خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 8, 2008

من إنهاردة مفيش حكومة .. احنا الحكومة



والله مبدهاش إننا لازم فى المواقف الصعبة دى ننسى دور الحكومة
أو نرفع شعار من النهاردة مفيش حكومة أحنا الحكومة
مصطفى محمد قال لى كدة فى تعليق قال
لنا الله يا صباغ .. علينا أن نلتزم بالنظام مبدئيا عند حدوث أي كارثة حتي لا تتفاقم .. ثم علينا أن نلعب بيننا دور الحكومة المرجو .. نخاف على بعض و نحذر بعض في ود اذا بدر من أي واحد منا تصرف قد يؤدي الي كارثة .. أو سرعة التصرف في النطاق المحدود للفرد اذا ما ظهر أمر يؤدي الي كارثة .. لأن حكومتنا أصبحت كما قال مرة ابراهيم عيسي .. جكومة مثل شخصيات الكارتون .. لا تعيش معنا في الواقع
والله كلامة عجبنى اوى

أى والله .. وبالفعل لقيت الشباب متحمس جدا انه يروح يقف جنب ضحايا الدويقة سواء فى مكان الحادثة او فى المعسكر اللى اتعمل فى حديقة الفسطاط
ودى رسايل جت لى على الفيسبوك

دى رسالة
أولا : الناس اللى هناك دول صايمين : جمعية الرحمة المهداة بتوصل للناس هناك فطار و سحور و مركزين فى الجزء ده اللى يحب يساعد فى ده يكلم أ/ فيروز 0163143828 ثانيا : الناس ده محتاجة فلوس و أدوية جمعية الهلال الأحمر .....و جمعية الأورمان تقوم بتجميع الفلوس و الأدوية الهلال الأحمر .....فى مكرم عبيد بجوار المكتب الأقليمى لمنظمة الصحة جمعية الأورمان......أتصل بالرقم بتاعهم و يصلك مندوب لأخذ التبرعات تقريبا الرقم 19455 اللى يحب يتبرع بالدم أو الأدوية مباشرة ....يروح أى من مستشفيات الحسين - الزهراء - الدمرداش
ودى كمان
Rabena yebareklokom for making such an event bgad...I work in the Egyptian Red Crescent so i knew from them the status of this tragedy and what i have known is that they have done around 50 tents in the youth club there for the evacuated victims and that the injured were transferred to around 4 hospitals. And i knew also that the Egyptian Red Crescent opened the door for the donations of any kind: 1- money ( there is a bank account and of course you will take a reciept with the money you payed and if you want this money to be spent in a specific issue for instance to be given to the injured children or to buy a specific thing you must say that on paying the money and it will be done for sure, 2- clothes (must be new) 3- medications (with good expiry date), 4- food ( rice, sugar, etc,...).
احنا محتاجين نعمل حكومة بديلة للتعامل مع الازمات دى

21 comments:

FreeKiller said...

عندكم حق
احنا الحكومة
بس مش عشان مفيش حكومةمن النهاردة
لا
عشان مفيش حكومة من زماااااااااااان

bos bos said...

تسلم ايدك

هو ده الكلام

ضى القمر said...

تصرف سليم جداا

الله يوفقهم فى اللى ممكن يساعدوا بيه الأهالى دى .

شكرا لك يا احمد على التنويه والاعلان

Sara said...

Thank you for your comment, and the information provided on your blog, begad, I will make sure everyone I know finds out about this!

تسنيم حسين said...

السلام عليكم

الله يرحم اللى ماتوا ويرحم اللى عايشين

و......اللى كان السبب

وحسبنا الله ونعم الوكيل

والسلام عليكم

MaGn0liA... said...

فكره تحفه يا احمد

و هو ده الصح

بدل ما نتكلم و بس

احنا الحكومه

و ان شاء الله نعرف نساعدهم

جزاك الله خيرا

محمد الكومي said...

يااااااااااااااااه

دانت جيت متاخر اوي يا احمد

الحكومة المغيبة دي تقدر تلاحظها في حاجات كتير اوي

لاحظها في الكوارث و في المرور و في اي حاجة

مثلا عندنا في محرم بيه دايما الترماي يعمل كعبلة مرور

تلاقي سواق ميكروباص متطوع عمال بينظم المرور

و هكذا يعني

بس برضه وعلتني

ازاي ماخدتش بالك

مقاطعـــــــــــــون said...

ان جيت للحق احنا محتاجين بلاد جديده وشعوب جديده ودا لازم ياتى بالتغيير من داخلنا
ادعم حمله مقاطعون ضد المنتجات الاسرائيليه
اتمنى تزور موقع الحمله

نور said...

السلام عليكم

من عنوان الموضوع .. تخيلت انه هجوم على الحكومة

لكن بعد ما قرأته .. احييكم بشدة

هذا هو التفكير السليم في الأزمات

لابد أن توجه طاقاتنا لحل المشكلة

والحكومة .. اعتقد ان موقفها اصبح اصعب مما يمكن

دمتم مفكرين

كيارا said...

