خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Jul 31, 2008

غير مرتب


مكتبتى .. غير مرتبة
تختلط الكتب بالمجلات ، وتختلط المذكرات بالجرائد فى مزيج مقزز ، ويختلط فيها عبق الزمن الجميل ، بالكتب والصحافة الصفراء

مكتبى .. غير مرتب
إزداد إرتفاعا .. بفضل أكوام الجرائد والمجلات المتربة ، بالإضافة إلى عشرات الأقلام الفارغة .. والسنون المكسورة

دولابى .. غير مرتب
تمتزج فيه ملابسى القديمة البالية الغير مستخدمة .. بالملابس الجديدة ، بالجوارب الفرادى وقلما تجد ثنائيات ، وربما تصادفك بعض الكتب بين طيات الملابس

ملفاتى .. غير مرتبة
تختلط الصور بالصوتيات بلقطات الفيديو .. وتختلط الأفلام بالبرامج .. ويختلط الكارتون بصور العائلة

نوتتى غير مرتبة
تجد خالد وندا وعلى وزينب فى حرف الألف ، ويتمدد عمر ونادين وهاجر وزياد فى حرف الراء

هاتفى غير مرتب
تجد أسماءا مكررة ، وأسماءا بلا أرقام ، وأرقام بلا أسماء

و

عمرى غير مرتب

لا زالت طفولتى وصبوتى تتردد كرجع الصدى فى حياتى
ولا أستشعر الشباب الذى أعيشة ، وإنما اتجاوزة بصدر مهموم الى غدِ بعــيد
ولا ترى عينايا الحب بعدما تجاوزت الربيع المعطر
فهل لى أن أساءل الحياةَ ربيعا آخر ؟

أحمد الصباغ

40 comments:

Radwa said...

" إنه عدم الترتيب هذا الذي يصنع "الأكوام

لحظات تمضى بلا ترتيب..تصنع معها أياماً تتخذ صفة صانعتها ..فتمضى هى الأخرى بلا ترتيب
تتساقط عنها أوراق وردية ... وتمضى قدماً رغماً عناإلى أن نجد أنفسنا نقف على كومة كبيرة من أيام"صفراء قديمة" وقد أدركنا الكبر

ومن اعلى .. نتذكر ما كان من أمر أوراق وردية جميلة
ولكن هيهات الوصول إليها وهى تختنق تحت كل هذه الأكوام الصفراء
فما أخذته الأيام لايعود
يكفينا الخيال إذن
...

رزقك الله ربيعاً يملأ به كل لحظات أيامك:)

EMMY BABY said...

زالت طفولتى وصبوتى تتردد كرجع الصدى فى حياتى
ولا أستشعر الشباب الذى أعيشة ، وإنما اتجاوزة بصدر مهموم الى غدِ بعــيد
ولا ترى عينايا الحب بعدما تجاوزت الربيع المعطر
فهل لى أن أساءل الحياةَ ربيعا آخر ؟

لازم تتمتع بلحظاتك لازم تتمتع بشبابك متسبهوش هو كمان يعدى منك من غير ماتشر بيه وترجع تقول ليت الشباب يعود يوما

زى مانت بتقول دلوقتى ليت الطفولة تعود يوما

حاول تعيش شبابك استمتع بيه فكر فى بكرة اه بس عيش دلوقتى

استعد لبكرة اه لكن اعمل اللى فى ايدك دلوقتى

وان شاء الله هتلاقى حياتك كلها حب وربيع

تحياتى

ايمى

قلب مصرى said...

بالمناسبة عدم الترتيب هذا مرض عضاااااااااااال ولن تجد له دواء فقد حاولت قبلك مرات عدة وفشلت فشل ذريع فبعد كل ترتيب يلتهم وقتا ومجهودا ستعود ريما إلى عادتها القديمة إبتداء من أول إضافة إلى ملفاتك أو دولابك وسينقلب الحال مرة أخرى
حاول التعايش مع هذا المرض
ولنا الله
سلام يا خال

همس الاحباب said...

خالوووو احمد
هههههههه
غير مرتب
يا خسارة يا ولداه
عدم الترتيب مرض العصر
كلنا اصبحنا غير مرتبين فى كل مناحى الحياة
فى عملنا فى منزلنا
حتى فى الاشياء الشخصية
ترى ما السبب ؟؟؟؟؟؟؟
لا توجد اجابة شافية اخى العزيز
ولكنها الفوضى فى كل شىء
تحياتى وتقديرى

زهرة الياسمين said...

