خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Nov 3, 2007

الرخيص الغالى

إليكى .. يا من كنتى حبيبتى

لا أحب الكلمات الحزينة

ولا أحب نغمات اليأس والاحباط

ولا أحب إظهار ضعفى أمام الناس

لكنّى

مضطر للكتابة

إحتملت بقلبى الألم سنوات وشهور

وكتمت خواطرى فى كراستى أياما وليالى

حتى فاض بها الكيل

وجاءت هنا ليقرأها الناس

وتكون شاهدا عليكى

وشاهدا على قسوتِك

.......

أكتب إليكى يا .. لا

لن أقول حبيبتى

لأنه لم يعد من حقى

لم يعد من حقى أن أناديكى بأحب اسم ناديتك به

أكتب إليكى يا من كنتى حبيبتى

يامن فقدتك والله يعلم أنه ليس بيدى

لكنى أقسم إنى أحببتك حبا عظيما

تشهدة الساعات والأيام والاوراق
إلتقينا لأول مرة فى أجمل أيام الربيــــــع

زى انهــــــــــاردة كان حبك
يوم ما عاهدتك أصون ودك
وحلـــــفت لـك إنى بحــــبك
وكان يمينى فوق خـــــــدك

إلتقينا فى لحظة جميلة من لحظات القدر

وعرفت الحب من أول نظرة

و

قابلنا أنا وانت ف مشــــوارنا
حاجات كتير جـرحت غــــيرنا
الغيرة ..وظنـــــونها ..واللى بيجـــرى منها
فى يوم ما قـــربت منا .. بعـــــدها حبنا عنا
لكن مشينا وكملنا مشـوار الحــب ووصـــلنا
والدنيا ما قدرت تعاندنا وتفرق بيننا وتبعدنا

.........

كنت أشعر دائما بعد لقاءنا الأول

أننا مفترقان

كنت أشعر أن الدنيا لا تجود بمثل هذا الحب الأسطورى

ولا بمثل هذة اللحظات السعيدة

المليئة بالفرحة والأشواق

وقد صدق إحساسى

وهان عليكى كل تاريخنا

وهان عليكى رجلا كان يذوب فيكى

أهكذا تهون الرجال على قلوب النساء

أهكذا تهون المشاعر النبيلة الغالية

وتصبح سلعة رخيصة لا ثمن لها

أهكذا يضيع الحب الكبير فى ثوانٍ

أهكذا تضيع السنوات فى غمضة عين

ياخسارة

وألف خسارة

ياخسارة على كل كلمة حب وشوق وإهتمام

ياخسارة على كل ثانية وكل لحظة تفكير وترقب

وخسارة على معانى الصدق والإيثار وإنكار الذات

وماذا تبقى للأنسان بعد الحب والأخلاص

ماذا تبقى بعد الكلمة الحلوة والعشرة الطيبة

آآآآآآآآآآآآه

آه لو تعرفين

كم مرة تذكرتك
وناجيتك فى جوف الليل المظلم

وتذكرت كلماتك القاسية

فتهت فى بحر من الظلام والضلال والشك والحيرة

لا رأت عيناك شكى وضــــــــــــلالى
وحنينى ولهيب الذكـــــــــــــــــريات
عندما يعرضــــــــــها الماضي لعيني
صورا تجلو الـــــــــــذي ضيَّعت منّي
من ليـــــــالٍ بهـــــــوانا راقصــــات

وحاولت انساكى

وحاولت أن أنساكى

وكيف أنساكى وذكراكى أراها فى كل مكان


فى البيوت

والشوارع

فى المطاعم

فى الحدائق

والمتاحف

والأسواق

وفى دور السينما

وفى المكتبات

وفى زياراتى للجامعة

وفى عملى

وفى السيارات ومحطات المترو

حاولت أن أنساكى

ولكن وتظل صورتك مرسومة على سطح النيل أمامى

فى جولاتى على كوبرى قصر النيل

وفى الطرقات الحزينة

وفى أعماق القاهرة

أهرب من قلبى أروح على فـين
ليالينا الحلــــوة ف كل مكـــــان
مليناها حب إحــــنا الاتنيــــــــن
وملـــينا الدنيا أمـــــل وحــــنان
....

