خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 14, 2008

زرنا مستشفى الأطفال وفطرنا مع بعض .. التغطية

تحديث : شيماء زاهر .. كتبت عن اليوم بإسلوبها الادبى الرائع .. وإيناس نهر الحب كتبت حزب بلا مقر

الحمد لله قمنا بزيارة مستشفى أطفال أبو الريش ..وكان يوم فى رأيى موفق بحمد لله وإستطعنا إننا نؤدى جزء صغير من دورنا تجاه أطفال أبرياء مرضى .. وبقول جزء صغير لإننا لسه قدامنا مشوار طويل
وحسيت بفخر شديد وانا فى وسط المجموعة الرائعة اللى جم فى عز الصيام والحر من كل فج عميق
من القاهرة وبورسعيد والمنوفية وطنطا وكل حتة ف مصر

الاتنين أصحاب الدعوة تعبوا أوى فى تنظيم اليوم
داليا .. قوس قزح و رحاب ..كوكب أبى
و
أحمد سوو .. تعب فى تنظيم وحجز الافطار الجماعى بعد الزيارة


اليوم بدأ فى الثالثة عصرا إتجمعنا قدام المستشفى وبعدين دخلنا
ودخلت مجموعة جهزت شنط الهدايا والملابس والتبرعات المادية الاخرى
وتم عمل مجموعات .. كل مجموعة لزيارة قسم معين حسب الفئة العمرية والحالة
المستشفى فيها اطفال من اول مخاليل عساسيل رضع لغاية حوالى عشر سنين دول اللى شوفتهم
المحزن ان المستشفى دى بتضم أطفال مرضى القلب والفشل الكلوى والسرطان والعلاج فيها مجانا لكن أعتقد حجم المساعدات اللى بيتقدم لها قليل لذلك مش عايزين نوقف المساعدات للمستشفى حتى لو تتم بصورة فردية خلال الفترة الجاية
واللى عايز يروح لوحدة ده
موقع المستشفى على جوجل إيرث


اليوم فى تقديرى كان يوم جميل جدا والعدد اثناء زيارة المستشفى كان اكتر من سبعين من المدونين وغير المدونين
وانا كنت سعيد اوى وقابلنا مجموعة جديدة من المدونين أول مرة ألتقى بهم
على سبيل المثال
كيكى عووووووووو .. انا خلاص سميتها كدة
وهى شخصية لذيذة جدا جدا ودمها خفيف وتحس انك تعرفها من زمااان
و
عبد الرحمن .. مواطن صيدلى مطحون وجودة كان مفاجأة ليا واحنا كانت بيننا صداقة كبيرة لكن ده أول لقاء
وهمس .. مصرية لكن متغاظة آند مفروسة .. والحقيقة قمت معاها بواجب غيظ تمام ههههه
و
مدام إيناس وابنهم عمرة 12 سنة
و ساجى كانت مانعانا من التصوير داخل المستشفى وكنا فاكرينها مسئولة من المستشفى
ولما عرفت انها معانا كنت ناوى اسرق منها الفطار بتاعها بس قولت الطيب احسن ههههههه
بجد شخصيتين من أجمل الشخصيات
و نونا .. صاحبة مدونة المهاجر نموذج لإنسانة متدينة ومنقبة ومتفتحة والكل كان فرحان بيها جدا
الكاتبة والمدونة
شيماء زاهر .. اللى كانت حريصة على متابعة الاخبار معايا قبل الزيارة بتلات ايام وكانت ملهوفة اوى انها تشوف الاطفال وتلعب معاهم
محمد الغزالى .. طبعا مش أول لقاء لكن كان حضورة مفاجأة سعيدة جدا ليا .. لانى عارف مشغولياتة

وغيرهم كتير .. كل الناس اللى كانوا موجودين فى منتهى الجمال
( فى قائمة ببعض أسماء الحاضرين فى أخر التدوينة )


من الحاجات اللى ضايقتنى إن فى ناس جت وكانت واخدة جنب خالص .. لدرجة اننا عرفنا فى اخر اليوم ان فى ناس جت واحنا ما نعرفش .. والمتوقع فى اللقاءات دى انها بتبقى فرصة جميلة للتعارف فمش عارف ليه هما كانوا واخدين جنب كدة


بعد إنتهاء زيارتنا
لمستشفى اطفال أبو الريش اليابانى كانت الساعة حوالى خمسة وكانت الناس فيصت من الجوع والعطش والتعب .. ( بضحك عليكم انا بس اللى كنت فيصت من الاثار الجانبية للأكل اللى بعملة ) ههههه
إتوجهنا كلنا لشارع شامبليون ..
مطعم أبو خالد .. وكان سوو حاجز لنا 30 مكان
وطبعا عددنا كان اكتر من كدة .. وكنا قربنا ناكل فى بعض هههه بس الحمد لله المكان كان يساعى من الحبايب ألف
وكان هيحصل اكتر من حادث دلق شوربة على نافوخى لكن ربنا كان بيستر

