خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 24, 2008

المخلولة طلعت من البيضة

المخلولة الجديدة خرجت من الحضّانة
والحضّانة - بتشديد الضاد - للى مايعرفهاش
دى المكان اللى بيروحوه المخاليل قصدى الاطفال
لما بينزلوا ناقصين أو أقل من تسع شهور
دى المخلولة اللى حكيت لكم عنها أول رمضان
وسموها جنى - اللى هى مقتبسة من الاية الكريمة
وَجَنَى الْجَنَّتَيْنِ دَانٍ - الرحمن:54
وانا طبعا لجهلى الشنيع ما كنتش اعرف إن فى إسم كدة
كنت فاكرة جنا أو جانا
لكن جنى لازالت زغنونة أوى .. كتكوتة زغيورة بشكل مرييع
يعنى تحس إن عمرها لازال 3 فيمتوثانية كدة

الحقيقة انا مش بكتب عشان احكى عن المخلولة الجديدة
لكن لما نظرت لعيونها لما فتّحتهم لأول مرة
ونظرت لإيديها البيضا الزغنونة اوى
عدى من قدام حياتى شريط ذكريات وأفكار وخيالات
وتخيلت لما كنت أنا زيها .. برئ كدة وكوتكوت وأبيض
أبيض القلب طبعا مش اللون لأن أنا طول عمرى صوباع عجوة
وإن كان فى بعض الروايات بتقول انى كمان مولود شرير هههه
مش عارف ليه لما عينى بتيجى فى عيون مولود صغنون
بفتكر صراع الخير والشر
بفتكر الناس اللى ملت الدنيا خير
والناس اللى ملت الدنيا شر وحروب
بفكتر الرسول العظيم والصحابة الكرام والانبياء أولى العزم
وبفتكر هتلر وموسولينى وستالين ومونجستو
بفتكر العلماء والشعراء والفنانين والمصلحين
وبفكتر الحرامية والسفاحين والمغتصبين والمجرمين
بفتكر الحروب والثورات والاغتيالات والانفجارات
وبفتكر البيوت والمزارع والبشر والمطر
وكمان بفتكر ضعف الانسان واحتياجة الدائم لمدد وعون الله
بفتكر لحظة الخطأ والعصيان والذنب والرزيلة
وبفكتر لحظة رجوع الإنسان اللى الله تائب نادم دامع مذعور
وأغلب ظنة انه هالك وانه غير مقبول وانه من اهل النار
فيستقبلة الله تعالى بالرحمة والعفو والغفران
ويفتح له أبوابة .. ويفرج همة .. ويرزقة من حيث لا يحتسب
بفتكر لحظات غضبى وثورتى وعنفى وجهلى وسخطى
وبفتكر لحظات رضايا وقناعتى ارتياحى
بفتكر لحظات النجاح والسعادة والانطلاق
وبفتكر لحظات المرض والبؤس والفشل والموت
بفتكر الدراجة اللى جت لى هدية لأول مرة وانا عمرى سبع سنين
وبفتكر لما عملت بيها حادثة ودخلت ف عمود نور
وبفتكر الألم الرهيب اللى حسيت بيه فى رجلى وقتها
بفتكر صورتى مع أمى وأنا شايل عروسة قماش كانت ماما عملهالى
وبفتكر لما زعقت لأمى وأغضبتها
وقطعت الصورة عشان أنا ولد مفروض ما يصحش يلعب بعروسة لعبة
عنيا دمعت .. ورحت بايس إيد ماما اللى كانت قاعدة جنبى
وفوقت من سرحانى وخيالاتى على صوت جنى .. واااااء
بس بصوت واطى اوى ما تسمعوش الودن المجردة
ولقيت ايديها اللى أد سن الدبوس قافشة على صوباعى
إبتسمت
وحسيت بأمل وحب للحياة

خالو أحمد

92 comments:

سها السباعي said...

ربنا يبارك ويخلي

زهرة الجنة (زهرة سابقا) said...

