خالو ضد المخاليل مثل : اللسع بكوباية الشاى السخنة والعض فى المأخلة


مأخـــــــلة هى مكان طرى يحلو العض به ..أفهموها بقى انتو ما اتعضوش قبل كدة ولا أيه

خــــــــلاوس هى هلاوس تصيب المخاليل أثناء النوم حيث يحلمون بالخالو يعضهم فى المأخلة ويقومون مفزوعين هم ماسكين بمأخيلهم

متخيلل أى ولد له خال .. حيث تكون الجدة صغيرة السن وتعمل عملتها وتجيب للعيل خال .. ويقال :

الواد هيثم إتخيلل إمبارح عشان كدة مش هيلعب معانا الماتش

مخلل أى يذهب كثيرا لزيارة الخال ويستولى على طعامة وشرابة وفلوسة ويطل عدة أيام ماكثا فى أرابيز الخال ومن هنا إشتق لفظ مخلل الذى يؤكل ويقال :
إنت هتفضل مخلل عندنا كتير

الخلولة هى فن ممارسة الكبت على أبناء الاخت أثناء الاجازة الصيفية

مخلول وهو الخيلول المبقوق من خالو حيث ان خالو لا يأتى بالجيمز الجديدة ويقوم بتعذيب المخاليل بلعب أتارى الطيارات والغواصات القديمة التى يكرهها كل الاطفال

الخليل هو صديق خالو وهو غالبا خال ايضا حيث يقال المرء على دين خليلة ويقال فى الامثال الشعبية الواد لخالو

الخالو أحمد الأول هو الزعيم المؤسس للحركة الخلوية عام 1887 ق م

الخالو أحمد باشا السلحدار مؤسس المدرسة الخلوية لتعليم فن الخلولة
الخالو أحمد أفندى الصباغ هو مؤسس الحركة الخلوية الحديث وقد إستحدث الوان من التعذيب مثل اللسع بماج الشاى والعض فى المأخلة والشك بالابرة

ودى كانت نهاية فرقة عبدة الحمولى الموسيقية


40 comments:

Monzer said...

أنا خال برده وعم من وقت كبيييييييييير قوى
وبحب بنات اختى جدا
وكنت عاوز اعمل تدوينة عنهم
بس كنت مكسوف
كده انت شجعتنى انى أكتب التدوينة ده
مدونة رائعة
وربنا يخلهوملك
وعقبال عيالك :)))

Ahmed Elsabbagh said...

ماشى يا خالو منذر
مكسوف ليه يا عم
اديها
انا هتابع عندك عشان اشوف التدوينة دى
ده المخاليل احباب الله يا اخى
ههههههه

buffy said...

i love this so much

Arabic ID said...

ربنا يخليهم لك ويرزقك الباباهيل
حلو البوست جامد جدا
بس أشك انك ول من اخترع اسلوب العض من المؤخرة

أكيد الأسلوب قديم شوية يعنى الجد الأكبر هو اللى أخترعه مثلا

ولا إيه؟؟؟

Ahmed Elsabbagh said...

thank you very ya serendipity

Ahmed Elsabbagh said...

شكرا يا طارق يا شاعرنا العزيز
اكيد طبعا العض ده مش من اختراعى
لكن الحمد لله يرجع ليا الفضل فى تطوير عملية العض هههههههههههه
متفهمش ازاى

Bella said...

حلوة قوي المصطلحات المخاليلي دي

ههههههههههههه

ودي كانت نهاية فرقة عبده المخاليلي للفنون التخليلية

هههههههههه

Ahmed Elsabbagh said...

ههههههه
عسولة يا بيللا
واضح انك مخلولة هههه آآآقصدى خالة
عموما نورتى المدونى والمخاليل بيهتفو باسمك

صاحب البوابــة said...

خبر عــــاجل

ألف ألف مبروك

تم فجر يوم الثلاثاء 2 أكتوبر 2007 م الافراج عن شيخ المجاهدين أبو الفتوح شوشة 86 عاماً

ومما هو جدير بالذكر أن الإفراج لم يتم إلا بعد تدهور حالة الشيخ الصحية تدهوراً خطيراً

بعد إصابته بجلطة قلبية مفاجئة وهو قيد الإعتقال في محبسه

جعله الله في ميزان حسناتك يا شيخي العزيز

------------

جاري التحديث

إنـســانـة said...