بعد الفطار .. فى ناس مشيت وناس جت معانا لوسط البلد فى جو رمضانى جميل
ودى لقطات من اليوم الجميل ده


مجموعة من الصور الجماعية قدام المستشفى











الاستاذ الغالى أحمد كمال .. وحبيب قلبى يوسف


أنا .. وميرا

أحمد كمال .. محمد يوسف .. بابا أبو خالد .. أنا .. أحمد سكر


فى أروقة المستشفى



خالد همس الاحباب .. وأحمد شاهين


محمد قلب مصرى .. وخالد

أنا وقلب مصرى وخالد واحمد سكر




ضياء باشا

ودى لقطات للأطباق بعد هجوم الافطار المريع





ألبوم الصور كامل على الفيس بوك
إضغط هنا

ودى بعض أسماء الحاضرين مع الاعتذار عن السهو الخطأ
وأى خطا فى اللينكات او سهو يريت يتم الاشارة له فى التعليقات وانا هعدلة

قائمة ببعض الحاضرين

رحاب - كوكب أبى

داليا قوس قزح

أحمد سوو

أحمد سكر

ميرا - إمراءة بعقل رجل

إيناس نهر الحب

نسمة هانم أخت إيناس

رودى بنوتة مصرية

عبد الرحمن فارس

محمد عطية الشاعر

خالد همس الأحباب

محمد قلب مصرى

بابا أبو خالد

أحمد كمال

محمد محمود يوسف

طارق كوارث

ابن حجر العسقلانى

دعاء مواجهات

همس مفروسة اند متغاطة

كيكى

مهندس محمد .. وايت هارت

دكتورة جنة

محمد الغزالى

محمد حسام

محمد مدحت

سها

سحر غريب وأخواتها الثلاثة

سلوى و سالى و سماح

إيناس وإبنها
some one in life

ساجى

وزة

الاستاذ شريف

عبد الرحمن- مواطن صيدلى مطحون

سوما

شيماء زاهر

الباحث عن الحقيقة

أحمد شاهين - غنوة وحدوتة

صباح الصباح

ضياء

سارة سورسارة

نونا - المهاجر

رحاب - بنات صاحبة الجلالة

يوميات واحدة مفروسة جدا

رشا ونيرمين

مدونون أخرون كتبوا عن اليوم

أحمد سكر
كوكب آبى
كيكى عوووووووووو

طبعا مش هشكركم لأن ربنا يجازيكم خير جزاء ان شاء الله
لكن هقول إن اللى بيعملوه المدونين دلوقت مثال حقيقى على مشاركة الشباب فى خدمة المجتمع .. ومش بس بالكلام
وإن لسه فى بارقة أمل فى شباب لما بيقدر يعمل حاجة بيعملها
وطالما لسه فى شباب من النوع ده .. يبقى مصر مش هتموت

انتظروا التحديث لاحقا

أحمد الصباغ

112 comments:

أسيرة الأقدار said...

بجد مجهود رائع وربنا يجازيكم عنه كل خير
..
اليوم شكله فعلا كان لذيذ اوى ، وكنت بتمنى اكون معاكم بس ان شاء الله فى فرصة تانية وتكون الظروف تسمح
..
بس ده انتو قضيتوا على الفطار ولا هجوم التتار الله يكون فى عون الاطباق وطبعا خصوصا انت اكيد بعد الاكلات الجهنمية اللى انت مكسر بيها الدنيا ماصدقت لاقيت اكل بحقي وحقيقي وانقضيت عليه
..
انا مبسوطة انى اول واحدة ترد زى ماكون كنت واقفة على الباب ومستنية التوبيك

la Princesa ... WHiSPeR said...

كان نفسي اكون معاكم بجد بس الظروف كانت ماتسمحش خالص خالص

ربنا يجازيكم خير عن اليوم ده ويجعله فى ميزان حسناتكم ان شاء الله

(احمد سكر ) said...

ماشى ياعم احمد

اول ظهور ليا ف الفضائيات والصحف والجرائد

تجيبنى ف الصوره دى

ممممممم

بس انا كنت رايح اضرب مين ؟


مع انى كنت غلوبه اوى ف اليوم دا


سعيد جدا بيك ياابو حميد

ويعيد جدا انى بقيت وسطكم ومنكم

احمد

šσяšαяαα said...
This comment has been removed by the author.
šσяšαяαα said...

ويالها من تغطية
اجدع من شبكات خالتك موبينيل الجديدة

حلوة الصور دى.. عمالة فيها زى المعاقة ذهنيا:)

عندى حساسية مالصور وانت عارف بس ياللا اهو يوم يفوت وكلنا هنموت ان شاء الله:)

معلش انا غلسة حبتين بس دا عشان انا مفروسة من تلات اربع خمس حبات

بنت الاسلام said...