اذيك يا خالوو
البوست المرة دي مليان مشاعر حلوة جدا
شكلك كده فنان بجد يا خالو

لكن حكاية كنت برئ وكتكوت وأبيض القلب دي فيها شك وبعدين احنا قولنا الكذب حرام برمضان هههه

اما اللي حسيت بيه وقت ما نظرت لجني فهو لان الأطفال اكتر حد تحس معاهم بالصدق لانهم مش بيعرفوا يزيفوا مشاعرهم زي الكبار

والخير والشر دي من سمات الدنيا يفضلوا فينا الي يوم البعث

أتمني لك الأحساس الدائم بالسعادة والأمل وحب الحياة
وربنا يبارك لكم في جني

Rannon said...

هييييييييييه أول تعليق :)

بحب في الأطفال براءتهم..
بحبهم عشان لسة
من مر الدنيا ماشربوش
و بزعل لما بفتكر إن
هييجي يوم يتحولوا وحوش:(:(:(ـ


حمدالله على سلامتها
يا خالو

:)

قلب مصرى said...

ألف مبروك خروج (جنى) بالسلامة من الحضانة وربنا يسعد أيامها ويجعلها من عباده المخلصين اللهم آمين.

أخبار الموبايل إيه يا معلم؟

¨¨¨°~*§¦§ Appy §¦§*~°¨¨¨ said...

جميله الذكريات يا احمد والاجمل منها ان الانسان يراجع نفسه بيها
بوس جنى الجميله ربنا يخليها يا رب

أليس في بلاد العجائب said...

السلام عليكم

ما شاء الله تبارك الله فيما خلق

مبروك نعمة ربنا ليكم :)

ربنا يجعلها أمة صالحة عابدة مطيعة لله و رسوله ان شاء الله و يرزقها جنات النعيم وأهلها والمسلمين باذن الله :)

مهندس مصري said...

كل ده إفتكرته
دا انت إفتكرت شريط حياتك كلها على كده
ربنا يخليها لكم و تكبر و تلعب مع باقي المخاليل

بت خيخة وأى كلام said...

يا عسل
ربنا يحميها يارب

بس كل ده فكرت فيه لمجرد انك شفت جنى

انت فكرت فى الدنيا كلها يا احمد

وهى الدنيا ايه غير شوية حاجات من اللى انا قلتهم فوق بعضها


تحياتي ليك
اختك خيخة

prince4ever said...

سلام عليكم
اول زيارة ليا لمدونتك الهايله و شرف كبير اوي ليا اني ازور مدونه بحجم مدونتك
حمد الله على سلامة البيبي الجديده
تحياتي
رامي...قصاصة ورق

mahasen saber said...

ربنا يبارك فى عمرها
وتتربا فى حضن وعز وامان ابوها وامها
ويحنن قلب خالها عليها ...
ومينغصش عليها عيشتها الصغيره البريئه
وميكلش اكلها ولا ابدا ابدا ربنا يكتب عليها وتاكل اكله
قصدى من ايده يعنى...
والمطبخ شاهد عيان مع انه ضحيه..
ويا رب يا صباغ السنه القادمه بلاش البوست القادم تبقى بتتكلم عن بنتك او ابنك
اه ونسيت وخالها يديها نسبه
من محل الصرافه اليى بيملكه فى السعوديه
..المعلومه دى للضرايب ..الصباغ اولا..

mahasen saber said...

وعيد سعيد عليك يا صباغ
وعلى اهلك واخواتك واولادهم وكل احبابك
وعليا انا كمان والنبى..
وربنا يتقبا منك الصيام اليى كان نصه نوم ...
والقيام اليى كنت بتصليه قاعد
اللهم امين..

آلام وآمال said...

ما شاء الله
ربنا يبارك فيها ويجعلها ذرية صالحة وتكون سبب في دخول والديها الجنة

بس ايه الفلسلفة والفكر العالي ده يا حاج احمد ما شاء الله على دماغك
تسلم ايدك والله
والف مبرووك وكل سنة وانتو طيبين
:)

bos bos said...

ربنا يخليها ليكوا يارب
انا كمان بحب الاطفال جدا بحس معاهم بأحساس مابحسوش مع أى حد تانى خالص

engy said...

