خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Sep 10, 2008

افطار جماعى للمدونين .. وزيارة مستشفى الاطفال

يوم السبت الجاى اللى هو 13/9/2008 ان شاء الله فى زيارة لمستشفى الاطفال اليابانى بأبو الريش
هنتجمع قدام المستشفى الساعة 3م
بدعـــوة من الصديقة المدونة .. داليا قوس قزح
واليوم هينقسم إلى جزئين
الجزء الأول
زيارة لمستشفى أطفال أبو الريش
تقديم هدايا او حلويات أو لبس العيد او اى حاجة تقدر تقدمها عينية او مادية

الجزء التانى
إفطار جماعى فى محل فى وسط البلد اسمه ابو خالد فى شارع شامبليون
و هو بيقدم كباب و كفتة و فراخ مشوية و حمام ده غير الشوربات و الرز و السلطات و الطواجن يعنى الاكل هيناسب كل الاذواق ان شاء الله و الاسعار ممكن تكون فى المتوسط 50 جنيه للفرد كل واحد حسب اللى هيطلبه
واللى اختار وتحرى عن المحل ابن منطقتى اللذيذ سوو وخالد همس الاحباب

وبوست الدعوة على مدونة قوس قزح اهو : خير وفطار
ودى الدعوة على بيكا للبيع : أبو الريش يارب يعيشوا
وده أيفنت الدعوة على الفيس بوك فى صالون المدونين : إفطار جماعى .. وزيارة لمستشفى أبو الريش

نبذة عن المشاركات الاجتماعية السابقة للمدونين

بؤجة الخير

وتضمن زيارة لمصر القديمة متمثلة فى جمعية ومسجد مدينة زهراء مصر القديمة
وجمع البؤج .. ومحاضرة من الدكتورة صبرية عن الحالة فى اسطبل عنتر وعزبة خير الله
كما تضمن مشاهدة للفيلم الوثائقى ..حلم اسطبل عنتر

لمشـــاهدة الفيلم على اليوتــيوب
الجزء الأول
الجزء الثانى


لمشاهدة ألبوم تجمع بؤجة الخير كاملا
إضغط هنا

اليوم الأول للتبرع بالدم بدعوة من نوران الشاملى

وحضرة مجموعة كبيرة من المدونين وقام رئيس مركز الدم بالمصل واللقاح بشرح كيفية التعامل مع الدم والتحاليل التى تجرى عليه بعد جمعة

لمشاهدة ألبوم الصور لهذا اليوم

اليوم الثانى للتبرع بالدم بدعوة من نوران الشاملى
ولقاء المدونين بنادى الزراعيين والاحتفال بيوم ميلاد
سوو ولماضة


لمشاهدة ألبوم الصور لهذا اليوم

بجد أحلى شباب بشوفهم فى مصر
ربنا يحميكم ويكرمكم

مستنينكم يوم السبت
ورمضان كريم .. وكل عـــــام وأنتم بخير

أحمد الصباغ

22 comments:

د/اجدع بنوته said...

ربنا يجازيهم ويجازيك خير

ويقوينا جميعا

بس هو الخير بيتعمله اعلانات دلوقت ؟؟

يعنى حاجه واتعملت لوجهه الله

يتسيحلها ليه

!!!!!!!!!!!!

تحياتى

Sourah said...

ازيك يا خال

يا رب يجعل ده في ميزان حسناتكو و يتقبل منكو جميعا .
بس انا مش قادرة امسك نفسي من العياط ، يا ريتني كنت وياكو . كل مابشوف خير بالمنظر ده بيبقى ودي اشارك , بس زي ما انت عارف انتو فين و انا فين :((
ربنا يهون غربتي عليا ، و كلي دعاء ان ربي يتقبل منكو ، و الله يا احمد انا مستبشرة بيكو كل الخير ..

و اخر الكلام سلاااام !..

طارق الغنام said...

اخى الكريم
لأول مرة ادخل مدونتك ماشاء الله عليك
ربنا يجعله فى سجل حسناتك ويبارك فيك ويكثر من امثالكم
كل عام وانت بخير
والى الله اقرب
تقبل تحياتى
ودمت بحفظ الله

smilyrose said...

