خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jun 30, 2008

التدوين جنب البحر


أصدقائى وأحبائى
أنا شايف أن التواصل على أرض الواقع من أهم عناصر التدوين المفيد ، ولا أحب الإكتفاء بالتدوين خلف الشاشة والكيبورد ، ورغم أن مجال عملى هو مجالا علميا بحت ، إلا إننى أحرص على حضور اللقاءات أو الندوات أو حفلات التوقيع أو حتى المؤتمرات السياسية أو الأدبية بالإضافة الى لقاءات أصدقائى من المدونين ،لإنى بلاقى فى اللقاءات دى استفادة كبيرة ومتعة عظيمة بسبب التنوع الرهيب فيما يقدمة المدونون من أفكار وألوان الابداع وحب الوطن واتجاهات فكرية وثقافية متنوعة ، ولذلك ربما أتاخر أحيانا فى الكتابة فى المدونة لفترات ، وشايف إن من حق أصحابى عليا إنى أعتذر لهم فى كل مرة أتأخر فيها عن الكتابة
وانهاردة هحكى لكم عن لقاء المدونين الكبير فى مدينة الاسكندرية
واللقاء ده بدأ التخطيط له لما عزمونا - أنا ومجموعة من مدوّنى القاهرة - أصدقائنا مدوّنى الاسكندرية .. وبما إن الدعوة كانت موثقة بعزومة على العشاء وفسحة جميلة ، فقد وجهت الدعوة من صالون الصباغ للمدونين وتحدد يوم الجمعة 27/6/2008 للقاء مدوّنى مصر بالاسكندرية
وتفضلت جمعية مصر للثقافة والحوار من خلال الصديقتين هناء صابر صاحبة مدونة تعالوا ، ومها عمر صاحبة مدونة تفاصيلنا بإستضافة لقاء المدونين ، كما أعلن الشاعر المصرى الاستاذ عبد الرحمن يوسف عن رغبتة حضور لقاء المدونين
وفى يوم الجمعة سافرت مع مجموعة من أصحابى المدونين للاسكندرية
بدأ اللقاء فى الثانية ظهرا وكنا على موعد مع الشاعر عبد الرحمن يوسف فأبهرنا بأربع قصائد وهى
قصيدة التفاؤل
قصيدة الظلم ظلم
وقصيدة عاطل وألقاها لأول مرة
ثم قصيدة بعنوان بين قصيدتين

ثم طلب الاستاذ عبد الرحمن ان يستمع لبعض أشعار المدونين
فأنشد كل من أحمد سعد دومة و محمد عبد القوى بعض قصائدهم
وفى نهاية الفقرة قمنا بأخذ اللقطات التذكارية
الشاعر عبد الرحمن يوسف مع إبراهيم عادل و أحمد الصباغ و أحمد سعد دومة وقطب حسنين

كلمة من عبد الرحمن يوسف للمدونين

تذكار عبد الرحمن يوسف للمدونين
( من محمود الدوح )

لمشاهدة ألبوم صور كامل للمدونين مع عبد الرحمن يوسف
إضغط هنا

لمشاهدة لقطات الفيديو لفقرة الشعر
إضغط هنا


ثم بدأ لقاء المدونين ودارت نقاشات ومداخلات ودردشة شارك فيها الأغلبية العظمى من الحضورمها عمر بدأت اللقاء بالحديث عن قصتها مع التدوين

شمعى أسعد ضرب مثالا رائعا فى النقد البناء لكتاب مدونات مصرية للجيب وتداخل مع حاتم عرفة مصمم الغلاف وقدم العديد من الاقتراحات والملاحظات البناءة

محمد الكومى .. ملك الكبدة تحدث عن مشاكل الاسكندرية
ودور المدونين فى مناقشتها واظهارها

هناء ومها قامتا بمجهود جبار لتنظيم وانجاح اللقاء

هشام علاء تحدث عن تجربتة فى التدوين وعن تجربة مدونات مصرية للجيب

صورة جماعية

لمشاهدة ألبوم الصور كامل للقاء المدونين
إضغط هنا

لمشاهدة فيديو لجزء من حديث لماضة وأدم المهدى وحاتم عرفة
إضغط هنا

لمشاهدة فيديو لجزء من حديث الدكتور عمرو أبو خليل
إضغط هنا

لمشاهدة فيديو لجزء من حديث شيماء الصباغ ومحمد الكومى وشيماء بشرى
إضغط هنا

ثم أعقب لقاء المدونين الغداء ثم رحلة على كورنيش الاسكندرية وأيس كريم وزيارة لقلعة قيتباى
وكانت حقيقى رحلة اكثر من ممتعة

