خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jul 4, 2008

تحية وبــصقـــة

وجدتُ الناس فى عالم التدوين ينقسمون الى قسمين

المـــدوَن المُحــــترم

وهم الأغلبية العظمى من المدوّنين، وأرسل هذة التحية إلى كل مدوَن محترم


مدوّن إسلامى محترم ينشر كلام الله ويراعى الحق فى كل كلمة وحرف ويكون سببا فى نشر الاخلاق والفضيلة مخلص وخدوم

مدوّن مسيحي محترم يحب مصر ويغير على وطنة وينتقد السلبيات بقوة ويقدم الاقتراحات ، محب للغير متعاون وعملى

مدونة جريئة محترمة تكتب فى مشاكل بنات جنسها تتخطى قيود فرضت وكانت سببا لتفاقهم المشاكل وتعبر بحرية عن احلامهن وامالهن

مدوّن مثقف محترم جمع ثقافة واسعة ويثريها بالتدوين بعد بحث وتتدقيق وتقديم معلومة رائعة لزوارة ومن خلال الاطلاع على المدونات التى يحبها

مدونة شجاعة محترمة تخصص من وقتها وجهدها الكثير للتضامن مع مسجونى الرأى وللوقوف أمام الظلم والطغيان

مدون ناشط محترم يكتب تدويناتة شعر وخواطر وقصة ويرسم ويصور ويغطى احداث ويعقد لقاءات ويحب الناس بصدق ويتواصل معهم بإخلاص

مدونة فنانة محترمة ترسم بريشتها خطوط تعبر عن ما يعجز اللسان عن التعبير عنه ، وترتقى بحس زوار مدونتها

مدوّن ناشئ محترم ترك "البلاى استيشن" وقرر اللحاق بركب الثقافة والقراءة والتدوين ويتدرب فى اجازتة على الكتابة فى مجلة ويتقدم فى عملة وهو لا زال فى سن صغيرة

مدونة مبدعة محترمة ناقشت واحدة من أهم الموضوعات التى تهم جيلها ، وأصدرتة كتابا كان رمزا لجيل من المثقفين الجدد

مدوّن ناهض محترم كان يستطيع ان ينشر كتابا رائعا لنفسة لكنه فضل ان يشاركة عشرات من أصدقائة حلم النشر فقدم عملا جماعيا رائعا اشاد به الكبير والصغير

مدوّنة خيّرة محترمة كانت يمكنها الاكتفاء بطموحات مادية سطحية ، لكنها قررت دعوة المدونين للتبرع بالدم لأشخاص ربما على وشك الموت خصصت جزء من وقتها وجهدها

مدوّن شعبى محترم يتواصل مع زوارة بلغة سهلة قريبة منهم يتحدث معهم حديث من القلب بدون تعالى او تكبر


و

الأنونيمس الخبيث



أنونيمس خبيث ينشط فى جوف الليل فيبدأ بإسم مستعار يسب هذا ويلعن هذا ويسخر من هذا

أنونيمس خبيث تفرغ " للسقطة واللقطة " ولإصطياد أخطاء الناس ، ولو تفرغ لعيوبة لما كفى لها عمره

أنونيمس خبيث يذهب للقاءات العامة بوجه ودود ثم يعود خلف الشاشة والكيبورد لنشر ما يظنة انها فضائح وأسرار

أنونيمس خبيث تفرغ لسب المتدينين والمفكرين والمحترمين وذوى الكلمة الصادقة ، وخصص صفحات وصفحات لسب كل مظاهر التدين بدون موضوعية أو كلمة حق واحدة

أنونيمس خبيث اقصى طموحاتة إشعال الفتنة بين عنصرى الأمة ، ولو كان يمتلك ذرة من عقل لأدرك أن أمة ظلت متحدة بجميع عناصرها ألاف السنين ما كانت كلماتة الرخيصة لتفككها

أنونيمس خبيث يستخدم " أسلوب المصاطب " فى إلقاء الكلمات على هذا وذاك ولو كان يمتلك مثقال ذرة من شجاعة أدبية لناقش وإنتقد بوجة مكشوف

أنونيمس خبيث يتعامل مع من تسول له نفسة بزيارة مدونتة بمنتهى العنف والغلظة من يمدح أهلا به ومن ينتقد فلة الويل والثبور


فــ إليه بصقة كبيييييرة

أحمد الصباغ

65 comments:

بت خيخة وأى كلام said...

