خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jun 3, 2008

طريقكم أخضر

عدنا .. بعد انقطاع عن التدوين اكتر من عشر أيام

هو طبعا إنقطاع عن الكتابة فى المدونة وليس عن التدوين

لأنى لا اتوقف عن الكتابة ومتابعة المدونة يوم واحد

ولكن الايام اللى فاتت دى كنت بعمل تجديدات فى المدونة

وان شاء الله فى خلال هتشوفوا التجديدات دى

وكمان هنعمل تحليل تفصيلى لكتاب مدونات مصرية للجيب

وهنتكلم عن كل الناس المشاركين فى العمل سواء بالكتابة او النقد ومتابعة الكتاب

-------------

رودى بنوتة مصرية كلمتنى عن لقاء نسائى هيعملوا فى نادى الزراعيين

وكانت بتسألنى عن أسعار الدخول بما أنى مهندس زراعى عريق

( بالمناسبة انا روحت النادى ده مرة واحدة بس ما تقولوش لحد )

لأنى طبعا عملت فيها أبو العوريف وقعدت أصدر فتاوى زراعية

وقريت عند نوران بت خيخة عن اللقاء ده

ههههههههههه

نادى المهندسين الزارعيييين ؟؟

اسمه نادى الزراعين وبطلوا فضايح

طيب بما ان التجمع نسائى

فأنا هتنكر فى صورة عيل صغير عنده تلات سنين واجى مع واحدة منكم

ههههههههههههههههههه

بالتوفيق ان شاء الله

وربنا يجعل لقائكم أخضر

وطبعا لازم توطدوا روح الصداقة بينكم

يعنى كل واحدة تهادى زميلتها بحزمة جرجير كدة او كيلو بسلة

وكمان ارفعوا شعار التدوين النظيف

( يعنى بدون كيماويات )

هههههههههههههههههههه

وطبعا المشاريب اللى هيطلبوها فى اللقاء دى اكيد

هتتراوح بين عصير جزر و جنزبيل وشاى أخضر

أو عصير طماطم


والمزة هتكون فجل او كرات وخضار

ههههههههههههههههه


ويبدوا ان البرنامج الانتخابى قصدى برنامج اللقاء اللى كتباه خيخة

يتضمن موضوعات دسمة جدا

من ضمنها

كيف تعكنينين على زوجك

ههههههههههههه

( بفكر اعمل لقاء رجالى للرجالة المتجوزين ونتكلم عن تقتل زوجتك فى تلات خطوات )

وانا استغل هذة المناسبة الخضراء قصدى السعيدة

واحذر البت آبى من ما يحاك بها حيث ان خيخة والمدونات المتزوجات

يتربصن بها لزعزعة عقيدتها الزواجية

طبعا ما هو العزوبية تاج على رؤوس العزّاب لا يراه إلا المتزوجون

هاهاهاهاها

انتظروا التجديدات المريعة فى المدونة

خالو أحمد

38 comments:

فاتيما said...

يا خالو
أى إنسان طبيعى الأيام دى لازم تكون ثقته متزعزة فى الجواز
و بعدين إنت خايف على آبى من المتجوزات ؟؟!!
طب المطلقات بقى يا إبنى هتعمل فيهم إيه؟؟
دول سرهم باتع و ربنا يستر على البنت
متخفش عليها و سيبها على ربنا
و بعيييين ماهو لو كنت أقصر شوية من كدا كان ممكن نعديها تلات سنين إنما كيف يعقل يا صباغ اللى بتقوله ده ؟؟
عموما مشكرين يا سيدى على البوست التسييحى التحذيرى ده
و عالله البنات و الستات اللى بيدخلوا عندك دايما يكونوا خدوا علم بالموضوع على اكمل وجه
جزاك الله كل خير
و تحياتى يا خال المخاليل

بت خيخة وأى كلام said...

