خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 5, 2008

انهن لا يفضلن الصداقة

قصة قصيرة
كانت تتودد له بشكل ملحوظ
اتصال شبه يومى
يكاد هاتفة المحمول لا يتوقف عن استقبال مكالمة أو رسالة
او اتصال غير مكتمل
كان يرى فيها الصديقة الودودة المخلصة المثقفة
طيبة القلب .. ذات الابتسامة الواسعة
كان يعجب جدا بكونها صحفية ناجحة
فهو يعشق الصحافة حتى النخاع
وكان يرى فيها احلامة التى لم يحققها
باختصار .. كانت صديقة من النوع الفريد
ولكنها كانت ترى فيه فتى الاحلام
الشاب المغوار الذى جاء لينقذها من دخول بوابة العنوسة
العريس المنتظر .. وزوج المستقبل
وكانت تتعامل معاه من هذا المنطلق
وبحرص شديد
تتدللة
وتحنو عليه
وتبتسم
وتَُهادى
وهو يتمتم فى سره
ونعم الصديقة التى تقدس الصداقة
وتتمم فى سرها .. هيتكلم أهو .. مسيرة ياخد خطوة
كان يرى فيها نعم الصديقة
وكانت ترى فيه نعم الحبيب

واليوم جلست مع صديقة عمرها .. تستشيرها
ككل بنات جنسها .. حينما يلجأن لبعضهن
اذا لاح فى الافق حبيب أو عريس
فنصحتها بعدة اختبارات متتالية
التقل صنعة .. لا تتصلى به لعدة أيام
والغيرة نار .. تكلمى معه عن أشخاص اخرين تعجبين بهم
جربى كل اساليب الدلال والغضب والاستياء والانشغال
وقد كان
جربت كل النصائح الغالية
وفشل فى جميع الاختبارات
اختبار تلو الاخر
فشل من النوع الذريع
غابت عنه ايام فنساها ثم اتصل بعد فترة وكأنه قد تذكر فجاءة
تحدثت معه عن حسام و على وجاسر وايمن واخرين تعجب بهم
فتحدث بكل جدية وانتقد ومدح
لم يستجب الاستجابات المتوقعة من حبيب عاشق
وأدركت غرضة التى لا تقدره كل بنات جنسها
انه يهوى الصداقة
جاء ملهوفا يسألها عما بها .. وعما يغضبها
ردت بلامبالاه
فقد كان ذهنها مشغولا بالوافد الجديد
شخص أخر دخل حياتها
وهى تأمل بألا يكون من المقدسين للصداقة
وأن يكون جاهز بما يجود به العاشق الولهان
والعريس المتأهب للزواج


62 comments:

Abdou Basha said...

موضوع حلو
الموقف ده بيتكرر كتير
بس هو ايه أصلا تعريف الصداقة؟

محمد الكومي said...

ماهو برضه قفل يا بوحميد

يعني البنية تقوله احمد و جاسر و سوسو و توتو و لولو يقولها حلوين

خلاص يعني بقى ايدها منه و الارض

و بعدين مين قال كلهن لايفضلن الصداقة

مانت لو قلبت الموقف برضه و راح اندب و قالها هامبالايظ و هية مش هامبالايظ معاه هتلاقيها قالتله خلينا اصدقاء

بس ايه الابداعات دي يا معلم

Dr.ELsonpaty said...

جييت على الحرح يا أبو حميد

الموقف ده بيتكرر كتييييييييييييير أوى

لدرجة إن ممكن ده يكون الطبيعى بتاع البنىأدمين

نابس بوست

ست البيت said...

مرة الرباط المفكوك
ومرة بتحب الصحافة
ومرة بتقدس الصداقة
يا واد يا تقيل
طب وبعدين حتفضل قاعد كده في وش مامتك
الله يكون في عونك يا طانط أم خالو
ارحمها يا بني بقى من طلتك البهية

وبعدين وماله لما تكون معجبة ما انت حليوة ومعجباني وتتعاكس

يارب اخلص منك انت واخويا العكروت وبطوط في يوم واحد يبقى 3 جوازات في يوم واحد
ومعرفش ححضرها ازاي
بس المهم ماماهاتكو ترتاح منكم

