خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 1, 2008

مخلولة جديدة أول يوم رمضان


مع أولى لحظات فجر أول يوم رمضان
قَدِمت إلى عالم المخاليل .. مخلولة زغنونة كدة ما تتشافش بالعين المجردة
زغنونة .. زغنونة
يعنى حاجة بتاع خمسة جرام كدة
لأ خمسة جرام كتير
حاجة بتاع تلاتة كيلوبايت
وكالعادة فى المناسبات دى جدول يومى بينقلب رأسا على عقب
مش بروح الشغل ده أساسى
وبعدين لما بيرجعو من المشتشتفى
بقوم بدور الصبى .. روح هاتلنا حلبة .. روح هات لنا موغات
أروح جرى أجيب .. وبعدين أشربهم أنا
أصل انا بحب الموغات اوى

فى الايام اللى بحتفل فيها بعيد ميلادى التاسع والعشرين
( بس شكلى كوتكووت والله عااااااااا )
بردة بيمر الذكرى الثامنة عشرا على تنصيبى خالا متوجا
وحصولى على لقب خالو أحمد
وكان فى رمضان بردو
وكنت فى الايام دى على ما اعتقد كان رمضان فى الاجازة
وانا كنت بصحى من النوم - بالضرب- على أدان المغرب كدة
وعرفت انى بقيت خالو
ورحت اتفرج على الكائن الجديد
كان حاجة بردة كدة ..من الكائنات الدقيقة
وكان برئ كدة وكوتكوت خالص
( طبعا ليكم ان تتخيلوا ان الكائن اللى بحكى عنه دلوقت عمرة تمنتاشر سنة )
وبعد كدة توالت المناسبات الخلوية واصبحت خالو للعديد من المخاليل ذكورا وإناسا
فى اول تلات اربع طلعات مخلولية كان المخاليل بيجو ذكور
وبعدين حصل هجوم مخلولاتى من البنات على مدار أكتر من خمس مخلولات
وبعدين كان عندى أمل ان القادم الجديد يبقى مخلول ذكر
بس بردو البنات حنينة ويحسسونى اكتر بخلولويتى
بدل التشرد الاطفالى اللى بشوفو فى عيون المخاليل الذكور
وطبعا نتيجة لهذة العملية المخلولية
فأنا هفطر لوحدى أول يوم رمضان
أسيبكم بقى عشان أقوم أمارس إبداعاتى الغذائية
ولو إتأخرت فى المطبخ ياريت حد يبلغ الاسعاف والمطافى والدفاع المدنى

كان معكم من أول يوم رمضان قبل الفطار
خالو .. أحمد الصباغ

55 comments:

bos bos said...

كل سنه وانت طيب

اسه هتعمل ايه على الفطار حرام عليك الناس مش ناقصة
يعنى ابلغ الاسعاف من دلوقتى ولا ايه

مهندس مصري said...

الف مبروك يا بو حميد
يعني بتقلدني حتى في المخاليل
اقولك جالي مخلولة من شهر
يقوم يجيلك مخلولة النهاردة
:)
افطر يا سيدي افطر
ربنا يستر على المطبخ

عاقلة علي ارض الجنون said...

ياهووووووو

انا جايالك بعد الفطار

انا اول مره اعرف ان أكبر مخلول عندك عنده 18 سنه

يعني قدي

و انا كده مخلولتك رسمي

بس استغراب فظيع يعني لما اول مخلول عنده 18 سنه يعني كنت خالو من و انت عندك 10 سنين

هههههههههههههه

كل سنه و انت طيب

مبروك المخلوله الجديده و قوللي اسمها ايه عشان اقيدها في سجل المخاليل مهو مش عشان مخلوله من ناحيتك يعني تتوسط لها بقي و تبقي مخلوله من غير تسجيل كده

كل سنه و انت طيب يا خالو

و عقبال لما مخاليللك يبقوا مليون كده

رمضان كريم .. و ربنا يستر عليك بقي
قوللي لو عاوز الاسعاف اطلبها من دلوقتي
إحتياطي

مهيج الجماهير said...