يوووووووووه
ايه بقى
هو كل ما نعمل حاجة تكتب عنها
ياواد فلقتنا
انا بعد كدة هاعمل لقاءات سرية

وبعدين عايزة اقولك ان الصورة الى انت حاططها دى انت كنت ناوية احطها هى كمان
بس الحمد الله
انى محططتهاش كانوا هيقولوا غاشين من بعض


عندى احساس انك هتلعب معانا الدنيئة وهتروح فى نفس المعاد وتقف على الرصيف التانى وهتصورنا وهنلاقى صورنا منشورة على البلوج عندك من قبل ما نروح بيوتنا

وبعدين تتنكر ازاى فى صورة عيل صغير
لأ وكمان عنده تلات سنين
طب ازاااااااااى؟
ياواد عيب على طولك
ده انت تتنكر فى صورة حضانة اطفال
مش طفل واحد

تحياتى ليك يا ابو حميد
وربنا يرجعلك والدتك بالسلامة
اختك خيخة

Ahmed Al-Sabbagh said...

فاتيما

ههههههههههه
انا بس بهدى النفوس يعنى
انتى عارفة اصلا ان آبى دى ممكن تخربها بلاد وهى اللى تأثر عليكو
بس طالما اللقاء نسائى وانا مش عارف اقوم بواجب عملى بهدى النفوس نظريا بس

ههههههه

Ahmed Al-Sabbagh said...

بت خيخة

طبعا انا قاعد للساقطة واللقطة

وتصدقى فكرة انى اروح واقف على الرصيف التانى دى فكرة حلوة

احسن من فكرة الطفل التلات سنين

لان ربما حد يفقسنى

اكمن صوتى كبير شوية

هيقولوا صوته كبير كدة ازاى وهو تلات سنين

shahy said...

انا شمة ريحة تريقة
ايوة هي الريحة
ربنا يسامحك ياخالو احمد
ههههههههه حلوة خالو دي

تحياتي

آلام وآمال said...

طيب جميل اوي وطريقهم اخضر وربنا يفقهم في اللقاء

ومنتظرين التجديدات يا باشا بس عايز اقولك كلمة ف ودانك .. بيني وبينك يعني هههههه

احرص على ان تكون سكربتات وأكواد الجافا ف الستايل الجديد ان شاء الله قليلة على اد ما تقدر
لأن كترها بيتقل تصفح الموقع بشكل ملحوظ
مما يسبب معاناة كبيرة عند ذوي السرعات الضعيفة
اللي هما زي حالاتي كده
:(

أحمد كمال said...

مبروك التجديدات مقدما يا أبو حميد ، و خدها نصيحة مني بلاش تقوم المدونات عليك و على الجنس الخشن كله بالتبعية .. إحنا ملصمين العلاقات و مافيش داعي الفيمينزم يشتغل ، و تلاقي اللقاءات كترت ، و نبدأ نسمع أخبار من نوعية المدون اللي لاقوه مسموم في مدونته بعد تناوله لتعليق نسائي شديد السمية .

إنت ماسمعتش إن كيدهن عظيم ولا إيه ؟

بنوته مصرية said...

ههههههههههههههههه

حلوة طريقك اخضر دي هبقي اقولها لجوزي كل يوم الصبح بما انكم زراعييييين زي بعض ( كدا مظبوطه صح )ههههههههههههه

وبعدين يا بشمهندس منت ممكن تدخل ومحدش هيمنعك بلكارنية بتاعك وبعدين

وبعدين انت بتتريق علي النادي بتاعكم مش علينا ههههههه

بوست جميل جداا ودمه شربات

مين اللي هيعمل التغطية ياترا هههههه

دكتور بهــدوء said...

خاااالوو أحمد
اعذرني بجد زحمه امتحانات
بس انا متابع البلوجه بتاعتك بانتظام
قلت الحق بقي اودع الديزاين القديم قبل ماتجدد

أحمد سعيد بسيوني said...

ههههههههه
جميلة هذه اللقاءات
بانتظار التجديدات
تحيياتي

ابن حـجـر الـعـسـقـلانـى said...

انت فيييييييييين يا عم ؟؟ مش عادتك انك تتأخر فى مواضيعك كدة

أهم حاجة إنك كويس

انت يرضيك اللى فتيات و نساء التدوين بيعملوه ؟؟

إحنا لازم ناخد موقف .. أنا باقول إننا نعمل مؤامرة لإفساد هذا الاجتماع عليهن .. يا إما نعمل اجتماع مضاد فى نفس المكان و نفس الوقت و نقعد نحدفهن بالطوب و الزجاج المكسر

و بالتوفيق يا صباغ باشا

maha miho said...

