خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jun 11, 2008

رابطة محبى الحشيش فى مصر

والله انا كنت مشغول فعلا الكام يوم اللى فاتوا
وهو ده السبب اللى مخلينى بتأخر شوية عن المدونة
وعن متابعة الحبايب
وكمان كنت بحاول أرصد بعض من توابع زلزال مدونات مصرية للجيب
وده لايقل أهمية عندى من كتابة موضوعات شخصية
لكن وانا بقلب كدة فى الفيس بوك وقعت فى جروب اسمه
رابطة محبى الحشيش فى مصر
وضحكت اوى من العنوان والمحتوى
وكان واضح اوى ان عاملة مجموعة من الشباب المهيس
وتقريبا عايزين يوصلوا رسالة معينة لحد ما
لانهم كانو بيتكلموا عن دعم الحشيش
تعالو نشوف مقتطفات من الكلام اللى بيتقال فى الجروب


اهلا ومرحبا بكم فى رابطه محبى الحشيش فى مصر
تم انشاء الرابطه من اجل الاترقاء بمستوى الحشيش
فى مصر و الوطن العربى والشرق الاوسط وتم انشاء الرابطه فى شهر11
عام 2007 وتم الافتتاح الرسى يوم 14/2/2008

اهداف الجمعيه

اولا
الارتقاء بالحشيش الى مستوى افضل

ثانيا
توصيل الدعم الى مستحقيه

ثالثا
الاتفاق مع شبابنا فى الاسكندريه للتصدير الى باقى المحافظات

رابعا
طرح المشاكل التى تواجه شبابنا والتوصل معا الى حل جذرى لها

وحرصا من الاداره لتتواصل مع اعضائها تم انشاء العديد من الفروع
ببعض محافظات الجمهوريه ومنها

المركز الرئيسى بمحافظه الاسماعيليه

فرع جامعه المستقبل
فرع محافظه طنطا
فرع 6 اكتوبر

وجارى الان التجهيز لانشاء فروع عديده لتغطى كافه انحاء الجمهوريه

مع تمنايتى بقضاء وقت متع فى الرابطه
الجنرال ورئيس مجلس الاداره

نشره الاخبار من المركز الرئيسى للرابطه
---
فى خطوه جريئه من مجلس اداره الرابطه تم تخصيص
جزء من ايرادات الرابطه لدعم الساده الديلرات حتى لا يتخطى
سعر الربع 25 جنيها مصريا وهذا لدعم الساده محدودى الدخل

وده واحد عامل اعلان

الان وحصريا في المنصورة
اجود وانقى واعلى انواع الحشيش في مصر
المنصورة ... لا اصل ولا صورة
اتفرج يا سلام
اسطفة عشرة على عشرة
فيها كل ما تشتهيه الانفس
لا عليها برشام ولا بتطفي منك .. وكمان طرية وكلها حنية على صدرك
مبتعملش حرقان خااااااااااالص
الان ربع القرش ب خمسة وعشرين جنيه مصري فقط + 5 جنيه مصاريف الشحن
وعرض خاص لفترة محدودة القرش ب 90 جنيه فقط
نصلكم حتى باب منزلكم
090066666666

مع المصطبحين جروب ... دماغك في ايد امينة

وتحت عنوان : تم فتح باب التعيين فى الرابطة
بعض التعليقات

بناء على تعليمات صريحه من الجنرال تم فتح باب التعين من جديد
لاعضاء الرابطه وعلى المتطوعين للعمل بالرابطه التقدم بطلب المنصب
الذى يريده


وده تعليق تانى

بعد إذنك
انا عاوز امسك منصب رئيس قسم التسويق بالرابطة
وعندى استعداد وامكانيات لفتح اسواق جديدة

احلى تعليق قريتة

عايز اتعين مستحق دعم
ههههههههه

اراكم قريبا
تحياتى
خالو احمد

105 comments:

GiGi said...

اول تعليق هيه هبقى اقرا واد عليك
تحياتي للمدون الجامد احمد الصباغ

لماضة said...

