خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 7, 2008

سعر قرش الحشيش اليوم في القاهره

أنا إتشبهت يا ولاااد
بعد انتهاء الاجازة والرجوع للعمل أفتح المدونة
ببص على الترافيك جام
اللى هو العداد اللى بيعرفك الناس دخلوا المدونة منين
لقيت واحد كان عامل سيرش فى جوجل عن
"سعر قرش الحشيش اليوم في القاهره"
اااااااااخخخخخخخ
وجوجل جابة عندى بالصلاه عالنبى
ده على أساس انى مرجع هام فى الحشيش ولا ايه ؟؟
خالو احمد موسوعة مخدرات ياناس
بصيت لقيت جوجل كان جايبة على البوست اللى كنت كاتبة
عن جروب فيسبوكى اسمه رابطة محبى الحشيش فى مصر

اللى ضحكنى مش انى اتشبهت لانى عمرى ما جربت الصنف
لكن اللى موتنى من الضحك ان فى واحد داخل يبحث عن
سعر قرش الحشيش انهاردة فى القاهرة كام ؟؟
يعنى هما قالو ان اكتر شعب بيبحث فى جوجل على كلمة سكس
هو الشعب المصرى
لكن بالطريقة هناخد مركز أول كمان فى الحشيش والمخدرات
ومش بعيد نلاقى سيرش عن
" كيف تتحرش بفتاه فى ميدان التحرير ليلة العيد"
طبعا لو انت من اللى بتهتم بتتبع جروبات الفيس بوك
على سبيل رصد ظواهر المجتمع ومعرفة الشباب بيفكر ازاى
هتعرف ان فى جروبات كتير محورها الحشيش
للدرجة دى الحشيش انتشر فى بلاد المحروسة؟؟
والناس بتدور على أخبارة واسعارة فى كل مكان حتى النت ؟؟

يعنى مش بعيد بكرة نشترى الجرنان
نلاقى جدول اسعار العملات
وجدول اسعار الدهب
وجدول اسعار الحشيش فى المحافظات

ونلاقى فى نشرة الاخبار بعد النشرة الجوية كدة المذيع بيقول
هذا ونوافيكم بإسعار الحشيش فى محافظات الجمهورية
القاهرة .. حشيش نقى صنف ممتاز .. الجرام 40 جنية
الاسكندرية .. حشيش محوج .. الجرام 35 جنية
شرم الشيخ .. حشيش سيناوى معتبر .. الجرام 50 جنية
كما تحذر وزارة الداخلية تجار الحشيش الجشعين
من تداول الحشيش فى السوق السودا والغش التجارى

وان التعامل يتم فقط مع المراكز المعتمدة لتداول الحشيش
هذا وقد صرح وزير المزاج العالى بأن الحشيش متوفر وبسعر التداول
والحكومة تؤكد حرصها الدائم على وصول الدعم لمستحقيه



بنت أختى الصغيرة
مخلولة لمضة عندها بتاع سبع سنين كدة بتقولى
وانت ايه اللى خلاك تكتب عن المخضروات يا خالو ؟؟؟

63 comments:

محمد الكومي said...

يا نهار اسود

ده الواد ده متاخر كيييييييييييييييك

عارف عندنا دلوقتي في اسكندرية

الموضوع عدى مرحلة الديلفري

اطلب زيرو تسعمية ابو سليمان او الحضرة او المتراس

او انزل بورصة الحشيش في اي من العناوين المذكورة

او ابعت رسالة فاضية على تلات تونيات
888

نوافيك بالاسعار يوميا

و بعدين الابديت دلوقتي نزل في اليكس

حشش عبر البلوتوث

و للموظفين حشش اون لاين عالفيسبؤ

و افتح بوؤك و شد

بس الشد يبقى بجد

كمان في توصيل بطريقة سيند فايل لمستخدمي الماسنجر

المشكلة بقى ان الواد اللي عمل سيرش ده هيجيبلنا الكافية

يعني ممكن واحد يخش يعمل سيرش عالمخلل ولا الطورشي عغلى اساس انه حاجة حرشة يقوم السيرش يوديه على اخبار التحرش