وحتى ملابسى تذكرنى بكى

لأن أغلبها من إختيارك

.....

ناديتك كثيرا وتمنيتك بجوارى

واتمنيت نفضل مع بعض العمر كله

وقلت لك

انى بحبك

وانى مش هعرف اكمل حياتى من غيرك

و

و

ولكن

خلاص


كل شئ إنتهى

عـــــــــــــــودى أو لا تعـــــودى
تيهى فى طـــــــــرقات الســــنين
موتى فى لحــــــــــــظات الحنين
رنّمى فى غربتك اللحن الحزين

Written by : Ahmed Al-Sabbagh

40 comments:

aya said...

عجبنى اوى يا احمد انه مش مية فى المية لغة عربية فصحى
ومش عامية برضه
لا بصراحة عاجبتنى
حلوة اوى القصيدة ديه
تسلم الايادى بجد

يوميات عيل مصري said...

ايه ده
هتخضني عليك ولا ايه..
اثبت
ما تخليش ولا واحد يشمت
البنت في تفسير الأحلام
دنيا سبحان العلام
عاوز اقولك حاجة وما تفهمنيش غلط
تعيش بس ما تخدش غيرها
تعيش وتخليها ذكريات، وتكتبها ونشاركك فيها
تعيش وتبقى بالنسبة لك ماضي عدى
تعيش وتحب تاني، وتسعد تاني
وكل حاجة في الجرح القديم تبقى حاجة فيه حب جديد
مش عاوز اقولك كلام محفوظ
زي اللي تسيبك خسارنة والكلام ده
بس مهما كان الحب
الزمن مسيره ينسي
ايهههه.. فكرتني بمنى بتاعت الحضانة .. يا ترى عاملة ايه
من ساعة آخر يوم كنا مع بعد .. ما شفتهاش تاني
مشاعرك جميلة جدا
لو بنتي كبيرة شوية كنت قلتلك عندك عروسة يا عم
بس بكرة تلاقي عروسة بجد
تعرف
أجمل حاجة في الحياة إنك تلاقي شريك حياة
مش مهم اسمه ولا لونه على رأي منير
المهم .. تحس معاه انك نصه التاني
هتخليني أكلم أم فداء دلوقتي وكنت عاوز انام
بس أعمل ايه نداء الحب اللي أنت أثرت مشاعره هيخليني أدفع مكاملة دولية وأقوم أكلم نصي الحلو
بس بجد
تعيش وعمرك يارب ما تاخد غيرها

تائهة فى أرض الأحلام said...

رغم قسوتها عليك وقسوتك عليها بتلك الكلمات
بس نقدر نقول انك امتعتنا بكلمات حلوة وأحاسيس ثائرة

Salma Amer said...

كلام رائع ينم عن إنسان حسة مرهف
اكيد انت ماطلعتش من التجربة خاسران
انت كسبت حاجات كتير جدا فكر فيها شوية وابقى قلنا عليها
ربنا اكيد كتبلك حاجة احسن بكتير بس انت لسة مش شايفها
تحياتي ليك

الدائخ said...

معلش يا أبو أحمد .. بس أصل هي حاجة من اتنين .. يا الموضوع بجد، و بكده تبقي ضربة معلم .. رغم كل شيء أنا طالع رافع راسي و ميهمنيش عشرة زيك .. يا أما دماغك شعشعت شوية يبقي يا مرحبا بك في دنيا الشعر .. دخلة تقيلة و متكلفة .. بس عاوز تقولي بجد ..
هو الموضوع بصحيح و لا الوحي و الإلهام حكموا ؟

علياء said...

