خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Mar 3, 2008

حوارات عالماشى

حوار مع مخلولة

أنا : ألووو .. ايوة مين ؟
صوت : ايوة يا خالو انا توتا
أنا : توتااااا .. ازيك يا حبيبتى
الصوت : مش تقول لى كل سنة وانتى طيبة يا توتا .. عيد ميلادى انهاردة
أنا : بجد .. لولولولولى كل سنة وانتى طيبة يا حبيبتى .. وياترى تميتى كام سنة ؟
الصوت : اممممم .. ستة ونص يا خالو

عااااااا .. طلع عيد ميلادها الستة والنص
شات مع المخاليل

رحت عند اختى من اسبوعين كدة ، ونزلت لهم الياهوو ماسنجر لأول مرة ، وتانى يوم افاجئ إن اختى اونلاين ، وان فى كائنات حية بتكتب على الكى بورد وبتبعت ما يشبة الكلام ، باباهم شايل المايك ، بس حبيت اسمعهم صوتى عملت كول ، لقيوا صوتى طالع من الكمبيوتر اتخضوا ، لقيت كوكا اللى هى مريم كتبت لى

وأنا أحط بؤى فين يا خااااااالو ؟؟ -
حوار سمعتة انهاردة فى المترو

شابين مصريين من أعماق مصر المحروسة ، واقفين بيتكلمو فى السياسة وده كان اخر حاجة سمعتها فى الحوار

الأول : شوفت أمريكا طايحة فى الكل ازاى يا زميل
الثانى : أيوة يا حاج دى ما حدش يقدر عليها .. دى عشرين ولاية
الأول : لأ دا مش كدة وبس .. دى أمريكا الشمالية وأمريكا الجنوبية

عاااااااااا
خالو أحمد

59 comments:

د/اجدع بنوته said...

اول كومينتتتتتتتتت

هات مصاصه بقى

د/اجدع بنوته said...

يارب وتانى كومنت بقى

ياررررب يخلى توتا وكوكا .. ومريم

م واخواتها ياااااارب ويفرحك بيهم

وتشوفهم وهما عندهم 23 سنه ونص ..

امريكا الشماليه والجنوبيه حته واحده

ههههه ونعم الشباب المثقف

د/اجدع بنوته said...

تالت كومنت

بقى

لا ده تهييسه كده

علشان ابقى احرزت تلات اجوان

ف شوطه واحده

لوووووووووووووول

استحمل بقى

عندك مخلوله

اطق م مخاليلك كلهم

فين المصاصه يا أبيه

عايز أتعلم said...

ههههههههههههههه
ربنا يخليلهمولك يا عم احمد ويفرحك بيهم
مواقف طريفة والله ..ربنا يهدي شبابنا

Rehab Mostafa said...

ربنا يخليهملك يا خالو أحمد
ويخليني أنا كمان لخالو أحمد بتاعي أنا بقى :)))
بس ايه الشباب المثقف ده ماشاء الله ... كويس انك ماسمعتش أكتر من كده وروحت سليم لبيتك الحمد لله

آخر العنقود said...

ههههههههههههه
بجد دمهم زى العسل
ربنا يخليهوملك ياخالو

اما بقى بالنسبة للشباب فلا تعليق
بكل اسف طبعا

والحمد لله انه كان اخر الحوار
:)
تحياتى

ammola said...

ليه..هو انت ماتعرفش ان الستات عيد ميلادهم بييجى حسب التساهيل؟؟
يعنى واحنا صغيرين بييجى كل ماتعجبنا حاجة ونفسنا حد يشتريهالنا
ولما بنكبر مش بييجى خااااااالص
بالنسبة بأه سيادتك للشباب المثقف بتاعنا فشباب امريكا واوروبا مثقف اكتر بكتيييييييييير وما يعرفش مصر مين واللا فين
قووووووول يا باسط

EmY said...

هههه المخاليل دول احلي حاجه في الدنيا
انا بنت اختي 4 سنين و عايزه تتجوز واحد امور

ابن اختي 6 سنين بيدخل علي النت يدون لود صور كارتون عيال واعيه لمستقبلها

ايه السياسه الجامده دي افادهم الله

عارف لو ماجتش يوم الحد هاقطعك

ftafeet said...

