خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 29, 2007

يـــــوم الجـــــرائم الأمريكــــــية


شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة
لكن دعونا نذكر العالم بالجرائم الأمريكية التى أرتكبتها الولايات المتحدة الامريكية ضد أبرياء وأطفال ومدنين
شارك وأدعم فكرة تخصيص يوم 30 أكتوبر يوما للجرائم الأمريكية

هيروشيما ونجازاكى
فيتنام
أفغانستان
العراق
أبو غريب
جوانتانامو


فكرة البوست دى جاتنى وانا بتفرج على الصور البشعة فى
معرض الصور الفوتوغرافية
للهجمات الذرية على هيروشيما ونجازاكى
اللى اقامتة مكتبة مبارك
وشوفت اد ايه مناظر الدمار والهلاك والرعب
وكمية القتلى والمحروقين من الاطفال والشباب والنساء والرجال كمان
لرؤية الصور واضحة برجاء الضغط عليها

وقررت طرح فكرة تخصيص يوم 30 أكتوبر من كل عام
للتذكير بالجرائم الأمريكية
وما تسألوش اشمعنى 30 اكتوبر
لأن لما تقرا فى تاريخ امريكا هتلاقى فى كل يوم جريمة جديدة
وأى يوم يصلح يكون ذكرى
وعلى طول افتكرت اللى عملوه الامريكان فى الاماكن المنكوبة
رغم ان الامريكان مش فقرا
ومش ناقصهم اكل ولا شرب عشان يعملو كدة فى خلق الله الغلابة
اللى عايشين بيحلمو بلقمة عيش ومتوى
محارق جماعية
ادوات وغرف تعذيب
انتهاك اعراض
اطفال بأجسام محروقة ومتشوهة
اسر فقد عائلها واتشردت واتشتت بلا مأوى
تلوث بيئى ومبانى متدمرة ورعب
هى خلاصة جولتى فى عالم الجرائم الامريكية
"لرؤية الصور واضحة برجاء الضغط عليها"

هيروشــــيما ونجـــــازاكى

فى صباح اليوم السادس من اغسطس 1945 م
وكنهاية للحرب العالمية الثانية
اللى مات فيها 60 مليون نفس بشرية
القت امريكا القنبلة الذرية الاولى فى التاريخ
وتزن 4500 كيلو جرام
وبعد 60 ثانية من التفجير
كان 66000 بنى ادم قد قتلوا
و69000بنى ادم قد جرحوا
بواسطة التفجير المتكون من 10 كيلو طن
ورغم اصلا ان الخبراء
بيقولوا ان اليابان كانت مستسلمة
الا ان بعدها بتلات ايام وفى يوم 9 اغسطس
رمت امريكا القنبلة التانية على ناكاساكى
وفى خلال ثوانى كان 39000 نفس بشرية كانت ازهقت
وكمية الدمار والهلاك الناتجة والخسائر البشرية الفادحة انهت الحرب
وكانت دى بداية الجرائم الامريكية الكبرى

سحابة مشروم بإرتفاع 18 كم ناتجة عن الانفجار النووى على مدينة ناكاساكى باليابان
بتاريخ 9 أغسطس 1945م عن ويكيبيديا

الطائرة بعد ألقاء القنبلة ويبدو أسفل المنظر الرهيب للأنفجار

بشرا صاروا هياكل عظمية فى ثوانى

أسر من جرحى ومشردين

المبنى الباقى بعد القاء القنبلة

وده البنى ادم الباقى بعد القاء القنبلة

لا حول ولا قوة الا بالله

حرب فيتنام
وهى احدى الحروب التى توضح حب امريكا للسيطرة والتدخل فى شئون البلاد والعباد مخلفة الدمار والهلاك والرعب وحرق للزرع والنسل
وكانت فيتنام الجنوبية متحالفة مع امريكا ضد فيتنام الشمالية

ومن اشهرها مجزرة ماى لاى اللى الامريكان حرقوها بساكنها ومبانيها


اعدام الأطفال ممارسة أمريكية قديمة
حسبى الله و نعم الوكيل
عدد القتلى: أكثر من 1250000 (من فيتنام الجنوبية)، 58226 (من الولايات المتحدة) عدد الجرحى: 153303 (من الولايات المتحدة) عدد القتلى: 1100000 (من فيتنام) عدد الجرحى: 600000 مجموع عدد الضحايا: حوالي 2 إلى 4 مليون