بجد انا مش شايفة مشكلة انها تلمح لك لكن المشكلة انها قطعت علاقتك بيها عند أول مفرق طرق اعذرها يا احمد الموضوع بيبقثى محرج
تخيل ان راسم على حد وبعدين تقولها زي ما قال الكومي خلينا صحاب والله ما توريها وشك تاني
عموما من باعك بيعه ولا تعيش على ذكراه
وعلى فكرة ما تلاقيش بنات كتير بتفهم الصداقة لأنها ومن غير زعل بتقلب
بطبيعة الرجل طالب والمرأة مرغوب فيها
يبقى ايه الحل ؟
نادراً ما تلاقي تلك الصداقة التي تتحدث عنها
وانا بتكلم بعيد عن نظرة الدين للأمر

بس اللي استغربت له قوي
ازاي ما فهمتهاش يا خالو من أول رنة

معلش خيرها في غيرها ...
وربنا يجعل عاقبة أمرك رشدا
دمت بحفظ الرحمن

smilyrose said...

الصداقة على فكرة شئ نادر

لكنه موجود

الصديق هو اشبة بالحبيب

انسان تجده وقت احتياجك له

يقف بجوارك يحنو عليك

تجد من تبكى على كتفه وقت شدتك

من يضمك بكل حنان

اما الحبيب فهو مزيج من تلك المشاعر مع
زيادة الحب والمشاعر التى ليس لها حدود

قد تتحول الصداقة الى حب كبير

لكن الحب قد يكون صداقة ابدية

بس والله هو الخسران

حد لاقى حد يحب بصدق

والله اعلم بنواياها

smilyrose

روح الحب الصادق

اهو ده عيبه said...

دى قصة قصيرة ولا تجربة شخصيه؟
للاسف مش كل الناس تقدر تفسر الاهتمام على انه صداقه ودايما دماغهم بتروح لشكل تانى
يمكن كمان الموضوع بيبقى اصعب لو العكس حصل
بحس انه صعب على الرجل يتقبل مجرد دور الصديق فى حياتها
عموما احسن حاجه الوضوح من البداية علشان ميحصلش خلط
سلام

norahaty said...

السلام عليكم ورحمة الله وبركاته
عارف فيه تعليق او كلمة مرة قرأتها ما أنساها :ان كلمة صداقة تفمها البنت كعرض للحب والزواج اما الشاب فيفهماها لاغرض اخرى والسؤال المتكرر هو هل كنت تسمح انت لبنتك او اختك بصداقة شاب ؟؟
صداقة الولد والبنت عندنا فى مصر لم تنضج الى الان وماتنسى ان ديننا الاسلامى يمنع هذا

Tamer Alhosiny said...

ههههههههههههههههههههه

اخي العزيز احمد
انت تتحدث عن ماساة احياها دائما
فكثير من من اعرف
يري في الحبيب والشريك المنظر
وانا اري فيه نعم الصديق

وهذه هي المشكلة

زمان قوي غنت ماجدة الرومي
ان الرجل الشرقي
لا يرضي بدور غير ادوار البطولة

الان اري العكس
المراة تريد ان تكون البطلة الةحيدة علي عرش حياة الرجل

والرجل يرجوا ان تصبح كلهن ماجدة الرومي

هههههههههههههههه

الموضوع بجد عجبني جدا
جدا
جدا

انا كنت علطول اقراء الموضوعات ولا ادخل للتعليق
لكن هذا الموضوع اجبرني علي التعليق عليه
فهو يمسني بشكل ما
ههههههههههههه

تحياتي
تامر الحسيني
انسان عاشق حر

buffy said...

tyb mn awl tkono wad7en m3a b3d:))b3den hwa msh kan fahm kol ely bt3mlo 3shano eno ehtmam.tyb lw kan el3aks tftkr elbnt kant htrfod elwalad dah ?

amr said...

طرح رائع أحمد

وموضوع بيحصل كتيررررررر

فى انتظار الجديد

خالص تحياتى

عيله مفتريه سابقا said...

احم احم

والله يابنى فعلا فى الجون

المشكله انها من الجنسين يا احمد

مش هى بس يعنى

وانا من اللى بيسألوا دى تجربه شخصيه ؟ :p

انا فى الجحر بتاعى على فكرة
مش ناويه اخرج ..للأسف

سلامى
وكل سنة وانت طيب

قلب ينبض لله said...