او واحد داخل يدور برضه في نفس السكة بس عن التقفيش فالسيرش انجين يجيبوا على اي بوست كاتب عن التحرش باللفظة الدارجة بتاعته تقفيش

يا نهار اسود

ده كدة ممكن المدونة بتاعتي تبقى ماتخور ولا كوم بكير

لا يابا

انا اشيلها من السيرش اينجين و اكتفي بالبلوتوث و سيند دبوس فيا ماسنجر و طيبة على كدة

اه

لو حد ليه شوق في حاجة احنا مابنتعاملش يالفيزا

شحن عالطواير و نمرة الموبايل مع الصباغ للي عايز


و سمعني احلى سلام لمحمود عبد العزيز في فيلم الكيف

نياههاههاههاههاهاهاهاهاهاااااااااااااااااااااه

عاقلة علي ارض الجنون said...

ههههههههههههههه

صحيح ايه اللي خلاك تكتب عن المخضروات :D

ههههههههههههه

لا بجد حاجه رهيييييبه

و يا سلام لما تسمعها ف نشرة تسعه

:D

لا بجد مش قادره ابطل ضحك

:)

همس said...

هههههههههههههههههه

وبالموضوع دا هيخلى رصيدك يزيد فى البحث على جوجل

ههههههههههههههههه

وسمعتك هدخن خلاص

يلا ربنا يزيدك يا احمد


بس برضو ما عرفناش سعرو كام ؟؟؟؟

ودا الاهم

محمد الكومي said...

يا جماعة اسعار اسكندرية

التوناية الفرط 10 جيني بالصلاتو عالنبي

نص قرش 35 جيني

قرش 60 جني

القرش 8 تونايات

و في تخفيضات عالكميات كل ما تزيد

و كمان ديلفري

و انا و انت

و رقصني يا جدع

محمد الكومي said...
This comment has been removed by a blog administrator.
خمسة فضفضة said...

السلام عليكم ورحمة الله وبركاته
هههههههههه

ايوه صحيح انت ايه اللي خلاك تكتب عن المخضروات

اه ده بقي السبب ان البنات ام ترتر اتحرشو بيك يوم العيد يمكن كانوا فاكرين معك قرش ولا قرشين ....حشيش طبعا
:)))))))))))))


سلام

عمر said...

هههههههههههه

بجد البوست جامد

أنا ميت على نفسي من الضحك

حلوة أوي حتة كيف تتحرش بفتاة في ميدان التحرير

هههههههه

و تعيش وتكتب

Abo 7anf said...

السلام عليكم
انا فاكر بوست الحشيش دا
بس المشكله مش انوا رخص
لا دا الموجود مضروب
يعنى مش ادمان بس
لا بيدمر الجمجمه على الاخر
انا معاك ان الحشيش انتشر على بطريقه غريبه لدرجه انوا بقى زى السجاير
يعنى المفروض ان الكليه الاانا فيها الناس فيها مثقفه
لا وكميه الحشيش منتشره بين الزملاء الافاضل

GiGi said...

على راي همس برده ماعرفناش سعر الحشيش كام
وبجد انا مش عارفه مصر رايحه على فين
وده امتداد لموضوع هل احنا شعب متدين فعلا
بجد البلد هتنفجر من المخدرات والحشيش والتحرش والقرف
يارب ارحمنا باه بجد الدنيا كده بقت صعبه قوي علينا وشاطرين بس يمنعوا القافله اللى رايحه على غزه
اوف زهقت

Ghada , Rofayda said...

السلام عليكم و رحمه الله و بركاته

مرور اول علي مدونتكم .. و ان شاء الله لن يكون الاخير


تحياتي

smilyrose said...

الله حلو قوى

فى العيد تقول البنات كانت هتخطفك

ودلوقتى حشيش

يانهارى

بقيت انترناشونال

ههههههههههههههههههه

وبعدين احنا عارفين ناكل عيش

لما هندور على الحشيش

ههههههههههههههههه

وبعدين ايه العهات اللى عمال

تتعرض ليها

دى ربنا يستر عليك يابنى

وبكرة نلاقى برصة لأسعار الحشيش

ونبقى اشهر دولة فى العالم

ههههههههههههههههه

دحنا هنتقدم قوى

smilyrose

روح الحب الصادق

عاشقة القمر said...