لقد اصبحت الفوضى فى حياتنا السمة العامة لها حيث اننا نجد انفسنا احيانا نتوه فى زحام الأكوام المكدسة من ايامنا

رامز عباس said...

انا برضه

غير مرتب خالص

وكتبي ومولفاتي من خمس سنين مرميه علي بعضها


اجد احيانا الوقت والفراغ


ولا اجد المزاج القوى لرفع ورقه سطرتها وممررت بقلمي وانا اعبث بها



صباغوس
فليم فرعون انفراد جامد بس الناس اللي فاقده سمعها زيي يستمتعوا بالفليم ازاى

دى الترجمه فارس مفهمتش اللي كلمه السادات بس


جاملني وخدلك يوم اجازة واعمل استجمام وبعد العصر ارقع الكيبورد قلمين جامدين واكتب ترجمه الفليم ينوبك ثواب في الغلابه اللي زيي

سومه...مجنونه فى بلد عاقل said...

اااااااااااخ منكم يا رجاله متقوليش على عدم الترتيب دا انا طالع عينى مع اخويا الصغير اطبقله الهدوم يجيبها كلها على الارض وهكذا لحد ما حلفت ماادخل غرفته تانى
ولا ولاد خالتى ادخل اوضب الاوضه اكسب ثيواب فيهم والله بتطلع دود من المراتب يا ستار يا رب
الرحمه حلوه
اقولك على شىء حلو متاجلش حاجه لبعدين يعنى ظبط كله فى مكانه اول باول على فكره دا مش بس فى الهدوم او المكاتب دا لكل حياتك
تحياتى ليك سومه_87

مصــــري..!! said...

الخــــال أحمد

الحال من بعضه تقريباً
بس أنا عندي مبدأ
إن الفوضوية في حد ذاتها نظام!!
وطبعاً الكلام ده ما بياكلش عند الست الوالدة.

ربنا يستر.

تحياتي
أسامة

Tamer Alhosiny said...

لجظه غريبه تلك التي اصبحت اعيشها اليوم
حين اكتشف انني وصلت لهذا العمر
هل حقا اصبجت بهذا العمر
هل اصبحت علي اعتاب الخريف
دون ان احيا في الحياة ولا اشعر بالربيع

نفس اللحظه الغريبه اشعر انك تشعر بها
لبد ان هناك خطب ما
هل نحن نعيش بلا وعي
بلا متعه
حتي تفاجئنا الارقام
وتسخر منا الايام

اشاركك تلك اللحظه
انسان عاشق حر
تامر الحسيني سابقا

مصطفى محمد said...

الحال من بعضه
:)

عصفور المدينة said...

تحتاج
Organization Skills

ابو اعصار said...

طنش تعش تنتعش
كبر دماغك
الترتيب ممل
لكن الشي المهم لازم تحطه في مكان مميز انا قلت تحطه مش ترتبه
طالعلي يا خال

خمسة فضفضة said...

السلام عليكم ورحمة الله وبركاته

كلنا هذا الرجل

بسنت said...

بدايه انا شيفاها فوضى يا احمد مش مجرد عدم ترتيب
هى يمكن ملائمه الاحوال كلها
كل حاجه دلوقتى مقلوبه وماشيه بدماغها
ما جتش علينا
بدايه الربيع المنظر وهو فصل الكل طبعا عايز يلحقه
هو استعدانا الكامل ليه مش بالانتظار لا بالسعى انه يجى فعلا لينا
اعطى-- تلاقى
رتب حاجاتك يا احمد
والحياه هترتب نفسها ليك
بوست حياتى جميل وصادق
سلمت

دعاء مواجهات said...

قريت كل التعليقات

بس محدش حس زى ما انا حسيت

(قلقااانة عليـــــــــك)

________________-

بص ياأحمد هى حالة نفسية طبعا اكتر منها اى شئ آخر

مقصدش انك مجنون طبعاً لا خاالص

المهم عاوزة اقولك اننا احنا اللى بنعمل الربيع والخريف المهم منستنااش كتير على ما ناخد الخطوة والقرار الصح..

ياارب تفهمنى

اقولك انا هفهمك بس مش قدام النااس

بيس

دعاء مواجهات said...

