خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jul 24, 2008

ثورة يوليو.. سلم لى على العدالة الاجتماعية

من أهداف ثورة يوليو : تحقيق عدالة اجتماعية سليمة

هى فين العدالة دى؟


دور فى جوجل عن العدالة الاجتماعية هتلاقى :

أغنياء مصر يسيطرون على النصيب الاكبر من حجم الدخل القومى العام

والفتات لملايين المصريين

ملايين من أطفال الشوارع والمشردين والعوانس والعاطلين.. هو ده حال مصر

إنتشار الرشوة على جميع المستويات في المجتمع المصري

حررنا أراضينا ولكن إقتصادنا بإيدى حكام لم نختارهم..وبإيدى أمريكا والغرب





أنا مش ضد الرأسمالية والاستثمار .. بس والنبى بلاش نجيب سيرة العدالة الاجتماعية اللى كل سنة - فى احتفالات الثورة - يفلقونا بيها

تعالو نقرا شوية عن ثورة يوليو .. ونفكر بعقلانية فى وضعنا دلوقت .. ونشوف فعلا هل أصلحت ثورة يوليو من وضع التعليم فى مصر .. وهل حسنت من وضع فقراء مصر يعنى عملت عدالة اجتماعية سليمة .. ولا الفجوة بين الفنى والفقير فى مصر صارت أد كوكب المشترى

تعالوا الأول نقرا أسباب ثورة يوليو اللى كانو بيدرسوهالنا فى الكتب

السبب الأول : استمرار الملك فاروق في تجاهله للاغلبية واعتماده على احزاب الاقلية

هههههههههه والنبى سبب مسخرة يعنى دلوقت محتاجين ايه ؟؟ محتاجين ( حرب عالمية يوليو ) مش ثورة يوليو والحزب الوطنى همّش .. لأ همش ايه ؟ .. موّت كل احزاب المعارضة ودفنها بالحياه .. وانفرد تماما بالحكم ، وبقت احزاب المعارضة تصحى الصبح كل حزب يروح على النكتة بتاعتة

السبب التانى : قيام اضطرابات داخلية وصراع دموي بين الاخوان المسلمين وحكومتي النقراشي وعبد الهادي

لأ.. الحمد لله دلوقت بقت جماعة الاخوان جماعة محظورة واقتصرت الصراعات الدموية على طوابير العيش وفى اقسام الشرطة والاتوبيسات وبين المسلمين والمسيحين فى الصعيد واسكندرية وفى محطات البنزين وطوابير التموين والمعاشات واشارات المرور

السبب الثالث : قيام حرب فلسطين وتوريط الملك للبلاد فيها دون استعداد مناسب ثم الهزيمة

طب هى العراق والسودان وافغانستان وسراييفو والشيشان وغيره .. دول ايه ؟؟ ولا الناس زمان كان عندهم دم ودلوقت لأ ؟

السبب الرابع : سوء الحالة الاقتصادية في مصر

ههههههههههههه والله مسخرة .. انتو لسه قاعدين بتقروا ؟؟ طب والحالة اللى مصر فيها دلوقت ايه ؟؟ ده احنا بنعض فى الارض .. وقربنا ناكل الزبالة

السبب الخامس : سفاهة حكم الملك فاروق وحاشيته في الانفاق والبذخ على القصر وترك الشعب يعاني

ياحرااااااااام .. طب والله انا اللى اعرفة ان الملك لما كان بيمشى فى الشارع كان الناس بتقف تتفرج عليه ما كنش بيعمل تشريفة ويقفل من مصر الجديدة لغاية الهرم ، وكان الملك له قصور ملكية معروفة بالاسم ، ماكانتش البلد كلها تكية ، ما كنش بيجيب قصر فى مصر الجديدة وقصر فى المعادى ويفتحهم على بعض زى ما بيحصل دلوقت

السبب السادس : الظلم وفقدان العدالة الاجتماعية بين طبقات الشعب وسوء توزيع الملكية وثروات الوطن

لولولولولولولى .. زغرتى يا ام فاروق ، يعنى قبل الثورة ما كانش فى عدالة اجتماعية ، انما احنا دلوقت بننعم – بفضل الثورة المجيدة – فى عدالة اجتماعية وسلام اجتماعى

