خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Nov 8, 2007

أخبار مفرحة .. كله ضرب ضرب .. مفيش شتيمة

اتصل بيا بعض الاصدقاء و(نعلو) سنسفيل جدودى على البوستات العكننة اللى عمالة تنزل من بعد العيد
وبعضهم اتوسل .. والبعض باس ايدى إنى أفك عنهم لوجة الله .. وبعض الاصدقاء طلب تنحيتى عن التدوين لأعود الى صفوف الجماهير
والبعض عرض رشوة ضخمة ( أكلة كنتاكى) فى مقابل انى اديهم بوست يفرح هييييه هيييييه
وها أنا ذا
ألبى النداء .. وجاى ببوست كله اخبار مفرحة سواء لى أو لمعظم الشعب المصرى

هو البوست اتأخر شوية لوجود بوست طارئ بس معلهش
خدو عندكو .. أفتحو اديكو

الخبر الاول
فاكرين الوله الظابط اللى اسمه إسلام نبيه اللى فى الصورة دى
هااااااا خّلص
اللى مسك المواطن عماد الكبير .. وعذبة وانتهك عرضة

يوووو ..الله يخرب بيتك يا احمد يا صباغ يا معكنن علينا ومقريفنا وقالل مزاجنا
هو ده الخبر المفرح اووووف
استنو عليا
عارفين ايه اللى حصل فى القضية اللى شاهدتها المحاكم وتم الحكم فيها يوم
إسلام نبيه إتلب تلات سنين يا معلمييين
اتحكم عليه بتلات سنين سجن
هييييه هييييه

هطير من الفرحة .. مبروك لكل المصريين
هو صحيح الحكم قليل وما كيفنيش أوى
بس أهو أحسن من مفيش .. أحسن ما كانو يطلعوه براءه وأموت بغيظى
عايزين بقى تفاصيل اكتر عليكو وعلى مصطفى.. صاحب البوابة .. وكمان اقرو تعليقى هناك
..
الخبر التانى
مش عايزين ضرب
عارفين مين الراجل ده ؟؟الله يخرب بيت قرفك يا أحمد يا صباغ
شكله ظابط وهتقرفنا ويطلع قاتل حد ولا دابح حد وهتطلع لنا بمصيبة يا وش المصايب

لالالالا اتطمنو ده مش قاتل حد
ده قاتل أكتر من 100ألف شخص غير الالاف اللى اتشوها وعاشو متعذبين بأمراض خبيئة او من غير إيدين أو رجلين
عاااااااااااااااااااا أهئ أهئ
عارفين مين ده ؟
ده رامى القنبلة الذرية على هيروشيما
ده الأمريكى بول تيبيتس قائد الطيارة اللى رمت القنبلة فى اواخر الحرب العالمية التانية
طيب إيه المفرح فى كدة ؟
ده كلام يعكنن ويموع النفس أهو

الخبر أهو بقى
إن الطيار ده قابل ربة الشهر ده
وبعد 62 عام من الحرب .. مات وعمرة 92 سنة
قابل ربنا
الراجل ده لغاية اللحظة اللى بيموت فيها كان بيدافع عن دور أمريكا فى الحرب وبيقول انا مش ندمان انى رميت القنبلة الذرية
خلاص انا مش هعلق .. فقد أفضى الى ما قدم
إهئ إهئ إهئ

إحنا غلطانين أصلا إن احنا جينا المدونة الكئيبة دى

...
الخبر التالت
كفاااااااااااااية
لالالا ده خبر حلو أوى بقى
هييييييييييييييه
فاكرين لما وزارة الاتصالات عملت نظام لخدمة الدى إس إل محدد السرعة وبخمسة واربعين جنيه .. بس التحميل ميكونش اكتر من 2 جيجا وأى جيجا زيادة بعشرة جنيه .. يعنى تروح للراجل وتقولة مثلا أمى بتقولك بتسلم عليك وبتقولك ادينى بستين جنيه نت واتوصى
ياصلاة النبى .. قووول واطربنا
انا بقى اشتركت فى النظام ده ..ومر شهر ورحت عشان أدفع الفلوس وأجرت صعايدة عشان نكسر الشركة لأنى حسيت انهم هيقولولى الف جنيه ولا حاجة
هييييه هييييه
خمسة واربعين جنيه بس
هيييييه هيييييييه
حلو .. كدة الواحد يبقى يبر نفسة شوية ويخبط له فيلمين الشهر الجاى بقى
أظن كفاية أخبار مفرحة
....
حلوة الاخبار دى؟
.....
ايه ده هما ما بيردوش ليه
.....
ايه ده دول نامو :(
شششششش

116 comments:

اسكندراني اوي said...

