خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jul 4, 2008

تاجين فى الراس توجع


دول تاجين إتزقو عليا

التاج الأول من العزيزة جدا لمــــــاضة هانم سبع الليل ، والغالية جدا مروة هانم مدحت البندقدارى الشهيرة بقباحــة ..ده اسم الشهرة بس انما هى فى الواقع لسانها ... طويل جدا هههههههه


السؤال الأول : خمسة أحلام كنت بحلمهم في الماضي
------------------------------------------------------

بحلم بيوم .. أشوف الشفايف بتتكلم كلام فيه حب
أحلم بيوم .. أشوف الناس ما عرفوش الجراح ف القلب
بحلم بيوم .. أشوف الدروب ما فيهاش دموع أحزان
أحلم بيوم .. أشوف بكرة بيزرع ضحكة للإنسان
أحلم بيوم تشوف عينيا فرحة قلوب الصابرين
وأشوف الحيارى في طريق الامل ماشيين
وأشوف اللي هاجر راجع هنا لمكانه
وأشوف اللي يائس .. جفت دموع أحزانه

ينفع ده ؟؟؟


السؤال التاني : خمسة أحلام بحلمهم للمستقبل
-----------------------------------------------

هو حلم واحد بس اعتقد انه كفاية اوى .. ان مصر تبقى احسن دولة فى العالم وتتخلص من كل الحرامية والنصابين .. والفلوس المنهوبة ترجع .. والموارد المهدرة ترجع .. والشباب يشتغل بكل طاقتة ويبدع .. كفاية الحلم ده ولا ايه ؟؟

السؤال التالت : شخصين موجودين بحياتى و مبسوطة انهم موجودين فيها؟
---------------------------------------------------------------------------

صديقا عمرى وكفاحى وعمرى : وائـــل وحســــــام


السؤال الرابع : شخصين موجودين في حياتك وكنت تتمنى وجودهم
--------------------------------------------------------------------

هذا السؤال يصعب على أمثالى فهمة فمش هجاوبة


السؤال الخامس : شخصين مش موجودين وتتمنى وجودهم في حياتك
-----------------------------------------------------------------------

الشخصية الأولى : الدكتور أحمد مستجير الذى توفى فى 16/8/2006 وهو العالم الموسوعى وأستاذ الوراثة والهندسة الوراثية والشاعر والكاتب وعضو إتحاد الكتاب وعضو مجمع اللغة العربية، وأستاذى فى كلية الزراعة جامعة القاهرة وكان فى حياتى أشبة بالمنارة التى تضئ للمسافر ليلة ووفاتة كان بالنسبة لى إحدى الصدمات الكبرى فى حياتى وكم أتمنى لو كان موجودا فى حياتى الآن

وهذة صورة لآخر كتاب له أهدانى إياه


وهذا شرح مبسط بخط يدة لبعض أساسيات موسيقى الشعر العربى





الشخصية الثانية : هو المهندس عثمان عزام ، وهو مديرى فى عملى السابق لعدة سنوات وهو ليس مجرد شخصية فى حياتى بل معلم كبير تعلمت فى مدرستة أشياء كثيرة جدا .. وقد توفى فى اواخر العام الماضى وترك فراغا كبيرا فى حياة كل من عرفة .. فتقدير وتحية ودعاء بالرحمة له

تاج الشباب

مررة لى الصديق العزيز النجم القادم

مانظرتك للبنات ذات الملابس المخالفة للإسلام؟

هو الحقيقة انا مش بحاول اقيم الناس ، لإن كل انسان فيه عيوب وربما الانسانة دى يجى يوم وتلبس كويس وتكون اخلاقها وسلوكياتها احسن منى ومكانتها عند ربنا افضل منى ، فبترك موضوع الملابس ده بينها وبين ربها ، ده لا يمنع انى بحترم جدا البنت الملتزمة المحجبة

هل تحكم على اي بنت بمجرد النظر الي لبسها ؟ وماهو معنى الاحتشام عندك ؟

اعتقد اجابة السؤال الاول مناسبة ايضا لهذا السؤال واعتقد ان الاحتشام هو الاحتشام سلوكا فى المقام الاول

هل لحشمة الملابس دور في احترام الفتاة ام انها قناع زائف لدى بعض البنات؟

بصراحة السؤال ده غريب جدا ومجاوب على نفسة ، ومن نوعية الاسئلة اللى بيسألها الاستاذة للتلاميذ فى الحضانة ..ياترى الكداب كويس ولا وحش وهيدخل النار .. هيدخل النار يا استاذ هههه

مامدى تاثير اصدقائك على طباعك وشخصيتك؟

بتعلم منهم بالذات فى طريقة التفكير وبسترشد بوجهات نظرهم بالذات فى الموضوعات اللى مش مكون فيها رأيى قوى


أترى ان الغزو الفكرى أحد الاسباب التى ادت الى هذا الوضع؟

أنهى وضع ، يبدو ان السؤال يعود على الحشمة والله هو فى نماذج مختلفة كتير منها المحجبة الغير ملتزمة بحجابها ومنها المحجبة المحترمة الملتزمة بحجابها ومنها الغير محجبة اللى اخلاقها سيئة ومنها الغير محجبة المحترمة اللى سلوكياتها كويسة

هل تدخل اسرتك في انتقاء ملابسك يضايقك ويقلل من شأنك ويسلبك حريتك الشخصية؟

والله ده ما حصلش قبل كدة ، بس ممكن يبقى فى ملاحظة زى البنطلون ده ضيق شوية كدة يعنى

ومش همرر التاجين دول لحد

اللى عايز ياخدهم ياخدهم ، ويسيب نص جنيه على باب المدونة

تقبلوا تحياتى وتقديرى

أحمد الصباغ

44 comments:

المستنصر بالله said...

