خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jun 4, 2008

حالة حنين شنيعة


كنت أتحدث مع صديقة فقالت
عندى حالة حنين للقيم والصفات الحلوه اللي ضاعت
ورديت أنا كمان فى حالة حنين
للأماكن واللحظات الحلوة والناس الغائبة

وأكتشفت كدة على سهوة
إن عندى حنين شنيع مريع
لأيام ولحظات واماكن مضت من سجل حياتى
قاعدة الجيزة بالقرب من كوبرى عباس
والنيل الجميل مع شلتى أصدقاء حياتى
ومع كوباية الشاى الكشرى
ننسى الدنيا بكل هموما ومشاكلها وتعقيداتها
ونرى الوجة الجميل لها
حتى لو اتكلمنا فى مشاكل الحياة والعمل والظروف
بردة بيبقى كلام لطيف خالى من العصبية

إفتكرت مشوارى الشبة يومى من كلية الزراعة فى ميدان الجيزة
إلى مكتبة مبارك فى الدقى
أوقات كنت بروح عن طريق شارع الجامعة
وبعدين اكسر على شارع نهضة مصر اللى قدام الجامعة
وأوقات كنت بروح من ورا
موازى لسور جنينة الحيوانات اللى هو شارع مراد
وكان لما اروح اخر النهار بعد العصر كدة
الاقى كمية مهولة من طيور أبو قردان
تقريبا كل أبهات قردان اللى ف مصر
بتتجمع على الشجر الموازى لجنينة الحيوانات
اللى هو قدام الفورسيزون وبرج النيل الادارى الالومينتال الكبير ده

طبعا مشوارى الشبة يومى ده غالبا ما كنتش ببقى لوحدى
كان بيقطعة معايا ناس من اعز اصدقاء ورموز حياتى
اللى بفتكرهم فى كل يوم وكل لحظة
وكانت بتدور احاديث جميلة
وبيتقال كلام اعتقد ان لسه كتير عالق فى ذاكرتى
رغم مرور سنوات على الايام الجميلة دى

وطبعا بفتكر زياراتى الكتير لقلعة صلاح الدين الأيوبى
أو قلعة الجبل كما يسميها البعض
وزيارة المتحف الحربى اللى عارضين فيه الدبابات والطيارات
اللى شاركت فى حرب اكتوبر
واللى ياما اتصورت جنبها مع اصدقاء احب إلىّ من نفسى
لكن لم يعودو فى حياتى الان
ومتحف الشرطة اللى فيه صور ريّة وسكينة المشهورة
وصور حادثة المنشية والمسدس اللى أطلق منه الرصاص على جمال عبد الناصر

لو رجعت بقى لأكتر من عشرين سنة يعنى قبل ما اكمل العشر سنين
كنا متعودين انا واسرتى الصغيرة الذهاب الى عين حلوان كل يوم جمعة
والكلام ده فضل طوال سنوات عديدة
يعنى انا وعيت على الدنيا لقيتهم بياخدونى كل يوم جمعة لعين حلوان
ونعدى فى ثكنات المعادى ويجيبولى سندوتشات كبدة من الراجل اللى جنب المترو ده
رغم اننا بنبقى واخدين من البيت كميات اكل مهولة
(بس تقريبا كنت بعز موضوع أكل الشوارع ده من صغرى يعنى مفطوم على التشرد )
لدرجة انى دلوقت وانا عندى 28 سنة وحتة لما بشم ريحة سندوتشات كبدة فى أى حتة
بفتكر يوم الجمعة فى ثكنات المعادى واحنا رايحين عين حلوان

وياسلام بقى على قعدتى فى حديقة الريادى قدام شط النيل مباشرة
مش بيفصل بينك وبين النيل سور او حاجز
والمنظر بيبقى مهيب والجو رائع وصوت عبد الوهاب ينبعث مع نسمات الهواء
هل تذكرين بشط النيل مجلسنا
نشكو هوانا فنفنى فى شكاوانا
تنساب فى همسات الماء أنتـنا
وتستثير شجون النهر نجوانا
وحولنا الليل يطوى فى غلائله
وتحت أعطافه نشوى ونشوانا
ذابا تباريحا وأشجانا
نكاد من بهجة اللقيا ونشوتها
نرى الدنا أينعت والدهر بستانا
ونحسب الكون عش اثنين يجمعنا
والماء صهباءا والأنسام ألحانا
لم نعترف والهوى يغرى جوانحنا
وكم تعالت روحانا وقلبانا
نقضى حياء ونفضيه عفة وتقا
إن الحياء سياج الحب مذ كانا
ثم انثينا ومازال الغليل لظى
والوجد محتدما والشوق ظمآنا