تك تك تك
هو مفيش حد هنا ولا ايه؟ طب هرن الجرس
ترن ترن
مممممممممممممم طويب واضح انهم خرجوا
انا هسيب ورقة ع الباب او اديها للجارة اللي اصادهم
مها: العواف يا أوختشي
الست الجارة: الله يعافيكي يا حبيبتي
مها: يا رب يخليكي لما خالو أحمد ييجي من بره سلمي عليه وقوليله مها عدت وعيب كده تيجي وما تلاقيش حد وقوليله ادفع اللي عليك احسن المحصل سايبلك كعب وصل النور ع الباب

وانت ازيك كده يا احمد؟ كخخخخخخخخخخخخخخ

خمسة فضفضة said...

السلام عليكم ورحمة الله وبركاته

يادي الحقد ايه يا بني لو متضايقيين اعملوا لقاء للرجال فقط انتو كمان

appy said...

هههههههههه موت بغيظك يا ابو طويله
وبعدين احمددددددددد تفتكر هما عاوزين يعملوا كده طيب بقولك انا هأخد مدرعات معايا او اتنين كيلو توم يتلهو فيه هههههههههههههههههههههه

سومه...مجنونه فى بلد عاقل said...

سبحانك يا رب انا قلت الصباخ ربما فطس او مات ومش ظاهر معرفش ليه وقلت اتقفش فى امن دوله ولا بيفسحوه هناك شويه وراجع طلعت بتعمل تعديلات فى المدونه ....لعلمك افضل موضوع حيتكلموا فيه هو العكننه الزوجيه ومتخافش ايبى مش حتتزعزع لان كل البنات عارفين ان الجواز دا حاجه تقيله شبه اكله المحشى بتجيب كرشه نفس وبوظان فى المفاصل ولخبطه فى النافوخ وهشاشه عظام دا غير السكر والضغط والقلب واهم شى ء بييجى وبيصاب به المتزوجون هو النكد مما يؤدى الى اكتئاب زهانى ومنه الى انتحار او مستشفى المجانين
وربنا يستر على كل المسلمين ويكفينا شر الجواز
وبما انك حتتنكر ممكن تتنكر فى صوره كبايه او قله عشان محدش يقفشك
تحياتى ليك سومه_87

wael said...

اول زياره واديني منتظر التجديدات ؟
ايه هتفجر المدونه ولا هتعمل ايه
على العموم منتظرها

همس الاحباب said...

احنا بقينا مستهدفين
ولا ايه
بقولك ايه هجوم مضاد
وانا مؤيد لانشاء تجمع رجالى لكيفية الخلاص من الزوجات بسهولة
ههههههه
تحياتى وتقديرى

سفينة said...

ههههههههههههههههههه

العزوبية تاج على رؤوس العزّاب
لا يراه إلا المتزوجون
....................
بوست جميل قوي علي فكره ،ودمك خفيف قوي وبتعرف ازاي تشد القارئ عشان يقرأ البوست من اول كلمه لآخرها
....................
ربنا يوفقك يارب،وياريت تنورني

حــــــراء said...

ازيك يابشمهندس اخبارك ايه ومبروك التعديلات الجديدة مقدما على فكرة الموضوع حلو ولذيذ وياريت تعمل لقاء الرجال وتنصحهم ازاى يقضوا على الزوجات فى تلات خطوات بس مش كل الزوجات (المنكدات والمعكنينات فقط) واوعوا حد يزعل منى انا بحب اهزر.
على فكرة اسلوبك جميل فى الكتابة وده كمان اول مرة اعلق على موضوع فى مدونتك
مع خالص تحياتى
تقبل مرورى
واتمنى انك تنورنى

بت خيخة وأى كلام said...

انا مع اقتراح عسقول اننا حريم المدونات
وانتوا رجال المدونات
نتفق على يوم غير يوم الجمعة
وكل فريق مننا يقف على رصيف
ويزقل الفريق التانى بالطوب
اللااااااااااااااه
ده هيبقى يوم مسخرة
والناس هتتعور بقى
واحتمال انت كمان يا صباغ تتعور بما انك اطولنا
يعنى اكيد التنشين هيكون عليك


سلام
اختك خيخة

Ahmed Al-Sabbagh said...

shahy

لا تريقة ايه بس

لا سمح الله

(انتو لسه شوفتو حاجة)

اصبرى عليا بس اما تعملو اللقاء وانا ههريكو

هههههههههههه

ده اقل واجب

كفاية معزة خيخة عندنا

( وش بيجز على سنانة )

هههه

Ahmed Al-Sabbagh said...