التحية وتقريبا عرفنا هى موجهة لمين

و البصقة دى رغم انها مجهولة التوجيه
يعنى برضه معرفتش هى موجهة لميبن
لأن اللى يستحقها مجهول برضه
بس اى واحد من الانونيمس الخبيثين
اللى انت قلت عليهم
اكيد يستحقها عن جدارة

بس سؤال على جنب
هو البوست ده عادى كدة
ولا فيه حد ضايقك من المجاهيل؟


بس تصدق يا واد يا حمادة
انا عجبنى البوست ده جدا
طريقة العرض يعنى عجبانى اوى

كل يوم بكتشف فيك حاجة جديدة

تحياتى ليك
اختك خيخة

بت خيخة وأى كلام said...

يا حلاوة يا عياااااااااال
ده انا كنت اول تعليق عند الصباغ

بت خيخة وأى كلام said...

وجون وجون وجون وجوووووووووون
التعليق التانى واحتمال التالت كمان

بت خيخة وأى كلام said...

نيهاهاهاهاهاهاهاهاهاهع
نبدأ الأن الهجوم الخيخى

بت خيخة وأى كلام said...

والخامس جاى اهه
وخيخة تنفرد بصفحة التعليقات

بت خيخة وأى كلام said...

نكتفى بهذا القدر من الهجوم الخيخى واروح انام بقى
يلا تصبح على خير

فاتيما said...

متفقة مع خيخة يا خالو
البوست دا ليه سبب
حد من الأنونيمس الخبيث غلس عليك
هاه
قول فى الخباثة محدش هيعرف غير الكام ميتين نفر اللى هيقرو التعليقات
عموما
أنت شاورت على واقع حاصل
و أتصور أنه جزء من التدوين
و ضريبة نجاح كل مدونة مسمعة عند الناس
تحياتى يا أبو خالو

عاشقه الفردوس said...

احييك بشده


تصنيف رائع وطريقه عرض رائعه


بس فيه صنف كمان

صنف معروف بس شغله الشاغل السب والقذف والتجريح والخروج عن كل ماهو صح وصواب



وصنف ايضا حيادي
لا يضر ولاينفع
قد تجد كتاباته تدل علي عقده مكبوته ويريد ان يفرغها في الاخرين
:)))

A.SAMIR said...

انا ازعم يا احمد انك رجل ليبرالي
مش كدة ولا ايه؟
وبما انك ليبرالي يبقى لابد ان تحترم جميع الاراء بما فيها الاراء المتطرفة والشاذة
ومن ضمن الاراء اراء السادة المجهولين دول
وعلى الرغم من شذوذها في احيان كثيرة جدا الا انهم يمثلوا اراء موجودة
وفي النهاية من تصدى للتدوين العام فعليه ان يتحمل سخافات بعض الاشخاص
مش كدة ولا ايـــــــــــه؟
تحياااتي

وومن said...

اولا شكراً علي التحية لك مدون صاحب كلمة مسئولة وجادة وموهبة حقيقية

ثانياً بقي البصقة دي في محلها حتي لو مكانتش نتيجة موقف شخصي انا نفسي شوفت بعيني موقف زي دة وراء ستار النوبيموس مدون بيهاجم زميل له وهو عارف كويس مكانه هذاالزميل بين اصدقائة المدونين وموهبتة

عموما عالم التدوين لا يختلف كثيرا عن عالم الواقع فالصالح والطالح في كل مكان حتي الواقع الأفتراضي

تحياتي

Ahmed Al-Sabbagh said...

احمد سمير

انا بس حبيت ارد عليك رد عاجل

تقبل الاراء التانية مش معناها تقبل ناس داخلة تسب وتشتم

والليبرالية مش بتبيح القذف والشتم والفتنة

ولا انت رأيك ايه ؟

عاشقة الحب said...

بوست حلو

تحياتي

bos bos said...

عبرت بطريقة حلوة قوى عن فكرتك

تحياتى

GiGi said...

بوست رائع اولا فى تقسيماته
ثانيا موضوع البنت المحترمه اللى بتتكلم فى بنات جنسها انا برفضهم وده حقى ببساطه لما تكلم اولا اتكلم كلام محترم وسوري دول بيتكلموا كلام مش محترم يعني مش كلهم بس تلات ترباعهم
ثالثا موضوع الغير المعرف ده انا معاك فيه لانه مش قصده نقد ولايقصد خير ده انسان خبيث زي ماقلت عايز يهدم حد ادامه وخاص
تحياتيييييييييييييي

كراكيب said...