هههههههههههههه
خلاص يا صباغ
انا اتسطلت على الريحه
ينفعش يا خويا تمسكوني مندوبة مبيعات
اهو بدل ما انا بشتغل في شركه ادويه وبتعاطى الا دويه اللى بسوقها
اكيد لما اتعاطى الحشيش هتفرق كتير

آلام وآمال said...

مش بعيد الأدمن بتاع الجروب ده يكون من مباحث مكافحة المخدرات وعامله فخ عشان يتسقطب المحششين ههههههه

GiGi said...

هو ايه اللينك اصل عايزه احطه على المدونه بس هيبقى ليا نصيب يعنى ماانا واسصه برده
عايز تكوش على كل حاجه
تحياتي

المـــفـــــــقــــــــوعـــــة مــرارتـهــا said...

إلحق
كــــــــــــــبـــــــــســــة

يوميات فنانه مفروسه جداا said...

اهو صاحب الاعلان مقالش ابو رغوه بتاعه ده افغاني ولا بلدي يعني كده الواحد يشتري عمياني يعني ولا ايه ههههههههههههههههههههههههههههه

كويس دلوقتي حشيش الله اعلم بكره هتبقي رابطة محبي ايه
اللي يعيش يا يشوف
تقبل مروري
سلام

Unique said...

الغريبة ان عددهم فوق 700 عضو
ومؤمنين بقضيتهم جدا
اللي انا مش عارفة هي ايه
؟؟؟؟!!!!!!!!!!!

Soooo said...

من حوالي سنتين تقريبا قريت خبر في الجرنان في صفحة الحوادث بيقول ان في تاجر مخدرات كان عامل سحب للي يبعتلو رساله اس ام اس عالموبيل بتاعه
وكل ماتبعت اكتر .. فرصتك في الفوز تكتر
وكان سايب رقم تليفونه في السوليفانه بتاعة السجاير اللي لافف بيها الحشيش بتاعه على عكس كل الديلرات اللي بيحطو الحشيش في سوليفانه بلاستيك شفافه

الظريف في الموضوع انه البوليس لما تتبعت الرقم لقت انه مالوش اي بيانات في شركة المحمول .. واضطرو انهم يبعتوله اكتر من عشرين رساله لانه كل ما كانو يتصلو بيه مايردش عليهم

والاطرف بقى .. انه فعلا حدد مين هو الشخص اللي فاز وكانت المباحث بتاعة المكافحه واتصل بيهم عشان يسلمهم الجايزه واللي كانت قرش حشيش .. وبمجرد ماسلمهم الجايزه راحو قابضين عليه

الخبر ده انا قريته وقعت ضحك بجد


وبعدين في ايه ياعم
ماتسيب اللي يحشش يحشش
ولو حلال .. يبقى اديهم بيشربوه
ولو حرام .. طب ماهم بيحرقوه



سلاموووووووووز

nonoymm said...

السلام عليكم
والله دي حاجة تحزن اكتر
ربنا يعافينا
تحياتي

Dr.Amor said...

ده بجد ده ولا إية؟؟؟؟!!!!!!
مش ممكن مش مصدق
الناس دي بقيت مش خايفة من حاجة ولا في دماغها
الحشيش قضى عاليابس والأخضر
تماما

لنا الله يا مصر

ياسر حسين said...

والمقر بتاعهم بقى في أنهي غرزة
:)
صباح الأنفاس

خالص تحياتي

بنت الاسلام said...

ايه ده

مش مصدقة والله

بصراحة ربنا

لو تعرف تبلغ عنهم بلغ

او توصل لاي مسئول

ولاهما المسئولين في البلد مصحصحين قوي

للزي اسراء والمعارضة

لكن الحشيش والمحششين ياحلاوة

ياريت كل الشباب يتكلموا فيه

وياريت حد يدخل علي الجروب ده

وينصحهم

مين عالم

جايز يكسب فيهم ثواب

د/اجدع بنوته said...

مساء الخييييييييييييير ياخالو

احنا ع المدونات بنعمل دماغ عاليه

وهما ع الفيس بوك بيعملوا دماغ اعلى واعلى

وسلامتك يادماغى

Dr.Mohammed Gohary said...