لالالالا واضح انهم مخللوك ع الاخر
هههههههههههه

انا لسة خالة جديدة وربنا يستر وموصش للمرحلة المتدهورة دى

ربنا يخليهوملك يا خالو

Somebody U Certainly Know Him said...

ةيبقى كده لازمنا مستشفى للمخاليل (مستشفى أطفال يعنى)

Eman Eltaher said...

ايه خفة الدم دى يا خالو

خيلولك ماله شقى كده ليه

لأ بس بجد مصطلحات لذيذة اوى

تحياتى

أسامه يوسف said...

ربنا يخليهم ليك
بس المخاليل دول محتاجين تنظيم
علشان يعملوا انقلاب عليك
وتكون مطالبهم منع اللسع بالماج
أو التعذيب بأى مخاليل أخرى
ويسموها كفايه خلوله

بلوج رائعه وشكراً على التعليق
تحياتى

coca said...

انا قولت اجبلك ردي عليك هنا يمكن متجيش عندنا تاني ولا حاجه بس ايه تحفه البوست دا بجد يا خلووول
الرد اهو
coca said...
Ahmed Elsabbagh
ساعه فتره الانتخابات في امريكا عملت مذيعه مشهوره امريكيه اسمها اوبرا وينفري حلقه لانك لقوا ان الشعب مش مقبل علي التصويت قالتلهم ايه ان اجدادهم زمان حاربوا علشان يكون ليهم هما صوت دلوقتي وحريه راي وهما مش حاسين بقيمه اللي عنلوه زمان
حتي سا احمد لو الزمن اللي فيه زمن وحش
اللي عملوه في اكتوبر ربنا رحمنا بيه من الاسوأ

Ahmed Elsabbagh said...

انسانـــة

مبروك يا خالتو
وعقبال باقى المخالييييييل

كل سنة وانتى طيبة
تحياتى

Ahmed Elsabbagh said...

Somebody U Certainly Know Him

ههههههه
قريبا هيتم افتتاح مستشفى المخاليل العام

وعلاج الخيلول بربع
وهيدولة كيس شيبسى كمان
هههههه
تحياتى

Ahmed Elsabbagh said...

ايمان الطاهر

بعيد عنك المخاليل مجننى

جااااااااااى

Ahmed Elsabbagh said...

أسامة يوسف

عااااااااا
بقى كدة يا اسامة
طب ايه رأيك الخيلول اللى هشوفة ماشى فى مظاهرة هعتقلة فى أوضة الفيران
وهيبقى مصيرة العض

وانا بفكر دلوقت فى توريث الخلولة
اممممممم

Ahmed Elsabbagh said...

كوكا

عندك حق يكفى انهم ضحو بأرواحهم عشان ينصرو دينهم وبلدهم

شكرا على الزيارة وياريت تتكرر

تحياتى

آلام وآمال said...

هههههههههه


حلوة اوي يا احمد المصطلحات دي
واسلوبك في تعريفها كمان جميل جدا ودمه خفيف
ممكن نفكر بعد كده بالمطالبة بوضع المصطلحات الخيلولية دي ف القاموس عشان يتعارف عليها كافة فئات الشعب

ههههههههه

كل سنة وانت طيب وربنا يخليلك ولاد اختك ويكرمك انت كمان بمخاليل بس يكونو ولادك

شرفتني بزيارتك واتمنى متكونش الاخيرة
:)

علياء said...

السلام عليكم
المدونه جميله جداً .أنا مقدرتش اتوقف عن الضحك وكل شويه أقراها تانى .
يارب يخليك ليهم استاذ احمد

Eanass Abouzeid said...

i love it, bas as i will never be 7'ala, then you have to find me som exp. for al 3emam too :D

fanan fa2eer said...

لا واضح انك مخاليلك خلو خالو بتاعم مخه هيضرب خالص

خللي بالك من عقلك

بوست دمه خفيف جدا

وواضح انك بتحب ولاد أخواتك وهما كمان بيحبوك قوي

تحياتي وكل سنة وأنت طيب

Ahmed Al-Sabbagh said...

الام وامال

ههههههه
متشكر اوى ربنا يخليك
اكيد مش هتبقى الزيارة الاخيرة
اما بالنسبة لموضوع القاموس
ففعلا فى قاموس اسمة القاموس المخلولى ده من زمان اقدم من الزمخشرى كدة
ههههههههه

تحياتى

Ahmed Al-Sabbagh said...