ياخراشى على المخاليل اللى زى السكر
ابقى بسهوملى كتير اوى يااحمد

اقولك قطعهم بوس


اما بقىب النسبه لامريكا دى انا اول مره اعرف انها عشرين ولايه انا كنت فاكراها36
وكمان حتيتين فوق وتحت جنوبيه وشماليه ده العلم اتقدم ياجدعان

A.SAMIR said...

ماهو طول ما الشباب المصري فاكر امريكا بتضم امريكا الشمالية والجنوبية
يبقى لازم تعرف ان مفيش فايدة...او خلينا متفائلين ونقول مفيش امل في ال 500 سنة اللي جاية
عموما
تحيااااتي

ياسمين حميد said...

هههههههههههههههههههههههه
rofl

أضحكتني فعلاً، عيد ميلادها السادس والنصف؟
والله عشنا وشفنا، كل سنة وانت طيب وعقبى لعيد ميلادها السادس وسبعة أشهر

قل لأختك أن تنتبه لئلا يعلق لسان كوكي في لوحة المفاتيح، الأحسن تبقى تحط المايك ;-P

طبعاً أمريكا شمالية وجنوبية، ألم تدرس جغرافيا؟ ههههههه
وعشرين ولاية... حتة واحدة؟ كانت تكفي ولايتين أو ثلاثة

تحياتي

بنوته مصرية said...

عسل اووي يا خالوو ربنا يخليهملك

يارب ابقي خاله بقي وادعي ربنا يرزق اختي نفسي احس الاحساس بتاعك

وبعدين تعالي هنا مفيش عريش لنور من المخاليل كدا

تحياتي يا احمد

رودي

عاشقة القمر said...

يا الثقافة يا الثقافة .. ايه الهنا اللي احنا فيه ده .. يا فرحتك بشبابك ياااااااااا مصر :D

ابن حـجـر الـعـسـقـلانـى said...

طرائف الأولاد الصغيرين بتبقى غاية فى الجمال .. بيبقوا شايفين الدنيا من مناطق احنا مش شايفينها تماما

ربنا يخليهم يا رب

MerMaid said...

ههههههههههههههههههههههههههههههه

تحفة يا احمد

ضحكت قوي علي احط بقي فين يا خالو

عسل بجد

ربنا يخليهم ليك و يخليك ليهم يا خالو
----------------------------------
الاتنين بتوع المترو دول يروحوا يتلهوا في مصيبة تاخدهم


تحياتي ليك

مهندس مصري said...

انا كنت حأبقى رابع تعليق بس النت فصل عندي و لسه راجع

ربنا يكملهم بثقافتهم و عقبال ما يعرفوا انها 50 ولاية و تقع في قارة أمريكا الشمالية
:)

اما المخاليل فعيب عليك تطلع لهم صوتك من السماعات كده تخضهم يا راجل

Hossam said...

ازيك يا احمد
وحشتنى اوى
انا حاليا احسن من الاول بمراحل الحمد لله
مرسى لسوالك
سلام حبيبى

سهر الليالى said...

ههههههههههه

أحلى حاجة فى الدنيا كلام الأطفال وإفهاتهم الغير متوقعه وردود الأفعال كمان بتخلينى ميته على روحى من الضحك ودة بقى بتفنن انى اطلعو منهم اوى لانى بحب العيال موت

ربنا يخليهوملك يا خالو ويخليك ليهم وتجبلهم مخاليل انت كمان ينافسوهم

أما بقى عن الشابين مش عارفة اقولك اية بس اهو نقول ايه وجهات نظر
هههههههههه

تحياتى يا خالو أحمد

ahmed fala said...

ربنا يخليهم ويبارك فيهم
ويخليك ليهم ولينا يا خااالو احمد
وبصراحة الشباب دول الله يكون فى عونهم

عاشقه الفردوس said...

بنا يخليك للممخاليل ياخالو ويخلي المخاليل ليك

:))

الضاحك الباكي said...

بص أنا مش هاتكلم علي الجماعة بتوع أمريكا الشرقية و الغربية لأنهم في رأيي مايستاهلوش أني أتكلم عنهم , بس هاتكلم عن العسسسسسسسسسسسسسسلز اللي عندك دول , علي فكرة أنا عم وخال وساكنين معايا في نفس العمارة وبيشتغلوني كمان علما بإن أكبرهم في تانية حضانة (هما 5 في عين العدو) نيييييياهههههههها

YHYيــوســف الـمصـرى said...