طب تعالوا ناخد نبذة عن اغنياء وفقراء مصر


أغــنياء مصر

-----------------

واللة مش حسد وأنا زى ما قولت مش بحقد على حد مجتهد

بس ياترى كلهم مجتهدين ولا الموضوع فيه إنننننننا ؟


احمد عز

عضو مجلس شعب يشغل منصب أمين التنظيم بالحزب الوطنى الديمقراطى محتكر صناعة الحديد فى مصر ورئيس مجموعات شركات العز الصناعية والتي تضم شركة العز للصلب بالأسكندرية و التي كانت تعرف سابقا قبل شراء أحمد عز لها باسم شركة الأسكندرية الوطنية للحديد والصلب ، وشركة العز لصناعة حديد التسليح بمدينة السادات، والعز لمسطحات الصلب بالسويس، ومصنع البركة بالعاشر من رمضان، بالإضافة إلى شركة سيراميك الجوهرة وصلت ديونه للبنوك الى 4 مليارات وثروتة تقدر ب 40 مليار جنيه

اتجوز عضوة مجلس الشعب شاهيناز النجار وقدم لها مهرا يقدر بحوالى 25000000 جنية غير الشبكة اللى كانت خاتم الماظ تمنة مليون جنية .. يابلااااااااش


نجيب ساويرس

صاحب المصرية للاسمنت واوراسكوم تيليكوم وميناتل وعشرات الاستثمارات الضخمة فى مصر بالاضافة لقناة او تى فى الفضائية


محمد نصير

رئيس فودافون و تاجر سلاح وصاحب ألكان جروب


هشام طلعت مصطفى

عضو مجلس الشورى و رئيس مجموعة شركات طلعت مصطفى ومؤسس مدينة الرحاب وفنادق الفورسيزونز


فرج عامر

رئيس الشركة المصرية لتجميد و تصنيع اللحوم اللى هى فرجاللا


رؤوف غبور

رئيس مجموعة شركات غبور وكيل سيارات هونداى، إطارات جوديير، سيارات نقل ميتسوبيشى، ماكينات خياطة برذر، أتوبيسات فولفو، معدات سكانيا، قطع غيار بوش، فسبا باجاج


أحمد المغربى

وزير السياحة ورئيس شركة أكور للفنادق وفنادق سوفيتل و نوفوتل و ميركور و ايتاب و أيبيس و أكور و بولمان و اكسبريس وصلت ديونه للبنوك الى 3 مليارات جنيه


أحمد بهجت

رئيس مجموعة شركات بهجت ، حمل جنسية أمريكية منتجات جولدى المنزلية ( تليفزيونات و غسالات و ثلاجات)، مدينة ملاهى دريم لاند، مساكن دريم لاند فى 6 أكتوبر، قناة دريم الفضائية وصلت ديونه للبنوك الى 6 مليارات


شفيق جبر

رئيس شركة أرتوك المنتجات و سيارات سكودا وصلت ديونه للبنوك الى 2 مليار


معتز الألفى

رئيس شركة أمريكانا المنتجات ومعلبات أمريكانا، لحوم و دواجن أمريكانا المجمدة، صلصة أمريكانا، بيتزا هت، دجاج كنتاكى، دجاج تيكا، هارديز، تى جى أى فرايديز، صب واى، باسكين روبينز، جراند كافيه، فيش ماركيت وصلت ديونه للبنوك الى 3 مليارات


محمد فريد

خميس عضو مجلس شورى و رئيس شركة النساجون الشرقيون - لديه جنسية تشيكى المنتجات وسجاد و بتروكيماويات وصلت ديونه للبنوك الى 3 مليارات


محمد لطفى منصور

رئيس مجموعة شركات منصور- لديه جنسية أمريكية المنتجات و سيارات ركوب أوبل و شيفروليه و أولدزموبيل و ايسوزو ، سجائر مارلبورو و ميريت و ال ام، سوبر ماركت مترو، معدات كاتربيلار، مطاعم ماكدونالدز، سيارات نقل شيفروليه و ايسوزو، اطارات ميشلان، كمبيوتر ايسر، كمبيوتر اتش بى، أجهزة سيمينز الاليكترونية، ألبان لبنيتا، عصائر تانج، أغذية محفوظة ماركة كرافت، مياة معدنية حياة، تونة معلبة ماركة صن شاين، كمبيوتر أى بى ام وصلت ديونه للبنوك الى 3مليارات


رشيد محمد رشيد

صاحب شركة فاين فودز و شركة يونيليفر مشرق و عين وزيرا للصناعة و التجارة فيما بعد المنتجات و صابون أومو، مرقة دجاج كنور، شاى ليبتون، شاى بوندز، صابون و مستحضرات تجميل ريكسونا، صابون و مستحضرات تجميل صن سيلك، صابون و مستحضرات تجميل دوف، مرقة دجاج منتجات فاين فودز، صابون و مستحضرات تجميل آكس وصلت ديونه للبنوك الى 3 مليارات