أه ممكن يكون عندك حق في ان البنات قد لايفضلن الصداقة مع الجنس الآخر

لكن ايضا الرجال قد يفهموا صداقة البنت لهم علي أنها حب وأعجاب

في شباب كتيير بيفهموا البنات غلط يعني تبئي البنت بتتعامل عادي ومن منطلق الصداقة مثلا والأخوة يقوموا هما قايلين انها بتحبهم مثلا او معجبة بيهم

أنا ليا لفة في المدونة طويله أوي لأن دي اول مرة آجي هنا
بس طبعا مش هاتكون الأخيرة ان شاء الله
:)

kochia said...

اكيد بتقدر الصداقة لكن الحياة اولويات
والعاطفة عن الفتاة اولي من الصداقة مع الرجل بكتير
بعد كدة وبعد ما تلاقي حب حقيقي يقدرها ويشوف فيها انوثتها
ساعتها بس ممكن تبقي صديقة
لكن طبعا بحدود ما يسمح الحبيب

ده الواقع .. مش كدة ؟
وساعات بيحصل العكس .. لكن الولد لو لقي البنت مركزة علي الصداقة مش بيمل لكن بيفضل يحاول ويحاول لان هو غروره الذكوري عندي اقوي زي ما البنت عاطفتها اقوي وساعات بيحس ان رفضها حبه رفضها ليه هو كانسان

مواقف بتحصل والحياة فيها كل حاجة

تحياتي

يا مراكبي said...

في مجتمعاتنا الشرقية .. غالبا الموضوع ده صحيح وبنسبة تتخطى ال 90% كمان

لسه كتير على مجتمعاتنا عقبال ما تتفهم إمكانية وجود صداقة من النوع ده بين الجنسين .. وخصوصا مع عدم تخطي الضوابط الشرعية الدينية .. وده اللي بيخلي الموضوع شائك وصعب جدا

سلوى said...

موضوع جميل

والتعليقات جميله

الموضوع ممكن يتكرر كتير
ومع الجنسين

بس إيه ده
تقول له
جاسر وأحمد و ..و

وهو ولا هنا
:)

لأ
وبسرعه البرق شافت غيره
ناس غريبه
لا مش غريبه
دي ناس عارفه هي عايزة إيه

دمت بكل الخير

بذرة امل said...

السلام عليكم
اولا : عايزة اقول لحضرتك نورت الشرقية كلها فى ملتقى مدونى الشرقية
وان شاء الله مش تكون اخر زيارة
ثانيا : الموقف ده فعلا بيحصل كتير جدا
وعشان كدة انا مش بقتنع بالصداقة بين الولد والبنت
فى زمالة اه لكن صداقة مش ليها لازمة
ده رأيىى لانى متأكدة ان فى مواقف زى دى هتحصل كتير

كرانيش said...

طب احنا عاوزين نتفق على نقطه هل الكلام ده من وحى خيالك ولا بجد حقيقى؟؟
لو هو عمل ادبى وفقط يبقى ناقصه التكثيف اعتقد فى حجات عاوزه تختزل نوعا لتكتمل اركان القصه القصيره بها
اما بقه لو كان الموضوع بجد يبقى انت خسرت واحده كان ممكن تحبك قوى

Soul.o0o.Whisper said...

السلام عليكم و رحمة الله و بركاته


إيه دا يا خالو؟؟؟
أنا شاكة فيك

هو الكلام دا ايه طبيعته بالظبط ؟؟
و بعدين أنتو كنتو عاملين رباطية على البنية و لا ايه؟؟
و لا صاحبتها وشت بيها؟؟؟

لالالالالا ... كدا الواحد يخاف منك
ههههههههههههههههههههه

خالص تحياتى

prince4ever said...

سلام عليكم يا احمد باشا
مش عارف ليه انا بحترم جدا الصداقه اللي بين الولد والبنت ..انا واحد من الناس كان عندي صداقات محترمه جدا ببنات محترمين بس ده كان من فتره
بس في كتير من الاحوال ممكن تتحول الصداقة إلى حب..طبعا العكس نادر
بعيدا عن الموضوع انا اتشرفت جدا جدا بمعرفة حضرتك النهارده...بجد انت شخصيه زي العسل و تدخل القلب على طول
بجد شرف كبير ليا اني اقابلك يا برنس
تحياتي
اخوك رامي ( ولكنت نسيتني فانا الواد الملتحي ده)
سلاااااااام

M.K said...

