خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jan 4, 2008

كلام العيال البلوجرية - حفلة عيل مصرى


اصدقائى واحبابى البلوجرية الأعزاء

كل سنة وانتو طيبين تانى وأول بوست فى السنة الجديدة

انهارة بقى كان المفروض أكتب الحلقة التانية

من سلسلة "كلام العيال البلوجرية" اللى بكتب فيها خواطرى عن المدونين
لكن انهاردة فى مناسبة بلوجرية غير عادية


وهى إن صاحبها ..صديقنا - الغير عادى - الأستاذ أحمد

قرر أخذ فترة راحة طويلة وتعليق الكتابة فى المدونة لأجل غير مسمى

وقولت مش هكتب حاجة

غير التعليق اللى كتبتة هناك

"رسالة الى صديقى صاحب " عيل مصرى

السلام عليكم ورحمة الله

بداية احب اشكرك على كلماتك الرقيقة فى حقى وحق كل المدونين

الذين أعتبرهم جزء لا يتجزأ منى جسدا وروحا

واسمح لى أن أعتبر ان علاقتى بك هى ليست علاقة تدوين فقط

ولكن

هى علاقة إنسانية فوق العادة..تمثل انت فيها الطرف المُعلم

والصديق والأخ الأكبر.. و كتاب كبير مفتوح

يضم تجارب انسانية قيمة وجميلة وشيقة

.
.
فى البداية كنت فى مرحلة التعرف على مقالاتك

من مبدأ انها "حكاوى جميلة" ثم بعد قراءات قليلة

فؤجئت أن الموضوع يتعدى كونة حكايات مسلية.. الى أنه تجارب انسانية قيمة

تمثل خلاصة حياة لأنسان

عاش فى فترة من أهم فترات الحياة المصرية

تجارب انسانية طالما توقفت أمامها

وتأملت فيها تأمل المتذوق للوحة تشكيلية أو المشاهد لفيلم واقعى

وبالتالى فأنا اذا سمعت منك بخبر إغلاق المدونة لفترة

او لأجل غير مسمى

فلن يكون هذا بالنسبة لى وداعا

وإنما هو إنتقال من مرحلة إلى مرحلة

من مرحلة القراءة عبر الشاشة ربما لمرحلة قراءة وجها لوجه

فإلى القاء يا صديقى وأخى الحبيب

الى اللقاء وجها لوجه

أحمد
3/1/2007
الصورة عدسة : أحمد الصباغ
ملاحظة : الصورة دى بتفكرنى أوى بالاستاذ أحمد وما حدش يسألنى ليه *

35 comments:

بت خيخة وأى كلام said...

هييييييييييييييييييييييه
اول تعليق
اول تعليق

بس مش عارفة هاقول ايه

طب هاحجز وبعد كدة اكتب براحتى

دكتور حر said...

حجزتي يا خيخه
ماشي
والله والخوخ بقو يسبقونا

طيب


والله يا عم أحم يا صباغ يا خال انت راجل جميل

يعني الواحد دخل المدونات لقى عنده
خال
وعيل
وجدو

وكله ما شاء الله
ربنا يكرمكم على الروح الجميله دي

ويكرمك الاستاذ أحمد استاذنا كلنا يارب

Omar... خروشات said...

انا جيت مع انى موش شايف كويس

نور شمعه والا حاجة يا عم احمد


الحفلة طولت عند احمد

و انتا سرقتنا هنا


انتا راجل وفى يا صباغ

بجد؟ براوة عليك

Omar... خروشات said...

ربنا يكرمك يارب

سهر الليالى said...

صديقى الجميل ابو قلب طيب وجميل

الحقيقة انا مش عارفة اقول ايه هنا كمان الموقف كله مؤثر عليا

بس بجد يا صباغ يسلم قلبك الجميل لكل المدونين وربنا يارب يجعل كل الجميل دة فى ميزان حسناتك

بجد بجد انا بشكرك انك عرفتنى طريق مدونتك واللى عن طريقك وطريقها اتعلمت وقابلت حاجات اكتر من رائعه ولسه بتعلم
بصراحه يا أحمد انت مكسب لاى حد يعرفك

انا نفسى حالا حسيت بسببك انى لازم أويد ا/ أحمد فى قرارة عشان مبقاش انانيه

تسلم وتدوم لنا بقلبك الجميل
تحياتى يا سكر

مستجدة said...

بجد يا خال والله انا مبسوطه بيك انت واستاذ احمد اوى انتو مثل للصداقه جميل اوى ربنا يباركلكو ويديم الموده بينكو وبين كل العيل البلوجريه وتفضلو اصحاب الى ماشاء الله رب العالمين

غمض عينيك said...

زي ما قال عليك "عيل مصر" بجد
انت جميل اوي ياصباغ

محمد سمير

عصفور المدينة said...

ربنا يبارك فيك انت بجد أصيل جدا ربنا يحفظك

عصفور المدينة said...