مساااااااااااااااء الخيررررررررررر

موضووووووووووع لوووز لوووز لووووز

تلاته لوووز

يخربيت كدا


أنا مش شايف الكي بورد


بس برضون بحييك

ابقا عدي عندي وخليك جدع

سلاااااااااااااااام

مدحت محمد said...

ههههههههههههههههه

لا اعتقد الحاجات دى بتبقى نوع من انواع التهريج

تهريج المخدرات

او زى ما الام وامال قال كدة

كمين

نهى منير said...

ماهو الحشيش نوع من المعارضة برضك
هاهاهاهاه
بـــــــــــاى

mo'men mohamed said...

دول شباب عنده صداع و صراصير سارحة فى دماغة
جزاكم الله كل خير أخى
السلام عليكم

وجهة نظري said...

المفروض يخلوا شعار الجروب "يا سعاد ... أنا شربت حشيش يا سعاد" .... هههههه

تحياتي

فاتيما said...

مقالوش الزغروف بقى بكام
متسألنيش يعنى إيه زغروف إنا سمعتها كده فى عبود على الحدود
كل شىء فى الزمن الغالمق دا بقى ممكن

مواطن مصرى نايم said...

ههههههههههههههه
انا عاوز اتاكد الاول الحشيش بتاعهم فيه بزر و الا مخلى
جامد يا صباغ
وحشتنى بوستاتك والله
سلام يا جميل

shayma said...

هههههههههههههه
يا حلااااااوة

كده يعنى
طيب مهم بيبعوه فى كل حته وعينى عينك
ميبقالهمش جروب ليه بقى
ده مش بعيد قدام شويه يعملو حزب

حسبنا الله ونعم الوكيل

سلامى يا خالو
:))

صاحب المضيفة said...

صباح التهييس والتحشيش


هو ده الي كان ناقص

ولا على ايه

يعني جات على دي


ربنا يرحمنا برحمته يارب


سلامات يا خال

دعاء مواجهات said...

ههههههههههههههههههههههه

ياخبر ابيااض

ع العياال ماسابووش حاجة بجد

بس حاجة مش غريبة ولا جديدة طبعا

بس قوللى انت بقيت عضو ولا لسة؟؟؟؟؟

قوول قول ومش حقوول لحد

انت عارفنى

بيس..

عروسة ننوسة said...

حلوة اوى الرابطة دى يا صباغ الواحد ممكن يشترك فيها ازاى.....ههههههههه

Oss said...

حلوه الجروب دى
وعقبال محبى البانجو وحقن الماكستون والهيروين مايستخدموا التكنولوجيا فى تعميم تجربة الحشاشين

صباح الخييييييييييير

أسامه يوسف

محمد الكومي said...

انت يا عم ما حطيتش اللينك ليه بس

ولا هو انت غاوي ملاوعة

حط اللينك بالتي هي احسن والا هاقعدلك على باب البلوج لحد ما تطلع الحشيش

محمد الكومي said...

و بعدين يا عبده يا كرف الحتة دي مخروشة و موش بتنفش في النافوخ هي العبارة ايه

يا الا هبلغ البهظ بيه انك بتغش في الصنف

!!! عارفة ... مش عارف ليه said...

إلا حق يا صباغ

الواحد أول ما ينضم للرابطة دي
له قرش حشيش
فررررررررري

اسكندراني اوي said...

هههههههههههههههههههههههه
ايه ده يا خالو هو في كده برضه

آفاق الحرية said...

ههههههههههههه
والله شباب زي العسل
هيعملوا ايه بس
اللي اعرفه ان الحشيش هي الحاجة الواحيد اللي بترخص
صباح العسل

مـحـمـود فـرج أحمد said...

من حق كل مواطن إنه يستمتع بنفسين حشيش اصطباحة كل يوم

دي أقل حقوق المواطنين يا صباغ .. ولا انت شايف ايه؟؟

سومه...مجنونه فى بلد عاقل said...

هههههههههه انت بتهرج ولا دا جد دى نصيبه لو الناس دى بتكلم جد
انا عاوزه ابلغ عن زعيمتهم الكبيره الاستاذه الفاضله نانسى عجرم حشيش حاجه تيجى كدا ....وهى دى اللى بدات الترويج
تحياتى ليك سومه_87

بطوط حبوب said...