تحية وبصقة؟؟
كانت كوباية الشاي على بقي نزلتها بسرعه مع ابتسامة سريعة كدة
وقولت: ليه بس يا خالو كدة بصقة ايه دي اللي على الصبح؟؟

وبعدين بقى..

قعدت ادور على نفسي ياترى في وسط تقسيماته للمدونين كدة هلاقيني في النص واللا هنزل عند قسم "البصقات" -جمعها كدة صح؟؟ بصقات؟؟- ماعلينا
ولقيتنيييييي

في المدون الشعبي المحــــــترم
ايوة كدة الشعبي,, هو ده اللي ماشي دلوقتي
فل كدة اوي

فتحية للمدون وبصقة من اللي بالأوي للناس الوحشين اليع اللي مش محترمين

وسلام بقى علشان اكمل بقيت كوباية الشاي..

miro

المستنصر بالله said...

على فكره انا باحب تعليقات الانيونيمس
علشان باحس انه داخل يقول رايه لكن فيه مدونين بيدخل يعلق علشان يتعرف او علشان مجامله
تعليق المجهول اصدق تعليقات حتى ولو ضدى
بس اتمنى ان لا تتعدى الى السب ةالقذف

مع تحياتى

NilE_QueeN said...

و ليه بس التلزيق

ما ندعيلهم ممكن يتحولوا لاشخاص مفيدين

appy said...

طيب ممكن او سمحت تتاخر فى جنب كده تأخدنى جنبك ابصق معاك على كمان اللى بيوقعوا ما بين الاصحاب وبعضهم او سمحت يعنى ووبيدخلوا فى نية الناس
وش بيغمز

dina seliman said...

عالم النت كغيره
به قليل من الخير كثير من ضعفاء النفوس

وصدقنى وجود مجهول بيشتم او بيسئ ادبه
ده يفرحك
اولا شوف كم حسنات خدتها
وده دليل انك من المتميزين فالشجره المثمره يقذفوها بالحجاره
وكمان انت اهم منه
يعنى لو انت مكتبتش مش هيلاقى حاجه يعملها
لكن انت مش هتفرق معاك وجوده من عدمه
زى الطفيليات او الحشائش الضاره
حاجه كده خالف تعرف لحصد بعض من الاهتمام
ناس زى دول كفايه انهم عاشوا فى الدنيا مجاهيل
لاليهم صوت ولا راى ولا هدف


اسفه على التطويل
بس فعلا مشكله بتواجه كثير من المدونين
وليس فقط من المجاهيل
بس من بعض اصحاب المدونات فى بعض الاحيان

دمت بكل الخير

sebofy7alo said...

اللهم إنا نعوذ بك
من كل أنونيمس خبيث
يعكر صفو مدوناتنا
ويشعلل بيننا
ويفيرس جهازنا
...متقول أمين يا أخي ساكت لية

sebofy7alo said...

انت لية يا مان مفلتر التعليقات أنت مش ليبرالي بردة وبتسمع الأراء كلها
ههههههههههههه
خبيث أنت

مواطن مصرى نايم said...

مية مية
مية مية
بجد احلى تصنيف
و البوست متقسم
و متلحن
و انا سامع المزيكا فى ودنى و انا بقراه
عندك حق فعلا
و يستاهل البصقه
بس هو حد منهم عمل لك حاجة
قولى و انا اقطعه تقطيع

و خيخة واخده بقت سوبر هاتريك بعد ما جابت كام تعليق فى الجون
تحياتى يا باشا
eslam

رحــــيـل said...

جميل جدا طريقه العرض دى

انت اتكلمت فى الموضوع بشكل جديد

واعتقد ان كل حد هيعرف نفسه

واعتقد كمان ان كل المدونين عرفوا حاليا ان فى مجموعه كده حاقده ومنفسنه اقل جدا من الواحد يحرق دمه بسببها

تحياتى وتقديرى

المـــفـــــــقــــــــوعـــــة مــرارتـهــا said...

تعرف ان الموضوع ده مهم
انا عن نفسي لاغيت انونيموس عشان وجع القلب اللي جالي منه

عصفور المدينة said...

:)

صاحب المضيفة said...

هي الدنيا كده هاتلاقي فيها الحلو والوحش


ربنا يعافينا ويقدر لنا الخير يارب


تحياتي

Dr.Mohammed Gohary said...

