خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Apr 28, 2008

ايه الريحة دى ؟ هو حد معاه جرنان حكومى ولا ايه



الاعلام الحكومى بدأ دورة المعتاد المغرض فى التضليل واتهام الدمايطة بانهم بيدورو على مصلحتهم الشخصية بغض النظر عن مصلحة البلد اللى هتتضر لو تم وقف بنا المصنع .. طبعا كلام عبيط وما يخلش على الشعب المصرى اللى شارب المرار
المدونة دى عجبتنى اوى وتعتبر المدونة الرسمية لكارثة دمياط ياريت كلنا نهتم ونقرا الموضوع عشان نبقى فاهمين ايه اللى بيحصل من حد صادق وبلاش نمشى ورا الاعلام الكذاب .. مدونة الدمياطى

قرار تقسيم المحافظات الجديد .. قرار عشوائى وقرار غير انسانى فى نفس ذات الوقت
عشوائى .. بدليل انه بعد ضم الواحات للمنيا اكتشفوا ان اصلا مفيش طريق بين الواحات والمنيا .. رجعو ضموها لـ 6 اكتوبر .. وبعد ضم المعادى لحلوان اكتشفوا عدم وجود المحكمة الدستورية العليا فى العاصمة رجعوا ضمو الكام متر بتوع المحكمة للقارة
وغير ادمى .. لان مفيش مراعاة للبعد الانسانى .. ازاى اهجر واحد من مدينتة اللى بيتعز بيها وبفتخر منها .. يعنى انا كنت بعشق القاهرة الفاطمية حتى النخاج .. دلوقت اعشق ايه .. حلوان الفاطمية ؟؟ حاجه زفت وقطران

ثم بشكر كل الاصدقاء اللى علقوا على البوست السابق معلش مقدرتش ارد على التعليقات نفر نفر بس بشكركم بشدة وعنف على التعليقات الجميلة.. بس فى تعليق من الصديقة القيثارة المكسورة اللى هى اختنا نيفين بتنتقد فيه انى صورت لقناة الحرة الأمريكية العميلة الجاسوسة اللى اتخلقت عشان تزيف الحقايق وتؤكد ان فلسطين يهوديه .. على حد قولها.. الحقيقة انا معرفش الصح فين .. ويمكن يكون كلامها صح .. لكن معلش اولا : انهى احسن انى اقول كلمة حق فى قناة امريكية ولا اقول باطل فى قناة مصرية وطنية عربية قومية من القنوات الحلوة بتاعتنا .. ثانيا بقى هو لاموأخذة الويندوز بتاعك ايه .. ايرانى ؟؟ وبلوجر اللى عاملين عليه مدوناتنا ؟؟ يوغسلافى ؟؟ والنت اصلا ده ابتكار ايه ؟؟ كولالامبورى ... لأ كله امريكانى فى امريكانى
انا معرفش موضوع التمويل الاميريكى ده حقيقى ولا اشاعات بس التعصب ضد قناة تموليها امريكى اظن مالوش معنى

بتدخل تعليقات مجهولة احيانا ورغم انى مش بحب التعليقات المجهولة بس مش بلاقى فايدة من النقاش والجدال مع تعليق مجهول مصر انه يخفى هويتة ويتنقد انتقادات غير موضوعية .. انا بقول الكلام ده بمناسة تعليق مجهول دخل يتخانق معايا عشان بوست قديم .. بس خلاص

مروة الزارع .. زى ما قولت كان حفل خطوبتها الخميس اللى فات وهى صرحت بنشر صور لها بس انا هنشر صورة واحدة بس .. هى المدونة سبيل ولا ايه هههههه ياللا ممكن فى الجواز انشرلها صورة ونص كدة

الاستاذ أحمد على .. صاحب يوميات عيل مصرى .. فاكهة المدونين وحبيب الملايين .. فى اتصال تليفونى بيوصل سلاماته وتحياتة لكل المدونين والمدونات .. المفاجأه بقى ان شاء الله بمجرد وصولة لمصربسلامة الله .. هعمل لقاء كبير عشان نلتقى بيه كلنا لانه بجد وحشنا اوى اوى

وأخيرا بقى .. فى ناس كتير بتعقد مقارنة بين المدونات والفيس بوك ؟؟ وبتقلل من دور المدونات وبتقول ان الفيس بوك سحب البساط من تحت المدونات .. واضح ان الناس دى مش فاهمة حاجة طبعا كلام غريب .. لازم يترد عليه وهرد عليه قريب .. بس خلاص

أحمد الصباغ

43 comments:

Dr.Mohammed Gohary said...