تيجي نخمن
انا اتوقع ان احمد مش حيعرف ينقطع انت إيه رأيك

اسكندراني اوي said...

يا خالو
ازيك
متابع انت يا ابوحميد
والله الواحد مش عارف يقولك ايه
الله ينور

عاشقه الفردوس said...

ايه ياخالو ده

لا لالالا
انت مشوفتش اخر حاجه وصلنالها
باذن الله استاذ احمد (مش انت )صاحب مدونه عيل مصرى
انه باذن الله هيدخل بس بعد فتره صغيره
واقترحنا الاستاذ عصفور بصراحه اقترح قبلى وانا كتبت نفس الاقتراح بس من غير مااخد بالى ان استاذ عصفور كتبه
كتبنا ان ممكن استاذ احمد يدخل مدونته وكيتب لنا فيها بقيه اليوميات
ومش هنزعل لو مدخلش عندنا
وهو وافق ع الاقتراح ده بصفه مبدئيه

ياريت تكلمه بصفه شخصيه علشان يتاكد الاقتراح ده

ربنا يبارك فى حضراتكو والله


ويجعلكم اخوه متحابين فى الله



بجد بجد ربنا يبارك فى حضرتك وعلى روحك الطيبه

EmY said...

كلنا هانفتقد تدويناته الممتعه فعلا
هو مدون جميل و محترم كتاباته فيها روح مرح عالي
اتمني انه يعدل عن قراره و يفضل وسطنا

Hossam said...

يبينى حرام عليك
12 تعليق فى يوم وليلة
ارحمنى
وحشتنى اوى
سلام

NIDAAL PAL said...

و الله ان ما كنت غلطان لما قولتلك انى بتشرف بصحبتك و بتشرف بكونى بعتبرك اخ اكبر لى
انت رجل فيه كل معانى الوفاء
و نادر لما تلاقى حد كدة اليومين دول
هقولهالك تانى
انا بتشرف بصحبتك الجميلة
و بتشرف بكونك اخ اكبر لى
ربنا يوفقك و يبارك فيك يارب
سلام يا صاحبى و حبيبى و اخى فى الله

مروة الزارع said...

خااااااااالو احمد

وحشنى والله اخبارك اية

اية ياعم انت نمت لتانى يوم ولا اية

قعدت ارن عليك سنة عشان اصحيك امباج س4 ومفيش فاااااااايدة

كويس انك صحيت يعنى

............

انا زعلانة اوى ان استاذ احمد هياخد راحة

بحب حكاوية بجد

وعاوزة اقولك انك حد وفى بجد

مهندس مصري said...

طالما انت قولت محدش يسألني ليه
يبقى لازم أسألك زي مفيد فوزي و أغتت عليك و أقولك لييييييييه ؟
:)
انت فعلا طيب و تستاهل كل خير يا صباغ

Eman said...

i like what i read through ur words , very deep yet very simple :)
kol sana oui enta tayb ya 7'alo : ))

MerMaid said...

عزيزي أحمد الصباغ

خالو

ازيك اولا؟؟

انا تابعت اللي حصل مؤخرا في مدونة عيل مصري

و زعلت جدا فعلا لما عرفت انه هينقطع
برغم انه ميعرفنيش

لكن زعلت لما شفت جو الالفة ده اللي بينكم وبين بعض

ربنا يرجعه بالسلامة
و ربنا يكرمك
انا شايفة كل المدونين بيحبوك قوي و بيقولوا عليك كلام جميل

ربنا يوفقك و يكرمك و يجعلك دايما عند حسن ظن الجميع

اتمني لك حظ موفق و طيب

:))

و تزور المانيا قريبا

:))

منور دايما يارب

MerMaid

أنــــــا دودو said...

شكرا جدا لتعليقك يااحمد
انا امبارح دخلت تصفحت مدونتك كل يوم اقرا حبة وبعدين كنت هعلق بس انت سبقت عندي وعلقت
مدونتك كوكتيل شاملة حاجات كتير..وفيها حاجات شدتني اوي
الشعر الي في الهيدر او البانر عاجبني اوي وبيحكي قصة مصر والمصريين بكل دقة واختصار
كل سنة وانت طيب..وفرحانة اوي ان الي بيحب مشاري راشد سمعه عندي
كنت حابة انك تعلق علي مدونتي بصفة عامة..بما انك بلوجر قديم ومتمرس
ربنا معاك

منشورات ممنوعة من النشر ! said...

heheheh habda2 a2ra ur posts ba2a isA

shklha hatfedny isA

appy said...

ازيك يا احمد
حلو قوى المشاعر القويه بين اتنين اصحاب وبجد لما قرأت فى مدونة يويمات عيا مصرى عرفت قد ايه علاقتكم جميله
وبعدين انت ليه مروحتش تشوف الصور قاعد بس تشرد ليه كده على المدونة انا نزلتهم من زماااااااااااان

فى القلب said...

والله يا أحمد أنت جميل أوى أوى أوى

walaa said...