جميله أحمد كما لو أنها خارجه صادقه من قلبك . لاحظت أن الألم يعتصرك والندم شديد

ارسم بالرصاص said...

أستاذ أحمد ..

العنوان كفاية .. بيتعرض لنوعين من البشر او ربما بيتعرض لعملة واحدة ذات وجهين ..

أستاذ احمد الرخص والغلا عمرهما مايجتمعا معاً أبدا وحضور أحدهما معنا تلاشي الآخر ..

مش ح ادافع عن الطرف الآخر ولكن ح اقول ان في حاجة اسمها صروف الحياة .. الصروف دي احيانا بتكون ليها ايادي طويلة تتحكم ف الاحداث

وعموما الخاطرة بتاعتك .. مفعمة بالصدق .. والصدق دايما بيعرف ياخد طريقه للقلوب بشكل قوي ومؤثر

دعواتي ليك بالسعادة الدائمة والرضا

تحياتي

هايدي

بت خيخة وأى كلام said...

معنديش تعليق ابلغ من تعليق عيل مصرى
تعيش يا رب وماتاخد غيرها

وعلى فكرة جامدة اوى يا ابو حميد
وجعتنى فى قلبى الاهى مايتوجع قلبك ابدا ياحمادة
وحلو اوى العنوان
ويلا سلام من بت خيخة واىكلام

MKSARAT SAYED SAAD said...

اتظن انك نسيتها لا يا عزيزي انت مازلت تدمنها وتغرق فيها كلك
انت كانت سبب في عذابك ارجوا الله ان يخفف عنك وان كانت سبب في ان تجد من هو اغلى منها فادعوا الله ان تجدها قريبا
تحياتي

أحمد مصطفى said...

ايه يا ابو حميد الاسحاس العالى دا

بجد والله احساسك عالى اوى فيها

تحياتى لك
أحمد مصطفى

dandana said...

حلوة...

ع انى حسيت بتكلف فى بعض الكلمات...
ودا مجرد راى لا يفسد للود قضية

dandana said...

اه ..نسيت اقول
المدونة عجبتنى جدا

روحها حلوة

ومتنوعة

ربنا يخليك للمخاليل يا خالو

لسه بعقلى said...

اهنئك يا احمد
انت على بعد خطوات قليلة من الشفاء من هذا الحب المؤلم

مجرد انك كتبت عن الموضوع وعبرت عن احساسك فى مواجهة العالم وقلت للناس كلها وحكيت ..دى بداية انك تنسى البنت دى


اعتقد الكل قالك رايه وانك فعلا احساسك رائع وكلماتك رقيقة

وان شاء الله ربنا هيبعتلك نصيبك فى بنت تحبها حب حقيقى وهى تحبك حب بجد وتحس فعلا انى البنت دى هى اللى كنت تتمناها تكون شريكة حياتك

تصبح على خير

EmY said...

لازم اعترف اني بجد فاتحه بقي مش مصدقه ان الكلام الحلو اوي ده انت الي كاتبه طلعت شاعر يا استاذ و انا مش عارفا
كلامك جميل و بسيط جدا

ولاء أسعد said...

احنا لازم نعترف اننا قدام انسان قمة فى الاحساس والجمال بجد جميلة جدا خالص
ولغتها جميلة اوى انك بتتنقل من العامية للفصحية للعامية فى سهولة من غير ما نحس
بس انا عايزة اقول يا جماعة ان ده مش شعر بالمعنى المفهموم لأن احمد كتاباتة الشعرية بتبقى ملتزمة قافية ووزن لكن دى خواطر وفيها اجزاء من اغنياء اظن فى حتة لام كلثوم من اغنية دارت الايام
كمان البوستر معبر خالص عن الاحزان اللى بيحملها كاتب الخواطر
والشجن والأسى اللى ظاهر مع كل حرف
واضح انها تجربة حقيقة شخصية مريت بيها عموما اكيد هى ما قدرتش النعمة اللى فى ايديها وان شاء الله هتلاقى الانسان اللى تحبك وقلبها يحبها
تسلم ايدك بجد

@BonBonaya@ said...