الف مبروك خروج جنى من الحضانه وربنا يبارك فيها
وتحاول تحتفظ ببرائتها اطول فتره ممكنه باذن الله
وكل سنه وانت طيب

عايش ولكن said...

الف مبروووك
ربنا يباركلك فى جنى
ويخليهالكوا

صبرني يارب said...

ربنا يخلي يارب ويبارك
خلوا بالك منها
وبلاش بقى تقولها مخلوله

وعقبال ما نشوف مخاليلك قصدي مجايبك هههههههههه

بس اوعى تخلفهم فى رمضان اها هايبقوا صوابع عجوه ممكن الناس تاكلهم بدل البلح

بنات صاحبة الجلالة said...

الف حمد لله علي سلامة اختك ومليون مبروك للقمر الجديدة جني ربنا يحميها يارب من كل شر وتشوفها عروسة زي القمر
احساس جميل اوي لما الواحد يفضل يتأمل بيبي صغير ويسلام بقا لو كان
البيبي دا حد قريب ليه احساس رهيب

شيماء الجمال said...

:)

Eman Eltaher said...

الف مبروك بجد يا خالو

عقبال مخاليل اكتر

الا الأطفال و هما صغيرين بيبقوا عاملين زى الملايكة

بس انت الصورة اللى حاططها دى حلوة اوى

انا صحيح كان بقالى كتير بعيدة عن المدونة

و كنت غايبة عن التدوين كتييييييييير
بس بجد لما جيت هنا لقيت تطور كبييييييييير ما شاء الله

و بجد زعلت اوى انه فاتنى الكتاب الخاص بمدونات مصرية للجيب

كان نفسى اشارك فيه

نفسى ينزل ليا حاجة ف الكتاب يا جدعااااااااان

عاااااااااااا

فيه امكانية انى اقدم السى فى للعد الجاى ؟؟؟؟؟؟؟
:)

بجد والله بتكلم جد فيه لسة امكانية انى ارشح موضوعات او القائمين على العمل يرشحوها هما من مدونتى ؟؟؟؟؟؟

بجد لو فيدتنى ف ده يبقى جزاك الله خيرا

و ات طبعا جزاك الله خيرا ف اى حال
يكفى انك نقلتنا اخبار جميلة زى دى و اعمال قيمة زى الكتاب اللى اتكلم عنه الكاتب الكبير أحمد فؤاد نجم

ونقلتلنا اخبار بصراحة معرفتهاش غير من مدونتك
!!!!!!!!!

برافو عليك
و إلى الأمام يا خالو

رمضان كريم

معلش متاخرة :)
تحياتى

Eman Eltaher said...

الف مبروك بجد يا خالو

عقبال مخاليل اكتر

الا الأطفال و هما صغيرين بيبقوا عاملين زى الملايكة

بس انت الصورة اللى حاططها دى حلوة اوى

انا صحيح كان بقالى كتير بعيدة عن المدونة

و كنت غايبة عن التدوين كتييييييييير
بس بجد لما جيت هنا لقيت تطور كبييييييييير ما شاء الله

و بجد زعلت اوى انه فاتنى الكتاب الخاص بمدونات مصرية للجيب

كان نفسى اشارك فيه

نفسى ينزل ليا حاجة ف الكتاب يا جدعااااااااان

عاااااااااااا

فيه امكانية انى اقدم السى فى للعد الجاى ؟؟؟؟؟؟؟
:)

بجد والله بتكلم جد فيه لسة امكانية انى ارشح موضوعات او القائمين على العمل يرشحوها هما من مدونتى ؟؟؟؟؟؟

بجد لو فيدتنى ف ده يبقى جزاك الله خيرا

و ات طبعا جزاك الله خيرا ف اى حال
يكفى انك نقلتنا اخبار جميلة زى دى و اعمال قيمة زى الكتاب اللى اتكلم عنه الكاتب الكبير أحمد فؤاد نجم

ونقلتلنا اخبار بصراحة معرفتهاش غير من مدونتك
!!!!!!!!!

برافو عليك
و إلى الأمام يا خالو

رمضان كريم

معلش متاخرة :)
تحياتى

احمد نور الدين said...