قرار تقسيم المحافظات الجديد .. قرار عشوائى وقرار غير انسانى فى نفس ذات الوقت

عندك حق شويه ويعملولي ميت غمر محافظه
مش ناقصه
ههههههههههههههههه

بس حلو حوار في نفس ذات الوقت دي ماهي نفس هي ذات تصدق ممكن يمشي توكيد لفظي
ههههههههههههههههههه



عشوائى .. بدليل انه بعد ضم الواحات للمنيا اكتشفوا ان اصلا مفيش طريق بين الواحات والمنيا
يا راجل دا حكومة بتهرج
علي كلامك ممكن المحافظجي(بتاع المحافظات يعني) يجبر علي تقديم الاستقالة
هههههههههههههههههههه

رجعو ضموها لـ 6 اكتوبر
ضموا مين الواحات؟؟؟
ايه يا عم ازاااي؟؟؟؟


اعشق ايه .. حلوان الفاطمية ؟؟
لا حلوان البلد
ههههههههههههههههههههه



لاموأخذة الويندوز بتاعك ايه .. ايرانى ؟؟ وبلوجر اللى عاملين عليه مدوناتنا ؟؟ يوغسلافى ؟؟ والنت اصلا ده ابتكار ايه ؟؟ كولالامبورى ... لأ كله امريكانى فى امريكانى

اديني في الهايف وانا احبك يا ننس
ههههههههههههههههههه


مروة الزارع

الف بركه عالخطوبه
ومبروك عليكي عريسك الخفه يا عروسه يا مزينه الزفة مبروك عليكي
لولولولييييييييييييي



لا بجد موضوووع لوووووووز
نجم كالعاده
خد بالك من نفسك بقيت مستهدف
لا اله الا الله

خبيب said...

قلة أدب

قلة أدب

قلة أدب

مش عارف أقول ايه غير برضه :

"إذا لم تستح ، فاصنع ما شئت"

---

اللي ودى الواحات المنيا

يخلي المايطة حريصين على مصلحتهم بس !

أصل محدش يعرف مصلحة النظام .. قصدي مسلحة مصر غير حكومة "العيش غير متاح حاليا .. من فضلك حاول في وقت لاحق"

!!

غني يابهيه said...

انا كل يوم تقريبا فى اكتوبر
لان كليتى هناك
واعرف ناس كتييير فى حلوان
مفيش اى جديد

ولا مبنى محافظه ولا اداره ولا اى حاجه خالص


مبروك لمروه

ومبروك تاني على قناة الحره

ولسا مستني زيارتك

وكمان مستني اول موعد اجتماع للمدونين
يمكن نستضيفكم عندنا فى اسكندريه لو تحب

تحيات بهيه

خبيب said...

بالمناسبة بغض النظر عن صحة التصوير للقناة من عدمه ..

فالمعروف أنها قناة بتمويل أمريكي لنشر فكر أمريكي

سواء كان هذا الفكر صائبا أم خاطئا

المسألة متعلقة بأداة إعلامية تنشر فكر حكومة ، نعتبرها نحن معادية

---

حبيت بس أوضح نقطة الاعتراض اللي قالتها الأخت في التدوينة السابقة

خبيب said...

سامحتك
:P

سامحني انت لأني موضحتش :

اللي بتكتبه الجرايد الحكومية

كلها ..
بلا استثناء !

محمود الدوح said...

اية ياعم
انت بقيت تعشق المقتطفات ولا اية

لا بس بجد جامد جدا

انا بجد خايف يعملوا شارع الهرم محافظة لوحدة والمحور محافظة وقهوة البورصة محافظة

مبروك يا مروة

Dr.Mohammed Gohary said...