السلام عليكم ورحمة الله وبركاته
...........................
والله انت عسل يا خالو احمد ربنا يبارك فيهم يا رب .. وعقبالى يا رب لما ابقى خال شعور جميل اكيد
بالنسبة للأخين بتوع المترو يا باشا فى انقح من كده النسبة زادت اوى وصلت لحوالى 90% !
يلا ربنا مع الجميع
تحياتى يا صديقى

النجمة الصامدة said...

اخيرا

ضحكت

.....

شكرا
بجد

شكرا

مدحت محمد said...

هههههههههههههه
بالنسبة للمواقف بجد هلكتنى من الضحك يااحمد
على فكرة الاطفال بيبقى ليهم شوية مواقف
بتحصل معايا
بتخلينى اهلك من الضحك
اما بالنسبة للشابين
اهو ده بقى الهم اللى يضحك
تحياتى ليك يابو حميد

عبدالرحمن فارس said...

وأنا أحطي كومنتي فين ياخالو

ههههههههههههه
روعه والله
وأنا أحط بؤى فين يا خااااااالو ؟؟

ربنا يخليكم لبعض

SKOBL- Little Lazy Me said...

بجد ضحكت .. تصرفات الأطفال من أجمل الحاجات في الدنيا ، و الشابين دول يظهر عليهم في اقتصاد و علوم سياسية عشان الثقافة دي كلها صعب تتاح في الكتب العادية

ابو اعصار said...

احط بؤي فين يا خالو
هايله

امريكا شماليه وامركا جنوبيه
لا مثقف فعلا حد يزود امريكا تانيا
سلملي على مخاليلك

عصفور المدينة said...

ربنا يحفظهم

وربنا يهدي هؤلاء الشباب ويوعيهم أحسن ده شكلهم مخللين

meshmesha said...

السلام عليكم و رحمة الله و بركاته
ازيك يا خالو ؟
يا جماعه انتو نزلين سلخ ليه فى الشابين اللى فى ثانويه ..طيب دول لسه ثقافتهم مش محدده لأن مصدرها المدرسه اللى متديش ثقافه او التليفزيون اللى ما مبيتفرجوش عليه الا على الماتش و بردوا لسه فيهم امل و عندهم وعى ان فيه امريكا شايطه فى البشر...الدور و الباقى على الشباب الواعد اللى كل واحد فيهم معدى العشرين و مش هامه الا حفلة عمر او حفلة تامر او حفلة هيفا و اختها اليسا و هكذا او الاعب الفلانى بياخد كام مليون ....
المهم سيبك يا خالو البراءه و الفطره مفيش اجمل منها فى الدنيا كلها....ربنا يخليهوملك و يبارك لكم فيها

لماضة said...

وأنا أحط بؤى فين يا خااااااالو ؟؟
هههههههههههههههه
سؤال وجيه فعلا
يعنى انت حطيت كل حاجه بس مقلوتش طريقة الاستخدام

Omar... [ خروشات ] said...

ايه يا ابو حميد؟

انتا طلعت خال اى كلام والا ايه؟

موش معقولة متقولشى للامورة الصغنونة تحط بوئقها فين


يا راجل يا طيب؟ طبعا البوق ميتحطش فيه مايك لانه بيطحت فيه شيوكلاتة من خالو مثلا

عالم بخيلة بششششششششششششششششششششششكل

Nigro said...

و أنا أحط بؤي فين يا خالو
إيه البراءة دي؟
ربنا يبارك فيهم يا رب
و بالنسبة للشباب اللي كانوا في المترو
يوووووووه النوعيات دي فيه منها كتير
يا راجل انت تحمد ربنا انهم عارفين ان أمريكا دي ولايات
و ان فيه حاجة اسمها امريكا الشمالية و الجنوبية
احنا مستوي ثقافة شبابنا في الحضيض خالص
و يجعله عامر

قبلة الحياة said...