أفغانستان
وطبعا كلنا عارفين الفيلم قصدى القصة كلها
من احداث حداشر سبتمبر لغاية الحرب على تنظيم القاعدة
ألسنة لهب وسحب دخان "خاص بالجزيرة"
أفغانيون يدفنون أقاربهم الذين قتلوا أثناء الهجوم الأميركي"خاص بالجزيرة"

حرب العـــــراق

وللحرب دى أثر خاص فى نفوسنا
حيث ان العــــــــراق عربيـــــــــــــــــة وإســـــــــــــلامية
والعراق احد رموز العروبة
ويعز علينا نشوف اهلها بيتقتلو
وبيموتو فى انفجارات مالهاش اخر

انظرو ما يفعلة أدعياء الحضارة بالأطفال
واكتر حاجة تضحك هى التبريرات اللى قالوها سبب الغزو
البترول العراقى ؟؟؟ ماهو تحت السيطرة اصلا
اسقاط نظام صدام ؟؟ ما هو كل اللى عملو كان تحت عينك يا امريك
اسلحة الدمار الشامل ؟؟؟ هى فين دى ؟؟ وما اكثرها عند امريكا وما اكثر ما اذت العالم بها
السبب الحقيقى
هو تقسيم العراق وتدمير البنية التحتية له


تحية للصديقة مدونة
عراق الى الابد


ابو غريب

ومين منا ما شافش اهرامات الجثث
ومين ما شفش السحل والضرب والكهربة
والله ده خزى وعار على امريكا

حسبى الله ونعم الوكيل

أبو غريب.. الخزي والعار يلطِّخ الأمريكان

ودى صورة سجن ابو غريب فى جوجل ايرث.. ويكي مابيا

جوانتانامو
وهو معتقل اجرتة امريكا من كوبا عام 1903 فى عهد روزفلت

رمز من رموز انتهاك الآدمية

انظروا الى ادعياء الحضارهأى مبرر سيقولونه عن سبب تعذيبهم واهلاكهم للمدنين
أدعم فكرة تخصيص يوم 30 أكتوبر
لتذكير العالم بالجرائم الأمريكية



للأطلاع على جرائم امريكا

فى 100 عـــام

إضغط هنا

ودى خطبة على موقع اسلام اونلاين عن

جرائم أمريكا عبر التاريخ

ملخص الخطبة : جرائم أمريكا في اليابان وفيتنام ومع الهنود الحمر. - جرائم أمريكا بحق المسلمين في العراق وأفغانستان - إساءة أمريكا للأسرى المسلمين- سنة الله عز وجل في إهلاك الأمة الظالمة لا تتبدل ولا تتغير - وجوب مناصرة الشعب العراقي بكل وسيلة.

كما تعلن مدونة أحمد الصباغ عن إحتجابها خلال يوم 30 أكتوبر

شارك فى الإحتجاب

77 comments:

يوميات عيل مصري said...

تسلم ايديك .. معاك طبعا ومحتجب يوم ثلاثين معاك، الملف رائع، واختيارك لليوم رائع

coca said...

والله العظيم انتكدت جدا وبفكر لو انا مكان الناس دي هعمل اهي وياتري الناس هتبقي حاسه بيا
يارب ارحمنا
بس انا مش فاهمه ليه الاحتجاب
مش عارفه بس بعتبر ان دا مش موقف
بس ياريت تفهمني ايه فايده الاحتجاب من وجهه نظرك يا احمد
تحياتي

Ahmed Al-Sabbagh said...

يوميات عيل مصرى

أشكرك يا استاذ احمد على مواقفك الداعمة والمشجعة لينا ديما ويارب مانتحرم من كلماتك الرائعة ابدا

Ahmed Al-Sabbagh said...

Coca

هونى عليكى يا بنتى لكل ظالم نهاية

الإحتجاب موقف

الإحتجاب صورة من صور الرفض

وياريت تشاركينى فى الاحتجاب يوم تلاتين

ارسم بالرصاص said...

أستاذ أحمد

اللي وصلالو أمريكا ده مش بسبب جبروتها وقسوتها بس .. لكن بسبب ضعفنا وهواننا وإننا أصبحنا كثرة ولكننا غثاء كغثاء السيل .. نحتاج أن نعود كما أمرنا الله تعالى لنسترجع عصور ازدهارنا وحتى يعودوا هم كما كانو في عصور الظلام والتخلف ..