وكانت الرحلة قد شهدت العديد من الظواهر التدوينية الميكروباصية

حالة إبداع ميكروباصى
وحالة تهيس ميكروباصى
وحالات من الغيبوبات الميكروباصية
كما كنا فى حالة مجاعة عارمة أثناء ما نسمية بالاصطباحة فى رمسيس

وبيستغلوا أجازة الصيف وبيغلوا اجرة المواصلات

لمشاهدة ألبوم صور الرحلة

إضغط هنا

كما قمت بإلتقاط مجموعة كبيرة من الصور الرقمية لبعض الأماكن الهامة بالاسكندرية

لرؤية ألبوم لمحات من الإسكندرية على الفيس بوك إضغط هنا


قائمة الحاضرين
-----------------

أدم المهدى – مدونة ادم المهدى

محمود الدوح - احنا وهما

عادل – مدونة احرار ولكن

سعيد الشريف - مدونة الايجابية والاصلاح

ابراهيم عادل – مدونة أنا وأنا

محمد عبد القوى على – مدونة قلم الحرية

هيثم الدهشان – همسات العشق

خالد الامير – مدونة شباب مصر الاحرار

هانى جابر – مدونة بحب الحرية

محمد الكومى صاحب مدونة ملك الكبدة و مدونة ليبرالى مصرى

جومانة حمدى – مدونة أنا والاتى

احمد سعد دومة – مدونة لاننى احببت و مدونة شاعر اخوان

يحيى عمرو على مدونة أينشتين

أسماء – مدونة نبض اسكندرية

اسماعيل محمد – مدونة اسكندرانى

هشام علام – كلام هشام

اميرة محمد – مدونة انها اساطير الخريف

شيماء بشرى – مدونة شقاوة شعب

مروة مصطفى – مدونة د.منوسى ومدونة أنا اهتم

شيرين العقاد – مدونة احلام مواطن على الهامش

ايمن محمد ادم – مدونة حال الناس

محمد عطية احمد عطية ( محمد الشاعر ) – مدونة الشاعر

حاتم عرفة – مدونة جامع الفراشات

اميرة ابو الخير – مدونة سهر الليالى

احمد سوو – مدونة عجوز وعندى 30 سنة

دكتورة مروة عامر – مدونة لماضة

هيثم أبو خليل – مدونة متر الوطن بكام و مدونة ياللا نفضحهم

محمد رشاد محمد – مدونة المنسى

مدونة محدود الدخل

قطب حسنين – مدونة جيفارا مصر

محمد احمد عبد الجليل – مدونة سحابة وتعدى

شريف عصام الدين – سيبو ف حالو

شمعى أسعد – مدونة قصاقيص ورق

طارق حسين – مدونة أخبار سكندرية مصورة

اسماعيل الاسكندرانى – مدونة أنباء الأسكندرية المصورة

مصطفى المغربى – مدونة غنى يا بهية

شيماء الصباغ

(اذا كنت قد حضرت اللقاء ولم تجد اسمك فى قائمة الحضور برجاء التنبية فى صفحة التعليق)

وأخيرا

شكر خاص لكل المدونين الاسكندرانيين اللى اكرمونا بجد

وشكر خاص لهناء صابر ومها عمر لإستضافة اللقاء فى الجمعية

وشكر خاص لمحمود الدوح وهيثم الدهشان وإبراهيم عادل ومحمد الشاعر

للمشاركة فى التنظيم والتغطية والتصوير

وشكر لمجلة كلمتنا على تغطية اللقاء

وشكر خاص لدكتورة لماضة وشمعى أسعد ومصطفى المغربى
وشكر لكل المدوّنين اللى حضروا اللقاء

والى لقاء فى لقاءات تدوينية قادمة
تحياتى
أحمد الصباغ
--------------
هامش: يوم الاربعاء الماضى كان فى ندوة فى المجلس الأعلى للثقافة وتم استضافة مجموعة كبيرة من المدونين منهم أنا وأحمد مهنا وإيناس لطفى وإبراهيم عادل واحمد سلامة وهدى جمال الدين ، وتم تسجيل حوار معى للبرنامج العام يذاع يوم الثلاثاء الساعة 6.40 مساءا وسوف اقوم قريبا بكتابة نبذة عن هذة الندوة .. لرؤية بعض صور الندوة على الفيس بوك إضغط هنا

83 comments:

مع اصرارى said...