يا خبيب كله خير والصباغ بتاعنا

ومتقلقش العمليه في النملية وكله تحت السيطره


اشطاااااااااات

د/اجدع بنوته said...

حاجه بشعه والله

ان الواحد يصححى يلااقى نفسه م حته تانيه

ههههههههههههههههههههههههه

هو انا اللى شربت مخدرات ولا هما ياسعاد

ربنا يكون ف عونك وتتأقلم ياخالو

اما المحكمه الدستوريه والواحات

فمعلش بقى عشوائيات القانون كالعاده لووووول

ومبروك لمروه تانى ربنا يتمملها ع خير يارب ويكرمها ويوفقهم

وعؤبالك يالخالو وعؤبال عوزاب المدونين كلهم

وبلغ تحياتى لكبيرنا اكبر عيل مصرى

بجد وحشتنى حكاياته

ربنا يباركلك ويباركله

ويباركلى

اشمعنا انا يعنى

القيثارة المكسورة said...

صباغ
واضح جدا الانفعال فى ردك وقد يبدو انك تخيلت انى اهجمك ولكن يعلم الله انه مجرد تنبيه ناتج عن صدمه فقد كان تعليقى بمثابة كلمة حااااااااااااااااااااااسب لاينبغى لمثلك الوقوع فى هذا الفخ ولكن فى النهايه لك ماأردت واسال الله ان يغير قناعتك هذه
اما بالنسبه للويندوز بتاعى والبلوجر والنت فهى نوافذ اخترعهم وصنعهم ولكنهم تنطق بنا حروف الاعتراض ومواجهات عدونها وانت اول من وضع رسم ساخر بيقول (اتفوه على اسرائيل) وممكن تقول الاكتر والاكتر فى امريكا وغرورها واستبدادها لانك هنا حر وحر وحر لكن اخى انت فى قناة الحره وضعت كلماتك ونفسك بين ايدهم اى تركت حريتك خارج باب القناه لتفعل بكلماتك وتصوريك ما تشاء وان كان قول حق منك يراد به الباطل منهم فلا تامنهم اخى بالله عليك
لك خالص تقديرى واحترامى

خمسة فضفضة said...

السلام عليكم ورحمة الله وبركاته

مش قادره اتخيل رأس البر تبقي غير ما هي عليه دلوقتي ؟؟؟
الناس دي عاوزه تبوظ كل حاجه حلوه في حياتنا ،ومش عاوزين يسيبوا حاجه للناس الغلابه يستمتعوا بيها ،عاوزين كل شبر وكل انسان علي ارض مصر يشتغل لمصلحتهم وراحتهم ويتحرق الناس الغلابه في ستين داهية

قناة الحره صحيح في خلاف كبير اوي علي اتجاهاتها بس المهم البرنامج يكون كويس ومش بيتماشي مع اي افكار كده ولا كده

هايتذاع امتي بقي مش هاتقلنا .؟؟؟؟

الناس المجاهيل كتروا اوي اليومين دول وعاملين قلق في كل حته ليه رايكم كلنا نلغي الاوبشن بتاع تعليق الانونيمس ونريح دماغنا

مروة الزارع عسوله واطالب ببوست خاص جدا لكل صور الخطوبه حصريا هنا او علي صالون الصباغ في الفيسبوك

ابوفداء اخ عزيز علينا كلنا ويارب يرجع مصر بالسلامه وربنا يكرمه بالدكتوراه ومعلش مش هاقدر اكون معاكوا بس اكيد هاستني التغطيه

سلام

Sampateek said...

مش عارفة ليه متلخبطة يمكن علشان في كذا موضوع داخلين على بعض؟
واحدة واحدة يا ملواني
تحياتي

Maha Omar said...