وبعدين بقي ياخالو متعامدين تغظونا ولاايه

ربنا يتقبل منكم

ويديم في قلوبكم الخير


وكل سنة وانتم طيبين

تحياتي

Sourah said...

ربنا يجعل كل ده في ميزان حساناتكم يا احمد ..

و يتقبل منكوا جميعا و يعينكم على المزيد ..

و على فكرة انا استنيت البوست ده من امبارح عشان كنت هموت و اعرف عملتو ايه ، بس قولت على بال ما تحمض الصور و تنزل الخبر :))

عموما جزاك الله خيرا ، و تقبل الله منكم جميعا ..

و اخر الكلام سلاااام

Abd-Alrahman said...

احمد بيك الصباغ
يارب يتقبل مننا جميعا ويجعله في ميزان حسناتنا

بجد كان يوم حلو اوي اوي
والواحد كان حاسس انه بيعمل حاجة عظيمة اتمني ان اليوم دة يتكرر

وشكرا علي التغطية يا خالو
بس فين بقي صورتي ؟
انا زعلان منك
هههههههههههههههه

انا عايز الصورة

تحياتي يا خالي
ربنا معاك
الصيدلي المطحون

نهر الحب said...

دائما يا صباغ
ساعى للخير ربنا يتقبل منك صالح الاعمال ان شاء الله
ودايما نتجمع على طاعه الله

nona said...

اخير البوست نزل
انا قولت اكيد تعبت من اكل المطعم ماهو مش معقول هيجى زاى اكل خالو الشيف احمد
اليوم كان جميل و العدد فعلا كان كتير ماحدش كان متوقع ان كل الناس الحلوة دية هتيجى بس ماشاء الله اللهم لا حسد
و ديما يا رب متجمعين فى الخير
بس فين صورتى باة هههههههه طبعا عارفة انى ما صورتش
الواحد ما كنش عايز اليوم يخلص من القاعدة مع الناس الجميلة دية
و صحيح احمد سكر شكلة طيب قوى و هادى و ساكت كمان مالك مطلعة شرير كدة لية
انا جاية اهدى النفوس بس يا جماعة

Ahmed Al-Sabbagh said...

أسيرة الاقدار

مش عارف اقول ايه قصاد كلامك الجميل ده

وبعدين انا كنت ساعة الفطار جعان جوع واحد ما كلش من شهر

والمعظم كان كدة

ههههههههه

Ahmed Al-Sabbagh said...

la Princesa ... WHiSPeR

واحنا والله كان نفسنا تكونى معانا

معلش

تتعوض ان شاء الله

Ahmed Al-Sabbagh said...

احمد سكر

هههههههههههههههههه

اعمللك ايه ما انت اللى متمرد فى الصورة

هههههه

لا تقلق

ليك عندى صورة حلوة

Ahmed Al-Sabbagh said...

šσяšαяαα

ايه ده

سارة سوسو .. ساو ساو .. سورسارة متغاظة؟؟

يا لهول الفاجعة

من ايه بس ؟

Ahmed Al-Sabbagh said...

بنت الاسلام

هههههه ميرسى يا بطة

لا مش غيظ ولا حاجة

( ده نوع من انواع الكيد بس )

هههه

Ahmed Al-Sabbagh said...

Sourah

اى خدمات

ادى البوست سخن وطازة

:)

Ahmed Al-Sabbagh said...

Abd-Alrahman

لا الصورة فى الحفظ والصون يا باشا

بس انا ما رديتش انزلها عشان ما اخدتش الموافقة

وعشان انت كنت بتضرب فيها طبق كفتة

ههههههههههه

لا تقلق

Ahmed Al-Sabbagh said...

نهر الحب

ربنا يخليكى يا اجمل ايناس

Ahmed Al-Sabbagh said...

nona

ههههههههههه

بتهدى النفوووووووووس ؟؟

ماشى ماشى

طيب انا بقى هنزل الصورة بتاعتك

:))

ربنا يخليكى

والله سعيد اوى بقاء حضرتك

محمد محمود يوسف said...

هيييييييييييييييه


التعليق الإحداشر

!!!!!!!!!!!


واللهي ياض ياأحمد أنا طلعت مرزق


أول مرة من شهور ترتيبي عندك يتقدم كده


عالعموم مكنش ليا نصيب فالفطار


بس تتعوض


يارب يكون اليوم كمل جميل


مش عارف ليه قلقاني كلمات "يوم جميل في رأيي" "على ماأعتقد كان يوم جميل



شكلك أتكيت ف الحساب يابرنس


ربن ياستر عليك



صحيح....فين الكود

عاشقه الاقصى said...