You've got a really interesting blog here, nice work :)

Thanks for the comment, keep coming back.

حبة حاجات (ايمان) said...

احلى كلام اللى طالع من القلب

Ahmed Al-Sabbagh said...

aya

أشكرك يا أيه على كلامك الرقيق

Ahmed Al-Sabbagh said...

يوميات عيل مصري

تعيش وربنا ما يحرمك من حبايبك

وربنا ما يحرمنى من دعوتك الحلوة وكلامك الجميل يا استاذ أحمد

Ahmed Al-Sabbagh said...

تائهة فى أرض الأحلام

أشكرك على كلامك الرقيق

Ahmed Al-Sabbagh said...

Salma Amer

اشكرك على دعوتك وعلى كلامك الرقيق

Ahmed Al-Sabbagh said...

الدائــــخ

إنت دايما ما يتخافش عليك

أشكرك

Ahmed Al-Sabbagh said...

علـــــــياء

أشكرك على كلامك الرقيق

Ahmed Al-Sabbagh said...

ارسم بالرصاص

أشكرك على دعواتك وعلى كلامك الرقيق

Ahmed Al-Sabbagh said...

بت خيخة وأى كلام


أشكرك يا خيخة وانتى كمان

Ahmed Al-Sabbagh said...

MKSARAT SAYED SAAD

أشكرك يا صديقى سيد

Ahmed Al-Sabbagh said...

أحمد مصطفى

أشكرك يا أحمد

Ahmed Al-Sabbagh said...

dandana

أشكرك على رأيك وإهتمامك

Ahmed Al-Sabbagh said...

dandana

شكرا تانى على دعائك وربنا يخليكى

Ahmed Al-Sabbagh said...

لسه بعقلى

أشكرك على كلامك الرقيق

فعلا انا حسيت بإحساس مختلف اوى لما كتبت اللى جوايا بصدد الموضوع ده

Ahmed Al-Sabbagh said...

EmY

أشكرك على كلامك الرقيق وأسلوبك الرائع

Ahmed Al-Sabbagh said...

ولاء أسعد

أشكرك ... مش عارف اقول ايه على الكلام ده بجد

Ahmed Al-Sabbagh said...

@BonBonaya@

thank you for your visit and nice words

Ahmed Al-Sabbagh said...

حبة حاجات (ايمان

شكرا يا ايمان على كلامك الرقيق

محمد على ..هي كده said...

تسلم ايدك

فينك من زمااان

قصيده جميله جداااااا


بجد صادقه جداااا

سهر الليالى said...

كلام واحساس وحب غالى اوى وجميل جدا
بس بجد متندمش على اللى عطيته فى حبك حتى لو مكنش اتقدر بكرة ييجى اللى يقدر
ويبقى الحب هو احلى حاجة فى الدنيا
تحياتى ليك ولاحساسك وعزائى لقلبك الجريح
وتسلم ايديك

الأمانى السوداء said...

كلمات حزينة

يملأها الحزن والأسى

كتبتها أنت فى ليل مظلم حزين

وقرأتها انا فى ضجيج الحياه المؤلم

جميلة أوى يا شاعر

Anonymous said...

حلوة وغير متكلفة وطالعة من القلب وتعبيراتها جبارة

Dr.Mohammed Gohary said...

تصدق بجد مش عارف أقولك ايه
احساس فظيع يارب يكوون خيال مش بجد
بنا معاك ونسمع عنك كل خير

أحمد باشا ابقي طمني عليك

تصدق أسلوبك في الكتابة طلع خطير

لا لا لا مالووووش حل

Emre Belözoğlu said...

عجبتنى نهاية القصيدة .. فيها شموخ كده على راي اللمبى ..



عموما لو الموضوع بجد ولعمرى هو بجد يبقى متخافش هتنسى أكيد ..