الام وأمال

اشكرك يا حبيبى على النصيحة وربنا ما يحرمنى منك

وانا فعلا مخطط انها تبقى خفيفة ان شاء الله

Ahmed Al-Sabbagh said...

احمد كمال

هههههههههههههههههههه

ايوة فعلا ممكن يسمونا

وبالذات خيخة

ممكن تحط لنا السم فى كومنت

Ahmed Al-Sabbagh said...

بنوتة مصرية

هههههههه على اساس انى زراعى يعنى

ماشى

:))

Ahmed Al-Sabbagh said...

دكتور بهدوء

ربنا يوفقك فى الامتحانات يا حبيبى

وترجع لنا بألف سلامة

Ahmed Al-Sabbagh said...

احمد سعيد بسيونى

تسلم يا حبيبى

Ahmed Al-Sabbagh said...

ابن حجر العسقلانى

لا طبعا ما يرضينيش

ده انا هتنكر فى صورة كوباية عصير وهعمل لهم انقلاب فى الاجتماع

واطرطش على هدومهم

Ahmed Al-Sabbagh said...

maha miho

يعنى مسافة ما اروح اشترى بصاغ جبنة لزوم الغدا

اجى الاقيكى جيتى ومشيتى

اهئ اهئ

Ahmed Al-Sabbagh said...

خمسة فضفضة

شريرة

ايوة متضايقين طبعا وكلنا حقد وضغينة

واكيد هنعمل لقاء رجالى

بس لا مانع ان الاناصث تحضرة

Ahmed Al-Sabbagh said...

appy

ايوة خدى لهم كيلو بصل ولا حاجة

Ahmed Al-Sabbagh said...

سومه...مجنونه فى بلد عاقل


ههههههههههههههههههههههههههه
واضح انك مبقوقة اوى من الجواز

Ahmed Al-Sabbagh said...

wael

لا هفجر الزوار مش المدونة هههههههه

نورت

Ahmed Al-Sabbagh said...

همس الاحباب

لازم طبعا نعمل خطة مضادة

هى سايبة

Ahmed Al-Sabbagh said...

سفينة

شرفتنى ونورتنى

وكلامك تاج فوق راسى

ربنا يخليك

Ahmed Al-Sabbagh said...

حراء

شرفتنى ونورتنى

ايوة فى تلات خطوات

يعنى تطلع السكينة

وتغزها

وتدخل السكينة تانى


ههههههههههه

Ahmed Al-Sabbagh said...

بت خيخة واى كلام

ههههههه

لا ساعتها هتنكر فى صورة واحد عبيط معدى واصور بس تجنبا لموضوع الضرب ده

موقع اخبارى said...

موقع اخبارى
اخبار محلية
اخبار عربية
حوادث
اقتصاد
اخبار دولية
اخبار الاقتصاد
اخبار الرياضة
اخبار الفن
اخبار التكنولوجيا
فيديوهات اخبارية
اخبار المرأة
انتخابات مصر
مجلس النواب
فعاليات
اخبار عاجلة
قنوات اخبارية
بث مباشر
كواليس
مواقع اخبارية
اخبار
اخبار نت
اخبار السياسة
موقع اخبار
اخبار مصر
اخبار رياضية
اخبار الحوادث

موقع اخبارى said...

موقع اخبارى
اخبار محلية
اخبار عربية
حوادث
اقتصاد
اخبار دولية
اخبار الاقتصاد
اخبار الرياضة
اخبار الفن
اخبار التكنولوجيا
فيديوهات اخبارية
اخبار المرأة
انتخابات مصر
مجلس النواب
فعاليات
اخبار عاجلة
قنوات اخبارية
بث مباشر
كواليس
مواقع اخبارية
اخبار
اخبار نت
اخبار السياسة
موقع اخبار
اخبار مصر
اخبار رياضية
اخبار الحوادث