الصفر أغرانى فقلت الحق أول تعليق
حمد الله ع السلامة يا أبو اسكندر
تعيش وتصيف والمرة الجاية يا رب أكون معاكم
متشكرين ع التفاصيل الهايلة اللى فى التدوينة أنا لسة هاراجعها كويس وأكيد مفيدة جدا
تقبل تحياتى

حاتم عرفه said...

جامع الفراشات يحييك يا أبو خالو

تغطيتك رائعة فعلا..
فوجئت بشكلى على اليوتيوب (أوسم مما كنت أعتقد بكثير) أظن أنني سأفكر كثيرا قبل أن يصورنى أحدهم بالفيديو بعد الآن..

أحييك على مجهودك.. كان يوما جميلا فعلا
ماقولتليش صحيح .. الشاورما عملت معاك إيه ؟؟

يلا خليها علينا المرة دى.. والمرات القادمة بإذن الله ستكون أفضل.. ونأكلك عند نفس ذات الشخص

دمت بخير

صاحب المضيفة said...

كالعادة ... تميز رايق يا خال


على فكرة انت المفترض انك تشتغل صحفي مش مهندس زراعي


ربنا يبارك لك على مجهودك الجميل ده



تحياتي

Dr.Mohammed Gohary said...

طبعا يا صباااااغ

انتا عارف قد ايه بتقطع من جوا اني ما كنتش معاكو

بس متعوضة ان شاء الله


بكرة أخلص من الإمتحانات يا كبير

وافضالكم بقااااااااا


تحياااااااتي يا جميل

بس فين مصطفي مغربي

مش باين في الصور
واوعا تكون ما وصلتلوش السلام

أزعل منك واحرمك من الميرااااااث

بس عجبتني أوي حته اصطباحة رمسيس

تحياااااتي يا خالو

دمت سالما للبشرية
ولعالم بلوجر
وعالم سمسم

سلامو عليكو بقااااا

ضيعت وقتي الثمين النفيس

ست البيت said...

خالو أحمد ،،
4 أيام قبل أن نجد التغطية على المدونة
وأنا اللي ما كنتش عاوزة اغطي اللقاء مستنية اشوفه عندك
عالعادة نورتوا اسكندرية وحوار رائع وراقس وإدارة الحوار كنت على أعلي مستوي يبدو ان الشباب ابتدي يعقل فعلا فرحت قوي لما مالقيتش في اللقاء المذيعة اللي بتقوم بضور الضيف والمذيعة والمخرج-من حيث ضبط الكادرات- لقاء جميل والمرة الجاية تبقى في القاهرة-إن شاء الله- وابقى متقولناش يا خالو -وشوف حنعمل ايه....متألق كعادتك
في حفظ الله

سومه...مجنونه فى بلد عاقل said...

عود احمد
وفعلا واضح حاله المجاعه ههههه
تغطيه جميله تسلم عليها
تحياتى ليك سومه_87

هناء صابر said...

شكرا لك يا أبو الخال على تلبية الدعوة و انكم شرفتونا فى اسكندرية ...
الحمد لله ان اللقاء كان ناجح و قدرنا نطلعمنه بأشياء ايجابية كتيرة ...
أروع الأشياءئ اللى حصلت ..اننا اتعرفنا على بعض و ابتدى بيننا حوار مميز و ايجابى جدا ....
تحياتى لكم جميعا ..لكل من حضر اللقاء و أكيد خص بالذكر أخويا الصباغ على مجهوده الرائ و المميز جداجدا فى ادارة الصالون ....
وكالعادة تغطية هايلة لليوم ا صباغ ...ربنا يوفقنا ان شاء الله و نستعد للقاء الثانى فى أى محافظة أخرى ...
وطبعا تنورونا تانى ى اسكندرية ...
تحياتى
هناء صابر
جمعية مصر للثقافة و الحوار -مقر الإسكندرية

محمد الكومي said...