موضوع جميل..
باعتقادي يختلف منظور الصداقه بين
ان يكون الصديقين من ذات الجنس ..
وبين صداقة رجل وامرأه..
الصداقه الثانيه لها معايير حساسه جدا يجب التنبه لها من البدايه..
والا تكن العواقب كما حدث في البوست..
ويخسر الطرفان..
هي تخسر العريس ..
وهو يخسر الصديقه ..
..........
تحياتي

habiba said...

السلام عليكم استاذ احمد
سعدت بمعرفتك ورؤيتك جدا والشرقيه كانت منوره النهارده :)

بخصوص كلامك السيناريو ده حقيقى بجد والنبات فى معظم الحالات ان لم يكن كلها بتبقى نظرتها زى البطله
حتى لو مش خايفه تعنس زيها

انما الولاد سهل جدا يشوفوا الصور زيه كده
ومش عارفه بصراح الومه لانه مالوش ذنب وفى نفس الوقت هى مش صعبانه عليا لانها مش بتحبه لان الحسابات عندها حسابات عقل مش قلب وبالتالى هى مش مجروحه
يعنى اولا واخرا صفقه وخسرانه ولا يهمك :)

سعيده بمرورى جدا جدا

بت خيخة وأى كلام said...

لو قصة فعلا
هاقولك برافو عليك
علشان ده نوع جديد منك فى التدوين واول مرة اشوفلك حاجة كدة


اما لو حاجة حقيقية
هاقولك
مش كلهن
لان فيه منهن يفضلن الصداقة
وجتها نيلة اللى عايزة الجواز


تحياتي ليك
وكل سنة وانت طيب
اختك خيخة

Bo2Loz said...

bos ya ma3alem..lw heya affelet m3ak 7atta ka zameel aw 7ad 2orayeb..fa ana ded haza elnoo3 mn eltafkeeer..tb3an tfkerha heya..3shan mn elsahl 3ala sha7`seen et2ablo w etfahmo en 7ad fehom ydoor fi zehno (( YNFA3 DA/I Y/TKOON SHEREEK 7AYATI??)) eltafahom mar7ala mn mara7el el7ob..eli momken yettawar le zawag aw yfdal zamala 7asab elmar7ala eli taleeh.....

msh 3eeb en elbent yban 3liha e3gab fi 7dood eladab w el leyaka le walad..w elwalad kaman...

w asl enta msh wa7`ed balak
elmasha3er el7elwa been ay etneen ba2et nadra awi...y3ni momken wa7da t2olk ... ha3ooz akter mn keda 7d yfhamni eih..

bs lw kanet zemeltak w galha sh3oor e3gab beek w enta la2a...momken tel7a2 nafsaha abl ma enta ta7`od balak...w lw edret tata7`ata fekret enak 7`alas kol matshofak hatensa enak kont 7abebha fi dma3`ha fa da ykoon tamam...fa e3zorha lw 7asset bel3aks w kol matshofak tefteker e7sas mo3ayan na7yetak...akeed tb3n a7sanloko tb3edo 3n b3d sa3etha

tb3an msh asdi enta ta7dedan..ok

da beledafa en feeh nas 3ndaha be el 40 sana y3ni 7`alas tafkero nadeg (teb3an le a3raf elmogtama3) bs dema3`o 16 sana
elfekra en sa3at e7sas el7ob w elmawada bye7`telet 3ndena lw e7na msh nadgeen kefaya

bs lw tsma7li b3d ma ra3`eet kteer ana
..
la7ezt nazra msh 3gbani le sa7eb elkessa mahma kan howa meen na7yet elbanat eli sennohom ta2a7`ar 3ala elzawag(rbna yb3at le kol elshabab w elbanat elazwag elsale7een) y3ni 7asset eno kan lazem ykoon altaf fi sho3oro na7yetha lama zana2ha fi zawyet...ASLAHA 3ANES W MA SADDA2ET..mogarad r2yee elsha7`see..
w le awl mara filmawakef di ba2af m3 elbanat ..
a3tazer 3ala eletala eli malhash 7odood..shokrn le se3at sadr elqare2

w 3kleyat elbashar beta7`talef tb3n

همس said...