بجد أتمنى أدفع نص عمرى وتعود لحظة من اللحظات دى

ولكن ..
لسه جنينة الريادى ف مكانها
ولسه النيل بيجرى قدامها
ولسه شط النيل ما بيفصلوش عن الحديقة سور
لكن لم يعد الاشخاص الذين شاركونى هذة اللحظات موجودين
إذن .. فالطلب عزيز المنال جدا


خالو أحمد الصباغ

66 comments:

ftafeet said...

عارف يااحمد بجد بيقى حلو اوى لما كون للواحد ذكريات كده
انا برضه بفكر حاجات حلوه اوى بس متعتبرش ذكريات عدت لانى لسه بعملها لحد دلوقتى عارف اقولك انا لسه بلبس باتيناج وبجرى ببيه انا واصحابى زى ماكنا بظبط واحنا فى ابتدائى


مش عارفه بقى بس هيا اوقات حلوه

بس ماليش ذكريات فى مصر غير ان الناموس كان بياكلنى لما اجى


نوناااا

سفينة said...

أحمد باشا الصباغ
...............
منور الدنيا كلها ياجميل
علي فكره يااحمد انا كنت عارف انك شخصيه جميله قوي من بعد لما شفت مدونتك،بس بعد ماقرأت البوست ده حسيت أد ايه انت انسان طيب قوي وصاحب صاحبك،ومخلص قوي
................
دي صفات نادر وجودها دلوقت يااحمد،وانا بهنيك عليها
................
دا غير ان دمك خفيف جدا
(كمية مهولة من طيور أبو قردان
تقريبا كل أبهات قردان اللى ف مصر
بتتجمع على الشجر الموازى لجنينة الحيوانات)
................
خالص تحياتي،وأتمني تنورني دايما بزيارتك الغاليه قوي عليا

رئـــــيسـة حزب الأحلام said...

ساعات يجلينا حالة حنين للشوارع وحنين للانين وكل دة وفينا حالة حنين
حنين للذكريات وحنين لكن يارب مايكون حزين
تحياتى لك اخى احمد الصباغ

ابن حـجـر الـعـسـقـلانـى said...

و الله يا صباغ انت حركت جوا الواحد مشاعر كتيرة جدا .. أنا مش عارف الواحد ممكن يعمل إيه لو سافر يشتغل فى بلاد برة .. إذا كنا احنا عايشين فى البدل دى و بنشعر بكل هذا القدر من الحنين .. أنا متهيألى لو الواحد سافر برة الذكريات دى هاتبقى أسياط الواحد بيتجلد بيها

بلدنا دى نعمة كبيرة .. اللهم أدمها علينا نعمة و أعنا على رفعة شأنها

ياسر حسين said...

عندك حق
كل واحد فينا له لحظات جميلة عاشها
خصوصا ايام الدراسة
بيحن للحظات دي
أنا كنت ايام الجامعة كنت بأمشي من كليتي لحد ميدان التحرير انا وزمايلي
بنرغي ونحكي ونحلم
وبعدها كل واحد ياخد الاتوبيس
اللي يروحه للبيت
كانت ايام جميلة فعلا
:)
أدعوك لمشاهدة أول برنامج لى
في قناة ياسرتوون تي في
ع اليوتيوب
http://youtube.com/watch?v=ngQyvUPaB8c

خالص تحياتي

صاحب المضيفة said...

كل واحد فينا بيكون له محط الذكريات


واماكن يبلاقي فيها نفسه وطفولته وهو صغير


حاجات بتفكره بأشياء جميلة وسيدة


وحاجات بتفكره بأشياء حزينة وبئيسة



ربنا يكتر من أفراحك يارب ويسعدك دنيا واخرة


سلام يا خال

maha miho said...