جزاكم الله خيرا

ربنا يرزقنا التوفيق ونبقى معاكم فى المرات الجايه

مصر حلوه اوى بشبابها وبمدونيها

الله عليكم بجد

عاشقة القمر said...

كنت اتمني اكون معاكم بس انا في السودان وجعل لكم في ميزان حسناتكم ياريت تبدوا كمان باشنطه العيد هي عبار عن ملابس في حاله جيده تجمع من المدونين تكون نظيف تدخل في شنطه ممكن تكلي عليه جميعات مدونين

مواطن زهقان said...

جزاك الله كل خير
وكل اللى كان موجود

وانا والله كان نفسى اكون موجود

بس لاسباب خاصه منعتنى

صاحب المضيفة said...

كان نفسي أبقى معاكم يومها

لكن الظروف حالت بيني وبين كده


ان شاء الله ملحوقة بعد كده


تحياتي

WhItE HeArT said...

السلام عليكم

دي تغطية عشرة على عشرة

بجد كان يوم جميل اوي وكان نفسي اكمله معاكم للآخر وبجد كان تنظيم اكتر من ممتاز لولا بس الوقوف الطويل بس بجد مجهود تشكروا عليه ويارب يتقبل منا ومنكم

وبعدين اسمي مش موجود ليه

هتخلينا نخبط في الحلل ونكسر في الاطباق وندخل بالشباشب واحنا لسه ماسحين

هههههههههههههههههههه

تحياتي

nona said...

و اللهى انا اسعد يا احمد انى اتعرفت عليكم كلكم
انت و احمد سكر و سوو بابا ابو خالد و احمد الغزالىو قوس قزح و ابى و ايمى و همس و زهرة و الناس كلها و ناس كتير مع ان الواحد ما اتكلمش مع الكل بس كفاية اننا شوفنا بعض و المرات جاية كتير باذن الله

و اة انا بهدى النفوس و الا انت ليك راى تانى
و نزل الصورة انت الاى هتجيبة لنفسك و ام لا اله الا الله هتسالك مين دية هههههههههههه مش دة كلامك ليا

و اللهى انا انبسطت جدا من اليوم و كان نفسى اقعد معكم و مش اروح و يا رب ديما نتجمع فى اعمال الخير

عايزه اتطلق و said...

شئ رائع يا صباغ ..
كان نفسى اكون معاكو فى اليوم الجميل ده والجو اليى اكيد كان مليانملايكه بخلافكوا يعنى ..
عشان النيه السليمه اليى فيه ..
معلش المره دى انما اعمل حسابك المرهالجايه انى هبقا معاكو..
قول يا رب بس..

بنوتة مصرية said...

والله والله والله انا سعيدة جدا باللى عملتوة بجد تستاهلوا كل خير
وكان نفسي بجد اكون معاكم والله
بس معلهشي عشان مااقدرتش وان شاءالله الجايات اكتر من الريحات
وربنا يجازيك يااحمد خير انت وكل من كان معاكم ويارب يباركلكم ويقدركم دايما على فعل الخير
ويارب يجعلة في ميزان حسناتكم

ابو النجوم said...

احمد
مجهود جبار احيي كل من ساهم فى هذا اليوم وكم كنت اتمنى ان اكون موجود معكم لكن انا عرفت متأخر . ربنا يجعله فى ميزان حسناتكم يارب
هذا عن الدور الاجتماعى للمدون فى خدمه مجتمعه لكن ماذا عن دور المدون لخدمه نفسه وخدمه المدونيين الاخرين . ياريت يااحمد تفكر فى حاجه تجمع كل المدونين المصريين وساعتها الجهد هيبان اكتر وتأثيرنا فى الناس هيكون أقوى وهنقدر نعمل حاجه

smile rose said...

ممتاز ياحمد كنت باتمنى اكون معاكم لكن كان عندى شغل وكان برضة بالمستشفى . المهم الله يجعل فى قلوب الجميع رحمة دائمة على هؤلاء الاطفال وعلى فكرة ممكن تعمل حملة تبرعات للمستشفى من الناس اللى بتدفع زكاتها فى رمضان . فلو كل واحد حاول يحكى لاقاربه على المستشفى ومايحتاجه اكيد حتلاقى مجموعة اخرى تشارك فى هذا العمل الانسانى ولكم تحياتى

نوري said...

عارف ياخالو انا ايه مشكلتي
مشكلتي اني باجي ديما متأخر
والله انا لو اعرف حاجه عن الموضوع ده
كنتو لقيتوني هناك من يوم الجمعه اصلا
بس خيرها في غرها
وانشاء الله لو في اي حاجه من دي تاني اكون في الكادر بتاعها

يلا بقي هابي رمضان
بست وشز فور يو

الطائر الحزين said...

جزاك الله خيرا
فى ميزان حسناتكم ان شاء الله

appy said...