شفيق بغدادى

رئيس شركة فريش فودز المنتجات و منتجات فريش فودز الغذائية مديرون ووصلت ديونه للبنوك الى مليار


جلال الزربة

رئيس شركة النيل للملابس المنتجات وقمصان فان هوزين و بيير كاردان وصلت ديونه للبنوك الى 2 مليار


طاهر حلمى

صاحب سى إن اى (شو تايم ( وفضائيات و سمسرة قروض بنكية و محاماة وصلت ديونه للبنوك الى 3 مليارات


أحمد الزيات

رئيس شركة بيرة الأهرام المنتجات و مشروبات بيريل و فيروز و بيرة ستلا و بيرة سقارة و بيرة مايستر و بيرة هاينيكن وصلت ديونه للبنوك الى 3 مليارات ، كان قد اشترى شركة بيرة الأهرام المملوكة للدولة بدون اعلان أو مناقصة بمبلغ 70 مليون جنيه و هو يقل عن عشر قيمة مبيعاتها السنوية ثم قام ببيع جزء منها بعد 3 سنوات الى شركة هاينيكن الهولاندية للبيرة بمبلغ 300 مليون دولار


أحمد البرادعى

رئيس البنك الأهلى و البنك المصرى الأمريكى


حسام بدراوى

عضو مجلس شعب و رئيس مجموعة مستشفيات بدراوى المنتجات ومستشفيات بدراوى وصلت ديونه للبنوك الى مليار


عبد المنعم سعودى

رئيس مجموعة شركات سعودى المنتجات و سيارات سوزوكى و نيسان و أتوبيسات سكانيا وصلت ديونه للبنوك الى 2 مليار


ثروت باسيلى

رئيس شركة أمون للأدوية المنتجات وأدوية و مستحضرات طبية


محمد أبوالعينين

عضو مجلس شعب و رئيس سيراميكا كليوباترا - المنتجات وحمامات و بلاط سيراميك وصلت ديونه للبنوك الى 3 مليارات


نادر رياض

رئيس شركة بافاريا المنتجات وطفايات حريق وصلت ديونه للبنوك الى مليار دولار


منصور عامر

عضو مجلس شعب و صاحب مطاعم تشيليز المنتجات ومطاعم تشيليز و جونى كارينوس و لو نوتر وصلت ديونه للبنوك الى 3 مليارات


أحمد عرفة و أشرف عرفة و علاء عرفة

أصحاب مجموعة جولدن تيكس المنتجات ومحلات و ملابس للويس، كونكريت، ميكس، و جراند ستورز و حرية مول و ملابس بيركاردان و دانيال هيشتر و جى لاروش وصلت ديونهما للبنوك الى 4 مليارات


حمزة الخولى و حسين سالم و إبراهيم كامل

أصحاب فرست للاستثمار و تجار سلاح المنتجات و فيرست مول و فنادق موفينبيك و فور سيزونز وصلت ديونهم للبنوك الى 7 مليارات


غــــلابة مصــر

-----------------

أطفال الشوارع

وصل عددهم إلى اكتر من 2 مليون طفل نايمين فى الشارع وفي تزايد مستمر










جزيرة القرصاية

ابو رجيلة
مهددة بالازلة بدون ايجاد مأوى بديل
شوف عند نضال



وقلعة الكبش



وغيرهم ملايييين وملايييين من غلابة الشعب المصرى اللى عايشين تحت خطر الفقر والبؤس

كفاية احتفالات بأكذوبة يوليو المجيدة
التعليم المدفوع لو هيخرج ناس بتفهم كان هيبقى احسن كتير من تعليم مجانى مخرج اجيال ملهاش كينونة وما بتفهمش فى ولا تخصص ، الفلاح الفقير ايام الملك كان بياكل لقمة نضيفة ، وكان بيجتهد وكانت مصر بتنتج لقمة عيشها وكانت بتصدر القمح وكان افضل قطن فى العالم القطن المصرى طويل التيلة
انهاردة ما بقاش فى الفلاح اللى بيعرف يزرع أرضة ولا بنتنج لقمة عيشنا ، وبقى الناس بترفع المطاوى لبعض فى طابور العيش
بلاش نضحك على نفسنا
ونلعن ايام الملكية
ونمجد فى النظام الجمهورى
النظام الجمهورى فى مصر اكذوبة
ومفيش رئيس بينتخب ولا رئيس بيمشى
النظام الجمهورى فى مصر نظام اسمى فقط
اما الواقع بيقول اننا رقصنا على السلم
فقدنا مميزات العصر الملكى
لما مصر كانت نضيفة ومنظمة
مصر بتاعة مصطفى مشرفة
والبعثات العلمية
وبتاعة المبانى الجميلة المزخرفة
وفضلت لنا العشوائيات
والمجارى الطافحة فى كل حى
وطوابير العيش الرملى
والحديد التسليح المحتكر
وكفاية بقى

وسلم لى على العدالة الاجتماعية

احمد الصباغ

46 comments:

دعاء مواجهات said...