لو كل واحد فينا كتب بوست وسماه زيك حالة حنين هتشوف العجب
كل واحد في الدنيا دي عنده حالة حنين لحاجات غريبة
بس بجد لموتني ضحك اني تخيلتك وانت ماشي كده وفجأة تشم ريحة أكل طالع من معطم ولا عربية معدية فتطلع سحابة من راسك كده وتفتكر اللي كان بيتعمل يك زمان وملامح تتغير وتطلع تجري وانت بتصرخ: كبدة ،، ساندويتشات،، طعمياااااااه لأااااااااااه
هههههههههههههههه معلش معلش الموقف ضحكني :)

أحمد ،، لحظات حنينك تحترم ولسه
كل ما يعدي بيك العمر هتحن لحاجات اكتر واكتر

ست البيت said...

الله يجازيك خير يا أحمد ،،، ليه وجع القلب دا
اعتقد أن كلنا مالينا الحنين وبشكل مزعج ...حنيني لأيام الطفولة ... ولعب البنات ساعة العصاري ... والأيس كريم والمشي لوحدي جنب شجر البنفسج ... مش قادرة اوصفك بحب الزهرة دي إزاي ...وحيدة ...ولونها حزين ...لوحدها تحسسك بالحنين
وحشتني ايام زمان وقاعدة السطوح عند نينة - الله يرحمها- والجبنة والزيتون والبطاطس المحمرة اللي لسه طعمهم في بقى لحد دلوقتي ..طعم مش ممكن تنساه
الهوا يرد الروح والناس بسيطة وقل حاجة تفرحنا
كنا نحب نقعد ع السطوح صيف وشتا والبرد يلفحنا
عاوز كمان حنين ؟ حنين للبنالي ؟؟يوه بنالي الإسكندرية في مكتبة البلدية كل سنة كنت بروحة من وأنا في اعدادي ..انقطعت اخباره بعد 3جامعة و المتحف اليوناني الروماني.. والمشي على البحر من الكلية لحد محطة الرمل .والدنيا شتا وهدومنا خفيفة والضحكة مش ممكن تفارق قلبنا بس عارف أكتر حاجة وحشاني فعلا ..الناس اللي كانت بتشاركني الأوقات دي
حرام عليك يا أحمد قلب المواجع

فاتيما said...

احمد
الحمدلله إننا عندنا ذكريات حلوة
فيه ناس كتير بيعدى عليها العمر متفتكرش منه أى حاجة عليها القيمة
و لا بتفرق معاها الاماكن فى شىء
واضح إنك إنسان عشرى من زماااان قوى
و الناس فى حياتك ليهم تأثير عظيم
عشان كدا الناس برضو بتتأثر بيك جامد لو شافتك لمرات قليلة حتى
موش عاوزة أوجع قلب العسقلانى
و أقوله
لو سبت البلد دى قلبك هيتقطع
مليون حتة من الحنين
عشان البلد دى و ناسها موش زى أى مكان فى الدنيا ممكن حد يروحه
تاعبينها و تعبانا
لكن بنموت فيها
تحياتى يا خالو
يا مقلب علينا المواجع

يوميات فنانه مفروسه جداا said...

انا هعيط بقي خلاص والله

انا لسه مخلصه الكليه اول امبارح بس

وبالفه اللي لفيتها ديه افتكرت كل حاجه علي طول مع اصحابي

وأتأكدت اني كل واحد خلاص هينشغل بحياته ومش هنعرف نرجع حاجه تاني
بوست جميل اوي اوي
_______________________________

شكرا اوي اوي علي حفلة التوقيع اللي نوهت عنها اللي هي التانيه

انا روحت وملقيتش حد خالص
شفت سووو بس عالبورصه

وشفتك قاعد من بعييييييد وكان نفسي اشكرك اوي عالمشوار الجامد اللي طخيته
هههههههههه يلا بقي عوضهالنا لو سمحت


اول زياره للمدونه
هتتكرر تاني بعد اذنك طبعا
سلام

عين ضيقة said...

الأماكن هى هى واحنا فين؟

كلكم مصرين تخوفونى من اللى جاى مع اول ايام ليا غير محددة التجاه ولا البشر اللى هيشاركونى فيها

بس عارف
يمكن عشان مانبقاش اتحرمنا طعم الذكرى

تعيش وتصاحب وتفتكر

appy said...

