خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 29, 2008

حتى لا يحترق التاريخ

كان يوم أسود .. مأسوى .. اختلطت فيه النيران بالرماد والهباب .. والجدران المحترقة
والغبار والدخان الاسود بالصرخات
الناس فى ميدان العتبة يصرخون ويجرون فى كل مكان
عيونهم دامعة مذهولة غير مصدقة ما يحدث
الكل فى ميدان العتبة .. المثقف .. والفلاح .. والعامل .. والشاب .. والنساء
الكل يكتم دمعة فاره من عينة .. دمعة ساخنة تغلى
وأنا أقف مذهول أحدق فى النيران المشتعلة
أرى الان أمامى مصر تحترق
أرى مائة عام من تاريخ مصر تحترق
شريط الدخان الاسود المتصاعد
تتصاعد معه ذكريات مرورى الأول من أمام هذا الهيكل الفنى الرهيب

عندما استلمت عملى الحالى فى قصر النيل منذ ثلاث أعوام
كان ميدان العتبة هو محطة النزول بالنسبة لى كل صباح
كنت أنزل فى الميدان وأمام المسرح القومى فى السابعة والنصف صباحا
من " الميكروباص" قبل أن يكمل مسيرتة إلى رمسيس
والمسافة المتبقية أقطعها ماشيا من أمام المسرح مرورا بميدان الأوبرا
وجامع كخيا ثم شارع قصر النيل
كانت هذة رحلتى اليومية الصباحية
وكانت قطرات الندى تبلل الأرض وحالة من شبة الهدوء التام تسود المنطقة
قبل ازدحام الميدان بعد الساعة الثامنة
وكانت تبهرنى اللوحات الكبيرة القديمة على السور الخارجى
لرؤوساء المسرح القومى
جروج أبيض .. سميحة أيوب .. عبد الله غيث .. سعد أردش ..
عبد الرحيم الزرقانى .. كرم مطاوع .. سعد الدين وهبة .. وغيرهم
لوحات كبيرة أبيض وأسود لرؤوساء ونجوم المسرح القومى طوال قرن ونص
كان يبهرنى مبنى المسرح القومي بجمال التصميم وروعة الديكور داخليا وخارجيا
المبنى الذى اعتبرة تحفة معمارية أثرية ، يغلب على مواد بنائه الخشب
ويتكون من قاعة كبيرة تحمل اسم جورج أبيض
بالإضافة إلى قاعة أصغر تحمل اسم المخرج المسرحي والممثل عبد الرحيم الزرقاني
والآن .. أرى كل شئ يحترق
صروح من أجمل ما بنت مصر على مدار مئات السنين تحترق
المسرح الأول فى حياة المصريين .. يحترق
كما إحترق المبنى التاريخى فى مجلس الشورى
لم أستطع كتمان الدمعة مرة أخرى ففرت هاربة من عينى
لتحتضن الأرض .. وتضمها وتقول لها اغفرى لنا وسامحينا

أرجوكم .. إغلقوا المتاحف .. والمسارح .. اغلقوا المبانى التاريخية
وأخفوها خلف ستائر الظلام
دعوها حتى يمر هذا الزمان ويأتى جيل غيرنا
يحترم الفن .. ويقدس التاريخ
ويعرف قيمة ما بنته مصر
أرجوكم حتى لا تلعننا الأجيال القادمة
وحتى لا يلعننا التاريخ .. وتلعننا مصر
التى أسأنا لها كثيرا
وأتلفنا ما بناه رجال عظماء فى مئات السنين
لإننا لان نقدر الفن .. ولا نحترم قيمة العلم والادب
أتلفنا الأرض .. لاننا لا نقدر قيمة الزراعة
وبعنا المصانع .. وقتلنا الصناعة ، فاختفى الحرفى الماهر
وحرقنا وأتلفنا كل قيم وخالد فى مصر

-------
من أرشيف الصور





جورج أبيض

سلامة حجازى


أحمد الصباغ

24 comments:

بنت مصريه said...

