خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 9, 2008

طب نقرا الفاتحة على بلوجر


طب بما إن الحزب الوطنى دخل عالم التدوين من خلال مدونة
ابن الحزب الوطنى البار

فأنا خايف على بلوجر لتحصل فيه حريقة

قبل ما تدخل البار قصدى مدونة الابن البار ومنعا للشلل
عايزك تقرا نص المقال ده اللى سجن إبراهيم عيسى


الألهه لا تمرض

الرئيس فى مصر إله والآلهة لا تمرض ، لهذا السبب يخفى الرئيس مبارك والمحيطون به والمنافقون له أمر مرضه يتركون البلد نهشا للشائعات ونهبا للأقاويل ، ولا ينطقون بل يضللون الناس عن معرفة الحالة الصحية للرئيس ، ومبدئيا فالريس نفسه ليس مريضا مرضا خطيرا لكنه مرض سنه ، فضلا على أن الرئيس حتى لو أصيب بالأنفلونزا يجب أن يعرف الشعب والمشكلة أن الغرباء يعرفون .. البيت الأبيض لديه تفصيل شبه يومية .. تل أبيب تعرف وتتابع .. دوائر غريبة كثيرة تعرف حقائق حول مرض الرئيس أو سفره للعلاج
بل أوروبا تستقبله للعلاج بأجهزة مخابراتها و دوائر منها ، إذن السر فقط على المصريين ، و لولا أن الرئيس ترنح مغشيا عليه أمام شاشات التليفزيون فى خطبة له منذ أعوام ، ما كان لأحد أن يعرف حالة صحة الرئيس ، و لولا انه سافر للعلاج طويلا فى ألمانيا ما قال احد عن مرضه شيئا ، فالحاصل أن دولة مبارك تريد أن تقدم الرئيس باعتباره شخصا مقدسا لا يخطئ و لا يراجعه احد و لا ينافسه شخص ، و هذه الصفات تعنى قطعا انه لا يمكن أن يمرض ، بل و لا يفكر أحد أنه يمكن أن يموت مثلما يموت البشر !!
لكن الأمر يتجاوز فكرة مرض الرئيس إلى حاضر و مستقبل البلد ، فالمؤكد أن عائلة الرئيس و السيدة سوزان مبارك تحديدا كما يعلم الكافة حدانا و فى الخارج تضغط بقوة منذ فترة كى يتنحى الرئيس عن الحكم و ينقل الرئاسة على عينه و فى حياته إلى جمال مبارك ، و الرئيس هو الشخص الوحيد فى العائلة الذى يقاوم هذه الخطوة سواء لتمسكه بالبقاء فى السلطة دون الخروج عنها إلا بقرار قدرى ، أو قلقا من استفزاز الشعب المصرى و جنرالات لهم أولوية كبرى لدى مبارك ، بل و يخشى الرئيس على حياة نجله متى صمم على نقل السلطة إليه ، لكن مع ظروف مرض الرئيس و داخل بيت تحكمه عواطف الأبوة النبيلة و مشاعر الوفاء لزوجة هى رفيقة عمر و شريكة كفاح قد يضعف قلب الأب ، و يتغلب على عقل الرئيس ، و هو ما يعنى أن مستقبل مصر مرهون فعلا بقرارات عاطفية يتخذها رئيس فى لحظة مرض ، ثم إن مرض الرئيس يعنى غيابا مؤقتا عن الإمساك بكل الخيوط ، الأمر الذى يوفر فرصة لجهات و أسماء من قصر الرئاسة أو من خارجه كى تمد يدها لتفعل ما تريد ، بل لعل حملات القبض على الإخوان و الاستنفار الأمنى الخشن ضد الصحف الخاصة و التعجيل بانتخابات الحزب الوطنى و دفع أسماء موالية لجمال مبارك و أحمد عز ضد رجال صفوت الشريف و كمال الشاذلى كلها خطوات يلعب بها النجل لصالح الضغط على أعصاب أطراف داخل الدولة كى ينقل وجوده فى الرئاسة إلى شأن مفروغ منه ، بل لعل شائعات صحة و مرض الرئيس و هذا التدافع المتتالى لها سببه رغبة النجل فى فرض أمر واقع ليقع على رءوس الجميع دون أن يتصور أحدهم أن بامكانه أن يرفضه ، فما بالك بأن يرده ، يبقى أن الرئيس مبارك - حسب مصادر طبية - مريض فعلا بقصور فى الدورة الدموية مما يقلل نسبة و كمية وصول الدم إلى أوعية المخ الدموية فى لحظات تسفر عن إغماءات طبيعية تستغرق بين ثوان و دقائق ، و هو ما يفسر ( إن صح ) الشائعة ( إن صحت ) التى تتحدث عن رؤية الرئيس و هو يترنح أو يهتز ذات مرة أثناء قيامه بزيارة لمؤسسة رسمية ، و سأترك لك حرية الاتصال بطبيبك الخاص أو بطبيب قريبك أو جارك لتعرف بنفسك آثار قصور الدورة الدموية على رجل فى سن الرئيس ، و ما ينتج عن ذلك من أمور ، لكن المؤكد أن هذا المرض ليس من الأمراض العضال ، و يمكن أن يحيا به المرء سنوات طويلة ، لكن السؤال ألا يؤثر هذا على بلد و دولة !! ألا يستدعى هذا من الرئيس أن يرتاح . جمال مبارك رأيه كده ، أن يرتاح الرئيس و يترك له الرئاسة .. أما دوائر أخرى فى البلد فهى متوترة جدا و تخشى الصمت، و لكنها تخاف التحرك ، و أجهزة أخرى تريد من الجميع أن يخرس و يسكت و يلم نفسه ، و هى تلم بعضنا بالسجن أو التهديد .. و أخشى ما أخشاه أن يتحول مرض الرئيس إلى فرصة كبيرة تمرض مصر أكثر مما هى فيه من مرض ، يتقاعد عن الحركة و يصيبها كما نرى بقرح فراش تشوهها و تشيله
!!!
خش بقى على البار