بص حكاية انه مش واخد باله انها معجبه بيه دى مش داخله دماغى

دا مافيش شاب مش عارف ولا بيحس بالبنت

وتلاقيه مستمتع بمنظرها كدا

وبيزيدو غرور على انه مرغوب فيه

وبصر النظر عن المسمى كان حب ولا صداقه

هو فى كلتا الحالتين عاجبه الاهتمام اللى بيوصول

وساكت علشان هو عايز كدا وبيشجعها على كدا مش طالما حس انها عايزة ارتباط مش يوقف او يبعد لا بالعكس دا قرب اكتر ورسخ عندها الاحساس دا

يعنى بيضحك على نفسه

أحسن تـستاهـل said...

يا عم يا عم اول مرة اقرالك حدوتة احم اقصد قصة :)

بضحك معاك كخخخخخخخخخخ

وبعدين انا بكتبلك دلوقتي وفيه ناموسة مجنناي مووووووت

يا ريت تكتب حاجة عن الناموس لأ والنمل الله يخليك يا احمد يختيييييي
وابقى كلمني وخد مني خبراتي في النمل
ده عشرة عمر

سيبك انت
اخبارك ايه.. عيد سعيد عليك يا صبااااااااغ وليك مني شاندوشت كبده
:)

Ahmed Al-Sabbagh said...

Abdou Basha

قول انت بقاااااا

Ahmed Al-Sabbagh said...

محمد الكومي

what is the meaning of
امبلايظ
؟

:)
تسلم يا ريس

Ahmed Al-Sabbagh said...

Dr.ELsonpaty

شرفتنى

Ahmed Al-Sabbagh said...

ست البيت

اللهم اخزيك يا شوشو
طب لما انتى تقولى كدة
ماما تقول ايه

Ahmed Al-Sabbagh said...

smilyrose

الله الله
ابداعات ربيعية رغم اننا مش فى الربيع
كلامك جميل بجد

Ahmed Al-Sabbagh said...

اهو ده عيبه

يمكن قصة ويمكن تجربة
ربنا قادر على كل شئ
نورتينى

Ahmed Al-Sabbagh said...

norahaty

اعتقد يا دكتوره ان علاقتنا الانسانية قد ان الاون انها تنضج

Ahmed Al-Sabbagh said...

Tamer Alhosiny

ياسلام عليك يا تمور
فنان ومبدع ورومانسى

Ahmed Al-Sabbagh said...

buffy

اولا وحشتينى انتى من اوائل الناس اللى دخلوا مدونتى زمااان وعود حميد

ثانيا انتى شايفة ايه ؟
:)

Ahmed Al-Sabbagh said...

amr

نورتنى

Ahmed Al-Sabbagh said...

عيله مفتريه سابقا

هو ايه حكاية احم احم اللى كله بيقولها
انتوا داخلين تواليت
ما علينا
مختفية ليه بقى
وقاعدة فى الجحر ليه

Ahmed Al-Sabbagh said...

قلب ينبض لله

شرفتى المدونة
وشَرفت بلقائك اليوم فى الشرقية

Ahmed Al-Sabbagh said...

kochia

معاكى حق
ياما فى الحياه من مواقف

Ahmed Al-Sabbagh said...

يا مراكبي

حتى لو كانت الصداقة فى اطار التعاون او تبادل المنافع فأيضا ليست لها الاولوية

Ahmed Al-Sabbagh said...

سلوى

شوفتى الناس اللى زى الصاروخ
عارفين مصالحهم يا ستى

Ahmed Al-Sabbagh said...

بذرة امل

وانا اتشرفت جدا بلقائك
و
اعتز برأيك كثيرا

Ahmed Al-Sabbagh said...

كرانيش

ازيك يا سمر شكرا لملاحظاتك
وانا لما اتكلمت معاكى فهمت نقط كتير لكن زى ما قولت لك انا شايف انى مش مقصر فى التكثيف بالعكس الموضوع كبير وشائك ولكن حجم العمل صغير
واظن ان اى اختزال اخر للكلمات سيكون مخل
لكن متفق معاكى ان ربما يكون هناك كلمات اقوى تقلل عدد الكلمات المستخدمة فى بعض الجمل
لكن انا لا يمهنى فى المقام الاول حرفية القصة بقدر ما اسعى لتقديم عمل راقى ذو فكرة ويعبر عما تدور حوله محور حياتى
القصة ربما عمل ادبى وربما تجربة شخصية
قادر على كل شئ
:)

Ahmed Al-Sabbagh said...