انا شايفة انهم يعملوا محمرم بيه عندنا في اسكندرية محافظة عشان لما أحب أكلم هناء صاحبتي أقولها في التليفون ادعيلي يا هناء انا على بوابة محرم بيه
الغريب ان القرار ده لما نزل قالولنا انه مدروس .. يا ترى كان مدروس ازاي يعني ؟ و الا قصدهم انو كان مفروس
أو مفروم

اجتماعيات المدونين في مصر هتلاقيها عند الصباغ .. بالله عليك يا خال تفتحلنا باب لرسائل الاهداءات
و جوز الجنيهات يبقو اتنين

عاشقه الفردوس said...

قرار غبي وغير مسؤل بالمره


وبعدين ولايهمك من تعليقات المجهولين احيانا بيبقي نقد بناء وفعلا دول يتحطوا فوق الراس
وفيه نقد علشان النقد وبس
ودول ربنا يستر منهم


اما رد اختنا المدونه
فمعلش ممكن تكون متضايقه وكل واحد فينا بيتضايق من سلبيات بطريقته

وكون ان مثلا البلوجر او الكمبيوتر امريكي ان احنا خلاص نفقد الامل
بالعكس جايز كمان سنه تلاقي كمبيوتر عربي 100% مفيش حاجه بعديه ولا مستحيله


ربنا يصلح الامور

ومبارك لمروة

وعقبال الزفاف ان شاء الله
وعقبال كل المدونين والمدونات

Tamer Nabil said...

العلم نور

والتغير الى الاحسن جميل ومطلوب

لكن اللى بحصل دلوقتى

كلة على بعضة مش مضبوط ولا راكب على بعضة

تقدر تقول حالة معكوسة غير طبيعة

وديما معروف كل شىء غير طبيعى غير ناجح

تحياتى

Anonymous said...

اخي الصباغ
حبيبي زعيم الشلة البلوجرية
جميل منك انك هتجمعنا بأبو فداء لما ينز ل بالسلامه
سلاماتي وتحياتي لمهندس مصر لو كلمك سلملي عليه
انتا عارف حتي لو رقمه هو هو انا مش بسمع
وبالنسبه لمروه زغروطططططططططططططة كمان مرة
والف مليونين مبروك بجد
بالنسبه لتعليقات المنتقدين
اري انها لازم تشجعك مش تحبطك مش انتي اللي معلمني يا استاذى
ولا ايه يا احمد
القسثارة المكسورة اخت فاضله ونحبها بس اسمع
دى انسانه بتشوف ناس بتتدبح بفلسطين وبفلوس امريكيه هي كرهت امريكا

وانت بفطرتك وحبك لينا حبيت تعمل حاجه حلوة لينا كلنا فخلاص المرة اللي فاتت حرة المرة الجاية وعشان خاطر رامز حبيبك ان شاء الله تسلم الجرة وعلي المحور او دريم عدل يا معلم
متنساسش سايب تعليق بالبوست السابق
بقول
بقول لازم نفكر ببرنامج اسمه من الجانب الاخر فكرته جاهزة عندى وكتبتهالك بمدونتي

عن المدونين


قرار تقسيم المحافظات قرار مثل مئات القرارات تاتي للتغطيه ومحاوله اشغال الرايء العام مع اني اظنه مش هيبفضل عام اظنه غرق
عن مشاكل كتير واولهما التفكير باضراب مايو

Anonymous said...

متغبش عليا يا ريس
وتحياتي لاحمد الجيزاوى حبيبي

la3lahakhier said...

السلام عليكم يا صباغ
ازيك
انا متبعاك على طول بس مش كتير بعلق وقريت بوستك اللى فات مع ابى
راى قيثارة فى الاعتبار
بس انت مش صغير واحنا واثقين فى عقلك اللى اكبر من سنك المهم تكون عارف خطوتك كويس واعتقد انك عارفه ومش محتاج نصايح
خلى بالك من نفسك
يا ابنى مابقاش فى حاجة معروفة وواضحة دلوقتى ربنا ينور بصيرتنا كلنا
كل التحية يا خال

رئـــــيسـة حزب الأحلام said...

السلام عليكم
الف مبروك لعيل مصرى

آفاق الحرية said...

ممكن اسألك سؤال
هو حضرتك كنت متوقع ايه يعني
انا لما بقرأ الاهرام بحس ان الدنيا بمبي
بمبي في بمبي
ياريت كل الجرايد كده علشان متعبش

صاحب المضيفة said...