الله ينور انك افتكرت الاسماء دى دا انا رحت فى شجره
فيه بنت صاحبه الجلاله كمان
اه على فكره ساجى مش اخت ايناس وايناس طلعت مدونه اسمها
some one in life
تسلم ايديك يا صباغ

نهر الحب said...

انا كمان كتبت عن الموضوع
ههههههههههههه
الحق غطى الخبر
شكرا لك يا احمد على مجهودك

قلب مصرى said...

بجد كان يوم من أجمل ما يكون وكمان العدد اللى جه كان كبييييير ودى حاجة هايلة جداً

Bannoura said...

بسم الله ما شاء الله
ربنا يا رب يجعله في ميزان حسناتكم

معاك حق في إن المدونين دلوقت ليهم صوتهم و دورهم
يا ريت الناس تقدر تفهم ده

وتقدر إن التدوين مش مجرد شخبطة الكترونية

المدون فرد قد يكون المجتمع مانعه من إنه يقول رأيه
بس ده مش معناه أبدا إنه هيفضل مكتوم طول عمره

تحياتي القلبية ليكم

زهرة الجنة (زهرة سابقا) said...

حلوة الصور جدا يا أحمد
بسبب صورك اتعرفت علي شكل ناس كتير سمعت عنهم ومش قدرت أتعرف عليهم

مجهودك حلو جدا تشكر عليه
من يوم السبت وانا مستنية الموضوع أستغربت جدا أنك أتاخرت في رفعه للمدونة

فين بقي صورتي( هو صحيح انا متصورتش لكن المفروض كنت تحطها ههههه

تحياتي ليك

همس الاحباب said...

هههههههه
حرام عليك يا مفترى
ده انا احتليت الصور كلها
ده انا اصورت ليا وللعيلة كمااااان
بس بجد تسلم ايديك
تغطية رائعة كالعادة يا ملك التغطيات
تحياتى وتقديرى

أنا إنسان said...

ماشاء الله
شغل رائع

جزاكم الله خيرا

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

مهندس مصري said...

ماشي يا صباغ
يعنى انا طلبت صورة الأكل من صرصارة فلقيتك حططها هنا
يلا خليك تأكل اكل عدل مرة في رمضان بدل إختراعاتك العجيبة

طبعاً ربنا يجازيكم خير على اللي عملتوه ده
و ياريتني كنت معاكم طبعا
:)

MaGn0liA... said...

اليوم شكله جامد اوى

يللا خيرها فى غيرها و ان شاء الله بعد كده اكون معاكم

جزاكم الله خيرااااا

ربنا يكرمك يا احمد

.:.-=- ELGaZaLy-=-.:. said...

انا كنت سعيد جدا يا احمد بجد انى شوفتك وبجد كان يوم جميل اوى..ربنا يتقبل

كيكى said...

عووووووووووووو انا جيت اتخديت
عند بقى على التسيح بتاع عووووووو
ههههههههههههههههه
ادكو كام يا احمد علشان تقول كدة علية؟
ها ها
انا قايلة ليهم انك تقول اكتر من كدة
انى رقيقة ولطيفة وشغوفة وبوشوشة واتحط على الجرح يولع احم احم افصد يطيب وانى برقوقة اية برقوقة دى وانى فزيعة وشنيعة ومريعة
هههههههههههههههههههههههه
وتقولى اطلعى لاطفال اقولى عووووو ماشى ماشى
ههههههههههههههههههههه
وكمان كل دة اكل كلتوة من غيرى والله بحقد عليكم
اعااااااااااااااا
مش كنت تعزمنى
والله مكنتش هكلفك كتير...يعنى كنت يادوبك هطلب تربيزة بكل لوزمها من كل اشكال واصناف الاكل
ماشى ماشى
خيرها فى غيرها بقى
بس ابقى اسرق بنك علشانى
هههههههههههههههههههههههه
لا بجد بجد كان يوم جميل وربنا يجمعنا فى الخير كلنا وانت بجد يا احمد والله رغم انى مكلتمتش معاك كتير خالص بس انا والله الى حسيت انى اعرفك من زمان وبجد انت زى العسل ومش طويل ولا حاجة نفس الطول على فكرة
ونسيت تقول حاجة مهمة عنى
انى مش رغاية خاااااالص
سلام بقى علشان شكلك انتحرت منى
هههههههههههههههههههههههههه
ومن غير
عووووووووووووووووووووووو

بنات صاحبة الجلالة said...

احمد الصباغ
من زمان بنسمع عنك وكنت فرحانه جدا اني اتعرفت عليك وشوفتك وجها لوجهه" المواجهه" ان ان تش" ههههههههههه والمرة اللي جاية باذن الله نتقابل في الخير دوما باذن الله وكل سنة وانت طيب وهنيا للاكل اللي بتعمله
تحياتي

بنات صاحبة الجلالة said...