دى فعلا مأساه والله يا احمد
مصر ف الفتره الاخيره بقت عباره عن كتله من النار
هل هذا من اهمالنا
ام من غضب الله علينا
احييك على احساسك وروحك الجميله

وقدر الله وما شاء فعل

بت خيخة وأى كلام said...

تفتكر ده ملعوب من الحكومة علشان نتلهي فى حاجة ومانشوفش هي بتدبر لنا ايه؟


الاوبرا اتحرقت زمان
والحمد الله بقت صرح كبير دلوقتى
يعني فيه امل ان اى حاجة بتتحرق دلوقتي
تكون صرح عظيم فى المستقبل

عندي حالة استغراب
هل الحرايق دي بفعل فاعل
ولا بجد كلها صدفة
حاجة تحير فعلا
معقول كم الحرايق ده
اللى ورا بعضه!!!!!!!؟


عايزة ألحق اودي شريف المتحف المصري والقرية الفرعونيةوجنينة الاسماك

محدش عارف بكرة الحريقة فين


كل سنة وانت طيب يا احمد
وروح استخبي اليومين دول
انت بالنسبة للمدونين صرح طويل
واحنا خايفين عليك

تحياتي
اختك خيخة

همسات دافئه said...

وبكره يسموا كتاب التاريخ
كتاب الحريق
حاسه ان أحداث الحرايق بقت اكثر من الأحداث التاريخيه
والمطافى شغاله بس للأسف قلوبنا الى اتحرقت مبتطفيهاش غير دموع بتزيدها اشتعال
:((
ربنا يستر على الى جاى

مهندس مصري said...

حاجة تحزن
بجد تحس إن السنة دي سنة الحرايق

قلب مصرى said...

والله والله والله بدعى ربنا من كل قلبى إنه يستر على مصر قوى الفترة اللى جاية علشان بقالى مدة كدة حاسس إن مصر داخلة على مرحلة متقلبة بشدة وخايف جدا على مستقبل البلد

الـفـرعـون الـمـصـرى said...

السلام عليكم

الحريق شكله رجع فى مصر تانى من الاول

ربنا يهدى كل عاصى


وكل سنه وانت طيب

أحمــــد said...

بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن وبركة عليكم

أسيرة الأقدار said...

والله يا خالو انا مش عارفة الحريقة الجاية هاتكون فين

بس احنا لازم نخمن كده ونعمل حسابنا الفترة اللى جاية منزورش اى مواقع اثرية بدل مانولع فيها

والمشكلة ان كل ما حريقة تقوم يقولك ماس كهربى .. تيب نقطع الكهربا عن الاماكن المهمة مثلا ولا نعمل ايه مش عارفة

ربنا يستر

نهر الحب said...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

قوس قزح said...

رضي الله عنك وأرضاك
وهداك وأغناك
وعافاك وشفاك
ووفقك لخير الدعاء
وأجاب لك الرجاء
وأحبك بلا ابتلاء
وجعلك ساعياً للخير
مؤثراً في الغير
وكل عام وانت بخير

جنّي said...

السلام عليكم ورحمة الله وبركاته

عيدكم مبارك

تقبل الله منا ومنكم
وكل عام وأنتم بخير
كل عام وأنتم من الفائزين
كل عام وقد حصدتم الجائزة
كل عام وأنتم ترفلون في ثوب الفرحة
كل عام وانتم مقبولون الصيام والقيام
كل عام وقد عفا الله عنكم في ليلة القدر

كل عام وأنتي منصورة يا أمتي

أخوكم
سعيد

ياسمين حميد said...

يارب الحق ازور مصر قبل ما يخلصوا يولعوها

FreeKiller said...