عندك حق يا خالوووووو

دي حاجة تنرفز فعلا

أما أنت فمن المدونين المحترمين والمبدعين

وحبايب قلبي

لك كل التحية يا كبير

بحبك

هاااااااااا

بحبك

ســـــــهــــــــــر said...

تحيه لمن القيت اليهم التحيه

اما الانونيمس ... فلا يستحق حتى البصقه



تقديرى و احترامى أ احمد

البت قباحة said...

اولا احييك على النقد لان اختك لماضة و انا كنا بنكلم فى الموضوع دة امبارح

ثانيا المجداوية
و الله معرفش قبيلة ايه دى؟؟؟ بس انا من عائلة لقبها ابو المجد و مشهوريين بالمجداوية و نصى التانى من عائلة مهران و بيقولو علينا مهارنة و الاتنين صعايدة

GEMYHOoOD said...

انا ولا واحد من دول

و عليه فأنا لست من المناضلين الداخلين الجنة العائدون من الظلام
و الداخلون فى عصور الحرية

كرم الله اسمهم

و اعز شأنهم

المدونيين

تصفيق حاد فى الخلفية

كلبوشستان said...

انك تبدي رايك سواء يتوافق مع رايي او يعارض رايي دا شيء حلو يفتح جو للنقاش المحترم الهادف

اما اللي داخلين يشتمو وبينهم وبين نفسهم يقولوا هو حد شايفني ولا عارفني .. ويفتحوا ساحات للحرب والفتن دول ربنا يكفينا شرهم

موضوع واسلوب تخطى الابداع

تسلم ايديك

بالمناسبه دي معدش عليك مدون ناشيء ومحترم ومسكين ؟؟
وبيقولك تسلم ايديك

semsem said...

ياجااااااااامد يا خالو
بجد بوست بجد جميل

هيثم الدهشان said...

صباغ

بوست كويس بس التحية مفهومة والبصقة كمان بس مش عارف ياخى فى دبور يذن عليا مخلينى حاسس ان بصقتك بتوجها لحد معين

Hosam Yahia حسام يحى said...

مممممممممممممم

فعلا ماشاء الله اظن انك صنفت كل المدونات اللى انا قابلتها لغايه الان

حتى الانونيمس

:d

مستنينك ياباشا

ابتسم من فضلك said...

فعلا الانونيمس دول بيحرقوا دمى جداااااااااااااااااااااااااااا
وببقى عايزة اديله حوالى 30000 بصقة
طحياطى

منى said...

اخطر ما فى الامر هو استخدام كلمه الحريه
تلك الكلمه التى تمناها كثيرون وحلم بها اكثر وعندما استطعنا ان ننالها هنا فى عالم التدوين جاءوا من اساءوا استخدمها ليحصروا هذا المعنى الرائع فى مجرد الهجوم الاعمى والسباب القبيح
وتناسوا ان من يتم مهاجمتهم ايضا يملكون تلك الحريه ومن حقهم الا يساء اليهم
فشكرا لك
تحياتى

فرنسا والرايق said...

مع احترامي الشديد ليك و لكتاباتك و أرائك
و لكني غير متفقة مع انك اصلا تكتب عن هذا المجهول
انت اديته قيمة بإنك كتبت عنه
وهوه اصلا بدون قيمه لأنه مجهول
ومايستاهلش ان يكون معلوم اصلا
تحياتي

بت خيخة وأى كلام said...

فين يا عمنا
الايميل اللى قلتلى انك هتبعتهولى؟

علشان لو حلو
هاقولك ذيع


انت عملت مودوريشن ليه
هى التعليقات الوسخة وصلت لدرجة انك تعمل مودريشن

كلبوشستان said...

انا فت هنا امبارح وسيبت تعليق
راح فين مش عارف ؟؟؟ هتجنن وهتجنن

ما عندك جهاز عبدالرحيم عمرو

على العموم اسلوبك ما شاء الله قوي وربنا يوفقك

يوميات فنانه مفروسه جداا said...

والله حتت بوست

جاااااااااااامد

بس تعرف يا استاذ احمد انت كتبت فنانه محترمه ولو اني عارفه انك اكيد متقصدنيش لانك متعرفنيش اوي انا فاهمه بس فرحت جدا ان انا وغيري من الفنانين المدونين محترمين في نظرك ونظر غيرك وده عندي بالدنيا ومافيها كلها

والانوميس ده حاله زي المرض كده بتظهر وتتنتهي بالقضاء عليها

وربنا يكرمك يا رب

سلامز

Dr. Flavio said...