بالطبع أنا معاك في الاحتجاب وأجمل تعليق قلتو كان على التاريخ ... متسألوش ليه اخترت 30 اكتوبر لان بالفعل كل يوم بيمر علينا يصلح أن نطلق عليه اليوم العالمي للجرائم الأمريكية ..

الاحتجاب يمكن هو أضعف الإيمان .. بعد ماأصبح الظهور والكتابة والشجب مابيحققش الفايدة المرجوة

تحياتي ليك أستاذ أحمد

هايدي

Ahmed Al-Sabbagh said...

هايدى

تعليقك اكثر من رائع يا هايدى
وقولتى اللى مقدرتش اوضحة لكوكا
ان الاحتجاب هو اضعف الايمان

شكرا ليكى على المساندة

لولا said...

حسبي الله ونعم الوكيل في امريكا واسرائيل
بجد قمة البشاعة والظلم
ذنبة اية طفل لسة خارج للحياى ولا شاب لسة في عز شبابة ولا ام تتحرم من ابنها او جوزها او اب يشوف ابنة بيموت قدام عينة
بجد حسبي الله ونعم الوكيل
مش عارفة اقول حاجة غير كدة

غـــادة الكاميليا said...

أشاركك وأدعمك فى غضبك ضد الجرائم الأمريكية

Ahmed Al-Sabbagh said...

لولأ
=========

شكرا على تفاعلك وغضبك



غادة الكاميليا
================
شكرا على دعمك

بت خيخة وأى كلام said...

صور اكثر من مؤلمة يا صباغ
معاك فى الاحتجاب
بس احتجب يعنى اعمل ايه
يلا سلام من بت خيخة وأى كلام

Dr.Mohammed Gohary said...

يا أحمد
بجد انا تعبت نفسيا

عموما ليك الف شكر علي الموضوع

والرد
اللهم اضرب الظالمين بالظالمين

سهر الليالى said...

على فكرة تمام اوى البوست ومليان حاجات يمكن مكنتش أعرفها
وبرضو من كام يوم كدة شفت صور كتير برضو فى فيلم عجيب كدة كان على قناه مش فاكره هى ايه عن الاثار اللى اترتبت بعد القنبلة النووية والحروق والدمار
يظهر ان الموضوع دة بيجرى ورايا ربنا يستر

المهم يعنى أنا بس عندى استفسار الا وهو انا مفروض اعمل ايه فى الموضوع ده يعنى دورى يكون شكلو ايه؟؟

تحياتى وشكرا لإضافة مدونتى

محمد محمود يوسف said...

فكرة جامدة كيك ياصاحبي


شغال

MKSARAT SAYED SAAD said...

تحياتي اليك لا تكفي
اشكرك حقا من القلب على هذا البوست

Salma Amer said...

كل واحد فينا عارف كل مصيبة عملتها أمريكا بس لما قريت كل الكوارث دي مجمعة حصلتلي حالة صدمة بجد

انا شفت بردة فيلم قبل كدة على موضوع هيروشيما ونجازاكي وفعلا جالي حالة من الاكتئاب مابقتش عارفة انام من الفيلم ساعتها فكرت ازاي ممكن حد يعيش بذنب مش قتل الاف لأ وتدمير اجيال كاملة
موضوع مبذول في جهد رائع

Desert cat said...

انا قلبى وجعنى من الصور والمناظر دى
ربنا يحرق قلوبهم ويذلهم ويزلزل الارض تحت اقدامهم

بت خيخة وأى كلام said...

ماشية معاك يا عم صباغ والبوست عامل شغل جامد اوى والكومنتات عمالة ترف فوق دماغ حضرتك وانا محدش معبر المدونة بتاعتى
شوف نقك عليا عمل ايه
عموما ابقى روح عندى هتلاقينى رديت على البوست بتاعك هناك فى مدونتى
وياريت تقولى احتجب يعنى لانى بجد مش فاهمة اعمل ايه النهاردة
هو انا عملت عصير جوافة ينفع ولا اعمل حاجة تانية
يلا سلام من بت خيخة واى كلام

Ahmed Al-Sabbagh said...