ايه يا احمد بتوصف مكانك علشان اعملك كمين هناك انا وخرفانى هههههههههه
ايه بس الدوء ده اللى وقع عليك بس بجد تسلم يا احمد وصفت حاجات وطرق ولا اعرف عنها شئ
الدنيا بتتغير والناس بس النظيف بيفضل نظيف
تسلم ايديك على الكلام
واللى مش عجبه يطق ويرمى نفسه فى الترعه ههههههههههههههه

حــــــراء said...

فعلا شىء جميل ان الواحد يكون ليعه ذكريات والاجمل فبها انه تكون مع ناس بتحبهم وتعزهم ومش ممكن تنساهم مهما فرق بينكم الزمن
انا صحاب جمال اوى انا كنت بعيد عنهم شوية الفترة اللى فاتت لظروف معينة
بس زى ما انت قلت حالة حنين شنيعة حنين للقعدة بتاعة زمان ورجعت تانى اقعد معاهم ومقلكش القعدة بتبقى جميلة زى ماكانت بتبقى زمان
بجد الموضوع جميلة
والاجمل احساسك الرائع
مع خالص تحياتى
واتمنى تنورنى دايما

رامز عباس said...

رغم ان الحنين دة شيء عظيم
لكن الحمد لله تعالي ذكرياتي كلها منكدة يعني الواحد ميفتكر ابراهيم منصور بتاع الدستور وهو مدوخني بمشروعي وكنت اركب من شبرا للجيزة
لكن في في حياتي ذكرى حلوة اني كنت لما بروح الجامع وانا صغير برتاح
دى تعتبر احلي ذكري

عارف ان كلامي مش مفهوم واتوبيس كام بيروح علي فين



بس اهه بعبر بطريقتي



ايه يا ريس مفيش سندويتش




ولا ايه


عارف يا استاذ احمد ما جميل بحياتي الا التعليق مش عارف ايه اللي دخلني التدوين



قوة دافعه رهيبه علي ما اظن

واحد مش فاهم حاجة said...

هو الذكريات لازمتها اية

غير انها عاملة زى حضن الام

بترمى فية وقت الخنقة والحزن

الموضوع استفزني وكنت لازم ارد عليه said...

الموضوع استفزني وكنت لازم ارد عليه ..يااااااااااا يا احمد اقولك ايه ولا ايه بجد انا مش بس عايز ادفع نص عمري انا عايز ادفع كل عمري ...بس ارجع اولي ثانوي ويعدي علييا الباص واشوف مريم ونقعد مع بعض من بيتي لغايه المدرسه وبعدين نتقابل تاني اخر النهار ...... بس ارجع ونجمع انا وكل اهلي في اسماعليه ناكل سمك الصبح وننزل البحر بليل واتخانق مع معتز وكريم وبعد كدا نلف بلعجل ..بس ارجع وروح القريه الاولمبيه مع كريم اسماعيل ووليد واسمع هناك اغنيه اه بعد الليالي او اللبوم كلو ....بس ارجع وانا حشوف تاني سوزان وساره والشله الكويسه
بس ارجع واشوف محمد اللي لسه جاي من فرنسا وهوا بيضرب علي قفاه في وسط سوق السمك ......و وحاجات تاااانيه كتيــــــــــــــــــر اوي .....انتا عارف يا احمد انا اجمل حاجه بحسها دلوقتي لما انام واسمع كدا علي السرير واسترخي واسمع اغنيه حكايات وعمري اللي فاتو معاك...بجد يا احمد حرام عليك البلوج بتاعك دا عاملي مشكله كبيره حرجع وافتكر الكلام دا تاني .... انا بجد مخنووق جداااا نفسي اشوووف الناس دي تاني والاماكن دي تاني والاغاني دي تاني .....كريم سعيد

عاشقه الاقصى said...

الله عليك

حركت مشاعر الواحد كاتمها من زمان

الاماكن فعلا موجوده

بس اللى كانوا معاك ساعتها هما فين دلوقت

اد ايه الواحد بيحمد ربنا انه ليه ذكريات جميله

بالرغم من ألم انك مش قادر ترجع الذكريات

لكن لما الواحد بيفتكر اللحظات ديه بيحس بقدر من السعاده

بوست رااائع جدا

أول مره أعلق على تتدوينك ليك

دمت بخير

أختك
عاشقه الاقصى

اسكندراني اوي said...