ولسه ياما هنشوف فيك يا نت
تحياتى لاجمد واحد هنا فى البلوجر

سفينة said...

ههههههههههههههه

لذيذه قوي ياصباغ
......
تحياتي ليك ياكبير


قبطان

إخوانى حتى النخاع said...

ههههههههههههههههههههههههه


لو ينفع أكون مندوب فى البحيرة

أصل العيال عندنا مرخيرها تعبت من الحشيش البابظ دا

عاوزين حشيش حلو

ههههههههههههههههههههههههههه

تشكر يا باشا على البوست الحلو اوى داا

اخووووك

Sharm said...

مش دي اعلانات شركة حشيمصر ش.م.م

همس الاحباب said...

هههههههههه
بجد احنا شعب مسخرة وابن نكته
بس ايه المصطلحات الغريبة دى ولا انا مش من البلد دى
هههههههه
تحياتى وتقديرى

همس said...

الموضوع دا جد ولا تهريج

اصلى مش مركزة فى الريحه دى



انا هعترف من اول اصطباحه

عاشقة القمر said...

ههههههههههههه .. الحشيش بقى دليفري كمان وتوصيل الطلبات للمنازل وبتاع .. سعر المنتج ثابت سعر الشحن ثابت اينما كنت .. ههههههه
شكرا يا خالو على المعلومات الجديدة دي

كراكيب said...

ههههههههههههههههههه
حشييييش؟؟؟؟ بص انا طول عمري شكة ان جارنا اللي تحتينا تاجر حشيش مع انه يبان انه مؤدب ودمه خفيف جدا
فمش بعيد يكون هو ده صاحب الاعلان ده..
خلي بالك من نفسك انت بس لا الجنرال الكبير يعرف انك منزل الموضوع ده ويحصل عملية خطف بقى زي اللي بنشوفها في الافلام كدة
خالو خالو خالو.. اهم حاجة في الموضوع ده اني انا ضحكت :) :) :)

مروة جمعة said...

حتى الحشيش في مصر مضروب
ماله يعني حشيش الأنارب ههههههههههههه
هو لسه ما وصلش الزقازيق.. الحمد لله اننا محافظة متأخرة

أول مرة اعلق في مدونتك لكنها مش المرة الأولى التي أزور المدونة فيها
مميزة و حلوة
وصباح الورد
:)

أسير حبيبتي said...

السلام عليكم
عمنا كلنا
اول زيارة ليا عندك
بجد مدونتك عجبتني جدااااااا
واضح انك بذلت جهد كبير فيها
احييك جدا عليها

تحياتي
عدنان

الباحث عن الحقيقة said...

مستحق دعم
هههههههههههه
هههههههههههه
احسن حاجه تعملها البلد دي انها تحشش فعلا
ده العلاج الوحيد للشعب محدود الدخل اللى يقدر بيه ينسى مشاكله اللى مش بتتحل ابدا دي

مروة الزارع said...

أية دة يا خالووووووووو

حشيش فايدة فيك

هههههههههههه

tamer.sala7 said...

ايه الدماغ دي

حـنــّا السكران said...

أرجو لفت نظرهم إلى مناقشة مسألة التوزيع الخارجي في اجتماعهم القادم ..و إذا كان هناك إمكانية لعمل اتحاد عربي للحشّاشين ..لأجل أن يكونوا جبهة واحدة في سبيل ( السلام الدماغي و المزاجي ) الذي يعتبر حق مكتسب لكل إنسان .

اهو ده عيبه said...

يا خرابى
هو فيه كده دى دماغ مكتلفه قوى
وعاملين شغل مفيش بعد كده وحاطين اهداف مشروعه ومن حقهم ينفذوها
يالا خللى الشعب يعيش وميتحرمش من الحشيش
وانت ابقى اقفل باب المدونة كويس حتى لا يطير الدخان

مع تحيات القرش

ADAM said...

السلام عليكم

أهو كده يا خالو

أول فايدة صح للفيس بوووك

عامة أنا هروح أدور عليهم

أحجز لي بطاقة توزيع


تحياتي لك ولكل محبي الحشيش


آدم

إوعى تكون ناسيني

حــــــراء said...