بت خيخة وأى كلام

شكرا يا نور على كلماتك المشجعة الجميلة

ويكفى للتضامن الاحساس بالموقف والغضب للظلم

وذلك أسمى صور التضامن

ويمكنك وضع البوستر فى مدونتك يوم تلاتين

Ahmed Al-Sabbagh said...

Dr.Mohammed Gohary

شكرا يا دكتور على تشجيعك

اللهم آمين

Ahmed Al-Sabbagh said...

سهر الليالى

شكرا يا صديقتى العزيزة

واسف للمناظر المؤسفة لكنها حقيقة والله

يكفى احساس العميق بالظلم للتضامن

لو تحبى تحطى البوستر عندك فى المدونة يوم تلاتين

تحياتى

Ahmed Al-Sabbagh said...

محمد يوسف

شكرا يا صديقى العزيز على التضامن والاحتجاب والبوست الجميل الذى قمت بعملة فى مدونتك

تحياتى ليك من قلبى

Ahmed Al-Sabbagh said...

MKSARAT SAYED SAAD

صديقى العزيز سيد سعد

شكرا لكلماتك الجميلة وتضامنك

وتحياتى لك من القلب

Ahmed Al-Sabbagh said...

Salma Amer

شكرا لكلماتك ولأحساسك بمعاناة شعوب وأجيال دمرت بلا ذنب

Ahmed Al-Sabbagh said...

Desert cat

اللهم آمين

أحمد مصطفى said...

الفكرة جامدة جدا
وانا معك محتجب يوم 30

وياريتك تنوه ان كل المدونين يرسلوا اصحابهم للتضامن للاحتجاب
عشان الحملة تكون اقوى

تحياتى
أحمد مصطفى

أحمد مصطفى said...

تحياتى



انتظرونا 1/11 حملة هنكشفهم
لنكشف معا اخطبوط الفساد فى مصر
الراس معروفة ولكن الازرع تعمل فى الخفاء
لنحاربهم معا
نرحب بأى مقالات تكشف الفساد فى مصر
او اراء تدعمنا او تنقدنا نقد بناء

مؤمنه said...

السلام عليكم ورحمة الله وبركاته
جزاك الله كل خير على هذا الجهد الرائع
وفقك الله دوما
وفكره جميله اوى فكرة الاحتجاج
بس ايه المطلوب مننا عشان نحتج نيجى فى اليوم دى ونقول ايحنا محتجين
فكرة تخصيص يوم للاحتجاج فكره كويسه
بس ايحنا اصلا طول السنه محتجين
والبضائع الامريكيه والاسرائيليه والدنماركيه على قد ما نعرفها بنقاطعها
والسلام عليكم ورحمة الله وبركاته

هناء said...

شكرا يا احمد
الصور بشعة و السبب فيها ضعفنا و مايزعجني اكثر هو ان الاغلبية تتناسى بشاعة امريكا و تتناسى انه فيه جزء من العالم يعيش الموت، الفقر، الدمار

مواطنة said...

حرااااااااااااااام

ليه كدة بس

إحنا ناقصين وجع قلب

أنا مش عارفة يعنى ايه أحتجب.؟؟ لكنى بدعم موقفك

يمهل و لا يهمل

Hannoda said...

مجهودك رائع و فكرة أحييك عليها

الجرائم الأمريكية و تعديها على كل قوانين التعايش الآدمية شيء واضح جدا للمثقف و الجاهل و كل انسان له عقل ورؤية

أحمد جمـــال said...

بوست جامد جدا

ومبذول فيه جهد واضح

شكرا

Ahmed Al-Sabbagh said...

أحمد مصطفى

شكرا على مساندتك الرائعة

ولأستجابتك السريعة

ونحن متشوقين لسلسة مقالاتك "هنكشفهم" ومتابعين

تحياتى

Ahmed Al-Sabbagh said...

مؤمنه

وعليكم السلام ورحمة الله وبركاتة

شكرا ليكى كتير

ويكفى المشاركة فى الاحساس بالظلم

ده افضل تضامن

Ahmed Al-Sabbagh said...

هناء

شكرا ليكى كتير

وتحياتى

Ahmed Al-Sabbagh said...

مواطنــــة

شكرا ليكى واسف للصور الموجعة

Ahmed Al-Sabbagh said...

Hannoda

أشكرك ومعكى حق

Ahmed Al-Sabbagh said...