اللي جابلك يخليلك
بجد كلامك جميل اوي
انا بموت في العيال الصغيرين دول

همس الحنين said...

حمد لله على سلامة جنى وينفع بيها الاسلام يارب

StEEl BeaUtY said...

Congratulations

تتربة فى عزك

ولزما تغنلها يتربى فى عزو على طووول

عقبالك ياحمد ان شاء الله

StEEl BeaUtY said...

Congratulations

تتربة فى عزك

ولزما تغنلها يتربى فى عزو على طووول

عقبالك ياحمد ان شاء الله

عاشقة الاستقرار said...

اولا مبروك على جنى وربنا يبارك ليكوا فيها

ثاينا بقى احلى حاجه فى الدنيا انك تقعد مع نفسك وتفتكر معظم الاحداث اللى مرت فى حياتك وتشوف قد ايه ربما كريم معاك وكمان كل اللة حصل فى حياتك بيديك امل انك تعيش حياه جميله وافضل مما كنت عليه

لك منى كل التحيه

سومه...مجنونه فى بلد عاقل said...

ربنا يحفظها ويرعاها وينبتها فى طاعته صباغ انا لسه شايفه بوست العزاء جزاك الله كل خير فى جمله فى مسلسل العارف بالله ولاول مره حستشهد بشىء من مسلسل او كلام ممثلين بس فعلا من رحمه ربنا ان الحزن بيقل بتواجد الناس حول الانسان بيصبروه والفرح بيزيد بتواجدهم حوله
جزاك الله كل خير وشكرا يا صباغ معلش الشكر جه متاخر.....ربنا يجعلها فى ميزان حسناتك من فرج كربه عن مؤمن فى الدنيا فرج الله عنه كربه يوم القيامه
سومه

أسيرة الأقدار said...

مبرووووووك يا خالو .. اللى جاب لك يخليلك ربنا يخليهالك ويكتر مخاليلك كمان وكمان :D

على فكرة انا كمان اول مرة اسمع عن اسم جنى .. ومش عارفة اذا كنت بنطقه صح ولا لأ بس هو جديد وحلو

رئيس جمهوريه نفسى said...

تتربو فى عزكم ان شاء اللة وتفرحوا بيها وعقبال ما ربنا ينعم عليك بالذرية الصالحة ان شاء اللة
واهم من الذكريات اعادة الحسبات ووقفة مع النفس

الشريف / جمال طة said...

الى عبدالله بن عبد العزيز ملك السعودية
انكشــــــفت وانفضحـــــــــت متاجرتكم بالاسلام والشرع
والكذب بالقول عدل أبناء عبد العزيز
والحقيقة أن تقــــولوا ظلـــــــــم أبنـــــــــــــــاء عبد العزيز
فـى الشرق ألأوسط لكــــل من يقع فى أيديهم
لــــو أن فاطمة بنت محمد سرقت لقطعت يدها
ولكن أنتم لأن السارق سعودى فعفوتم عنه وأعنتموه
ولو تعثرت بعير فى الشام لسئلت عنها يوم القيامه
ولكن أنتم لونهبت أموال المصرى والغريب فهذا حقا يكفله نظام
العبودية بالسعودية والمسمى بنظام الكفالة المقيت
والى القارىء والزائر العزيز تصفح كامل مدونتي لتتعرف على
الفضائح

Ahmed Al-Sabbagh said...

سها السباعى

ربنا يكرمك ويبارك لك

Ahmed Al-Sabbagh said...

زهرة الجنة (زهرة سابقا)

اظن ان الله سيمنحنى الاحساس الدائم بالسعادة ان شاء الله طالما بجوارى اصدقاء مثل زهرة الجنة

Ahmed Al-Sabbagh said...

Rannon

واااو انتى شاعرة يا رنون
:)

Ahmed Al-Sabbagh said...

قلب مصرى

ربنا يكرمك ويعزك

الموبايل ؟؟ ليه السيرة اللى تزعل دى :((

Ahmed Al-Sabbagh said...