عنيك عينك كده
ياجمال الشباب المهيس
بمجرد متشوف كده فلتعلم يقينا انك فى مصر
والله لو تعرف مكان لهم بلغ عنهم
مع خالص تحياتى
تقبل مرورى

حاجات جوايا said...

السلام عليكم ورحمة الله وبركاته

شباب مصر ده والله غلبان
مش لاقى حاجة يعملها فبيسلى نفسه وبيهرج
أحلى حاجة فى شعبنا خفة دمه رغم الكبت اللى بنعانى منه
ربنا يصلح الحال

دمت بخير أخى

سالى

أية الشقية الشعنونة said...

احم
يا رب يا ساتر
كح كح كح كح
ايه الريحة دى
اية ده صالون ثقافى امممممممممممممممم
ازيك يا خال
ههههههههههههههههههه
ايه يا بنى القلبان ده
اية ده انا ايه اللى جابنى هنا
الله الله
بقالى كتير غايبة ومش بدخللك يا خالو احمد بس ان شاء الله هقرفك
خلصت امتحانات وهزهقكم
بس لما اعرف الاول انتا بتشتغل لحساب مين
ههههههههههههه
تحياتى

دعاء مواجهات said...

اية ياعمنا

انت فينك؟؟ اختفيت فين كدة

طمننا علييك

هو النت لسة فااصل ولا اية؟؟

عندى خبر حلو..

بيس

___________________________________

بدعوك انت وكل الناس الحلوة دى لزيارة المدونة المختلفة دى

http://3la7orytna.blogspot.com/

صحفية روشة said...

جامدة اوى اهداف الرابطه يا خالو

أحسن تـستاهـل said...

مها ميهو: رافعة ايدها
خالو احمد: ايوه الانسة الكتكوتة ايوه الكاميله دي اتفضلي قولي سؤالك
مها ميهو كلها كلها كلها خجل: انا بقتشرح حضرتشك نعمل رحلات للبلاد المجاورة لتبادل الخبرات في اخدان النفس ولف السجاير وغسل المبسم ونفخ الدخان وجميل لو عملنا حضرتشك يونيفورم كده ونعمل في كل مركز شيباب خيمة او كشوك لينا يبيع حضرتشك بانجو وساندويتشات كبده
كخخخخخخخخخخخخخخخخخخخ :)

وومن said...

خالو
ماشاء الله د التطور الطبيعي للتغيب الشعبي
ودليفري كمان اوعي حد يجيب سيرة لماما
هاتحبس الواد اخويا في البيت وتشيل التليفون وتقول القيامة قامت خلاص

NIDAAL PAL said...

بصراحة يا صباغ انت بتجيب مواضيع عالية اوى و بتعمل دماغ عالية اوى اوى
بس ممكن تتوسطلى فى مناقصة الحشيش الجاية
و ترسيها عليا و ليك الكوميشن بتاعك يا عم
و مصاريف النقل على انا .. بس انت بقى تأمن الطريق و على راى الاخ بتاع الكومنت .... يوجد امكانية فتح اسواق جديدة
" الشباب يعملوا ايه يا صباغ غصب عنهم و الله خليهم ينسوا "
تحياتى
نضال

dodda said...

حشيش!!
حشيش يا سعاد!!

عموما انا حقول ان ده الحق المكفول لكل مواطن فى التهييس...

المنسى said...

حشيش حاجة تيجى كده
مع إنى مش فاهم حاجة خاااااااااالص
بس ماعلينا
مررتلك تاج ياخالو ياريت تبص عليه


وسلملى عالحشيش

سفينة said...

مساء الفل ياصباغ

قصدي صباح الخييييييييييير

والله مانا عارف اصل انا عضو اساسا في الرابطه دي
...........
عازمك عندي علي فنجان شاي ياريت تنورني نشربه سوا وآخد رايك في موضوع


مستنيك متنساش
..............
خالص تحياتي

قبطان

نوره الخشن ــ آي و كفاية said...