ازيك يا خال

الخبرين الاولنيين حلوين

اما التالت اشك يا ابو حميد

خلي بالك برضه وما تفتحش اوب لحسن تلاقي الفاتوره في العلالي

osama said...

فعلا انا لما سمعت الخبر الاول فرحت اوي ... وان كان هو يستحق اكثر بالف مرة ... لكن اهو شفى صدري ولو قليل .. وعلى اقل اقل تقدير المركز اللي اتعذبوا فيه هيتبطل فيه التعذيب لمدة ثلاثة ايام تضامناً.. خلال الثلاثة ايام دول يكون كذا واحد اترحل للنيابة ...

اما الثاني فهو ذهب الى ربه المنتقم.../ فمن قتل نفس واحده فكانما قتل الناس جميعا امال سيادته الجزاء ايه بقى...

خبر النت اؤيد راي اسكندراني دا تمويه هههههههههههه ومش هيسبوك ...

دمت بكل ود..
خالص تحياتي

بت خيخة وأى كلام said...

شكرا يا احمد على اخبارك المفرحة دى وانا معاك كان نفسى اسامة الزفت يتلب اكتر من كدة بس الحمد الله انه مخدش براءة واهه قضى اخف من قضى
بس الخبر التانى مفرحنيش اوى لان الضابط مات وهو عند 92 سنة يعنى خد زمنه وزمن غيره ابن الكلب
لو كان مات صغير كنت فرحت فيه
لكن للاسف مات كبير وعموما اللهم لا شماتة
دلوقتى تلاقيه عمال يضرب على قفا امه فى القبر
اما الخبر الثالث فانا مع اسكندرنى اوى اللى بيقولك خد بالك
انا برضه حاسة ان الموضوع ده فيه زر
واخد بالك من زر دى
يعنى خازوق
لتكون مش عارف يعنى ايه زر
وعموما اخبارك مفرحة برضه
ويلا سلام من بت خيخة واى كلام

أحمد مصطفى said...

انت والله ولد عسل

يا ابوحميد ياحبيبى
انا بحب الحاجات اللى بتحرك المشاعر
سوء كانت مفرحة او محزنة

المهم هو الاحساس

فى مدونات يامه بتكتب عن حاجات هايفه
وتديوناتهم بتتنسى
لكن ما يحرك المشاعر لا ينسى ابدا

فانا عايز اقوالك اكتب من قلبك ومش مهم حزن ولا فرح

تحياتى لك
أحمد مصطفى

EmY said...

الخبر الاول ده بجد يفرح
الضباط اتحولوا لبلطجيه كل واحد فيهم شامم ب 3 جنيه كوله و فاكر نفسه رومل و نازل طحن في الشعب
بقي شعار الشرطه هاتلب الشعب و الشعب يقول كماااان
والله دي كانت اخر قلة ادب و سفاله
بس الحبس هايربي و يخلي غيره يعرف ان المواطن ليه كرامه

الخبر التاني بقي عندي فضول اعرف الراجل ده هايتعمل في ايه فوق
يالا بلاش نجيب سيرة اموات

مبروك يا عم دفعت 45 جنيه بس طيب اكيد انت كنت عامل حسابك علي اكتر من كده فين فرق الفلوس يا استاذ مافيش حاجه لاختك الغلبانه الي هاتدفع النت كمان شهر

Dolly Sa3ada said...

هيهيهيهي
هى دى الاخبار المفرحة أمال لو حبيت تعورنا هتعمل فينا ايه
أسلوبك حلو قوى وفكاهى

حبة حاجات (ايمان) said...

ياسيدى الحمد لله اننا بنتحد اصلا
وماتحسدناش
ههههههه
تحياتى ليك

david santos said...

S'il vous plaît, Envoyez un courrier électronique à l'ambassade du Brésil dans votre pays et rapportez l'injustice que les "Cours de Justice" Brésiliennes font supporter à cette fille. Le But est d'arrêter l'évolution de cette soit injuste.

مؤمنه said...

السلام عليكم ورحمة الله وبركاته
كل دى أخبار مفرحه
الا لان نصر الله قريب
تصبح على خير باءه
والسلام عليكم ورحمة الله وبركاته

Dr.Mohammed Gohary said...

