خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Apr 12, 2008

خطوبة فى المعتقل

خبرين على هامش الاضراب
أولا انا بعتذر عن الغياب لفترات عن الكتابة والتعليق والرد على التعليقات وذلك بسبب وجود عده لقاءات ومناسبات .. حفلة كتاب ابراهيم عادل وتغطية الحفلة تحت الاعداد وقبلها لقاء المدونين .. وندوة الدستور عن الفيس بوك ومن قبلهم يوم التبرع بالدم وغيرها فسامحونى للتأخير
---------------------
وخدوا الخبرين دول على هامش الاضراب الأول من داخل سجن المرج جالى انهاردة انقلة كما هو
إبراهيم مصطفى المعتقل على هامش اضراب 6 ابريل بسجن المرج طلب يد المحامية بتاعتة رباب رفعت
طلب من المأمور وأهلة وأعلن خطوبتهم على الملأ أمام المساجين
اقدم خالص التهانى لهما ويارب يفك أسرة
----------------------
الخبر التانى : جلسة استئناف باكر محكمة جنوب لكل من
ابراهيم مصطفى - اسراء عبد الفتاح - صبحى على - احمد بدوى - شادى العدل - محمد عبد التواب - ياسر اسماعيل
أحمد الصباغ

13 comments:

سهر الليالى said...

لولولولىىىىىىى

بجد حلو اوى اوى
اول مرة فى حياتى اسمع خبر حلو يجيلنا من معتقل
ههههههههههه
دة اللى يقرا العنوان لازم يتخيل انو هيقرا مصيبة

بس سبحان الله
وعسى أن تكرهو شيئا وهو خير لكم
ورب ضارة نافعه
:)
ربنا يرفع الكرب عن كل مكروب

وعلى فكرة بقى انت وحشتنا اوى بقى سيبك بقى وبطل كسل
وفى أنتظارك يا سكر

تحياتى

علاء سالم said...

السلام عليكم

كويس والله الخبر الأول خبر جميل
ربنا يوفقهم ويجمع بينهم في الخير .

أما الخبر التاني فربنا يسهل بيه وياخدوا براءة .

خالص تحياتي

محمود الدوح said...

ههههههههههههه

جميلة الخطوبة دى
حب فى الزنزانة

الف مليووووون مبرووووووك

الباحث عن الحقيقة said...

يا رب
ربنا يفك ضيقتهم وان شاء الله يفرج عنهم كلهم
ومبروك الخطوبه لاحمد ورباب
احمد كده بقى نسيبى طالما اتجوز محامية من نقابتى
ههه
مبروك

خبيب said...

ألف مبروك الخطوبة

ربنا يوفقهم

---

وربنا يفك أسرهم جميعا

وينتقم من الظالم

nonoymm said...

مبروك الخطوبة وعقبال مبروك البراءة

وربنا يفك اسرهم
تحياتي

آخر العنقود said...

سلام عليكوا

ازيك ياخال
هنعديها المرة دى ونعذر زى بعضه
:)

المهم ابقى طل علينا بس

بالنسبة للخطوبة فسبحان الله
دى فعلا اقدار ونصيب مهما كانت الظروف

ربنا يوفقهم

ويفك كرب اخواتنا فى المحاكمة يارب

تحياتى ليك ياخالو

بيجاسوس المصرى said...

يعجز لسانى عن التحدث او الكلام
يوم ان علمت انكم معتقلون فى سجن من الخوف و الهلع من الابطال
فصوتكم وصل لنا جميعا فانتم الابطال حقك و انتم اصحاب الصوت الذى اطلق الى عنان السماء فأخترق كل الحواجز و الجدر
اصدقائى و اخوتى الذى اعرفكم جيدا
احمد نصار
احمدميلاد
اسراء عبد الفتاح
شادى العدل
و الكثير من ابطال الرأى و الصوت الحر
نحن فى انتظاركم

نوره الخشن said...

ههههههههههههههه

عارف بتفكرني بأيه

باللي اتقابلوا فمظاهره واتخطبوا فالمظاهره اللي بعدها واللي بعدها اتجوزوا

لأ بجد خبر جامد جدا ياحمد

مبروك كتير ليهم ويارب يفك اعتقاله

ويبئى سجن واحد سجن واز بس مش جواز وحكومه

ftafeet said...

اييييييييه ده بجد اتخطبوا كده فى القسم الله حلو اوى

عقباااااااااااالى يااااااااااااارب
(بس مش فى القسم)

والله فرحتلهم

ادعيلى يااحمد اتخطب انا كمان قريب

nonaaa

ويارب يفك اسر الناس دى
ويقف جنبهم

simple girl.. ..simple dream said...

بجد خبر انفراد
حب فى الزنزانة
الف مبروك ليهم

Maha Omar said...

الخبر ده بيفكرني بفيلم أنا حرة لما اتجوزت البطلة البطل في السجن
عموما على الله النظام بس ميمنعش انهم يتجوزا لا يتفكرو قرار الجواز ده تحريض على ممارسة الحياة البني أدمية في المعتقلات
ما هي بقت حاجة تجنن
و يا مصبر الشعب عل الحكومة بكرة يجلو يقوم و يقوم الشعب قومة
مع تحيات امثال ستي و ستك

somaa mahaba said...

انا كمان حزغرطلهم
لوووووووولووووووولووووووووووى
عقبالى يا رب انا وكل بنات مصر المعنسين اللى زينا
بس بلاش فى السجن مش جات الحزينه تفرح
وربنا يفك اسرهم واسر كل المحبوسين
الهى بحق جاه النبى صاروخ قسام من بتوع حزب الله يحول ويقع فوق الحكام وهم فى جامعه الدول فى احدى اجتماعاتهم الهايفه اقصد الهادفه
تغطيه رائعه وعقبال كتابك اللى حنقراه وكتابك اللى حتكتبه
تحياتى ليك سومه_87