مساء الخير يا اونكل احمد

ولا بلاش اونكل دي لاحسن ننضرب

بجد بناتيت زي العسل
وكل سنة وتوتا طيبه وربنا يحفظهم ليك يارب ويبارك فيهم

ومعندناش مانع في قضمة من التورته يا سيدي ما دمت حلفت

انت باين عليك خالو طيب اوي
ربنا يحفظك يارب

خالص تقديري واحترامي

خالتو وعمتو حياة

ra7eel said...

ههههههه
انت لسه بعقلك بجد

لا انت ربنا يعينك عليهم

بس اساسا الاطفال دول زى العسل
ربنا يخلى يارب

تحياتى وتقديرى

مستــ ج ــــدة said...

يا مخاليل الهنا ...ياريتنى كنت انا
ربنا يخللى ياخالخول
ايه العيال السكر دى

مصطفى محمد said...

سلامو عليكو

هههههههههههه
اوعي يا جدع
ده بيقولك أمريكا دي حاجة كده جبارة

:)

مشتاق لله said...

السيد احمد السلام عليكم اعجبني جدا الحوار بين شباب المترو اعتقد انها من باب خفة دم الشعب المصري و لو كان كلامهم جدا تبقي مصيبة ومنيلة بستين نيلة -نورت مدونتي واهلا بيك في بيتك ياكابتن

بت خيخة وأى كلام said...

لا استنى بقى
انا كنت عمالة اضحك على المخاليل بتوعك

واذ فجأتن رحت اذبهليت من الحوار بتاع المترو ده

ياخرابى عليكى يابلد
لا بجد هما دول الجيل الجديد اللى هيجى يعدل المايل
كدة بلدنا مش هتتقدم بيهم
كدة بلدنا هتتمرمط بيهم


قال عشرين ولاية قال
وكمان مايعرفوش انها تمنتاشر بس
نيهاهاهاهاهاهاع

سلام
اختك خيخة

barbie girl said...

هههههههههههههه امريكا الشمالية والجنوبية:)

appy said...

احمد توتا دى سكر احلى حاجه بجد واحلى حوار ربنا يخليها دى هتطلع دماغ ههههههههه
انما انا مش قولت لك بطل تقف وترمى ودنك فى كل مكان اعمل فيك ايه بس عموما تستاهل علشان مترميش ودنك فى حته تانى اهو اخرتها انك عيط هههههههههههههه

أسامه يوسف said...

والله العظيم مخاليلك دول عسل
ودمهم خفيف
أنا طالب القرب منك فى أى مخلوله فيهم
:)
والشباب ده عسل
آدى الشباب ولا بلاش
ده بأه اللى هيعمر الصحراء ويزرعها بانجو

simple girl.. ..simple dream said...

صباح التهييس

حلوة الشطحات دى

ربنا يجعله عامر

آفاق الحرية said...

ههههههههه
عشرين ولاية
وامريكا الاتينية برده
هههههه

Desert cat said...

كل سنة وتوتا طيب وعقبال يارب العشرين سنة ونص

حسن توفيق said...

مش هقول خالو احمد علشان انا اكبر منك سنا فاكتفى بقول
احمد
هذه زيارتى الاولى لمدونتك وكم سررت بها وما تحتويه من شخابيط مشخبطة سوف احرص دائما على الاطلاع عليها
شكرا لك واتمنى التواصل
الى اللقاء

صوت من مصر said...

كل سنه وكلهم طيبين يا ريس

only spot said...

خالو ازيك
الاول ربنا يخليلك مخاليلك ويفرحك بيهم
اما بالنسبه للثقافه الطاغيه على البعض بشكل غلط فده لينا دور فيه بجد فيه فجوه كبيره جدااااااا بين كل فئات المجتمع وده استسهال من المثقفين او الى زى حلاتى وعندهم شوية معرفه صغنتتين على قد حلاتهم
عارف بجد بحلم اننا ننزل نتكلم مع الناس نفهمهم ونعرفهم حقوقهم الى هم ضيعوها وضيعونا معاهم كل جروب يبقى هدفها منطقه معينه ويكون فكرتها الاساسيه ان الناس هم بس الى يقدرو يجيبو حقوقهم واننا مش محتاجين فى الفتره الجايه اننا نتظاهر احنا محتاجين اننا نتكاتف ونتحامى ببعض والعرف يفهم الى مش مدرك او مش فاهم حتى لو كان الناس مش متقبله فى اول مره يبقى الزن على الودان امر من السحر
بجد طولت عليك وانا اسفه جدا بس كلامك حرك جوايا الفكره دى وكان لازم اقولها
خالص تحياتى

Anonymous said...