عليــــــــاء

ميرسى يا علياء ويارب دايما نشوفك فرحانة
وخالة كمان
هههههههه

Ahmed Al-Sabbagh said...

fanan fa2eer

مش مخى بس كل حاجة فيا ضربت وطرشقت منهم
هههههه
بس هنعمل ايه
وعقبال ما نشيل مخاليلك واولادك كمان

تحياتى

غمض عينيك said...

بوست حلو اوي ياباشا
ودمه خفيف زي اللي كاتبه
ربنا يخليهملك ويمخللوك اكتر من كده
تحياتي ليك
محمد سمير

Ahmed Al-Sabbagh said...

Eanass Abouzeid said...
i love it, bas as i will never be 7'ala, then you have to find me som exp. for al 3emam too :D

حاضر يا إيناس
هعمل لك شوية مصطلحات عمامية بس تمام
خدى دى تحت الحساب
معلول : هو ابن الاخ
معلولة : هى بنت الاخ
معاليل : هم اولاد الاخوات الصبيان
"علل" لما يأتى يعنى اذكر السبب ان عمتو عملت كدة
هههه


تحياتى

Ahmed Al-Sabbagh said...

غمض عنيك


ههههه
شكرا يا محمد بتدعى عليا بالمخللة بقى كدة
طب انا هدعى عليك بالبهبه وبالعمعمة وكل حاجة
هههههههه


تحياتى

Dr.Mohammed Gohary said...

لا يا عم الخيلوله بتاعتي لسه صغنونه عندا 3 شهور
بلاش اعضها في المأخله
هههههههههههههههه
بوست لذيذ واستمر يا أحمد باشا

Ahmed Al-Sabbagh said...

د/محمد الجوهرى

ههههههههههه

لا يا عم السن القانونى للعض فى المأخلة هو خمس شهور

وبعدين العيال فى السن ده
لو جيت تعضهم ممكن يعملوا حركات قرعة
ههههههههههه


حبيبى يا جوهرى

Radwa Lotfy..(Rodirock) said...

حلو اوى اللعب بالحروف و الالفاظ ده...بس اصبر بس لما الامخاليل دول يكبروا و شوف هيعملوا فيك ايه...هههههه...اعتقد دوواوي منك فيهم ساعتها مش هتكفى

هناء said...

مخاليلكم يشبه كثير مخاليلنا
حفظهم الله من كل شر

Salma Amer said...

هههههههههه
أنا ضحكت بشكل من البوست ده
هنيئا للغة العربية بالمصطلحات الجديدة دي

بت خيخة وأى كلام said...

انا جيت تانى اهه يعنى ومالقيتش برضه الشاى اللى انا دفعت تمنه امبارح
حلو اوى البوست ده يا ابو حميد
خلتنى بقى عندى حب فضول اشوفك وانت بتلعب مع المخاليل
اكيد تجنن
انا هاروح اقرا كل البوستات
سلام مؤقت
بت خيخة وأى كلام

مهندس مصري said...

مش بأقولك انت عسل
أنا بنت أختي عندها سنة و3 شهور وبأحبها جداً
طبعاً مش بقيت خال على حسها
بس لسه لوحدها أنا و أحويا الصغير مش باين لنا جواز العين بصيرة و الإيد قصيرة و أختي مش حتخاويها دلوقت
يعني حتنفرد هيه بالخيلولة فترة
سلام لمخاليلك واحد واحد و واحدة واحدة

سهر الليالى said...

جامد جامد جامد
ربنا يخلهملك ويخليك ليهم

وعلى فكرة بكرة ييجى اللى يعمل فى عيالك كدة ربنا مبيسبش
:)

ربنا يرزقم ان شاء الله
تحياتى

حبة حاجات (ايمان) said...

دا انتو عيله تجنن

بس انا عندى سؤال هيمخول دماغى
انتو حافظين بعض؟؟؟؟؟؟؟

بجد مدونه عجبانى ودخلت نخاشيش مخى وهضيفها عندى

تحياتى

د/اجدع بنوته said...

ربنا يخلهملك وتتخلول عليهم كمان وكمان

Anonymous said...

هههههههههههههههههههههههههههههههه\\بسمة مسلم