احمد الصباغ
من زمان بنسمع عنك وكنت فرحانه جدا اني اتعرفت عليك وشوفتك وجها لوجهه" المواجهه" ان ان تش" ههههههههههه والمرة اللي جاية باذن الله نتقابل في الخير دوما باذن الله وكل سنة وانت طيب وهنيا للاكل اللي بتعمله
تحياتي

mohamadhassan said...

جزاكم الله خير
ومتجمعين دايما على المحبه والود والاحترام
تحياتي على التغطيه الشامله دي وحروح اشوف الاحباب كاتبين ايه

Abu Shahin said...

طبعا ربنا يجزيكوا خير على اللى انتوا عملتوه ده فعلا عمل انسانى محترم وكان نفسى اكون معاكوا وبجد ده بياكد ان شباب المدونيين شباب ايجابى وبيسعى لخدمة مجتمعه وبيحاول يعمل ولو حاجة بسيطة لخدمة الناس

بجد مبسوط بعالم التدوين المصرى

ojg said...

خالوووو
:))
فين صورتي؟؟
ماليش دعوة
أنا أي نعم ماتصورتش
بس أنا عايزة صورتي
اتصرف
بجد تغطية رائعه
يا نقيب صحفيين التدوين :)
ان شاء الله تغطي رحلة الحج الجماعيه للمدونين يااااارب
قول آمين

ضى القمر said...

احمد بجد شكرا ليك ..
حسستنا أننا كنا معاكم ..
نقل مفصل عن الزيارة..
وبالصور كمان .. لألأ ده كده كثيير علينا جداا
بارك الله فيك يا احمد .. وفى كل اللى تعب على الزيارة دى ..
شكرا على النقل المفصل يا احمد

أحمد كمال said...

مبروك للجميع يا صباغ ، و مبروك لمصر مجهود جماعي هي و احنا مفتقدينه ، و يا رب دايما كده .

أنا عايز أشكر اللي نظموا اليوم و كل اللي بعتوا دعوات و رسائل و حطوا بانرات و خلوا اليوم ينجح كده ، ربنا يتقبل من الجميع .

أحسن تـستاهـل said...

وحشتوني بجد

نلتقي بعد رمضان

لو في العمر بقية

كل سنة وانتو طيبين

مها ميهوووو

mohammed alsha3r said...

كان يوم جميل جدا رغم التعب

واجمل حاجه اللمه الحلوة

Amgad said...

للاسف الشديد انا الدعوة
اتوجهتلي عن طريق ايناس
ولكن مش قريتها الا بعدها بيوم
انا زعلان بجد علي غيابي
وكان نفسي ابقي موجود
ولكن ان شاء الله ملحوقة

Radwa Lotfy..(Rodirock) said...

خالو احمد :)
بجد حاجات جميلة جدا...ياريتنى كنت اعرف انكم طالعين كنت جيت معاكم
مع انى بصراحة قلقت بعد ماشوفت اللى حصل فى الاكل ...هههههه
يعنى مش ممكن اوى برضو
المهم..بجد خطوة جميلة و ياريت تعملوا كدة علاطول..لان فى حاجات مش صح موجودة احنا اللى المفروض نعملها كناس عايشة فى بلد واحدة مش حكومة ومش اى حد تانى وعشان كدة انا فرحانة اوى باللى شوفته وانك اللى قمت بالحركة و مستنيتش حد يقول يلاا!
هايل ;)

princess said...

السلام عليكم
ربنا يجازيكم ان شاء الله خير:)
كنت اتمنى اكون موجودة بس ان شاء الله تتعوض
تحياتى

someone in life said...

شكرا يا أحمد علي التغطية .. انا كنت فاكراك راجل عجوز من اسم المدونه بس انت خالو صغير قوي العيال كبروك بدري
الصور حلوة و انشاء الله دايما متجمعين بس ناقص صورة واحد صاحبنا فوق راسه صينيه شوربه سخنه بتفكر تقع علي راسه لولا ستر ربنا و عملك الطيب كان زمانك اسمك احمد الشوربجي

نتقابل في الخير .. تحياتي

همس said...

ازيك يا مسيطنا كلنا

طبعا اتشرفت بمعرفتك على الطبيعه

وان شاء الله اشوفك على خير ديما

سلام يا معنمى

وشكرا على الغيظ

انا ودماغي said...

ربنا يباركلكم
و واضح إن اليوم كان تحفة
و إن شاء الله يتكرر كل سنة

وومن said...

احمد

يا تغطياتك الجامدة دايما كدة عندك الخير اليقين

اجمل ما في اليوم كلنا سوا مع بعض

يارب دايما علي الخير متجمعين

تحياتي

دعاء مواجهات said...

تغطيه ليست بحاجه الى التعليق عليها طبعا

فهذا ما عهدناة


ويارب ديما مجتمعين ف الخير

شيماء زاهر said...