فرع 6 اكتوبر

فضحتي بئت بالالون

هتكسف اقول من 6اكتوبر لأتشبه

العالم دي متخلفين مالهم متحمسين للحشين كده ليه كأنو حاجة اساسية قمح مثلاً


صباغ انا نفسي اعمل جمعية لدعم البنزين اه والله الموضوع ده تاعبني بجد
ينفع؟؟؟
واهي حاجة مفيدة لحسن بئى مولع ناااار بجد

رامز عباس said...

الرجاء الدخول

عندى يا صباغ


كاتب موضوع ومحتاج

لراي


واتتطلع لو اخواني المدونتيه يدخلوا وبلاش يعلقوا بس يقراور بجد اخر موضوعاتي

Cold air said...

كده برده يا خالو
فتحت عيوني علي الحاجات دي
طاب مين اللي هيفهمني دلوقتي
أنا مش عارف حاجات كتيرة فى البوست ده
يعني ايه رابطة
و يعني ايه أوفس ده

عزائي الوحيد

اني فاهم كلمة الحشيش
بس بجد يا خالو سعر أسهم الحشيش نزلت

وأسأل محشش ولاتشألش طبيب

wafaa said...

عمااااااااار يا مصر

أحمد سلامــة said...

هههههههههههه
ايه البوست الدماغ ده يا عم صباغ
بس واضح ان الناس دي عندها رسالة
إوعى يا عم تكون انت اللي عامل الجروب
منا عارفك
دماغ :) وتعملها

mostafa rayan said...

حلوة دي
تحياتي ليك
وايه اخبا الكتاب باعم ؟

أمل فتحى عزت said...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

ايمى said...

هههههههههههه اشمعنه الاهلى ليه رابطة

يالهوى هى الدنيا بقت سايبة كده وانا مش حاسة بيها

سلام يا خالو

حنين.. said...

انا بتهيقلى انهم عملوا الرابطه دى تهريج, بس اكيد هما على درايه كبيره با الحشيش وكمان مليون فى الميه بيشربوه. وعلى فكره عادى انى اى احد مننا يشوف الحاجات دى, والله فى قهوه فى الشارع اللى جنبنا بيتشرب فيها حاجات من دى والناس كلها عارفه , طبعا الشارع مشبوه واى حد يدخلها برده مشبوه..... بس موجوده. والله حاجه تحزن القلب, الغريب انهم فاقين يكتوبوا, فى اهدافهم, حل مشكلة الشباب وكدا

bocycat said...

هو الحال وصل بالشباب للدرجة دى ... ده اسمه ايه بقى اوقات فراغ مثلا ولا ايه متهيألى دولا ناس عايزين يضحكوا ويهذروا وبس ... عموما ربنا يهدى

شفقة هانم واحسان بك said...

انا زعلانه ايه انت ما بتزورش حد خلاص مش هندخل معاك الجمعية
شفقة

Sherif said...

سالخييير

جروب آخر مزاج

تحياتى لاختيارك

كلاكيت تانى وتانى said...

يا صباغ انت وصلت للجروب دة ازاى يابنى انت لازم كنت محتاج حاجة وبتدور عليها ههههههههه بس انا عارفاك ملكش فالصنف خالص بص اوعى تكون اشتركت فالجروب احسن تكون بتفكر تاخد توكيل المدونين ولا حاجة وبصراحة ممكن العدوى تنتشر لاننا كلنا محتاجين نهييس من وجع دماغ الدنياااا
تحياتى وابعد عن الجروب دة احسن والله الغى الخطوبة
مش خطيبتك نجحت فالاعدادية بمجموع كبير وخلاص فالثانوية كلها سنتين رتب نفسك بقى هههههههه
تحياتى

دكتور بهــدوء said...

ياااحبيبتي يااامصر

دايما كده الافكار م عندنا
والوحده العربيه تطلع من عندنا
ربنا يخلينا لبعضنا
وما يطلعش واحد مننا
يقول ده مش حقنا
نشيش ونريح نفسنا
ده يبقي اكبر حلمنا
ايه ده
انا اتسطلت ولا اييييييييه

šσяšαяαα said...