الأواااااااااال

نحجز نعووووووود

شكلك هتودينا ورا الشمس....

بيس مؤقت

الفاتح اليعقوبي said...

السلام عليكم
ربنا يبارك فيك ياصاحبي بوست في الجون وربنا يصلح حال بلدنا
بس عايز اوضح نقطة
ان مفيش حد ضد الغني ولا الاغنياء وربنا يبارك لهم في فلوسهم ويقدروا يسددوا ديون البنوك دي
بس احنا ضد ان الثروة في مصر حسب اخر الاحصائيات متمركزة في حوالي من 600الي 1000
طيب وبقيت الناس فين ده سؤال مهم جدااا
احنا ضد الاحتكار والتحكم في مصائر الناس عن طريق احتكار اكلهم وشربهم واحتكار المواد التي تجعل منهم بشر بالفعل وليس في بطاقات
وعامة خير
والسلام

دعاء مواجهات said...

يخرب بيت كدا بجد

اية ياعم انت عاوز تجيبلنا إحباطات ولا اية

لااا انسى احنا عارفين كل حاجة وواعين اوى

ومحدش يقدر يضحك علينا ويغمنا وينكد على اللى.. ويكئبنا زى ماا نت عملت كدة..

___________________

لا بس بجد بوست متميز وفية مجهود

ربنا يحميك


بيس

GiGi said...

ربنا ينتقم من الظلمه
حقيقي البوست ده اكثر من رائع
واضح فيه انك تعبت علشان يطلع بالروعه دي
على فكره النهارده فى صحف انهارده بيقولوا بعد اختفاء حديد عز رجع الايام دي بس تخيل بكام
اضرب رقم كده
7800 جنيه
يعني مش هنتجوز
الله يخرب بيتك يااحمد ياعز
ربنا يرفع عننا الظلم يارب

L.G. said...

العيب مش في الثورة العيب في الحكام مش العيب انك تثور على الظلم العيب في الناس اللي مرعتش ربنا فينا

العيب فينا ان احنا ساكتين على الظلم على رايك عشان لقمة من الزبالة

الملك مكنش صالح ولا اللي جم وراه عرفوا يتصرفوا صح وخاصة الأخير اللي بعها حتة حتة

اللهم ارفع مقتك وغضبك عنا يارب

Tamer Alhosiny said...

عزيزي احمد الصباغ

الموضوع جريء جدا علي فكره انا بحسدك علي جرئتك دي

بس انا مش شايف ان العيب في الثوره
الثوره جت فعلا في وقت صحيح
مكنش ينفع انها مش تبقا في الوقت ده

المكشله الحقيقيه يا احمدمشكلة الظروف الاي اتحطينا فيها بسبب دفاعنا عن حقنا في الاستقلال واعلان الجمهوريه

احنا كنا في الاول مع الراسماليه العالميه حلف امريكا
بس رفض صندوق النقد الدولي مساعدة مصر في بناء السد العالي
هو الاي حولنا ناحية الاتحاد السوفيتي
الاي جه ومعاه كل البلاء لمصر
اتحولت البلد لدوله اشتراكيه
وعمل نظام حكم اشتراكي
وكل المشاكل الي اخرت مصر
انها حولت للاشتراكيه
وبعد كده رجعت تاني للراسماليه
التحول في السايسات الماليه
مع الفساد هو السبب في الواقع الاي احنا عايشينه
والفقر الحالي
والحديث يطول
لكن البوست هايل وفيه مجهود كبير اشكرك عليه

تحياتي ليك
انسان عاشق حر
تامر الحسيني سابقا

أحمد كمال said...

هي مبدئيا كانت انقلاب مش ثورة ، و دي كانت أول كذبة ، و المشكلة مش في المسميات ، المشكلة في أجيال عاشت الكذبة و صدقتها ، و النهارده الكل بيدفع الثمن .