إزيك يا أحمد

أنا عاوزة أشكرك تاني على اليوم ده وكل الناس إللي جم وإللي جهزوا الشنط وعملوا الترتيبات

ربنا يكرمك ويكرمهم جميعا

ويإذن الله نتقابل قريبا

تحياتي للجميع

شيماء زاهر said...

إزيك يا أحمد

أنا عاوزة أشكرك تاني على اليوم ده وكل الناس إللي جم وإللي جهزوا الشنط وعملوا الترتيبات

ربنا يكرمك ويكرمهم جميعا

ويإذن الله نتقابل قريبا

تحياتي للجميع

Soul.o0o.Whisper said...

ما شاء الله

ربنا يكرمكم يا خالو يارب
و يجعله فى ميزان حسناتكم


أى شئ لله بيبقى فعلا له طعم تانى
و كمان اللمة

معلش أنا بعيدة عن الساحة فمش عارفةالاخبار

كمان السفر مشكلة شوية
ربنا ييسر


خالص تحياتى لكم جميعا

إيما ( أم البنين) said...

مجهود تشكر عليه يا أحمد ربا يجازيك خير
بس الأولاد زعلوا لما ملقوش صورهم..هي فين
أنا كتبت عن الموضوع ياريت تشرفني
تحياتي

Diyaa' said...

المرة الجاية لازم يبقي في آي ديهات ..مينفعش الناس اللي بتستخبي دي :)

وليه صحيح صورة باب المستشفي منزل منها نسخ كتير أوي
للدرجة دي اتبهدلت عشان تاخدها :(
مبسوط إني شفتك ويا رب دايماً نتجمع في الخير..إعتقدت إن الصورة علي الفيس بوك مش علي المدونة بس سماح المرة دي :)

والسلام ختام

يا خالو :)يا رئيس قسم التغطية

Mohamed Hamdy said...

بجد ربنا يجازيكم عن الى عملتوه ده الف خير

بس منك لله صورت الاكل وانا اتفرجت عليه الصبح وانا صايم

وبجد كان نفسى اكون معاكم بس انت عارف ظروف المرض بقا

تحياتى

احمد نور الدين said...

اتز ريلي فانتاستيك داي

وف رمضان كمان

ربنا يجعله ف ميزان حسناتكم يارب ويضاعفها كمان وكمان

Appyplanet said...

احمد فيه حد معلق عندك فى الاخر باسمي ده حد سارق الاسم وبيقل ادبه على ناس خلى بالك
على فكره اسمك يا بابا على الريدر انا بس خفيت المدونه بس والباقى مش عارفه احطه

Ahmed Al-Sabbagh said...

من غير ما تقولى يا أبى انا عارف

Ahmed Al-Sabbagh said...

محمد محمود يوسف

كان نفسنا تفطر معانا يا ولا

Ahmed Al-Sabbagh said...

عاشقة الاقصى

ربنا يكرمك والمرة الجاية تبقى معانا

Ahmed Al-Sabbagh said...

عاشقة القمر

فكرة جميلة جدا

وياربت تيج تنورى مصر

Ahmed Al-Sabbagh said...

مواطن زهقان

ربنا يكرمك وتشاركنا اللقاءات الجاية

Ahmed Al-Sabbagh said...

صاحب المضيقة

ياعم دايما ظروفك حرمانا اننا نشوفك

تتعوض ان شاء الله

Ahmed Al-Sabbagh said...

white hear

تم استدراك الخطأ

نورتنا

Ahmed Al-Sabbagh said...

Nona

ههههههه
حد يهدى النفوس فى رمضان
طب استنى فى العيد
ههههههههه

Ahmed Al-Sabbagh said...

عايزة اتطلق

تنورينا يا محاسن والله ان شاء الله المرة الجاية

Ahmed Al-Sabbagh said...

بنوتة مصرية

ان شاء الله المرة الجاية يكون لينا نصيب تشاركينا

Ahmed Al-Sabbagh said...

ابو النجوم

ربنا يكرمك يا استاذ عادل
واكيد يوم بعد يوم بيتنظم مجهود المدونين اكتر لغاية ما نوصل لحاجة منظمة ان شاء الله

Ahmed Al-Sabbagh said...

smile rose

والله فكرة جميلة اوى

Ahmed Al-Sabbagh said...

نورى

بنبعت دعوات كتير عشان كل الناس تعرف

ربنا يكرمك

Ahmed Al-Sabbagh said...

الطائر الحزين


ربنا يكرمك

Ahmed Al-Sabbagh said...

appy

شكرا للملاحظات

Ahmed Al-Sabbagh said...

نهر الحب

شكرا للتنوية

Ahmed Al-Sabbagh said...