حشيش حاجة تيجى كدا اهدى يابنى كدا ولفلك صاروخ زى زمااااان
يابنى اسمعنى هاتمخمخنى هتاخد لفة كمااااااان
تيرارارا

وبم ان الواحد خالى شغل يبقى كويسة اوى الفنصة دى وهيا بنا نلعب
قصدى هيا بنا نظبط نفسنا :)

ياحلاوة ياولاد.. ناقصة هى جنان فى البلد

وسلااااااااام

الشنكوتي الكبير said...

لا بصراحه يعني جروب جامد جدا
انا عن نفسي اشتركت فيه اول لما شفته

بس للأسف بقالي فتره مش عارف ادخل على الفيس بوك تقيل جدا وبيهنج كل لما افتحه فزهقت منه بصراحه ومش عارف اعمله ايه

عموما تشكر على الضحكه الحلوه على الصبح

سلاااااااااااااااااااااااام

خالتى بمبة said...

طيب يدعمو الحشيش ويشيلو الدعم عن رغيف العيش عشان الشعب كله يبقى في الضياع اهو ده اللى ناقص

ahmed a.aziz said...

slamo 3lekom
ezayak ya ahmed

Abo 7anf said...

السلام عليكم
يعنى يبقى فى فرع فى جامعه طنطا
ومحدش يقلى
ملحوقه
وشكرا على المجهود العظيم من اج تعليه الدماغ
هو حضرتك مخاصم مدونتى

النجم القادم said...

هيههيههيهيهيهيهيهيهيه

خالو هيفتح شركة حشيش حاجه تيجى كده

ايه اظن انى خلاص اتعين ولا عاوز وسطة وكوسه فى دى كمان

هههههههههههههههههههه

خلاص بقى

على فكرة حضرتك ليك تاج عندى ابقى تعالى خده من عندى تاج من تاليفى

miro said...

هههههههههه واللهي الشعب المصري ده ليه حق يشرب حشيش عشان ينسي الهم اللي هو فيه .
ده اول تعليق ليا في المدونات كلهااااااا.

سفينة said...

صباغ

انت فين ياعم يارب تكون بخير وكله تمام

قول اي حاجه طمننا عليك

وعرفنا سبب غيابك ده

خالص تحياتي

قبطان

Hosam Yahia حسام يحى said...

ايه ده


انتا بتتريق على الرجاله

كانوا هيبعتولك نص قرش عشان الاعلان بس كده خلاص

:d

اللى ما يشترى يتفرج said...

تسلملى خبيبى ويا ريت تشوفلى تربة حشيش أو سيجارة أو كوكو الصغير معاك أصل دماغى خرمانة خرمانة

اللى ما يشترى يتفرج said...

على فكرة يا خالو أحمد أنا لسة مبتدئ فى التدوين وكان نفسى أحضر اجتماعكم النهاردة فى الاسكندرية بس للأسف مش هعرف لظروف خاصة بس ياريت تفيدنى وتاخد بإيدى علشان ألعلع فى عالم التدوين

david santos said...

Excellent post, my friend, excellent!
Happy weekend.

على الزيبق said...

الدعوة لحظر الحزب الوطنى

لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى


قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه

ان مثل هذا الخبر كفيل بزلزلة عروش وقصور
هذا الخبر فقط يستطيع أن يفكك أوصال السادة اعضاء هذا الحزب وقياداته

اتمنى أن نناقش هذه الفكرة وأن نبحث فى سبل تحقيقها
والباب مفتوح لتقديم مقترحات وأفكار أخرى من أجل أنجاح هذه الفكرة
ومعاً من أجل حظر الحزب الوطنى ( الديمقراطى )

Ihab Omar said...

انت لو تفرغت للغطس في الفيس بوك يوم كدا او 48 ساعة هتلاقي العجب
ناس فاضية و الله
اخر حاجة من النوعية دل شفتها كان جروب اسمه الاتحاد العالمي للشباب السيس !!

أحسن تـستاهـل said...

يا ابني يا ابني

انت عملت دماغ وتوهت عن المدونة ولا ايه؟ نهار ابيض ده ماكانش بوست ده اللي هيضيعك
ليه يا ضينايا كده وانت لسه صغير تعمل في نفسك كده
انا مش ميت مرة اقولك ما تمسكش سلك عريان

لا حول ولا قوة الا بالله،، انت ف مصحة طيب ولا في الاسبوتاريا ولا فين

قادر كريم يردك سالم غانم

مها ميهوووو

egyboy said...