الف الف الف مبروك
و عقبال ما تبقى بابا أحمد الصباغ
تحياتى

Jana said...

مبروك عليكم البيبى الجديدة
ربنا يحفظها ويبارك فيهاوينبتها نباتا حسنا آآآمين ..

صعب ابعت المطافى من اسكندرية على الفطار ..بس ممكن نلحق السحور
:)

كل عام وأنت بخير والى الله اقرب
تقبل الله منك صالح العمل ورزقك من فضله وعتقه ورحمته

د/اجدع بنوته said...

الف مليون مبرووووووووك

رمضان كريم

وكل سنه وانت وكل مخاليلك وكل اللى بتحبهم

بخير يارب

وعؤبال منشوف اولادك كده يارب

الف مليون مبروووووووك

Desert cat said...

الف مبروك على النون يا احمد
تتربى فى عز مامتها وباباها يا خالو
كل سنة وانت طيب بمناسبة رمضان وبمناسبة عيد ميلادك
ده ايه المنسبات دى ربنا يزيد منها يارب
ها فطرت ايه بقى

MaGn0liA... said...

كل سنه و كل مخاليلك طيبين

و ربنا يزودهم و يبارك فيهم

و ان شاء الله الفطار يعدى على خير

كل سنه و انت طيب

سلامات :)

Soooo said...

مبروك مبروووووووووك يابو الصبابييغ

تصدق يابن منتقتي لو كنت قلت من بدري .. كنت قلتلك تعالى افطر معايا

بس سيبك انت .. خلفة البنات دي عسل قوي

ربنا يخليلكم المخلوله الجديده ويبارك لاهلها فيها ويجعلها نعم الخلف لخير سلف

وتعالى بكره ياعم افطر معايا

اقولك
هات شوية مغات


سلاموووووووووز

kochia said...

مبروك
الحقيقة حاجة تستاهل التهنئة طبعا
خاصة لو كنت بتحب اللقب
خالو
وما وراءه

كل سنة وانت طيب

نهر الحب said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

Amgad said...

مممممممممممم
انا برده لمحت خالو احمد دي
في اكتر من مكان
فقولت اشوف ايه الحكاية
اتاريك معتز اوي بمخاليلك
طيب يا سيدي ربنا يجعلنا من
محاسيبك
سوري مخاليلك
مبروك علي المخلولة الصغيرة
والي اللقاء ف باقي المخاليل

Sourah said...

الف مبروك يا احمد ، و ربنا يبارك في الزغنونة.
و على فكره اسمحلي اقترح عليكم تسموها كريمة ، على اسم خالتي ، اصلها لما اتولد في رمضان ، الناس قالو لستي البت دي بخيلة عشان مش هينفع تعمليلها سبوع في رمضان
، يعني بيوت بأه و فيها عيال ، و زحمة طبيخ الفطار ، فالناس مش هتعرف تيجي ، فقالتلهم ستي لأ دي هيه كريمة ، و من يومها ما بنقولهاش الا يا كريمة ..

اللي هيجنني في الموضوع ده ، ما الناس عندهم بعد الفطار ، فيها ايه لما السبوع يتعمل بعد العشا ..
و اللي هيجنني اكتر ، ان خالتي دي اسمها في البطاقة فاطمة ، بس بنقولها يا كريمة ..

و اخر الكلام سلاااام ..!!!

ADAM said...

السلام عليكم

كل سنة وأنت طيب يا خالو

وعقبال مليوووووووووووووون سنة

وتفضل خالو حبيبنا كلنا


تحياتي



آدم


شالوم

smilyrose said...

كل سنة وانت طيب يا أحمد

على فكرة مش لوحدك اللى عندك مخاليل

ربنا رازقنى ب5 مخاليل دول دائمين معايا

ليل ونها وانت عارف جنونى امبارح لما رجعت من الشغل

دا عاوز خشاف ودا عاوز عرقسوس ودا ودى

خنقونى امبارح بس يلا المهم انهم سعداء

اى تعب بيهون لمجرد نظرة سعادة فى عيون انسان بتحبه

على فكرة اصغر مخلولة عندى عندها 11 سنة

بس شقية جدا اسمها جيجى أو جيهان الشقية

ربنا يكتر من مخاليلك واحنا معاك

اه على فكرة اسمها ال8 بايت الجديدة

رمضان كريم

smilyrose

وردشان سابقا

smilyrose said...