ربنا يجزيك كل خير عما تفعله

وعلى فكرة يا أحمد الخير فى شعبنا الجميل إلى يوم الدين

ربنا يعينك ويكرمك ودايما فاعل خير

و بقلب صادق أتمنى لك التوفيق

أختك

Smilyrose

wardshan

قلب مصرى said...

إزيك يا خالو أحمد عامل إيه
أنا للأسف مش هاقدر أكون موجود لكن سووو حبيبى هايتعب معايا شوية ويوصل مشاركتى وربنا يتقبل منا صالح الأعمال.

ضى القمر said...

كان نفسى اكون معاكم فى اليوم ده .. لكن للأسف مقدرش غصب عنى والله

لكن الله يوفقكم جميعا لما فيه الخير .

جزاك الله خيرا على التنويه يا احمد

تحيتى لك

أحمد سعيد بسيوني said...

بسم الله الرحمن الرحيم

معذرة على الخروج عن الموضوع

ولكن
نكسة مصرية جديدة
في العاشر من رمضان 1429هـ
10/9/2008
على مدونة البحر
www.ana-elbahr.blogspot.com

نشرف بزيارتكم

تحياتي

رامز عباس said...

خالي


انا بجد مبسطوط من صاروخ التغطيات ده ولكثرهم حي الدويقه


للاسف مش هعرف اجي السبت والاحد ورا بعضهم


علشان ان شاء الله بالاسكندريه

مع الفرقه


بالتوفيق


يعني يا راجل مقولتليش جاي ولا لا انت هنيت بس

MaGn0liA... said...

ايه الاخبار الجامده دى

كان نفسى ابقى معاكوا

ربنا يكرمكوا و يجمعكوا على الخير دايما

و فى يوم اعرف ابقى معاكوا

جزاكم الله كل خير


ربنا يكرمك يا خالو :)

Ahmed Al-Sabbagh said...

د/اجدع بنوتة

تفتكرى احنا بنسيح من باب المنظرة ولا من باب تشجيع الناس انها تبقى معانا
ولو عملنا ده سوكيتى تفتكرى حد هيعبرنا ويشارك

Ahmed Al-Sabbagh said...

sourah

ربنا يكرمك

Ahmed Al-Sabbagh said...

طارق الغنام

شرفت ونورت اهلا بيك فى مدونتك

Ahmed Al-Sabbagh said...

Smilyrose

ربنا يكرمك

Ahmed Al-Sabbagh said...

قلب مصرى

ربنا يكرمك وكأنك جيت بالظبط

Ahmed Al-Sabbagh said...

ضى القمر

شكرا ربنا يكرمك

Ahmed Al-Sabbagh said...

احمد سعيد بسيونى

شكرا لإخبارنا

Ahmed Al-Sabbagh said...

رامز عباس

ربنا يوفقك

بالنسبة للحفلة هرد عليك فى مدونتك قبلها

Ahmed Al-Sabbagh said...

MaGn0liA...

ربنا يكرمك

هههه كل الناس بتقول كان نفسى اكون معاكو مفيش ولا واحد قال انا جاى هههههه

د/اجدع بنوته said...

مقصدش يا أبيه احمد

ندعو ماشى

لكن بعد مالحاجه تتم

نصورها ونقول مين راح

ومين بعت ومين جاب

؟؟؟؟؟؟؟؟؟؟؟؟

وف الاول والاخر

يارب الناس كلها تبقى كده وتقدم ع الخير

تحياتى مره تانيه

FreeKiller said...

ربنا يوفق الجميع لفعل الخير
كان نفسي أكون معاكم و الله
بس مصر بالنسبة لي زي الصعيد بالنسبة لكم

يللا إن شاء الله انتوا تسدوا و توفوا

smile rose said...

والله بجد شباب زى الورد الله يحميكم

!!! عارفة ... مش عارف ليه said...

جزاك الله خير يا صباغ
حقيقي كان نفسي أكون معاكم
إنما ظروف السفر هي اللي بتعوق الواحد
حقيقي كان نفسي اعرفكم عن قرب أكتر من كده
في ناس بينا جامدة اوووي
وحقيقي بحيك على مجهودك الملحوظ كقوة دافعة للأمام
لكل ما هو خير


اسأل الله أن يسدد خطاك دائماً
لكل ما هو خير
وليد