اه يا خالو
انت قلبت المواجع وتعبتني من جوايا جاااامد اوي

مع اختلاف الاماكن والاحداث

اه منك يا خالو

Eldebug said...

اول مرة ادخل كده الاقيك بتقلب فى الذكريات وبتفكرنى بالذى مضى
انت عارف انا لما باجى افكر كده بالف الترابيزة واقعد الناحية التانية بافكر هوه صحيح لو انا كنت فضلت مع الناس دى ماكنتش هاعرف الناس اللى عرفتها النهاردة ... لالالا ياعم خلى كل يوم ليومه ... ولتبقى الذكريات ذكريات والحاضر حاضر

تحيااتى

سفينة said...

احمد باشا
........
مساء الفل ياجميل
مستنيك تنورني بزيارتك الجميله عاوز اعرف رايك
........
خالص تحياتي

سومه...مجنونه فى بلد عاقل said...

ونعدى فى ثكنات المعادى ويجيبولى سندوتشات كبدة من الراجل اللى جنب المترو ده
ههههههه والله عال كان الراجل بتاع الكبده دا واقف فى مكانه من عشريييييييييييين سنه بصراحه انا تعبتله وزهقتله
بس يا صباغ على راى الست ام كلثوم عاوزنا نرجع زى زمان قول للزمان ارجع يا زمان
تحياتى ليك سومه_87

GiGi said...

ياه هو انت مش هتنسى
فين الناس اللى بتفضل عايشه على الذكريات دي وتفضل جواها كم الحنين وانها تفتكر الذكريات الحلوه دي
بجد زمان احلى من بكره
يارب يبقى زي مابيقولوا فى الافلام بكره احلى من امبارح
تحياتي للعزيز احمد الصباغ

أحمد كمال said...

قلبت علي الذكريات و انت بتتكلم عن نفس الأماكن اللي أنا كنت باقضي فيها طفولتي ، في الجيزة على النيل و كوبري عباس و شارع الجامعة ، حتى أبهات قردان ، و كل حاجة ارتبطت بسن جميل ، كل ما نحاول نهرب من واقعنا نفكر فيه و نفتكر معاه أشخاص و أحداث انتهت تماما دلوقت ، و اتغير معناها ..

شكرا على الذكريات ..

خديجة عبدالله said...

جميل جدا جدا لاه روووعة بجد ماشاء الله

الذكريات والحنين وأجمل حاجة أسلوب التعبير موفق فيه ربنا يزيد ويبارك :)
أصعب حاجة أن اللوحة لا تكتمل
ربنا يجمعكم (الشلة) في الآخرة كمان اخوانا على سرر متقابلين
تقبل تحياتى ودمت بخير

مدحت محمد said...

على فكرة موضوع الحنين ده صعب اوى

كنت معدى من جنب جامعة القاهرة من كام يوم

واتذكرت ايام الجامعة

وزمايلى
بجد بتبقى صعبة اوى
لانها بتعتبر من اجمل ايام حياتى

والواحد يتمنى انها ترجع بس خلاص بقى

ليت الشباب يعود يوما

هههههههه

تحياتى وتقدير ليك يابو حميد

بنت الاسلام said...

فكرتني بعبارة كنا بنكتبها لبعض زمان قوي في حاجة اسمها الاوتوجراف مش عارفة لسة موجود ولا لاء

كانت بتقول

تذكريني اذا بكت عيناكي

نذكريني اذا ابتسمت شفتاكي

تذكريني فان الذكري من طبع الاصيل

الذكري لا تزول ولكن تظل في القلوب

والايام تجري ونحن لا ندري

والمؤلم أنها لن تعود

فعلا لن تعووووود

قررت انفض said...

موضوع هايل يااحمد

لاني حالة الحنين تخلق نشوى لانراها ابدا في اي احساس آخر

ولكن بايدينا ان نستعيد تلك اللحظات

ولكن في صور اخرى

حنين مصري

Ahmed Al-Sabbagh said...

ftafeet

اكيد دلوقت تفتكرى ذكرياتك فى القاهرة

صح ؟

Ahmed Al-Sabbagh said...