مين ده؟؟؟؟؟؟
آه ده أحمد الصباغ مش تقولو من الاول

يلا يا حاج احمد



بوست



زي

الــــــــــــ






























































فل

مواطنة said...

بوست جميل جدااااااااااااا

هههههههه

شكرااااا

coca said...

واه يا خــــــــــــال
والله هي اخبار مفرحه بجد
بس اللي غليظني ان الواد اسلام نبيه الوقت اللي اتقضاه في السجن هيحسبوه من ال3 سنين
كان نفسي ياخد 10 سنيني كدا ولا حاجه
اهو منه يتظبط من المساجين العتاه

أمجد جاد جورج said...

معك حق التلات سنوات قليلين على أمثالة لو كان الحكم عليه فى يدى ما كنت أرضى بأقل من اعدامة وامام الناس ليكون عبرة لأمثالة

نشكرك على المقال الجميل

نوري said...

انا جالي صدمه مابين كل خبر والتاني ومن كتر الضحك عيطت من حلاوه الصياغ
بس ماشاء الله اخبارك متنوعه مبين سجن وموت ونت وأفلام هتنزل وانشاء الله
هتكتب بوست عنهم كلهم عشان نعرف بس ونبقي ع الخط معاك
وشكرا ع زيارتك ليا
ونرضهالك في الافراح
و(بست وشز فور يو)0

يوميات عيل مصري said...

يا صباغ لما تعمل حاجة جديدة، أبقى قلنا، علشان نعرف، خاصة الغلابة اللي زينا مالهوش في النت ولا الكلام ده، وأخرتها بيعرفوا يدوسوا على مفتاح الانتر ويضيعوا شغلهم.
ايوة كده أخرج من البيبان الحر الضيقة
وبلاش كآبة تاني ربنا يخليك.. أخبارك الحلوة بتروق الدماغ، وبعدين عاوزين تاني من الأخبار دي..
بالمناسبة .. اقرأ الميل اللي بعتولك .. وقول لخيخة وخمسة فضفضة عليه .. في انتظاركم

amro said...

اخبار جميلة ياحمد
يرب دايما نشهد سقوط ومصارع الطغاة فى حياتنا
حكاية الفاتورة دى خد بالك منها
دايما فيها مفاجات
تحياتى

سهر الليالى said...

حرام عليم يا خالو أحمد
انا قلت هلاقى أخبار احسن من كدة وخصوصا بعد البوستين الاخرانيين

انا صحيح مليش فى كل الحاجات اللى فاتت دى اوى يعنى عشان الحياه مش ناقصة غم

بس اكيد انتصار الحق والاحساس ان لسه فى عدالة فى البلد دى فرحنى جدا

وميرسى اوى على الدعوة وعلى الشكر

وعلى فكرة حلوين اوى الكلمتين اللى انت كاتبهم فوووووووووووق خالص تحت خالو أحمد الصباغ اللى عن مصر دول

ارق التحياتى يا صديقى

ra7eel said...

بجد الخبر الاول مفرح اخيرا فى حد هيتعاقب فى البلدى صحيح هو كان محتاج يتعدم مش ياخد 3 سنين بس اهو كويس احسن مايطلع برائه ولا كانه عمل حاجه
ام بخصوص وصله النت فاهم حاجه يكون مش بيقطع
انا بفكر اجيبه
عشان جالى الضغط من الوصلات العاديه
النت بيفصل اكتر مابيجى
تحياتى لك

Salwa said...

الخبر الأول مفرح
وإن كان يستحق أكثر من ذلك

والخبر التاني
أهو عند ربه هو أعلم به

أما النت
فأكيد انت مجربه وكويس
بفكر أجيبه

أحييك ع الأخبار المفرحه
وربنا يديمها

تحياااااااتي

مهندس مصري said...

3 سنين شوية
القاضي إداله أخف حكم في الجنايات قال علشان حديث السن قليل الخبرة
اقرا التفاصيل في جبهة التهييس الشعبية
أما الطيار اللي مات فحسابه عند ربه
اما النت فربنا يبارك لك يا سيدي

semsem said...

ايه دا
اول مرة ادخل المدونه الاقى اخبار حلو
طيب دا على كده وشى حلو
على العموم مبروك اعبال
كل تدوينه باخبار احلى

هبة - حقوق said...