¨¨¨°~*§¦§ Appy §¦§*~°¨¨¨

تسلمى يا جميل
البوسة وصلت

Ahmed Al-Sabbagh said...

أليس في بلاد العجائب

يارب
اللهم تقبل منك

Ahmed Al-Sabbagh said...

مهندس مصري

يارب يا محمد
وساعتها هجيب لك هدية دولار من محل الصرافة بتاعى فى السعودية اللى انت شوفتة
:))

Ahmed Al-Sabbagh said...

بت خيخة وأى كلام

الدنيا اشخاص جميلة زى جنب بعض :)

وحشتينا

Ahmed Al-Sabbagh said...

prince4ever

تسلم لى يا رامى
والله كلامك كتير عليا وعلى مدونتى المتواضعة
دمت لى بخير

Ahmed Al-Sabbagh said...

mahasen saber

ههههههههههههههههههههههه

بقى انا اكلى وحش
ده بس غيرة منك
وكمان انا هكتب فرع محل الصرافة اللى فى كوالالامبور باسمها
:)

Ahmed Al-Sabbagh said...

mahasen saber

هههههههههه
انتى كنتى كمان بتراقبينى وانا بصلى ؟

Ahmed Al-Sabbagh said...

آلام وآمال

ربنا يكرمك يا ريس
من بعض ما عندكم

Ahmed Al-Sabbagh said...

bos bos

عقبال ما نشيل كتاكيتك يا بسمة

Ahmed Al-Sabbagh said...

engy

:))

غالبا فى الزمن ده اطول فترة ممكن تكون ربع ساعة

:)

Ahmed Al-Sabbagh said...

عايش ولكن

الله يبارك فيك
يكرمك ويبارك لك

Ahmed Al-Sabbagh said...

صبرني يارب

هههههههههههه

كويس انك نبهتينى استخبى فى رمضان احسن يفتكرونى صوباع عجوة

Ahmed Al-Sabbagh said...

بنات صاحبة الجلالة

يارب يسعدك ويكرمك ويريح بالك دايما

Ahmed Al-Sabbagh said...

شيماء الجمال

:)

Ahmed Al-Sabbagh said...

Eman Eltaher

والله انا عاجز بجد عن الرد عن كلامك

مش هقولك اكتر من ربنا يكرمك ويغفر لك ويديكى كل حلو نفسك فيه

بالنسبة لموضوع الكتاب هجيلك اديكى لينك الاشتراك عندك

Ahmed Al-Sabbagh said...

احمد نور الدين

ربنا يرزقك بكل اللى تحبة
:)

Ahmed Al-Sabbagh said...

همس الحنين

الله يسلمك
ربنا يكرمك

Ahmed Al-Sabbagh said...

StEEl BeaUtY

:))
ميرسى يا سارة
انا صوتى اجش ممكن تغنى انتى ؟

Ahmed Al-Sabbagh said...

عاشقة الاستقرار

كلامك كل حكمة ربنا يكرمك ويقدرنا

Ahmed Al-Sabbagh said...

سومه...مجنونه فى بلد عاقل

شكر ايه بس ربنا يكرمك ويرضى عنك
ويريح بالك

Ahmed Al-Sabbagh said...

أسيرة الأقدار

ايوة جنى بألف لينة
يعنى يتنطق جنا

ربنا يكرمك ميرسى

Ahmed Al-Sabbagh said...

رئيس جمهوريه نفسى

محمود ربنا يكرمك
وافتكرنى بصالح دعائك

NilE_QueeN said...

حمد الله على سلامة جني
انا بستلذ الاسم دا على فكره اوى

كلامك وذكرياتك نبوهني لحاجات كتير

صحيح الرقه والبراءه اللى الاطفال بيجوا بيها للدنيا بتروح فين

بيطلع منهم القتله والحراميه و المرتشين والمجرمين

بس انا اظن ان الانسان جواه الخير والشر بنفس النسب وربنا بيخلقنا على فطره سليمه

بعد كده الحياه بتشكلنا وارادتنا هى اللى بتتحكم فى اختياراتنا
يا طريق خير يا طريق شر

صباح الصباح said...