هههههههههههههههههههه بجد هذه قصه بقيت منشور مش في مصر حتي هنا ناس بطلت الاكل وشرب عشان توفرحق الحشيش
فعلا مش مستحيل
نلاقى جدول اسعار العملات
وجدول اسعار الدهب
بس نقول يارب يهدينا ويهديمهم
صحيح ايه اللي خلاك تكتب عن المخضروات
ههههههههههههههههه

عاشقة القمر said...

هههههههههههههههههههه بجد هذه قصه بقيت منشور مش في مصر حتي هنا ناس بطلت الاكل وشرب عشان توفرحق الحشيش
فعلا مش مستحيل
نلاقى جدول اسعار العملات
وجدول اسعار الدهب
بس نقول يارب يهدينا ويهديمهم
صحيح ايه اللي خلاك تكتب عن المخضروات
ههههههههههههههههه

ياسمين حميد said...

عشان تبطل تكتب في المخضروات وتخليك في اللحمة
!

قلب مصرى said...

تخيل بقى يا خالو إن الحشاشيين عندهم وجهة نظر كده غريبة شوية واللى يسمعها من غير ما يفكر فيها ممكن يقتنع بيها وهى إيه بقى؟؟؟؟
إن ليه الدولة بتسمح بتجارة وتداول الخمور ولا تسمح بتجارة وتداول الحشيش على اعتبار إن الاتنين تقريبا واحد !!!!!

يعنى احنا فى مصر خلاص كل مشاكلنا اتحلت وبقينا زى الفل علشان يبقى فى نفس بتفكر التفكير ده
حاجة تغيظ قوى يا خالو

شهريار. said...

خالو احمد... ازيك يا باشا....هو انت ليه بتتكلم عن المخضرات...ههههههههه...
ما تقلقش ممكن ينزلوا حصص ثقافه حشيشيه وبكدا هيحلولوا المشكله زي ما حلوا مشكلة السيرش زمان...
.....

كراكيب said...

هههههههههههههه
سووووووكااااار يا خالو
فظيع البيان اللي انت قولته

وبعدين انت مش بتشوف دايما فر الجرانين يوم وقفة كل عيد
مانشيت بيقول: ضبط رجال الشرطة 7777777 طن حشيش

اشمعنى يوم الوقفة بيحلالهم حوار التحشيش ده انا مش فاهمة
وبعدين مستغرب ليه
ده الحشيش بقى يد الجميع

وبعدين انت ليه بتكتب في المخضروات بس يا خالو؟؟؟؟

miro el niro kwaniro

عايش... ولكن !!!! said...

الموضوع ده بقا عادى جدااااا زى ما بقا عادى على ودنى بردو انى اسمع عن مصنع او اى حاجه ولعت بسبب ماس كهربائى
وبقا زى ما بيقول محمد الكومى فى بعض المحافظات بجد دليفرى

اه بالمناسبه اخر بوست عندى بيتكلم عن الحشيش بردو :)

حرة المداد said...

لا حول ولا قوة الا بالله...اللهم اهد شباب المسلمين وتب عليهم وبصرهم بما يراد بهم...على كل حال مازلت مؤمنة أن الشباب فيهم خير كثير والدليل حملة حماية) للأستاذ عمروخالد)

حزيــــــــــــــــــن said...

may be

--
ahmed mahana

ست البيت said...

محمد الكومي ،،،
يا عم اللبرالي احترم نفسك شوية ممكن
؟
مين دا اللي بيقول محمد يزعل ؟
الكومي مني؟
قولهم يا كومي
ال يزعل قال
لم الدور يا ولد ..ما ليش نفس اترازى


خالو
ايه اللي خلاك تكتب عن المخضروات
من قلة الكوسة في بلدك

خلي بالك ما تمشيش لوحدك بالليل

تحذير لكل المدونين الرجال

ابتعت عن اي واحدة لابسة على منوال الوصف الواد ذكره في بوست احمد الصباغ السابق

Soul.o0o.Whisper said...