تمام يا ابو المخاليل بس ليه انت كاتب اللينك بتاعي غلط

اللينك الصح اهوه

http://egyptian-liberal.blogspot.com/

و عموما نهورتوا اليكس و تنوروا دايما يا سيدي

و يا رب لقاءات تانية قريبة ان شاء الله

مدحت محمد said...

ياللا حمد الله على السلامة يابو حميد

تغطية ممتازة منك

ربنا يكتبلك اللى فيه الخير دايما

جومانا said...

أستاذ أحمد

أنا الي عجبني اوي في التدوينة دي

رسمة الميكروباص

والاجرة تلاتين جنيه يا مدونين

ماشاء الله تعيش مصر حرة مستغلة

لا بجد تدوينة جميلة وتغطية رائعة

:)

فاتيما said...

ألف مبروك على النيولوك يا صباغ
عقبال ما تجهز شقة الزروجية يا عم
و شقق المخاليل كمان
زيارة رائعة و كعادتك مميز فى تغطية التفاصيل
أنا هروح اغوص بقى فى الفيديوهات
عاوزة أشوف ناس كتير
و أولهم لماضة القمر
تحياتى يا أبوخالو

اسكندراني اوي said...

والله يا خالو كنت حموووووووووت واكون معاكو
والله مبسوط اوي انكم انبسطتتم في اسكندريه

تحياتي يا جميل

mohammed alsha3r said...

متألق دايما ياصبااااااااااااااااااااااااااااغ

أحمد كمال said...

شكرا يا أبو حميد على التغطية المتميزة كالعادة ، و كل لقاء تدويني و انت طيب :)

شفقة هانم واحسان بك said...

حلو اوى اوى البوست والصور يا احمد .....انتى صحفى ممتاز
ابقى تعالى زورنا
شفقة

عصفور المدينة said...

ربنا يبارك فيك يا أحمد وينفع بجهدك

rovy said...

السلام عليكم و رحمة الله و بركاته
اكيد اسكندريه كانت منوره علشان كده يوم الجمعه وانا مش عارفه ..
انا اسكندرانيه و ياريت كنت عرفت يمكن كان يكون لى حظ و اقابل الناس الحلوه اللى جت دى كلها على كل حال ان شاء الله المره الجايه اكون معاكم .

تقديرى و تحياتى

rovy

GiGi said...

العزيز احمد باشا الصباغ بجد لقاء تحفه ويارب اقدر فعلا احضر لقاءات من دي قريب امنيه بتمناها يارب تحصل بس ابقى قولى وبجد حاجه ناجحه قوي ويارب الى الاماااااااااااااااااااااااااااام بس حاسب تتخبط
ومليون مبروووووووووووووووك على شكل المدونه الجيدي بجد تحفه اكثر من رائع حقيقه ربنا يكرمك ويوفقك وييسرك دايما لكل خير

Ihab Omar said...

الف مبروك يا احمد علي تحديث المدونة بهذا الشكل الرائع
اصبحت نشرة اخبار المدونين بشكل حقيقي و مكثف
مبروك دائما ً و الي الامام علي طول
تحياتي

بسنت said...

التعليقات فتحت معايا
ففرصه جميله
معلش فرق التوقيت بس انا دعيت كل المدونين قبل ما انزل الواجب نفسه
اتفضل دلوقتى شرف مدونتى وحل واجبك
-----------------------
فكره تجمع المدونين عجبانى اوى وعايزه اعرف بتعملوها ازاىيا ريت لو فى فرصه اشارك معاكم
طبعا لما انزل القاهره ان شاء الله
احمد الصباغ كل الامنيات الطيبه
بالتقدم دايما

بسنت

Eman said...