سفينة

ربنا يخليك يارب

ده كلام كبير اوى عليا

ده من ذوقك بس

Ahmed Al-Sabbagh said...

رئيسة حزب الاحلام

ايوة انا ممكن يجي لى حنين لمجرد سماع كلمة

Ahmed Al-Sabbagh said...

ابن حجر العسقلانى

صديقى العزيز

اعتقد انا لو سافرت هتعب كتير اوى

Ahmed Al-Sabbagh said...

ياسر حسين

اعتقد دلوقت يا استاذ ياسر بتحن لمصر كتير

Ahmed Al-Sabbagh said...

صاحب المضيفة

عندك حق يا صديقى
نورتنى

Ahmed Al-Sabbagh said...

maha miho

ههههههههههه
ههههههههههههههههه
ههههههههههههههههههههه
بجد موتينى من الضحك

Ahmed Al-Sabbagh said...

ست البيت

معلش يا مروة انى قلبت عليكى المواجع
بس انتى ذكرياتك كتير اوى كانت لازم تطلع شوية

Ahmed Al-Sabbagh said...

فاتيما
طيب ما انتى وجعتى قلبى انا
تحياتى ليكى يا مقلبة علينا المواجع

Ahmed Al-Sabbagh said...

يوميات فنانة مفروسة جدا

يعنى تيجى البورصة وتشوفينى
وما تجيش تسلمى عليا
شكرا يا ستى
وميرسى لكلامك الجميل

Ahmed Al-Sabbagh said...

عين ضيقة
الاماكن والاشياء بتبقى
لكن الاشخاص يذهبون
عندك حق

Ahmed Al-Sabbagh said...

appy

ههههههههههههه
شكلى قريب هموت لك خروف من خرفانك
تسلمى لى على كلامك الجميل

Ahmed Al-Sabbagh said...

حراء

ربنا يخليك
والاجمل تعليقتك اللى زاد الموضوع جمال

Ahmed Al-Sabbagh said...

رامز عباس

وربما ما يحرمنا منك
يا رامز يا منور التدوين

Ahmed Al-Sabbagh said...

واحد مش فاهم حاجة

ايوة حلو التشبية ده

Ahmed Al-Sabbagh said...

كريم سعيد

تسلم لى يا كريم
والله تعليقك ده لازم يتحط فى مقال لوحدة
شرفتينى وشرفت مدونتى

Ahmed Al-Sabbagh said...

عاشقة الاقصى

ربنا يخليكى

شرفتينى
ونورتى المدونة

Ahmed Al-Sabbagh said...

اسكندرانى اوى

سلامتك وسلامة قلبك من الوجع

Ahmed Al-Sabbagh said...

Eldebug

ايوة عندك حق
هو بردو كل مرحلة لها جمالها وحلاوتها

Ahmed Al-Sabbagh said...

سفينة

انا دايما بزور مدونتك الجميلة

Ahmed Al-Sabbagh said...

سومة مجنونة فى بلد عاقل

ايوة واقف قدام الكبدة من عشرين سنة
يعنى زمان الراجل بقى ريحتة كبدة شخصيا

Ahmed Al-Sabbagh said...

gigi
كل مرحلة ولها جمالها

نورتينى

Ahmed Al-Sabbagh said...

احمد كمال

صدقنى بحاول كتير اهرب من الذكريات دى
بس ساعات بتنتصر عليا

Ahmed Al-Sabbagh said...

خديجة عبد الله

ربنا يكرمك
شكرا لدعوتك الجميلة وكلامك الرائع

Ahmed Al-Sabbagh said...

مدحت محمد

عندك حق
بالذات ذكريات الجامعة دى
ملهاش حل

Ahmed Al-Sabbagh said...

بنت الاسلام

انا محتفظ من الاهداءات دى كتيييير اوى

Ahmed Al-Sabbagh said...

قررت انفض

سعدت كتير اوى يا حنين لما عرفت ان عندك مدونة

Anonymous said...

Have you eveг thought аbout publiѕhing an eboοκ
or guest authoring on other websites? Ι have
a blοg based uрon on thе same
infoгmatіon you diѕcuss and wοuld
love tο have you share some stories/infогmation.
I know my viѕitoгs woulԁ enjοy your wогk.
ӏf you're even remotely interested, feel free to send me an e-mail.