ربنا يخليك لنا يا خال وتفضل مظبطنا باخر اخبار التدوين وسنينه


تحياتي يا جميل

شهيدة said...

تقسيم محافظات ... حرق محافظات .. عزل محافظات منيا وصحيا

كله بقى متوقع في الفتره الجايه

سبهللة عالآخر said...

تحياتى ليك والمدونة شدتنى جدا
دى اول مرة ازورك بس ان شاء الله ما تكونش الاخيرة
وعندى سؤال
ازاى اعمل شريط اخبار متحرك زى اللى انت عامله عندك ؟؟
معلش انا لسه جديدة فى التدوين
يا ريت تساعدنى

Anonymous said...

هو انتي يا ي ا سبهلله
عالاخر
مش ملاحظه حضرتك اختلاف احمد الصباغ
هن غيرة بموضوع شريط الاخبار دة
انا وائق انه هيساعدك باذن الله
بس لو انتي مش ملاحظه يعني
ياسي سي
ان احمد عماله كاركن خاص باخر المدونه الصباغيه
وبكتب اخبار سريعه زى موضوع شركة اجريوم اي انها مدونه
من طراز خاص

ودة اللي بيخليني ادخلها بشدة\

ويارب تنجحي بعالم التدوين

مواطن مصرى نايم said...

ايه يا جميل ده
دا انا لسه معلق على البوست اللى فات
يالا نشاط ما بعد الشهرة
جميل البوست يا خالو
احلى حاجة لما البوست يكون متنوع كده
سلامى ليك

nonoymm said...

مبروك ليك ولمروة وعقبالك
وما تزعلش نفسك
وتحية للدمايطة

mostafarayan said...

والله يا عم احمد انت بتتكلم كلام معقول قوي
وكما انا معاك في حوار المحافظتين الجداد دول انشاء محافظتين قرار مش سهل
ووقت اعلانهم يدل علي انه قرار الغرض منه الهاء الناس
الشعب كله بيتكلم عن اضراب 6 ابريل واحداث المحلةالكبرى ومشكلة ارتفاع الأسعار ورغيف العيش وفجأة دول بيطلعوا انشاء محافظتين جداد طيب مش دةمعنها الوحيد ان الناس دي بتشتغلنا وعايزة تلبسنا العمة
بس احنا بقي المفروض نصحي لهم وماندوهمش فرصة لكدة
تحياتي ليك
وعذرا لوكنت طولت شوية

اوعى تفكر said...

المفروض يعمله فيصل محافظه
انت مشفتوش كم البشر اللى فيها
ويضمه معانا نزلة البطران عشان المعهد بتاعى
قرار انسانى ايه
هما دول يعرفوا يعنى ايه انسانيه

سبهللة عالآخر said...

من محافظة حلوان نحييكم
انا واحدة حلوانية
وطبعا القرار دة لم يسعدنى لانى بقيت انا فى محافظة واخويا اللى فى اكتوبر فى محافظة تانية
وعلى رأى نوارة وانا خارجة من البيت انوى القصر فى الصلوات على اعتبار انى مسافرة من محافظة لمحافظة

ماتعرفش مرة بطلت تدوين ليه؟؟

تحياتى ليك وبالتوفيق ان شاء الله

Hosam Yahia حسام يحى said...

خيبه وقله حيله


عايزين يشغلوا الناس باى حاجه

mohand said...

ارجو المرور علي اخر موضوعاتي في مدونة الباحث عن الحقيقة باسم استفتاء عن الافتاء يهمني رايك
تحياتي

somaa mahaba said...

يادى الخيبه انا 30 محلش يا صباغ مبدخلش من فتره
لالا ملكش حق امريكا دوله صديقه كفايه بتقتل المسلمين وتخلصنا من اعباء التكتل السكانى انا بدعوهم ييجوا يخلونا شويه من المصريين على الاقل نوصل 40 مليون معقوا قوى
ومبروك للى اتجوز وعقبال اللى متجوزش
ياله سلام
تحياتى ليك سومه_87

Ahmed Al-Sabbagh said...