وادى المخاليل زادوا واحد

مبروك يا خالو احمد

وعقبال ان شاء اللة مخلولتك انت شخصيا

وومن said...

صباغ

الف حمد الله علي سلامه المخلوله عقبال ماخليلك يارب

كل سنة وانت طيب

عاقلة علي ارض الجنون said...

الله

بجد فكرتني أيام ما كنت ف الحضانه

هههههههه

أكيد مش فاكره بس تصدق ؟؟

جبتلي فكرة لقصه هكتبها و أقول انها من وحي خالو

هههههههه

و بجد و مش بهزر

ياللا استني بقي القصه

عاقلة علي ارض الجنون said...

ممممممممم انت حطيت عسكري علي التعليقات
ممممممممم
يا تري ليه يارب يكون السبب خير

Diyaa' said...

رمضان كريم عليك يا أبو حميد :)
وعلي كل المسلمين وعلي جني
وأحاسيسك وسعت شوية بس طبيعي تفتكر التناقضات دي لما تشوف البراءة الوليدة والنقاء في عالم يكاد يخلو منهم:)

جنّي said...

السلام عليكم


تقبال الله منا ومنكم الصيام والقيام ايمانا واحتسابا لوجه الله الكريم

وعفا الله عنا وعنكم في ليلة القدر

دكتور/ ايمن القناوى said...

كل سنه وانت طيب يا صباغ يا زعيم وربنا يوفقك لفعل الخير
مبروك وصول المولود بالسلامه وربنا يحفظه ويجعله فخر للمسلمين كلهم

Oss said...

الف مبروك ياخالو
وعقبال اولادك انت
مع ان دول اولادك بردو

تحياتى
أسامه يوسف
أعذب ويقدس الحياه الزوجيه

ملحوظه: 15 سنه فرق مش كبير
بس ارضى انت بس
:))

Anonymous said...

الف مبروك على البيبى الجديد
والف مبروك ليك كمان عشان حذفت البوست اياه
وكمان انت مشاعرك حلوة اوى بصراحة
حساس كدة والةاحد كان هيعيط وهو بيقرأ البوست المريح دة
نيرة احمد محمود

ابو النجوم said...

احمد
الف مبروك على زياده مصر عدد واحد ومبروك عليكم جنى اللى هتجننكم
وشوف ياعمنا فيه لقاء للمدونين فى راس البر تالت يوم العيد واللقاء ده منظماه بطه بكر ومارو وهيكون فيه مدونين من كل اتجاه ياريت تحاول انك تحضره علشان تتعرف بمدونين من الفلاحين

بنت مصريه said...

هيه الدنيا كده يا خالو احمد

يوم ليك ويوم عليك
على رأى ذكرى

انت علرف يا احمد البوست بتاعك ده بيفكرنى برضه بأغنيه خالد عجاج
مين ف الحياه دى ماتولدش برىء
مبنختلفش عن الملايكه ف شى
والدنيا هيه اللى بتغيرنا
يا احمد
احييك عالبوست
وبوسلى جنى
انا بحب الاسم دا قوى على فكره

kochia said...

تعرف انها مدونة لذيذة اوي

فكررتني بالمخاليل اللي عندنا

واخر مخلولة عندنا اسمها جني برده
الظارهر الاسم ماشي في البلد اليومين دول

ربنا يبارك ان شاء الله
تحياتي

Dr.Mohammed Gohary said...

مبروك يا خاااااااال
ههههههههههههههههه
أنا متابع الفيلم دا من الأول
وربنا يعينك أنا مخلول ومخلولة مجننيني
فما بالك انتا ربنا معاك

ضــى القمــر said...

بوست رووعه يا احمد

وحمدلله بسلامتها

ومبروك يا خالو على المخلوله الجديده .

ويارب اكون لسه فى عالم التدوين وانت بتكبت موضوع عن دخولها الحضانه وبأنكم محتارين تدخلوها اى حضانه ؟؟:)

الله يخليها ويحميها ليكم يارب :)
أمين يارب

امال رياض said...