جميلة جدا يا أحمد
والمدونة كلها جميلة اوى بس انت كنت مدينى العنوان فى حرف غلط بس أنا عرفته بالفكاكة كدة

Desert cat said...

ازيك يا خالوا احمد
اخبارك ايه
وايه الاخبار العكننة دى
يوووووووه قصدى الكئيبة دى
متشكرين ياباشا على شوية الفرفشة الاخبار المفرحة
مش حتنزل ببوست يفرحنا بقا
هو كله كدا كآبة كآبة
تحياتشى

mohamed said...

شكرا ياخالو ع الاخبار الحلوة دى
بس انا كنت عايز اعرف هو بيقولك ان انت خلصت الاتنين جيجا بتوع التموين وبيسالك تاخد تانى ولا بيحاسبك من غير ما يقولك

Ahmed Al-Sabbagh said...

إسكندرانى أوى
شكرا يا حبيبى وربنا يستر ماهما فيلمين وبس

Ahmed Al-Sabbagh said...

osama


معاك حق 3 سنين قليلين اوى كنا عايزين تأبيدة كدة ولا حاجة

ملك الكبدة said...

شوف يا خال
انا رايي ان عماد الكبير هو اللي جاب حقه بنفسه لما اصر انه يدافع عن كرامته و ربنا كرمه ووقف معاه ضد الظلم اللي اتعرضله
بالنسبة للضابط ده بقى انا ليا راي عجيب
يعني لو اعترف انه غلط موش كان زمان اتخرب بيته دعاوي تعويضات
و بعدين يا راجل ماهي خلاص خلصت و نجحت العملية عايزه يندم لييييييييييييييه
و مبروك عليك التوفير بس انت عامل زي بقال قديم في المنطقة فتح جنبه واحد جديد فعشان يخطف زباين القديم بيتوصى بيهم المهم حاسب على نفسك لتكون من الزباين القدام يعني من الاخر اوعى يجيبوا رجلك لحد ما يخربوا بيتك

Ahmed Al-Sabbagh said...

بت خيخة وأى كلام

هههههههههههه
ههههههههههه
انا بضحك على موضوع زر دة
عشان انا اللى قايلك عليه اصلا :)

والله يا خيخة هو مهما عاش بس فى الاخر هو مجرم قاتل وحسابة عند ربنا كبير

Ahmed Al-Sabbagh said...

أحمد مصطفى

يا حبيب قلبى يا روحى والله انت دايما اللى واقف جانبى ورافع معنوياتى ومشجعنى

ربنا مايحرمنى منك ابدا

Ahmed Al-Sabbagh said...

EmY


هههههه
انا مكنتش عامل حسابى فى فرق
هما الخمسة واربعين والباقى كانو صعايدة عشان يكسرو الشركة
بس الحمد لله جت سليمة

ربنا يستر بعد كدة

وعموما عنينا ليكى ورقبتنا سدادة من جنيه لجنيه وربع

Ahmed Al-Sabbagh said...

Dolly Sa3ada

هههههههههههه
لالالا لما احب اعوركم هعمل بوست زى بتاع امريكا بس على اسرائيل ولا حاجة

Ahmed Al-Sabbagh said...

حبة حاجات (ايمان

ههههه

شكرا يا جميل

Ahmed Al-Sabbagh said...

david santos

thanks for your visit

Ahmed Al-Sabbagh said...

مؤمنه

وعليكم السلام ورحمة الله وبركاتة

يارب تكون عجبتك الاخبار المفرحة

Ahmed Al-Sabbagh said...

Dr.Mohammed Gohary

ههههههههه

ايوة ايوة ما هو الورق ببلاش سيب مسافات براحتك

اغلط اغلط وقول زى الزفت وانا اوريك
هههههههههه
وحشتنى يا حبيبى انت فين مستخبى

Ahmed Al-Sabbagh said...

coca

همممممم
ياللا احسن من مفيش

Ahmed Al-Sabbagh said...

أمجد جاد جورج

عندك حق والله
أشكرك

Ahmed Al-Sabbagh said...

نوري

ساكنش فور يور فست
:)

Ahmed Al-Sabbagh said...

يوميات عيل مصري

أشكرك بس انت عارف الكآبة بتطارد الواحد مش عارف نروح منها فين

Ahmed Al-Sabbagh said...

amro

يارب دايما نشوف يوم اسود على كل ظالم

Ahmed Al-Sabbagh said...