Feel free to visit my blog; home surveillance systems

Anonymous said...

Hi there! I unԁerstаnd thiѕ is kіnd of off-topic howеver I nеeded to ask.

Doeѕ buіlding a well-estаblished webѕite
such as уours take a maѕsiνе аmount ωοrκ?
I'm completely new to running a blog however I do write in my journal everyday. I'd like to start a blog sо I will
be able to shаre my ехperience and thoughts οnlіne.
Please let me knoω if you hаve any іdеas oг tiрs for new
aspiring blog oωners. Thanκуоu!

Fеel free to visіt my website ... burn belly fat fast

Anonymous said...

With havin sο much content do yоu eѵer run іnto any iѕsuеs
of plagоrism or coрyright violatiοn?
My blog has а lоt оf unique content Ӏ've either authored myself or outsourced but it appears a lot of it is popping it up all over the internet without my agreement. Do you know any solutions to help protect against content from being stolen? I'd genuinеly appгeсіаte іt.


Here іѕ my ωeb-site ... yeast infection cure

Anonymous said...

Greetіngs! Thіs iѕ my first visit to youг
blog! We are a group of νolunteers аnd starting
a new initіаtive in a community in the sаme nіche.
Youг blog pгоνided us useful infοrmatіon to wοrκ on.

Үou have dоne a extгaordinarу job!


Visіt my web blоg; cure heartburn fast

Anonymous said...

Write morе, thats all I have to saу.
Liteгally, it seemѕ as though you relied on
the video to mаke your point. You clеarlу κnow what yourе talking about, why thrοw away youг intеlligеnce
on just ροstіng videos tо yоur ѕite ωhen you could be givіng uѕ something enlіghtening to read?


Heгe is my site fast ways to lose belly fat

Anonymous said...

Ηi there! Τhis post сouldn't be written any better! Reading through this post reminds me of my good old room mate! He always kept talking about this. I will forward this write-up to him. Fairly certain he will have a good read. Many thanks for sharing!

Feel free to surf to my weblog - how to make your own solar panel

Anonymous said...

I love youг blog.. verу niсe colοrs & theme.
Dіd you сreate this website yourself or diԁ you hiгe ѕomeone
to do it for you? Plz answer baсk as I'm looking to design my own blog and would like to know where u got this from. appreciate it

Also visit my site: howtocontrolanxiety.tumblr.com

Anonymous said...

My spоuse and I abѕοlutely love уour blog and find most of
youг post's to be just what I'm looking for.
Would you offer guest writers to wrіte content for youгself?
ӏ wouldn't mind writing a post or elaborating on some of the subjects you write related to here. Again, awesome weblog!

my web site :: natural breast augmentation

Anonymous said...

Ιt's remarkable in support of me to have a web page, which is useful in support of my knowledge. thanks admin

Here is my homepage birmingham spas

Anonymous said...

Hi fantastic website! Doеs гunning a blоg
similar to this require a mаsѕive amount work?
I have νirtually no knowledge of сoding hοwever I
had been hoping to ѕtаrt my οwn blog in the
near future. Anyway, ѕhοulԁ you have any rеcοmmenԁаtionѕ οr tips for nеw blog ownerѕ please
ѕhaгe. I undеrѕtand this is off topіc but
I simрly neеded to аsk. Ϻany thаnks!


Heгe іs my blog post: locksmiths in solihull

Anonymous said...

First оf all I would like to sаy superb blοg!
I hаd a quick queѕtіon in which I'd like to ask if you don't mіnd.
I wаs іnterested to knoω how you cеnter yourself аnd clear your thoughts prioг to writing.
І've had trouble clearing my thoughts in getting my ideas out there. I do enjoy writing however it just seems like the first 10 to 15 minutes tend to be wasted simply just trying to figure out how to begin. Any suggestions or tips? Kudos!

Visit my weblog; simple woodwork projects

Anonymous said...

I lovе your blog.. vеrу nice colors
& theme. Did уou design this ωebsіte
yοurself oг ԁid you hiгe sоmeone to ԁo it
for уou? Plz respond аѕ I'm looking to create my own blog and would like to know where u got this from. kudos

my homepage; massage clinics