أه احمد نسيت اقولك

النهارد زدنا 2 صغنين قوى فى أول يوم فى رمضان

محمد وسما ربنا يخليهم ونشوفهم كبار يارب

بقيت خالتهم برده

العيال عماله تكبرنا مش عارفة فيه ايه

خاله وعمه وبعدين

يلا بقى

العمة او الخالة وردشان سابقا

smilyrose

صباح الصباح said...

يا عم يا عم
ربنا يكتر لك المخاليل يا رب وتشوفهم اد الدنيا كلها

تشرفت جدا بلقاؤك فى الساقية واتمنى ان نلتقى فى تجمعات تدةينية اخرى
كل عام وانت بالف خير

المستنصر بالله said...

كل سنه وحضرتك طيب
رمضان مبارك عليك

هبة النيــل said...

قرأت اسم مدونتك كذا مرة عند ناس

قلت آجي أشوف الراجل دا بيقول إيه

لذيذة مدونتك

وهزورها تاني ان شاء الله

ست البيت said...

كل عام وانت بخير يا خالو ،،،
وربنا يخللي النخلولة الجديدة
مش عارفة حاسة أنها اسمها بالشين
يعني شاهي شهد شاهندة
احساس
طيب بما انك لوحدك ومكره
مسموع بالتدوين لحين عودة ست الكل للبيت
وبعدين لو شوفت او سمعت انك دونت في العشر الأواخر
حيبقى يومك مش معدييييييييييييييييييييييي

جانا ،،،
انت هنا وأنا قالبة الدنيا عليكي
شكرا يا أم آلاء
بس بعته وحشة دي
كل عام وانت بخير

وومن said...

خالو

مبروك علي المخلولة الجديدة ربنا يبارك فيها وتتربي في عزكم

فكرتني بالمخلول الصغنن اللي عندي جه برضة في رمضان من 3 سنين ومن ساعتها وانا مستنية باقي المخاليل

مش عارفة اتأخروا ليه

الف الف الف الف ميرووك عقبال مانشوف انتاجك المحلي يكون قريب يارب

محمود الدوح said...

1000 مليون مبروووووووووووك
وطبعا احنا معزومين على رز بلبن وفشار وسودانى وملبس

سبوع بقى

nona said...

الف مبروك يا خالو على النونو الجديد بس انت مش قولت اسمها اية و مش هنوصيك باة لازم تبقا مدونة كبيرة اد الدنيا زاى خالو احمد كدة
وكل سنة و انت طيب و تكون ديما فى طاعة الله
بس بدل ما نتصل بالمطافى و الحاجة تيجى تلاقى البيت فى خبر كان انزل اى مطعم و امرك لله هو صحيح هيتخرب بيتك فى اكل المطاعم و لكن ولا يهمك المهم البيت يبقا سليم
صحيح يا خالو انا مش عارفة اتفرج على الصور الاى فى اليفيس بوك قولى اعمل اية

كوارث said...

تحيا مصر يا خال
انا شِفتَك يوم حفل المدونات توووو
كل سنة وانتا طيب
وعقبال اما تبقى جد بقه ثم جد جد ثم فرعــ.. احم .. ثم تبقى البيج بوس بتاع الليلة ده كلها

المـــفـــــــقــــــــوعـــــة مــرارتـهــا said...

كل سنة وانت طيب ياخالوا
وعقبال يارب ماتتحول من خانة خالو إلي خانة بابا

Rannon said...

مبرووك عليك المخلولية الجديدة:))

كل سنة وانت طيب

تحياتي :)

اسكندراني اوي said...

هههههههههههههههه
حمدا لله على السلامه وجعلها الله مولوده السعد والهنا ومتع والدتها بالصحه والسعاده يااارب

محمد محمود يوسف said...