تحياتي لمجهودك الواضح ، بس متهيألي إن المعلومات عن الأغنياء مش كلها دقيقة ، و فيها حاجات ممكن تتوضح أكثر .

المبرمج المحترف said...

والله انا مش حقدر اقول حاجه اكتر من ان مدونتك جامده كيك

بلاش اتكلم ف السياسه






بينى وبينك فى مخبرين ف النت

خمسة فضفضة said...

السلام عليكم ورحمة الله وبركاته


هو احنا ناقصين ؟؟


الله يسامحك ياخالوا قلبت علينا المواجع

مدرسة الفشله بنات said...

يعنى هى جديده علينا هى دى مصر
حاميها حراميها
تفتكر يكون الباقى ايه

noha shaban said...

أعجبنى تناولكَ للموضوع بهذا الشكل، قامت الثورة على مبدأها الأساس وهو تحقيق العدالة الاجتماعية والديمقراطية السليمة ، التى تشمل فى طياتها حقوق المواطن مع مصالح البلاد ...إذن على أى أساس نحتفل ، أعلى وجود مواطن له كِيان وله حقوق أم على الفوارق المذهلة بين الطبقات ، أم لانتهاء الملكية، أم وأم..
الثورة أصبحت من معجزات الماضى ،ولكن ربما !!!

نونو said...

لا كفاية اوي
هو حضرتك زهقت من مدونتك ولا ايه؟؟؟؟
احذر كلنا مراقبوووون
تحياتي

البت قباحة said...

انا دلوقت عرفت يا احمد علامة الاستفهام جاية منين

كلنا شايفيييييييييييييين و ساكتييييييييين و دا مش معناة اننا راضييييييييين

تحب اصورلك الميرى و اللى بيحصل فية
و لا اقولك و اوجع بطنك ليييييييييييييييه

ربنا يكرمك و يحميك يابنى
متنساش تحضر شنطتك معاك و هنبقى نبعتلك عيش و حلاوة تاك اواى

تشاااااااااااااااوووووووووو

ست البيت said...

لم الدور يا أحمد مش وقته

وأنت أكيد ضغطتك واطي ومش ناقص حلاوة توطي ضغطك أكثر
يا ريت تقرا البوست عن موضوع لجنة التدوين

أما 23 يوليو فغدة التاريخ بقالها فترة مش لاقيه حاجة تستفزها
الاستفزاز حصل
الله يسامحك يا أحمد طب أنت ولد أنا بنت
ومش بحب الحلاوة

مصــــري..!! said...

يا خــــــــــــــال

ليه مـُصر علي تعذيبنا
المشكلة ان كل الناس عارفة كل الكلام ده بس بتحاول تتناساه.

واللي مش هينسي هيبقي أكبر مخرب يوم يحدث الأنفجار الأجتماعي بين الطبقات في القريب.

أتمني ألا يحدث ذلك ولكن الحكومة لا تعي ذلك.

بوست رائع وان كان تعذيب النفس فيه كثير.

تحياتي
أسامة

يوميات فنانه مفروسه جداا said...

والله مالاقيه كلمه اقولها

وفيييييييييييييييت يا صباغ

ربنا ينتقم بقي من اللي كان السبب

وربنا يعينا علي اللي احنا فيه بقي قال وفي المدارس كانو بيكرهونا فعلا في الملك فاروق اتاريها سياسه

بس حسبي الله ونعم الوكيل في الظالم اللي بيظلم واللي بيعمل اللي عليه ربنا يباركله

تحيه للمجهود الرائع ده

سلامز

حسام يحى ...مدونه صوت الحريه said...

حااااااقد على الثوره

:d

اما لو كنت اخوان هتقول ايه

سيب الكلام علينا ياباشا

:d

...........

بوست جامد

وفيه شغل مبذول فيه

ربنا يوفقك ياااااااااااااارب

dina seliman said...

سبعاشر مدونه ادخلها واحس ان صحابها هيوحشونا اوى

عموما انتم السابقون

بس حلو اوى الحصر لاغنيا مصر
عشان الواحد يركز نظرت الحقد
وتأثيرها يشتغل

بس انت نسيت اسمى
اصل انا ناويه افترى
على اعتبار ماسيكون

مع اصرارى said...