مش عارفة لية بقرأ عنوان البوست إنة

(إحتياج)

يمكن عندى هلاوس بصرية..

معرفش

هنبقى نتفاهم اكيد..

وفاء بركات said...

السلام عليكم أ.احمد
العمر قامك لسه طويل بعد الوقفه دي مع نفسك تقدر تريب كل حاجه ولا آيه ياعم الشباب .....محبش أشوفك محبط أو متضايق إنت غالي عندى جدا
ربنا يفرح قلبك وتفرح بأيامك اللي جايه
أتمني ليك كل السعاده وكلالنجاح والتوفيق
تحياتي

اهو ده عيبه said...

رغم انك غير مرتب لكن البوست ده قدرت ترتب فيه افارك
حاول تقنع نفسك انها فوضى جميلة
او رتبها وريح دماغك
ولا انت من اعداء الترتيب؟
على فرة لو نظمت حياتك مرة هتحس بالفرق وهتتعود على كده

رندا said...

حالة الرتابة التى تُصيب الجميع تجعلهم أحيانا ينظرون الى كل شئ محيط بهم البعض حياة آلية لاجديد فيها ولاتقدم
مع كل المجهود المنذول
هل جديد عليك عدم ترتيبك لاشيائك
بالطبع لا
ولماذا فى هذا الوقت تقول انك غير مرتب اعتقد انك تريد ان ترتب
اشياء اخرى فى حياتك
وبالطبع المعنى فى بطن الشاعر
صديقى الجديد احمد
انت تريد حب ينظم لك حياتك
تريد زوجة تكون بجانبك لكى تكون عونا لك فى حياتك
اعتقد يعنى جايز انا غلط وجايز انا صح ولكن كل الى احسست بة من خلال كلماتك انك تريد ان تغير حياتك الى
الحب او تريد ان تكون اكثر مجهوداً
لا تجهد نفسك فى التفكير اكثر
وان شاء الله الحياة سوف تكون ربيع
وتشم رائحة الورود فيها
جميعنا فى لحظات نتمنى اننا نرجع بطفولتنا السابقة
انا عن نفسى اعيش الطفولة فى كل وقت
مع ابنائى مع ابناء اخى
المهم اننا نعيش الطفولة

اتمنى ان الله يدخل الى قلبك كل السعادة وكل الحب

تقبل مرورى

تحياتى

رندا

Unique said...

ساعات بنكون في وسط الفوضى ومش بنحس بيها او ممكن نحسها ضخمة الى الحد اللي لا يوجد له حل

وساعات لما بنبعد شوية الصورة بتوضح وتتضخم في ادراكنا اكتر او ممكن تصغر في عينينا ونتناساها

كل ده مش مهم

المهم تقيّم امورك بواقعية من غير تصغير او تكبير يعني لو لقيت انك محتاج تعمل خطة محكمة حطها وابدا تشتغل عليها ولو اني افضل الحل واحدة واحدة

وده اللي يستحسن يستخدمه شخص اعتاد ان لا يكون مرتب زيي هه .. يعني ابدا بالورقة اللي في ايدك دلوقتي حطها في مكانها الصح وانتقل للي بعدها من غير ما تفكر في لحظة انك تلتفت للكومة لان المنظر بيكون فعلا مفزع جدااا

اما موضوع الربيع والخريف فهو ده كمان من الاشياء اللي لازم تتجاهلها نهائيا .. الانسان بيعيش قد ايه علشان يقسم حياته ربيع وخريف .. السنين بتجري بسرعة بدليل كمية الذكريات الهائلة اللي عندك .. هتلاقي بعضها من سنة وبعضها من عشرة وبعضها من عشرين لكن بتحس ان كلهم كانوا امبارح .. الخلاصة ان الربيع احنا اللي بنعمله مش السنين .. امال لما تعجز هتعمل في نفسك ايه ..هههههه

انا عارفة اني رغيت كتير بدون ادنى ترتيب .. معذرة

FreeKiller said...

بالنسبة لعدم الترتيب
كان فيه حلقة تقريبا ف برنامج اوبرا من اسبوعين كده عن الموضوع ده
بس معرفتش أستفيد منها شخصيا
ممكن حضرتك تدور عليها
يمكن حضرتك تستفيد


بالنسبة للعمر
الواحد نفسه يرجع طفل تاني
من غير مشاكل و هموم و مسؤوليات
بس هنعمل إيه
ألا ليت الطفلة تعود يوما
فأخبرها بما فعل الشباب

عيش اللحظة
و ربنا معاك

كن بخير

البت قباحة said...