والله يا خالو كلامك زي الفل

بس انا مش فاهم ليه لقب من توجه له البصقه بالانونيمس.. مع إنه مش بيبقى مجهول ولا حاجه

أنا فيه حد دخل عندي وكتب شيء من هذا القبيل .. ولقيته في مدونه تانيه كاتب نفس الكلام .. نقد لاذع في سطرين يخلوك تكره نفسك

بس سيبك .. أخوك أجدع واحد ينفض

تسلم لنا يا أحمد باشا .. وتحياتي ليك ولخيخه اللي عملت شو جامد هنا

سلاموز

بنوته مصرية said...

والله عندك حق يا خالوو

ربنا يبعد أنونيمس خبيث عننا ويروح في دهية



قول آآآآمين

عاليا حليم said...

شكرا على هذا الجرس
لعل اكل ينتبه الى كويس يفضل كويس و الى وحش يحاول يصلح من نفسه

تحياتى

L0vElYGh0sT14 said...

ميت مرة نقوووووووووول نقلع جزمنا قبل منخش وبرضوا مافيش سمع كلام ... مافيش حياء في الوطن ... خلااااااااااااص راح زمن الطهطاوي ... ع العموم أنا صراحتن مفهمتش حاجة من البوست دة إلا حاجات بسيطة بس عجبتني
طول عمرك مبدع يالصباغ
تحية خاصة معطرة بالعطور الفرنسية
تقبل مروري المتواضع ومشاركتي الركيكة ... لؤؤل

قوس قزح said...

خاليهم بصقتين و مليون تحية


و متنساش تضيف الناس اللى بتدخل باسماء غيرها و يشتموا بها علشان يفضل اسمهم هم نضيف و مش مهم غيرهم

محبط افندى said...

السلام عليكم

مدونة محبط أفندى

مدونة ..بس للمحبطين ..
ومين فينا مش محبط من حاجة ؟؟

بس يلا بينا ..نحاول اننا نخرج من الاحباط دة

ونشوف اخرتها ايه!!

ونعيش مع الامل ..وياااارب
:)

نتمنى من الجميع المتابعه .. والمشاركة ..والمساعده


الميل ..
amohbat@yaho.com

david santos said...

Excellent!!!
Happy day.

نوره الخشن ــ آي و كفاية said...

طب انا مين فيهم ياخالو
مقصدش اللي مش محترم
لألألألألألألألألألألأ
اقصد تصنفني مين من ضمن المحترمين يعني اللي عاملهم واحد قاطم وسطو ورافع القبعة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قهوة بالفانيليا - شيماء علي said...

انا لو مكانك ..
مش هسمح للمجاهيل بالدخول :)
لأن الجبان لدرجة انه حتى مايقولش هو مين ..
يبقى مايستاهلش حتى انه يكون موجود.
تقديري...

جلوريا مامبو said...

خالو أحمد الصباغ
ميرسى كتير على البوست الرائع دة
أنا وكل الناس الجديدة اللى زى حالاتى هانعتبره مرجع لينا لأنه أكيد مفيد جدآ فى إكتشاف وتصنيف النخبة من المدونيين والمدونات
فكره جميلة وتم صياغتها بشكل محترم ومحترف أحييك عليه يا أستاذنا
تحياتى لكل المحترمين

Oss said...

معك فى هذه البصقه
انا الحمدلله محدش منهم غلس عليا
بس باشوفهم دايماً عند الناس كلها
المشكله انك مش بتعرف تشيل الانونيموس لأ فى ناس كويسه بتحطلك كومنتات من الأنونيموس
الحل الوحيد التجاهل التام

المستفز said...
This comment has been removed by the author.
اسكندراني اوي said...

ايه يا خال الكلام الجامد اوي اوي ده

بجد موزون ومدوزن صح

ربنا يكفينا شر الأنونيمسات كلهم قادر يا كريم

خالو .....شكل حد كده زعلك
قولي مين وايه وفين وسيبني عليه

رامز عباس said...

السلام عليكم ورحمه الله
انت يا اخ يا صباغوس

ازاى متعملش حسابي باي حاجه

انت مش عارف اني بحب الاكل


مش كان المفترض تقول المدون الاكول


ا المشاغب حتي




انا عامل شكاوى للمدونين


فالي كل مدون عندك مشكله سبلها بالتعليقات عشان اعبر عنها


وربنا يستر

Gannah said...