الأخ الجميل احمد .. حقيقى جميل المشاعر وجميل الروح .. ربنا يبارك فى هذا الأحساس الفطرى النقى الذى خلقنا الله سبحانه وتعالى من اجله ... عندك حق النقاء اصدق شىء فى الوجود وكلنا بنتمنى نرجع لهذه البرأة وعلى فكرة مش لازم نرجع اجنة من تانى عشان نصفى ونبقى انقياء .. ابدآ الحكاية بسيطة وفى متناول اى انسان لأن الله خلق فينا الفطرة والشفافية وصفاء الروح والنفس وكل اللى حصل اننا بكل غباء لوثنا هذا النقاء وسمحنا لأشياء غريبه للدخول فى نفوسنا وقلوبنا رغم ان الله اختار القلب لتسكن فيه محبته فكيف ... شكرآ لك

انا ودماغي said...

على فكرة الأحاسيس اللى فى البوست ده جميل أوى و راقية جدا
و طول ما الدنيا موجودة طول ما لازم يكون فى خير و شر و فى صراع بينهم لأن ده صراع أبدى

و ربنا يخليلك جنا و تكون بنوتة جميلة ترفع راس أهلها

Che_wildwing said...

دايما يا قلبي فيه أمل
دايما فيه شيء إسمه احتمال
ماتقولشي يوم إيه العمل؟
بس المهم.. الاحتمال

Hina wi Hinak said...

كتير أوي كل اللي بيخطر على بالك وبيجعلك تفتكره وتفكر فيه لما بتشوف مولود جديد... مفتكرش إن في حاجة بتخطر على بالي لما بشوف مولود جديد سوى أد إيه المولود ده نقي وصافي، وأد إيه كل واحد فينا يتمنى يكون مثله، نقي وصافي... أد إيه المولدود الجديد ده ضعيف، وأد إيه إحنا البشر ممكن نكون أضعف، رغم إننا أقوى

دي أول زيارة لي لموقعك، وإن شاء الله متكونش الأخيرة... وقبل ما أقوم بنشر تعليقي ده، أتمنى لك ولكل ولأعزائك وكذلك لزوار موقعك عيدا سعيدا... كل سنة وأنتم طيبين

موش هنسى أباركلك على المولود

بنت مصريه said...

انا زعلانه منك يا احمد انت حاطط لينكات المدونات كلها عندك وانا لا
امال خالو ازاى بقى طب دا الخال والد يا عم
انا زعلت
ومتقولش اتفلقى

عاشقة القمر said...

اذيك خالوو اليوست دي رائعه حميل ذكريات ان يرجعه
نفسه وطفل هم حلوين في برءاتهم

ربنا يكرمك
كل سنه انت طيب

Oryx training corporation said...

http://mazikaz.net/Oryx.html

كوارث said...

الف الف مبروك
اوعدنا يا رب !

الباحث عن الحقيقة said...

ايه ياعم التأملات الشريرة دي
كل ده بتفتكره
الشريط بتاع الزكريات جاهز كده على طول
انا لما ببص في وش طفل صغير بنسى كل حاجه وبحس ان مخي ابياااااااض
واقعد ابتسم
واقول سبحان الله ويصعب عليا لما افكر انه راح يكبر وبرائته دي تضيع وتنزل اغنية شادية على الصورة القاتمة دي ويا عيني يا عيني عيني ع الوله
يخرب بيت الكآبه
ده تأثير ذكرياتك الشريرة
سلام

Jana said...

الف مبروك
انا كده عايزة فطيرة
عشان جنى يبقى برده اسم بنتى اللى انا استعرته منها كأسم رمزى ليا وللمدونة
يبقى خليهم فطيرتين بقى
ونصيبك محفوظ
:)
جنى على فكرة معناها
"ثمار الجنة"

ربنا يحفظها ويبارك فيها وينبتها نباتا حسنا ويكرم والديها فيها
وعقبال ما نشوف كتاكيتك يا صباغ
وكل سنة وانت طيب

Hossam said...

hi ahmed
شكلك مبقتش تحبنى والله
ولا بتسال ولا بتخش عندى ولا حتى بتعبرنى برنة
يا رب متكنش زعلان منى
وجنى اسم حلو اوى وربنا يخليلها باباها وممتها
سلام

Beram ElMasry said...