امممممممممممممممم

والله عدم الترتيب دا عادى عندكو بس عشان تحل الموضوع دا يا احمد محتاج وقفه مع نفسك

يا ترتبه لنفسك و تستسلم للامر الواقع عشان مينفعش تعييش كدا على طول

ياما الحل التانى و هو انك تشوف اللى يرتبهولك يا احمد

ودا اللى وصلك لنفطة حياتك الغير مرتبةو اللى تتمنى فيها انك تقابل اللى يرتبهالك

دا احسا طبيعى يا احمد بس عارف اللى عايزة اقولهولك ان ربيعك لسة معداش لانة ببساطة لسة مجاش و اوعى تفتكر ان زكرياتك و سنينك اللى عدت دى راحت كدا و انها بلا داعى و زى مبتقول غير مرتبة

سنينك دى هى اللى انشالله هتقعد كدا كمان 50 سنة مع شريكة حياتك تفتكرها و تسترجعها

حياتنا كلها ربيع يا احمد بس لو شفناها زى ما احنا عايزين نشوفها

و متقولش ان حياتك غير مرتبة لا نها ببساطة نتجت عنها شخصيتك الحالية اللى ماشاء الله عليها جميلة جدا امال لو كانت حياتك مرتبة كت هتطاع اييه

الصبر يا احمد يا خال المخاليل
كلنا قاعدين على فيض الكريم اهو

تشاااااااوووووووووو

son's egypt said...

السلام عليكم
النظام في حياتنا كلها يجعانا حتي منظمين في افكارنا وفي عمرنا
ولا نطلب بعد ذلك من العمر ربيعا

Ma7moud So3ody said...

مش من حقك تطلب ربيع جديد

كن مبدعاً
متحدياً

وغير ربيعك الذي تكرهه
دون الهروب منه

بحبك

سعودي

مدرسة الفشله بنات said...

مش مرتبهم ليييييييييييييييييه
مش كفايه انى بديك جنييييييييييييييه ونووووووووووووووووص كل شهر
لا ماهو مال سايب

ست البيت said...

تفتقر إلى شيء ما يعيد إلى حياتك البهجةا لمنشودة
لا يجدي شيئا مع ال miss organization
إلا فرحة في العمر
دفء في القلب
حدث ما يغير حياتك يجعلك تجدد حياتك من جديد
تستشعر أهميتك
حنلف وندور ليه من الآخر يا أحمد
أنت لازم تبقى بابا أحمد
مش كفاية خالو
وابقى اعزمنا في فرحك يا ماااان
دمت بحفظ الله

Medo said...

ايوه يا صباغ
انا احمد صلاح يا سيدى حبيت احط كومنت هنا علشان تشوفنى اهو
اى خدعه
عملتلك اضافه كمان
منتظرك

•√أريـ السمر ـج√• said...

بوست رائع .. و حالة نفسية بنمر بيها بكتير من مراحل حياتنا .. يمكن مرحلة محاسبة للنفس و الأختلاء بها للسؤال على فين رايحين و ايه اللى فات مننا بغفلة .. لكنها بداية جميلة لأجل اللحاق بالآتي و ترتيبه

دمت بكل الخير و الابداع

mahamad said...

لقد اضفت مدونتك الى مدونتى وارجو ان تضيف مدونتى شعر نزار القبانى
http://free2e.blogspot.com

بت خيخة وأى كلام said...

انا شامة ريحة حزن

WhItE HeArT said...

ولا يهمك ياعم

كلنا ذاك الرجل

وبعدين ايد لوحدها متصقفش

انا ممكن اجي اساعدك

هههههههه


وبلاش الاكتئاب ده

تحياتي

نور جديد said...