ههههههههههههههههههههههههههههههه

بجد مش قادرة أبطل ضحك
إيه دا؟؟؟؟

دا أنت مشهور أوى يا خالو على كدا
و احنا مانعرفش
ههههههههههههههه

بس صحيح حكاية لما ينزلوا الاسعار فى نشرة تسعة
كدا هيقفلوا على تجار السوق السودا
يا حرررررررررررررررررام

ههههههههههههههههههههههه

خالض تحياتى لك
و للمخلولة صاحبة المخضروات


قال مخضروات قال
ههههههههههههههههههههه

سلااام

أبو أسامة - مدونة كباية شاي said...

لأ بجد يا خالو
وانت ايه اللى خلاك تكتب عن المخضروات يا خالو ؟؟؟

على فكرة أنا اتخنقت من كل محركات البحث علشان الحركات نص كم دي

يعني مثلا أعمل سيرش على واحد صاحبي إسمه أحمد الخشاب .
يبقى أول 3 صفحات في البحث كلها عن الهانم سمية الخشاب وفيلمها الفظييييييييع : حين مسخرة ؟

مش ينفع كده خالص
سلام يا خال

أبو أسامة - مدونة كباية شاي said...

لأ بجد يا خالو
وانت ايه اللى خلاك تكتب عن المخضروات يا خالو ؟؟؟

على فكرة أنا اتخنقت من كل محركات البحث علشان الحركات نص كم دي

يعني مثلا أعمل سيرش على واحد صاحبي إسمه أحمد الخشاب .
يبقى أول 3 صفحات في البحث كلها عن الهانم سمية الخشاب وفيلمها الفظييييييييع : حين مسخرة ؟

مش ينفع كده خالص
سلام يا خال

قلم رصاص said...

هههههههههههههههههه

والله بوست يضحك أوي فعلا

هههههههههههههههههه

خد بالك على نفسك ياخالو بعد كده

انت ضامن جوجل هيعمل معاك ايه تاني

هههههههههههههههههه

تقبل مروري

قلم رصاص said...

هههههههههههههههههه

والله بوست يضحك أوي فعلا

هههههههههههههههههه

خد بالك على نفسك ياخالو بعد كده

انت ضامن جوجل هيعمل معاك ايه تاني

هههههههههههههههههه

تقبل مروري

مواطن مصرى نايم said...

خلاص يا صباغ انا عاوز اخد توكيل الحشيش فأسكندرية
و كمان حعمل لك دراسه الجدوى و ابعتهالك
ههههههههههههههه
بس يكون من غير بزر
ههههههههههه
و الله عالم دماغها ضايعه
بوست لذيذ يا صباغ

تحياتى

اسلام

Oss said...

ياباشا المخدرات أكتر من اللبان اليومين دول
يعنى انا فى مدرسه ثانويه عسكريه
والعيال كل يومين داخلين بسجاير محشيه

ياصباغ ده راجل متابع
عايز يحافظ على فلوسه
افرض يعنى الديلر اللى بيبعلوه الحشيش غلى عليه
ماينفعش

بس بطل كتابه عن المخضراوات واسمع كلام المخاليل
:)

زوج مخنوق said...

اولا اللى يخليك تكتب عن المخضروات يبقى لازم تستحمل يا ريس
ده لسه جوجل هيعملك احلى شغل

و بالنوسبة بقى لأسعار المخضروات في القاهرة اليوم فهي غليت جدا

اكتب عندك يا عم

بلغ سعر الحشيش للوقة المغربي من 8 آلاف الي 10 آلاف جنيه وللوقة اللبناني من 20 ألفاً الي 24 ألف جنيه أما أسعار القطاعي فبلغ قرش الحشيش المغربي من 40 الي 80 جنيهاً وسعر القرش اللبناني من 100 الي 140 جنيهاً.

أما أسعار الافيون فقد بلغت من 18 الي 20 ألف جنيه بالنسبة للوقة بسعر الجملة وبلغ سعر القرش زنة 4 جرامات من 110 الي 130 جنيهاً.

أما الهيروين فقد بلغ سعره من 140 الي 160 ألف جنيه للكيلو جرام بسعر الجملة بينما بلغت أسعار القطاعي من 140 الي 180 جنيها للجرام.

وبلغ سعر كيلو جرام الكوكايين في الجملة من 300 الي 400 ألف جنيه للكيلو جرام بينما بلغ سعر الجرام قطاعي من 400 الي 500 جنيه.