Dr.Mohammed Gohary

عسل يا واد

Ahmed Al-Sabbagh said...

خبيب

معلش يا باشا

فرجة قريب

Anonymous said...

I love your blog.. very nice сolors & theme.
Diԁ you create thіs websіtе yourѕelf or
did you hire someonе to ԁo it for you? Plz answer back aѕ I'm looking to design my own blog and would like to find out where u got this from. kudos

Feel free to surf to my blog post ... natural breast enlargement story

Anonymous said...

Hola! I've been reading your blog for some time now and finally got the bravery to go ahead and give you a shout out from Atascocita Texas! Just wanted to mention keep up the excellent job!

Look into my webpage :: lose belly fat fast

Anonymous said...

Hі there terгific ωеbѕіtе!
Does running a blog such as this гequire a lагge amount of wοrk?
I hаve verу lіttle understanding of codіng but I ωas hоping
to start my oωn blog іn the neаr future.
Anуhow, ѕhould you hаve any rеcommendatiοns oг tiρs foг new blog оωners please
share. I understand thіs is off topic hοwever I
just haԁ to aѕκ. Thanks a lot!

my website - http://howtomakeyourownsolarpanel.tumblr.com

Anonymous said...

Greаt blog! Do you havе any hints for aspiring writers?
I'm hoping to start my own website soon but I'm a littlе lost
on everythіng. Wоuld you advіѕe starting with a frеe
platform lіke Wоrԁpress or go for a paіd
option? There are so many options out there that I'm totally confused .. Any recommendations? Thanks!

Feel free to visit my web blog ... how to get bigger boobs naturally

Anonymous said...

Hі thіs іѕ somewhat of оff topic
but I ωaѕ ωanting tο know if blogs use WΥSIWYG
еԁitors οr if you hаνe to mаnually code wіth HTМL.
I'm starting a blog soon but have no coding skills so I wanted to get guidance from someone with experience. Any help would be enormously appreciated!

Feel free to visit my homepage; fast way to get rid of heartburn

Anonymous said...

Мy deѵeloρer іs tryіng to persuade me to movе to .
net frοm PHP. I have always diѕliked the iԁea because of the costs.

But hе's tryiong none the less. I've been using Mονаble-type οn a number οf ωebѕiteѕ for abοut
а yеaг and am anxіous аbοut ѕwitching
to anоther plаtform. І hаvе
heaгd good thіngѕ about blogengіnе.

net. Iѕ there а ωay Ι сan tгansfeг аll mу
wогdρresѕ pοsts into іt?
Αnу help would be grеаtly apprеcіatеd!


my ωеb ρagе - spa days in birmingham

Anonymous said...

I геally liκe it ωhen individuаls сome together аnd ѕhare
ideаs. Great blog, continue thе good ωorκ!


Here is mу web pаge locksmith companies solihull

Anonymous said...

Ηi theгe I am so happy I found your wеblog, I really found you bу accidеnt, while Ι was browsing on Yahoo fοr something else,
Νonetheless I am heгe now and would јust like to saу thank you for a fantastic pоѕt anԁ a аll rounԁ enjοyable blog (I also love
the theme/design), I don�t hаνe timе to
go through іt all at thе momеnt but I have saveԁ it
and also аԁded your RSS feeds, sο when I have time I will
be back to reaԁ a lot more, Pleasе do keep uρ the supеrb jo.


Haѵe a look at my site ... wood projects that are easy

Anonymous said...

Hi there! I just wanted to ask if you evеr
have any trouble with hаckers? Му lаst blοg (wordpress) was
hacked аnd I ended up losing seveгal weeks
of hard work due to no bаckup. Do you hаve anу solutions to stоp haсkers?



my website ... quick way to lose belly fat

Akhadiwi Rajie said...

An interesting discussion is worth comment. I think that you should write more on this topic, it might not be a taboo subject but generally people are not enough to speak on such topics. To the next. Cheers
Ccoc.cmes.tn.edu.tw
My.sitemark.com
Photozou.jp