ابو حميد
أنا عاوز آخد رأيك فى حاجة
هى الثورة فى حد ذاتها
يعنى الثورة فى حد ذاتها يعنى
ما حققتش عدالة اجتماعية؟
ده حتى خدوا الاراضى والمجوهرات من الاقطاعيين وأعادوا توزيع الثروات على العباد وفدادين خمسة.
وعلاج مجانى وتعليم مجانى وكساء شعبى وعز ما كانوش الجماعة يحلموا بيه.
مش عارف ليه حاسس إنك مش معايا وكلامى مش عاجب
لكن ما علينا
المشكلة والخيبة اللى بالويبة وانا ماعرفش يعنى ايه ويبة ظهرت بعد كدة
أصل إحنا يا بشر طلعنا مش عارفين يعنى ايه ثورة ولا حتى عارفين يعنى ايه حرب
اصل الثورة دى حاجة ما بتخلصشى أبدا والثورة الفرنسية لسة شغالة فى فرنسا واوروبا كلها لكن احنا سكتنا عن ثورتنا فرجعت كل حاجة لهدوئها الطبيعى
وكمان الحرب ما بقيتش حرب طاخ ولا طيخ زى زمان ده الحرب دلوقتى اتحولت من حرب تسليح استراتيجى الى حرب اقتصادية الى حرب تكنولوجية وشيخ الغفر لسة فرحان بالبندقية وبيقول ايه قال خللى السلاح صاحى وبيلعب
أصل احنا لزمن ساعة العصارى دى نقيل ساعتين عشان الشمش ما تاكلشى قفانا
فسيبنا نايمين يا خال والليل طوييييييييل

مع اكمل تحياتى
السلام عليكم ورحمة الله

الرسائل الرومانسية said...

مدونة جديدة

عايزين رايك

مدحت محمد

kochia said...

مش عارفة قصدك ان العيب في الثورة ولا في رجال الثورة ولا رجال ما بعد الثورة؟؟

يعني هم ساعتها فعلا كانوا عاوزين عداله اجتماعية ولا لا ؟؟
حاولوا ولا لا ؟؟
حتي لو كانوا فشلوا

لكن هل حاولوا بصدق ؟
ودلوقتي انا شايفة ان فعلا مفيش عدالة اجتماعية بفعل فاعل

كلنا ركبنا التيار عشان منغرقش
واللي تحت رجلينا يبقي حظه كدة
لكن اللي احنا تحت رجليه زعلانين منه وبنقول عليه وحش و و و و
القضية مش في الفلوس واللي حوشوها
القضية حقي وحقك وحق الفقير وحق المحتاج وحق الله فر كل قرش مع واحد

واللي عاوز يحوش بعد كدة مال قارون يحوشه
بس يخلي باله لما يغرق يبقي يلحق نفسه وميروحش زس ما راح قارون

اربعين سنة ستيوتند said...

البوست هايل و مليان معلومات
بس ليه المقدمة اللي في الاول اللي تقول ان الثورة هي السبب
بيتهيالي احنا السبب اكتر

حبيبـــــــة القمـــــر said...

سلام عليكم
ايه دا ياخالووو
احتفال مطرقع بالثورة الميمونه
بس بليز بلاش تسودها اوي كده
الثورة عملت كتير
المشكله كانت في التطبيق بعد كده
اي حد لما بيشبع بيعيث في الارض فساد ومش بيكتفي
خصوصالو كان اساسا محروووووووووم

EmY said...

شكلي هاسلم عليك قريب في سجن ابو زعبل يا ضبابيغو

يا عم متقولش كده ربنا يخلي الريس ده مهشتكنا و مبشتكنا

و من هذا المنبر احب اقول اختارناك و بايعناك و احنا معااااك لمشاء الله اختارناك اختارناك

انا ناصريه اه بس شايفه ان اهذاف الثوره اتشوهت و بقينا زي الي رقص علي السلم لا ده شافه ولا ده حس بيه

الطبقه الوسطي الي كان هدف الثوره الحفاظ عليها و تنميتها بقت نادره زي رغيف العيش

تحياتي يا احمد يا مجلجل انت في السوياسه

رامز عباس said...

خالو كتبت بو ستين لقيت هنا

انا مش مستغرب انك جت بسرعه الصاروخ
مهو واحد بيقرا رائحه الدم لمصطفي محمود



مش بعيد عليه يعرف يشم ريحه دمي العسل









ههههههههههههههههههه
منور يا صباغوس

اخبار البرد ايه

dr_3ashakt said...

جزاك الله خيرا يا أستاذ أحمد بجد

مقال فى الصميم

بورك خطوك

وسلملنا ع العداله الأجتماعيه

المحارب المتيم said...

السلام عليكم

يعنى اول زيارة الاقى بلاوى البلد كلها عندك

انا اول ما قريت عنوان البوست قلت دى خطبة فى امجاد الثورة

ولقيتها خطبة جميلة جدا عن الانجازات التى حققتها الثورة واللى مش ممكن تتحقق غير فى مصر

تحياتى

عرفة فاروق السيوطى

مثلية فقط said...