عجبتنى اوى الاحلام
تحياتى

عاشقة الحب said...

موضوع حلو
عجبتني ارائك
و الاحلام
نفسي فعلا مصر تكون افضل

تحياتي

لماضة said...

هههههههههه
ايه يا خال ده كوشت على كل الاحلام بس ايه الاحلام الرومانتيكا دي
لا جامده بصحيح

عصفور المدينة said...

إيه الحلاوة يا أحمد

كان نفسي اعلق على كلامك الجميل والدبلوماسي جد في بعضه

بس صراحة صورة كتاب الدكتور أحمد مستجير أثارت أشجاني فقد كان هذا الكتاب أعز الكتب لدي من يوم قرأته أول مرة عام
1984 على ما أذكر

وكان حبيبا إلى قلبي وكنت أشرح فكرته لكل أصحابي

عاشقه الفردوس said...

يارب تتحقق احلامك

مواطن مصرى نايم said...

تاجين جمال جدا بجد
ربنا يحقق لكل احلامك يا صباغ
انت حد جدع جدااااااا
و تستاهل كل خير
ربنا يوفقك و يكرمك
تحياتى
eslam

جلوريا مامبو said...

شخصين مش موجودين وتتمنى وجودهم في حياتك

من خلال إجابتك على السؤال دة إتضح قد إية إنت إنسان قبل أ شىء وجدع وأصيل بجد بجد

ربنا يوفقك فى حياتك وتحقق كل أحلامك بإذن الله

مدحت محمد said...

ربنل يحققلك احلام يابو حميد

ردك منطقى جدا على الاجابات

kochia said...

الاخ العزيز
الحقيقة انا مش متعودة اعلق علي التاجات لاني جديدة في المدونات واعتقد ان التاج ده حاجة تخص الاصدقاء المتعارفين من المدونة وغالبا الردود بتكون شخصية لذلك بقرأ والسلام واخرج من المدونة من سكات من غير ما حد يحس بيا
لكن كلامك واحلامك اللي حلمتها في الماضي حلوة اوي
حسيت انها احلامي انا كمان واحلام كل واحد
احييك عليها
كذلك تحيتي للاستاذ الدكتور الراحل احمد مستجير فقد كنت انا من اشد المعجبين والمحبين له
رحمه الله واسكنه فسيح الجنات

تحياتي

GiGi said...

ايه الاحلام الرقيقه دي
يارب تتحقق لكل واحد بيتمناها لانه اذا فى حد اتمنى كده فمعناها انه مش عايز اي حاجه من الدنيا يارب تتحقق
انا بجد من اعجابك الشديد بالدكتور احمد مستجير بتمنى قوي انى اعرفه وانى اقرا عنه ربنا يرحمه ويارب مصر يفضل فيها الناس دي ويارب مش فجاه نلاقيهم مش موجودين دايما يارب بدلنا بناس زيهم واحسن منهم
ويارب يااحمد تبقى انت من الناس اللى احسن منهم
يارب يوفقك يارب

بسنت said...

اجاباتك منطقه وعاقله اوى الصراحه
تعيش وتاخد كمان تيجان

دمت بكل الخير

شهيدة said...

اراء متزنة .. فعلا احترام قيمه الانسان كانسان وعدم وضعه تحت مقصله احكامنا الفرديه هي من اكبر صور احترامه



على الهامش : جددت قائمة المدونين .. اعتقد نفضل نعد فيهم لحد بكره عشان نخلصهم

لكن التجميعه رائعه حقيقة

ست البيت said...

صباح الخير يا مصر ،،
صباح الخير يا خالوو،
أيه الأحلام الموجزة دي
على راي لماضة كوشت على كل الأحلام
مكنتش اعرف انك تلميذ د. احمد مستجير
كنت اعرف انه ليس عنده اولاد
حقيقي خسارة ..كل جيل الرواد نفقدة واحد تلو الآخر د.مستجير نجيب محفوظ د.المسيري من بقى لم يكفي للمواجهة
بس ايه العنصرية دي يعني التاج بتاعهم يتجاوب واحنا لأ طبعا ما هم قهراويين
ما شي يا خالو اسكندرية تجمعنا
دمت بحفظ الرحمن

مهندس مصري said...

يا أحلامك يا صباغ
بس حاسس انك كروت تاج النجم
:)
انما التاج الأول تمام

mohammed alsha3r said...