ربنا يكرمك على هذه الروح الجميله
فعلا الصداقه الحقيقه عمله نادره هذع الايام
دمت بخير دائما ولاء

aya said...

عارف يا احمد

انا مكنتش تعاملت اوى مع استاذ احمد
بس صدقنى كل بوست كنت بحطه كنت بشغف بنتظر راءيه
كنت حاسة انه دايما هيقولى حاجة مفيدة ونصيحة هاقدرها واحترمها وهتنفنعى اكيد فى حياتى

بجد على رغم من قصر المدة اللى تعاملت معه فيها الا انه انتزع منى كل احترام واتقدير

فعلا حسيت انى حاجة كبيرة اوى نقصت من بلوجرز كلها اول ما عرفت انه هياخد اجازة

وبجد قلبى كان هيقف لما تخيلت انه كان بيفكر يقفل المدونة

على العموم
ربنا يا رب يديله كل الخير
ويباركله
ومن هنا عايزة ارسل ليه كل احترامى وتحياتى

وشكرا ليك يا احمد انت كمان على ذوقك واللفتة الكريمة ديه
انا متوقعة منك كده واكتر لانك انسان فى غاية الذوق والاحترام
شكرا ليك

سها said...

انا جيت
وقريت شوية حاجات
بس لاحظت حاجتين

1- مش لاقية ارشيف
فبالتالي بقي اروح واجي في عناوين البوستات اللي على اليمين والاولدر بوستس

2- مش لاقية اول الشات بوكس من اخره
انا شكيت اني مش باشوف
:)

نـــــــازك الملائكـــــــة said...

طيب بامانة انا مش عارفة
انا لما شوفت المدونة التانية فهمت الوضع
^_^
ربنا يخليكم لبعض وتفضلوا على طوول
وفي الجنة كمان
:)

ŞoŖśậŖấầ said...

السلااااام عليكممم

انا طبعا قريت التعليق من قبل ماتنقله هنا واثر فيا اوى والله مشاعرك الجميلة دى واللى فعلا مثال رائع للصداقة والاخوة

ربنا يبارك فى حضرتك وانا بجد سعيدة اوى انى اتعرفت على حضرتك فى المناسبة دى

يمكن الواحد زعلان بس علشان استاذ احمد هايسيبنا فترة لكن كمان فرحان لانه اتعرف على ناس تعتبر كنز فى زمن دا

ربنا دايما يديم المعروف والمودة بينكم
كفاية انتو الاتنين اسمكم احمد
هتلخبطونا:))

appy said...

ما انت كمان مدونتك يقيله وبعدين انا لسه نونو ومعرفش اللى انت بتقوله ده انقلى وعزلى وروحى بلد تانيه ايه ده براحه شويه
وبعدين ابقى ادخل من على جهاز الجيران هههههههههههههه وانا برضه نيتى كويس وهتفضل نيتك .............ههههههههه

Nada said...

ربنا يبارك فى صداقتكم انتو الاتنين يارب
ويجمعكو سوا تحت عرش الرحمن وتكونو متحابين ف الله

مصطفى محمد said...

هابي نيو يير على الجمييييييييييع

Anonymous said...

Whatѕ uρ are using Wоrdpress for youг site plаtform?

I'm new to the blog world but I'm trying to get started and creatе my own.

Do you require any html coding knowleԁge to make your own blog?
Any help would bе really aρprеcіated!



my blоg post - makes boobs bigger naturally

Anonymous said...

Cuгrently іt аpρеагѕ lіke Movable Type is the ρreferred
bloggіng рlatform avaіlаble right
noω. (from whаt І've read) Is that what you're uѕing on youг blog?


Also vіѕit my web site :: increase small boobs

Anonymous said...

Hey І knoω this is off toрic but
I was wondeгing if уou knew of any ωidgetѕ I could add to my blog thаt automatіcally twеet my nеωest twittеr uρdateѕ.
Ӏ've been looking for a plug-in like this for quite some time and was hoping maybe you would have some experience with something like this. Please let me know if you run into anything. I truly enjoy reading your blog and I look forward to your new updates.

Also visit my web blog :: fast way to get rid of heartburn

Anonymous said...

When I initiаlly cοmmеnted I clicked the
"Notify me when new comments are added" checkbox and now each tіme a cоmment
іs addеd І get sеveral e-maіlѕ ωith thе same comment.
ӏs there any way уou сan remοve people from thаt ѕerviсe?
Thanks a lot!

Herе is my blog: online guitar lessons for beginners

Anonymous said...

Dο yоu hаvе a spam iѕsue on
thіs ѕitе; I alѕο аm a
bloggеr, anԁ I ωaѕ wantіng to κnow your situation; mаnу of us haνe ԁеvеloped sοme niсе practices and
ωе are looking to exchаnge methοԁѕ with other fοlκs,
why nοt ѕhoоt me an e-mail
if intегeѕted.

My web site ... a fast way to lose belly fat