أقترح يمسكونى خدمة العملاء وأنا هازود المبيعات ولا ايه ياعم أحمد

وكنت عايز أستفسر منك هو كتاب مدونات للجيب موجود فى المنصورة

مصطفى

حاتم عرفه said...

أحلى تحية وأحلى دماغ يا عم
بص يا خالو.. البلد دى نفسها عالى قوى ودماغها أعلى
والخير فيها من زمان
وربنا يكرمهم

معاك المصمم الجامد وزميلك فى الكفاح
و كل (شاورما) وانت طيب
ههههههه
بالإذن يا عسل

سومه...مجنونه فى بلد عاقل said...

خير اللهم اجعله خير فينك يا صباغ
سومه_87

ابتسم من فضلك said...

موضوع هايل ربنا يوفقك من حسن لاحسن

عاشقة القمر said...

لا حول ولا قوة الا بالله .. هو خالو راح فين ؟؟؟ .. حد بلغ عن البوست ولا ايه يا جدعان .. ربنا يستر ويرجعك بالسلامة يا خالو .. ويطمنا عليك بدل الغياب الصامت ده .. لعل المانع خير

وفاء بركات said...

السلام عليكم
ازيك كتيييييييييييييير خالص يارب تكون بخير ....أنا ممكن اصدق إن أي حاجه تحصل في زمنا ده مش بيقولوا إن لم تستحي إفعل ماشئت ...العدو ضربنا في مقتل أملنا في الشباب الواعي من أمثالك ربنا يحميكم
تحياتي

semsem said...

ههههههههههههههههه
هههههههههههههههههههههههه
احب اوزع انا من المنصورة بردو
ههههههههههههههههههه
يا خرابى
بوست بجد حلو
اسفه يا خالو على الانقطاع بجد
بنت اختك سمسم
المسامح كريم بقى
:)))))))))))

سومه...مجنونه فى بلد عاقل said...

خبر ايه يا خااال انت طلعت توزع اتقفشت طيب كح عشان نعرف انك على وجه الحياه

Dr.Hammood said...

بجد بجد جااااااامدين العيال دي

ensana said...

التعليق رقم 98 ... :)

هو الحشيش يضايق حد لا سمح الله .. أي حاجة تاخد عقولنا لهنااااااك .. أهلاً بيها في بلدنا المصون

عاقلة علي ارض الجنون said...

بجد بجد لحد دلوقتي مش مصدقه

بس هي فكره فظييييييييييييعه

و يجب ان يصل الدعم الي مستحقيه

قصدي الرساله الي اصحابها

بجد فكره جديده

و يا رب اكون فهمت صح

ياسمين

نوته و قلم

GiGi said...

مبرووووووووووووووووووووووك على شكل المدونه الجديد تحفه الله اكبر

Ahmed Al-Sabbagh said...

شكر وتحية وتقدير
لكل المعلقين على هذة التدوينة
اشكركم بشدة
احمد

three friends said...

this is my blog
http://www.elharankash.blogspot.com/

احمد رشدي said...

مركز شباب الحشاشين كلو يدخل معانا ويعمل دماغ http://www.afrkano.com/vb/f56.html

Anonymous said...

Set оut uns helfеn ԁie hаwaiianisсhе Sprache zu meistern.

This interventiоn where Tаntric Maѕsаge neеdles агe attached to a gimmick that geneгatеs uninterrupted Galvanizing ρulses, generating a
little Galѵanising stгeam that flows betweеn pairѕ of needleѕ.

Ajankulua eі huomaа оllenkaan gο *gοdsend* with the notion of
the сгowd.

my web page - web page

Akhadiwi Rajie said...

There are some interesting points in time in this article but I don’t know if I see all of them center to heart. There is some validity but I will take hold opinion until I look into it further. Good article , thanks and we want more! Added to FeedBurner as well
Timesdirect.net
Videolinkz.us
Workpost.com