وبالنسبة لعقار الريهبينول فقد بلغ سعر القرص جملة من 7 الي 10 جنيهات وفي القطاعي من 12 الي 15 جنيهاً.

وعقار الاكستاسي فقد بلغ من 40 الي 70 جنيهاً للقرص في الجملة و70 الي 120 جنيهاً للقرص في القطاعي وفقاً لنسبة التركيز.

وعقار الماكس بلغ سعر اللتر جملة من 15 الي 25 ألف جنيه وسعر السم3 في القطاعي من 254 الي 30 جنيهاً.

أما البانجو وهو أرخص أنواع المخدرات فقد بلغ سعر الكيلو جرام منه 250 الي 350 جنيهاً بينما بلغ سعر الباكتة قطاعي من10 الي 20 جنيهاً

بيني و بينك بقى

ماعاكش صاروخ؟؟

مهندس مصري said...

يا بني ما انا قايلك اني ياما باشوف من الحجات دي في Keyword Analysis و Recent Keyword Activity
في العداد عندي
مش مخدرات لكن حاجات تانية
بس حاجات تضحك برضه
أهي ناس فاضية و هابلة و جوجل اوهم الناس ان فيه كل حاجة او الناس تخيلت كده مع نفسها
بس انت فضحت الزبون فضيحة سودا
:)

smilyrose said...

فيه ايه يا أحمد

مرة بنات كانت عاوزة تخطفك

ومرة قرش حشيش

ايه يابنى فيه ايه

كدا هتبقى انترناشونال

هههههههههههههههههه

بس على فكرة

ممكن نتقدم ونعمل بورصة لأسعار الحشيش

ونبقى بكدا دولة متقدمة جدا

بزمتك مش عندنا ناس هيفة

حشيش
حزبى الله ونعم الوكيل

بقولك هو بكام

هههههههههههههههه

ربنا يستر

smilyrose

روح الحب الصادق

habiba said...

هههههههههههههه صحيح ةوانت ايه اللى خلاك تكتب عن المخضروات ياخالو ؟؟؟ :)

انت يمكن حكيتلنا عن الموقف د فى الملتقى لكن ماتصورتش انه للدرجادى

بس تصدق انه حشاش مثقف موووت
والله برافو عليه هما دول حشاشين المحروسه
عيال عل مستوى :)

تحياتى دوما

Dr.ELsonpaty said...

3azeema ya masr ya ard el-lewa

:D

ellly 3amal search da ragel motatwer

we 2eder yeda5al el-technology el-7adeetha fe el-7asheesh

Nice Post

kochia said...

البنت المخلولة عندها حق
بس برده مفيش حاجة من غير فايدة
اهو بقيت مشهور ومرجع

بنت مصريه said...

بصراحه منظرك بقى وحش قوى يا خالو قدام المخاليل

لما يكبروا يقولوا ايه كان ممول حشيش

يا عم البلد خربت جد عالحشيش يعنى
ههههههههههههههه

Anonymous said...

السلام عليكم

حشيش وبانجو ومززز

احمدك يا رب وكاله احمد عبد العال فتحتلي ابواب الانحراف يمين في شمال علي اول طريق المعادى


ـــــــــــــــــــ
طبعا ممكن تستغرب اني مبعلقش كتير رغم اني مبفوتش بوست

طبعا مبعلقش زي الاول وعارف ان تعليقي ملوش اهميه


بس انا بحبك كاخ من قلبي وده كفايه


زعلي وضيقي اننا معملناش حاجه لمصر لحددلوقتي ولا للمعاقين ولا لمرضي السرطان ولا للناس المنهوبه بالداخل والخارج

حزنت اوى انك مجتش حفلتنا بتاع القعله ويمكن دة من الاسباب اللي خلتني احزن بنفسي وانقطع عنك

لاني كنت فاكر ان التدوين هيجمعنا علي طبق واحد هو طبق مصر


رامز عباس

http://ramezabas.blogspot.com/2008/08/blog-post.html

رحــــيـل said...

هههههههههههههههه

انا لما بشوف الريدر عندى بلاقى حاجات غريبه برضه بس مش للدرجادى

حلو قوى موضوع وزير المزاج العالى
مش بعيد برضه يحصل

سومه...مجنونه فى بلد عاقل said...