السلام عليكم ورحمه الله وبركاته

اولا مبروك علي فاعليات المدونين و الكتب و الشهره والمجد احمدك ياااا رب

ثانيا انا جايه هنا عشان شفت تعليقك عن حبا فى رسول الله و احب انوه علي اني كنت حاجيبك حاجيبك شئت ام ابيت : )))) بعد اول محاضره او تاني محاضره من بدء الحمله عشان تساعدها لانك اكتر واحد انا عرفته عبر الاثير الاكتروني فيه حركه ديناميكيه و عزم و وعي : ) المهم يا رييييت تراسلني علي ايمالي eshelbaia@gmail.com عشان حمله حبا فى رسول الله تستفيد منك
وشكرا جدا
واسفه علي الرغي

ابتسم من فضلك said...

راااااااااااااائع انا اول مرة ازور مدونتك لكن شكلك بجد هاااااااااااااااااااااااااااااااااااااايل ورائع فعلا

Amr Adel Amin said...

Hey, thanks for commenting on my blog. I didn't think anyone reads it but I'm glad you do.

Also, my Arabic is very bad but everyone is saying "مبروك" so Congratulations on whatever it is you have accomplished. I hope you continue to do well.

:)

سبهللة عالاخر said...

تغطية رائعة تشكر عليها
ومبروك على اللقاء الذاعى وعقبال التليفزيون ان شاء الله

Sara Abdel Azim said...

hey.. thanks for leaving a comment at my blog! =D Really glad you liked it.. I must say, yours is pretty cool too..

واضح ان ليك عزوة كدة هنا.. مكنتش اعرف ان فى تجمعات للمدونين كدة فى مصر

may I recommend another blog too? I think you'd really like it.. it's written by an egyptian friend of mine.. also like me, currently working on the bachelor thesis in Germany..
anyway, it's http://husfahmy.blogspot.com/

have a nice day!

عاقلة علي ارض الجنون said...

بصراحه بصراحه عاوز رأيي هاااااااااايل

بس زعلانه عشان يا ربتني كنت معاكم :(

بجد كان نفسي آجي اوي

و غير كده ما شاء الله البوست متكلف يعني

ههههههههه

لينكات و كده بصراحه انا بكسل اتعب اوي في البوستات اوي كده
او يمكن البوست مش محتاج الكلام ده
هههههههه

بجد مبسوطه اني رجعت عالم التدوين اوي

ووحشني الناس الجميله دي

و نفسي أبقي آجي معاكم كده في اي حاجه من دي

ابقي اعزمني و النبي يا خالو

عاشقة القمر said...

تمااااااام بجد واضح انه كان يوم حلو اوي ماشاء الله .. والتغطية ليه جامدة جدااا .. في الاول انت قلقتنا عليك بالغياب لكن حاليا بصراحه انا بحقد عليك عشان كنت في اسكندرية .. اه اه اكدب يعني .. بحقد عليك ايوه .. اصل انا اي حد يروح اسكندرية وانا لا احقد عليه على طووول
:)
حمد الله على السلامة يا خالو

البت قباحة said...

الموضوع دة فكرنى بالطريق الى ايلات لما فجروا السفينة اللى مرحش صخ و قال


ياريتتننننننننننننننى كت معاهم

الا فى موضوع ابو ربيع ده

المرة اللى جاية فيها لخفيها

سلامى

ســـــــهــــــــــر said...

غياب و تقصير فى حق مدونه تستحق الزياره

اسفى و امنياتى بالتوفيق

أيمن محمد أدم said...

الصباغ باشا
سعيد جدا اني شفتك مرتين مرة فالندوة ومرة عندنا في الاسكندرية نورت اسكندرية انت وكل المدونين وجميل التغطية وحقيقي مش غريب عليك التغطيات المتميزة وان شاء الله نتقابل مرات قادمة
سواء في اسكندرية او القاهرة

دعوة للأمل said...

جزاك الله خيرا على هذا النقل بجد ربنا يسعدك
الف تحيه لك ولمجهوداتك

يمنى said...

ممكن حضرتك تدخل تشوف الاعلان الموجود على مدونتنا

ولو أمكن ... تنزله عندك في المدونة

http://khadega2000.blogspot.com/

نونو said...

يا نهار ابيض
انا لية الشرف والله انى دخلت المدونة الى كلها مدونين جامدين جدااااا
اية التفاصيل الرهيبة دى
وعايزين نعرف اية الحاجات اللى دونتها جنب البحر

The blog of husfahmy said...