18 comments:

طالب ثانوى said...

ههههههههة

انا دخلت المدونة وسبت تعليق وربنا يستر

طالب ثانوى said...

ونسيت هيييييييييية حجزت المركز الاول والتانى

A.SAMIR said...

هو على الرغم اني ازعم اني راجل ليبرالي اؤمن بالرأي والرأي الاخر وحرية التعبير والكلام دة
بس مدونة الاخ البار دي شكلها لو استمرت لا قدر الله هتفقدني اعصابي وليبراليتي اللي افتخر بيها
فعلا يا جماعة
ويخلق ما لا تعلمون

Soul.o0o.Whisper said...

السلام عليكم و رحمة الله و بركاته

هو برغم ان لى بعض التحفظات على اسلوب ابراهيم عيسى و على كلماته

لكن مانكرش انه بيعرض بعض الحقائق

بس هل فعلا بردوا اللى بيعرضه دا فعلا الحقيقة و لا كلام بيمعه زى ماحنا بنسمع شائعات ؟؟

و على فكرة السجن مش شرط لصدق اللى الفرد بيقوله


و لأن احنا فقدنا الثقة فى الحكومة
و الحزب الوطنى - أعززززززززززه الله - ههههههههه

فإحنا دايما بنميل للخيار الآخر

و الحقيقة فين؟؟؟
الله اعلم
فعلا
ياريت نعرف الحقيقة


خالص تحياتى
على فكرة أنا قرأت البوست الباااااااار


ههههههههههههههههههه
دا نايس خالص و عسووووول
مش عارفة ليه حسيت إننا فى الحضانة
و ماسكين البزازة
و عمو دا بيحكلنا حدوتة


ههههههههههههههههههههه


ياللا سلام

اصحى يا مصر : اسلام ديو said...

يعنى بكرة بقى هنسمع ازمة فى الكومينتات؟
ولازم تدفع فلوس علشان تدى كومينت
ولا بقى هينزلوا شرطة المرور علشان تتابع "الترافيك" بتاع البلوجات؟
او ممكن يغيروا البوستات كمان بقى وصلى على اللى هيشفع فيك

---------------------------------
ههههههههههههههههههههههههههه
انا فتحت المدونة وكل اللى عملته قعدت اضحك
هههههههههههههههههههههههههخخ

لا اله إلا الله ... ما إلا مجرد عقول مغلقة تحت قبة السياسة
---------------------------------
كفاية كدة ....ادخلوا على مدونة البار ...او قد نسميها night club واضحكوا هههههههههه

بذرة امل said...

عارف ياخالو
انا لما قرات المقال ده لابراهيم عيسى تانى يوم الاشاعة
قلبى حس وقلت المقال ده مش هيعدة وفعلا حصل ما كنت اتوقعه
اما باللنسبة لمدونة الابن البار
ندخل عليها ونعلق ونشوف

~*§¦§ Appy §¦§*~ said...

ههههههههههههههههه
هموووووووت منك انت يا واد جالك صرع تدوينى ولا سمعت انهم هيخصصوا البوستات والكمونتات هتغلى ههههههههه
انا رحت البار بس مش لقيت غير مشروبات كحوليه ههههههه
وانت عارف اختك نجمها خفيف اوي طلبت مانجو مجبوش هو الحزن ليه مش بيعيشنا فى المانجو بقى هههههههههههه
المهم ده كيوت والتسليه عليه للركب
وبعدين ان شاء الله نرد له دين ويندم على ما فعل بس صبرا عليه ههههههههههههههه

مهندس مصري said...

بس انا معترض على اللي بيشتموه
ناقشوه بالعقل يا جماعة و هو حجته ضعيفة اصلاً
نتحاور معاه يمكن ربنا يهديه
انما نشتمه ليه ؟
ربنا يشفيه و يشفي كل مريض

ثم مش فاكر يا أحمد الواد بتاع الحزب الوطني بتاع ندوة الفيس بوك في الدستور
كان غريب
و التاني اللي بيحب جمال مبارك
كان مستفز جداً
مش فاكر انا كتبت عنهم ايه يوميها
ما إحنا قابلنا الأشكال دي قبل كده
كبر دماغك و ناقشهم بالعقل و المنطق او تجاهلهم
:)
انا علقت عنده من زمان من ساعة ما نوارة قالت عليه

بدراوى said...