سهر الليالى


كويس ان الابيات دى عجبتك
أشكرك كتير

Ahmed Al-Sabbagh said...

ra7ee

لأ النت الحمد لله مش بيقطع بس حاسس انه مش بسرعتة القصوى مش عارف ليه :(

Ahmed Al-Sabbagh said...

Salwa

أشكرك بشدة وربنا يفرحك دايما

Ahmed Al-Sabbagh said...

مهندس مصري


حديث السن

دى قلة ادب

والله كان يستحق اكتر من كدة

Ahmed Al-Sabbagh said...

semsem

طب كويس ههريك بعد كدة اخبار مفرحة

Ahmed Al-Sabbagh said...

هبة

معلش بقى العنب عالجزر
سامحينى

Ahmed Al-Sabbagh said...

Desert cat

بقى دى عكننة بردة
ده نفسى اتقطع عقبال ما عرفت اجيب بؤين مفرحين
وانتى تقولى عكننة
عااااااااااا

Ahmed Al-Sabbagh said...

mohamed

والله ما اعرف يا بنى
بس تقريبا لما بيخلصو بيزود لك على الفاتورة

محمد مارو said...

بالنسبه لاول خبر انا قلبى كان هينط من فرحته و كنت عاوز انزل الشارع و اسلم ع كل الناس و اخدهم بالحضن كمان
اما بالنسبه لموضوع النت انا بقول لك ده جر رجلك و خد بالك اللى جاى افطع

dr.Roufy said...

لا الحقيقة كلها أخبار جميلة ومفرحة
يعني الحمد لله عدت من غير ضرب المرة دي
:)

تحياتي

محمد جمعه said...

بسم الله أبدأ
مدونه حقا رائعه

ثانيا أسأل الله عز وجل ان يجعل هذا العمل فى ميزان حسناتك وان يجزيك الجنة

محمد جمعه said...

بسم الله أبدأ
مدونه حقا رائعه

ثانيا أسأل الله عز وجل ان يجعل هذا العمل فى ميزان حسناتك وان يجزيك الجنة

haytham samir said...

بردو الدم بيحن مهما تحاول تفرحنا بس بعيد عنك تحب النكد زى عنيك مفيش حاجة كدة عن اخبار المزز او الحاجات الحلوة دى كلها اخبار ضرب وتعذيب وعكننة
بس برده تصدق بوست حلو ودمه خفيف
هيثم سمير

MKSARAT SAYED SAAD said...

احمد مش هقولك غير انى بجد سعيد جدا انى اتعرفت على مدونتك كتير من المعلومات عن حال حادات كتير في الدنيا بعرفها من خلالك
اشكرك على تقدمة من وجهة نظر احترمها جدا
اتمنى لك التوفيق الدائم
تحياتي
سيد سعد

د/هشام الأمير said...

عزيزى أحمد
موقعك جميل للغاية ومسلى ومفيد ويحتوى على كم معلومات هائل بصورة خفيفة وسائغة اعجبنى جدا مقالاتك عن الجرائم الامريكية وخواطرك الرخيص الغالى والاخبار السياسية المفرحة
شكرا جزيلا

NIDAAL PAL said...

جميل جداً يا احمد
و الخبر بتاع الراجل الى مات تبع القنبلة
مفرح جدا بس الكلب اتهنى بحياته
مش مشكلة اهم شى انه مات
و الخبر تبع النت .... خلى بالك يا معلم
ده شكله كده كمين وخد بالك من الكمين
و ايـــــــــــــــه
هتدفع و هتعور جيبك بكتير يا صاحبى
بس انا كنت عايز اسالك سؤال واحد يا احمد
الناس عمالة كآبة ..كآبة
اومال لو دخلوا عندى هيعملوا ايه؟ ده ممكن يرفعوا عليا قضايا مش قضية
هههههههههههههههههه
بس موضوع رائع يا صباغ
و خلينا نشوفك وبلاش غطس كتيـــــر
فاهم هه؟
سلام

عاشقه الفردوس said...

