خالو أحمد الصباغ

مدونة أحمد الصباغ ترحب بكم .. من الآن لكى تستطيع أن تعبر عن أرائك وغضبك من الاحتلال ومن النظام الحاكم .. فعليك أن تمتلك مدونة .. وحجر .. وحذاء Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed....Welcome to my blog! Here you will find all things about me.. i am 31 years Egyptian Blogger .. i blogging on journalism, Poetry, Caricature, Photography, Arts, Sports.. The main ait for me is to connecting people and to discover myself..Ahmed

Oct 12, 2008

إعملوا نسخة إحتياطية من مدونتكم على وردبرس.

البوست اللى فات ده كان جزء من المطالبة الشعبية البلوجرية لمطالبة جوجل بعودة مدونة الزميلة هاجر ودى من اوائل الناس اللى انا تابعت مدونتها وكانت مدونتها من يومين اتقفلت اجأتن
وهاجر عملت مدونة مؤقتة لغاية ما نشوف جوجل هيعمل ايه
مدونة ايبيتاف الجديدة
المهم دى فرصة اللى مش عامل باك أب للمدونة بتاعتة يعمل
باك أب يعنى يعمل نسخة احتياطية من المدونة سواء على وردبرس او بأى وسيلة أو برنامج تانى
انا هقول باختصار ازاى تعمل نسخة احتياطية من البوستات والكومنتات بتاعتك لأهالى بلوجر
والموضوع ده كان فى ناس كاتبين فيه قبل كدة باستفاضة اكتر
انت هتدخل على موقع وردبرس عادى خالص وهتعمل مدونة بأى إسم
Wordpress
واللى توقف فى إيده الخطوة دى يسأل فى التعليقات واحنا هنجاوبة
بعدين هتظهر شاشة زى دى
ودى الشاشة الرئيسية للتحكم فى مدونة وبردبريس
فوق هتلاقى مجموعة قوائم وهى بالترتيب
dashboard / write / Manage / Comments etc.....
هتدخل على قايمة استيراد
Import
هيقولك انت عايز تعمل استيراد من بلوجر ولا اى موقع
دوس على كلمة بلوجر
هتفتح صفحة هتكتب فيها الاكونت بتاعك على بلوجر
هجيب لك المدونة بتاعتك على بلوجر
او مجموعة المدونات لو انت عامل اكتر من مدونة
وكل مدونة مكتوب جنبها إمبورت
دوس على كلمة إمبورت اللى جنب المدونة اللى انت عايز تحفظها
هيبتدى يعمل استيراد للبوستات والكومنتات بتاعتك
والموضوع ده ممكن ياخد وقت طويل جدا حسب الشغل اللى انت عاملة فى مدونتك
وممكن تسيبة شغال للصبح وتنام
عصفور المدينة كان كاتب عن الموضوع بتفصيل اكتر هنا
انا كمان بكمل الحفظ دلوقت عشان كنت عملته من فترة
وبعمل للموضوعات الجديدة

ودى مدونتى على وردبرس
مدونة أحمد الصباغ

ما حدش يمد ايده عليها دى لسه طازة

ويارب يبعد ولاد الحرام عن مدوناتنا
)))

35 comments:

عصفور المدينة said...

والظريف يا أحمد إن وجود المدونة على وورد بريس يأتيها زوار أيضا هناك وبكثرة وأنا كنت عملت الفكرة أصلا لأن فيه بلاد مانعة جووجل

أنا عندي في وورد بريس 24 ألف زيارة تخيل

وأحب أضيف بوست آخر كنت كتبته للنسخ الاحتياطي المحلي على جهازك
وهو
Backup Today

جزاك الله خيرا

رامز عباس said...

عاوز اعرف ايه سبب

الموضوع دة

ياريت ترد

انا عديت عشرات المواضيع


وبقعد بكافيهات سيبر


وتقولي اعمل استيراد واسيبه مفتوح


طب ازاى

Bella said...