أحمد جمـــال

أشكرك يا أحمد وأدعوك لأنشاء مدونة

david santos said...

Ahmed, my friend, terrorism is North American crimes every day, but I agree with you and commend your idea of 30 October to remember the crimes of terrorism North American.
Until Always

Thank you, my friend.

David Santos

محمد مارو said...

اولا شرف لى انى انضم اليكم
و ثانيا و بعد كل المجازر دى معنديش غير لا حول و لا قوه الا بالله
هى اقوى منهم
و بعد اذنك انا هنقل البوست دهباكمله عندى و طبعا هوضح انه منقول منعندك ع شان اصحابى يشاركونا فى اليوم ده
شكرا لك

محمد مارو said...

بس معلش بلاش اجتجاب دى انا بقترح تكون اسمها يوم للتذكره يالجرائم الامريكيه

شمعى أسعد said...

عزيزى احمد

يبدو أن تعلبقى جاء متأخراً

ولكن لى سؤال

أيهما أفضل

أن نحتجب فى أى يوم نتفق عليه

أم نكون أكثر صراخاً

مـخـطـوبـه said...

لأ لأ لأ
مينفعش كده انا احاسيسى مرهفه و مشاعرى رقيقه .. مستحملش الحاجات القاسيه دى

mohamed said...

شكرا على المعلومات الجميله
اللى فعلا افادتنى
ولكن الصور دى مشكله كبيرة جدا
هسال حضرتك سؤال
لو انت لا قدر الله كنت مكان احد المسجونين دول او اللى متصورين عرايا
بعد كل اللى حصلك دا هيبقى ايه شعورك لو حد نشر الصور دى
اكيد هتبقى متضايق جدا
يعنى كفايا الالم اللى اتعرضوله
الصور دى غير ادميه
وكمان صور الموتى دا حرام جدا
الموت ليه حرمه مينفعش انشر صور موتى
انا مقصدش اهاجمك كلنا متولدناش عارفين كل حاجة بس شوف كدة اى موقع اسلامى كبير مش هتلاقى صور زى دى انا بعتبرها غير ادميه واسال اى عالم من علماء الاسلامهيقول حرمانيتها اسف لو طولت بس بجد انا قصدت انصحك المعلومات القويه اللى انت جايبها مش محتاجه الصور دى
تقبل مرورى
شكرا

طبف بدر said...

أمريكا هي أم الإرهاب و سفك الدماء و إهانة الإنسان...هذه هي حضارة السموم التي جاءوا بها ....هذا هو عدوك يدعي التحضر و الرقي و يبدو ان هذا التحضر هو أن تقتل الأبرياء بالكيماوي و الأباتشي و النووي و الليزر و لا تقتله بالسيف أو المدفع
http://www.bushflash.com/pl_lo.html

و هذه مقتطفات من حقوق الإنسان في الولايات المتحدة
http://alayasser.maktoobblog.com/cat/38541/%CD%DE%E6%DE_%C7%E1%C5%E4%D3%C7%E4_%DD%ED_%C7%E1%E6%E1%C7%ED%C7%CA_%C7%E1%E3%CA%CD%CF%C9

حبة حاجات (ايمان) said...

بوست رغم انه تقيل اوى بس مش اتقل من الحقيقه والواقع المر اللى فيه

مدونه جميله
تحياتى ليك

unknown said...

حسبى الله ونعم الوكيل

مهندس مصري said...

أمريكا بلد الجرائم
يكفي أنها قامت على إبادة الهنود الحمر
الله ينور بوست أكثر من متميز
مجهود مشكور

بت خيخة وأى كلام said...

احمد انا مش هاعلق على البوست لانى خلاص علقت عليه فى مدونتى انا بس كنت عايزة احييك على كلاماتك الجديدة اللى انت كاتبها تحت اسم مدونتك انا لسة واخدة بالى منها دلوقتى انك غيرتها
حلوة اوى يا احمد
تحياتى ليك
وسلام من بت خيخة وأى كلام

بت خيخة وأى كلام said...