السلام تحية الاسلام
سيدى الفاضل / خالو احمد
انا سعيد حدا بمرورى على مدونتكم التى ابهرتنى بموضوعاتها وليشهد رب العباد انى صادق فى احساسى تجاهها لانها فعلا ذات احساس وطابع مميز وبمجرد دخولى عليها لم اشعر انى فى مكان غريب عنى ... ولكن هى لنا واعدك بان تكون هذه الزيارة الاولى لى وليست الاخيرة فاتمنى دوام التواصل بلا فواصل ان شاء الله
ووفقك الله دائما الى خير ما يحبه ويرضاه
عزيزى سلمت يمناك واشتد ساعدك على اعداء مصرنا الحبيبة وعلى ديننا الاسلامى ودمت بالف خير ان شاء الله
اتمنى ان لا اكون ضيفا ثقيلا عليكم
واتمنى تقبلى كصديق دائما لكم
ولك منى كل التقدير والاحترام
مصطفى ابراهيم
صحافة واعلام
http://propaganda.maktoobblog.com
ومسك الختام تحية الاسلام

mohammed alsha3r said...

ربنا يخلى لك العيال ياعم احمد

دكتور حر said...

هههههههههههههههههه


رائعه الحوارات البريئه

وعادي خالص الحوار بتاع (الشباب العربي المسلم) ده

ربنا يكرمك يا خالو

وتكترلنا حواراتك

تحياتي

shayma said...

هههههههههههه

جامده اوى
وانا احط بقى فين يا خالو
:))))

ربنا يخليلك مخاليلك يا خالو

بس حلوة حواراتك
سلامى
:))

كراكيب said...

ههههههههه جامدة جدااا مووووت خاااااااالص
وده اول مرور ليا على البلوجر بتاعتك وهي هايلة جدا فعلا
miro

النجم القادم said...

السلام عليكم


خالووووووووووووو

احمد


ازيك


بجد ضحكت من كل قلبى


ربنا يخليهملك يااااااااارب


وخالص تحياتى لك

بس الظاهر

ان الشباب الا فى الحوار

كانوا عاملين دماغ كبيرة

امريكا 20 ولاية

ههههههههههههههه

ميّويه said...

لووووووووووووووول
كل سنة وتوتا طيبة
وبالنسبة للشابين اللي في المترو
هو فعلاً أمريكا بقت عشرين ولاية ..بس القرار لسة منزلش
ههههههههههه

هبههههووب said...

ربنا يخليلك يا احمد كل الناس الى بتحبهم وبيحبوك
بجد حاجات تأهر
وخصوصا الى بتتم السنه ونصف
كل سنه وهى بخير وسعادة
والاحلى احط بؤى فين يا خالو واتخضوا من الصوت انا متخيله الموقف الحقيقه
---
اما اخر حاجه انتى معترض فيها على ايه
انا اصلى على ادى ف السيايه ومليش فيها اوى
مستغربمن امريكا الشماله والجنوبيه ولا من الولايات ولا ايه
هههههههه
سلام مؤقت

Ma7moud So3ody said...

ربنا يصبرنا
هههههههه
تحياتي ليك

وربنا يخليك...يا خالو

خمسة فضفضة said...

ههههههه

حقيقي صدق اللي سماهم مخالليل

haitham said...

بس ياترى امريكا الوسطانية اللى هيا 52 ولاية تبعهم ولا لأ

Miss Dot said...

و انا احط بقي فين ؟؟؟
ههههههههههههههههههه
فظيعه المخلوله دي
لأ دا مش كدة وبس .. دى أمريكا الشمالية وأمريكا الجنوبيه
هههههههههههههههههه
و بعدين هي 20 ولايه بصحيح دانا كنت فاكراهم 10 ههههههههههه
الظاهر بيغلوا بقي
هههههههههههههههههههه

ميس دوت
واحده انت عارفها بس اتغيرت بقي