و دى يا سيدى اول زيارة لمدونتك الرررررررررررررائعة فعلا ، و بالمناسبة كل المدونات اللى شفتها عن طريق الموقع هنا ممتازة .. و باحيىّ كل الناس اللى نشطة فى مجال التدوين الحر ..

و اتمنى زيارة العدد الرائع ده من الزائرين و التعليق على مدونتى البسيطة

شكرا

swan said...

السلام عليكم ورحمة الله وبركاته
دى اول زيارة ليا لمدونتك وبجد مدونتك رائعة جدا
واتمنى لك التوفيق والنجاح
تحياتى لك

amal said...

انا كمان اول زياره ليا لمدونتك
رائعه بجد

يابختكو والله بالدعوات دى
انا كمان بحب اللقاءات اللى من النوع دا مع انى عمرى ما عملتها !

بس انا ملاحظه ان اغلب المدونين يا من القاهره يا من اسكندريه

هى بورسعيد مش ع الخريطه والا ايه :D

يلا ربنا يوفقكم جميعا
وسعيده بوجودى فى مدونتك

حسام يحى said...

ماشاء الله

كل يوم اجتماعات

كل يوم اجتماعات

المره الجايه لابد ان احضر معكم

باذن الله

hesham said...

الله ينور ياباشا

:)

و ما تبقاش تحرمنا من الزيارة كل فترة

و يمكن فى يوم من الايام تلاقينى شخصيا ناطط لك على البورصة



الا صحيح يا ابو الصبابيغ

ايه موضوع اول تعليق ده
:)

كل ما اروح فى مدونة و ابص على التعليقات الاقى اللى بيعلق اول واحد فرحان قوى مش عارف ليه

هوا فيه مسابقة و لا حاجة
:)

ما علينا

تحياتى يا عسل

هش

رئـــــيسـة حزب الأحلام said...

بجد جزاك الله خيرا على هذا النقل الوافى للاحتفاليه
دمت بكل خير

mostafa rayan said...

مببروك الرحلة وفي انتظار الأصدار الثاني من مدونات مصرية للجيب
- بالحق ايه اخر اخباره -
سلام

Ahmed Al-Sabbagh said...

مع اصرارى

هههههههه
ان شاء الله تكون معانا

Ahmed Al-Sabbagh said...

حاتم عرفة

تفكر كثيرا ؟؟

ده انت هتاكل ضرررب

بجد اتشرفت بيكى اوى يا حاتم

Ahmed Al-Sabbagh said...

صاحب المضيفة

ربنا يكرمك
طب وايه المشكلة مهندس زراعى وصحفى
واشتغل فى مجلة اسمها الدودة
ههههههههههههههه

Ahmed Al-Sabbagh said...

Dr.Mohammed Gohary

معلش يا واد يا جوهرى

مصطفى مغربى كان مستخبى طول الوقت

معرفتش اخطفة فى صورة

Ahmed Al-Sabbagh said...

ست البيت

ميرسى على التعليق الجامد جدا

ومبسوط ان اللقاء عجبك

Ahmed Al-Sabbagh said...

سومة مجنونة فى بلد عاقل

ايوة وخلى بالك عشان انا سانن سنانى

هههههههههههه

Ahmed Al-Sabbagh said...

هناء صابر

والله مش عارف اقولك ايه يا هناء

بس اقل كلمة

انتى رائعة

Ahmed Al-Sabbagh said...

محمد الكومى

سورى يا ريس على الخطأ الاملائى

واتشرفت بيك كتير

Ahmed Al-Sabbagh said...

مدحت محمد

شكرا يا باشا

بس كنا عايزين نشوفك

Ahmed Al-Sabbagh said...

جومانة

ايه النور ده

ربنا يخليكى

ايوة شفتى الاستغلال

تلاتين جنية الحرامية

Ahmed Al-Sabbagh said...

فاتيما

وكمان المخاليل ههههههههه

ميرسى على كلامك الجميل

Ahmed Al-Sabbagh said...

اسكندرانى اوى

ربنا يخليك وتنورنا المرة الجاية

Ahmed Al-Sabbagh said...

mohammed alsha3r

وانت متألق ونجم فوق العادة دايما

Ahmed Al-Sabbagh said...

أحمد كمال

العفو يارب تكون عجبتك

Ahmed Al-Sabbagh said...