السلام عليكم
ماشاء الله هو بوست كويس
اهو احسن من اللى بنشوفه من اخبار ترفع الضغط وتجيب السكر
بس الحمد لله انه اتجازى اصلا
طيب انا هقولكم على حاجه بجد بتحصل قدامى
واحده صاحبتى خطيبها ظابط
وهى كانت فرحانه انها هتتجوز ظابط
تعرفوا الباشا طلع حشاش من الدرجه الاولى
لا وايه اما سالتها يابنتى مش المفروض بيعملوله كشف كل فتره
قالتلى اه ماهو المصيبه انه بيصادف حتى يوم الكشف الدورى بيكون لسه مصطبح على قرص حشيش وللاسف بيقولوله انك سليم
طب ازااااااااااااااااااااااااااااااااى
وحسبى الله ونعم الوكيل

البيروني said...

المدونة جميلة جدا وعجبني جدا فيها الهيدر لان كان واقعي و يبرز الحالة النفسية للمدونة و على فكرة الظباط للأسف أصبح يضرب بهم المثل في الصياعة و قلة الأدب و الوساخة ر غم ان عليهم مهام كبيرة وفي بعضهم محترم جاد و أنا قابلت الصنفين يارب

فى القلب said...

أحمد بجد أنت مسخره

ههههههههههه
لاء يا سيدى منمناش حد يكون قاعد فى الظيته الى أنت عملها دى و ينام

و بعدين تلات سنين أيه ده ظلم و أفترى

و على فكره أنتى شجعتنى أشترك فى النظام أبو 45ده و ربنا يسهل

البيروني said...

البوست ماشاء الله جميلة و اجمل شئ عجبني البانر بيعبر بشكل كبير عن الحالة النفسية اللي في المدونة أما بالنسبة للضابط

فللأسف أصبحت لفظة ظابط تطلق كسبة و أو شتيمة لما أشتهر به الضباط من قلة أدب وو لكن والله فيهم ناس محترمة بس قليليين

شـــــهــــروزة said...

اسلاك نبية؟؟
ودينى يستاهل هو واللى زيه الاعدام فى ميدان عام رميا"بالتفافة

لامؤاخذة يعنى

مش تلات سنين بس؟
الحكم لم يرضينى على فكرة
لكن انا حسيت انه لمجرد حفظ ماء وجة القضاء المصرى ليس الا ولن يتكرر بعدها فى حق اى حد تانى تبع الداخلية


هيروشيما؟؟
الراجل قتل آلاف وعاش لحد 92سنة؟؟
سبحانه
وله فى خلقه شئون

الدى اس ال؟؟
الموضوع جر رجل الزبون يا مان
تفرح لك يومين تفتكر انهم فى التمام
وتعمللك كام داونللود على كيف كيفك
وتتعكش فى الفاتورة الجديدة
وتبقا رجلك وقعت فى الخيّة
دى حكومة يابااا
الداخل عندها مفقود


مين الواد الحلو اللى نايم على ايدك دة؟؟

مروان said...

ههههههههه
اخبار جميلة فعلا والله بوست جميل بس الراجل ده يستاهل الاعدام
والراجل التانى اللى قعد اتنين وتسعين سنة انت بتغيظنا يا عم
هههههههههه

YHYيــوســف الـمصـرى said...

السلام عليكم
.........
بلوج هايل واستمتعت بيه جدا
تحياتى

Aziza said...

hahaha your site is very good and this is funny article :)

Salma Amer said...

واللهي اخبار مفرحة والحمد لله عامله زي النسمة الحلوة في يوم حر وكان الواحد نفسة يسمع حاجة كويسة بقاله فترة
اصل انا بقت لما افتح النشرة احس ان التلفزيون حينفجر من كتر الاخبار الهباب

mazlomen said...

الله ينور ويفتح عليك يا أبو حميد

بجد 3 أخبار في الجون

بس بجد الخبر الأخير ده مفيش تحديد للدونلود في الاشتراك الجديد

يوميات عيل مصري said...

اين انت

كفايـة طيبـة said...

بغض النظر عن الاخبار اللى فعلا حلوة :D

اسلوبك جميل ... ماشاء الله

:)سعدت بمرورى فى مدونتك

hosam said...

مدونة رائعة يا اخ احمد
قرات اغلب تدويناتك
واحى فيك انخراطك فى الاحداث التى تجرى حولنا فما اكثر ما رايت من غياب اغلب الشباب عن ما يدور حوله
لك منى تحية كبيرة

Anonymous said...

ازيك يا احمد
انا بجد سعيدة جدا بيك
وباشكرك على تشريفك لمدونتى وعايزة اقولك
ان مدونتك رائعة جدا بس ليه النظرة القاتمة دى احنا مصر مهما تعمل فينا برضو بنحبها مش بنكرهها اشكرك
منى سعيد
http://monasaid>blogspot.com

منى سعيد said...