السلام عليكم و رحمة الله
ياااااااااااه بقالي كتير اوي مجتش عند حضرتك
بس قلقت كده اول ما قريت التدوينة
بص يا فندم
انا عندي الحل
اعمل جدول ترتيب كل يوم ترتب حاجة
و بكده المكتبة و المكتب و الدولاب و النوتة و كل الحاجات هيبقوا تمام ان شاء الله
بالنسبة لربيع العمر مش عارفة ليه حضرتك متشاؤم او زعلان
حياتك ملكك محدش يقدر يسلبها منك الا بمزاجك
فتقدر تستمتع بالعمر اللي معاك دلوقتي ان شاء الله
برده بنظام و بترتيب
هو يمكن انا معنديش نفس خبرة حضرتك في الحياة و لا كم خبرات حضرتك
بس يمكن تكون معايا خبرة مختلفة حتى لو واحدة بس
ربنا مع حضرتك و يوفقك للصح ان شاء الله

كراكيب said...

خالو: احيانا بكره الترتيب الزيادة
ولما الاقي واحدة صاحبتي مرتبة اوي وكل حاجتها متوضبة بزهق منها ومن بيتها

ولما بقى ماما تدخل الاوضة وتلاقي سريري ومكتبي و دولابي مش متوضبين وتقلب وشها وتمشي وتقولي زهقت من فوضويتك
بعرف ساعتها ان التوضيب والكركبة دي حاجة كدة من شخصية البني ادم
زي ان ده عصبي وده هادي كدة يعني

المهم بقى يا خالو انت مبسوط كدة واللا بوستك ده تمرد على الكركبة؟؟

miro el niro kwaniro

أية الشقية الشعنونة said...

امممممممممممممممممممم
انا ممكن ارتبهملك بمرتب كام ؟
كام كام يا بت يا ايه
مش عارفة
بس روق اوضتك انا علمتك كده يا احمد
ادى اخرة التعليم المجانى
خلاكوا مستهترين
ههههههههههههههههههههههه
بهزر طبعا يا ابو حميد
بس بجد هى دى الدنيا لخبطة فى كركبة
لك خالص التحية

بسمة ولكن.. said...

لو ام الدنيا وافقت لك على ربيع اخر ..انطلق
بس هتضطر بقى تقف ف طابور عشان تاخد الموافقة وتروح تمضيها من المدير..وتحط دمغة من عتد الغفير..وتجيب اذن دفع من مش عارفة فين
اهو تلحق ترتب دولابك ومكتبك لغاية ميجى دورك
صحيح سايبهم كده ليه...؟
مترتبهم
ده ترتيب مقتنياتك ممكن يغير نظرتك للحياة
ويخليك تشعر ببهجت
قوم قوم.. رتبهم

GiGi said...

لازم حياتنا تبقى متلخبطه
وشويه تبقى فوق وشويه تحت
بس احنا مش لازم نضعف ابداااااااااااااااا
بس على فكره انا كده مبسوطه انك ابتديت تحس بالحياه لانك كنت بتتناسى الحياه فى وسط ماشاء الله كل اللى بتعمله
يارب دايما حياتك حلوه
والله يااحمد حياتك هتبقى احلى حياه
ربنا يكرمك يارب ويوفقك وتبقى اسعد انسان فى الدنيا ايارب

Soooo said...

لا خير ان شاء الله

حلك عندي وانا ابو لاوندي

في رتابه بالكهربا .. بتحط فيها كل حاجه وتدوس على زرار تقوم كل حاجه تترتب لوحدها .. تكونولوجيا على ابوه

ولو عايز ترتب حياتك ككل .. ادخل وانت حاطط في بطنك بطيخه شيليم .. هتطلع كانتلوب زي العسل
-----------
حياتنا كلها عايزه اعادة بناء .. بس الاول عايزه تتهد صح




على فكره .. فيلم اغتيال فرعون ولا اعدام فرعون ناقص ياعم .. اتصرف بقى وشوف القفله التمام




سلامووووووووووز

Anonymous said...

عجبتنى اوى مدونتك
والقائك للجمل والكلمات
من فوق عاتقيك على كاهل المكتب او كاهلنا
بس جميلة
صاحبة صنية المكرونة بالباشميل

sa3at said...

السلام عليكم ورحمة الله وبركاته..... .

أخي متقلقش احنا كلنا هنا ممكن نساعدك ونرتبهم معاك ههههههه ... .

تقبل احترامي وتقديري على المدونة الجميلة ..... .

أختك أفنان محمد المغربي... .

L.G. said...

نعم للفوضى ونعمين للنظام :))
ايه أخبار الاسهم في ورقات الكتابة ؟؟ موجودة أم ليس بعد

الفوضى تعطي الحرية بينما النظام يقيدها ولكنه يوفر مزيد من الوقت يمكن استثماره
تحياتي