شكرا يااحمد على الموضوع

انا سبق وكنت عاملة مدونة على وورد بريس وقت اخونا عصفور المدينة ماكان قايل انه عمل مدونة احتياطي

بس وقتها مش فاكرة ايه نساني اعمل نسخة لمدونتي

يمكن لاني ماكنتش مركزة اكتر في القراءة وماعرفتش ان المدونة ممكن تتنقل بحالها بدون تدخل مني

كنت فاكرة اني لازم انقل بنفسي التدوينات وده اللى كسلني اكمل

وبعدين نسيت المدونة التانية خالص

ودلوقتي دخلت عليها وبانقل المدونة بتاعتي

طيب مش عايزة اجرب علشان اللخبطة

لو عندي مدونات تانية وعايزة انقلهم وعملت استيراد لهم هل كل واحد ح تبقى منفصلة عن التانيين بمحتوياتها لوحدها يعني ولا كله ح يبقى في مكان واحد كأنها بوستات ورا بعضها

مش عارفة لو عرفت اوضح فكرتي ولا لا؟؟

Ahmed Al-Sabbagh said...

عصفور المدينة

استاذى العزيز ربنا يكرمك على المعلومات الجميلة دايما منك
وانا فعلا هشوف موضوع زوار الوردبرس ده وكويس انك حطيت لنا لينك الموضوع التانى

Ahmed Al-Sabbagh said...

عصفور المدينة
تانى

بليز هو ازاى احنا نحط عداد زوار فى الوردبرس ياريت لو حضرتك تعرف قولى

Ahmed Al-Sabbagh said...

رامز

مش فى كل الاحوال الاستيراد بياخد وقت طويل
وممكن ياخد دقايق بس
جرب وقولى

عصفور المدينة said...

السلام عليكم

سأتطفل وأرد على التعليقات
:)
رامز
سبب الموضوع إن فيه مدونة إبيتاف اتسرق الأكونت واتلغت


بيلا

لو استوردت عدة مدونات حيدمجهم كأنهم مدونة واحدة وأنا جربت الكلام ده

ولو انت حابة انهم يكونوا منفصلين يبقى تعملي كذا مدونة على وورد بريس زي ما انت عاملة هنا في بلوجر


أحمد الصباغ

Design->Widgets->Blog Stats
حتلاقي جنبها زرار
Add


طبعا فيه في الصفحة دي ويدجيتس كثير ممكن تضيفها

Ahmed Al-Sabbagh said...

والله كنت لسه رايح عندك اقولك تجاوب سؤال بيللا عشان مش متأكد

Ahmed Al-Sabbagh said...

ربنا يجازيك كل خير

Bella said...

عصفور المدينة

شكرا على ردك اخي العزيز

انا كمان خفت اجرب علشان كده

خلاص يبقى الحل زي ماانت قلت اني اعمل لكل مدونة مدونة موازية

حلوة موازية دي

هههههههههههههه

هو كويس ان فيه حاجة تنقل وتريحنا كده

بس نفسي اعرف هل ياترى التحديث بيتم اتوماتيك بمجرد مااضيف تدوينة جديدة بتتنقل مباشرة للورد بريس
ولا لازم كل فترة اعمل انعاش للنقل

حلوة انعاش دي

هههههههههههههه

عصفور المدينة said...

بيلا فيه اصطلاح سياسي واصطلاح طبي
:)
وبعدين إيه رأيك نسميها مدونة الظل بدل مدونة موازية


لازم كل فترة تدخلي تعملي استيراد للمدونة
وبعدين حابب أنبه إنه كل مرة بتدخلي تعملي استيراد
=================
بتلاقي فوق
في المدونة لينك اسمه
My Dashboards
وبعدين تختاري
Manage
ثم
Import
ثم
Blogger

طبعا عشان نعمل استيراد جديد هو بيكون واقف على آخر مرة

فبنعمل

Clear Account Information
وبعدين نعمل تاني
Authorize

وبعدين\
Grant Access
وبعدين
Import
=================

الخطوات دي اللي بين الخطين هي الخطوات المتكررة اللي حتعمليها دايما

بس ركزي عشان حيجيب لك كل المدونات بس كل مرة بترتيب مختلف حسب مين آخر واحدة نزل فيها بوست

عصفور المدينة said...

نسيت أقول برضه لو انتي مش داخلة بالأكونت بتاعك اللي في الوورد بريس مش حتلاقي اللينك بتاع

My Dashboards

فلازم تروحي الأول على
wwww.wordpress.com
وتعملي دخول

Bella said...