هههههههههههه
على فكره البنت عداها العيب ومعاها حق مالك انتى ومال المخللات اقصد المخضروات

عاشقة الاستقرار said...

هههههههههه ضحكتنى والله يا احمد

وفعلا الحشيش دلوقتى بقى زى السجاير باظبط بتلاقيه مع الناس فى كل مكان حتى عندنا فى الكليه

بجد ربنا يرحمنا ويهديهم

حقوق المثليين العرب said...
This comment has been removed by a blog administrator.
Bo2Loz said...

7elwa elnashra awi bgd!! bs enta 2olt asami 7asheesh mokne3a gdn..omal bs 3amel tyb w fe 7alak leeh??
bahazzar tb3an
rbna yhdi elkol
lazm a2olk enk mn elno7`ba eli asasi 3ndi ashofk katb eih..

tamer.sala7 said...

بمناسبة البوست بتاعك كنت ماشي مع واحد صاحبي في المتراس (منطقة في اسكندرية مشهورة بتجارة الحشيش )المهم لقيت كشك خشبي غير مكتمل البناء

سألت صاحبي ده هو ح يعملوا ايه هنا ؟؟
رد عليا قالي ده بيبنوا كشك حشيش

طبعا انا استغربت وافتكرته بيهزر طلع الموضوع ده بجد

والكشك ده خاص بأحد تجار المخدرات اللي لسة خارجين من السجن ومش لاقي شغل فالحكومة بقي قالت تعمله كشك علشان يشتغل فيه وبما انه مش بيفهم في اي شغل غير تجارة الحشيش يبقي صدق كلام صاحبي وده حيبقي كشك حشيش مرخص من الحكومة وعلي العيد الكبير حيبقي مدعم

وأتصل بنا يصلك مندوبنا ويوجد لدينا شحن لجميع المحافظات

mohamed ghalia said...

هههههههههههههه
مهيا مصر دايما فى الحاجات التافهة والغلط الأوله فى كل حاجة بلا منازع
ربنا يصلح حالنا
كل سنة وحضرتك بخير
تقبل تحياتى

M.K said...

بجد تنفع تبقى معد نشرة المخضروات...
تحياتي لبنت اختك ...
...................
تقبل مروري

عاشــــــ النقاب ـقــــة"نونو" said...

هههههههههههههههههههههههه
لا تعليق
المصريين اهم
كل عام وانتم الى الرحمن اقرب
تحياتي

وومن said...

يا سلام علي الفضي بتاع الناس بيدور علي جوجل علي سعر قرش الحشيش بكام

فعلا نستاهل اللي احنا فية واكتر وبعد ما اتفضحنا علي محركات البحث العالمية هانطلع شعب شهواني ومسطول

هو صحيح مين اللي قال اننا شعب متدين اللي قال كدة مقراش تاريخ كويس

هو اصلا في حد بيقرا

يالهوي

MaGn0liA... said...

هههههههههههههههههههههههههههههه

لا بجد احنا عدينا كده

ايه الشعب الفاضى ده

!!!!!!!!!!!!

كمان هنبقى اعلى بحث فى الحشيش

ناقصين احنا يعنى

هو يبكى و هم يضحك

هههههههههههههههههههههههه

زهرة الجنة (زهرة سابقا) said...

صحيح يا خالو انت ايه اللي خلاك تكتب عن المخضروات؟؟
ههههههه
خلي بالك يا خالو شكل المدونة بتاعتك اتشبهت وبعد كده هتكون اسمها خالو أحمد الحشاش هههههه
ال حشاش ال
هههههه

بس في الأخر برضه مش قولت لنا
سعره طلع كام في الأخر ؟؟؟؟

زهرة الجنة (زهرة سابقا) said...

صحيح يا خالوو نسيت أسالك
صورة مين دي اللي انت حاطيتها في البوست (وش بيغمز)هههههه

وجه جديد د.أحمد عثمان said...

مبروووووك
يا ابوحميد
المثل بيقول
الصيت و لا الغنى


بس يعني مش يحدد نوع الصنف

قهوة بالفانيليا - شيماء علي said...

صح ..
و انت مالك بالمخضروات يا خالو :)

بدراوى said...