في مجال تقوم ثورة جديدة بمصر ؟

انو إما الذل إما الثورة

حل وسط ما في

لأنو للأسف يلي بيحكمو مش بني أدميين

يلي عايشين ميتين

شو راح يخسرو الناس أكثر من يلي خسرو


الأسوء هو أن يرضى الإنسان بالذل

ابو النجوم said...

الاستاذ/ احمد الصباغ
انا شايف انك هنا بتخلط الاوراق وجبت ابو قرش على ابو قرشين . فلن ينكر ثوره يوليو الاجاحد واهداف ثوره يوليو كانت اهداف عظيمه ولولا ثوره يوليو ماكنت قاعد على كمبيوتر وبتكتب الكلام ده كان امثالنا اولادالفلاحين مش من حقهم يتعلموا والثوره هى اللى عرفتنا يعنى ايه حريه ويعنى ايه اشتراكيه ويعنى ايه رأسماليه . والثوره كفايه انها بنت السد وكفايه انها اممت قناه السويس والثوره عملت كتير وكلنا استفدنا من الثوره ... لكن اللى حصل بعد كده هو الذى لايمت للثوره بصله وانا اعتبرت ان الثوره زى كل شىء الزمن بيأثر فيه والثوره شاخت وانتهت واللى فى الصوره الآن لايمتون لثوره يوليو بصله دول ورثه للثوره .ثم ان كل الناس اللى انت عددتهم دول مصريين برضه ولاتقدر انك تقول انهم مش مصريين . يعنى الوساخه ناتجه مننا احنا مش من الخارج يعنى كنت عايز نجيب لك حد من هولندا يحكمك مثلا . العيب فينا احنا مش فى الثوره .العيب فى شعب بينضرب بالجزم وبيسكت وحكومه بتظلمه وهو بيسكت بل بيحاول انه يجد مبررات لها على ظلمه . وفيه مثل مصرى بيقول يافرعون ايش فرعنك ... قال مالقيتش حد يردنى . وده العقاب على السكوت ويارب كمان وكمان يبقى مصر الف عز وسويرس وغيرهم علشان الناس تحس وتتحرك.يعنى احنا نرفض الغريب يظلمنا ونعمل عليه ثوره لكن لما المصرى يظلمنا نعمل فرح .

smilyrose said...

على فكرة يا خالو أحمد

الثورة لما قامت قامت عشان ترفع الظلم عشان كان الفسا د منتشر وكان

لا بد من وقفه لمنع هذا الفساد ورفع العناء عن كاهل الشعب

ولكنا ضعنا ما بين الفكر الاشتراكى والرأسمالى وما بين جشع فئة معين

وقيامها على حساب هذا الشعب وبدل الثورة ما تصلح حال الشعب

ها نحن وبعد 56 عاما نقف فى نقطة قد تكون أسواء مما كنا عليه الشعب

سنة 1952 بدل من ( ملك فاسد واحتلال انجليزى )

مافيا رجال الأعمال وإرتفاع الأسعار وحرب يومية للحصول على رغيف العيش

خطة جميلة حتى لا يستطيع أحدا من أفراد هذا الشعب أن يحاول البحث عن حقه وأن يقف ويحاول

أن يقول لهم أين حقوقنا أين ثرواتنا ويكون الشئ الوحيد المسيطر على الأغلبية هو رغيف العيش

حتى لا يحاول أحد أن يعرف أين تلك الثروات فبلدنا مليئة بالخير الذى يكفى شعبها وأكثر كى يعيش حياة كريمة ولكن
أين العدالة الإجتماعية

ليس لها وجود

موضوع رائع

ومتخفش لو حصل حاجة هنيجى نزورك المهم اننا نقول كلمة الحق

ربنا يوفقك
smilyrose

صانعة الحرية said...

ااااااااااااااه
قلبى وجعنى
حسبنا الله ونعم الوكيل
أنى لهذه الدولة ان تنهض

S H A H said...

مقارنة جميلة
تظهر واقع قبيح

بوست رائع يا صباغ

appy said...

احمد
مش اسمها ثورة اسمها انقلاب عسكرى يا ابا جهل
انت مصمم تزييف الحكائك انت كمان ههههههههههههههه

بس خلاص الرد بتاعى فى بوست عندى هههههههههههههههه

NilE_QueeN said...