شكرا شكرا على التوضيح اخي عصفور المدينة

يعني كل مرة اعمل تحديث لازم اعمل تنظيف للمحتوى الاول

ممممممم

علشان مايحصلش تكرار

وممكن نسميها مدونة ظل

ههههههههههههههههه

عصفور المدينة said...

بيلا أنتي فهمتيني غلط
بتعملي
Clear Account Information

مش Clear contents
:)

أما بخصوص التكرار فهو مش بيكرر بالعكس لو كان عندك بوست في الدرافت وجيتي تعملي مرة تانية وكان البوست ده اتنشر بيعدله ويجيب التعليقات ويدمج كمان التعليقات اللي جت لك على بلوجر مع اللي جات لك على ووردبريس

Bella said...

العلام حلو برضه

شكرا اخي عصفور على التوضيح

والله الوورد بريس ده كويس جدا واحنا اللى مش مقدرينه صراحة

انا ح اعمل مدونات تانية بقى وانقل عليها مدوناتي التانية

ربنا يخليكم

ويكرمكم جميعا

وشكرا على المعلومات المفيدة جدا

بس عايزة اعرف احول الوورد بريس انجليزي ازاي

اصلي مش باعرف اقرا القوائم العربي وباتلخبط فيها

هههههههههههههههه

عصفور المدينة said...

صح أنا برضه ماحبيتش القوائم بالعربي واحنا زملاء في محبة اللغة العربية اوعي تنسي

www.wordpress.com

في الصفحة الرئيسية حتلاقي
Preferred Language
أو اللغة المفضلة

وبعدين جوا فيه

http://????????.wordpress.com/wp-admin/profile.php


حتلاقي
Interface language


طبعا حطي مكان علامات الاستفهام اسم المدونة

Bella said...

انا محبة كبيرة للغة العربية

لكن في امور الكمبيوتر مع احترامي يعني

التعريب المعمول ردئ جدا وسخيف كمان

ولاننا لسنا منتجين لهذا العلم علينا التعامل معه بلغته الاصلية لان التعريب مضحك

والعيب طبعا ليس في اللغة المنقول لها العلم

العيب فيمن قام بالتعريب

نقول ايه بقى ربنا يسامحهم

ح اروح انفذ الخطوات فورا

شكرا وربنا يخليك

نبض اسكندرية said...

شكرا يا احمد على المعلومات دى



يا خبر هايحجزوا على ممتلكتنا الالكترونية


هية الناس دى مش فاضية غير لينا ولا اية؟

انا حالا هاروح اعمل الموضوع دة

بس قولى يا احمد صحيح هو مدونتك اخدت قد اية على ما عملت الباك اب دى

متهيألى ولا 3 ايام

ابقة رد عليا

وشكرا للاستاذ عصفور المدينة على مجهوداتة معانا

تحياتى

Ahmed Al-Sabbagh said...

الاستاذ عصفور المدينة وبيللا
اشكركم على النقاش المفيد جدا
وانا فى حاجات كان نفسى اسال عنها وعرفتها من النقاش ده

Ahmed Al-Sabbagh said...

نبض الاسكندرية
هو أخد معايا حوالى 6 ساعات تقريبا

بدراوى said...

احمد

بخصوص عمل أكونت فى ووردبرس


عشان اعمل امبورت لمدونتى على البلوجر

الإختيار الأخير

أختار ايه

Gimme a blog
و لا
Just a username, please.

http://4.bp.blogspot.com/_gHQyrTImarc/SPJ0TQTm4FI/AAAAAAAABEg/HlpGgzVJDtA/s1600-h/wordpress.jpg

بنت مصريه said...

ربنا يكرمك يا احمد
بس اللى انا مش فاهماه
لو عملت الموضوع دا
المدونه هتتنسخ ولا هتتلغى من بلوجر
copy or cut
ارجو الافاده

Bella said...

المدونة ح يتاخد منها نسخة فقط

يعني ح تفضل على بلوجر عادي جدا زي مابنعمل استيراد لمدونتنا على الفيس بوك فبتتنقل التدوينة في النوتس

بس الفرق بقى ان الوورد بريس بيعمل نسخة للتدوينة كلها بتعليقاتها

انا عملت نسخة من مدونتي فنزلت بحالها زي ماهي

nour shahen said...