ياتجاتك ياصباغ

اجابات متوازنه

تسلم

semsem said...

موضوع رائع
واجاباتك هايله
تنم عن شخصيه جميله بجد

البت قباحة said...

حلوه اوى يا احمد الاحلام الاولانية دى
عجبانى اوى و قريتها بتاع 4 مرات من جمالها و لكن انا مش بندقدارى انا مجداوية ابا عن جد .... دا موضوع كبير هبقى اقولكوا علية

ربنا يوفقك يا رب و تتحقق احلامك

سلامى

أحمد كمال said...

مبروك عليك التاجين يا أبو حميد يتربوا في عزك ، أنا بصراحة عايز بس أعلق على ذكر د. أحمد مستجير ، كان الله يرحمة شعلة نشاط ، و عالم موسوعي نفتقد وجود أمثاله بالشكل اللي يدفع بلادنا للأمام ، و التراث اللي تركه من الكتب المؤلفة و المترجمة كنز للي يكتشفه . أحييك على اختياره .

محبط افندى said...

تااج الشباب
هو اللى عجبنى اوى

برضة التانى

جمييل
بس هو كدا دايما النجم القادم


يلا

مش عاوزين احباااط كفاية


تقبل تحياتى

فرنسا والرايق said...

ربنا يحقق أحلامك يا رب

Ahmed Al-Sabbagh said...

المستنصر بالله

تسلم لى

Ahmed Al-Sabbagh said...

عاشقة الحب

طب ادعلى معايا
واحلمى معايا

Ahmed Al-Sabbagh said...

لماضة

حتى الاحلام بتقرّى فيها
دى احلام يعنى ببلاش

Ahmed Al-Sabbagh said...

عصفور المدينة

كلامك زاد شجونى

رحم الله استاذنا مستجير

ورحمنا من بعدة

Ahmed Al-Sabbagh said...

عاشقة الفردوس

تسلمى لى

Ahmed Al-Sabbagh said...

مواطن مصرى نايم

ربنا يكرمك يااسلام

وتسلم لى

Ahmed Al-Sabbagh said...

جلوريا مامبو

ربنا يكرمك

اشكرك على كلامك الجميل

الذى لا استحقة

Ahmed Al-Sabbagh said...

مدحت محمد

اشكرك يا احلى مدحت

Ahmed Al-Sabbagh said...

kochia

مين قال كدة

بالعكس

تعرفى

الناس الصادقة بينشأ بينهم جدار شفاف يسهل اختراقة حتى لو لم يكونو على معرفة صادقة

ورحم الله استاذنا مستجير

Ahmed Al-Sabbagh said...

gigi

يااااااااارب

اشكرك على الدعوات العظيمة

ويارب ليكى مثلها واكتر

Ahmed Al-Sabbagh said...

بسنت

اعيش اه اخد تيجان لا

ههههههههههههه

تسلمى لى يا بسنت

Ahmed Al-Sabbagh said...

شهيدة

هههههههه

اه ايه رأيك فى القائمة الزحمة دى؟

Ahmed Al-Sabbagh said...

ست البيت

يااستى مش عنصرية ولا حاجة

بس قولت احلى بالتاج بتاعك

تسلمى لى

Ahmed Al-Sabbagh said...

مهندس مصرى

ايه يا عم

انت جاى تهدى النفوس ولا ايه

ههههههههههه

وحشتنا

Ahmed Al-Sabbagh said...

mohammed alsha3r

ربنا يكرمك يا شاعرنا

Ahmed Al-Sabbagh said...

semsem

ربنا يكرمك ويخليكى ليا

Ahmed Al-Sabbagh said...

البت قباحة


مجداوية

يالهوى مجداوية ازاى يعنى

دى اسم قبيلة

انا كنت بقول بندقدارى على سبيل الرخامة

هههههههههههه

طلع الموضوع كبير

Ahmed Al-Sabbagh said...

أحمد كمال

تعرف حضرتك الكلام اللى اتقال على دكتور مستجير فى التعليقات شجعنى كتير اوى انى اكتب عنه بوست كامل

Ahmed Al-Sabbagh said...

محبط افندى

مالة النجم القادم

عمنا

انت جاى تهدى النفوس بردو

ههههههههههههه

محبط ليه بس

Ahmed Al-Sabbagh said...

فرنسا والرايق

ربنا يكرمك يارب

عاشقة الحب said...

ربنا يوفقك
و تحقق احلامك

مع تمنياتي
بالتوفيق

Dr.Hammood said...

سعدت بزياراتي ليك يا احمد

انا بحب مستجير اوي

افكاره اصلا رائعه

ومدونتك جميله ومنظمه

Dr.Mohammed Gohary said...

عاااااااااااااااااا

بعيط

كان نفسي آجي بس الامتحانات يا خالو

الله يسامحها بقاااا

تحياتي

تغطية موووووز

عجبتني الاصطباحة

Anonymous said...

That is how all of us hold match, balanced and looking terrific.
From there, compact electronic pulses are emitted, commonly by the thrust of a button.


Also visit my weblog the flex mini reviews