انا قلت
هما عاوزين يكرروا حريق القاهرة الشهير
بس قالوا ايه بقى
خلينا نغير و نعملها قطاعي
بالتقسيط المريح
ما هم بيحبوا يريحوا الشعب قوي

ربنا عاللي كان السبب
نلحق بقى تزور الاهرامات و المتاحف و المعابد قبل ما تولع هيا كمان
و ييجوا يقولولنا اصلها ولعت من الاحتباس الحراري

Desert cat said...

الحقيقة يا احمد انا مش عارفه المسؤلين الكبار بتوعنا دول من انهى كوكب لانهم مستحيل يكونوا مصريين
مفيش مصرى مش دايب فى ترابها وبيبكى عليها لو اتاذت
هون عليك يا صديقى
كل سنة وانت طيب
عيد سعيد

tote said...

السلام عليكم
كل عيد وانت بخير
المهم ان بع ما تاريخ مصر يتحرق وسمتها تبقى فى الارض ومش عارفة مين المستفيد من كدة المهم بقى ايه اللى هيتحرق تانى احنا ولا التاريخ
كل سنة وانت طيب

Soul.o0o.Whisper said...

السلام عليكم و رحمة الله

عندك حق يا خالو فى الكلام اللى قلته
بس مش الادب بس و الثقافة

دا أى شئ بيشير لمصر
أى شئ بيقول انا مصرى
بئا زى ما يكون بيشاور
و يقول انا اهو

ياللا الدور عليا

فعلا مأساة
ربنا يستر علينا


تحياتى لك و لاحساسك العالى

محمد الكومي said...

بص انا لو كتبت تعليق عن الموضوع هقبح في الكلام

فخليني اقولك

كل سنة و انت طيب و السنة الجاية يلغوا مشروع التدفئة العامة ده

ADAM said...

السلام عليكم يا خالوووو


كل سنة وأنت طيب

أنا عديت من قدام المسرح كنت عمال أدعي

وكدت ابكي

من الحال اللي وصلت له مصر

أنا فعلا خايف تكرار حريق القاهرة يبقى

حريق مصر

ربنا يستر

تعالى استلم الباقة بتاعتك من عندي


وعيد سعيد

تقبل الله منا ومنك


آدم

NilE_QueeN said...

كل سنه وانت طيب يا احمد

بنات صاحبة الجلالة said...

كل سنة وانت طيب وعيد سعيد
الحرائق اصلا بقت حاجة عادية خلاص متسغربش لما يضيع تاريخ اعرق المباني في لحظة ويفشلوا انهم يسيطروا علي الحريق دا مخطط بقا واضح اوي

تحياتي

MaGn0liA... said...

النهارده العيد

و انا بجد بعد كل ده مش عارفه افرح بايه

يااااارب

وومن said...

احمد

الواحد مش عارف هايلاقيها منين ولا منين كل ما قلبة يتوجع علي حاجة تيجي حاجة اكبر

هافتكر دلوقتي دعاء سمعته في التليفزيون
(( يارب مصر جديرة بعفوك ورضاك ((

كل سنه وانت طيب

FreeKiller said...

المدون الزميل المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
بمقر النادي الإجتماعي بالزقازيق بشارع مدير الأمن أمام حزب الوفد
و الدعوة عامة لجميع المدونين من أي حتة ف مصر
وللمزيد من التفاصيل يرجي زيارة اللينك التاااااالي
http://goharyblog.blogspot.com/

و كل عام و انتم بخير

Anonymous said...

Τhiѕ cozy maѕsage is Normаlly pеrfοrmed in рlumbеr whеn yοu get a bathymetry leak.
Dr. Ρecker Lipsοn, аn іnteгnist in southeastern Stopѕ, said thе
effеct of tantrіc massаgе
was needles into bodiеs won't be a problem for you. Vajra pronounced "Vashra" is conflagration or, as in the Aukelenuiaiku level, makes dearest to her baby's marгied mаn anԁ her
eldеr babe Νa-maka-o-kaha'i, called "a sea goddess," drives her forth.

Visit my page :: homepage
Also see my web page >