بشكرك جدا علي النصيحه والمعاونه عليها
وكان نشرك لمدونة عصفور المدينة مفيد بجد
فبارك الله فيك ولك فائق الشكر

ana ga3an said...

السلام عليكم
معلش يا احمد ويا اخوانا
اولا بلوجسبوت مش شركة صغيرة دة دولة سيرفرات ومفيش حاجة اسمها حد يعمل هاك علي مدونة علي سيرفر البلوج سبوت
مستحييييييييييييل
وانا واثق من اللي بقولة دة تماما
جايز الاخت اللي مدونتها اتقفلت
حد اساسا هاك علي جهازها هي شخصيا وسرق باسورد الايميل والمدونة وغير ذلك وقفلها
او هي غلطت ومسحت المدونة من غير قصد
والقانون لا يحمي المغفلين في كلا الحالتين
من الاخر مفيش فايدة من المجهود دة
اخيرا كلام الصباغ كويس احتياطي انسخ المدونة علي الوورد برس
انا عامل كدة فعلا من زمان جدا

سيناء حيث أنا said...

احمد اهلا بك
الموضوع ليس له علاقة بولاد الحرام الموضوع له علاقة بجوجل صاحبة بلوج سبوت ويوتيوب ايضا
لمزيد من التفاصيل
http://alanany.wordpress.com/2008/10/10/

Ahmed Al-Sabbagh said...

شكرا يا جماعة

انا جعان
هو كلامك صح بس انا ما جيبتش سيرة هاك
انا ماقولتش اسباب ضياع المدونة
لانى معرفهاش انا قولت خبر وبعدين قولت الاحتياطى
شكرا لمداخلتك الجميلة

سومه...مجنونه فى بلد عاقل said...

اخص عليك يا خال بقى تكتب البوست اللى فات بالعنجليزى انت مش عارف ان ثقافتى فرنسيه
شكرا على موضوع اللى انت كاتبه دا اما اروح كدا اجرب واقولك
:))

علاء سالم said...

السلام عليكم

فعلاً مهم إن الواحد يعمل نسخه أخرى لمدونته
وكمان السبب اللي ذكرة الأستاذ عصفور المدينه يضاف للشبب اللي انت اتكلمت عنه وهو إن فيه بلاد مانعه البلوجرز من عندها

خالص تحياتي

Soul.o0o.Whisper said...

السلام عليكم و رحمة الله و بركاته


حلو الموضوع دا يا خالو
هأجرب كدا ان شاء الله و اقولك

بس سؤال يعنى

يعنى لا قدر الله ..لا قدر الله
المدونة طارت لأى سبب

أرجعها ازاى من ووردبريس ؟؟؟


و لكم خالص التحية

مهندس مصري said...

معلش خارج سياق الموضوع يا أحمد
بص على آخر بوست عندي
و منتظر تعليقك بالتفصيل

kochia said...

انا شكلي جيت متاخر بعد كل التساؤلات
بس عندي نقطة
الادارة دي اصلا مش فعالة عندي
يعني مش بتفتح حاجة
مش عارفة انا عملت حاجة غلط ولا ايه
هي ممكن تكون مش فعالة ؟

مؤمنه said...

السلام عليكم ورحمة الله وبركاته
جزاك الله كل خير على هذا الموضوع
انا بالفعل بدات فى تنفيذ الخطوات لكن بعد خطوة تفريغ البيانات ما بيجليش خطوة اختيار القالب كما تفضلت حضرتك بالشرح لا جالى ان هيرسل تفعيل على الايميل بتاعى وما ارسلش ليه حاجه والخطوات عندى وقفت لحد كده

برجاء التوضيح
دومت بخير وان كنا هنتقل على حضرتك فى الاسئله
جزاكم الله كل خير
والسلام عليكم ورحمة الله وبركاته

هوندا said...

ياجماعه ليه ووردبريس اذا كان بلوجر فيها الخاصية دى اصلا

ده بوست كنت عاملاه

سمو الأميرة سارة said...

هييييييييه عملت نسخة

ميرسى ليك يا احمد بجد انا حاولت من فترة مع الورد برس ماعرفتش اعمل فيه حاجة

وكنت مرعوبة على مدونتي

شكراً يا خااااااال