حلوة اوووى يا خالو
يا اكبر تاجر
مخضروات فى مصر
من حق بمناسبة البورصة و اسعار الأسهم
بيقولك بورصة الحشيش المصرية
اتأثرت بإنهيار البورصة الأمريكية
اصل بوش سحب حشيش كثير من غير ما يكون معاه سيولة
فبورصة الحشيش وقعت
!!!

حياة said...

الخوف أنه بعد التداول للسعر الرسمي ، بتخيل الشارع حيبقى شكله إيه
وربنا يستر

أطيب تحية

نهله said...

صحيح ايه اللي خلاك تكتب عن المخضروات بس يا خالو


ههههههههههههه


تحياااااااااااااااتى

Sara Nahl Elmasry said...

هههههههههههههههههههههه
جاااااامد أووووووي الحوااااار ده بجد

بس ليه متقولش أن جوجل معجب بالخال الصباااغ فبيتلكك وأي شخص بيعمل سيرش على أي حاجة بيوجهه ليك ;) :D
...
بس صحيح
أنت إيه إللى خلاك تكتب عن المخضروات يا خالو ؟!!! :P :p :D

Anonymous said...

The techniques аre Thеre, lеt go οf
your inhibіtіοnѕ tonight.
Αs� Tantгic Mаssage no es solο una experiencia f�sica, sіno ρerceiving sοunԁѕ the proper way.
tantric massage Salmon Hawaіian Salаd1 lb saltineѕs salmon5
good is thаt іt has mοre than of a poke grain,
but not altogether, because the salting fiгms it up.
Crуѕtals and gеmѕtonеs
уou testаment nоt be in раin sensatiοn ԁuring or later оn thе
massage. Ѕana magandа na ang еxtenԁs to instructiοn fashion.



My page: Web Page

Anonymous said...

Ηaνe уou еveг thought аbout іncluԁing а littlе
bіt mοrе than just youг articles?
I mean, whаt you sаy іs vаluаble аnd
еνerуthing. Βut think of if уou аddеd ѕomе greаt
picturеѕ or ѵidеo clips to give yоur pοstѕ more,
"pop"! Your сοntent іs excellent but with pіcs
аnd viԁeo clіpѕ, thіs wеbsіtе
cοuld dеfіnitely bе one οf the best іn its
niche. Gοod blog!

my ωebpagе jump higher

Anonymous said...

Write mοre, thats аll Ι haѵe
to say. Literally, it seemѕ as thοugh yоu reliеd on the vіdeo to makе your ρоint.
You cleаrlу know ωhat уoure talking about, why thгow aωay yоur intelligenсe
on just pοstіng νіdeos to yοuг sitе when you could be gіvіng
us something іnfoгmativе to rеaԁ?



Feel free to visit my web sіtе free ps3

Anonymous said...

Wow that was strange. I јust ωrote an extгеmely lοng
сοmment but afteг ӏ clicked submit
my comment didn't show up. Grrrr... well I'm not writing all that over аgaіn.
Regarԁleѕs, just wantеd tο
ѕay excеllent blοg!

my pаge ... quick way to lose belly fat

Anonymous said...

Hola! Ӏ've been following your site for a while now and finally got the courage to go ahead and give you a shout out from New Caney Tx! Just wanted to say keep up the fantastic job!

Here is my website; treat heartburn fast

Anonymous said...

Howԁy! I cοuld have swоrn I've been to this blog before but after browsing through some of the post I realized it's new tο me.
Anyhow, I'm definitely glad I found it and I'll be booκ-markіng аnd checking baсk frequently!


my blog; natural breast enlargement story

Anonymous said...

Hello there! Τhiѕ is my first сomment here sο I
ϳust wanted to give a quicκ shout out аnԁ
tell you I геallу enjοy reading through your ρoѕts.

Can you recommend аny other blogѕ/ωebsitеѕ/fοгums that deal wіth the ѕame topiсs?

Thanκ you!

Fеel frее tο ѵіѕit my website .
.. birmingham spa days

Anonymous said...

Right nοw it loοks likе Druρal is the best blogging platform out there right now.
(fгom what I've read) Is that what you are using on your blog?

Feel free to visit my blog :: Http://Howtolosebellyfatfast.Webs.Com/