والله فكره جامده جدا

انا كنت فاكره انه هجوم علي الحومه لكن بالفعل لازم يكون لينا دور

وشكرا لتنويهك ده

مصــــري said...

يا خـــــــــــال

احنا الحكومة؟؟؟؟؟؟
صعبة شوية

انت ممكن تقول ان اننا بنحب الخير للناس.
وبنحاول نصلح ونتكلم مع اللي حولنا.

يعني نتعامل ان مفيش حكومة.
نعتبر نفسنا قبيلة واحدة وعرق واحد.

وفقنا الله الي ما يحب ويرضي.

أسامة

L.G. said...

رأيي

كل واحد فينا هو الحكومة الموجودة الناس دي احنا اللي ظلمناهم لما سيبناهم يفتروا علينا بجد مش هزار

لو كل واحد قال كلمة حق ومخفش على لقمة العيش اللي بياكلها زي الكلاب كلها ذل ومهانة لو كل واحد ماقالش ولادي مين حيربيهم لأنه ميعرفش ان اللي خلقهم موجود ليهم
لو كل واحد صرخ في اللي ظالمه ماكانش ده يبقى حالنا

متظلموش الحكومة هو إحنا الحكومة بالفعل
بص حواليك شوف كام واحد حرامي وكداب وأفاق وخاين تقريبا البلد كلها

على راي التعليق
عايزين شعوب جديدة

احنا نشيل الحكومة لو حبينا بس فين الناس النضاف اللي حنحطهم مكانهم؟

نختار ونطالب ونصر

أحمد كمال said...

جزاك الله خيرا يا أحمد على اهتمامك و الواضح بالموضوع ، و على المجهود .

ربنا كريم ، لعله يفرجها قريب ، قريب قوي .

مصطفى محمد said...

أبعاد الكارثة تخفيها الحكومة اذا صدق مصدري .. مهندس مدني بالجيش يعمل يوميا بالموقع منذ الحادث .. يقول أن التصريحات الرسمية قلصت من أوزان الصخور بشكل كبيييير .. و أن الواقع شئ آخر

أرجو أن تحدث التدوينة كلما جاءتك أي أرقام أخري للاتصال بأي ناشط أو متطوع في الدويقة أو الفسطاط

ربنا يكرمك
:)

مصطفى نوبى said...

شكرا جدا يا خالو
اول مره اعلق فى المدونه


ومن النهارده مفيش حكومه
انا الحكومه

بجد الواحد مش عارف يعمل ايه؟؟؟؟

دلنى يا خالو

ربنا يكون معانا فى اللى جاى

قلب مصرى said...

الفكرة العامة حلوة قوى إننا نعمل الدور اللى نقدر نعمله بغض عن النظر عن إنه كان المفروض الحكومة تعمله بدلنا أو لأ.
وماعتقدش إن فى حد ممكن مايوفقش على الفكرة دى.

كلنا معاك طبعاً

afew good men said...

لنا الله يا صباغ .. علينا أن نلتزم بالنظام مبدئيا عند حدوث أي كارثة حتي لا تتفاقم .. ثم علينا أن نلعب بيننا دور الحكومة المرجو .. نخاف على بعض و نحذر بعض في ود اذا بدر من أي واحد منا تصرف قد يؤدي الي كارثة .. أو سرعة التصرف في النطاق المحدود للفرد اذا ما ظهر أمر يؤدي الي كارثة .. لأن حكومتنا أصبحت كما قال مرة ابراهيم عيسي .. جكومة مثل شخصيات الكارتون .. لا تعيش معنا في الواقع
والله كلامة عجبنى اوى

والله وانا كمان عجبني ربنا يكون في عونك


بس ياريت حتي يسيبونا نعيش

تحياتي

Dr.Mohammed Gohary said...

والله الواحد ما عارف يلا\قيها منين ولا منين

ايه البلاوي دي

البلد كل يوووووووم فيها كارثة جديدة

دي حاجة تجنن

بالتوفيق يا أحمد


الواحد اتخنق

عندك حق

من النهاردة ما فيش حكومة
احنا الحكومة

دار العين said...

على مدونة دار العين للنشر
_ جمال الغيطاني : "امبارح راح فين ؟" هو السؤال الذي شغلني منذ الطفولة
_ حديث علاء الأسواني عن مشكلة انفصال المثقف عن الواقع
_ حدوتة من كتاب " المرأة والحدوتة "
http://ainpublish.blogspot.com
........
نرحب بتعليقاتكم واستفساراتكم
سواء عن الكتب الصادرة عنا أو عن سياسة النشر

dalia said...

من زمان بسمع عنك كتيييييييييير قوى واخيرا بزورك للمرة الاولى مش مصدقه والله العظيم فعلا مدونة جميلة وبها كلمات جميلة وبتحبب الواحد في عالم التدوين تقبلني جارة لك لأني لسه مدونه صغنونه

Administrator said...

http://cars-vision.blogspot.com