كل سنة وأنت طيب


وألف مبروك

ـ-ـ- أحمد عبد العدل-ـ-ـ said...

كل سنة وانت طيب ياخال
ربنا يبارك فى عمرك وعمرهم
دى سنة الحياة .. شوية عيال ييجو نتفرج عليهم وهمّا بيكبروا وفى نفس الوقت ناس تانييين بيتفرجوا علينا واحنا بنكبر
ورمضان كريم
وبعودة الأيام بكل خير ان شاء الله ومبروك الكتكوتة الصغيرة

قوس قزح said...

الف مبروك يا احمد
و عقبال ما تبقى بابا مش خالو :)

Dr. Flavio said...

كل سنه وانت طيب يا أحمد

وألف مبروك قدوم المخلوله الجديده ... مالييش دعوه أنا عايز السبوع

واتوصى شويه بالشيكولاته:))

رمضان كريم

صاحب المضيفة said...

ربنا يخلولك كمان وكمان يا خال

ويرزقك بكم رايق من المخاليل الصغار بشكل لا ينقطع


خلي بالك من الطبيخ يا خال بدل ما نلحقك بالاسعاف



سلاماتي يا جميل

مصطفى محمد said...

رمضان كريم
:)

قلب مصرى said...

ألف مبروك وصل المخلول الجديد وعقبال وصو أولاد إنت بقى وتجمع بين لقب خالو ولقب بابا إن شاء الله

Soul.o0o.Whisper said...

خالو يا خالو

ألف ألف مبرووووووووووك على المخلولة الجديدة
رغم إن عدد المخاليل يفوق ذلك بككثير جدا
فأنت خال روحى << حلوة خال روحى دى
خال روحى لكل المدونين

ياللا ببلاش اهو

عارفة انى مقصرة فى حقك جامد
بس معلش اعذرنى

كل سنة و أنت طيب
و رمضان كريم
....
اه كريم ..يعنى بدل ما كل رمضان تبقى خال لمخلول واحد تبقى خال لكذا مخلول مرة واحدة
ههههههههههههههههه

خالص تحياتى

egyboy said...

الف مبروك على المخلوله يا خالو وكل سنه وانت طيب

وانتظر فى هجوم مخلولى ذكورى قادم متستعجلش انت بس

مصطفى

دعاء مواجهات said...

تتربى ف عزك

يااحمد باشا

وتعيش وتقرفك

وعقباالك

.......

عايزه اتطلق و said...

كل رمضان وانتا واسرتك واخواتك البنات اليى مخلينك خالو بالف مليون خير وربنا يبارك فى الوافد الجديد ويبارك فى عمره..
انا كنت زرتك قبل كده وسبت تعليق اعتقد على ما اذكر قايله فى التعليق رايى فى بوستات المدونه اعتقد ...بس على العموم اسعدنى جدا زيارتى لمدونتك وكل رمضان وانتا بالف خير وسلام...

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

tote said...

السلام عليكم
رمضان مبارك عليك وكل عام وانت بخير وتعيش وتكون خال يا رب وربنا يخليكوا لبعض بس اهم حاجة مش تطول فى المطبخ ها
ههههههههههههه
رمضان مبارك

برنامج انت تسال والكمبيوتر يجيب said...

الأخ العزيز احمد الصباغ
تحيه طيبه وكل عام وانت بخير ومبروك المولوده الجديده
سمعنا عنك وقرانا عن نشاطك التدوينى المتميز وحيث اننا اول برنامج أذاعى عن النت والمدونات فى الشرق الأوسط من أذاعة مصر الرئيسيه
يهمنا التواصل معك ونرحب بزيارتك لمدونتنا وموقعنا
وكذلك نرحب بمحبيك وزوار مدونتك
المدونهhttp://netonradio.blogspot.com
الموقع
http://netonradio.f1.cc

Hossam said...

hi ahmed
ramadan karim
i want to know ur opinion on ma new topic
(letter to israelis)

عاليا حليم said...