صباح الخــير يا مــــــصر الغــــــريبة.. يا مــــــصر البعيدة اللى مش شايفنها.. صــــباح الخــــير يا بلاد بنكرهـــــــها.. وف نفس ذات الوقـــــــت عاشقينـــها.. صــباح الخـــــير يا بلاد بتكـــــرهــــنا.. واحنا مخلوقين فى الاصـــــــل منـــها.. صــباح الخير يا أرض قسيت علينا.. وطبطب حنانها عاللى سارقيــــــــــــــــنها.. صباح الخـــــير يادروب مشــيناها.. ولسه سنين ســـــوده ماشينــها.. أحمد الصباغ

حلوة اوى اوى اوى يا احمد

EmY said...

الصور صعبه اوي انا مقدرتش ابس
بس المجازر دي ياريت الناس كلها تشوفها و تشوف وجه امريكا القبيح و حرية الاعتقال و الاغتصاب و التعذيب
للأسف دم العرب رخيص عندهم و هما الي دمهم غالي
موضوع هايل و فكره جميله

فى القلب said...

صباح الخير يا أحمد
دى أول مدونه أدخلها بعد رجوعى لعالم النت
مش عارفه تعليقك عندى جذبنى جدا
شكرا يا أحمد
بس بصراحه مش قادره أكمل الموضوع تعبت جدا جدا
من الصور

تحياتى ليك يا أحمد

david santos said...

For Ahmed!
My friend. My name is: Fernando David Moreira Dos Santos.

I am married and I have three children and two grandsons.

I have 62 years of age.

I am a fighter for the Palestiniana cause.

I am against the racism and the exploration of the man.

I am against the terrorism. Either it of Bush or any another origin.

I am writer.

I write romance and poetry.

I fight against all the unjust causes.

I fight against everything of bad that if it makes with the children.

I am a calm man, but when I see injustices I do not get over.

I am author of the phrase: Parents of the whole world, if you love your children do not lose them of sight nor for as.

I am author of the phrase: the resignation makes to stop the evolution.

I am for the equality between all the human beings.

I am Portuguese and alive in a small City, call São João of the Madeira, center of Portugal.

Already I lived and I worked in all the countries of the Atlantic, since Africa of the South until the a Norway.

Already I was imprisoned politician, against the colonialismo and the Portuguese fascism.

I am of the people more hated by the loving ones of Bush.

Thank you

David Saintos

فبركة said...

ملف أكتر من رائع وإحساس نادر بالإنسانية والإسلام والعروبة
بجد مش لاقى كلام اقوله ليك
تحياتى

sendrlla said...


بجد مش حرام عليهم بس حرام عليك انت كمان علشان محدش يقدر يستحمل المناظر دى دى مؤلمة جدا انا مش بسمع نشره علشان ما اسمعش واحد استشهد ولا طفل مات واو طفله
انت بقى تجيب دا كله

NIDAAL PAL said...

السلام عليكم كلكم اولاً
احييك و اقدر مجهودك العظيم فى جلب هذه المادة و نشرها
و متغاااااااااااظ من ناس عمالة بتقول
لا حرام لامش قادر او قادرة استحمل
الصور دى .... لالالالا اده المناظر دى
ايه يا معلمين فيه ايه ؟ انتوا ليه بتهربوا من الحقيقة ليه ؟
شوفوا الى حصل فى الى قبلكوا و علشان برده يبقى عندكوا فكرة انتوا او مش انتوا انتوا اقصد المتخاذلين هيجى الدور عليهم
و هيحصل فيهم كدة نتيجة لصمتهم
جمدوا قلوبكم يا معلمين
ايه ما فى حدا راح المدبح قبل كدة ولا ايه
ما تتكلم يا صباغ
سلام

Ahmed Al-Sabbagh said...

david santos

thanks dear Santos for your participate and support

regards,

Ahmed Al-Sabbagh said...

محمد مارو

أشكرك بشدة على التضامن وادعوك لأحياء يوم تلاتين اكتوبر كل عام ان شاء الله

وشكرا على نشرك للبوست

وتحياتى ليك

Ahmed Al-Sabbagh said...

شمعى أسعد

أشكرك على التضامن وانا معك فى ان الناس تحتاج للتذكير الدائم

Ahmed Al-Sabbagh said...

مـخـطـوبـه


اسف ان احنا أذينا مشاعرك المرهفة :)

Ahmed Al-Sabbagh said...

mohamed

أشكرك على التنبية يا أخ محمد

لكن للأسف حتى الأن لم أجد الرأى الصواب

فالكل يؤكد ان هذة ليست صور أشخاص عادية حتى يحرم نشرها

لكنها صور حوادث إجرامية بشعة

ويصح استخدامها للتذكير والتنبية

ارجوك لو لديك موقع يذكر فتوى فى هذا الصدد فلتمدنى به

Ahmed Al-Sabbagh said...