قلب مصرى

والله انت من اجمل الحاجات فى اليوم ده
:)

Ahmed Al-Sabbagh said...

bannoura

والله عندك حق

Ahmed Al-Sabbagh said...

زهرة الجنة

ايوة عندك حق

كان المفروض اضرب الارض تطلع صورة ليكى

ههههههه

Ahmed Al-Sabbagh said...

همس الاحباب

اى خدمات يا كبير

Ahmed Al-Sabbagh said...

انا انسان

ربنا يكرمك

Ahmed Al-Sabbagh said...

المجهول

thanks

Ahmed Al-Sabbagh said...

مهندس مصرى

ههههههههههههههه

لا انا اكلى احسن .. اوعى تصدق

سومه...مجنونه فى بلد عاقل said...

الاول ربنا يردلك الموبايل بتاعك على خير ان شاء الله
ثانيا الصور الجماعيه الحمد لله طالعه معوقه خلقه فمش باين مين وايه وفين ودا شىء رائع طبعا انت عارف ليه
انتظرت تغطيتك والله يا صباغ عشان اكون من اول المعلقين لكن حصلت ظروف مش كويسه الحمد لله تفاصيلها عندى فى المدونه
تسلم ايدك

Ahmed Al-Sabbagh said...

MaGn0liA.

ايوة جامد جدا

احنا بنحب نغيظ بس

والمرة الجاية تبقى معانا

Ahmed Al-Sabbagh said...

الغزالى

ربنا يكرمك انا اكتر

Ahmed Al-Sabbagh said...

كيكى

ههههههههههههههه

بصى انا لو كنت قبضت شلن او حتى اربعة جنية كنت قولت ده كله لكن انا وصلنى جنية ونص بس

Ahmed Al-Sabbagh said...

بنات صاحبة الجلالة

هههههه
ربنا يكرمك يارب

Ahmed Al-Sabbagh said...

mohamadhassan

شرفتنا ونورتنا

Ahmed Al-Sabbagh said...

Abu Shahin

كلامك ده اجمل كلام ممكن نسمعة

ربنا يكرمك

Ahmed Al-Sabbagh said...

ojg

انا كنت فعلا رسمت لك صورة

بس بالالون المية

:))

Ahmed Al-Sabbagh said...

ضى القمر

ربنا يكرمك

اه بس ما تتعوديش على كدة

لازم المرة الجاية تيجى معانا

Ahmed Al-Sabbagh said...

أحمد كمال

ربنا يكرمك يا مستر احمد

Ahmed Al-Sabbagh said...

أحسن تـستاهـل


مهاميهووو

وحشتينا

Bannoura said...

ayyyyyoooooohh !!!!!
103 تعليق
!!!!

اللهم حسد..اللهم قررررر

: D : D : D

بهزر معاك طبعا..ما أنا عرفت السر
كل تعليق بتفردله تعليق
; )))

أي نعم أنا بعمل كده بس يلا يلا بجيب 10
تعليقات
: D : D : D

ربنا يزيــــــــد و يبارك يا رب

Anonymous said...

hello there and thank you for your information – I've certainly picked up something new from right here. I did however expertise several technical issues using this web site, since I experienced to reload the website lots of times previous to I could get it to load properly. I had been wondering if your web host is OK? Not that I'm complaining, but sluggish loading instances times will
sometimes affect your placement in google and can damage your quality score if advertising and
marketing with Adwords. Well I'm adding this RSS to my e-mail and could look out for much more of your respective exciting content. Ensure that you update this again soon.

My web-site - know more

Anonymous said...

Hi it's me, I am also visiting this web site regularly, this web site is actually fastidious and the people are actually sharing nice thoughts.

My web-site; view more

Anonymous said...

When someone writes an article he/she retains the thought of
a user in his/her brain that how a user can be aware of
it. Therefore that's why this post is amazing. Thanks!

my web-site: loadstring

Anonymous said...

I'm not sure why but this website is loading incredibly slow for me. Is anyone else having this issue or is it a issue on my end? I'll check back later on and see if the problem still exists.


my web blog - breakes

Anonymous said...

Howdy! I'm at work surfing around your blog from my new iphone! Just wanted to say I love reading your blog and look forward to all your posts! Keep up the fantastic work!

my site: merriman

Anonymous said...

Good blog you have here.. It's difficult to find high quality writing like yours these days. I seriously appreciate individuals like you! Take care!!

My web site: electricity

Anonymous said...

When someone writes an article he/she retains the plan of a user in his/her mind that how
a user can be aware of it. Thus that's why this post is perfect. Thanks!

Feel free to visit my homepage :: gemelos

Anonymous said...

It's a shame you don't have a donate button! I'd most certainly donate to this fantastic blog! I guess for now i'll settle
for bookmarking and adding your RSS feed to my Google account.
I look forward to fresh updates and will talk about this website with my Facebook group.
Talk soon!

Visit my website: sysco