انا مش فاهم حاجة
خالص
و ايه علاقة ابراهيم عيسى بالموضوع
و بار مين يا عم انت
ده ابن الحزب الوطنى الضال
و مع فيلم عودة الإبن الضال
!!!!

Dr.Mohammed Gohary said...

والله العظيم تلاته
ههههههههههههههههههههه
هههههههههههههههههههه
أنا ماشي يا عم

ههههههههههههه

مصري بالغربة said...

فعلا نوارة كانت اتكلمت عليه قبل كده

وانا دخلت بس محبتش اعلق عليه بصراحة

قصاصه said...

والله حرام عليك يا خال
ليه كده يا خال ؟
مع ان ناقل الكفر ليس بكافر
لكن متجيش منك انت يا خال
علاج المراره صعب يا خال فما بالك بعلاج كل ما هو ينفجر فى جسمنا يا خال

تحياتى

حياة said...

من حق أي شعب يطمئن على صحة رئيسه ويكون فيه حلقة وصل بين الرئيس والشعب وحوار صريح مفتوح عن كل شئ حتى عن صحة الرئيس .. بما إننا في بلد ديمقراطي مش الواحد يفتح التلفزيون ويلاقي محطة أجنبيه ناشرة كل شئ عن البلد وإحنا بنسمع تصريحات ورديه

..
أطيب تحية

ست البيت said...

لم الدور يا خااااااااالو
انت ايه غاوي حرق دم ولا ايه؟
ابن الحزب الوطني البار
سمعني سلام صعبت عليا نفسي

ولا أقولك سمعني سلام آه يا وطن آه يا وطن

وأسأل عليه اللي في الجيش
ابن الحزب الوطني البار
طبعا واحد بيشغلوه شغله حلوة ويجوزوه ليه مش يبقى بااااار
بيهم
انت عاوز الواد يبقى عاق لأهله
وبعدين بيلين ايه ما هي باينه يا جماعة

الحزب لازم يلمع نفسه ولأن ما فيش ماشطة نافعة في هذا الوجه العكر
فقالك ندخل عالم التدوين برجلينا الشمال ...احنا مش حكومة الكمترونية ولا إيه ....
على رأس سعيد صالح أحنا مش في عصر انفتاح ولا ايييييييييييه؟
يبقى لما تيجي عمتي من البلد تشمر بردك وتدون
احنا مش في عصر تدويييييييييييين ولا اييييييييييييييييييييييييييييييه؟

سيبه يا أحمد يمكن يعقل لوحده
واوعوا يا عيال يا بلوجرية تدخلوا عندوا عداد الزوار حيزيد وبكرة نلا قيهم جايبينه في او تي في
قاطعوا مدونات الحزب الوطني

مستنية رايك على بعتهولك على الياهو اوف لاين

Dr.ELsonpaty said...

بعد كده بقى

كل واحد ياخد باله من لغاليغه

قصدى كومنتاته

:D

مواطن مصرى نايم said...

لا يا صباغ مكنتش نزلت اللينك بتاعة حتى
لانك كده اديته حجم اكبر من حجمه
دا حتى مش بيعرف يتكلم
كبر دماغك من العالم دى يا صباغ
دا كده حيكبر و يبقى حاجة على كتافنا لو اهتمينا بيه

أبو أسامة - مدونة كباية شاي said...

السلام عليكم ورحمة الله وبركاته

أنا تقريبا بقالي في عالم المدونين ده في حدود سنة إلا شهر تقريبا

اتعلمت من الكل كتير قوي

من الصباغ والجيزاوي والعميد ميت وآبي وكيارا وميوشة وغيرهم وغيرهم .

اتعلمت منهم حاجات كتير قوي

لكن أهم حاجة في رأيي هي إن أنا أسيب كل واحد يكتب اللى هو عايزه

يعني صاحبنا ده مش عارف يكتب كلمتين عربي على بعض لكن مفيش مشكلة

وكلامه مفيهوش أي منطق خالص وبرضو مفيش مشكلة

المشكلة الحقيقية هي فينا نحن حين نرفض أن يكون له مكان في ساحة التدوين ( هذا إن كنا نملك حق الرفض ) لأننا بذلك نمنع عن الآخرين ما نطالب أن يكون حقا لنا وهو الكتابة بكل حرية .

تحياتي للجميع

fashkool said...

يا جماعه احنا متأخرين 150 سنه عن العالم فى الصناعه وفى التجاره وفى الزراعه وفى السياسه وفى الصحافه وفى كل حاجه - الفجوه الحضاريه بينا وبين العالم كبيره جدا واحنا لينا حل من اثنين .. يا اما نقفل على نفسنا ونعمل زى الصين عشان نطور بلدنا يا اما نفتح جميع الشبابيك ونعمل زى العالم كله لكن مشكلتنا المستعصيه هى الكنبه .. لو الكنبه تتغير كان كل شئ بقى حلو .