الا العالم دول مش بيسددوا ديونهم ليه

مزنوقين
وبعدين مش الانون بتاعنا بيمنع ان اى موظف كبير يكون ليه بيزنس

قلب مصرى said...

اتفق معك يا صديقى خاصة فى جزئية التعليم، فلم نرى بعد الثورة من هو فى قامة مصطفى مشرفة أو سميرة موسى ((علوم)) أو نجيب محفوظ أو طه حسين أو العقاد ((أدب)) أم كلثوم أو عبد الوهاب أو عبد الحليم ((فنون))أو غيرهم من العديد من المبدعين.
وحتى من كانت شهرته فى عهد الثورة كان قد نال تعليمه فى العهد الملكى ولم تخرج لنا مدارس الثورة حاجة عليها القيمة

سبهللة said...

يااااااااااه
يا خال
دة انت قلبك شايل ومعبى
حاسب بس على نفسك لا يجيلك الضغط والسكر
وبرضه مافيش حاجة هاتتغير

مواطن مصرى نايم said...

الموضوع جميل جدا يا صباغ

بس راح منك كام واحد كده
اولهم علاء مبارك
و عائلة اشرف مروان اصحاب قنوات ميلودى
و مصطفى السلاب
بتاع سيراميكا رويال
و فى حبة تانين برضوا
بس اللى انت كاتبهم كفاية
تحياتى يا باشا
اسلام

سومه...مجنونه فى بلد عاقل said...

واخيرا حكم المحكمه ببراءه المتهمين فى قضيه العباره....!!؟
وفيها ايه لما كل دول مديونين للبنوك...عادى ماهى مصر امهم يا صباغ
لكن احنا اللى ايتام لو شاب اخد قرض ب2000 جنيه كان اتجاب من شوشته
تحياتى ليك سومه_87

nody_1987 said...

ثوره ايه
تقصد الانقلاب الى عملوا شويه الظباط دول
ممكن
ونسيت تتكلم عن تدهور الاقتصادى
وانخفاض قيمه الجنيه
المليون دولار ايام الملك فاروق كانوا بيساو200 الف جنيه مصرى
شوف بقى الجنيه كان بكام دولار
بوست جامد
سلام

نوره الخشن said...

يامناظرك ياصباغ!

بس على فكرة ابو العينين ده مجتهد مش زي الاخوه الاعداء التانيين انا تقريباً عارفة معظمهم
بس غريبة مجبتش سيرة مصطفى البليدي من ضمن الناس التقال دوول
لو متعرفوش اديني ميسد كوول
ومحمـود الخـــــــــــشــن
بالمرة
بلاش تشهير على الملأ

sebofy7alo said...

طب أنا فين
أنت أزاي تنسى شريف
أغنى شاب مصري وجيبوا مخروم
هههههههههههههههه

د/اجدع بنوته said...

بوست قوى جدا

وفيه معلومات جامده جدا

حقيقى رائع ياخالووو

الوزرا مديونين بتلاته مليار

ماشاء الله ماشاء الله

كراكيب said...

هههههههههههههههههههه
ايه داااااااه
تخيل انت بقى لو حد من قرايبينك الصغننين قرا البوست ده وشاف اسباب قيام الثورة وجاله في الامتحان بقى
علل: سبب قيام الثورة
وراح كاتب بقى اللي انت كاتبه وقال رأيه بقى متخذا خالو احمد قدوة

عسل يا خالة عااااااسل

وجاااامدة جدا المقارنة بين الاغنياء والغلابة دي

!!خالو احمد,,, بــيس

بسمة ولكن.. said...

هههههه
هى مصر ايه غير عمو عز...وشوية حاجات صغيرة فوق بعضها
انا كنت بضحك ف الاول وبعدين جت لى نوبة فتح بق وانبهار
هوالكلام لما بيتحط جنب بعضه ..بيعمل كارثة كبيرة
بس مبقاش فى وقت للرثاء..يدوب كل واحد يلحق يظبط نفسه قدام مرايته على قد ميقدر..اكيد هنصحى تانى يوم نلاقى مصر احسن وتتمتع بقليل من النضارة
اشرب من نيلها وروق كده
......
وان شاء الله هتتعدل

Steel BeaUtY said...

oops..!!
دا العدد كبير موت !

Anonymous said...

mayhаp you remember a Fаiгytale
where the heroіnе must go thгough and through ѕeveral tests put away bу an your pain іn the neck, and ask him
іf tаntric maѕsage may be a viаble altегnatiνe for you.
How many of us givе below showѕ it just now аhead chilling.


Also visit my page :: web page
My website -