Soul.o0o.Whisper


ههههههههه
وجالك قلب تشكى فيا

Ahmed Al-Sabbagh said...

prince4ever

شكرا يا رامى لكلامك الجميل
اتشرفت بيك كتير

Ahmed Al-Sabbagh said...

M.K

نعم
عندك حق
:(

Ahmed Al-Sabbagh said...

habiba

ليس معنى انهن لا يفضلن الصداقة ان جميع بنات حواء كذلك لكن الاتجاه العام فقط والبعض يقدر الصداقة وناجحين فى علاقاتهم الصداقية
و
العاطفية

Ahmed Al-Sabbagh said...

بت خيخة وأى كلام


ههههههههه
مبقوقة من الجواز ليه كدة
:))

Ahmed Al-Sabbagh said...

Bo2Loz

شكرا على تعليقك الطويل الجميل
وان كنت بتعب فى قراءة الفرانكواراب

لكن اقولك لست اتجنى ضد من تخشى العنوسة
هذا عمل ادبى قصير وليس مقال يتحامل على العنوسة
تحياتى لك

Ahmed Al-Sabbagh said...

همس

بيضحك على نفسة ؟؟

Ahmed Al-Sabbagh said...

أحسن تـستاهـل

مها سيبك انتى اهم حاجة الكبده
:))

RiddleR said...

ازيك يا أحمد أولا
بص هنا كدا
Jul 28, 2008
الحب والصداقة - جنتان بينهما الجحيم

الموقف دا حصل معايا حرفيا، وأصدقائي عارفين التفاصيل دي - الغريب إن فعلا زي حالتك كدا! الكل لاحظ انها ناوية على جوازة والسلام ما عدا أنا
يعني دا أخد باله ودا أخد باله
وانا ولا هنا يا معلم
بس هي معلمتش معايا الحركات اياها بتاعة حسام وجاسر دي
هي جت فجاة كدا وقالتها!!!
المهم ان الموضوع باظ وخسرت واحدة كنت فاكرها صديقة وهي دلوقتي ...... الله يسامحها بقي
ممكن بعد شهرين من الان ابعتلك نسخة من كتاب "عقيدة الكراهية" - هيعجبك

L.G. said...

في رأيي لا توجد صداقة بين شاب وفتاة بالمعنى المعروف للصداقة

وفي رأيي الشباب بيستهبلوا المفروض يفهم من بدري ويفرمل ويبعد

وكذلك في رأيي
:)))
ماجدة الرومي قالت العكس في أغنية كن صديقي
نصدق مين يعني الرومي ولا الصباغ ؟؟؟

norahaty said...

السلام عليكم ورحمة الله وبركاته
بديهيات تعاملنا الاسلامى لاتحتاج لنضج استاذ احمد
:أنا سألت حضرتك سؤال
لماذا لم تجاوب؟؟
هل كنت تسمح لابنتك بالسفر الى الشرقية مثلا للقاء المدونين هذا؟
وشكرآ كثيرآآآآ للرد الاول وشكرآآآمقدمآ للرد الثانى

Romantic said...

احمد
صباح الفل
قرأت البوست
أولا هعتبرها قصة قصيرة
ثانيا
ما عيب الصداقة بين الشباب والبنات؟
ألا يمكن أبدا أن تستمر علاقة صداقة وفقط دون انحراف
ودون أن نفكر بأشياء أخرى؟
هذا غريب والله
أنا وأنت صديقان يشعر كل منا إنه إنسان
ليس رجلا و امرأة
وهذا يجعل العلاقة تستمر دون منغصات
لما الغرام والمشاعر بتتدخل في الموضوع بيفسد
عارف ليه ؟
لأن ساعتها الطرفان لن يكتفوا بالغرام والمشاعر فقط لأن هذا سيستدعي حاجات تانية
وهنا الكارثة
لان الحاجات التانية لازم لها مجري شرعي
والمجري الشرعي لازم له متاهات الارتباط والزواج والحاجات
والبيضة عند الفرخة
وده بصراحة نكد ومفسد
تبقى الصداقة أريح
وأنضف
وأكثر شفافية
واكثر خفة
واكثر استمرارية
بلا وجع قلب
صباحك زي الفل

عبير حمدي said...