احمد انا باشكرك
ومدونتك جميلة جدا وبالتوفيق ان شاء الله
تحياتى

منى سعيد said...

احمد اشكرك على كلامك الجميل
وتحياتى

عصفور المدينة said...

السلام عليكم
السلام عليكم بخصوص الثلاث سنوات فمش حاقول قليل انا باقول مش حيتنفذوا ول اتنفذوا حيبقى فايف ستارز

وبخصوص المجرم الذي ألق القنبلة فسبحان الله كنت أتعجب كيف مد الله في عمره حتى رأى أجيال من تأثيرات المأساة وظل يقول أديت واجبي
ألا لعنة الله على الظالمين

أما بخصوص النت

فانا يا عيني كنت عمال احسب ومنزل برنامج وبعدين اكتشفت انهم فشلوا يحددوها بس مكتمين ومافيش كروت شحن ولا جيجا زيادة بربع جنيه ولا حاجة

Anonymous said...

بصراحة تلات سنين قليلين عليه
ده كمان فى اخبار تعذيب جديدة ظهرت
ربنا يستر

يوميات عيل مصري said...

حمدا لله ع السلامة
بس خلاص خضتنا عليك

بندارى said...

ياعم دى اخبار عسل والله وأسلوبك فوق الوصف انا هعمل مدونة وهتكون أول واحد اضيفة عندى

محمد بندارى

Mo3Az said...

هههههههههه

انا خلااااص هاموت من كتر السعادة

:)

لا والله بس اخبار حلوة يا جميل

تسلم يا غالى

smraa alnil said...

ههههههههههههههه

طب اقولك ايه بس

دة انا اول ما لقيت الزغرونة قلت دة انا هقوم ارقص من الفرح
وال ما قريت اخبار مفرحة قلت دة هسخسخ من الضحك

اقولك علي سر
الاخبار دي قديمة
هههههههه

محمد على ..هي كده said...

انت مش ناوى تغير البوست ده ولا اية


انا مستنى الجديد

الدائخ said...

يعنى تروح للراجل وتقولة مثلا أمى بتقولك بتسلم عليك وبتقولك ادينى بستين جنيه نت واتوصى

لا جامدة، رغم إن الله أعلم .. ممكن يجيبولك نص ساعة بالكتير ..
يا مرحبا بك يا راجل .. فينك من زمااااااان

بدراوى said...

ده أول تعليق على غيار الريق يا خالو أكتبه فى مدونتك
بصراحة الخبرين حلوين لكن التالت معرفش
أصلى لسه على النظام القديم ربنا يدمه علينا يارب و ميطبقش القرار بأثر رجعى

انا قريت حاجات كتيرة ليك يا خالو و ربنا يوفقك
بدراوى

http://ta3melboyout.blogspot.com/

بت خيخة وأى كلام said...

جرى ايه يا صباغ كل ما اجى مالقيش بوست جديد
انت مش ناوى تتحفنا بحاجة جديدة بقى
كل يوم اجى اشئر الاقى هو هو نفس البوست اقوم ادعبس فى باقى الحاجات اللى انت كاتبها وامشى
بس مش كدة بقى عايزين حاجة جديدة
شد حيلك امال
يلا سلام من اختك خيخة و أى كلام

تائهة فى أرض الأحلام said...

ايه ياعم كلده علشان رشوة غدوة كنتاكى امال لو عزمتك على ابو شقرة هاتعمل لنا ايه

شكرا على ردك فى مدونتى كان فعلا ممتاز

ومدونتك جميلة ومتابعاها علطول رغم انى مش برد كتير

تحياتى لك
والمرة الجاية عايزين بوست كوميدى بقى

Ahmed Al-Sabbagh said...

محمد مارو

اه والله وانا كمان
مش عارف موضوع جر الرجل ده
ممكن يكونو بيربو زبون ؟

Ahmed Al-Sabbagh said...

dr.Roufy

هههههه
طب الحمد لله

Ahmed Al-Sabbagh said...

محمد جمعه

ربنا يكرمك
وما يحرمنا من دعواتك

Ahmed Al-Sabbagh said...

haytham samir

يا هيثم اصبر على رزقك جيلك قريب باخبار طرية

Ahmed Al-Sabbagh said...