كل سنة و أنت طيب و ربنا يباركلكوا فيها
شكرا علي دعاية الأفطار علي الفيس بوك

فين دعاية مدونتك بأه ؟؟؟
هههههههه

معلش عايزة أستغل شهرتك شوية أصل النت عندي مهيس

:)

مردودالك في الأفراح يا خالو

همسة said...

مبارك المولودة الجديدة
بس فين السبوع
مش هتعدى كدة
ومبارك عليك الشهر
كل عام وانتم بخير

almasry said...

كل سنه وانت طيب


أتمنى يكون رمضان سعيد عليك وعلى كل الأمه الإسلاميه ....... قول يارب


تحيـــــاتى

المصـــــــــــــــرى

norahaty said...

السلام عليكم ورحمة الله وبركاته
وكل لحظة وانت والاسرة بالف خير
ومبارك ولا بلاش مبارك دى مبروك مارزقكم الله من المخاليل الصغيرة
وخصوصآ الضيفة الاخيرة دى اللى خلتك تفطر اول يوم لوحدك
معلش هم كده يعملوها واحنا اللى نفطرلوحدنا
مبروك مرة تانية
وحمدلله على سلامة
الام والوليدة
تتربى فى عزهم يارب
كل سنة وانت بالف خير

زهرة said...

اذيك احمد
مبروووك علي النونو الجديد
وعقبال كل رمضان D:

بالنسبة للفطار بقي
افضل تشتري جاهز احسن ما تحرق المطبخD:

كل سنة وانت طيب لعيد ميلادك وعقبال 100 سنة

رمضان كريم

لماضة said...

الف مبروك
ربنا يبارك فيها
كل سنه وانت طيب

كريم بهي said...

كل سنة وانت طيب

ر
م
ض
ا
ن


ك
ر
ي
م

وكل رمضان وانت بالف خير وسلام

اتمنى ان تزور مدونتى
الشاعر كريم بهي

أميرة محمد محمد محمد said...

يوم العاشر من رمضان يوم الزحف المصري لكسر الحصار عن غزه
عايزين كلنا نشارك في الحدث يا جماعه
كلنا عاوزين نكسر الحصار وكلنا لازم نعمل حاجه
باذن الله في قوافل هتطلع من القاهره يوم العاشر من رمضان قافله الساعه 6صباحا امام نقابة الصحفيين والاخري الساعه8صباحا امام نقابة الاطباء
اللي عايز يطلع لازم يتصل يحجز الاول

ممكن تتواصلوا معايا عن طريق المدونه

او مع محمد عادل عن طريق مدونته
علي اللينك ده
http://43arb.info/meit/?p=1228

بت خيخة وأى كلام said...

مكملتش باقى البوست
اصلى بتغاظ من الغلطات الإملائية

اسمها كتكوت
مش كوتكوت
اسمها اناثا مش اناسا
اسمها مغات مش موغات

الف مبروك يا ابو حميد وعقبال ما تبقى بابا

سلام
اختك خيخة

مختار الجندى said...

الف مبروك ليك
على المولود الجديد

ولقد شرفتنى بانك كنت اول واحد يعلق على مدونتى وبصراحه مدونتك جميله جدا وتشرف بها مفضلتى

وكل عام وانتم بخير بمناسبة رمضان

Dr.Mohammed Gohary said...

سبحان اله مع اني بزور مدونتك كتير جدااااااااا
بس مش عارف
ازاي مخدتش بالي من البوست داااااا مع انك قايلي عليه قبل ما تكتبة

يلااااااااا ألف مبروك عليك المخلولة التلاته كيلو بايت وعؤبال ما تبقا ميجا كدا ان شاء الله
ومعلش استحمل
دا يووووووم يا عم
أنا قعدت شهر أعمل ابداعات ف المطبخ لما والدتي سافرت السعودية

يلا خيررررر

الف الف مبروك

وعؤبال ما أجوزك وأفرح فيك كداااا

تحياتي يا بوص

أسيرة الأقدار said...

مبروووووووك يا خالو يتربوا فى عزك ان شاء الله بس دول لسة اطفال برده فياريت ترحمهم من اختراعاتك المطبخية الجهنمية دول اطفال ابرياء ملهمش ذنب فى حاجة