بصراحة القصة واقعية الي حد ما بس تعالي نقلب الاوضاع لية متقولش ان الي بيحضل العكس و كل زميل او حتي جار او حد من العائلة ممكن الواحد يرتاحلة شوية او يحب يتكلم معاة شويتين او يعجب بافكارة يفتكر نفسة دنجوان عصرة و ال اية البنت بتموت فية و هو يا حرام مش فاهم حاجة و الحكاية كلها انة ممكن يبقي صديق كويس و اخ مش اكتر من كدة لان هناك فرق شاسع بين الصديق و الحبيب لان الحب التقاء ارواح و صعب جدا ان الصداقة تتحول في يوم من الايام لحب و علي العموم دي و جهة نظري 0000 و اعرف يا ابو حميد ان البنات الان بتفضل قاعدة الخزانة و لا جوازة الندامة مش كدة و لا اية 0000 تقبل تحياتي

sendrlla said...


مبدأيا
الموضوع دا وارد وبكثرة وبيتكرر فى اليوم الف مره
فالمشكله مشكله البنات انها دايما بتدور فى كل ولد تربطها اى علاقه على الحب اللى بيؤدى فى الاخر الى الارتباط الرسمى
مفهوم الصداقه بين الولد والبيت غامض ويكون يكون مبهم وغير مفهوم كمان عند الكثير من البنات فعلا فى بنات ما بتعرفش تصاحب داخله على جواز وممكن تلاقى اللى قدامها مش فى دماغه تشوف غيره
بس طبعا مش كل الحالات كده فى حاله واحده فقط يلتمس ليها العذر هى انهم اتصاحبوا وحبتو فلاقت فيه انه يمكن يكون شريك عمرها
بس
.................
الصداقة مازال مفهمومها غير واضح
على فكره مافيش اصلا صداقه بين الولد والبنت غير لما تتحول اما الى حب او مشكله
سندريلا

Ahmed Al-Sabbagh said...

RiddleR

قريت الموضوع جميل

Ahmed Al-Sabbagh said...

L.G.

تقصدى ايه بالمعنى المعروف ؟
انا شايف غير كدة طالما فى حدود الاخلاق والاحترام والتبادل الفكرى

Ahmed Al-Sabbagh said...

norahaty

حضرتك اللى قولتى لم تنضج بعد مش انا
يعنى المفروض مسيرها تنضج


اجابة السؤال التانى
ايوة كنت هوافق واشجعها تروح لقاءات ثقافية وامسيات شعرية وندوات وحفلات موسيقية
واحتمال اروح معاها كمان
بس ده بعد ما احسن تربيتها
زى كل زميلاتنا اللى حضروا اللقاء

عاقلة علي ارض الجنون said...

احم احم .. قصه قصيره ياااه يا خالو بقالك كتير مش بتكتب ف الأدب

طيب ..

أتكلم بقي .. القصه أولا فكرتها رااائعه

ثانيا .. السرد سلس جدا و مريح

ثالثا : رأيي بقي كقارئه بتموووووووت ف القصص القصيره .. اختلاف اهدافهم من العلاقه هي اللي خلتهم بقوا كده .. و خصوصا ان الصداقه واضح انها تليفونيه نتاويه بحته .. لأن لو الصداقه دي فيها وجها لوجه .. كان سال عليها اول ما غابت .. و الله ده اللي بيحصل معايا انا شخصيا ..

و علي فكره فيه منهن من تفضل الصداقه بالرغم من احتمال وجود أي علاقه من نوع آخر

تحياتي قصيره و رائعه

ياسمين

Romantic said...
This comment has been removed by a blog administrator.
Anonymous said...

الصداقة لها طعم خاص فهى حياة فى الحياة بتعبيرى وطالما تعبت فى البحث عنها بين قريب وبعيد وحبيب فكانت هى مقصدى وليس الحب لا لا يفهمنى البعض عندما اقول اريد صديق لا حبيب لا حبيب فاهم ما يشغلنى تحقيق زاتى فى الصحافة التى عشقتها وعشقتنى منز الطفولة فكانت الحبيب والقلم الزوج والورقة الصديق الزى لا يفارقنى فى ظلامى ونهارى \\بسمة مسلمhttp:\\hamssat.blogspot.com