عصفور المدينه كتب عن المجهولين وانا علقت بان التدوين هو نموذج مصغر للعالم الخارجى بكل اللى فيه من خير وشر تلاقى ناس بتشتغل وتبنى وناس بتحاول تهد ليه متقدرش تعرف السبب حقد ولا محاولة للفت الانظار ولا تنفيث عن فشل الاسباب اكيد بتختلف من شخص لشخص ...والتجاهل هى انسب الوسائل للتعامل معاهم فمعاك اوجه تحية لكل مدون شريف ودعوة ان ربنا يهدى الاخوة المجهولين ويرجعوا يقفوا معانا تانى فى النور

أحيى اهتمامك بعالم التدوين بكل ما فيه من تغيرات وأحداث
تحياتى

حاتم عرفه said...

يا معلم يا معلم يا معلم
طول عمرك جامد وبتقول الكلمة فى الجون
انت فعلا صنفت المدونين التصنيف التمام
والواحد فعلا عاوز يبقى كل الناس اللى انت قولت عليهم دول.. مع حذف المؤنث منها .. (ولو أنك حرمتنا من الصفة دى فترة) .. احم احم

ولا يحرمناش من تدويناتك أبدا
و دمت لنا

mostafa rayan said...

وانا ايضا اشاركك القبلات والبصاقات

norahaty said...

السلام عليكم ورحمة الله وبركاته
أ.احمد
حتى (ال...ة)لا يستحقها ياأستاذ..
لماذا؟
لانه ارتضى هذا من البداية
ان يكون لا شىء
ليقول ما يقول
دون حسيب ولارقيب
ولكنه نسى قول الله عز وجل
(ما يلفظ من قول الا لديه رقيب عتيد)

bos bos said...

ليك تاج عندى روح أستلمه بسرعة

مواطن زهقان said...

بجد يااحمد انت هايل
وطريقة سردك جميله جدا
المقال بجد شدنى بطريقه رهيبه

وانا اقول زى ماقال سيبو فى حالو

اللهم إنا نعوذ بك
من كل أنونيمس خبيث
يعكر صفو مدوناتنا
ويشعلل بيننا
ويفيرس جهازنا
...متقول أمين يا أخي ساكت لية

وانا لقيت نفسى فى الموضوع بما انى لسه ناشىء صغنن

مدوّن ناشئ محترم ترك "البلاى استيشن" وقرر اللحاق بركب الثقافة والقراءة والتدوين ويتدرب فى اجازتة على الكتابة فى مجلة ويتقدم فى عملة وهو لا زال فى سن صغيرة

وياريت لو تشرفنى فى مدونتى

بسنت said...

تصنيف جميل اوى يا صباغ
انا الصراحه الحمد لله طبعا ما شفت الجانب الوحش منه واتمنى يفضل طريقى بعيد اوى عن طريقهم المدونين دول ولو بالصدفه حتى

لكن المحترمين جميعا شفت كتيثر جدا منهم سواء اعرفه او بزور مدوناتهم بس
انا بستفيد من ناس كتير اوى فى المدونات الحق

وربنا يهدى الجميع
دايما بدخل اول الناس هنا بس علشان اطبعللك كومنت بتطلع عين الكى بورد بتاعتى
مش عارفه ليه دى يمكن المره العاشره
يا رب تطبع بقى
سلمت

wael said...

كلامك حلو بس غير موجه ودي في حد ذاتها مشكله
ياريت والنبي تقولي انا استاهل تحيه ولا بصقه ؟

دعاء مواجهات said...

ازيك يا أحمد بيك

اية ياعم الشغل الجامد والبوستات الحلوة دى

لا بجد ف الجوون

بس مش الجوون بتاع خيخة

جون تانى جميل وصحيح اوى كمان

انا نزلت البوست الجديد ما بعد العودة

لااازمن نشوفك

بييس

مروة جمعة said...

تصنيفات هايلة وفي الجول يا خال
خصوصاً الأنينوميس
وقنا الله شرهم وشر بلاويهم
آمين

Saydalanya Mat7oona said...

شوف يا خالو
مبدئيا و قبل أى حاجة انت مدون محترم
و دى حقيقة مش مجاملة

البوست ده حلو جدا..جدا
و أحب أن أوجه بصقة لكل اللى بيدخل انونيمس عشان يغلط و لكل مدون معندوش احترام لأمانة عرض أفكاره على الناس

وخالص تحياتى ليك