MKSARAT SAYED SAAD

يا سيد باشا دى شهادتك دى وسام على صدرى

Ahmed Al-Sabbagh said...

د/هشام الأمير

يارب دايما يا دكتور نكون عند حسن ظنك
وتشرفنا دايما

Ahmed Al-Sabbagh said...

NIDAAL PAL

هههههههههه
متهيألى يا نضال الناس دى لو دخلت عندك احتمال تتعور
مش انت ..الناس
هههههههه

Ahmed Al-Sabbagh said...

عاشقه الفردوس

ومصطبح كمان
ربنا معانا

Ahmed Al-Sabbagh said...

البيروني

أشكرك يا فندم وحضرتك اول واحد تعلق على الهيدر وشهادتك أعتز بيها

Ahmed Al-Sabbagh said...

فى القلب

شوفت الظيتة اللى عاملها
حلوة ؟
عشان ما حدش ينام

Ahmed Al-Sabbagh said...

البيروني

كويس التعليق ظهر مرتين بصغتين مختلفتين
:)

Ahmed Al-Sabbagh said...

شـــــهــــروزة

ههههه
اتعكش ؟
طيب ربنا يطمنك
:)

Ahmed Al-Sabbagh said...

مروان

ازيك يا مروان
عقبالك ما تعيش اتنين وتسعين سنة
ياعم انت شكلك هتموت بعد بكرة اصلا

Ahmed Al-Sabbagh said...

YHYيــوســف الـمصـرى

أشكرك شهادة أعتز بيها

Ahmed Al-Sabbagh said...

Aziza

thanks for your visit and i invit you to start your blog

Ahmed Al-Sabbagh said...

Salma Amer

يارب دايما تسمعى اخبار تفرحك

Ahmed Al-Sabbagh said...

mazlomen

لأ فى تحديد اتنين جيجا فى الشهر

Ahmed Al-Sabbagh said...

يوميات عيل مصري

يارب ما يحرمنا منك ابدا ولا من سؤالك علينا

Ahmed Al-Sabbagh said...

كفايـة طيبـة

أشكرك ويارب دايما اكون عند حسن ظنك

Ahmed Al-Sabbagh said...

hosam

طيب شوف البوست الجاى وقوللى رأيك

Ahmed Al-Sabbagh said...

منى سعيد

انا بحب مصر من كل قلبى
وبتمنى اشوفها فى حسن حال
شرفيتنا بجد ودايما هكون عندك فى المدونة ان شاء الله

Ahmed Al-Sabbagh said...

عصفور المدينة

ايوة موضوع اخبار التعذيب ده صحيح

Ahmed Al-Sabbagh said...

بندارى

ماشى ده خبر حلو اوى
عايزين كل الناس تبقى عندها مدونات وتكتب

Ahmed Al-Sabbagh said...

Mo3Az

ربنا يخليك

Ahmed Al-Sabbagh said...

smraa alnil

قديمة ايه بقى
انتى اللى غطسانة بقالك شهرين
وجاية تقولى اخبار قديمة
هههههههه

Ahmed Al-Sabbagh said...

محمد على ..هي كده

قريبا جدا البوست الجديد

Ahmed Al-Sabbagh said...

الدائخ

ههههههههه
لأ يا راجل يجيبو ساعة

Ahmed Al-Sabbagh said...

بدراوى

أشكرك يا حبيبى
وان شاء الله هتلاقينى بنط فى مدونتك على طول

Ahmed Al-Sabbagh said...

بت خيخة وأى كلام

طب ما تزوقيش البوست الجديد نزل اهو

Ahmed Al-Sabbagh said...

تائهة فى أرض الأحلام

ابو شقرة يعمل خمس اخبار مفرحة
هههههههههه

حواديت وحكاوي said...

والله انا شاااااايف الاخباااااار حلوه
جدااااا
ومافيهاش اي نكد
يمكن علشان انا مش متابع من الاول
علي العموم انا اول مره ليه ازور المدونه بتاعتك
وهيه فعلا لذليذه جدا وبتحرق دمك بسرعه
ياريت بقه والنبي اي حاجه علي المواصلات
تسلم يا خالو

marina said...

احنا مجله صيفيه اسمها مارينا رايح جاى لو ممكن تبعتلنا رقمك على marina.raye7.gay@gmail.com

Akhadiwi Rajie said...

This really answered my problem, thank you!
Cordis.europa.eu
Urgames.com
Yellowbot.com