Manamino
يارب تبارك فىالصغنونة جنى ، وتبقى عروسة بيضة وصباع ملبن بلاش العجوة دى
عفوا حلاوة اسلوبك انستنى شكرك على المرور والتعليق ارجو ان لاتحرم مدونتى الزيارة والتعليق
عيد سعيد وكل سنة وانت وجنى والاهل بخير وسلامة

rhf said...

بورك في الموهب وشكرتم الواهب ورزقتم برها ووقيتم شرها
اسم جميل
مدونة حلوة
وأسلوب رائع لطيف وظريف
ماشاء الله ربنا يبارك
تحياتي

norahaty said...

السلام عليكم ورحمة الله وبركاته
مبروك للوالدة والمولودة ووللخال ايضآ
وحمدلله على السلامة جميعآ
وكل سنة وانت والاسرة
الكريمة فى خير حال وصحة
اعاده الله علينا
باليمن والبركات

fashkool said...

أستاذ / احمد الصباغ : الف مبروك على المولوده الجميله وربنا يبارك فيها ويخليها وتعيش وتجوزها
كما نشكرك على تقديم العزاء فى والدتى التى هى جدة سومه المجنونه ولا اراكم الله مكروها فى عزيز لديكم وبارك الله لكم فى المولود الجديد
فشكووول

FreeKiller said...

الف الف الف الف مبروووك يا خالو

عقبال ما نشيل ولادك و بناتك كده

و تشيل انت ولاد و بنات مخاليلك كلهم يا رب

و كل سنة و انت طيب و بصحة و سلامة

ليك تاج عندي

اتفضله

M.K said...

السلام عليكم..
ولقيت ايديها اللى أد سن الدبوس
قافشة على صوباعى
إبتسمت
وحسيت بأمل وحب للحياة
............
هو ده فعلا شعوري لما بشوف المخاليل بتوعنا أقصد الأطفال...
ربنى يحفظها ويجعلها من مواليد السعاده..
وكل عام وانت بخير..

Soul.o0o.Whisper said...

السلام عليكم و رحمة الله و بركاته


معلش يا خالو آسفة على التأخير
<< كنت باقولهالك بضحك ...طلعت بجد سبحان الله
ههههههههههههههههههه


كلماتك حلوة جدا
لأنها فكرتنى بأول مرة بصيت لشذى - دى بئا اول معمومة
على وزن مخلولة يعنى- هههههههههههه
بنت أخويا

بس كانت لسه مافتحتش عنيها
بجد قعدت أستعجب جدا
و أتأمل فى بديع خلق الله
حاجات كتير جدا جت فى بالى

بس أكتر حاجة شغلتنى
البراءة دى هتستمر لحد امتى؟؟؟!!!...

ربنا يستر
هههههههههههههههههه


على العموم حمدلله ع سلامتها
و ربنا يجعلها ذرية صالحة يارب
و عقبالك بئا
عشان تجرب التشرد على اصوله
ههههههههههههههههههههههههه



خالص تحياتى

حزينه said...

نفس الاحساس دا انا حسيته
بس ساعتها عيونى دمعت
وقولت ياترا الشر اللى جوايا دة كله
كان فى براءه زى الطفله دى
وقولت لو الزمان يرجع بيا تانى
كنت فضلت بريئه.....!




حزينه

dina seliman said...

مبرووك جنى الضغنونه
عقبال ماتكبر كده وتكمل المسيره
وترفع علم مصر خفاقا

وكل سنه وانت طيب
وعيد سعيد عليك وعلى اسرتك
وباذن الله السنه الجايه احسن

nona said...

اولا مبروك على خروج جنى من الحضانة و رجوعها للبيت
و كل سنة و انت طيب و كل المخاليل يا رب طيبين و طبعا الحاجة اهم حاجة
كل سنة و هى طيبة

بنوتة مصرية said...

مبروك ياابو جنى
ماهو الخال والد بردة
ولية يازمان مسبتناش ابريا