طبف بدر

أشكرك على التضامن

Ahmed Al-Sabbagh said...

حبة حاجات (ايمان

شكرا يا ايمان على كلامك المشجع

Ahmed Al-Sabbagh said...

unknown

أشاركك الدعاء

Ahmed Al-Sabbagh said...

مهندس مصري

أشكرك يا باشمهندس على تشجيعك وتضامنك

Ahmed Al-Sabbagh said...

بت خيخة وأى كلام

شكرا يا نور ويارب دايما تعجبك

Ahmed Al-Sabbagh said...

EmY

أضم صوتى لصوتك

أشكرك

Ahmed Al-Sabbagh said...

فى القلب

أشكرك ونأسف لأزعاجك بالصور

ولكن التذكير مهم جدا

Ahmed Al-Sabbagh said...

david santos

thanks for this info .

i prepare the post that i told you


and i will send you when i finish


thanks

Ahmed Al-Sabbagh said...

فبركة


حبيبى شيكو أشكرك على كلامك الجميل

Ahmed Al-Sabbagh said...

sendrlla

عزيزتى مش هينفع ندفن راسنا فى الرمل زى النعام

انا زيك بتعب من الصور وبحزن حزن شديد
أشكرك

Ahmed Al-Sabbagh said...

NIDAAL PAL

أشكرك بشدة يا نضال على تضامن معى

رفقة عمر said...

اولا شكرا على تشرفيك مدونتى اللى اسعدنى كتير
جزاك الله خيرا
اثر فيا قوى البوست دة بجد
جزاك الله خير
طريقه عرضك للموضوع مميزة جدا
وربنا ينتقم منهم كما انتقم من عاد وثمود اللهم امين يارب العالمين

ابنة رجل نادر الوجود said...

معلش لو جيت متأخرة بس دي اول مرة ادخل هنا


بس ها احتجبتوا؟
و بعدين
الحمد لله استريحتوا ؟
حسيتوا انكوا عملتوا حاجة؟
ويا تري الناس اللي اتعذبوا و ماتوا و اتسجتنوا و اتشوهوا اتحرقوا و اضربوا و اتهانوا و ..و..
كل دواة حسوا بانهم بخير
حالهم اتحسن؟
ولا المسئولين عن اللي حصلهم ...ها ضميرهم أنبهم؟ ولا عادوا نظر؟ولا خافوا؟!
ولا المسئولين و بايدهم حاجة يعملوها...عملوا ايه؟..اتحركوا اتحدوا قاطعوا ؟

لا ما اعتقدتش

والله مجهودك انتا مشكور عليه جدا جدا
و ربنا يجزيك خير عنه
كتير ماعملوهش
****
بس برده عرض صور المتي و المقتولين و العريا...صراحة فيها شيء مهين.
***
بس احتجاب .شجب..ذم!

في حاجة تانية عندك؟
بس تعلم ربنا يكرمك



شكرا

ahmed said...

والله العظيم انتكدت جدا وبفكر لو انا مكان الناس دي هعمل اهي وياتري الناس هتبقي حاسه بيا
يارب ارحمنا
بس انا مش فاهمه ليه الاحتجاب
مش عارفه بس بعتبر ان دا مش موقف
بس ياريت تفهمني ايه فايده الاحتجاب من وجهه نظرك يا احمد
تحياتي

ali said...

david santos

thanks for this info .

i prepare the post that i told you


and i will send you when i finish

zaid said...

أشكرك على التنبية يا أخ محمد

لكن للأسف حتى الأن لم أجد الرأى الصواب

فالكل يؤكد ان هذة ليست صور أشخاص عادية حتى يحرم نشرها

لكنها صور حوادث إجرامية بشعة

ويصح استخدامها للتذكير والتنبية

ارجوك لو لديك موقع يذكر فتوى فى هذا الصدد فلتمدنى به

Anonymous said...

Jogging on a frequent basis will assistance bolster your
leg and your back muscle tissues. Electrical muscle
stimulation is utilised to make the muscle groups agreement.


Feel free to visit my weblog :: The flex mini