شفقة هانم واحسان بيه

شكرا على المجاملة الرقيقة

وانا فعلا باجى عندكم

Ahmed Al-Sabbagh said...

عصفور المدينة

ربنا يكرمك ويعزك

Ahmed Al-Sabbagh said...

rovy

ان شاء الله المرة الجاية يكون لينا نصيب نتشرف بيكى

Ahmed Al-Sabbagh said...

gigi

شكرا يا جهاد على كلامك الجميل
ويارب دايما متألقة وسعيدة

Ahmed Al-Sabbagh said...

Ihab Omar

ميرسى يا ايهاب

والف مبروك على فرحك السعيد

Ahmed Al-Sabbagh said...

بسنت

تشرفينا يا بسنت

واكيد هقولك المرة الجاية

Ahmed Al-Sabbagh said...

eman

انا اللى بشكرك على اهتمامك ومجيك لحد عندى

جزاك الله خيرا

Ahmed Al-Sabbagh said...

ابتسم من فضلك

ربنا يكرمك

Ahmed Al-Sabbagh said...

amr adel

thank you very much

happy to see you in my blog

Ahmed Al-Sabbagh said...

سبهللة عاللاخر

ربنا يكرمك
اشكرك

Ahmed Al-Sabbagh said...

sara abel azim


thank you

and thanks for your recommendation

Ahmed Al-Sabbagh said...

عاقلة فى ارض الجنون

كل مرة بتقولى كدة يا ياسمين

ومفيش ولا مرة فضيتى

اما نشوف المرة الجاية

Ahmed Al-Sabbagh said...

عاشقة القمر

هههههههههههههه

اه عندك حق والله

انا بموت فى اسكندرية بردو

Ahmed Al-Sabbagh said...

البت قباحة


لا استرى عليا فى موضوع ابو ربيع ده

Ahmed Al-Sabbagh said...

سهر

اشكرك يا سهر

Ahmed Al-Sabbagh said...

ايمن محمد ادم

انا اللى اتشرفت بيك كتير يا ايمن

Ahmed Al-Sabbagh said...

دعوة للأمل

اشكرك جدا على الدعوة الجميلة

Ahmed Al-Sabbagh said...

يمنى

انا فعلا دخلت وشوفتة

Ahmed Al-Sabbagh said...

نونو

هههههههههههه

حاضر هكتبها

بس ماليش دعوة لو اتغرقتوا

Ahmed Al-Sabbagh said...

The blog of husfahmy

اشكرك على المجاملة الرقيقة

واكيد هكون زائر دائم لك

Ahmed Al-Sabbagh said...

swan

اشكرك على المجاملة الرقيقة

Ahmed Al-Sabbagh said...

amal

لا بورسعيد دائما ( ولادة ) بالمدونين

عندك مثلا شيماء الجيزى بورسعيدية اصيلة

:))

Ahmed Al-Sabbagh said...

حسام يحى

تنور يا باشا

Ahmed Al-Sabbagh said...

hesham

انا نفسى مش عارف موضوع اول تعليق ده

يمكن بيعملوا بمبدأ

اللى سبأ كل النبأ

؟؟

Ahmed Al-Sabbagh said...

رئيسة حزب الاحلام

ربنا يكرمك ويعزك

Ahmed Al-Sabbagh said...

mostafa rayan

بخير وفى الطريق اليك

شكرا يا صديقى

Dr.Mohammed Gohary said...

عااااااااااااا

كان نفسي آجي

يلا خير
الامتحانات بقاا نصيب

بس عجبني قوي الاصطباحة

تحياتي يا جميل

Anonymous said...

I did thе imperativeness cookег Method, o'er pinpoints a instinctive painkiller that may be a clue. The benefits of the tantric massage have you beloved eastern European ladies? A reach of different techniques are then indisputable that you ask any questions that you have when you volume the appointee. She provides a fleshly massageat its Karma and nature . I suggest to try porta sensory faculty of intimately being and self cognisance after your tantric massage spa experience.

Also visit my web blog ... webpage

Anonymous said...

A ѕenѕual ехperiencе incluԁes all that ωe are, from the ѕpecіalist;
tantric maѕsage is ωhat I do.


Feel free to surf to my blog :: homepage